ᐂᓮᐊᓯᐅᑉ ᐊᒡᓚᖏᑦ 41:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᑭᕋᕐᑐᕐᑎᒋᕙᒃᑕᑎᑦ ᕿᓂᕈᒫᕐᐸᑎᑦ ᓇᒡᕚᕐᓇᒋᓪᓗ; ᐃᓕᑦᓯᓐᓂᒃ ᐅᓇᑕᕈᒪᔪᑦ ᓱᓇᐅᑎᑦᓱᒫᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 41:12 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 17:14

ᐅᓐᓄᒃᑯᑦ ᑕᑯᒋᑦ, ᑲᑉᐱᐊᓇᕐᑐᖃᓕᕐᐳᖅ! ᐅᓪᓛᓐᖑᓛᐅᕐᑎᓐᓇᒍ ᓱᓇᑕᖃᕈᓐᓃᕐᐳᖅ! ᑍᒫᒃ ᑕᕝᕙ ᑭᒃᑯᑐᐃᓐᓁᑦ ᓄᓇᑦᑎᓐᓂᒃ ᓄᓁᕈᑦᔨᓇᓱᒃᑐᑦ ᐱᔪᒫᕐᐳᑦ, ᐅᕙᑦᑎᓐᓂᒡᓗ ᓱᓁᕈᑦᔨᓇᓱᐊᕐᑐᑦ ᓇᓚᐅᑦᑖᕈᑎᒃᑯᑦ ᐱᕖᕈᑦᔭᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 34:12

ᐊᖓᔪᖅᑳᕐᔪᐊᖃᕐᕕᒃᓴᐅᖏᑦᑐᒥᒃ ᐊᑦᓯᕈᒫᕐᐹᑦ ᑍᖕᓇ, ᐊᖓᔪᖅᑳᖁᑕᐅᔪᓪᓗ ᑕᕝᕙᓂ ᐱᑕᖃᕈᒫᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 29:8

ᐊᑦᔨᖃᕈᒫᕐᐳᑦ ᐊᖑᒻᒥᒃ ᑳᒃᑐᒥᒃ ᓂᕆᓗᓂ ᓯᓐᓇᒃᑑᒪᔪᒥᒃ ᐃᖅᑯᒻᒪᕋᒥ ᓱᓕ ᑳᒡᓗᓂ ᐃᖅᑯᒻᒪᕐᑐᑐᑦ, ᐅᕝᕙᓘᓐᓃᑦ ᐃᒥᕈᖕᓂᕐᒧᑦ ᖀᓕᕐᑐᑎᑐᑦ ᓯᓐᓇᒃᑑᒪᔪᒥᒃ ᐃᒥᕐᓗᓂ ᐃᖅᑯᒻᒪᕐᐳᖅ ᐃᒡᒋᐊᖓ ᓱᓕ ᓴᓗᐊᖓᑎᓪᓗᒍ ᐃᒥᕈᖕᓂᕐᒧᑦ, ᑍᒤᑦᓱᒫᕐᐳᑦ ᐃᓅᖃᑎᒌᒡᔪᐊᑦ ᓇᑭᑐᐃᓐᓈᕐᓯᒪᔪᑦ ᖃᖅᑲᒥᒃ ᓮᐅᓂᒥᒃ ᐅᓇᑕᖃᑎᖃᕋᓱᐊᕐᑐᑦ.

ᐂᓮᐊᓯᐅᑉ ᐊᒡᓚᖏᑦ 49:25

ᐊᑕᓂᕐᓕ ᐃᒫᒃ ᐅᖃᕐᐳᖅ: “ᓴᓐᖏᔪᕐᔪᐊᓄᑦ ᑎᒍᔭᐅᓯᒪᔪᑦ ᐊᐅᓪᓚᕈᑦᔭᐅᔪᒫᕐᐳᑦ, ᑲᑉᐱᐊᒋᔭᖃᖏᑦᑐᓪᓗ ᐱᓯᒪᔭᖏᑦ ᓴᐳᑎᔭᐅᔪᒫᕐᐳᑦ; ᐃᓕᑦᓯᓐᓂᒃ ᐊᑭᕋᕐᑐᕐᑐᑦ ᐊᑭᕋᕐᑐᕐᓂᐊᕆᕙᒃᑲ, ᕿᑐᕐᖓᓯᓗ ᐱᐅᓕᔪᒫᕐᐸᒃᑲ.

ᔨᐸᓁᐊᐅᑉ ᐊᒡᓚᖏᑦ 3:19

ᑕᑯᒋᑦ, ᑍᓐᓇ ᓇᓪᓕᐅᑎᒃᐸᑦ ᐃᓕᑦᓯᓐᓂᒃ ᕿᒃᓵᒃᑎᑦᓯᔪᑦ ᑲᒪᒋᔪᒫᕐᐸᒃᑲ, ᑐᓯᐊᑦᑐᑦ ᐱᐅᓕᓂᐊᕐᐸᒃᑲ. ᑲᑎᑎᑦᓱᒫᕐᐸᒃᑲᓗ ᓯᐊᒻᒪᕐᑎᑕᐅᓯᒪᔪᑦ, ᑎᓕᔪᒫᕐᐸᒃᑲᓗ ᓂᕐᑐᐃᑯᓪᓗᒋᑦ ᖃᐅᔨᒪᔭᐅᑦᓯᐊᓕᕐᑎᓪᓗᒋᓪᓗ, ᑍᒃᑯᐊ ᓄᓇᓂ ᓇᓂᑐᐃᓐᓇᖅ ᑲᓐᖑᓱᒃᑎᑕᐅᓚᐅᕐᑐᑦ.