ᐂᓮᐊᓯᐅᑉ ᐊᒡᓚᖏᑦ 32:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓯᓔᑦᑐᑦ ᓱᓕᖏᑦᑐᓂᒃ ᐅᖃᓲᖑᖕᒪᑕ, ᐃᓱᒪᒃᓴᕐᓯᐅᕈᑎᖃᕐᓗᑎᒡᓗ ᐊᔪᕐᑐᓕᓂᕐᒥᒃ; ᐃᓕᖅᑯᓯᖃᕐᓗᑎᒡᓗ ᒎᑎᐅᑉ ᐃᓕᖅᑯᓯᕆᖁᓐᖏᑕᖏᓐᓂᒃ, ᐅᖃᓲᖑᓪᓗᑎᒡᓗ ᐊᑕᓂᖅ ᐅᖃᐅᓯᕆᓪᓗᒍ ᑕᒻᒪᕐᓯᒪᔪᓂᒃ, ᑳᒃᑑᒐᓗᐊᓂᒡᓗ ᓂᕆᔭᒃᓴᕐᑖᕐᑎᑦᓯᕙᒐᑎᒃ, ᐃᒥᕈᒃᑐᓂᒡᓗ ᐃᒥᒃᓮᕈᑦᔨᕙᒃᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 32:6 ပူးပေါင်းရင်းမြစ်များ

ᐃᓐᖏᕈᑎᑦ 141:4

ᐆᒻᒪᑎᒐ ᑲᒪᒋᒍᒃ ᑲᔪᖏᕐᓂᖃᖁᓇᒍ ᐱᐅᖏᑦᑐᓄᑦ ᓱᓇᑐᐃᓐᓇᕐᓄᑦ, ᐱᐅᖏᑦᑐᓪᓗ ᐱᓇᓱᐊᕐᓂᖏᓐᓄᑦ ᐃᓄᖕᓄᑦ ᐃᓚᓕᐅᑎᖁᓇᖓ; ᓂᕆᖁᓇᖓᓗ ᑖᒃᑯᐊ ᒪᒪᕆᔭᖏᓐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:3

ᓯᓔᑦᑑᓂᕐᒧᑦ ᐃᓄᒃ ᐃᓅᓯᕐᒥᓂᒃ ᓱᒃᑯᐃᔪᓐᓇᕐᐳᖅ, ᐸᓯᒃᓯᕈᑎᒋᓕᕐᓗᓂᐅᒡᓗ ᐊᑕᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:7

ᓯᓚᑐᓂᖅ ᖁᑦᓯᓗᐊᕐᐳᖅ ᓯᓔᑦᑐᒧᑦ; ᖃᓂᓂ ᐂᑦᑕᕈᓐᓇᓐᖏᓛ ᐃᑎᕐᑕᕐᕕᖕᒥ.

ᐂᓮᐊᓯᐅᑉ ᐊᒡᓚᖏᑦ 10:2

ᐱᖃᖏᑦᑐᓂᒃ ᐱᑎᑦᓯᑦᑍᓕᕙᒃᑐᑦ ᐊᑦᔨᒌᒃᑎᑕᐅᓂᕐᒥᒃ ᑎᒡᓕᒐᕐᕕᒋᓪᓗᒋᓪᓗ ᐊᔪᕐᓴᕐᑐᑦ ᐃᓄᖁᑎᒪ ᐱᔪᓐᓇᐅᑎᖏᓐᓂᒃ, ᐅᐃᒡᒐᕐᓃᑦ ᐱᔭᒃᓴᖏᓐᓂᒃ ᐊᕐᓵᕐᓗᒋᑦ ᐱᑖᕐᐸᒃᑐᑦ, ᐃᓕᐊᕐᔪᐃᓪᓗ ᓵᓚᒋᓇᓱᐊᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 10:6

ᐃᓅᖃᑎᒌᒡᔪᐊᓄᑦ ᑎᓕᕙᕋ ᒎᑎᖃᖏᑦᑐᓄᑦ, ᐂᖁᓪᓗᒍ ᐃᓅᖃᑎᒌᓄᑦ ᓂᓐᖓᐅᒪᕕᒋᔭᓐᓄᑦ. ᓵᓚᒋᔭᒥ ᐱᖏᓐᓂᒃ ᐱᑖᖁᓪᓗᒍ, ᐊᕐᓵᕐᓯᖁᓪᓗᒍᓗ ᓵᓚᒋᔭᒥᓂᒃ, ᑐᓪᓕᕋᖁᓪᓗᒍᓗ ᑖᒃᑯᓂᖓ ᓴᓂᕐᓗᑯᑎᑐᑦ ᐊᖅᑯᑎᒦᑦᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 26:10

ᐱᐅᖏᑦᑐᓕᔪᑦ ᐱᑦᓯᐊᕐᕕᒋᒐᓗᐊᕋᕕᒋᑦ, ᐃᓱᐊᕐᑐᒥᒃ ᐊᑐᓕᕆᐊᒃᓴᖅ ᐃᓕᑦᓯᔪᓐᓇᓐᖏᓚᑦ; ᐃᓱᐊᕐᑐᓕᔪᑦ ᓄᓇᖓᓐᓂ ᐊᒡᓛᑦ ᐃᓱᐊᖏᑦᑐᓂᒃ ᓱᓕ ᐱᔪᖃᕐᐸᒃᐳᑦ, ᐊᑕᓂᐅᑉ ᐊᖓᔪᖅᑳᕐᔪᐊᖑᓂᖓᓂᒃ ᐃᓕᑕᕐᓯᐅᒪᔪᒪᖏᓐᓇᒥᒃ.

ᐂᓮᐊᓯᐅᑉ ᐊᒡᓚᖏᑦ 3:15

ᖃᓄᖅ ᐃᓱᒪᓪᓗᓯ ᐃᓄᖁᑎᒃᑲ ᓯᖁᒥᑎᑉᐱᓯᐅᒃ, ᐊᔪᕐᓴᕐᑐᑦ ᓄᖑᕈᑎᓪᓗᒌᑦ?” ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 31:2

ᑖᓐᓇ ᓯᓚᑐᖕᒪᑦ ᐊᓯᕈᕐᓇᕐᑐᒥᒡᓗ ᐱᑎᑦᓯᔪᓐᓇᕐᓗᓂ, ᐅᖃᐅᓯᕐᒥᓂᒃ ᐅᖅᑭᓐᓇᕐᑎᑦᓯᕙᖏᑦᑐᖅ, ᐱᐅᖏᑦᑐᒥᒃ ᐃᓕᖅᑯᓯᓕᖕᓂᒃ, ᐱᐅᖏᑦᑐᓕᔪᓂᒡᓗ ᐃᑲᔪᕐᑐᐃᕙᒃᑐᓂᒃ ᐊᑭᓂᐊᕐᕕᖃᕈᒫᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 59:13

ᐊᔪᕐᑐᓕᓂᖅ ᐊᑕᓂᕐᒧᓪᓗ ᓴᒡᓗᕿᑦᑎᓯᒪᓂᖅ, ᒎᑎᑦᑎᓐᓂᒡᓗ ᑐᓄᑦᓯᓯᒪᓂᖅ, ᐅᖁᒤᒃᓴᕐᑎᑦᓯᓂᕐᒥᒃ ᐅᖃᐅᓯᖃᕐᓂᖅ ᓂᓐᖓᐅᒪᓂᕐᒧᓪᓗ ᐊᑭᓂᐊᕐᓂᖅ, ᐆᒻᒪᑎᒥᓪᓗ ᐱᔪᓂᒃ ᐋᓐᓂᕐᓇᕐᑐᓂᒃ ᐅᖃᐅᓯᖃᕐᓂᖅ ᓱᓕᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 59:7

ᐃᑎᒐᖏᑦ ᐱᐅᖏᑦᑐᓕᔪᒪᓂᕐᒧᑦ ᐅᓪᓚᖃᑦᑕᕐᐳᑦ, ᑐᐊᕕᖃᑦᑕᕐᐳᑦ ᐸᓯᔭᒃᓴᐅᖏᑦᑐᓂᒃ ᐃᓄᐊᕈᒪᓪᓗᑎᒃ, ᐃᓱᒪᒃᓴᕐᓯᐅᕐᐳᓪᓗ ᐊᔪᕐᑐᓕᔪᒪᓪᓗᑎᒃ; ᐊᖅᑯᑏᑦ ᐊᑐᕐᑕᕕᓂᖏᑦ ᐃᓄᐃᕈᑎᓯᒪᓪᓗᑎᒃ ᐊᓯᕈᕐᑕᐅᓯᒪᕗᑦ.

ᐂᓮᐊᓯᐅᑉ ᐊᒡᓚᖏᑦ 9:17

ᑍᒤᒻᒪᑦ ᐊᑕᓂᐅᑉ ᖁᕕᐊᒋᔪᓐᓃᕐᐰᑦ ᐃᓅᓱᒃᑐᖁᑎᖏᑦ, ᓇᒡᓕᒍᓱᒐᓂᓗ ᐃᓕᐊᕐᔪᖁᑎᖏᓐᓂᒃ ᐅᐃᒡᒐᕐᓂᖁᑎᖏᓐᓂᒡᓗ; ᐃᓘᓐᓇᑎᒃ ᑕᒃᑯᕐᒨᕐᒪᑕ ᐱᐅᖏᑦᑐᓕᓪᓗᑎᒡᓗ, ᐃᓘᓐᓇᑎᒡᓗ ᖃᓂᖏᑦ ᐱᐅᖏᑦᑐᐊᓗᖕᓂᒃ ᐅᖃᓪᓚᖃᑦᑕᕐᐳᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 13:23

ᐃᑎᐅᐱᐊᒥᐅᑕᖅ ᐅᕕᓂᖕᒥᑕ ᑕᕐᓴᖓᓂᒃ ᐊᓯᑦᔩᔪᓐᓇᕐᐹ? ᐅᕝᕙᓘᓐᓃᑦ ᓛᔭᐅᔮᕐᑑᑉ ᑕᕐᓴᓪᓛᒋᔭᓂ ᖁᐱᓴᕈᐊᑦᑐᑦ ᐲᔭᕈᓐᓇᕐᐸᒌᑦ? ᐱᐅᔪᒥᒃ ᐱᓇᓱᐊᓕᕈᓐᓇᖏᓐᓂᕗᓯ ᐱᐅᖏᑦᑐᒥᒃ ᓱᖏᐅᑎᓯᒪᓂᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 34:18

ᓂᕿᒃᓴᖃᑦᓯᐊᕐᑐᒥᒡᓕ ᓂᕆᓇᓱᒃᓗᓯ ᓈᒻᒪᒃᓯᕙᓐᖏᓚᓯ? ᓂᕿᒃᓴᓯᓗ ᐃᓚᖏᑦ ᑐᓪᓕᕋᕐᐸᒃᓗᒋᑦ; ᑲᑭᐊᒃᑐᒥᒡᓗ ᐃᒥᓚᐅᕐᓗᓯ, ᐃᒥᕇᕋᑦᓯ ᑐᓪᓕᕋᕐᓗᒍ ᐃᓱᕐᓯᑎᑉᐸᒃᐸᓯ.

ᑖᓂᐊᓕᐅᑉ ᐊᒡᓚᖏᑦ 12:10

ᐅᓄᕐᑐᑦ ᓴᓗᒻᒪᕐᓴᕐᑕᐅᔪᒫᕐᐳᑦ, ᑕᕐᓴᖃᕈᓐᓁᕐᓗᑎᒡᓗ, ᓱᕉᓂᖏᑦ ᐲᔭᕐᑕᐅᓗᑎᒃ; ᐱᐅᖏᑦᑐᓕᔪᓪᓕ ᑍᒪᓐᖓᑦ ᐱᐅᖏᑦᑐᓖᓐᓇᕐᓂᐊᕐᐳᑦ, ᐱᐅᒋᑦᑐᓕᔪᑦ ᑐᑭᓯᔪᓐᓇᕐᓂᐊᓐᖏᓚᑦ, ᓯᓚᑐᔪᓪᓕ ᑐᑭᓯᓂᐊᕐᐳᑦ.

ᐂᒨᓯᐅᑉ ᐊᒡᓚᖏᑦ 8:6

ᐊᒃᓗᔪᑦ ᓂᐅᕕᕐᓂᐊᕋᑦᑎᒍᑦ ᓯᐅᓪᕕᕆᒧᑦ, ᐊᔪᕐᓴᕐᑐᓪᓗ ᐃᓯᒐᒍᑏᖕᓄᑦ ᓂᐅᕕᐊᕆᓗᒋᑦ, ᓂᐊᖂᔭᒃᓴᓂᒡᓗ ᐱᐅᖏᑦᑐᓂᒃ ᓂᐅᕐᕈᑎᖃᕐᓂᐊᕋᑦᑕ.”

ᒫᑎᐅᓯᐅᑉ ᐊᒡᓚᖏᑦ 15:19

ᐃᓅᑉ ᐆᒻᒪᑎᖓᓂᑦ ᐃᓱᒤᑦ ᐱᐅᖏᑦᑐᑦ ᓴᖅᑭᑉᐳᑦ, ᐱᔮᕆᓗᓂ ᑐᖁᑦᓯᓂᖅ, ᓄᓕᐊᕇᖕᓂᕐᒥᒃ ᐊᓯᓐᓂᐊᕐᓂᖅ, ᑲᑎᑎᑕᐅᓯᒪᖃᑎᒋᓐᖏᑕᒥᒃ ᐃᓐᓇᖓᖃᑎᖃᕐᓂᖅ; ᑎᒡᓕᖕᓂᖅ, ᐃᓅᖃᑎᒥᒃ ᓴᒡᓗᑎᖃᕐᓂᖅ, ᐅᖃᐅᑎᖃᕐᓗᖕᓂᖅ.

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᔧᒥᓯᐅᑉ ᐊᒡᓚᖏᑦ 1:27

ᐅᒃᐱᕐᓂᖅ ᐸᓯᔭᒃᓴᐅᓂᖃᖏᑦᑐᖅ ᓱᓕᔪᕐᓗ ᒎᑎᐅᑉ ᐊᑖᑕᐅᑉ ᓈᒻᒪᒋᔭᖓ ᐃᒤᑦᑑᕗᖅ; ᐃᓕᐊᕐᔪᐃᑦ ᐳᓛᕆᐊᖃᑦᑕᕐᓗᒋᑦ ᐅᐃᒡᒐᕐᓃᓪᓗ ᐅᖁᒤᒃᓴᕐᓂᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓗ ᐃᑦᔪᕐᓇᕐᓯᑎᑕᐅᑦᑍᓕᓗᓂ ᓯᓚᕐᔪᐊᕐᒥᐅᑦ ᐱᐅᓯᖏᓐᓄᑦ.

ᓴᒧᐃᓕ ᓯᕗᓪᓖᑦ 24:13

ᐅᖃᐅᓯᕐᑕᖃᕐᒪᑦ ᐅᖃᐅᓯᑐᖃᕐᒥᒃ ᐃᒫᒃ, ‘ᐱᐅᖏᑦᑐᒥᑦ ᐱᒋᐊᕐᐳᖅ ᐱᐅᖏᑦᑐᓕᓂᖅ’; ᐊᒡᒐᒃᑲᓕ ᓵᓐᖓᓂᐊᓐᖏᓚᑦ ᐃᓕᖕᓄᑦ.