ᐂᓮᐊᓯᐅᑉ ᐊᒡᓚᖏᑦ 31:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑎᖕᒥᐊᑎᑐᑦ ᓂᕕᐅᕐᓗᓂ ᐊᐅᕐᓵᕋᕐᑐᑎᑐᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᓴᐳᓐᓂᐊᕐᓂᐊᕆᕗᖅ ᔨᕉᓴᓕᒥᐅᓂᒃ; ᓴᐳᓐᓂᐊᕐᓗᓂᒋᑦ ᐱᐅᓕᓂᐊᕐᐰᑦ, ᖁᓚᖏᐊᕐᓗᓂᒋᓪᓗ ᐊᓐᓇᒃᑎᓐᓂᐊᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 31:5 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 1:2

ᓄᓇᕐᔪᐊᕐᓕ ᐋᖅᑭᒃᓯᒪᓚᐅᓐᖏᓚᖅ ᓱᓇᑕᖃᕋᓂᓗ, ᐃᑎᔪᕐᔪᐊᒥᒃ ᑖᕐᑐᐊᓘᓪᓗᓂ; ᒎᑎᐅᓪᓗ ᐊᓂᕐᓂᖓ ᐃᖏᕐᕋᓚᐅᕐᐳᖅ ᐃᒫᓘᑉ ᖁᓛᒍᑦ.

ᐊᑕᓃᑦ ᐂᑉᐸᖏᑦ 19:34

ᑖᒃᑯᐊ ᐃᒡᓗᒐᓴᒡᔪᐊᑦ ᓴᐳᑎᓯᒪᓂᐊᕋᒃᑭᑦ, ᐅᕙᖓ ᓇᖕᒥᓂᖅ ᐱᑦᔪᑎᒋᓗᖓ ᑍᕕᑎᓗ ᐱᑦᔪᑎᒋᓗᒍ.”

ᑯᕉᓂᑲ ᐂᑉᐸᖏᑦ 32:22

ᐊᑕᓂᐅᓪᓗ ᕼᐃᓯᑬᐊ ᔨᕉᓴᓕᒥᓗ ᓄᓇᖃᕐᑐᑦ ᐱᐅᓕᕔᑦ ᓯᓇᑯᕆᑉᒥᑦ ᐊᓯᕆᐊᑉ ᐊᖓᔪᖅᑳᕐᔪᐊᖓᓂᑦ, ᐊᑭᕋᓕᒫᖏᑕᓗ ᐱᔪᓐᓇᕐᓂᖏᓐᓂᑦ; ᐊᕙᑎᒥᐅᑕᖏᓐᓂᓪᓗ ᐅᓇᑕᕐᑕᐅᑎᓚᐅᓐᖏᓔᑦ.

ᐃᓐᖏᕈᑎᑦ 37:40

ᐊᑕᓂᐅᑉ ᐃᑲᔪᕐᐰ ᓴᐳᑎᓪᓗᒋᓪᓗ; ᐱᐅᖏᑦᑐᓕᔪᓂᑦ ᓴᐳᑎᓂᐊᕐᐰᑦ, ᐱᐅᓕᓗᒋᓪᓗ, ᑖᑦᓱᒥᖓ ᑕᑎᖃᕐᒪᑕ.

ᐃᓐᖏᕈᑎᑦ 46:5

ᐃᒡᓗᒐᓴᒡᔪᐊᑦ ᒎᑎ ᕿᑎᖓᓃᑉᐳᖅ, ᑖᒃᑯᐊᓗ ᐊᐅᓚᑎᑕᐅᓂᐊᓐᖏᓚᑦ; ᒎᑎᐅᑉ ᐃᑲᔪᕐᓂᐊᕐᐹ, ᐅᓪᓛᑉ ᖃᐅᓕᕐᓂᖓᓂᑦ.

ᐃᓐᖏᕈᑎᑦ 46:6

ᐃᓅᖃᑎᒌᒡᔪᐊᑦ ᐱᓕᕆᔪᐊᓘᕗᑦ, ᐊᑕᓂᐅᕖᓪᓗ ᐊᐅᓚᑎᑕᐅᓚᐅᕐᐳᑦ; ᑖᓐᓇᓕ ᓂᓪᓕᕐᒪᑦ ᓄᓇᕐᔪᐊᖅ ᐊᐅᒃᐳᖅ.

ᐃᓐᖏᕈᑎᑦ 91:4

ᐃᓴᕈᕐᒥᓄᑦ ᐅᓕᒃᓯᒪᓂᐊᕐᐹᑎᑦ, ᐃᓴᕈᖏᒃᑕ ᐊᑖᓂ ᓴᐳᑦᔭᐅᕕᒃᓴᖃᕐᓂᐊᕐᐳᑎᑦ; ᑖᑦᓱᒪ ᓱᖁᓯᔪᐃᑦᑑᓂᖓ ᓴᐴᓗᑕᒃᓴᐅᖕᒪᑦ ᑭᓕᕐᑕᐅᑦᔧᒃᑯᑎᒃᓴᐅᓪᓗᓂᓗ.

ᒨᓯᓯ ᐂᑉᐸᖏᑦ 12:27

ᑭᐅᕙᖕᓂᐊᕐᐳᓯ, ‘ᑐᓂᕐᕈᓯᕐᓂᖅ ᖄᖏᕐᑕᐅᓂᕆᓯᒪᔭᕗᑦ ᐱᓪᓗᒍ, ᐊᑕᓂᕐᒥᒃ ᐅᐱᒍᓱᖕᓂᑦᑎᓐᓂᒃ ᓇᓗᓁᒃᑯᑕᐅᕗᖅ. ᐊᑕᓂᐅᑉ ᐃᓴᕆᐊᓕᒥᐅᑦ ᐃᒡᓗᖏᑦ ᖄᖏᓚᐅᕐᒪᒋᑦ ᐄᑦᔨᑉᑎᒦᑎᓪᓗᑕ, ᐄᑦᔨᑉᑎᒥᐅᓪᓗ ᕿᑐᕐᖓᖏᓐᓂᑦ ᐊᖓᔪᒃᓯᕐᐹᖑᔪᑦ ᑐᖁᑎᓚᐅᕐᒪᒋᑦ, ᐅᕙᒍᓪᓕ ᐆᒪᑎᓚᐅᕐᐹᑎᒍᑦ.’” ᐃᓴᕆᐊᓕᒥᐅᓪᓗ ᓰᖅᑯᕐᓗᑎᒃ ᑐᒃᓯᐊᕐᐳᑦ.

ᒨᓯᓯ ᐂᑉᐸᖏᑦ 19:4

“ᑕᑯᓚᐅᕐᐳᓯ ᐄᑦᔨᑉᑎᒥᐅᓄᑦ ᖃᓄᐃᓕᐅᓚᐅᕐᓂᓐᓂᒃ, ᖃᓄᕐᓗ ᑕᓯᐅᓚᐅᕐᒪᖔᑦᓯ ᓇᒃᑐᕋᓕᐅᑉ ᐃᓴᕈᕐᒥᓄᑦ ᕿᑐᕐᖓᒥᓂ ᑕᓯᐅᕐᓯᕙᖕᓂᖓᑎᑐᑦ, ᑕᒪᐅᖓᓗ ᑎᑭᐅᑎᑎᓯᒪᓪᓗᓯ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 10:14

ᐊᖑᑎᑐᑦ ᒪᓐᓂᖕᓂᒃ ᓇᓂᓯᔪᑎᑐᑦ ᕿᒪᒃᑕᐅᓂᑯᓂᒃ, ᓄᓇᕐᔪᐊᕐᒦᑦᑐᓕᒫᑦ ᑲᑎᕐᓱᓚᐅᕐᐸᒃᑲ; ᓇᓪᓕᐊᓐᓂᒡᓘᓐᓃᑦ ᐃᓴᕈᖏᓐᓂᒃ ᐊᐅᓚᑦᔭᒃᑐᖃᓚᐅᓐᖏᓚᖅ, ᐂᑦᑕᕐᑐᖃᓚᐅᕋᓂᓗ ᐃᕐᓯᓵᕐᑐᒥᒃ ᓂᑦᔭᒃᑐᖃᓚᐅᓐᖏᓚᖅ.”

ᐂᓮᐊᓯᐅᑉ ᐊᒡᓚᖏᑦ 26:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔫᑕᒥᐅᑦ ᐃᓐᖏᕈᒫᕐᐳᑦ ᐱᓯᕐᒥᒃ ᐆᒥᖓ: “ᐱᔪᓐᓇᑦᓯᐊᕐᑐᒥᒃ ᐃᒡᓗᒐᓴᒡᔪᐊᖃᕐᐳᒍᑦ; ᒎᑎᐅᑉ ᓇᖕᒥᓂᖅ ᐱᐅᓕᔭᐅᕕᒃᓴᐅᑎᒻᒪᒋᑦ ᐊᕙᓗᕐᔪᐊᖏᑦ ᓴᐴᓗᑕᖏᓪᓗ.

ᐂᓮᐊᓯᐅᑉ ᐊᒡᓚᖏᑦ 27:3

“ᐅᕙᖓ ᐊᑕᓂᖅ, ᑖᑦᓱᒧᖓ ᑲᒪᔨᐅᕗᖓ; ᑍᒪᓐᖓᑦ ᐃᒻᒥᕐᐸᒡᓗᒍ, ᖃᐅᔨᓴᖃᑦᑕᕐᐸᕋ ᐅᓐᓄᐊᒃᑯᑦ ᐅᓪᓗᒃᑯᓪᓗ ᓇᓪᓕᐊᓐᓄᓪᓘᓐᓃᑦ ᐊᓯᕈᕐᑕᐅᖁᓇᒍ.

ᐂᓮᐊᓯᐅᑉ ᐊᒡᓚᖏᑦ 35:4

ᓯᕘᕋᔪᓂᒃ ᐆᒻᒪᑎᓖᑦ ᐅᖃᐅᑎᓕᕐᓯᒋᒃ, “ᓴᓐᖏᒃᑎᓕᕆᑦᓯ, ᐃᕐᓯᓇᓯᓗ! ᑕᑯᒋᑦ, ᒎᑎᓯ ᕾᓕᕐᒪᑦ ᐊᑭᓂᐊᕈᑎᔭᕐᑐᕐᓗᓯ, ᒎᑎᐅᑉ ᐊᑭᓂᐊᕈᓯᖓᓄᑦ; ᑎᑭᓐᓂᐊᕐᐳᖅ ᐱᐅᓕᔭᕐᑐᕐᓗᓯ.”

ᐂᓮᐊᓯᐅᑉ ᐊᒡᓚᖏᑦ 37:35

ᐃᒡᓗᒐᓴᒡᔪᐊᑦ ᑖᒃᑯᐊ ᓴᐳᑎᓯᒪᓂᐊᕋᒃᑭᑦ ᐱᐅᓕᓗᒋᓪᓗ, ᐅᕙᖓ ᓇᖕᒥᓂᖅ ᐱᑦᔪᑎᒋᓪᓗᖓ, ᐱᔨᒐᓗ ᑍᕕᑎ ᐱᑦᔪᑎᒋᓪᓗᒍ.”

ᐂᓮᐊᓯᐅᑉ ᐊᒡᓚᖏᑦ 38:6

ᓴᐳᑎᓂᐊᕐᐸᒋᑦ ᐅᑯᐊᓗ ᐃᒡᓗᒐᓴᒡᔪᐊᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᑦ, ᐃᒡᓗᒐᓴᒡᔪᐊᓪᓗ ᓴᐳᓐᓂᐊᕐᓂᐊᕐᐸᒃᑲ.’

ᓴᑲᕅᐊᐅᑉ ᐊᒡᓚᖏᑦ 9:14

ᐊᑕᓂᖅ ᑖᒃᑯᐊ ᖁᓛᓂ ᓴᖅᑭᕈᒫᕐᐳᖅ, ᖃᕐᔪᖓᓗ ᐃᖏᕐᕋᔪᒫᕐᐳᖅ ᖃᐅᒻᒪᓪᓚᒃᑎᑐᑦ ᑕᕝᕙᓐᖓᑦ, ᐊᑕᓂᐅᑉ ᒎᑎᐅᑉ ᑎᑦᑐᓚᐅᑦ ᓂᓪᓕᕐᑎᑦᓱᒫᕐᐹ, ᐊᓄᕆ ᓯᓚᕈᔪᒃ ᓯᕿᓂᐅᑉ ᓇᓛᓂᑦ ᐱᔪᖅ ᐊᑐᕐᓗᒍ ᐃᖏᕐᕋᔪᒫᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 9:8

ᐃᒡᓗᒐ ᓴᐳᑎᓯᒪᔪᒫᕐᐸᕋ ᐅᓇᑕᕐᑐᒃᓴᓂᑦ ᓵᓚᖃᕈᒪᔪᓂᑦ, ᑕᕝᕘᓇ ᐊᖅᑯᓵᕐᐸᒃᑐᓂᑦ ᑖᕗᖓ ᐅᑎᒧᓪᓗ; ᐊᑭᕋᕐᑐᕐᑐᑦ ᓵᓚᖃᕈᒪᔪᑦ ᑕᕝᕘᓇ ᐊᖅᑯᓵᖃᑦᑕᕈᓐᓁᕈᒫᕐᐳᑦ: ᒫᓐᓇᒥᑦ ᖃᐅᔨᓴᕐᑎᐅᔪᒪᕗᖓ.

ᒨᓯᓯ ᑕᓪᓕᒪᖏᑦ 32:11

ᓇᒃᑐᕋᓕᒃᑎᑐᑦ ᐱᐊᕋᕐᒥᓂᒃ ᖃᖓᑕᔭᕆᐅᕐᓮᔪᑎᑐᑦ, ᕿᑐᕐᖓᒥ ᖁᓛᓂ ᖃᖓᑕᔪᑎᑐᑦ, ᐊᑖᓂᑦ ᐊᒃᑭᕐᓯᖃᑦᑕᕐᑐᑎᑐᑦ ᐃᓴᕈᕐᒥᓄᑦ ᐃᓵᖓᓪᓗᑎᒃ ᐋᓐᓂᖁᓇᒋᑦ.