ᐂᓮᐊᓯᐅᑉ ᐊᒡᓚᖏᑦ 41:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑕᑯᒋᑦ, ᓂᐊᖂᔭᒃᓴᓂᒃ ᓴᓃᔧᕕᒃᑎᑐᑦ ᑍᒤᑎᓐᓂᐊᕐᐸᒋᑦ ᓄᑖᓂᒃ ᐃᐱᒃᑐᓂᒃ ᑭᒍᑎᓕᒃᑎᑐᑦ; ᖃᖅᑳᓗᖕᓂᒃ ᓴᓃᔧᔪᒫᕐᐳᓯ ᓯᖁᑦᑎᕐᓗᒋᓪᓗ, ᐱᖑᐃᓪᓗ ᓄᖑᑎᕐᓗᒋᑦ ᓴᓂᕕᓂᑐᐃᓐᓇᐅᔮᓕᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 41:15 ပူးပေါင်းရင်းမြစ်များ

ᒤᑲᐅᑉ ᐊᒡᓚᖏᑦ 4:13

“ᓮᐅᓂᐅᑉ ᐃᓄᖏᑦ ᐊᑭᕋᓯ ᐊᓇᐅᓕᕆᐊᕐᑐᓕᕐᓯᒋᒃ! ᐱᔪᓐᓇᕐᓯᑎᓐᓂᐊᕐᐸᑦᓯ ᓲᖑᓯᑎᓪᓗᓯ ᐃᒻᒧᒃᓯᐅᒊᑦ ᐸᖕᓂᖏᑎᑐᑦ ᓴᕕᕋᔭᖕᓂᒃ ᓇᒡᔪᖃᕐᓗᑎ ᑯᑭᖃᕐᓗᑎᒡᓗ ᑲᓐᓄᔭᓂᒃ, ᐊᓯᕈᐃᔪᒫᕐᐳᓯ ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ, ᐱᖁᑎᑖᕕᓂᖏᓪᓗ ᐅᓇᑕᕐᓂᒃᑯᑦ ᐅᑎᕐᑎᑕᐅᓂᐊᕐᐳᑦ ᐃᑦᔪᕐᓁᑎᑕᐅᓗᑎᒃ ᐊᑕᓂᐅᔪᒧᑦ ᓯᓚᕐᔪᐊᓕᒫᒧᑦ.”

ᓴᑲᕅᐊᐅᑉ ᐊᒡᓚᖏᑦ 4:7

ᐊᒡᕕᐊᕐᑐᑦ ᖃᖅᑳᓗᒃᑎᑐᑦ ᐊᖏᑎᒋᔪᑦ ᔨᕈᐸᐱᐅᓕᐅᑉ ᓵᖓᓂ ᐊᓯᐅᓂᐊᕐᐳᑦ. ᑐᒃᓯᐊᕐᕕᒡᔪᐊᖅ ᓴᓇᒃᑲᓐᓂᕐᓂᐊᕐᐸᑦ, ᐅᔭᕋᒃ ᑭᖑᓪᓕᕐᐹᖅ ᐃᓕᒍᕕᐅᒃ, ᐃᓄᐃᑦ ᓂᐱᖅᑯᕐᑐᓗᑎᒃ ᓂᓪᓕᐊᔪᒫᕐᐳᑦ, ‘ᐱᐅᔪᐊᓗᒃ, ᐱᐅᔪᐊᓗᒃ!’”

ᕼᐊᐸᑲᐅᑉ ᐊᒡᓚᖏᑦ 3:12

ᓄᓇᕐᔪᐊᒃᑯᑦ ᐱᓱᒃᐳᑎᑦ ᓂᓐᖓᐅᒪᓪᓗᑎᑦ; ᓂᓐᖓᕕᒃᔪᐊᕐᓯᒪᓪᓗᑎᓪᓗ ᐃᓅᖃᑎᒌᒡᔪᐊᑦ ᑐᓪᓕᕋᕐᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 21:10

ᐃᕝᕕᑦ ᓂᐊᖂᔭᒃᓴᑎᑐᑦ ᐊᓇᐅᓕᕐᑕᐅᓪᓗᑎᑦ ᐃᕖᔭᕐᑕᐅᓯᒪᔪᑎᑦ, ᖃᓄᕐᓕ ᐅᖃᐅᓯᕐᒥᒃ ᑐᓴᕐᓯᒪᕗᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᑦ ᑐᓴᓚᐅᕐᑕᓐᓂᒃ ᐃᓴᕆᐊᓕᒥᐅᑦ ᒎᑎᖓᓐᓂᑦ ᐅᖃᐅᓯᒃᓴᒥᒃ ᐃᓕᖕᓄᑦ.”

ᐂᓮᐊᓯᐅᑉ ᐊᒡᓚᖏᑦ 28:27

ᕿᕐᓂᕐᑍᑦ ᑯᒥᓐᑏᑦ ᐸᐅᕐᖎᔭᕐᑕᐅᕙᓐᖏᓚᑦ ᐊᒃᓴᑳᔪᒧᑦ ᒪᓂᖅᑲᒃᓴᐅᑎᒧᑦ, ᐊᒃᓴᑳᔪᒧᓪᓗ ᑯᒥᓐᑏᑦ ᖃᓪᓕᕐᑕᐅᓪᓗᑎᒃ ᐊᒃᓴᑳᕕᐅᕙᓐᖏᓚᑦ; ᕿᕐᓂᕐᑍᓪᓕ ᑯᒥᓐᑏᑦ ᐊᓇᐅᓕᕐᑕᐅᕙᒃᐳᑦ ᕿᔪᑯᑖᒧᑦ, ᑯᒥᓐᑏᓪᓗ ᐊᓇᐅᑕᕐᒧᑦ.

ᐃᓐᖏᕈᑎᑦ 18:42

ᐊᓇᐅᓕᓚᕐᐸᒃᑲ ᐳᔪᕐᓗᒃᑐᑦ ᒥᑭᔫᑕᐅᓕᕐᓗᑎᖅ ᑎᒃᑕᐅᕗᓪᓗ ᐊᓄᕆᒧᑦ; ᐃᒋᓚᐅᕐᐸᒃᑲᓗ ᓴᓂᕐᑎᑐᑦ ᐊᖅᑯᒻᒧᑦ ᐃᒋᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 17:13

ᐃᓄᒋᐊᒃᑐᕐᔪᐊᑦ ᓂᓪᓕᐊᔪᕐᔪᐊᖑᓕᕐᐳᑦ ᐃᒪᕐᔪᐃᑦ ᓂᐱᕐᔪᐊᖏᑎᑐᑦ, ᑖᑦᓱᒪᓕ ᐃᓂᕐᑎᕈᒫᕐᐰᑦ, ᕿᒫᓕᕈᒫᕐᐳᑦ ᐅᖓᓯᒃᑐᒧᑦ, ᓂᐊᖂᔭᒃᓴᐅᑉ ᓄᕗᖏᑕ ᐴᖓᑐᑦ ᐃᓗᓕᖃᖏᑦᑐᑐᑦ ᖃᖅᑲᐅᑉ ᖄᖏᑎᒍᑦ ᑎᒃᑕᐅᔪᑎᑐᑦ ᐊᓄᕆᒧᑦ, ᐃᕕᒐᕐᑎᑐᓪᓗ ᐅᓚᓗᔨᕋᕐᑐᒧᑦ ᖃᖓᑕᕋᕐᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 29:5

ᐊᑭᕋᑎᑦ ᐅᓄᕐᑐᕐᔪᐊᑦ ᐳᔪᕐᓗᒃᑎᑐᑦ ᒥᑭᔫᑎᑐᑦ ᑍᒤᑦᓱᒫᕐᐳᑦ, ᐅᓄᕐᑐᕐᔪᐊᑦ ᓂᑲᒍᓱᖃᖏᑦᑐᑦ ᓂᐊᖂᔭᒃᓴᐅᑉ ᓴᓂᖓᑐᑦ ᑎᒃᑕᐅᔪᑐᑦ ᐊᑦᔨᖃᕈᒫᕐᐳᑦ, ᑕᕝᕙᓐᖓᑦᓮᓐᓇᖅ, ᑕᕝᕙᑦᓴᐅᑎᒋᓗ.

ᐂᓮᐊᓯᐅᑉ ᐊᒡᓚᖏᑦ 42:15

ᖃᖅᑬᑦ ᐱᖑᐃᓪᓗ ᓱᓁᕈᑎᑎᑦᓱᒪᕙᒃᑲ, ᐱᕈᕐᑐᖃᕐᓂᖏᓪᓗ ᐃᒤᕈᑎᑎᓪᓗᒋᑦ, ᑰᕕᓂᐅᒐᓗᐊᑦ ᓄᓇᕈᕐᑎᓪᓗᒋᑦ, ᑕᓯᕅᓪᓗ ᐃᒤᕈᑎᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 64:1

ᐊᑏ ᕿᓚᒃ ᐊᓕᒡᓗᒍ ᐊᖅᑲᓚᐅᕆᑦ, ᖃᖅᑳᓗᐃᑦ ᓴᔪᒃᐱᓗᖕᓂᐊᕐᒪᑕ ᓇᔫᑎᓂᕐᓄᑦ.

ᔨᕆᒤᐊᐅᑉ ᐊᒡᓚᖏᑦ 9:10

ᖃᖅᑬᑦ ᕿᐅᑦᔪᑎᒋᓂᐊᕐᐸᒃᑲ ᓂᐹᓗᖓ, ᐅᒡᒍᐊᕈᑎᖃᕐᓗᖓᓗ ᓇᑎᕐᓁᑦ ᓄᓇᑦᓯᐊᕙᐅᓂᕆᕙᓚᐅᕐᑕᖏᓐᓂᒃ, ᓱᓇᑕᖃᕈᓐᓃᕐᒪᑕ ᐃᖏᕐᕋᕕᐅᔪᓐᓇᕈᓐᓃᕐᓗᑎᒡᓗ ᐆᒪᔪᐃᓪᓗ ᓂᕆᓇᓱᐊᕐᐸᓚᐅᕐᑐᑦ ᑐᓴᕐᑕᐅᑦᔮᔪᓐᓃᕐᒪᑕ, ᑎᖕᒥᐊᓕᒫᓪᓗ ᕿᒫᓗᑎᒃ ᐊᐅᓪᓚᕐᓯᒪᓕᕐᒪᑕ ᐆᒪᔪᖃᕈᓐᓃᕐᓗᓂᓘᓐᓃᑦ.

ᔨᕆᒤᐊᐅᑉ ᐊᒡᓚᖏᑦ 51:20

ᐊᑕᓂᖅ ᐅᖃᕐᐳᖅ, “ᑲᐅᑕᕆᕙᒋᑦ ᓱᒋᐅᑎᒋᓪᓗᑎᓪᓗ ᐅᓇᑕᕐᑎᓪᓗᖓ; ᐊᑐᕐᓗᑎᑦ ᐃᓅᖃᑎᒌᒡᔪᐊᓂᒃ ᐊᐅᓚᑦᔧᓯᒪᕗᖓ, ᐊᑐᕐᓗᑎᓪᓗ ᐊᖓᔪᖅᑲᐅᕕᒃᔪᐊᓂᒃ ᐊᓯᕈᐃᓯᒪᕗᖓ.

ᔨᕆᒤᐊᐅᑉ ᐊᒡᓚᖏᑦ 51:33

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ; ᐹᐱᓘᓂᒥᐅᑦ ᐸᓂᖓ ᓂᐊᖂᔭᒃᓴᓂᒃ ᓴᓃᔧᕕᒃᑎᑐᑦ ᑍᒤᑉᐳᖅ, ᑐᓪᓕᕋᕐᑕᐅᓚᐅᕐᓗᓂ ᑲᑎᕐᓱᐃᕕᒃᓴᖓ ᓇᓪᓕᐅᑎᔪᒫᕆᕗᖅ.”

ᐃᓯᑭᐊᓕᐅᑉ ᐊᒡᓚᖏᑦ 33:28

ᓄᓇᖓ ᓱᓁᕈᑎᑎᑦᓱᒫᕐᐸᕋ ᓄᓇᖃᕐᕕᕕᓂᑐᐃᓐᓇᐅᓕᕐᓗᓂᓗ; ᐱᔪᓐᓇᕋᓱᒋᓂᕐᒧᑦ ᐱᐅᔪᕆᓂᖓᑦ ᐃᓱᓕᑎᑦᓱᒫᕐᐸᕋ; ᐃᓴᕆᐊᓕᐅᓪᓗ ᖃᖅᑲᖏᑦ ᓱᓇᖃᓐᖏᓗᐊᓕᕐᓂᖏᓐᓄᑦ ᐊᖅᑯᓵᕐᑕᐅᔪᓐᓁᓪᓕᔪᒫᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 2:35

ᑕᕝᕔᓐᓇᖅ ᓴᕕᕋᔭᒡᓗ, ᔭᕐᕋᕐᓗ, ᖃᑯᕐᓕᓗ, ᓯᐅᓪᕕᕆᓗ, ᒎᓗᐃᓪᓗ, ᐊᑕᐅᑦᓯᒃᑯᑦ ᓯᖁᒥᑉᐳᑦ, ᓂᐊᖂᔭᒃᓴᓕᐅᕐᕕᖕᒥ ᐊᐅᔭᒃᑯᑦ ᓂᐊᖂᔭᒃᓴᓕᐅᕐᓂᑯᑐᑦ ᓴᓂᐅᓕᕐᓗᑎᒃ, ᐊᓄᕆᒧᑦ ᑎᒃᑕᐅᕗᑦ ᐊᒥᐊᒃᑯᓇᑎᒃ. ᐅᔭᕋᒃᔪᐊᕐᓕ ᐃᓄᓐᖑᐊᒥᒃ ᒥᓗᕐᓯᔪᖅ ᖃᖅᑲᕐᔪᐊᖑᓕᕐᐳᖅ ᓄᓇᕐᔪᐊᒥᒃ ᓈᓯᓪᓗᓂ.

ᒤᑲᐅᑉ ᐊᒡᓚᖏᑦ 5:8

ᔧᑰᓪᓗ ᑭᖑᕚᖏᑕ ᐊᒥᐊᒃᑯᖏᑦ, ᔫᑎᐅᖏᑦᑐᓃᑦᓱᒫᕐᐳᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ. ᓛᔭᑐᑦ ᐆᒪᔪᐃᑦ ᐊᑯᕐᖓᓐᓂ, ᓛᔭᑐᓪᓗ ᐱᕈᕋᑖᑎᑐᑦ ᓰᐲᑦ ᐊᑯᕐᖓᓐᓂ, ᐊᖅᑯᓵᕈᓂᒋᓪᓗ ᐅᐸᒃᑐᕈᒫᕐᐰᑦ ᐊᓕᒃᑐᕐᓗᒋᓪᓗ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᑦ.

ᔮᓱᐊᑉ ᐊᒡᓚᖏᑦ 17:18

ᖃᖅᑲᔮᑦ ᐱᑖᕆᓂᐊᕐᐸᓯ, ᓇᐹᕐᑐᓕᐊᓘᒐᓗᐊᕐᑎᓪᓗᒍ, ᓇᐹᕐᑐᖏᑦ ᓇᑲᑎᕐᓗᒋᑦ ᐲᔭᕐᓂᐊᕐᐸᓯ, ᓄᓇᑖᕆᓗᒍᓗ ᐃᓱᐊᓂᑦ ᐃᓱᐊᓄᑦ; ᑬᓇᓂᒥᐅᑦ ᓯᖏᓐᓂᐊᕐᐸᓯ, ᓴᕕᕋᔭᖕᓂᒃ ᐊᒃᓴᓗᐊᓕᖕᓂᒃ ᑲᓕᒐᖃᕋᓗᐊᕐᑎᓪᓗᒋᑦ, ᐃᓄᖏᓪᓗ ᓲᖑᔫᒐᓗᐊᕐᑎᓪᓗᒋᑦ.”

ᐃᓗᐊᕐᓮᔩᑦ ᐊᒡᓚᖏᑦ 6:16

ᑕᕝᕙ ᐊᑕᓂᐅᑉ ᐅᖃᐅᑎᕚ, “ᐃᓚᒋᓂᐊᕐᐸᒋᑦ ᒥᑎᐊᓂᒥᐅᑦ ᓵᓚᒋᓂᐊᕐᐸᑎᑦ ᐃᓄᒃᑐᑦ ᐊᑕᐅᓯᕐᑐᑦ.”

ᔫᐱᐅᑉ ᐊᒡᓚᖏᑦ 41:30

ᓈᖓᑕ ᑲᕕᓯᖏᑦ ᒪᕐᕋᕕᓂᕐᑎᑐᑦ ᓯᖁᒥᓯᒪᔪᑎᑐᑦ ᐃᐱᒃᑎᒋᕗᑦ; ᓄᓇᒥ ᐃᓂᓕᐅᕆᖃᑦᑕᕐᐳᖅ ᐃᒻᒧᒃᓯᐅᒊᑦ ᒪᕐᕋᕐᒥ ᐃᓂᓕᐅᕆᓂᖏᑎᑐᑦ.