ᐂᓮᐊᓯᐅᑉ ᐊᒡᓚᖏᑦ 35:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓯᐅᕅᓐᓇᖅ ᐃᒪᖃᖏᓐᓂᕐᒧᑦ ᐆᓇᓚᐅᕐᑐᖅ ᑕᓯᐅᓕᕈᒫᕐᐳᖅ, ᓄᓇᓗ ᐹᓂᕐᓂᑰᓕᓚᐅᕐᑐᖅ ᓄᓇᐅᑉ ᐃᓗᐊᓂᑦ ᑯᕕᔪᓂᒃ ᐃᒪᕐᑕᖃᓕᕈᒫᕐᐳᖅ; ᑎᕆᒐᓂᐊᖑᔮᕐᑐᓄᓪᓗ ᓄᓇᒋᔭᐅᓕᓚᐅᕐᑐᖅ ᐃᒪᕐᓲᓕᕐᓗᓂ, ᐱᕈᕐᕕᐅᓕᕈᒫᕐᐳᖅ ᐃᕕᒃᓱᒐᕐᓄᑦ ᓱᓪᓗᓕᖕᓄᑦ ᐃᕕᒃᓱᒐᕐᔪᐊᓄᓪᓗ ᑕᑭᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 35:7 ပူးပေါင်းရင်းမြစ်များ

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᐂᓮᐊᓯᐅᑉ ᐊᒡᓚᖏᑦ 49:10

ᑳᒍᓐᓃᕈᒫᕐᐳᑦ ᐃᒥᕈᒍᓐᓃᕐᓗᑎᒡᓗ, ᐊᓄᕆᒧᑦ ᐆᓇᕐᑐᒧᑦ ᓯᕿᓂᕐᒧᓪᓗ ᐆᑎᑕᐅᔪᒫᓐᖏᓚᑦ; ᑖᒃᑯᓂᖓ ᓂᑲᒍᓱᒃᑑᑉ ᑕᓯᐅᕈᒫᕐᐰᑦ, ᓄᓇᐅᑉ ᐃᓗᐊᓂᑦ ᑰᖃᕐᑐᒃᑯᑦ ᑕᓯᐅᕈᒫᕐᒪᒋᑦ.

ᔪᐊᓇᓯᐅᑉ ᐊᒡᓚᖏᑦ 4:14

ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”

ᐂᓮᐊᓯᐅᑉ ᐊᒡᓚᖏᑦ 34:13

ᐅᕐᐱᒊᑦ ᑲᑭᓐᓇᕐᑐᓖᑦ ᐱᕈᕈᒫᕐᐳᑦ ᐊᖓᔪᖅᑳᕐᔪᐊᒃᑯᕕᕕᓂᕐᓂ, ᐃᒡᓗᖃᕐᕕᕕᓂᖏᓐᓂ ᐱᕈᕐᑐᑦ ᐅᖏᓚᖕᓇᕐᑐᑦ ᑲᑭᓪᓚᕐᓇᕐᑐᓪᓗ ᐱᕈᕈᒫᕐᐳᑦ. ᐃᒡᓗᒐᓮᓪᓗ ᐆᒪᔪᓄᑦ ᕿᒻᒥᐅᔮᕐᑐᓄᑦ ᔮᑯᓄᑦ, ᐋᔅᑐᕆᑦᓯᓄᓪᓗ ᑎᖏᔪᓐᓇᖏᑦᑐᓄᑦ ᓇᔪᒐᐅᓕᕈᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:2

ᓂᐱᖅᑯᕐᑐᓪᓗᓂᓗ ᐅᖃᕐᐳᖅ, “ᑲᑕᒃᓯᒪᓕᕐᐳᖅ, ᑲᑕᒃᓯᒪᓕᕐᐳᖅ ᐹᐱᓘᓂ ᐊᔪᖏᑦᑐᕐᔪᐊᖅ ᐊᓂᕐᓂᕐᓗᖕᓄᑦ ᓵᑖᓇᓯᒥᓐᖔᕐᑐᓄᑦ ᐃᓂᒋᔭᐅᓕᕐᐳᖅ, ᐊᓂᕐᓂᕐᓄᑦ ᐱᐅᖏᑦᑐᓄᑦ ᖃᓄᐃᑦᑐᑐᐃᓐᓇᕐᓄᑦ, ᐊᓂᕐᓂᕐᓄᑦ ᐱᐅᖏᑦᑐᓄᑦ ᐆᒥᓇᕐᑐᓄᓪᓗ ᑎᖕᒥᐊᓄᑦ ᐃᓂᒋᔭᐅᓕᕐᐳᖅ;

ᔪᐊᓇᓯᐅᑉ ᐊᒡᓚᖏᑦ 7:38

ᐅᕙᓐᓄᑦ ᐅᒃᐱᕐᑐᖅ, ᓲᕐᓗ ᐊᒡᓚᖕᓂ ᐅᖃᐅᓯᐅᓯᒪᖕᒪᑦ, ‘ᐃᒦᑦ ᐃᓅᓯᑖᕐᓇᕐᑐᒥᒃ ᑰᒃᑐᑦ ᐆᒻᒪᑎᖓᓂᑦ ᑰᓕᕈᒪᕐᐳᑦ.’”

ᐂᓮᐊᓯᐅᑉ ᐊᒡᓚᖏᑦ 13:22

ᕿᒻᒥᖓᔪᑦ ᕼᐋᐄᓁᑦ ᒥᐊᒡᒎᕈᒫᕐᐳᑦ ᓄᕗᒐᓴᒡᔪᐊᕕᓂᕐᓂ ᑎᕆᒐᓂᐊᖓᔪᓪᓗ ᔮᑯᐃᑦ ᐊᖓᔪᖅᑳᕐᔪᐊᑦ ᐃᒡᓗᕐᔪᐊᕕᓂᖏᓐᓂ ᑕᑯᒥᓇᕐᑐᒦᓪᓗᑎᒃ; ᐃᓱᓕᕝᕕᒃᓴᖓᑦ ᖃᒡᓕᕗᖅ, ᐅᓪᓗᐃᓪᓗ ᐊᑯᓂᐅᓂᐊᕈᓐᓃᕐᓗᑎᒃ.”

ᓘᑲᓯᐅᑉ ᐊᒡᓚᖏᑦ 13:29

ᐃᓄᐃᑦ ᑎᑭᑦᓱᒫᕐᐳᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᓯᕿᓂᐅᓪᓗ ᓂᐱᕕᐊᑕ ᓇᓛᓂᑦ, ᐅᓐᓄᐊᓪᓗ ᓇᓛᓂᑦ, ᐅᓪᓘᓪᓗ ᓇᓛᓂᑦ, ᑖᒃᑯᐊ ᐃᒃᓯᕙᖃᑕᐅᔪᒫᕐᐳᑦ ᓂᕆᕕᖕᒥ ᒎᑎᐅᑉ ᐊᑕᓂᐅᕕᖓᓂ.

ᒫᑎᐅᓯᐅᑉ ᐊᒡᓚᖏᑦ 21:43

“ᑍᒤᒻᒪᑦ ᐅᖃᐅᑎᕙᑦᓯ, ᒎᑎᐅᑉ ᐊᑕᓂᐅᕕᖓᓂᒃ ᐊᕐᓵᕐᑕᐅᔪᒫᕐᐳᓯ ᑐᓂᔭᐅᖔᕐᓗᓂ ᐃᓄᖕᓄᑦ ᐱᕈᕐᑐᖃᕐᑎᑦᓯᔪᓐᓇᕐᑐᓄᑦ. [

ᐂᓮᐊᓯᐅᑉ ᐊᒡᓚᖏᑦ 29:17

ᐱᔪᖃᓚᐅᖏᒃᑲᓗᐊᕐᑎᓪᓗᒍ, ᐊᑯᓂᐊᓘᖏᑦᑐᖅ ᓕᐸᓇᓂ ᐱᕈᕐᓰᕕᑦᓯᐊᑐᐃᓐᓇᐅᓕᕈᒫᕐᐳᖅ, ᐱᕈᕐᓰᕕᒃ ᓂᕿᒃᓴᓕᐅᕐᕕᒃ ᓇᐹᕐᑐᓕᒡᔪᐊᖑᔪᓐᓇᕐᐹ?

ᐂᓮᐊᓯᐅᑉ ᐊᒡᓚᖏᑦ 19:6

ᑰᖕᒥ ᐅᒥᐊᕐᔪᐊᓄᑦ ᐊᖅᑯᑎᓕᐊᕆᓯᒪᔪᑦ ᑎᐱᓗᓕᕈᒫᕐᐳᑦ, ᐄᑦᔨᑉᑎᐅᑉ ᑰᖓᓂ ᓁᓕᒥ ᐊᕙᓚᖓᔪᑦ ᒥᑭᔫᓕᕈᒫᕐᐳᑦ ᓴᓗᐊᕐᓗᑎᒡᓗ, ᐃᒫᓂ ᐱᕈᕐᑐᑦ ᐃᕕᒃᓱᒊᑦ ᓱᓪᓗᓕᕐᔪᐊᓪᓗ ᐸᓂᕐᓂᕐᒧᑦ ᑐᖁᓕᔪᒫᕐᐳᑦ.

ᐃᓐᖏᕈᑎᑦ 107:35

ᓱᓇᖃᔪᐃᑦᑐᖅ ᑕᓯᖃᐅᓕᕐᑎᑉᐹ, ᓄᓇᓗ ᐸᓂᕐᑐᖅ ᐃᓗᐊᓂᑦ ᑰᖃᓕᕐᑎᑉᐹ.

ᐂᓮᐊᓯᐅᑉ ᐊᒡᓚᖏᑦ 30:25

ᖃᖅᑲᓕᒫᓂᑦ ᐱᖑᓕᒫᓂᓪᓗ ᐳᕐᑐᔪᓂᑦ ᑰᒐᓛᒃᑕᖃᕈᒪᕐᐳᖅ ᑰᓪᓚᕆᒃᑕᖃᕐᓗᓂᓗ, ᐅᓇᑕᕐᓂᕐᒥ ᐅᓄᕐᑐᓂᒃ ᑐᖁᕅᔪᖃᕐᑎᓪᓗᒍ, ᓇᐸᔪᐊᓗᐃᓪᓗ ᐅᕐᕈᑎᑕᐅᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 41:18

ᑰᖃᓕᕐᑎᑦᓯᔪᒫᕐᐳᖓ ᖃᖅᑲᑎᒍᑦ ᐱᕈᕐᑐᖃᖏᑦᑐᑎᒍᑦ, ᓇᕐᓮᓪᓗ ᓄᓇᐅᑉ ᐃᓗᐊᓂᑦ ᑯᕕᔪᕐᑕᖃᓕᕈᒫᕐᐳᑦ; ᓄᓇᒥ ᐃᓄᖃᖏᑦᑐᒥ ᐃᒪᕐᓱᖃᐅᓕᕐᑎᑦᓯᔪᒫᕐᐳᖓ, ᓄᓇᒥᓗ ᐸᓂᕐᑐᒥ ᐃᒥᕐᒥᒃ ᑯᕕᔪᖃᓕᕐᑎᑦᓯᓗᖓ.

ᐂᓮᐊᓯᐅᑉ ᐊᒡᓚᖏᑦ 43:20

ᐆᒪᔪᓄᑦ ᓄᔪᐊᕐᑐᓄᑦ ᐅᐱᒋᔭᐅᔪᒫᕐᐳᖓ, ᑎᕆᒐᓂᐊᖓᔪᓄᑦ ᔮᑯᓄᑦ ᑎᖕᒥᐊᕐᔪᐊᓄᓪᓗ ᐋᔅᑐᕆᑦᓯᓄᑦ; ᐃᒪᕐᑖᕐᑎᑦᓯᔪᒫᕋᒪ ᓄᓇᒥ ᐃᓄᖃᖏᑦᑐᒥ, ᑰᓕᐅᕐᓗᖓᓗ ᓯᐅᕅᓐᓇᕐᒥ, ᐃᓄᖁᑎᓐᓄᑦ ᓂᕈᐊᕐᓯᒪᔭᓐᓄᑦ ᐃᒥᕆᔭᐅᔪᒫᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 48:21

ᐃᒥᕈᓕᓚᐅᓐᖏᓚᑦ ᑖᑦᓱᒪ ᑕᓯᐅᕐᒪᒋᑦ ᓱᓇᖃᔪᐃᑦᑐᒃᑯᑦ ᐃᖏᕐᕋᑎᓪᓗᒋᑦ; ᕾᕐᑐᒥᓪᓗ ᑰᒃᑎᑦᓯᓪᓗᓂ ᐃᒪᕐᑖᕐᑎᓚᐅᕐᐰᑦ; ᕾᕐᑐᖅ ᖁᐱᖕᒪᒍ ᐃᒪᖅ ᑰᓕᓚᐅᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 47:8

ᐅᖃᐅᑎᕚᖓᓗ, “ᑕᒪᓐᓇ ᑰᒃᐳᖅ ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᐊᕋᐸᐅᑉ ᓇᕐᓴᖓᓄᑦ; ᑕᓯᕐᔪᐊᕐᒧᑦ ᑐᖁᖓᔪᒧᑦ ᑎᑭᐅᓯᒪᕗᖅ, ᑕᓯᕐᔪᐊᒧᑦ ᑎᑭᓐᓇᒥ ᑕᕆᐅᖑᔪᓐᓃᕐᑎᑦᓯᓪᓗᓂ ᐃᒥᑦᓯᐊᕙᕈᕐᑎᑦᓯᕗᖅ.

ᐃᓗᐊᕐᓮᔩᑦ ᐊᒡᓚᖏᑦ 6:38

ᐊᓱᐃᓛᒃ ᑍᒤᓚᐅᕐᐳᖅ, ᒋᑎᐅᓂ ᐅᓪᓛᒻᒪᕆᒃᑯ ᑐᐸᒐᒥ, ᓰᐱᐅᑉ ᒥᖅᑯᖓ ᓯᕝᕗᕐᓗᒍ ᐴᒍᑕᖅ ᐃᒥᕐᒥᒃ ᑕᑕᑉᐹ.