ᐂᓮᐊᓯᐅᑉ ᐊᒡᓚᖏᑦ 35:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᒥᒐᖏᑦᑐᓂᒃ ᐱᕈᕐᑐᖃᓕᕈᒫᕐᐳᖅ ᖁᕕᐊᓱᓕᕐᓗᓂᓗ, ᓂᕐᑐᐃᔪᒫᕐᐳᖅ ᖁᕕᐊᓱᖕᓂᕐᒧᑦ ᐃᓐᖏᕐᓗᓂᓗ. ᓕᐸᓇᓂᐅᑉ ᑕᑯᒥᓇᕐᓂᖓᓂᒃ ᑐᓂᓯᕕᐅᔪᒫᕐᐳᖅ, ᑳᕐᒥᐅᓕᐅᓪᓗ ᓵᕋᓂᐅᓪᓗ ᓇᑎᕐᓇᖏᑎᑐᑦ ᑲᑦᔮᕐᓇᕐᑐᒥᒃ, ᐊᑕᓂᐅᑉ ᐱᓐᓇᕐᓇᕐᓂᖓᓂᒃ ᑕᑯᔪᒫᕐᐳᑦ, ᒎᑎᑦᑕ ᐊᖓᔪᖅᑳᕐᔪᐊᑦᓯᐊᖑᓂᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 35:2 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 60:13

ᓕᐸᓇᓂᐅᑉ ᑕᑯᒥᓇᕐᓂᖏᓐᓄᑦ ᑎᑭᑕᐅᔪᒫᕐᐳᓯ, ᓇᐹᕐᑐᖏᑕ ᓮᐳᕋᓯᒥᒃ ᑍᔭᐅᔪᑦ, ᓇᐹᕐᑐᑐᐃᓐᓁᓪᓗ, ᓇᐹᕐᑐᓪᓗ ᐰᓂᓂᒃ ᑍᔭᐅᔪᑦ, ᐃᑦᔪᕐᓁᑦᑐᕕᖁᑎᒪ ᐃᓂᖓ ᑕᑯᒥᓇᕐᓯᖁᓪᓗᒍ; ᐃᑎᒐᖕᒪ ᐃᓂᖓ ᐱᓐᓇᕐᓇᕐᓯᑎᑦᓱᒪᒐᒃᑯ.

ᐂᓮᐊᓯᐅᑉ ᐊᒡᓚᖏᑦ 25:9

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐅᖃᕐᑐᖃᕈᒫᕐᐳᖅ, “ᑕᑯᒋᑦ ᑕᕝᕙ ᒎᑎᕗᑦ; ᑖᓐᓇ ᐅᑕᖅᑭᔭᕗᑦ, ᓴᐳᑎᓂᐊᕐᒪᑎᒍᑦ, ᐃᓛᒃ ᑖᓐᓇ ᑕᕝᕙ ᐊᑕᓂᖅ, ᐅᑕᖅᑭᓚᐅᕐᑕᕗᑦ; ᖁᕕᐊᓱᓕᕐᑕ ᓯᕆᓗᑕᓗ ᐱᐅᓕᔨᐅᓂᖓ ᐱᓪᓗᒍ.”

ᕉᒪᒥᐅᓄᑦ 10:15

ᖃᓄᕐᓗ ᐊᔪᕆᕐᑐᐃᒐᔭᕐᐹᑦ ᑎᓕᔭᐅᓯᒪᖏᓪᓗᑎᒃ? ᐊᒡᓚᓂ ᑎᑎᕋᕐᓯᒪᔪᖃᕐᒪᑦ, “ᐱᐅᔪᐊᓘᕗᑦ ᐃᓯᒐᖏᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᕆᐊᕐᑐᕐᖢᑎᒃ ᑎᑭᐅᑦᔨᔪᑦ!”

ᕼᐊᐸᑲᐅᑉ ᐊᒡᓚᖏᑦ 2:14

ᓄᓇᕐᔪᐊᖅ ᑕᑕᑕᐅᔪᒫᕐᐳᖅ ᐃᓕᑕᕐᓯᓂᕐᒥᒃ ᐊᑕᓂᐅᑉ ᐱᓐᓇᕐᓇᕐᓂᖓᓂᒃ, ᐃᒪᐅᑉ ᐃᒪᕕᖕᒥᒃ ᐅᓕᒃᓯᓯᒪᓂᖓᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 40:5

ᐊᑕᓂᐅᑉ ᐱᓐᓇᕐᓇᕐᓂᕐᔪᐊᖓ ᓴᖅᑭᑦᓱᒫᕐᐳᖅ, ᐃᓄᓕᒫᓪᓗ ᐃᓘᓐᓇᖓ ᑕᑯᔪᒫᕐᐹᑦ, ᐊᑕᓂᐅᑉ ᖃᓂᕐᒥᒍᑦ ᑕᒪᓐᓇ ᐅᖃᐅᓯᕆᖕᒪᒍ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:23

ᐃᒡᓗᒐᓴᒡᔪᐊᓪᓗ ᓯᕿᓂᕐᒧᑦ ᑕᖅᑭᕐᒧᓪᓘᓐᓃᑦ ᖃᐅᒪᑎᑕᐅᔭᕆᐊᖃᓐᖏᓚᑦ, ᒎᑎᐅᑉ ᐱᓐᓇᕐᓇᕐᓂᖓᑕ ᖃᐅᒪᑎᒻᒪᒋᑦ, ᓄᕐᕋᐅᔭᕐᓗ ᖃᐅᒻᒪᖅᑯᑎᒋᖕᒪᑦᔪᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᔪᐊᓇᓯᐅᑉ ᐊᒡᓚᖏᑦ 17:24

“ᐊᑖᑖᒃ, ᐱᔪᒪᕗᖓ ᑖᒃᑯᐊ ᐅᕙᓐᓄᑦ ᑐᓂᓚᐅᕐᑕᑎᑦ, ᐅᕙᓐᓃᖁᓪᓗᒋᑦ ᓇᔪᕐᑕᓐᓂ, ᓂᕐᑐᕐᓇᕐᓂᕐᒥᒡᓗ ᐅᕙᓐᓄᑦ ᑐᓂᓚᐅᕐᑕᕐᓂᒃ ᑕᑯᖁᓪᓗᒋᑦ; ᐅᕙᓐᓂᒃ ᓇᒡᓕᒍᓱᖕᓂᕐᓄᑦ ᓯᓚᕐᔪᐊᖅ ᐱᓐᖑᕐᑎᑕᐅᓚᐅᖅᑳᕐᑎᓐᓇᒍ.

ᐂᓮᐊᓯᐅᑉ ᐊᒡᓚᖏᑦ 61:3

ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 60:19

ᓯᕿᓂᖅ ᐅᓪᓘᒐᓗᐊᒃᑯᑦ ᖃᐅᒪᑦᔪᑎᒋᔭᕆᐊᖃᕈᒫᓐᖏᓚᓯ, ᑕᖅᑭᐅᓪᓗ ᖃᐅᒪᓂᖓ ᐅᓐᓄᐊᒥ ᖃᐅᒪᑦᔪᑎᒋᔭᕆᐊᖃᕈᒫᓐᖏᓐᓂᕙᓯ; ᐊᑕᓂᐅᑉ ᖃᐅᒪᓂᖓᓄᑦ ᖃᐅᒪᑎᑕᐅᓕᕈᒫᕋᑦᓯ ᑍᒫᓐᖓᓕᒫᖅ, ᒎᑎᓯᓗ ᐱᓐᓇᕐᓇᕐᓂᕆᔪᒫᕐᐸᓯ.

ᐂᓮᐊᓯᐅᑉ ᐊᒡᓚᖏᑦ 33:9

ᓄᓇ ᕿᒃᓵᓕᕐᐳᖅ ᓴᓐᖐᓕᓪᓗᓂᓗ; ᓕᐸᓇᓂᐅᑉ ᓇᐹᕐᑐᒐᓴᒃᔪᐊᖏᑦ ᓇᓗᓕᕐᓂᕐᒧᑦ ᑐᖁᓕᕗᑦ; ᓵᕋᓂᐅᑉ ᓇᑎᕐᓇᖓ ᓱᓇᖃᔪᐃᑦᑐᑎᑐᑦ ᑍᒤᓕᕐᐳᖅ; ᐹᓴᓂᒥ ᑳᕐᒥᐅᓪᒥᓗ ᓇᐹᕐᑐᐃᑦ ᐅᖃᐅᔭᖏᑦ ᑲᑕᒐᕐᓯᒪᓕᕐᐳᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 7:5

ᓂᐊᖁᐃᑦ ᒪᑭᑕᑦᓯᐊᕐᐳᖅ ᓲᕐᓗ ᖃᖅᑲᖅ ᑳᕐᒥᐅᓪᒥᒃ ᐊᑎᓕᒃᑐᑦ, ᓄᔭᕐᑎᓪᓗ ᓂᕕᖓᔪᑦ ᓲᕐᓗ ᖃᓪᓗᓈᕐᑍᑦ ᐱᐅᓂᕐᐹᑦ, ᐱᐅᔪᐊᓘᓂᖏᓐᓄᑦ ᐊᖓᔪᖅᑳᕐᔪᐊᑉ ᑕᑯᓐᓇᑐᐃᓐᓇᕈᒪᕔᑦ.

ᐃᓐᖏᕈᑎᑦ 72:19

ᐊᑎᖓᓗ ᐱᓐᓇᕐᓇᕐᑐᖅ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ! ᓄᓇᕐᔪᐊᓕᒫᖅ ᑕᑕᓪᓕ ᑖᑦᓱᒪ ᑲᑦᔮᕐᓇᕐᓂᖓᓂᒃ! ᐋᒦᓐ ᐊᒻᒪ ᐋᒦᓐ.

ᐃᓐᖏᕈᑎᑦ 72:16

ᐊᒥᒐᖏᑦᑐᓂᒃ ᐱᕈᕐᑐᓂᒃ ᓂᑭᒃᓴᖃᕈᒫᕐᐳᖅ ᓄᓇᒥ, ᖃᖅᑬᑦ ᖄᖏᓐᓂ ᐱᕈᕐᑐᑦ ᐊᐅᓚᔪᒫᕐᐳᑦ ᓕᐸᓇᓂᑐᑦ; ᐃᒡᓗᒐᓴᒡᔪᐊᓪᓗ ᐱᕈᕐᐸᓪᓕᐊᔪᒫᕐᐳᑦ ᐃᕕᒃᓱᒐᕐᑎᑐᑦ ᓄᓇᒦᑦᑐᑐᑦ.

ᐃᓐᖏᕈᑎᑦ 50:2

ᓮᐅᓂᒥᑦ, ᐃᓂᖁᓇᕐᓂᒥᒃ ᓈᒻᒪᒃᓯᓯᒪᑦᓯᐊᕐᑐᒥᒃ, ᒎᑎ ᖃᐅᒪᓂᐊᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:18

ᐅᕙᒍᓪᓗ ᑕᒪᑦᑕ ᑭᓇᑦᑎᓐᓂᒃ ᒪᑐᐊᕐᓯᓯᒪᖏᑦᑐᒍᑦ, ᐊᑕᓂᐅᑉ ᓂᕐᑐᕐᓇᕐᓂᖓ ᑕᑯᒃᓴᐅᑎᑉᐸᕗᑦ, ᐊᓯᑦᔨᕐᑕᐅᓪᓗᑕᓗ ᑖᑦᓱᒪ ᑕᐅᑦᑐᖓᓄᑦ ᓂᕐᑐᕐᓇᕐᓯᕙᓪᓕᐊᑎᑦᓯᔪᒧᑦ ᐱᓐᓇᕐᓇᕐᑐᒥᑦ ᐱᓐᓇᕐᓇᕐᑐᒧᑦ; ᑕᒪᓐᓇᓗ ᐊᑕᓂᕐᒥᑦ ᐱᕗᖅ ᐊᓂᕐᓂᐅᔪᒥᑦ.

ᕉᒪᒥᐅᓄᑦ 15:10

ᐅᖃᒃᑲᓐᓂᕐᒥᖕᒪᑦ, “ᔫᑎᐅᖏᑦᑐᓯ ᖁᕕᐊᓱᒋᑦᓯ, ᑖᑦᓱᒪ ᐃᓄᖁᑎᖏᑦ ᐃᓚᒋᓗᒋᑦ.”

ᔪᐊᓇᓯᐅᑉ ᐊᒡᓚᖏᑦ 12:41

ᐂᓮᐊᓯ ᑍᒫᒃ ᐅᖃᓚᐅᕐᐳᖅ ᔩᓱᓯᐅᑉ ᓂᕐᑐᕐᓇᕐᓂᖓ ᑕᑯᓚᐅᕋᒥᐅᒃ ᐅᖃᐅᑎᒋᒐᒥᐅᒡᓗ.

ᓴᑲᕅᐊᐅᑉ ᐊᒡᓚᖏᑦ 10:7

ᐃᕗᕅᒥ ᓄᓇᖃᕐᑐᑦ ᐊᖑᑎᑎᑐᑦ ᓴᓐᖏᔪᕐᔪᐊᑎᑐᑦ ᑍᒤᑦᓱᒫᕐᐳᑦ, ᐆᒻᒪᑎᖏᓪᓗ ᖁᕕᐊᓱᒡᓗᑎᒃ ᕔᓂᑐᕐᓯᒪᔪᑎᑐᑦ. ᕿᑐᕐᖓᖏᑕᓗ ᖁᕕᐊᓱᒡᓗᑎᒃ ᑕᑯᔪᒫᐰᑦ; ᐆᒻᒪᑎᖏᑦ ᖁᕕᐊᓱᒍᑎᖃᓪᓚᕆᒍᒫᕐᐳᑦ ᐊᑕᓂᐅᑉ ᐱᓂᐊᕐᓯᒪᔭᖏᑦ ᐱᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 60:21

ᐃᓄᖁᑎᓕᒫᓯ ᓇᓛᒎᑦᓯᐊᓕᕈᒫᕐᒪᑕ; ᓄᓇᓗ ᐱᒋᓕᕐᓗᒍ ᐃᓱᖃᖏᑦᑐᒧᑦ, ᐱᕈᕐᓯᐊᒃᓴᓐᖑᕐᑎᓚᐅᕋᒃᑭᑦ ᐱᕈᕐᓰᕕᓐᓂ ᐊᒡᒐᓐᓄᑦ ᐋᖅᑭᒃᓱᕐᓗᒋᑦ, ᐱᓐᓇᕐᓇᕐᑎᑕᐅᖁᓪᓗᖓ ᑖᒃᑯᑎᒎᓇᖅ.

ᐂᓮᐊᓯᐅᑉ ᐊᒡᓚᖏᑦ 49:13

ᕿᓚᐅᔪᓯ ᐃᓐᖏᕆᑦᓯ ᖁᕕᐊᓱᖕᓂᕐᒧᑦ! ᓄᓇᕐᔪᐊᖅ ᐃᕝᕕᓪᓗ ᖁᕕᐊᓱᖏᑦ! ᖃᖅᑲᐅᔪᓯ ᓂᐱᖃᓕᕆᑦᓯ ᐃᓐᖏᕐᓗᓯ! ᐊᑕᓂᐅᑉ ᐃᓄᖁᑎᓂ ᓮᒻᒪᕐᑎᒻᒪᒋᑦ, ᐅᖁᒤᒃᓴᓚᐅᕐᑐᓪᓗ ᓂᑲᒋᓂᐊᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 41:19

ᓄᓇᒥ ᐃᓄᖃᖏᑦᑐᒥ ᐱᕈᕐᑎᑦᓯᔪᒫᕐᐳᖓ ᓇᐹᕐᑐᑦᓯᐊᕙᖕᓂᒃ ᓰᑕᕆᓂᒃ ᐊᑬᓯᐊᓂᒡᓗ, ᒨᕐᑐᓂᒃ ᐋᓕᕝᓂᒡᓗ, ᓄᓇᒥᓗ ᓯᐅᕅᓐᓇᕐᒥ ᐱᕈᕐᑎᑦᓯᔪᒫᕐᐳᖓ ᓇᐹᕐᑐᓂᒃ ᓮᐳᕆᓯᓂᒃ ᐰᓂᓂᒡᓗ ᐸᓖᓂᓂᒡᓗ ᑲᑎᓐᖓᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 32:15

ᒎᑎᐅᑉ ᐊᓂᕐᓂᖓᓄᑦ ᕿᓚᖕᒥᑦ ᑎᑭᑕᐅᓯᒪᓕᕈᑦᑕ ᑭᓯᐊᓂ, ᓱᓇᖃᕈᓐᓃᓚᐅᕐᑑᒐᓗᐊᑦ ᐱᕈᕐᕕᐅᓕᕈᒫᕆᕗᑦ ᐸᐅᕐᖓᓂᒃ, ᐱᕈᕐᕕᐅᓕᕐᑐᕐᓗ ᓇᐹᕐᑐᒐᓴᒃᔪᐊᓕᒃᑐᑦ ᑍᒤᓕᕈᒫᕆᕗᖅ.

ᐂᓮᐊᓯᐅᑉ ᐊᒡᓚᖏᑦ 6:3

ᑖᒃᑯᐊᓗ ᐃᒻᒥᖕᓄᑦ ᕾᒐᓛᖃᑦᑕᐅᑎᕗᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ! ᐱᓐᓇᕐᓇᕐᓂᕐᔪᐊᖓ ᑕᑍᓯᒪᕗᖅ ᓄᓇᕐᔪᐊᕐᒥᒃ!”

ᐃᓐᖏᕈᑎᑦ 97:6

ᕿᓔᑦ ᓇᓗᓁᕐᓯᕗᑦ ᑖᑦᓱᒪ ᐃᓱᐊᕐᑐᓕᓂᖓᓂᒃ; ᐃᓄᓕᒫᓪᓗ ᑖᑦᓱᒪ ᓂᕐᑐᕐᓇᕐᓂᖓ ᑕᑯᕚᑦ.

ᐃᓐᖏᕈᑎᑦ 89:12

ᐅᓐᓄᐊᓪᓗᐊᖅ ᐅᓪᓗᓪᓗᐊᕐᓗ, ᐱᓐᖑᕐᑎᓯᒪᕚᒃᑭᒃ; ᖃᖅᑳᒃ ᑍᐸᕆ ᕼᐊᕐᒪᓂᓗ ᖁᕕᐊᓱᒡᓗᑎᒃ ᐊᑎᕐᓂᖅ ᓂᕐᑐᐃᕘᒃ.

ᑯᕉᓂᑲ ᓯᕗᓪᓖᑦ 16:33

ᑕᕝᕙ ᓇᐹᕐᑐᐃᑦ ᕿᔪᓕᒫᓪᓗ ᐃᓐᖏᕈᒫᕐᐳᑦ ᖁᕕᐊᓱᒡᓗᑎᒃ ᐊᑕᓂᐅᑉ ᓵᖓᓂ, ᕾᓕᖕᒪᑦ ᓄᓇᕐᔪᐊᕐᒥᐅᑦ ᐱᓇᓱᐊᕐᕕᒋᔭᕐᑐᕐᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:35

ᓔᑕᒥ ᓵᕋᓐᒥᓗ ᓄᓇᖃᕐᑐᑦ ᑖᑦᓱᒥᖓ ᑕᑯᒐᒥᒃ ᐊᑕᓂᕐᒧᑦ ᓵᒋᐊᕐᐳᑦ.

ᒨᓯᓯ ᐂᑉᐸᖏᑦ 16:7

ᐅᓪᓛᒃᑯᑦ ᐊᑕᓂᐅᑉ ᓇᔫᑎᓂᖓᑕ ᖃᐅᒪᓂᖓ ᑕᑯᓂᐊᕐᐸᓯ, ᓈᒻᒪᒃᓴᖏᑦᔪᑎᒋᔭᓯ ᑖᑦᓱᒪ ᑐᓴᕐᒪᒋᑦ, ᓱᖕᒪᑦ ᓈᒻᒪᒃᓴᖏᑦᑐᒃᓴᐅᕕᑖ? ᑕᑦᓱᒪ ᒪᓕᒃᑕᐅᖁᔭᖏᓐᓂᒃ ᒪᓕᒃᑎᑐᐃᓐᓇᐅᕗᒍᑦ.”

ᑯᕉᓂᑲ ᓯᕗᓪᓖᑦ 5:16

ᑖᒃᑯᐊ ᓄᓇᖃᓚᐅᕐᐳᑦ ᒋᓕᐊᑎᒥ, ᐹᓴᓂᒥ ᓄᓇᓕᖏᓐᓂᓗ, ᓵᕋᓐᓗ ᓄᓇᓕᒫᖓᓂ ᓂᕿᒃᓴᓕᖕᒥ ᓄᓇᖁᑎᖓᑕ ᑭᒡᓕᖓᓄᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 2:1

ᓄᓇᕋᐅᕗᖓ ᕉᓯᒥᒃ ᐊᑎᓕᒃ ᓄᓇᒥᑦ ᓵᕋᓐᒥᑦ ᐱᓯᒪᕗᖓ, ᐱᕈᕐᓯᐊᖑᓪᓗᖓᓗ ᓕᓕᒥᒃ ᐊᑎᓕᒃ ᓇᑎᕐᓇᒦᑦᑐᖅ.

ᐂᓮᐊᓯᐅᑉ ᐊᒡᓚᖏᑦ 27:6

ᐅᓪᓗᓂ ᓇᓪᓕᐅᑎᔪᒫᕐᑐᓂ, ᔧᑰᑉ ᑭᖑᕚᖏᑦ ᐊᒫᖃᓕᕈᒫᕐᐳᑦ; ᐃᓴᕆᐊᓕ ᓇᐹᕐᑐᒃᓴᑎᑐᑦ ᐱᕈᕐᑐᒃᓴᖃᓕᕐᓗᓂ, ᓄᓇᕐᔪᐊᕐᓗ ᐸᐅᕐᖓᖃᓕᕈᒫᕐᐳᖅ ᑖᒃᑯᓇᓐᖓᑦ ᐱᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 35:10

ᐊᑕᓂᐅᑉ ᐊᑭᓕᕐᓗᒋᑦ ᓂᐅᕕᐊᕆᔭᖏᑦ ᑖᒃᑯᐊ ᐅᑎᕈᒫᕐᐳᑦ, ᑎᑭᑦᓱᒫᕐᐳᑦ ᓮᐅᓂᒧᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ; ᖁᕕᐊᓱᖕᓂᕐᔪᐊᕐᒧᑦ ᐃᓱᖃᖏᑦᑐᒧᑦ ᖁᓚᖏᐊᕐᑕᐅᔪᒫᕐᐳᑦ, ᐊᓕᐊᓁᒍᓱᖕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓯᒪᔪᒫᕐᐳᑦ, ᕿᒃᓵᖕᓂᕐᓗ ᐊᓂᕐᓴᐅᒥᓂᕐᓗ ᕿᒫᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 40:9

ᓮᐅᓂ, ᖃᖅᑲᐅᑉ ᐳᕐᑐᔫᑉ ᖄᖓᓄᐊᓕᕆᑦᓯ ᐅᖃᐅᓯᖃᓕᕆᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᔨᕉᓴᓕᒻ, ᓂᐱᖅᑯᕐᑐᓗᓯ ᐅᖃᐅᓰᑦ ᑐᓴᕈᒥᓇᕐᑐᑦ ᑐᓴᕐᑕᐅᑎᓕᕐᓯᐅᒃ, ᓂᐱᖅᑯᕐᑐᓗᓯ ᓯᕘᕋᖏᓪᓗᓯ; ᔫᑕᐅᑉ ᓄᓇᓕᖁᑎᖏᑦ ᐅᖃᐅᑎᓯᒋᒃ, ‘ᑕᑯᒋᑦ, ᑕᕝᕙ ᒎᑎᓯ.’

ᐂᓮᐊᓯᐅᑉ ᐊᒡᓚᖏᑦ 66:10

ᔨᕉᓴᓕᒻ ᖁᕕᐊᓲᑎᒋᓯᐅᒃ, ᐊᓕᐊᓁᒍᓲᑎᒋᓗᒍ ᐃᓕᑦᓯ ᐅᖓᒋᔭᖃᕐᑐᓯ ᔨᕉᓴᓕᒥᒃ; ᐊᖏᔪᒥᒃ ᖁᕕᐊᓱᒍᑎᒋᓕᕐᓯᐅᒃ ᐃᓗᑦᓯᒍᑦ ᖁᕕᐊᓱᒡᓗᓯ, ᕿᒃᓵᒍᑎᖃᖃᑦᑕᓚᐅᕐᑐᓯ ᑖᑦᓱᒥᖓ;

ᐂᓮᐊᓯᐅᑉ ᐊᒡᓚᖏᑦ 66:14

ᑕᒪᓐᓇ ᑕᑯᓕᕈᑦᓯᐅᒃ, ᐆᒻᒪᑎᓯ ᖁᕕᐊᓱᒃᑐᐊᓘᔪᒫᕐᐳᑦ; ᑎᒥᓯᓗ ᐱᕈᑦᓯᐊᕈᒫᕐᐳᑦ ᐃᕕᒃᓱᒐᕐᑎᑐᑦ; ᖃᐅᔨᒪᔭᐅᓕᕈᒫᕐᒪᑦ ᐊᑕᓂᐅᑉ ᐊᒡᒐᖕᒥᓄᑦ ᐱᔨᓂ ᓇᔪᕐᒪᒋᑦ, ᓂᓐᖓᕕᒡᔪᐊᕐᓂᐊᓗᐊᓗ ᓴᖅᑭᔮᕈᒫᕆᕗᖅ ᐊᑭᕋᕐᑐᕐᑎᖏᓐᓄᑦ.

ᕼᐆᓯᐊᑉ ᐊᒡᓚᖏᑦ 14:5

ᐅᓪᓛᒃᑯᑦ ᖃᑯᐊᕐᑎᓯᒪᔪᑐᑦ ᑍᒤᓐᓂᐊᕐᐳᖓ ᐃᓴᕆᐊᓕᒧᑦ; ᐱᕈᕐᓯᐊᑎᑐᑦ ᐱᕈᕐᓂᐊᕐᐳᖅ, ᐊᒫᖏᓪᓗ ᑕᑭᒡᓕᑎᓐᓂᐊᕐᐸᒃᑲ ᓇᐹᕐᑐᑎᑐᑦ ᖃᑯᕐᑕᑎᑐᑦ ᕾᕈᓕᒃᑎᑐᑦ ᓕᐸᓇᓂᒦᑦᑐᑎᑐᑦ.

ᔮᓱᐊᑉ ᐊᒡᓚᖏᑦ 19:26

ᐊᓚᒥᓕᒃ, ᐊᒪᑦ, ᒥᓴᐅᓗ; ᓯᕿᓂᐅᑉ ᓂᐱᕕᐊᓃᑦᑐᖅ ᓄᓇᖓ ᐊᒃᑐᐊᕗᖅ ᖃᖅᑲᒧᑦ ᑳᕐᒥᐅᓪᒧᑦ ᓯᕼᐅᐊ-ᓕᑉᓇᐅᑉ ᑰᖓᓄᑦ ᑎᑭᐅᒪᓪᓗᓂ.

ᑯᕉᓂᑲ ᓯᕗᓪᓖᑦ 27:29

ᓯᑦᕅ ᓵᕋᓐᓁᑎᒥᐅᑕᖅ ᐊᐅᓚᑦᓯᔨᐅᕗᖅ ᐆᒪᔪᓄᑦ ᓂᕿᒃᓴᓕᖕᒦᑦᑐᓄᑦ ᓵᕋᓐᒥ; ᓴᕚᑎ ᐊᑦᓔᑉ ᐃᕐᓂᖓ ᐊᐅᓚᑦᓯᔨᐅᕗᖅ ᐆᒪᔪᓄᑦ ᓇᕐᓴᓃᑦᑐᓄᑦ.