ᐂᓮᐊᓯᐅᑉ ᐊᒡᓚᖏᑦ 5:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᕿᓚᖕᒥᐅᒐᓴᒡᔪᐃᓪᓕ ᐊᑕᓂᖓᑦ ᐊᖏᒡᓕᑎᑕᐅᔪᒫᕐᐳᖅ ᐃᖅᑲᕐᑐᐃᑦᓯᐊᕐᓂᒃᑯᑦ, ᒎᑎᓗ ᐃᑦᔪᕐᓁᑦᑐᖅ ᐃᒻᒥᓂᒃ ᓴᖅᑭᑎᑦᓱᒫᕐᐳᖅ ᐃᑦᔪᕐᓁᓐᓂᕐᒥ ᓇᓛᒎᕐᓂᕐᒥᓗ.

ᐂᓮᐊᓯᐅᑉ ᐊᒡᓚᖏᑦ 5:16 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 29:11

ᐊᑕᓃᖅ ᐱᒋᒐᕕᒋᑦ ᐊᖏᔪᕐᔪᐊᖑᓂᖅ, ᐱᔪᓐᓇᕐᓂᕐᓗ, ᓂᕐᑐᕐᓇᕐᓂᖅ, ᓵᓚᖃᕐᓂᕐᓗ, ᐊᖓᔪᖅᑲᐅᓂᕐᓗ; ᕿᓚᖕᒦᑦᑐᓕᒫᑦ ᓄᓇᒦᑦᑐᓕᒫᓪᓗ ᐱᒋᒐᕕᒋᑦ; ᐊᑕᓂᐅᓂᖅ ᐱᒋᒐᕕᐅᒃ, ᐊᑕᓃᖅ, ᐊᖏᒡᓕᑎᑕᐅᕗᑎᑦ ᐊᖓᔪᖅᑳᕐᔪᐊᖑᓪᓗᑎᓪᓗ ᑕᒤᓐᓄᓕᒫᖅ.

ᐃᓐᖏᕈᑎᑦ 21:13

ᐊᑕᓃᖅ, ᐊᖏᔪᕈᕐᑎᑕᐅᓕᕆᑦ, ᓴᓐᖏᔫᓃᑦ ᐱᓪᓗᒍ! ᐅᕙᒍᑦ ᐃᓐᖏᕐᓂᐊᕐᐳᒍᑦ ᐱᔪᓐᓇᕐᓃᑦ ᓂᕐᑐᕐᓗᒍ.

ᐃᓐᖏᕈᑎᑦ 46:10

ᓄᖅᑲᕐᓗᓯ, ᖃᐅᔨᓕᕆᑦᓯ ᒎᑎᐅᒐᒪ; ᐃᓅᖃᑎᒌᒡᔪᐊᓂᑦ ᐊᖏᔪᕈᕐᑎᑕᐅᔪᒫᕋᒪ, ᓄᓇᕐᔪᐊᒥ ᐊᖏᔪᕈᕐᑎᑕᐅᔪᒫᕐᐳᖓ.

ᐃᓐᖏᕈᑎᑦ 9:16

ᐊᑕᓂᖅ ᖃᐅᔨᒪᔭᐅᕗᖅ ᐃᖅᑲᕐᑐᐃᓂᖏᑕ ᐱᓂᐊᕐᓂᖏᑎᒍᑦ; ᐱᐅᖏᑦᑐᓕᔪᑦ ᓂᒐᕐᓯᒪᕗᑦ ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓯᒪᔭᒥᖕᓄᑦ. ᐃᓱᒪᒃᓴᕐᓯᐅᕐᓂᖅ ᑐᒃᓯᐊᕐᓂᒃᑯᑦ. ᓰᓚ

ᐂᓮᐊᓯᐅᑉ ᐊᒡᓚᖏᑦ 12:4

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᑎᑦ: “ᐊᑕᓂᖅ ᓂᕐᑐᕐᑕᐅᓕ, ᐊᑎᖓ ᑍᓗᒍ ᑐᒃᓯᐊᕐᕕᒋᓯᐅᒃ; ᐱᓂᐊᕐᓂᖏᑦ ᐅᖃᐅᓯᕆᓗᒋᑦ ᐃᓅᖃᑎᒌᒡᔪᐊᓄᑦ, ᐊᑎᖓ ᐊᖏᔪᕈᕐᑎᓪᓗᒍ ᐅᖃᐅᓯᕆᓯᐅᒃ.

ᐂᓮᐊᓯᐅᑉ ᐊᒡᓚᖏᑦ 2:11

ᐊᖑᑎᐅᑉ ᐱᐅᔪᕆᓂᕐᒧᑦ ᑕᑯᔭᐅᑎᓐᓇᓱᐊᕐᓂᖓ ᒥᒃᓕᓕᕐᑎᑕᐅᔪᒫᕐᐳᖅ, ᐃᓄᐃᓪᓗ ᐱᐅᔪᕆᔪᑦ ᒥᑭᒡᓕᑎᑕᐅᓗᑎᒃ, ᐊᑕᓂᖅ ᑖᓐᓇᑐᐊᖅ ᐊᖏᒡᓕᑎᑕᐅᔪᒫᕐᐳᖅ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ.

ᐂᓮᐊᓯᐅᑉ ᐊᒡᓚᖏᑦ 2:17

ᐃᓅᓪᓗ ᐱᐅᔪᕆᓂᖓ ᒥᑭᒡᓕᑎᑦᓱᒫᕐᐹ, ᐃᓄᐃᓪᓗ ᐱᐅᔪᕆᓂᖏᑦ ᒥᑭᔪᕈᕐᑎᓪᓗᒋᑦ; ᐊᑕᓂᖅ ᑖᓐᓇᑐᐊᖅ ᐊᖏᔪᕈᕐᑎᑕᐅᔪᒫᕐᐳᖅ ᐅᓪᓗᒥ ᑖᑦᓱᒪᓂ.

ᐂᓮᐊᓯᐅᑉ ᐊᒡᓚᖏᑦ 2:9

ᑍᒤᒻᒪᑦ ᐃᓄᐃᑦ ᒥᑭᒡᓕᑎᕐᑎᑕᐅᕗᑦ, ᐊᖑᑎᓪᓗ ᐊᑐᓂᑦ ᓱᓇᐅᔪᓐᓃᕐᑎᑕᐅᓪᓗᑎᒃ; ᑍᒤᒻᒪᑦ ᐳᐃᒍᕐᑍᓕᒃᑭᑦ!

ᐂᓮᐊᓯᐅᑉ ᐊᒡᓚᖏᑦ 28:17

ᓱᓕᔪᒥᒡᓗ ᐃᖅᑲᕐᑐᐃᓂᖅ ᐆᒃᑐᕋᐅᑎᒋᔪᒫᕐᐸᕋ, ᓇᓛᒎᕐᓂᕐᓗ ᒪᑭᑕᑦᓯᐊᓕᕐᑐᕐᓯᐅᑎᒋᓗᒍ, ᑕᕝᕙ ᓇᑕᖅᑯᕐᓁᑦ ᓴᒡᓗᕿᑦᓯᓂᒃᑯᑦ ᕿᒫᕕᐅᕐᓯᒪᔪᓂᒃ ᐲᔧᔪᒫᕐᐳᑦ, ᐃᔨᕐᓯᒪᕕᐅᔪᓪᓗ ᐃᒪᕐᒧᑦ ᑕᑕᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 29:23

ᑭᖑᕚᒥᖕᓂᒃ ᑕᑯᓕᕈᑎᒃ, ᐊᒡᒐᓐᓄᑦ ᓴᓇᓚᐅᕐᑕᓐᓂᒃ, ᐊᑯᓐᓂᕐᒥᖕᓂ ᐊᑎᕋ ᐃᑦᔪᕐᓁᑎᑦᓱᒫᕐᐹᑦ; ᔧᑰᑉ ᐃᑦᔪᕐᓁᑦᑐᖁᑎᖓ ᐃᑦᔪᕐᓁᑎᑦᓱᒫᕐᐹᑦ, ᑕᑕᒥᓐᓂᐊᕐᓗᑎᒡᓗ ᐃᓴᕆᐊᓕᒥᐅᑦ ᒎᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 30:18

ᐊᑕᓂᕐᓕ ᐅᑕᖅᑭᕗᖅ, ᐃᓕᑦᓯᓐᓂᒃ ᐱᑦᓯᐊᕐᕕᖃᕈᒪᓪᓗᓂ; ᑍᒤᒻᒪᑦ ᒪᑭᑦᓱᒫᕐᐳᖅ ᓂᑲᒍᓱᖕᓂᕐᒥᓂᒃ ᖃᐅᔨᑎᑦᓱᒪᓪᓗᓯ, ᐊᑕᓂᖅ ᒎᑎᐅᖕᒪᑦ ᐊᑦᔨᒌᒃᑎᑦᓯᔪᖅ; ᖁᕕᐊᓱᒍᑎᒃᓴᖃᕐᐳᑦ ᐊᑕᓂᕐᒥᒃ ᐅᑕᖅᑭᔪᓐᓇᕐᑐᓕᒫᑦ.

ᐂᓮᐊᓯᐅᑉ ᐊᒡᓚᖏᑦ 33:10

ᐊᑕᓂᖅ ᐅᖃᕐᐳᖅ, “ᒫᓐᓇ ᒪᑭᓐᓂᐊᓕᕐᐳᖓ, ᐅᕙᓐᓂᒃ ᖃᐅᔨᔭᐅᑎᓪᓗᖓ, ᒫᓐᓇ ᐊᖏᔪᕈᕐᑎᑕᐅᖁᓪᓗᖓ.

ᐂᓮᐊᓯᐅᑉ ᐊᒡᓚᖏᑦ 33:5

ᐊᑕᓂᖅ ᐊᖏᔪᕈᕐᑎᑕᐅᕗᖅ, ᖁᑦᓯᒃᑐᒥ ᐃᓂᖃᕐᒪᑦ; ᓮᐅᓂ ᑕᑕᑎᑦᓱᒫᕐᐹ ᐊᑦᔨᒌᒃᑎᑦᓯᓂᕐᒥᒃ ᓇᓛᒎᑦᓯᐊᕐᓂᕐᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 6:3

ᑖᒃᑯᐊᓗ ᐃᒻᒥᖕᓄᑦ ᕾᒐᓛᖃᑦᑕᐅᑎᕗᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ! ᐱᓐᓇᕐᓇᕐᓂᕐᔪᐊᖓ ᑕᑍᓯᒪᕗᖅ ᓄᓇᕐᔪᐊᕐᒥᒃ!”

ᐂᓮᐊᓯᐅᑉ ᐊᒡᓚᖏᑦ 61:8

ᐅᕙᖓ ᐊᑕᓂᖅ ᖁᕕᐊᒋᔭᖃᕋᒪ ᐊᑦᔨᒌᒃᑎᑦᓯᓂᕐᒥᒃ, ᐆᒥᓱᒡᓗᖓᓗ ᑎᒡᓕᒐᕐᓂᕐᒥᒃ ᓈᒻᒪᖏᑦᑐᓕᓂᕐᒥᒡᓗ; ᓱᕐᕋᔪᐃᑦᑑᓂᓐᓄᑦ ᐱᔭᕆᐊᖃᕐᑕᖏᓐᓂᒃ ᐊᑭᓕᕈᒫᕐᐸᒃᑲ, ᐊᖏᖃᑎᒌᒍᑎᓕᐅᕐᓗᖓᓗ ᑖᒃᑯᓄᖓ ᐃᓱᖃᖏᑦᑐᒧᑦ ᑐᕌᖓᔪᒥᒃ.

ᐂᓮᐊᓯᐅᑉ ᐊᒡᓚᖏᑦ 8:13

ᕿᓚᖕᒥᐅᒐᓴᒡᔪᐃᓪᓕ ᐊᑕᓂᖓᑦ, ᑖᑦᓱᒪ ᐃᑦᔪᕐᓁᑦᑑᓂᖓ ᐃᒃᐱᒋᑦᓯᐊᕋᒃᓴᕆᕙᑦ; ᑖᓐᓇ ᓯᕘᕋᒋᔭᒃᓴᕆᕙᑦ, ᑖᓐᓇᓗ ᑭᓯᒥ ᐃᓕᕋᒋᔭᒃᓴᕆᕙᑦ.

ᐃᓯᑭᐊᓕᐅᑉ ᐊᒡᓚᖏᑦ 20:41

ᑐᓂᕐᕈᑏᑦ ᑎᐱᑦᓯᐊᕆᖕᓂᖏᓐᓄᑦ ᐃᓚᓕᐅᕈᒫᕐᐸᑦᓯ, ᓄᓇᓂᑦ ᓯᐊᒻᒪᕐᑎᑕᐅᓯᒪᕕᒋᔭᑦᓯᓐᓂᑦ ᐅᑎᕐᑎᒃᑯᑦᓯ; ᐃᑦᔪᕐᓁᓐᓂᕋ ᐃᓕᑦᓯᓐᓄᑦ ᓴᖅᑭᑎᑦᓱᒫᕐᐸᕋ ᐃᓅᖃᑎᒌᒡᔪᐊᑦ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 28:22

ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓮᑐᓃ ᐊᑭᕋᕐᑐᓕᕐᐸᒋᑦ, ᐊᑯᓐᓇᑦᓯᓐᓂ ᓂᕐᑐᕐᓇᕐᓂᕋ ᓴᖅᑭᑎᓐᓂᐊᕐᐸᕋ. ᖃᐅᔨᔪᒫᕐᐳᓪᓗ ᐅᕙᖓᐅᒐᒪ ᐊᑕᓂᖅ, ᐃᓕᑦᓯᓐᓂᒃ ᓱᒋᐊᕐᓯᓕᕈᒪ, ᐃᑦᔪᕐᓁᓐᓂᕋᓗ ᓴᖅᑭᑎᒃᑯᒃᑯ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 28:25

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᑦ ᑲᑎᕐᓱᓕᕈᒃᑭᑦ ᐃᓄᖕᓂᑦ ᓯᐊᒻᒪᕐᑎᑕᐅᕕᖏᓐᓂᑦ, ᐃᑦᔪᕐᓁᓐᓂᕋᓗ ᑖᒃᑯᑎᒎᓇᖅ ᓴᖅᑭᑎᓕᕈᒃᑯ ᐃᓅᖃᑎᒌᒡᔪᐊᓄᑦ, ᑕᕝᕙ ᐃᓴᕆᐊᓕᒥᐅᑦ ᓇᖕᒥᓂᖅ ᓄᓇᒥᖕᓂ ᓄᓇᖃᓕᕈᒫᕐᐳᑦ ᐱᔨᓐᓄᑦ ᔧᑯᒧᑦ ᑐᓂᓚᐅᕐᑕᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 36:23

ᐊᑎᕐᒪᓗ ᐃᑦᔪᕐᓁᑦᑐᕐᔪᐊᖑᓂᖓ ᖃᐅᔨᔭᐅᑎᓐᓂᐊᕐᐸᕋ, ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᓇᕐᕈᓇᕐᓯᑎᑕᐅᓚᐅᕐᑐᖅ, ᑖᒃᑯᓄᖓᓗ ᓇᕐᕈᓇᕐᓯᑎᓚᐅᕐᑕᑦᓯ; ᑕᕝᕙ ᐃᓅᖃᑎᒋᒡᔪᐊᑦ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐊᑕᓂᖅ ᒎᑎ ᐅᖃᕐᐳᖅ, ᐊᑐᕐᓂᐊᕐᐸᑦᓯ ᐃᑦᔪᕐᓁᑦᑑᓂᓐᓂᒃ ᖃᐅᔨᔭᐅᑎᓕᕈᒪ ᐃᓅᖃᑎᒌᒡᔪᐊᑦ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 38:16

ᐃᓄᖁᑎᒃᑲ ᐃᓴᕆᐊᓕᒥᐅᑦ ᐅᓇᑕᕆᐊᕈᒫᕐᐸᓯ, ᓄᕗᔭᒧᑦ ᓄᓇ ᐅᓕᒃᑕᐅᔪᑎᑐᑦ ᑍᒤᑦᓱᒫᕐᐸᓯ. ᑖᒃᑯᓇᓂ ᐅᓪᓗᐃᑦ ᑭᖑᓪᓕᖏᓐᓂ ᑎᓕᔪᒫᕐᐸᒋᑦ ᑎᒍᓯᔭᕐᑐᕐᑎᓪᓗᓯ ᓄᓇᖁᑎᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᓕᖁᓪᓗᒋᑦ ᐅᕙᓐᓂᒃ, ᐃᓕᖕᓂᒃ ᐊᑐᕐᓗᖓ ᒑᒡ, ᐃᑦᔪᕐᓁᑦᑑᓂᕋ ᖃᐅᔨᔭᐅᑎᑦᓱᒫᕐᐸᕋ ᑖᒃᑯᐊ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 38:23

ᑍᒫᒡᓗ ᐊᔪᖏᑦᑐᕐᔪᐊᖑᓂᕋ ᐃᑦᔪᕐᓁᓐᓂᕋᓗ ᖃᐅᔨᔭᐅᑎᑦᓱᒫᕐᐸᕋ ᐃᓅᖃᑎᒌᒡᔪᐊᓄᑦ ᑕᑯᔭᐅᑎᓪᓗᒍ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᒨᓯᓯ ᐱᖓᔪᖏᑦ 10:3

ᑕᕝᕙ ᒨᓯᓯᐅᑉ ᐂᕉᓂ ᐅᖃᐅᑎᕚ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕋᒥ; ‘ᐅᕙᓐᓄᑦ ᖃᒡᓕᔪᓄᑦ ᐃᑦᔪᕐᓁᓐᓂᓐᓂᒃ ᓇᓗᓁᕐᓯᓂᐊᕐᐳᖓ; ᐃᓄᐃᑦ ᑕᒃᑯᐊᓐᓂ ᐅᐱᒋᔭᐅᓂᐊᕐᐳᖓ.’” ᐂᕉᓂᓗ ᓂᓪᓕᓐᖏᓚᖅ.

ᒨᓯᓯ ᓯᑕᒪᖏᑦ 20:13

ᑍᒫᒃ ᐱᔪᖃᓚᐅᕐᐳᖅ ᐃᒪᕐᒥᒃ ᓄᓇᒥ ᒥᕆᐸᒥ, ᐃᓴᕆᐊᓕᒥᐅᑦ ᐂᕙᓚᐅᕐᒪᑕ ᐊᑕᓂᕐᒧᑦ, ᐃᑦᔪᕐᓁᓐᓂᕐᒥᓂᒡᓗ ᓴᖅᑭᑎᑦᓯᓚᐅᕐᒪᑦ ᑖᒃᑯᓄᖓ.

ᕉᒪᒥᐅᓄᑦ 2:5

ᓯᑎᔪᐊᓘᓂᕐᓄᑦ ᐆᒻᒪᑎᒃᑯᓪᓗ ᖃᕿᐊᓕᕈᒪᖏᓐᓂᕐᓄᑦ ᐃᓕᖕᓂᒃ ᖁᒥᐅᑎᒋᓕᕐᐳᑎᑦ ᐅᓪᓗᒧᑦ ᒎᑎᐅᑉ ᓂᓐᖓᒡᕕᒃᓴᖓᓄᑦ ᐃᖅᑲᕐᑐᐃᓂᖓ ᓈᒻᒪᓈᑦᓯᐊᕐᑐᖅ ᓴᖅᑭᑉᐸᑦ.

ᐲᑦᑐᕉᓯ ᓯᕗᓪᓖᑦ 1:16

ᐊᒡᓚᒃᓯᒪᖕᒪᑦ, “ᐃᑦᔪᕐᓁᑦᑕᕆᐊᖃᕐᐳᓯ, ᐃᑦᔪᕐᓁᑦᑑᒐᒪ.”

ᐲᑦᑐᕉᓯ ᓯᕗᓪᓖᑦ 2:15

ᒎᑎᐅᑉ ᐱᔪᒪᔭᕆᕚ ᐱᓂᐊᑦᓯᐊᕐᓂᑦᓯᒍᑦ ᐅᖃᐅᓯᒃᓮᕈᑦᔨᖅᑯᓪᓗᓯ ᐃᓄᖕᓂᒃ ᓯᓔᓐᓂᕐᒧᑦ ᖃᐅᔨᒪᖏᑦᑐᓂᒃ.

ᐲᑦᑐᕉᓯ ᓯᕗᓪᓖᑦ 3:15

ᐆᒻᒪᑎᑦᓯᒍᑦ ᙭ᔅᑑᓯ ᐅᐱᒋᑦᓯᐊᕐᓯᐅᒃ ᐊᑕᓂᕆᓗᒍᓗ. ᑍᒪᓐᖓᓕᒫᖅ ᐅᐸᓗᖕᒊᕐᓯᒪᓗᓯ ᓇᓗᓁᕐᓯᖁᔭᐅᒍᑦᓯ ᓂᕆᐅᖕᓂᕆᔭᑦᓯᓐᓂᒃ, ᑭᐅᑦᔪᑎᒋᔭᓯ ᓂᑲᒍᓱᖕᓂᖃᕐᓗᑎᒃ ᐅᐱᒍᓱᖕᓂᖃᑦᓯᐊᖁᓪᓗᒋᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:7

“ᐱᓚᑕᐅᓪᕕᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᐃᑦᔪᕐᓁᑦᑑᔪᒥᑦ, ᓱᓕᔪᒥᑦ, ᐅᒃᑯᐃᕈᑎᒥᒃ ᐱᓯᒪᔪᒥᑦ ᑍᕕᑎᐅᑉ ᐅᒃᑯᐃᕈᑎᖓᓂᒃ, ᐅᒃᑯᐊᖅ ᐅᒃᑯᐃᕐᐸᒍ ᑭᓇᒧᓪᓘᓐᓃᑦ ᐅᑯᐊᕐᑕᐅᓂᐊᓐᖏᓚᖅ, ᐅᒃᑯᐊᕐᐸᒍ ᑭᓇᒧᓪᓘᓐᓃᑦ ᐅᒃᑯᐃᕐᑕᐅᓂᐊᓐᖏᓚᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:8

ᐆᒪᔪᑦ ᓯᑕᒪᑦ, ᐃᓴᕈᖃᕐᐳᑦ ᐊᑐᓂᑦ ᐱᖓᓲᔪᕐᑐᓂᒃ, ᐃᔨᖃᕐᓗᑎᒡᓗ ᐃᓗᒥᒃᑎᒍᑦ ᓯᓚᑎᓕᒫᒥᒃᑎᒍᓪᓗ, ᐅᓪᓘᑎᓪᓗᒍᓗ ᐅᓐᓄᐊᒥᓗ ᓄᖅᑲᔪᐃᑦᑑᓪᓗᑎᒃ ᐃᓐᖏᕐᐳᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐊᑕᓂᖅ ᒎᑎ ᐊᔪᒐᖃᖏᑦᑐᖅ, ᑍᒤᓚᐅᕋᒥ ᒫᓐᓇᓗ ᑍᒤᑦᑐᖅ ᑍᒤᖏᓐᓇᕐᓂᐊᕐᑐᕐᓗ ᓯᕗᓂᕐᒥ!”