ᐂᓮᐊᓯᐅᑉ ᐊᒡᓚᖏᑦ 45:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓯᕗᓂᕐᓃᓐᓂᐊᕐᐳᖓ ᖃᖅᑲᓂᒃ ᒪᓂᖅᑲᒃᓮᓗᖓ, ᐃᑎᕐᑕᕐᕕᖕᓂᒃ ᑲᓐᓄᔭᓂᒃ ᓯᖁᑦᑎᕆᓗᖓ ᐅᒃᑯᐊᓪᓗ ᓴᕕᕋᔧᑦ ᐅᕐᕉᕋᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 45:2 ပူးပေါင်းရင်းမြစ်များ

ᐃᓐᖏᕈᑎᑦ 107:16

ᐅᒃᑯᐊᑦ ᑲᓐᓄᔧᑦ ᓯᖁᒥᒻᒪᒋᑦ, ᓴᕕᕋᔧᓪᓗ ᓴᓐᓂᕈᐊᑦ ᓇᑲᓪᓗᒋᑦ ᒪᕐᕉᓕᕔᑦ.

ᐂᓮᐊᓯᐅᑉ ᐊᒡᓚᖏᑦ 13:2

“ᖃᖅᑲᐅᑉ ᐳᕐᑐᔫᑉ ᐱᕈᕐᑐᖃᖏᑦᑑᑉ ᖄᖓᓂ ᓇᓗᓁᒃᑯᑦᓯᓕᕆᑦᓯ, ᓂᐱᖅᑯᕐᑐᓗᓯ ᓂᓪᓕᐊᕕᒋᓕᕐᓯᐅᒃ; ᑕᓕᑦᓯᓐᓄᓪᓗ ᓄᓗᕋᕐᓗᒋᑦ, ᐃᑎᕈᓐᓇᖁᓪᓗᒋᑦ ᐊᖓᔪᖅᑳᑦ ᐃᑎᕐᑕᕐᕕᖓᒍᑦ.

ᐂᓮᐊᓯᐅᑉ ᐊᒡᓚᖏᑦ 14:31

ᓂᐱᖃᕐᓗᓯ ᕿᐊᓕᕆᑦᓯ, ᐃᑎᕐᑕᕐᕕᐅᔪᓯ ᐃᒡᓗᒐᓴᒡᔪᐊᓄᑦ, ᕿᐊᒋᑦᓯ ᐃᒡᓗᒐᓴᒡᔪᐊᖑᔪᓯ; ᓯᕘᕋᓕᕆᑦᓯ, ᐱᓕᔅᑎᐊᒥᐅᖑᔪᓯ, ᐳᔪᖅ ᐅᓐᓄᐊᓪᓗᐊᑉ ᓇᓛᓂᑦ ᓴᖅᑭᑦᓱᒫᕐᐳᖅ, ᐅᓇᑕᕐᑐᒃᓴᒐᓴᒡᔪᐊᑦ ᓯᕘᕋᒋᔭᖃᖏᑦᑐᑦ ᐳᔫᕐᑎᑕᖓᑦ.”

ᐂᓮᐊᓯᐅᑉ ᐊᒡᓚᖏᑦ 24:12

ᐃᒡᓗᒐᓴᒡᔪᐊᕕᓂᐅᒐᓗᐊᑦ ᓯᖁᒻᒪᑰᓕᕐᐳᑦ, ᐃᑎᕐᑕᕐᕕᒡᔪᐊᖏᑕ ᐅᒃᑯᐊᕐᔪᐊᖏᑦ ᓯᖁᑦᑎᕐᓯᒪᓕᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 40:4

ᓇᕐᓴᓕᒫᑦ ᓇᖓᕐᑎᕐᓗᒋᑦ, ᖃᖅᑬᓪᓗ ᐱᖑᐃᓪᓗ ᓇᓕᕆᒃᓯᓗᒋᑦ; ᓴᖑᐃᕐᓂᖏᑦ ᑐᑭᓕᐊᕐᓯᑎᓪᓗᒋᑦ ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 42:16

ᑕᐅᑐᖏᑦᑐᑦ ᑎᑭᐅᑎᑎᑦᓱᒫᕐᐸᒃᑲ ᖃᐅᔨᒪᓐᖏᑕᖏᓐᓄᑦ; ᑕᓯᐅᕈᒫᕐᐸᒃᑲ ᐊᖅᑯᑎᒃᑯᑦ ᖃᐅᔨᒪᓐᖏᑕᖏᑎᒍᑦ. ᑖᕐᑐᖅ ᓯᕗᓂᖏᓐᓃᑦᑐᖅ ᖃᐅᒪᔪᓐᖑᕐᑎᑦᓱᒫᕐᐸᕋ, ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ, ᑍᒤᑦᑐᓂᒃ ᐱᓇᓱᐊᕐᕕᒋᔪᒫᕐᐸᒃᑲ, ᕿᒪᖕᓂᐊᓐᖏᓚᒃᑲᓗ.

ᐂᓮᐊᓯᐅᑉ ᐊᒡᓚᖏᑦ 45:13

ᓮᕋᓯ ᒪᑭᑎᓯᒪᕙᕋ ᓇᓛᒎᕐᓂᓐᓄᑦ, ᐊᖅᑯᑎᒋᓂᐊᕐᑕᓕᒫᖏᓪᓗ ᑐᑭᓕᐊᕐᓯᑎᓐᓂᐊᕐᐸᒃᑲ; ᐃᒡᓗᒐᓴᒡᔪᐊᖁᑎᒃᑲ ᓴᓇᔪᒫᕐᐰᑦ ᐊᐅᓪᓚᕈᑦᔭᐅᓯᒪᔪᖁᑎᒃᑲᓗ ᑎᒍᔭᐅᓯᒪᔪᓐᓃᕐᑎᓪᓗᒋᑦ, ᐊᑭᓕᕐᑕᐅᓂᕐᒨᖏᑦᑐᖅ ᐊᑭᓕᕐᑕᐅᔪᒪᓂᕐᒨᖏᑦᑐᕐᓗ,” ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 48:15

ᐅᕙᖓ, ᐃᓛᒃ ᐅᕙᖓ, ᐅᖃᐅᓯᕆᕙᕋ; ᐄᓛᒃ, ᕾᖁᓚᐅᕐᐸᕋ, ᑕᒪᐅᓐᖓᐅᑎᓪᓗᒍᓗ, ᐱᓇᓱᐊᕐᑕᖓᓗ ᐱᕙᓪᓕᐊᓇᑦᓯᐊᕈᒫᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 28:13

“ᕼᐊᓇᓁᐊ ᐅᖃᐅᑎᔭᕐᑐᕈᒃ, ᓯᖁᒥᑦᓯᒐᓗᐊᕐᐳᑎᑦ ᐊᓄᓯᒪᐅᑎᒥᒃ ᕿᔪᖕᒥᒃ ᑭᖑᕝᕕᕐᑕᐅᑎᓐᓂᐊᕐᐸᕋᓕ ᐊᓄᓯᒪᐅᑎᒥᒃ ᓴᕕᕋᔭᖕᒥᒃ ᓴᓇᓯᒪᔪᒥᒃ.

ᔨᕆᒤᐊᐅᑉ ᐊᒡᓚᖏᑦ 51:30

ᐹᐱᓘᓂᒥᐅᑦ ᐅᓇᑕᕐᑎᖁᑎᖏᑦ ᓴᐱᓕᕐᐳᑦ, ᐱᔭᐅᑦᑍᓕᕕᖕᒥᓃᒃᑲᓗᐊᕐᓗᑎᒃ, ᑕᖃᓂᕐᒧᑦ ᐊᕐᓇᑎᑐᑦ ᑍᒤᓕᕐᒪᑕ, ᐊᖏᕐᕋᖏᑦ ᐃᑯᐊᓪᓚᒃᑕᐅᖕᒪᑕ, ᐃᑎᕐᑕᕐᕕᖏᑕᓗ ᓴᕕᕋᔭᒃᑕᖏᑦ ᓯᖁᑦᑎᕐᑕᐅᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 51:58

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐹᐱᓘᓂᒥᐅᑦ ᐊᕙᓗᕐᔪᐊᖓ ᐃᑦᔪᔪᐊᓘᒐᓗᐊᖅ ᓄᖑᑎᑕᐅᓗᓂ ᒪᓂᖅᑲᒦᓕᕈᒫᕐᐳᖅ, ᐃᑎᕐᑕᕐᕕᖏᓪᓗ ᐃᑯᐊᓪᓚᒃᑕᐅᓗᑎᒃ. ᐃᓄᐃᑦ ᐱᓇᓱᐊᕕᒃᔪᐊᕐᓂᕆᓚᐅᕐᑕᖏᑦ ᐊᑐᕐᓇᕐᓂᖃᓐᖏᓚᑦ, ᐃᓅᖃᑎᒌᒡᔪᐊᓪᓗ ᓴᓇᖃᑦᑕᕐᓯᒪᔭᖏᑦ ᐃᑯᐊᓪᓚᖅᑯᑎᒃᓴᓐᖑᕐᐳᑦ.”

ᑖᓂᐊᓕᐅᑉ ᐊᒡᓚᖏᑦ 5:28

ᐹᕐᓯᓐ: ᐊᖓᔪᖅᑲᐅᕖᑦ ᐊᕕᒃᑕᐅᓯᒪᕗᖅ, ᑐᓂᔭᐅᓯᒪᓪᓗᓂᓗ ᒥᑎᐊᒥᐅᓄᑦ ᐴᕐᓯᐊᒥᐅᓄᓪᓗ.”

ᑖᓂᐊᓕᐅᑉ ᐊᒡᓚᖏᑦ 8:4

ᑕᐅᑐᒃᑎᓪᓗᖓ ᓰᐱᐅᑉ ᐊᖑᓴᓪᓗᖓ ᐅᐸᒃᑐᖃᑦᑕᕐᐳᖅ, ᓯᕿᓂᐅᑉ ᓂᐱᕕᐊᑕ ᓇᓛᓄᑦ, ᐅᓐᓄᐊᓪᓗ ᓇᓛᓄᑦ, ᓯᕿᓂᐅᓪᓗ ᓇᓛᓄᑦ. ᐆᒪᔪᓂᑦ ᓱᓇᑐᐃᓐᓇᕐᓂᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ, ᑭᓇᒥᒡᓘᓐᓃᑦ ᑖᑦᓱᒪᖓᑦ ᓴᐳᑎᔭᐅᔪᖃᕈᓐᓇᕋᓂ, ᐃᓱᒪᒥᓂᒃ ᖁᕕᐊᒋᔭᒥᓂᒡᓗ ᐱᓇᓱᐊᑐᐃᓐᓇᕐᐳᖅ, ᐊᔪᖏᑦᑐᒪᕆᐅᓕᕐᓗᓂᓗ.

ᓇᕼᐅᒥᐅᑉ ᐊᒡᓚᖏᑦ 3:13

ᑕᑯᒋᑦ, ᐅᓇᑕᕐᑐᒃᓴᖁᑎᓯ ᐊᕐᓇᑎᑐᑦ ᑍᒤᑉᐳᑦ ᐊᑯᓐᓇᑦᓯᓐᓂ, ᓄᓇᒋᔭᑦᓯᓗ ᐃᑎᕐᑕᕐᕕᖏᑦ ᐊᑭᕋᑦᓯᓐᓄᑦ ᒪᑐᐃᖓᑦᓯᐊᕐᐳᑦ; ᐃᑎᕐᑕᕐᕕᒃᔪᐊᑦᓯᓗ ᓴᕕᕋᔭᖏᑦ ᐃᑯᒪᒧᑦ ᓄᖑᑕᐅᕗᑦ.

ᓘᑲᓯᐅᑉ ᐊᒡᓚᖏᑦ 3:5

ᓇᕐᓮᑦ ᑕᒪᕐᒥᒃ ᓇᖓᕐᑎᕐᑕᐅᔪᒫᕐᐳᑦ, ᐱᖑᐃᑦ ᖃᖅᑬᓪᓗ ᐳᒃᑭᒡᓕᑎᑕᐅᔪᒫᕐᓗᑎᒃ, ᐊᖅᑯᑎᑦ ᓴᖑᐃᖓᔪᑦ ᑐᑭᓕᐊᕐᓯᑎᑕᐅᔪᒫᕐᐳᑦ, ᒪᓃᑦᑐᑦ ᒪᓂᖅᑲᒃᓴᕐᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:15

ᐅᒃᐱᕐᑐᑦ ᐊᑕᖏᕐᓗᑎᒃ 120 ᖃᓂᒋᔭᖓᓃᓚᐅᕐᐳᑦ, ᐅᓪᓗᐃᑦ ᐃᓚᖓᓐᓂ ᑲᑎᒪᑎᓪᓗᒋᑦ ᐲᑦᑐᕉᓯ ᓂᑯᕕᑉᐳᖅ ᐅᖃᕐᓗᓂ,