ᐂᓮᐊᓯᐅᑉ ᐊᒡᓚᖏᑦ 42:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑕᒪᐅᖎᓐᓈᕈᒫᓐᖏᓚᖅ ᓴᐱᓕᕋᓂᓗ, ᐊᑦᔨᒌᒃᑎᑦᓯᓂᕐᒥᒃ ᐊᑐᓕᕐᑎᑦᓯᖄᕋᓂ ᓄᓇᕐᔪᐊᕐᒥ; ᐃᒪᐅᓪᓗ ᓯᓈᓂ ᓄᓇᖃᕐᑐᑦ ᐊᔪᕆᕐᑐᐃᑦᔪᑎᖏᓐᓂᒃ ᓂᕆᐅᒍᒫᕐᐳᑦ.”

ᐂᓮᐊᓯᐅᑉ ᐊᒡᓚᖏᑦ 42:4 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᐃᓐᖏᕈᑎᑦ 22:27

ᓄᓇᕐᔪᐊᕐᒦᑦᑐᑦ ᑕᒪᕐᒥᒃ ᐃᖅᑬᔪᒫᕐᐳᑦ, ᐊᑕᓂᕐᒧᓪᓗ ᓵᓪᓗᑎᒃ, ᐃᓚᒌᓕᒫᓪᓗ ᐃᓅᖃᑎᒌᒡᔪᐊᓂ, ᑐᒃᓯᐊᕈᒫᕐᐳᑦ ᓵᖕᓂ.

ᐂᓮᐊᓯᐅᑉ ᐊᒡᓚᖏᑦ 40:22

ᑖᓐᓇᐅᕗᖅ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᔪᖅ ᓄᓇᕐᔪᐊᑉ ᐊᖕᒪᓗᕐᓂᖓᑕ ᖁᓛᓂ, ᐃᓄᐃᑦ ᓄᓇᒥ ᐱᒡᓕᕐᑕᐅᔮᕐᑐᑎᑐᑦ ᑍᒤᒻᒪᑕ, ᕿᓚᒃ ᐃᓯᕕᓯᒪᖕᒪᒍ ᑖᓗᑕᕐᑎᑐᑦ, ᑐᐱᕐᑎᑐᓪᓗ ᓇᑉᐸᕐᑎᓪᓗᒍ ᐃᓯᕐᓯᒪᕕᐅᔪᓐᓇᕐᓯᑎᓪᓗᓂᐅᒃ.

ᐂᓮᐊᓯᐅᑉ ᐊᒡᓚᖏᑦ 40:28

ᖃᐅᔨᒪᓐᖏᓚᑏᑦ? ᑐᓴᓚᐅᕐᓇᒡᓗ? ᐊᑕᓂᖅ ᒎᑎᐅᖕᒪᑦ ᐃᓱᖃᖏᑦᑐᒧᑦ, ᐱᓐᖑᕐᑎᑦᓯᓯᒪᔪᖅ ᓄᓇᕐᔪᐊᕐᒥᒃ ᐃᓱᐊᓃᑦ ᐃᓱᐊᓄᑦ. ᓄᑮᕈᑎᔪᓐᓇᓐᖏᓚᖅ ᑕᖃᔪᓐᓇᕋᓂᓗ, ᓯᓚᑐᓂᖓᓗ ᖃᐅᔨᔭᐅᔪᓐᓇᕋᓂ.

ᐂᓮᐊᓯᐅᑉ ᐊᒡᓚᖏᑦ 41:5

ᐃᒪᐅᑉ ᓯᓈᓂᒥᐅᑦ ᑕᑯᓚᐅᕐᐳᑦ ᓯᕘᕋᓕᕐᓗᑎᒡᓗ, ᓄᓇᕐᔪᐊᑉ ᑭᒡᓕᖓᓃᑦᑐᑦ ᓴᔪᓕᕐᐳᑦ; ᖃᒡᓕᒋᐊᕐᓗᑎᒡᓗ ᕾᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 42:10

“ᐊᑕᓂᕐᒧᑦ ᐃᓐᖏᕆᑦᓯ ᐃᓐᖏᕈᒻᒥᒃ ᓄᑖᒥᒃ, ᓂᕐᑐᕐᓯᐅᒃ ᓄᓇᕐᔪᐊᑉ ᑭᒡᓕᖏᓐᓂᑦ! ᐃᒪᕕᒃ ᐃᒃᑑᓕᔮᕐᓕ ᑕᕝᕙᓂᒥᐅᑕᓕᒫᓪᓗ, ᐃᒪᐅᑉ ᑭᒡᓕᖓᓂᒥᐅᑦ ᑕᒫᓂᓗ ᓄᓇᖃᕐᑐᓯ ᓂᕐᑐᐃᖃᑕᐅᒋᑦᓯ.

ᐂᓮᐊᓯᐅᑉ ᐊᒡᓚᖏᑦ 42:12

ᐊᑕᓂᖅ ᓂᕐᑐᕐᓕᑦᔪᒃ, ᓂᕐᑐᕐᓇᕐᓂᖓ ᓇᓗᓁᕐᓕᑦᔪᒃ ᐃᒪᐅᑉ ᓯᓈᓂ ᓄᓇᖃᕐᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 42:21

ᐊᑕᓂᐅᑉ ᖁᕕᐊᓲᑎᒋᕚ ᓇᓛᒎᕐᓂᓂ ᐱᓪᓗᒍ; ᐱᖁᔧᑦ ᐊᖏᔪᕈᕐᑎᓐᓂᐊᕐᐰᑦ ᓂᕐᑐᕐᓇᕐᑐᓐᖑᕐᑎᓪᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 49:1

“ᓈᓚᒃᓯᓐᖓ, ᐃᒪᐅᑉ ᓯᓈᓂᒥᐅᑕᐅᔪᓯ, ᑐᓴᑦᓯᐊᕐᓗᓯᓗ ᐅᖓᓯᒃᑐᒥ ᓄᓇᖃᕐᑐᓯ, ᐊᑕᓂᐅᑉ ᕾᖁᓚᐅᕐᐹᖓ ᐃᒡᓕᐊᑉ ᐃᓗᐊᓃᑎᓪᓗᖓ ᓱᓕ; ᐊᓈᓇᒪ ᑎᒥᖓᓃᑎᓪᓗᖓ ᐊᑎᕐᑖᕐᑎᓚᐅᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 51:4

ᐃᓄᖁᑎᒃᑲ, ᓈᓚᓚᐅᕐᓯᓐᖓ; ᑐᓴᕐᓗᖓᓗ ᐃᓅᖃᑎᒌᒡᔪᐊᖁᑎᒃᑲ, ᐱᖁᔭᒃᑲ ᐅᕙᓐᓂᑦ ᐊᓂᔪᒫᕐᐳᑦ, ᐊᑦᔨᒌᒃᑎᑦᓯᓂᓐᓄᓪᓗ ᐃᓄᐃᑦ ᖃᐅᒪᒃᓴᕐᑕᐅᔪᒫᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 51:5

ᓇᓛᒎᕐᓂᕋ ᖃᓂᑉᐳᖅ, ᐱᐅᓕᒃᓯᓂᕋᓗ ᑎᑭᓕᕐᐳᖅ, ᐱᔪᓐᓇᕐᓂᓐᓄᑦ ᐃᓄᐃᑦ ᐊᐅᓚᑦᓱᒫᕐᐸᒃᑲ; ᐃᒪᐅᑉ ᑭᒡᓕᖓᓃᑦᑐᑦ ᐅᕙᓐᓂᒃ ᐅᑕᖅᑭᔪᒫᕐᐳᑦ, ᐊᖓᔪᖅᑲᐅᓂᓐᓂᒃ ᑕᑎᖃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 55:5

ᑕᑯᒋᑦᓯ, ᕾᖁᔨᔪᒫᕐᐳᓯ ᐃᓅᖃᑎᒌᒡᔪᐊᓂᒃ ᖃᐅᔨᒪᓐᖏᑕᑦᓯᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᒪᔨᒋᓐᖏᑕᓯ ᑐᐊᕕᕐᓗᑎᒃ ᐃᓕᑦᓯᓐᓄᑦ ᕾᔪᒫᕐᐳᑦ, ᐊᑕᓂᖅ ᒎᑎᓯ ᐱᑦᔪᑎᒋᓗᒍ, ᐃᓴᕆᐊᓕᒥᐅᓪᓗ ᐃᑦᔪᕐᓁᑦᑐᖁᑎᖓᑦ, ᑖᑦᓱᒪ ᓂᕐᑐᕐᓇᕐᓯᑎᓚᐅᕐᒪᓯ.

ᐂᓮᐊᓯᐅᑉ ᐊᒡᓚᖏᑦ 60:9

ᐃᒪᐅᑉ ᓯᓇᓂᒥᐅᑦ ᐅᑕᖅᑭᔪᒫᕐᐳᑦ ᐅᕙᓐᓂᒃ, ᐅᒥᐊᕐᔪᐊᑦ ᑖᕐᓯᓯᒥᑦ ᐱᔪᑦ ᑎᑭᖅᑳᕈᒫᕐᐳᑦ, ᐃᕐᓂᑦᓯᓐᓂᒃ ᓇᒃᓴᕐᓗᑎᒃ ᐅᖓᓯᒃᑐᒥᑦ, ᓯᐅᓪᕕᕆᖁᑎᒥᖕᓂᒃ ᒎᓗᖁᑎᒥᖕᓂᒡᓗ ᐱᖃᓯᐅᑦᔨᓗᑎᒃ, ᐊᑕᓂᐅᑉ ᒎᑎᑦᓯ ᐊᑎᖓᓄᑦ, ᐃᓴᕆᐊᓕᑏᓪᓗ ᐃᑦᔪᕐᓁᑦᑐᖁᑎᖓᓐᓄᑦ, ᑖᑦᓱᒪ ᐅᐱᓐᓇᕐᓯᑎᓯᒪᖕᒪᓯ.

ᐂᓮᐊᓯᐅᑉ ᐊᒡᓚᖏᑦ 66:19

ᓇᓗᓁᒃᑯᑕᖃᕐᑎᑦᓯᔪᒫᕐᐳᖓᓗ ᑖᒃᑯᓇᓂ. “ᑖᒃᑯᓇᓐᖓᓪᓗ ᐊᒥᐊᒃᑰᔪᓂᒃ ᐊᐅᓪᓚᕈᑦᔭᐅᑎᑦᓯᔪᒫᕐᐳᖓ, ᓄᓇᓕᖕᓄᑦ ᑖᕐᓯᓯᒧᑦ, ᓄᓇᓕᖕᓄᓪᓗ ᐴᓕᒧᑦ, ᓗᑦᒧᓪᓗ, ᐱᑎᒃᓯᒥᖕᓂᒃ ᐅᕐᓕᕐᑐᕐᑐᓄᑦ ᑐᐸᐅᓪᒥᐅᓄᑦ, ᔭᕚᓇᒥᐅᓄᓪᓗ, ᐃᒪᐅᓪᓗ ᓯᓈᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐅᖃᐅᑎᒋᔭᐅᓂᓐᓂᒃ ᑐᓴᓚᐅᕐᓯᒪᖏᑦᑐᓄᑦ ᓂᕐᑐᕐᓇᕐᓂᕐᔪᐊᓐᓂᒡᓗ ᑕᑯᓚᐅᕐᓯᒪᖏᑦᑐᓄᑦ; ᑖᒃᑯᐊᓗ ᓂᕐᑐᕐᓇᕐᓂᕐᔪᐊᕋ ᐅᖃᐅᑎᒋᔪᒫᕐᐹᑦ ᐃᓅᖃᑎᒌᒡᔪᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᓴᑲᕅᐊᐅᑉ ᐊᒡᓚᖏᑦ 2:11

ᑍᑦᓱᒪᓂᐅᓕᕐᐸᑦ ᐃᓅᖃᑎᒌᒡᔪᐊᑦ ᐅᓄᕐᑐᑦ ᐊᑕᓂᕐᒧᑦ ᕾᔪᒫᕐᐳᑦ ᐅᕙᖓᓗ ᐃᓄᖁᑎᒋᔪᒫᕐᐸᒃᑲ, ᐊᑯᓐᓂᖓᓐᓂ ᐃᓂᖃᕈᒫᕐᐳᖓ, ᖃᐅᔨᔪᒫᕐᐳᓪᓗ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓚᐅᕐᒪᖓ ᐃᓕᑦᓯᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 12:21

ᔫᑎᐅᖏᑦᑐᓕᒫᓪᓗ ᐊᑎᕐᒥᒍᑦ ᓂᕆᐅᒋᔭᒃᓴᖃᓕᕐᑎᑦᓱᒫᕐᐰᑦ.”

ᒫᑯᓯᐅᑉ ᐊᒡᓚᖏᑦ 3:3

ᐊᖑᑦ ᐊᒡᒐᓕᒃ ᓄᑭᖃᖏᑦᑐᓂᒃ ᐅᖃᐅᑎᕚ, “ᒪᐅᖓ ᕾᒋᑦ.”

ᕉᒪᒥᐅᓄᑦ 16:26

ᒫᓐᓇᓕ ᓇᓗᓇᕈᓐᓃᕐᑎᑕᐅᖕᒪᑕ ᓇᓚᐅᑦᑍᔪᑦ ᑎᑎᖅᑲᖏᓐᓄᑦ ᐃᓅᖃᑎᒌᒡᔪᐊᓄᑦ, ᒎᑎᐅᑉ ᐃᓱᖃᖏᑦᑑᑉ ᐱᖁᔨᓂᖓᓄᑦ, ᐅᒃᐱᕐᑐᑦ ᓈᓚᒍᓐᓇᕐᓯᖁᓪᓗᒋᑦ ᑖᑦᓱᒥᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:21

ᐱᖁᔭᖃᖏᑦᑐᓂᓕ ᐱᖁᔭᖃᖏᑦᑐᑎᑐᑦ ᐃᓕᖅᑯᓯᖃᕐᐳᖓ, ᒎᑎᐅᑉ ᐱᖁᔭᖏᓐᓂᒃ ᓈᓚᖏᑦᑑᖏᒃᑲᓗᐊᕐᓗᖓ, ᙭ᔅᑑᓯᐅᓪᓕ ᐱᖁᔭᖏᓐᓂᒃ ᐱᖃᕐᐳᖓ, ᐱᖁᔭᖃᖏᑦᑐᑦ ᐱᐅᓕᔭᐅᖁᓪᓗᒋᑦ.