25 ᐊᑕᓂᕐᓕ ᐃᒫᒃ ᐅᖃᕐᐳᖅ: “ᓴᓐᖏᔪᕐᔪᐊᓄᑦ ᑎᒍᔭᐅᓯᒪᔪᑦ ᐊᐅᓪᓚᕈᑦᔭᐅᔪᒫᕐᐳᑦ, ᑲᑉᐱᐊᒋᔭᖃᖏᑦᑐᓪᓗ ᐱᓯᒪᔭᖏᑦ ᓴᐳᑎᔭᐅᔪᒫᕐᐳᑦ; ᐃᓕᑦᓯᓐᓂᒃ ᐊᑭᕋᕐᑐᕐᑐᑦ ᐊᑭᕋᕐᑐᕐᓂᐊᕆᕙᒃᑲ, ᕿᑐᕐᖓᓯᓗ ᐱᐅᓕᔪᒫᕐᐸᒃᑲ.
ᓮᒻᒪᕐᑎᑦᓱᒫᕐᐸᒃᑲ ᐃᓕᖕᓂᒃ ᓮᒻᒪᕐᑎᑦᓯᔪᑦ; ᓇᕐᕈᓇᕐᑎᑦᓯᔪᑦ ᓇᕐᕈᓇᕐᓯᑎᑦᓱᒫᕐᐸᒃᑲ; ᐊᖅᑯᑎᒋᓗᑎᓪᓗ ᐃᓚᒌᓕᒫᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ.”
ᐊᑕᓃᖅ, ᐊᑭᕋᕐᑐᕐᑎᒃᑲ ᐊᑭᕋᕐᑐᒃᑭᑦ; ᐅᕙᓐᓂᒃ ᐅᓇᑕᕐᑐᑦ ᐅᓇᑕᖃᑎᒋᒃᑭᑦ.
ᐅᓪᓗᒥ ᑍᑦᓱᒪᓂ ᓇᓪᓕᐅᑎᔪᒫᕐᐳᖅ ᓇᖕᒪᒃᑎᑦᓯᓂᖏᑕ ᐲᕐᑕᐅᕕᒃᓴᖓ ᑐᐃᑦᓯᓐᓂᑦ, ᓇᖕᒪᐅᑕᖏᑕᓗ ᓯᖁᒥᑕᐅᓂᖏᑦ ᖁᖓᓯᑦᓯᓐᓂᑦ, ᓇᖕᒪᐅᑍᑦ ᓄᖑᑎᑕᐅᔪᒫᕐᐳᑦ ᐅᕐᓱᖅ ᒥᖑᐊᕈᑕᐅᔪᖅ ᐱᑦᔪᑎᒋᓗᒍ.
ᐃᓅᖃᑎᒌᒡᔪᐊᓄᑦ ᑎᓕᕙᕋ ᒎᑎᖃᖏᑦᑐᓄᑦ, ᐂᖁᓪᓗᒍ ᐃᓅᖃᑎᒌᓄᑦ ᓂᓐᖓᐅᒪᕕᒋᔭᓐᓄᑦ. ᓵᓚᒋᔭᒥ ᐱᖏᓐᓂᒃ ᐱᑖᖁᓪᓗᒍ, ᐊᕐᓵᕐᓯᖁᓪᓗᒍᓗ ᓵᓚᒋᔭᒥᓂᒃ, ᑐᓪᓕᕋᖁᓪᓗᒍᓗ ᑖᒃᑯᓂᖓ ᓴᓂᕐᓗᑯᑎᑐᑦ ᐊᖅᑯᑎᒦᑦᑐᑎᑐᑦ.
ᐊᑕᓂᖅ ᓂᑲᒍᓱᓕᒃᑲᓐᓂᕈᒫᕆᕗᖅ ᔧᑰᑉ ᑭᖑᕚᖏᓐᓂᒃ ᐃᓴᕆᐊᓕᒥᐅᓪᓗ ᓂᕈᐊᕐᓯᒪᓕᕈᒫᕆᓪᓗᒋᑦ, ᓄᓇᑐᖃᖏᓐᓄᓪᓗ ᓇᖕᒥᓂᖏᓐᓄᑦ ᐃᓕᔪᒫᕆᕔᑦ, ᓄᓇᖃᑎᑐᖃᕆᓐᖏᑕᖏᓪᓗ ᔧᑰᑉ ᑭᖑᕚᖏᓐᓂᒃ ᐃᓚᕾᓐᓇᕈᒪᔪᒫᕐᐳᑦ.
ᐃᓅᖃᑎᒌᒡᔪᐊᑦ ᔫᑎᐅᖏᑦᑐᑦ ᐃᓴᕆᐊᓕᒥᐅᓂᒃ ᐃᑲᔪᓕᕈᒫᕐᐳᑦ ᓄᓇᑐᖃᖏᓐᓄᑦ ᐅᑎᕐᑎᐅᕋᕐᓗᒋᑦ, ᐊᑕᓂᐅᑉ ᓄᓇᖁᑎᖓᓂ ᐊᖑᑎᑦ ᐊᕐᓁᓪᓗ ᓯᐊᓛᕆᓗᒋᑦ; ᑎᒍᓯᓯᒪᓕᕈᒫᕐᐳᑦ ᑎᒍᔨᒋᓚᐅᕐᑕᒥᖕᓂᒃ, ᐊᖓᔪᖅᑳᖑᕕᒋᓕᕐᓗᒋᓪᓗ ᓵᓚᒋᔨᒋᓯᒪᓚᐅᕐᑕᑎᒃ.
ᓇᓗᓁᒃᑯᑕᐅᔪᒫᐳᕐᓗ ᖃᐅᔨᑎᑦᓯᑦᔪᑕᐅᓗᓂ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓄᑦ ᐄᑦᔨᑉᑎᒥᐅᑦ ᓄᓇᖓᓂ; ᐃᓄᖏᑦ ᐃᑲᔪᕐᑕᐅᔪᒪᓗᑎᒃ ᐊᑕᓂᕐᒧᑦ ᓂᓪᓕᐊᓕᕌᖓᑕ ᐊᑭᕋᑎᒃ ᐱᓪᓗᒋᑦ ᓴᐳᑦᔨᔨᒃᓴᖓᓐᓂᒃ ᑎᓕᓯᕕᒋᖃᑦᑕᕈᒫᕐᐰᑦ, ᓴᐳᑎᓗᒋᑦ ᐱᐅᓕᓗᒋᓪᓗ ᐊᑭᕋᖏᓐᓂᑦ.
ᐊᒃᓱᔪᑦ ᕿᒫᕕᒋᕚᑎᑦ, ᐃᑲᔪᕐᑎᒃᓴᖃᖏᑦᑐᓪᓗ ᐃᓕᖕᓂᒃ ᕿᒫᕕᖃᖃᑦᑕᕐᓯᒪᕗᑦ ᐃᑲᔪᕐᑕᐅᔭᕆᐊᖃᕐᓂᕐᒥᖕᓂᑦ. ᐊᖅᑯᓇᕐᓯᐅᕐᑐᑎᑐᓪᓗ ᐅᖅᑯᐃᕝᕕᒃᓴᐅᓪᓗᑎᑦ, ᑭᐊᒡᔪᐊᕐᒥᓗ ᑕᕐᕋᓕᓂᕐᒦᕝᕕᒃᓴᐅᓪᓗᑎᑦ, ᐃᓄᐃᑦ ᓂᑲᒋᔭᖃᖏᑦᑐᑦ ᐅᑭᐅᒥ ᐊᓄᕆᕐᔪᐊᕐᑐᑎᑐᑦ ᐱᓇᓱᐊᕐᓂᖏᑦ ᓄᖅᑲᕈᓐᓇᖏᒻᒪᑕ.
ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐅᖃᕐᑐᖃᕈᒫᕐᐳᖅ, “ᑕᑯᒋᑦ ᑕᕝᕙ ᒎᑎᕗᑦ; ᑖᓐᓇ ᐅᑕᖅᑭᔭᕗᑦ, ᓴᐳᑎᓂᐊᕐᒪᑎᒍᑦ, ᐃᓛᒃ ᑖᓐᓇ ᑕᕝᕙ ᐊᑕᓂᖅ, ᐅᑕᖅᑭᓚᐅᕐᑕᕗᑦ; ᖁᕕᐊᓱᓕᕐᑕ ᓯᕆᓗᑕᓗ ᐱᐅᓕᔨᐅᓂᖓ ᐱᓪᓗᒍ.”
ᐊᑕᓂᖅ ᐃᖅᑲᕐᑐᐃᔨᒋᒐᑦᑎᒍ, ᐊᑕᓂᖅ ᐊᐅᓚᑦᓯᔨᒋᒐᑦᑎᒍ, ᐊᑕᓂᖅ ᐊᖓᔪᖅᑳᕐᔪᐊᕆᒐᑦᑎᒍ; ᑖᑦᓱᒪ ᐱᐅᓕᓂᐊᕐᐹᑎᒍᑦ.
ᓯᕘᕋᔪᓂᒃ ᐆᒻᒪᑎᓖᑦ ᐅᖃᐅᑎᓕᕐᓯᒋᒃ, “ᓴᓐᖏᒃᑎᓕᕆᑦᓯ, ᐃᕐᓯᓇᓯᓗ! ᑕᑯᒋᑦ, ᒎᑎᓯ ᕾᓕᕐᒪᑦ ᐊᑭᓂᐊᕈᑎᔭᕐᑐᕐᓗᓯ, ᒎᑎᐅᑉ ᐊᑭᓂᐊᕈᓯᖓᓄᑦ; ᑎᑭᓐᓂᐊᕐᐳᖅ ᐱᐅᓕᔭᕐᑐᕐᓗᓯ.”
“ᐅᖃᓪᓚᓕᕆᑦ ᒪᓂᒍᕐᑕᐅᓇᕐᑐᓂᒃ ᔨᕉᓴᓕᒧᑦ, ᐅᖃᓪᓚᒡᕕᒋᒃᑭᑦ ᐅᓇᑕᕐᓂᖓᑦ ᐃᓱᓕᒻᒪᑦ, ᐊᔪᕐᑐᓕᓂᖏᓪᓗ ᐃᓱᒪᒋᔪᓐᓁᕐᑕᐅᖕᒪᑕ, ᐊᑕᓂᕐᒧᑦ ᓱᒋᐊᕐᑕᐅᓯᒪᖕᒪᑕ ᐊᔪᕐᑐᓕᓂᖏᑕ ᒪᕐᕈᐃᕐᑑᑎᓪᓗᐊᖏᓐᓂᒃ.”
ᓂᐱᖏᑦ ᓔᔭᑎᑐᑦ ᖃᓕᖑᐊᕐᑐᑎᑐᑦ ᑍᒤᑉᐳᑦ, ᓔᔭᑎᑐᑦ ᐃᓅᓱᒃᑐᑎᑐᑦ ᖃᓕᖑᓛᕐᐳᑦ; ᐃᕐᓯᓵᕐᓗᑎᒃ ᐅᐸᒃᑐᕐᐳᑦ ᓂᕿᒃᓴᒥᖕᓂᒃ, ᑭᖕᒥᐊᓕᕐᓗᒋᓪᓗ ᐊᐅᓪᓚᕈᑎᕔᑦ ᐅᖓᒻᒧᑦ, ᓇᓪᓕᐊᓐᓄᓪᓘᓐᓃᑦ ᐊᕐᓵᕐᑕᐅᔪᓐᓇᕋᑎᒃ.
ᐊᐅᓪᓚᕈᑦᔭᐅᓯᒪᔪᑦ ᐊᓂᑎᑕᐅᕕᒃᓴᖓᑦ ᖃᒡᓕᕗᖅ; ᑐᖁᓂᐊᓐᖏᓚᑦ ᐃᑎᕐᓴᒧᓪᓗ ᐃᓕᔭᐅᓂᐊᓐᖏᓚᑦ, ᓂᕿᒃᓮᕈᑎᓂᐊᕋᑎᒡᓗ.
ᐊᑕᓂᓯ ᐃᒫᒃ ᐅᖃᕐᐳᖅ, ᑖᓐᓇ ᐊᑕᓂᖅ ᒎᑎᓯ, ᓯᕐᓈᕐᑐᖅ ᐃᓄᖁᑎᒥᓂᒃ: “ᑕᑯᒋᑦᓯ ᐃᒥᐅᑦ ᐅᕐᕈᔮᕈᑎᒋᓚᐅᕐᑕᓯ ᐲᕐᐸᕋ ᐊᒡᒐᑦᓯᓐᓂᑦ, ᐃᒥᐅᑦ ᐃᒪᖃᓚᐅᕐᑐᖅ ᓂᓐᖓᐅᒪᓂᓐᓂᒃ, ᑕᕝᕙᓐᖓᑦ ᐃᒥᒃᑲᓐᓂᕐᓂᐊᕈᓐᓃᕐᐳᓯ.
ᐃᕐᓂᓕᒫᓯᓗ ᐊᔪᕆᕐᑐᐊᖑᔪᒫᕐᐳᑦ ᐊᑕᓂᕐᒧᑦ, ᐊᔪᕐᓴᖏᑦᑐᕐᔪᐊᖑᔪᒫᕐᓗᑎᒡᓗ ᕿᑐᕐᖓᓯ.
“ᓴᐳᑎᓂᐊᕐᐸᒋᑦ ᐊᔪᕐᑐᓕᔪᑦ ᐊᒡᒐᖏᓐᓂᑦ, ᐱᐅᓕᓗᑎᓪᓗ ᐊᑐᖏᑦᑐᓕᔪᓂᑦ.”
ᐃᒫᒡᓕ ᐊᑕᓂᖅ ᐅᖃᕐᐳᖅ, ‘ᐊᕐᕌᒍᐃᑦ 70 ᐹᐱᓘᓂᒦᓐᓂᓯ ᓈᒻᒪᒃᓯᒃᐸᑕ ᑕᕝᕙ ᐅᐸᒍᒫᕐᐸᑦᓯ ᐊᖏᕐᓂᕆᓚᐅᕐᑕᕋᓗ ᐃᓕᑦᓯᓐᓄᑦ ᐊᑑᑎᑎᑦᓱᒫᕐᐸᕋ ᐅᑎᕐᑎᓪᓗᓯᓗ ᑕᒪᐅᖓ.
ᐊᑕᓂᐅᑉ ᔧᑯᒃᑯᑦ ᐅᑎᕐᑎᑕᐅᓂᖓ ᐊᑭᓕᕈᒫᕐᐹ, ᓵᓚᒋᔨᒋᓯᒪᔭᖏᓐᓂᓪᓗ ᐱᐅᓕᓗᒋᑦ ᐅᑎᕐᑎᑦᓱᒫᕐᐰᑦ.
ᓂᐅᕕᐊᖑᓂᒃᑯᑦ ᐅᑎᕐᑎᑕᐅᖏᒃᑲᓗᐊᕐᐸᑦ, ᖃᓄᑐᐃᓐᓇᕐᓘᓐᓃᑦ, ᑖᓐᓇᓗ ᕿᑐᕐᖓᖏᓪᓗ ᕿᓚᕈᑦᔮᕐᑕᐅᔭᕆᐊᖃᕐᐳᑦ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ.
ᑕᑯᒋᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, “ᐊᑭᕋᕐᑐᕐᓗᑎᑦ ᓵᓕᕐᐸᒋᑦ, ᕿᒧᒃᓯᐅᑎᖁᑎᑎᑦ ᐊᒃᓴᓗᐊᓖᑦ ᐃᑯᐊᓪᓚᒃᑎᑦᓱᒫᕐᐸᒃᑲ ᐳᔫᓕᕐᓗᑎᒃ, ᐅᓇᑕᕐᑎᖁᑎᑎᓪᓗ ᓛᔭᑎᑐᑦ ᑍᒤᑦᑐᑦ ᑐᖁᕋᕐᑕᐅᔪᒫᕐᐳᑦ ᐅᓇᑕᕐᑐᓂ, ᓂᕿᒃᓴᑎᑦ ᐱᑦᔪᑎᒃᓴᑎᓪᓗ ᓇᑭᑐᐃᓐᓇᖅ ᐱᓚᐅᕐᑕᓕᒫᑎᑦ ᓄᖅᑲᕐᑎᑦᓱᒫᕐᐸᒃᑲ, ᐅᖃᕆᐊᕐᑐᕐᑎᑕᓯᓗ ᑐᓴᕐᓴᐅᖃᑦᑕᕐᓂᐊᕈᓐᓃᕐᐳᖅ.
ᑕᕝᕙ ᔨᕉᓴᓕᒥᒃ ᐊᑭᕋᕐᑐᕋᓱᒃᑐᑦ ᓄᓇᐅᑉ ᐊᓯᖏᓐᓂᑦ ᐱᓯᒪᔪᑦ ᐊᑕᓂᐅᑉ ᐃᒫᒃ ᐋᓐᓂᐊᓇᕐᑐᖃᕐᑎᑦᓱᒫᕐᐰᑦ; ᐅᕕᓂᖏᑦ ᓄᖑᔪᒫᕐᐳᑦ ᓂᑯᕕᖓᑎᓪᓗᒋᑦ ᓱᓕ, ᐃᔨᖏᓪᓗ ᓄᖑᔪᒫᕐᐳᑦ ᐃᔨᓕᕐᕕᖏᓐᓂᑦ, ᐅᖃᖏᓪᓗ ᓄᖑᓪᓗᑎᒃ ᖃᓂᖏᓐᓂᑦ.
ᐊᑕᓂᐅᓪᓕ ᐃᓅᖃᑎᒌᒡᔪᐊᑦ ᐅᓇᑕᕆᐊᕐᑐᕐᓯᒪᔪᑦ ᐅᓇᑕᕐᕕᒋᓕᕈᒫᕐᐰᑦ, ᐅᓇᑕᕐᓂᕐᒥ ᐅᓇᑕᐅᑦᔨᖃᑦᑕᕐᓯᒪᒐᒥ.
ᐃᓕᑦᓯᓕ, ᐊᐅᒃᑯᑦ ᐊᖏᖃᑎᒌᖕᓂᒃᑯᑦ ᑎᒍᔭᐅᓯᒪᔪᖁᑎᓯ ᐊᓂᑎᑦᓱᒪᕙᒃᑲ ᐃᑎᕐᓴᒥᑦ ᐃᒪᖃᖏᑦᑐᒥᑦ.
“ᓇᓪᓕᐊᑦ ᓲᖑᔪᕐᔪᐊᑉ ᐃᒡᓗᖓᓄᑦ ᐃᑎᕐᓗᓂ ᐱᖁᑎᖏᓐᓂᒃ ᐊᕐᓵᕐᓯᔪᓐᓇᓐᖏᓚᖅ, ᑭᓯᐊᓂ ᓲᖑᔪᕐᔪᐊᖅ ᕿᓚᒃᓱᖄᕐᓗᒍ; ᑭᖑᕐᖓᒍᑦ ᐃᒡᓗᖓᑕ ᐱᖁᑎᖏᓐᓂᒃ ᐊᕐᓵᓕᕋᔭᕐᐹ.
ᕿᓚᖕᒥᓕ ᔨᕉᓴᓕᐅᔪᒫᕐᑐᖅ ᕿᓚᒃᓱᕐᑕᐅᓯᒪᓐᖏᓚᖅ, ᑖᓐᓇᓗ ᑕᕝᕙ ᐊᓈᓇᒋᕙᕗᑦ.
ᓇᓪᓕᐊᑦ ᐊᔪᕐᑐᓕᔪᖅ ᑖᓐᓇ ᓵᑖᓇᓯᒥᑦ ᑍᒤᑎᑕᐅᕗᖅ, ᐱᒋᐊᕐᓂᖓᓂᑦ ᓵᑖᓇᓯ ᐊᔪᕐᑐᓕᖕᒪᑦ. ᑕᒪᓐᓇ ᐱᑦᔪᑎᒋᓪᓗᒍ ᒎᑎᐅᑉ ᐃᕐᓂᖓ ᓴᖅᑭᓯᒪᕗᖅ ᐊᓯᕈᐃᔭᕐᑐᕐᓗᓂ ᓵᑖᓇᓯᐅᑉ ᐱᓇᓱᐊᕐᓂᖏᓐᓂᒃ.
“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”