ᐂᓮᐊᓯᐅᑉ ᐊᒡᓚᖏᑦ 5:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓄᓇ ᐳᐊᕐᕆᔭᓚᐅᕐᐹ ᐅᔭᕅᔭᕐᓗᒍᓗ; ᐃᓕᐅᕅᕕᒋᓚᐅᕐᐹ ᕔᓂᒃᓴᓂᒃ ᐱᐅᓂᕐᐹᓂᒃ; ᐳᕐᑐᔪᒥᒡᓗ ᕿᑎᖓᓂ ᐃᒡᓗᓕᐅᕐᐳᖅ ᖃᐅᔨᓴᕐᕕᖕᒥᒃ, ᐃᑎᕐᓴᓕᐅᓪᓗᓂᓗ ᕔᓂᒃᓴᓂᒃ ᐃᑦᑏᔧᕕᒃᓴᒥᓂᒃ, ᕔᓂᒃᓮᓪᓗ ᐱᕈᕇᕐᓯᐊᕆᓕᕐᐰᑦ, ᐱᐅᔪᓂᒃ ᓂᕆᐅᒡᓗᓂ, ᕔᓂᒃᓮᓪᓕ ᐱᕈᕇᕋᓗᐊᕐᒪᑕ ᐱᐅᖏᑦᑐᓂᒃ ᐸᐅᕐᖓᖃᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 5:2 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 7:10

ᐃᓂᒃᓴᒥᒃ ᓂᕈᐊᕐᓂᐊᕐᐳᖓ ᐃᓄᖁᑎᒃᑲ ᐃᓴᕆᐊᓕᒥᐅᑦ ᐃᓂᖃᑦᓯᐊᖁᓪᓗᒋᑦ, ᓇᖕᒥᓂᖅ ᓄᓇᖃᖁᓪᓗᒋᑦ, ᐸᕝᕕᓴᒃᑕᐅᖃᑦᑕᖏᓪᓗᑎᒃ ᓇᓪᓕᐊᓐᓄᓪᓘᓐᓃᑦ; ᐃᓴᒋᔭᖃᖏᑦᑐᓄᓪᓗ ᐸᒡᕕᓴᒃᑕᐅᖃᑦᑕᕈᓐᓁᖁᓪᓗᒋᑦ, ᓯᕗᓕᕆᓚᐅᕐᑕᖏᑎᑐᑦ.

ᓂᕼᐃᒤᐊᐅᑉ ᐊᒡᓚᖏᑦ 13:15

ᑍᑦᓱᒪᓂᐅᑎᓪᓗᒍ ᐃᓄᖕᓂᒃ ᔫᑕᒥᐅᓂᒃ ᑕᑯᓚᐅᕐᐳᖓ ᐸᐅᕐᖓᓂᒃ ᕔᓂᒃᓴᓂᒃ ᐃᑦᑏᔧᕕᖕᒥ ᑐᓪᓕᕐᑐᓂᒃ ᓴᐸᑎᐅᑎᓪᓗᒍ, ᓂᐊᖂᔭᒃᓴᓂᒡᓗ ᓇᑲᑎᕐᓯᒪᔪᓂᒃ ᐊᒡᔭᕐᓯᓪᓗᑎᒃ ᓯᐅᑎᖅᑯᕐᑐᔪᖁᑎᒥᖕᓄᑦ ᐅᓯᓕᕐᑐᐃᔪᓂᒃ; ᕔᓂᓂᒡᓗ, ᐸᐅᕐᖓᓂᒡᓗ ᕔᓂᒃᓴᓂᒃ, ᐸᐅᕐᖓᓂᒡᓗ ᐱᒋᓕᖕᓂᒃ, ᐊᓯᖏᓐᓂᒡᓗ ᐅᖁᒤᑦᑐᓂᒃ ᐱᓕᕆᔪᓂᒃ, ᔨᕉᓴᓕᒧᐊᕈᑦᔨᖃᑦᑕᕐᑐᓂᒃ ᐅᓪᓗᖅ ᓴᐸᑎᐅᑎᓪᓗᒍ. ᐃᓂᕐᑎᓚᐅᕐᐸᒃᑲᓕ ᐅᓪᓗᒥ ᑕᕝᕙᓂ ᓂᐅᕐᕈᓯᖃᑦᑕᖁᓇᒋᑦ ᓂᕿᒃᓴᓂᒃ.

ᐃᓐᖏᕈᑎᑦ 80:8

ᓇᐹᕐᑐᖅ ᕔᓂᓕᒃᓴᖅ ᐂᓚᐅᕐᐸᑦ ᐄᑦᔨᑉᑎᒥᑦ; ᐃᓅᖃᑎᒌᒡᔪᐊᑦ ᓄᓇᖏᓐᓂᑦ ᐊᐅᓪᓚᐅᑎᓪᓗᒍ ᓄᓇᖏᓐᓄᑦ ᐃᓕᖔᓚᐅᕐᐸᑦ.

ᐃᓐᖏᕈᑎᑦ 80:9

ᐃᓂᒃᓴᖓᓂᒃ ᐋᖅᑭᒃᓱᐃᓯᒪᓚᐅᕋᕕᑦ; ᓄᓇᐅᑉ ᐃᓗᐊᓄᑦ ᐊᒫᖏᑦ ᐳᓚᒪᑦᓯᐊᕐᑎᑉᐸᑎᑦ ᓄᓇᓕᒫᒥᓗ ᓈᔨᓯᒪᑎᓪᓗᒋᑦ.

ᒨᓯᓯ ᐂᑉᐸᖏᑦ 33:16

ᖃᓄᕐᓕ ᖃᐅᔨᒪᔭᐅᑦᓯᐊᕈᓐᓇᕋᔭᕐᐲᑦ ᐃᓄᖁᑎᖕᓂᒃ ᖁᕕᐊᓲᑎᖃᕐᓂᕐᓂᒃ ᐅᕙᓐᓂᒡᓗ ᐅᕙᑦᑎᓐᓄᑦ ᐱᖃᑕᐅᓂᐊᖏᓪᓗᑎᑦ? ᐃᓕᖕᓄᑦ ᐃᓚᒋᔭᐅᑐᐊᕈᑦᑕ ᐅᐱᓐᓇᕐᑎᑕᐅᓂᕐᓴᐅᒐᔭᕋᑦᑕ ᓯᓚᕐᔪᐊᕐᒥ ᐃᓄᒋᔭᐅᔪᓕᒫᓂᑦ.”

ᐂᓮᐊᓯᐅᑉ ᐊᒡᓚᖏᑦ 1:8

ᓮᐅᓂᐅᑉ ᐸᓂᖓ ᑭᓯᒥ ᐊᒥᐊᒃᑯᑑᕗᖅ, ᐃᒡᓗᕋᓛᑎᑐᑦ ᕔᓂᒃᓮᑦ ᐱᕈᕐᕕᖓᓃᑦᑐᑎᑐᑦ, ᐃᒡᓗᕋᓛᑐᓪᓗ ᑍᒤᑉᐳᖅ ᐱᕈᕐᓰᕕᖕᒥ, ᐃᒡᓗᒐᓴᒡᔪᐊᑦ ᐊᕙᓗᔭᐅᓯᒪᓪᓗᑎᒃ ᐊᑭᕋᕐᑐᕐᑎᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 5:7

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᕔᓂᒃᓴᓕᐅᕐᕕᒋᖕᒪᒋᑦ ᐃᓴᕆᐊᓕᐅᑉ ᑭᖑᕚᖏᑦ; ᔫᑕᐅᓪᓗ ᐃᓄᖏᑦ ᑕᑯᒥᓇᕐᑐᖁᑎᒋᓪᓗᒋᑦ ᐱᕈᕐᓰᕕᖁᑎᒋᕔᑦ; ᓂᕆᐅᒡᕕᒋᓚᐅᕐᐰᑦ ᐊᑦᔨᒌᒃᑎᑦᓯᓂᕐᒥᒃ, ᑭᓯᐊᓂᓕ ᐅᖁᒤᒃᓴᕐᑎᑦᓯᓯᒪᕗᑦ; ᐃᓱᐊᕐᓂᕐᒥᒡᓗ ᓂᕆᐅᒡᕕᒋᓚᐅᕐᐰᑦ, ᕿᐊᔪᓂᒡᓕ ᑐᓵᕗᑦ.

ᔨᕆᒤᐊᐅᑉ ᐊᒡᓚᖏᑦ 11:17

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐱᕈᕐᑎᓚᐅᕋᓗᐊᕐᒪᓯ, ᐃᓴᕆᐊᓕᒥᐅᓪᓕ ᔫᑕᒥᐅᓪᓗ ᐅᕙᓐᓂᒃ ᓂᓐᖓᒃᓮᓯᒪᕗᑦ ᐱᐅᖏᑦᑐᓕᓂᕐᒥᖕᓄᑦ, ᑐᓂᕐᕈᓯᕐᓗᑎᒃ ᒎᑎᓐᖑᐊᒧᑦ ᐰᓕᒧᑦ.”

ᔨᕆᒤᐊᐅᑉ ᐊᒡᓚᖏᑦ 2:21

ᐱᕈᕐᓮᓚᐅᕐᐳᖓ ᐃᓕᖕᓂᒃ ᕔᓂᒃᓴᓂᒃ ᐸᐅᕐᖓᖃᕐᕕᒃᓴᑎᑐᑦ ᓂᕈᐊᕐᑕᐅᓯᒪᔪᑎᑐᑦ, ᐱᐅᓂᕐᐹᒥᒃ ᐱᕈᕐᑐᒃᓴᓂᑦ, ᖃᓄᕐᓕ ᐅᕙᓐᓂᒃ ᓇᕐᕈᓕᓚᐅᕐᓂᕆᕖᑦ? ᐸᐅᕐᖓᖃᕐᕕᒃᓴᑎᑐᑦ ᐱᕈᕐᓂᕐᓗᕕᐅᔪᑎᑐᑦ ᐱᕈᕐᓰᕕᐅᖏᑦᑐᒥ.

ᕼᐆᓯᐊᑉ ᐊᒡᓚᖏᑦ 10:1

ᐃᓴᕆᐊᓕ ᓯᐊᒻᒪᖓᑦᓯᐊᕐᑑᓪᓗᓂ ᕔᓂᓕᒃᓴᐅᕗᖅ; ᐱᕈᕐᑎᑦᓯᒐᒥ ᐃᒻᒥᓄᑐᐊᖅ ᐊᑐᕐᐳᖅ. ᐱᕈᕐᑐᖏᑦ ᐅᓄᕐᓯᕙᓪᓕᐊᖕᒪᑕ ᑐᓂᕐᕈᓯᕐᕕᓕᐅᕐᐸᓪᓕᐊᕗᖅ ᐅᓄᕐᑐᓂᒃ; ᓄᓇᖓᓗ ᐊᔪᕐᓴᕈᓐᓁᕐᐸᓪᓕᐊᖕᒪᑦ, ᓇᐸᔪᓂᒃ ᒎᑎᓐᖑᐊᓂᒃ ᐋᖅᑭᒃᓱᐃᕙᓪᓕᐊᕗᖅ.

ᒤᑲᐅᑉ ᐊᒡᓚᖏᑦ 4:8

“ᐃᕝᕕᓪᓕ, ᓰᐱᓂᒃ ᖃᐅᔨᓴᕐᕕᖕᒦᑦᑐᑎᑦ, ᓮᐅᓂᐅᑉ ᐸᓂᖓᓄᑦ, ᕿᒫᕕᒃᓴᕆᔭᐅᔪᑎᑦ ᐊᖓᔪᖅᑳᕐᔪᐊᖑᓂᖅ ᐱᓯᒪᓚᐅᕐᑍᑦ ᐃᓕᖕᓄᑦ ᐅᑎᕈᒫᕐᐳᖅ; ᐊᖓᔪᖅᑳᕐᔪᐊᖃᕐᓂᖅ ᑎᑭᑦᓱᒫᕐᐳᖅ ᔨᕉᓴᓕᐅᑉ ᐸᓂᖓᓄᑦ.”

ᒨᓯᓯ ᓯᑕᒪᖏᑦ 23:9

ᐃᓐᓈᕈᐃᑦ ᖄᖏᓐᓂᑦ ᐅᔭᕋᓱᒃᔪᖕᓂᑦ ᑕᑯᕙᒃᑲ, ᐱᖑᐃᑦ ᖄᖏᓐᓂᑦ ᑕᐅᑐᒃᐸᒃᑲ; ᑖᕙᓂ! ᐃᓄᐃᑦ ᑕᖕᒫᕐᓯᒪᔪᑦ ᐃᓄᑑᓪᓗᑎᒃ, ᐃᓅᖃᑎᒌᒡᔪᐊᓂᒃ ᐊᓯᒥᓂᒃ ᐃᓚᖃᕆᐊᒥᒃ ᐃᓱᒪᓇᑎᒃ.

ᒫᑎᐅᓯᐅᑉ ᐊᒡᓚᖏᑦ 21:19

ᓇᐹᕐᑐᒥᒡᓗ ᐸᐅᕐᖓᓕᒃᓴᒥᒃ ᐊᖅᑯᑎᐅᑉ ᓴᓂᐊᓃᑦᑐᒥᒃ ᑕᑯᒐᒥ ᐅᐸᒃᐹ, ᓇᓂᓯᓐᖏᓚᕐᓗ ᐱᕈᕐᑐᖏᓐᓂᒃ ᐅᖃᐅᔭᖃᑐᐃᓐᓇᕐᒪᑦ. ᓇᐹᕐᑐᖅ ᐅᖃᐅᑎᕚ, “ᐱᕈᕐᕕᐅᒃᑲᓐᓂᓚᐅᕐᓯᒪᑦᔮᔪᓐᓃᕐᐳᑎᑦ!” ᑕᕝᕔᓐᓇᖅ ᓇᐹᕐᑐᖅ ᐸᐅᕐᖓᓕᒃᓴᖅ ᑐᖁᓕᕗᖅ.

ᒫᑎᐅᓯᐅᑉ ᐊᒡᓚᖏᑦ 21:33

ᔩᓱᓯ ᐅᖃᕐᐳᖅ, “ᑐᓴᒃᑲᓐᓂᓚᐅᕆᑦᓯ ᐊᑦᔨᐅᔫᑉ ᐊᓯᐊᓂᒃ; ᑍᑦᓱᒪᓂ ᓄᓇᖁᑎᓕᒃ ᐸᐅᕐᒐᓂᒃ ᐅᐂᓂᒃᓴᐅᓂᐊᕐᑐᓂᒃ ᐱᕈᕐᓰᕕᖁᑎᒥᓂ ᑲᓐᖓᕐᓱᐃᓚᐅᕐᐳᖅ, ᑖᓐᓇ ᐱᕈᕐᓰᕕᖁᑎᓂ ᐊᕙᓗᓕᐅᕐᐹ, ᐃᑎᕐᓴᓕᐅᕐᓗᒋᓪᓗ ᐅᐂᓂᖃᐅᑎᒃᓴᓂᒃ ᐋᖅᑭᒃᓱᐃᓚᐅᕐᐳᖅ, ᐳᕐᑐᔪᒥᒃ ᖃᐅᔨᓴᕐᕕᒃᓴᒥ ᓴᓇᓪᓗᓂ, ᐱᕈᕐᓰᕕᒃ ᐊᑐᕐᑕᐅᑎᑉᐹ ᐱᕈᕐᓰᕕᖕᒥᒃ ᑲᒪᔨᓄᑦ, ᓄᓇᐅᓪᓗ ᐊᓯᐊᓄᑦ ᐊᐅᓪᓚᕐᖢᓂ.

ᒫᑎᐅᓯᐅᑉ ᐊᒡᓚᖏᑦ 21:34

ᐸᐅᕐᖓᓂᒡᓕ ᑲᑎᕐᓯᕕᒃ ᓇᓪᓕᐅᑎᓕᕐᒪᑦ, ᐱᔨᓂ ᑎᓕᕔᑦ ᐱᕈᕐᓰᕕᖕᒥᒃ ᑲᒪᔨᓄᑦ ᑲᑎᕐᓱᕐᑕᖏᓐᓂᒃ ᐸᐅᕐᖓᓂ ᐱᖃᑕᐅᔪᒪᓪᓗᓂ;

ᒫᑯᓯᐅᑉ ᐊᒡᓚᖏᑦ 11:13

ᓇᐹᕐᑐᒥᒃ ᐱᒋᓕᖕᓂᒃ ᐸᐅᕐᖓᓕᒃᓴᒥᒃ ᑕᑯᒐᒥ ᐅᖓᓯᒃᑐᒦᑎᓪᓗᒍ ᓱᓕ, ᐅᖃᐅᔭᖏᑦ ᐱᕈᕐᓯᒪᑦᓯᐊᓕᕐᑐᓂᒃ, ᐅᐸᒃᐹ ᐸᐅᕐᖓᓂᒃ ᐱᑕᖃᕐᒪᖔᑦ ᑕᑯᔭᕐᑐᕐᓗᒍ, ᐅᐸᒃᑲᒥᐅᒃ ᑕᑯᕚ, ᐅᖃᐅᔭᖃᑐᐃᓐᓇᕐᑐᖅ, ᐸᐅᕐᖓᖃᕐᕕᒃᓴᖓ ᓱᓕ ᓈᒻᒪᒃᓯᓯᒪᖏᒻᒪᑦ.

ᒫᑯᓯᐅᑉ ᐊᒡᓚᖏᑦ 12:1

ᔩᓱᓯᐅᑉ ᐊᔪᕆᕐᑐᕐᐰᑦ ᐊᑦᔨᐅᔪᑎᒍᑦ, ᐅᖃᕐᓗᓂ: “ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᐱᕈᕐᓰᕕᖕᒥᓂ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔪᒥᒃ, ᐃᑎᕐᓴᓕᐅᕐᓗᓂ ᐅᐂᓂᑦ ᐃᑦᓯᔭᕐᑕᐅᕕᒃᓴᖓᓂᒃ, ᑕᕝᕙᓂ ᐃᒡᓗᓕᐅᕐᐳᖅ ᐳᕐᑐᔪᒥᒃ ᖃᐅᔨᓴᕐᕕᒃᓴᒥᒃ, ᐱᕈᕐᓰᕕᒃ ᐊᑐᕐᑕᐅᑎᑉᐹ ᑲᒪᔨᐅᓂᐊᕐᑐᓄᑦ, ᐱᔭᕇᕋᒥ ᓄᓇᐅᑉ ᐊᓯᐊᓄᑦ ᐊᐅᓪᓚᕐᐳᖅ.

ᒫᑯᓯᐅᑉ ᐊᒡᓚᖏᑦ 12:2

ᐱᕈᕐᑐᓂᒃ ᐅᐂᓂᒃᓴᓂᒃ ᑲᑎᕐᓯᕕᒃ ᓇᓪᓕᐅᑎᖕᒪᑦ, ᐱᔨᒥᓂᒃ ᑎᓕᓯᕗᖅ ᐱᕈᕐᓰᕕᖕᒥᒃ ᑲᒪᔨᐅᑎᑕᒥᓄᑦ, ᑖᓐᓇ ᐂᒃᓯᖁᓪᓗᒍ ᐱᕈᕐᑐᕕᓃᑦ ᐃᓚᖏᓐᓂᒃ ᐱᑎᑕᐅᔪᒪᓪᓗᓂ.

ᕉᒪᒥᐅᓄᑦ 9:4

ᑖᒃᑯᐊ ᐃᓴᕆᐊᓕᒥᐅᖑᕗᑦ; ᕿᑐᕐᖓᐅᓂᕐᒥᒡᓗ ᐱᖃᕐᐳᑦ, ᓂᕐᑐᕐᓇᕐᓂᕐᒥᒃ ᖃᐅᔨᑎᓯᒪᕔᑦ; ᐊᖏᖃᑎᒌᖕᓂᕐᒥᒡᓗ ᐱᑎᓯᒪᓪᓗᒋᑦ, ᐱᖁᔭᓂᒃ ᑐᓂᓯᕕᒋᓯᒪᕔᑦ, ᑐᒃᓯᐊᖃᑦᑕᕐᓂᕐᒥᒡᓗ ᐊᑐᕐᐳᑦ, ᐊᖏᕐᕕᒋᓯᒪᓪᓗᓂᖏᓪᓗ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:7

ᐅᓇᑕᕐᑐᒃᓴᓪᓘᓐᓃ ᐊᑐᕐᓂᐊᕐᑕᒥᓂᒃ ᓇᖕᒥᓂᖅ ᐊᑭᓖᓲᖑᕚ? ᓇᓪᓕᐊᑦ ᐱᕈᓰᕕᖁᑎᓕᒃ ᐅᐂᓂᒃᓴᓂᒃ ᑲᓐᖓᕐᓱᓚᐅᕐᑕᒥ ᐱᕈᕐᑐᖏᓐᓂᒃ ᓂᕆᕙᓐᖏᓛᖅ? ᓇᓪᓕᐊᓪᓗ ᐆᒪᔪᓂᒃ ᑲᒪᔨᐅᔪᖅ ᐆᒪᔪᖁᑎᒥ ᐃᒻᒧᖏᓐᓂᒃ ᐃᒻᒧᒃᑖᕐᕕᖃᕐᐸᓐᖏᓛᖅ?

ᒨᓯᓯ ᑕᓪᓕᒪᖏᑦ 32:6

ᑍᒫᒃ ᐊᑕᓂᖅ ᐊᑭᓂᐊᕐᕕᒋᕕᓯᐅᒃ? ᓯᓔᑦᑑᔪᓯ ᑐᑭᖃᖏᑦᑐᓯᓗ ᐃᓅᔪᓯ. ᑖᓐᓇ ᐊᑖᑕᒋᓐᖏᓚᓯᐅᒃ? ᑖᑦᓱᒪ ᓴᓇᓚᐅᓐᖏᓛᓰ? ᑖᑦᓱᒪ ᐱᓐᖑᕐᑎᓚᐅᓐᖏᓛᓰ ᐃᓂᑖᕐᑎᓪᓗᓯᓗ?

ᐃᓗᐊᕐᓮᔩᑦ ᐊᒡᓚᖏᑦ 16:4

ᑕᒪᑐᒪ ᑭᖑᕐᖓᒍᑦ ᐅᖓᒋᔭᖃᓕᕐᐳᖅ ᐊᕐᓇᒥᒃ ᓱᕆᒃ ᓇᕐᓴᖓᓂᒥᐅᑕᕐᒥᒃ, ᐊᑎᓕᖕᒥᒃ ᑎᓔᓚᒥᒃ.