ᐂᓮᐊᓯᐅᑉ ᐊᒡᓚᖏᑦ 46:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑖᒃᑯᐊ ᑮᓇᐅᔭᖃᐅᑎᒥᖕᓂ ᒎᓗᓂᒃ ᐊᒥᒐᖏᑦᑐᓂᒃ ᐱᖃᕐᑐᑦ, ᓯᐅᓪᕕᕆᓂᒡᓗ ᐅᖁᒤᓐᓂᕐᓯᐅᕐᐸᒃᑐᑦ, ᐊᑭᓕᕐᓱᕐᓂᐊᕐᑕᒥᖕᓂᒃ ᑎᓕᓯᕗᑦ ᒎᓗᓕᐅᕐᑎᒥᒃ ᒎᑎᓐᖑᐊᓕᐅᖁᓪᓗᒍ; ᑕᕝᕙ ᑭᖑᓂᖓᒍᑦ ᐹᒻᒪᒃᑎᕐᕕᒋᓪᓗᒍ ᑐᒃᓯᐊᕐᕕᒋᓕᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 46:6 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 12:28

ᐃᓱᒪᒃᓴᕐᓯᐅᓚᐅᕐᓗᓂ, ᒪᕐᕉᖕᓂᒃ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖏᖕᓂᒃ ᓴᓇᕗᖅ ᒎᓘᓪᓗᒋᒃ, ᐃᓄᐃᓗ ᐅᖃᐅᑎᓪᓗᓂᒋᑦ, “ᐊᑯᓂᐅᓗᐊᓕᕐᒪᑦ ᑍᒪᓐᖓᑦ ᔨᕉᓴᓕᒧᐊᖃᑕᕐᓗᓯ ᑐᒃᓯᐊᕆᐊᕐᑐᕐᓗᓯ, ᐃᓕᑦᓯ ᐃᓴᕆᐊᓖᑦ ᐃᓄᖏᑦ ᐅᕝᕙᐅᓇ ᒎᑎᓯ ᐄᑦᔨᑉᑎᒥᑦ ᐊᐅᓪᓚᕐᑎᑦᓯᓚᐅᕐᑐᖅ!”

ᐃᓐᖏᕈᑎᑦ 115:7

ᐊᒡᒐᖃᕐᐳᑦ, ᑎᒍᓯᔪᓐᓇᕋᑎᒡᓕ; ᐃᑎᒐᖃᕐᐳᑦ, ᐱᓱᒍᓐᓇᕋᑎᒡᓕ; ᑐᕐᓱᖏᓪᓗ ᓂᓪᓕᐊᔪᓐᓇᕋᑎᒃ.

ᒨᓯᓯ ᐂᑉᐸᖏᑦ 32:8

ᑖᒃᑯᓄᖓ ᐊᑐᕐᑕᐅᖁᓚᐅᕐᑕᓐᓂᒃ ᒪᓕᒃᑕᐅᖁᓚᐅᕐᑕᓐᓂᒡᓗ ᕿᒤᓯᒪᓕᕇᕐᒪᑕ; ᒎᓗᒥᒃ ᐊᐅᒃᑎᑦᓯᓪᓗᑎᒃ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓᓂᒃ ᓴᓇᓯᒪᓕᕐᐳᑦ ᑖᓐᓇᓗ ᑐᒃᓯᐊᕐᕕᒋᓪᓗᒍ ᑐᓂᕐᕈᓯᕐᕕᒋᓯᒪᓕᕐᐹᑦ. ᐅᖃᕐᓗᑎᒡᓗ ‘ᑖᒃᑯᐊ ᑕᕝᕙ ᒎᑎᓯ, ᐃᓴᕆᐊᓕᒥᐅᖑᔪᓯ ᐄᑦᔨᑉᑎᒥᑦ ᐊᐅᓪᓚᕈᑦᔨᔨᒋᓚᕐᑕᓯ.’”

ᐂᓮᐊᓯᐅᑉ ᐊᒡᓚᖏᑦ 2:8

ᓄᓇᖓᑦ ᑕᑕᒃᑭᕗᖅ ᒎᑎᓐᖑᐊᓂᒃ; ᐹᒻᒪᖃᑦᑕᕐᓗᑎᒃ ᑐᒃᓯᐊᕐᓗᑎᒡᓗ, ᐊᒡᒐᓄᑦ ᓴᓇᓯᒪᔪᓄᑦ, ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓚᐅᕐᑕᒥᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 30:22

ᒎᑎᓐᖑᐊᕕᓂᓯ ᓯᐅᓪᕕᕆᒥᒃ ᒎᓗᒥᒡᓗ ᖄᐹᕐᓯᒪᔪᑦ, ᐃᒋᐅᖅᑲᕈᒫᕐᐸᓯ ᓴᓂᕐᑎᑐᑦ ᕾᒐᓛᕐᓗᓯᓗ ᐅᖃᐅᑎᔪᒫᕐᐸᓯ, “ᑕᑯᓐᓇᕈᒪᔪᓐᓃᕐᐸᑦᓯ!”

ᐂᓮᐊᓯᐅᑉ ᐊᒡᓚᖏᑦ 45:20

“ᑲᑎᕐᓱᕐᓗᓯ ᕾᓚᐅᕆᑦᓯ; ᖃᒡᓕᒋᐊᕐᓗᓯ ᐊᑕᐅᑦᓯᒃᑯᑦ, ᐃᓕᑦᓯ ᐊᓐᓇᒃᓯᒪᔪᓯ ᐃᓅᖃᑎᒌᒡᔪᐊᓂᑦ. ᖃᐅᔨᒪᓐᖏᓚᑦ ᒎᑎᓐᖑᐊᓂᒃ ᕿᔪᖕᓂᒃ ᓴᓇᓯᒪᔪᓂᒃ ᐊᒡᔭᕐᓯᖃᑦᑕᕐᑐᑦ, ᑐᒃᓯᐊᖃᑦᑕᕐᑐᑦ ᒎᑎᓄᑦ ᐱᐅᓕᓯᔪᓐᓇᖏᑦᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 10:14

ᐃᓄᓕᒫᑦ ᓯᓔᒻᒪᑕ ᖃᐅᔨᒪᓇᑎᒡᓗ, ᒎᓗᓕᕆᔨᓕᒫᑦ ᑲᓐᖑᓲᑎᓇᕐᓯᕗᑦ ᒎᑎᓐᖑᐊᒥᖕᓄᑦ; ᓴᓇᔭᖏᑦ ᓱᓕᓐᖏᓚᑦ, ᐊᓂᕐᓂᖃᖏᒻᒪᑕ.

ᔨᕆᒤᐊᐅᑉ ᐊᒡᓚᖏᑦ 10:9

ᑲᑦᔪᒃᑕᐅᓯᒪᔭᕇᕐᑐᒥᒃ ᓯᐅᓪᕕᕆᑖᖃᑦᑕᕐᐳᑦ ᑖᕐᓯᓯᒥᑦ, ᒎᓗᑖᕐᐸᒡᓗᑎᒡᓗ ᐆᐸᔾᒥᑦ. ᓴᓇᓐᖑᐊᕐᑎᓄᑦ ᒎᓗᒥᒡᓗ ᐋᖅᑭᒃᓱᐃᔨᓄᑦ ᓴᓇᔭᐅᔭᕇᕌᖓᑕ, ᐊᓐᓄᕌᓕᐅᕐᑕᐅᕗᖅ ᑐᖑᑦᑐᕆᒃᑐᒥᒃ ᐊᐅᐸᓪᓚᕆᒃᑐᒥᒡᓗ ᐱᔭᕇᕐᑕᐅᕗᑦ ᓴᓇᔭᐅᓪᓗᑎᒃ ᓴᓇᓯᑎᐅᓂᕐᐹᓄᑦ.

ᔨᕆᒤᐊᐅᑉ ᐊᒡᓚᖏᑦ 50:38

ᐃᒪᖁᑎᓕᒫᖏᑦ ᓴᓗᐊᕈᒫᕐᐳᑦ, ᒎᑎᓐᖑᐊᖃᕐᕕᑐᐃᓐᓇᐅᖕᒪᑦ, ᐃᓄᖏᑦ ᑐᑮᕈᑎᔪᒫᕐᐳᑦ ᑲᑉᐱᐊᓱᖕᓂᕐᒧᑦ.

ᑖᓂᐊᓕᐅᑉ ᐊᒡᓚᖏᑦ 3:1

ᐊᖓᔪᖅᑳᕐᔪᐊᖅ ᓂᐱᑯᓁᓴ ᓴᓇᑎᑦᓯᕗᖅ ᐃᓄᓐᖑᐊᒥᒃ ᒎᓗᒥᒃ, 90ᓂᒃ ᐃᑎᒐᖕᓂᒃ ᐳᕐᑐᑎᒋᔪᒥᒃ ᐃᑎᒐᖕᓂᒡᓗ 9ᓂᒃ ᓴᓂᒧᑐᑎᒋᔪᒥᒃ, ᐃᓕᓪᓗᒍᓗ ᓇᑎᕐᓇᒧᑦ ᑑᕋᒥᒃ ᐊᑎᓕᖕᒧᑦ, ᐹᐱᓘᓂᐅᑉ ᐃᓚᖓᓄᑦ.

ᕼᐆᓯᐊᑉ ᐊᒡᓚᖏᑦ 13:2

ᒫᓐᓇᓗ ᐊᔪᕐᑐᓕᕙᓪᓕᐊᑐᐃᓐᓇᕐᐳᑦ, ᓴᓇᕗᓪᓗ ᓴᕕᕋᔭᖕᓂᒃ ᐊᐅᒃᑎᑦᓯᓪᓗᑎᒃ ᒎᑎᓐᓐᖑᐊᒃᓴᒥᖕᓂᒃ, ᒎᑎᓐᖑᐊᓕᐅᕐᐳᑦ ᑕᑯᒥᓇᕐᑐᓂᒃ ᓯᐅᓪᕕᕆᓂᒃ, ᑲᑐᑦᔨᓪᓗᑎᒃ ᓴᓇᓐᖑᐊᕈᓐᓇᕐᑐᓄᑦ ᓴᓇᔭᐅᕗᑦ. ᑖᒃᑯᓄᖓ ᑐᓂᕐᕈᓯᓕᕋᒥᒃ ᐅᖃᕐᐳᑦ, “ᑐᓂᕐᕈᓯᕐᑐᑦ ᑯᓂᒃᓯᓕᑦ ᓄᕐᕋᐅᔭᓐᖑᐊᒥᒃ!”

ᐋᐴᓯᑕᓖᑦ ᐱᓂᐊᕐᓂᖏᑦ 17:29

ᑕᕝᕙ ᒎᑎᒧᑦ ᕿᑐᕐᖓᕆᔭᐅᒐᑦᑕ, ᐃᓱᒪᔪᒃᓴᐅᓐᖏᓚᒍᑦ ᒎᑎ ᐊᑦᔨᖃᕋᓱᒋᓗᒍ ᒎᓗᒥᒃ ᓯᐅᓪᕕᕆᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ, ᐃᓄᖕᓄᑦ ᓴᓇᓐᖑᐊᕈᓐᓇᑦᓯᐊᕐᑐᓄᑦ ᓴᓇᓐᖑᐊᕐᑕᐅᓯᒪᔪᒥᒃ.