ᐂᓮᐊᓯᐅᑉ ᐊᒡᓚᖏᑦ 44:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᑭᓇ ᐅᖃᕐᐸ ᐃᒪᕐᔪᐊᕐᒧᑦ ᐃᑎᔪᒧᑦ, ‘ᓴᓗᐊᓕᕆᑦ! ᑰᖁᑎᑎᓪᓗ ᐃᒪᖃᕈᓐᓁᕐᑎᑦᓱᒪᕙᒃᑲ’;

ᐂᓮᐊᓯᐅᑉ ᐊᒡᓚᖏᑦ 44:27 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 8:1

ᒎᑎᐅᓪᓕ ᐃᖅᑲᐅᒪᓚᐅᕐᐰᑦ ᓄᐊᒃᑯᑦ ᐆᒪᔪᓪᓗ ᐆᒪᔪᖁᑏᓪᓗ ᐅᒥᐊᕐᔪᐊᕐᒦᖃᑎᖏᑦ. ᒎᑎᓗ ᐊᓄᕌᓕᕐᑎᑦᓯᕗᖅ ᓄᓇᕐᔪᐊᕐᒥ, ᐃᒪᕐᓗ ᑎᓂᑉᐸᓪᓕᐊᓯᓪᓗᓂ.

ᐃᓐᖏᕈᑎᑦ 74:15

ᐃᒥᖅ ᓄᓇᒥᑦ ᑰᒃᑐᖅ ᑰᓕᕐᑎᑉᐸᑦ ᖄᒥᓕᕐᓗᓂ; ᑰᒑᓗᐃᑦ ᓴᓐᖏᔪᑦ ᓴᓗᐊᕐᑎᑉᐸᑎᑦ.

ᒨᓯᓯ ᐂᑉᐸᖏᑦ 14:21

ᒨᓯᓯᐅᓪᓗ ᑕᓕᓂ ᐃᓵᒃᐹ ᐃᒪᕐᒧᑦ, ᐊᑕᓂᐅᓪᓗ ᐃᒪᖅ ᐅᑎᕆᐊᕐᑎᑉᐹ ᐊᓄᕆᐊᓗᖕᒧᑦ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᑦ, ᐅᓐᓄᐊᓕᒫᖅ ᐊᓄᕌᕐᑐᐊᓘᖕᒪᑦ ᐃᒪᖅ ᐊᕕᒃᐳᖅ ᑕᒪᓐᓇᓗ ᓄᓇ ᐸᓂᑦᓯᐊᕐᑑᓕᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 42:15

ᖃᖅᑬᑦ ᐱᖑᐃᓪᓗ ᓱᓁᕈᑎᑎᑦᓱᒪᕙᒃᑲ, ᐱᕈᕐᑐᖃᕐᓂᖏᓪᓗ ᐃᒤᕈᑎᑎᓪᓗᒋᑦ, ᑰᕕᓂᐅᒐᓗᐊᑦ ᓄᓇᕈᕐᑎᓪᓗᒋᑦ, ᑕᓯᕅᓪᓗ ᐃᒤᕈᑎᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 43:16

ᐊᑕᓂᖅ ᐃᒫᒃ ᐅᖃᕐᐳᖅ, “ᐊᖅᑯᑎᑖᕐᑎᑦᓯᓚᐅᕐᑐᖅ ᐃᒪᒃᑯᑦ, ᐃᒪᕐᔪᐊᓪᓗ ᐃᓗᐊᒍᑦ ᐱᓱᒡᕕᒋᓂᐊᕐᑕᑦᓯᓐᓂᒃ ᐋᖅᑭᒃᓯᓚᐅᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 50:2

ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 51:15

ᐅᕙᖓᐅᕗᖅ ᐊᑕᓂᖅ ᒎᑎᓯ, ᐃᒪᕐᔪᐊᓂᒃ ᒪᓪᓕᕐᑎᑦᓯᔪᓐᓇᕐᑐᖅ ᐃᒃᑑᓕᔮᕐᑎᓪᓗᒋᓪᓗ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᒃ ᐊᑎᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 63:12

ᑕᓕᖓ ᐱᓐᓇᕐᓇᕐᑐᖅ ᒨᓯᓯᐅᑉ ᐊᒡᒐᖓᑕ ᑕᓕᕐᐱᐊᓂᒃ ᑎᒍᒥᐊᓚᐅᕐᑐᖅ. ᐃᒪᕐᒥᒃ ᓵᖓᓐᓂ ᐊᕕᑎᑦᓯᓚᐅᕐᑐᖅ, ᐃᓱᖃᖏᑦᑐᒧᑦ ᖃᐅᔨᒪᔭᐅᑦᔪᑎᒋᓂᐊᓕᕐᓗᓂᐅᒃ.

ᔨᕆᒤᐊᐅᑉ ᐊᒡᓚᖏᑦ 50:38

ᐃᒪᖁᑎᓕᒫᖏᑦ ᓴᓗᐊᕈᒫᕐᐳᑦ, ᒎᑎᓐᖑᐊᖃᕐᕕᑐᐃᓐᓇᐅᖕᒪᑦ, ᐃᓄᖏᑦ ᑐᑮᕈᑎᔪᒫᕐᐳᑦ ᑲᑉᐱᐊᓱᖕᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 51:32

ᑰᑦ ᐃᑳᕈᑎᖃᕈᓐᓃᕐᑎᑕᐅᕗᑦ, ᐃᒡᓗᐃᑦ ᐱᔭᐅᑦᔧᕐᓯᒪᔪᑦ ᐃᑯᐊᓪᓚᒃᑕᐅᕗᑦ, ᐅᓇᑕᕐᑏᓪᓗ ᐅᐃᒻᒪᒃᑎᑕᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 51:36

ᑍᒤᒻᒪᑦ, ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᓴᐳᑎᓂᐊᕐᐸᑦᓯ ᓯᕐᓈᕐᓗᖓ ᐊᑭᒋᐊᕈᑎᓂᐊᕐᐸᑦᓯ; ᑕᕆᐅᖁᑎᖏᑦ ᐃᒤᕈᑎᑎᓐᓂᐊᕐᐸᒃᑲ, ᓄᓇᒥᓪᓗ ᑰᒃᑐᖁᑎᖏᑦ ᓴᓗᐊᕐᑎᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 10:11

ᐅᖁᒤᑦᑐᑎᒍᑦ ᐅᓄᕐᑐᑎᒍᑦ ᐊᖅᑯᓵᕈᒫᕐᐳᑦ ᐃᒪᕐᔪᐊᑉ ᒪᓕᒡᔪᐊᖏᑎᑐᑦ ᑍᒤᑦᑐᓂᒃ, ᒪᓕᒃᔪᐊᓪᓗ ᓵᓚᒋᔪᒫᕐᐰᑦ, ᑰᒡᔪᐊᖅ ᐃᑎᔪᖅ ᓁᓕᒥᒃ ᐊᑎᖃᕐᑐᖅ ᓴᓗᐊᕈᒫᕐᐳᖅ: ᐊᓯᕆᐊᒥᐅᑦ ᐅᐱᒋᔭᖓᑦ ᓱᓇᐅᔪᓐᓁᕐᑎᑕᐅᔪᒫᕐᐳᖅ, ᐄᑦᔨᑉᑎᒥᐅᑦ ᐱᔪᓐᓇᐅᑎᖓᑦ ᓄᖑᔪᒫᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:12

ᐂᖏᓖᓪᓗ ᐱᖓᓲᔪᕐᑐᖓᑦᑕ ᖃᓪᓗᑎᓂ ᑯᕕᒋᕚ ᑰᒑᓗᖕᒧᑦ ᐃᕗᕅᑎᒧᑦ, ᑰᒐᓗᒡᓗ ᐃᒤᕐᑎᑉᐳᖅ, ᐊᖅᑯᑕᐅᔪᓐᓇᕐᓯᓪᓗᓂᓗ ᐊᖓᔪᖅᑳᕐᔪᐊᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᓄᑦ.