ᐂᓮᐊᓯᐅᑉ ᐊᒡᓚᖏᑦ 31:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑖᓐᓇ ᓯᓚᑐᖕᒪᑦ ᐊᓯᕈᕐᓇᕐᑐᒥᒡᓗ ᐱᑎᑦᓯᔪᓐᓇᕐᓗᓂ, ᐅᖃᐅᓯᕐᒥᓂᒃ ᐅᖅᑭᓐᓇᕐᑎᑦᓯᕙᖏᑦᑐᖅ, ᐱᐅᖏᑦᑐᒥᒃ ᐃᓕᖅᑯᓯᓕᖕᓂᒃ, ᐱᐅᖏᑦᑐᓕᔪᓂᒡᓗ ᐃᑲᔪᕐᑐᐃᕙᒃᑐᓂᒃ ᐊᑭᓂᐊᕐᕕᖃᕈᒫᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 31:2 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 12:13

ᒎᑎᓕ ᓯᓚᑐᓂᖃᕐᐳᖅ ᐱᔪᓐᓇᕐᓂᖃᕐᓗᓂᓗ; ᑖᑦᓱᒪ ᐃᓕᓯᒪᓂᖅ ᑐᑭᓯᒪᓂᕐᓗ ᐱᒋᖕᒪᒋᑦ.

ᔫᐱᐅᑉ ᐊᒡᓚᖏᑦ 12:16

ᑖᑦᓱᒪᓂ ᐱᔪᓐᓇᕐᓂᕐᑕᖃᕐᐳᖅ ᓯᓚᑐᓂᕐᑕᖃᕐᓗᓂᓗ; ᑕᒻᒪᕐᑎᑕᐅᔪᑦ ᑕᒻᒪᕐᑎᑦᓯᔪᓪᓗ ᑖᑦᓱᒪ ᐱᔪᓐᓇᕐᓂᖓᓃᑉᐳᑦ.

ᔫᐱᐅᑉ ᐊᒡᓚᖏᑦ 5:13

ᓯᓚᑐᓇᓱᒃᑐᑦ ᐱᓇᓱᐊᕋᓱᒃᑕᖏᑎᒍᑦ ᓄᖅᑲᕐᑎᖃᑦᑕᕐᐰᑦ; ᐱᓇᓱᐊᕋᓱᒃᑕᖏᓪᓗ ᓄᖅᑲᕐᑎᖃᑦᑕᕐᐰᑦ ᐱᓐᖏᓯᕐᑐᕋᓱᒃᑐᑦ.

ᐂᓮᐊᓯᐅᑉ ᐊᒡᓚᖏᑦ 1:4

“ᓈᓚᒋᑦᓯ, ᐃᓅᖃᑎᒌᒡᔪᐊᖑᔪᓯ ᐊᔪᕐᑐᓕᔪᓯ, ᐃᓄᐃᑦ ᐊᔪᕐᓂᕐᒥᒃ ᑕᑕᑦᑐᑦ, ᐱᐅᖏᑦᑐᐊᓗᖕᓂᒃ ᐱᓇᓱᐊᕐᑏᑦ ᕿᑐᕐᖓᖏᑦ, ᕿᑐᕐᖎᑦ ᐱᓂᐊᕐᓂᖃᕐᑐᑦ ᐅᐃᕕᕆᒃᓯᓂᕐᒥᒃ! ᐊᑕᓂᖅ ᑲᒪᒋᔪᓐᓃᕐᐹᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᓇᕐᕈᒋᕚᑦ, ᐃᒻᒥᖕᓂᒃ ᐊᕕᑕᐅᑎᓯᒪᒻᒪᕆᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 14:20

ᐃᓚᒋᓂᐊᓐᖏᓚᑎᑦ ᐃᓗᕕᕐᑕᐅᖃᑎᒋᓗᒋᑦ, ᓄᓇᖁᑏᑦ ᐊᓯᕈᓚᐅᕋᕕᐅᒃ, ᐃᓄᖁᑎᑎᓪᓗ ᑐᖁᕋᓚᐅᕋᕕᒋᑦ. ᐱᐅᖏᑦᑐᓕᔪᑦ ᑭᖑᕚᖏᑦ ᐊᑎᖃᕐᑎᑕᐅᒃᑲᓐᓂᕆᐊᖃᓐᖏᓚᑦ!

ᐂᓮᐊᓯᐅᑉ ᐊᒡᓚᖏᑦ 21:17

ᑭᑕᕆᒥᐅᑦ ᐱᑎᒃᓴᕐᑎᖏᑦ ᐃᕐᓯᑐᐃᓐᓂᕐᐹᑦ, ᐅᓄᖏᑦᑐᑯᓗᐃᑦ ᑭᓯᐊᓂ ᐊᒥᐊᒃᑰᔪᒫᕐᐳᑦ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᑍᒫᒃ ᐅᖃᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 22:14

ᑕᕝᕙ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐅᖃᐅᑎᓚᐅᕐᐹᖓ, “ᑕᒪᓐᓇ ᐊᔪᕐᑐᓕᓂᖅ ᐃᓱᒪᒋᔪᓐᓁᕐᑕᐅᑦᔪᑎᒋᓂᐊᓐᖏᓛᑦ ᐃᓅᓂᓕᒫᖏᓐᓂ,” ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 28:21

ᐊᑕᓂᖅ ᒪᑭᑦᓱᒫᕐᒪᑦ ᖃᖅᑲᒥ ᐱᕋᔨᒻᒥ ᐱᓇᓱᐊᓚᐅᕐᓯᒪᓂᕐᒥᑐᑦ, ᓂᓐᖓᐅᒪᕕᒡᔪᐊᕈᒫᕐᐳᖅ ᒋᐱᐅᓂᐅᑉ ᓇᕐᓴᖓᓂ ᓂᓐᖓᐅᒪᓚᐅᕐᓯᒪᓂᕐᒥᑐᑦ; ᐃᓕᑕᕐᓇᖏᑦᑐᒥᒃ ᐱᓂᐊᕐᓂᓕᒃ, ᐱᓇᓱᐊᕐᑕᒥᓂᒡᓗ ᐱᓇᓱᐊᕐᓗᓂ ᑖᑦᓱᒪ ᐱᓇᓱᐊᕐᓂᖓ ᐊᑦᔨᐅᓐᖏᓚᖅ!

ᐂᓮᐊᓯᐅᑉ ᐊᒡᓚᖏᑦ 28:29

ᑍᒫᒃᑕᐅᖅ ᑕᒪᓐᓇ ᕿᓚᒥᐅᒐᓴᒡᔪᐃᑦ ᐊᑕᓂᖓᓐᓂᑦ ᐱᕗᖅ; ᑖᑦᓱᒪ ᐅᖃᐅᑦᔪᐃᓂᖓ ᐱᐅᔪᐊᓘᖕᒪᑦ, ᓯᓚᑐᓂᖓᓗ ᐱᐅᓂᕐᐹᖑᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 30:3

ᐊᖓᔪᖅᑳᕐᔪᐊᓪᓕ ᐃᑲᔪᕐᑎᒋᔪᒪᔭᖏᑦ ᐱᔪᓐᓇᕐᓂᖃᕈᒫᓐᖏᓚᑦ, ᐄᑦᔨᑉᑎᒥᐅᓄᑦ ᓴᐳᑦᔭᐅᓇᓱᐊᕐᓂᖓᑦ ᐊᓯᕈᕐᑕᐅᑦᔪᑎᒃᓴᑐᐃᓐᓇᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 30:7

ᐄᑦᔨᑉᑎᒥᐅᑦ ᐃᑲᔪᕈᓐᓇᕐᓂᖓᑦ ᐊᑐᕐᓇᕐᓂᖃᖏᒻᒪᑦ, ᑍᒤᒻᒪᑦ ᐄᑦᔨᑉᑎᒥᐅᑦ ᑍᒎᓯᕐᑖᕐᑎᓯᒪᕙᒃᑲ, “ᕋᕼᐊᑉ-ᕼᐃᒻ-ᓯᐱᑎᒥᒃ ᐃᒃᓯᕙᑐᐃᓐᓇᕐᑐᒥᒃ.”

ᐂᓮᐊᓯᐅᑉ ᐊᒡᓚᖏᑦ 31:3

ᐄᑦᔨᑉᑎᒥᐅᑦ ᐃᓄᑐᐃᓐᓇᐅᖕᒪᑕ, ᒎᑎᐅᓇᑎᒃ; ᕿᒻᒥᕐᔪᐊᖁᑎᖏᓪᓗ ᐆᒪᔪᑐᐃᓐᓇᐅᕗᑦ ᐊᓂᕐᓂᐅᓇᑎᒃ, ᐊᑕᓂᕐᓕ ᐱᔪᓐᓇᕐᓂᕐᒥᓄᑦ ᐱᒋᐊᕐᐸᑦ ᐃᑲᔪᕐᑐᕋᓱᐊᕐᑐᑦ ᐅᕐᕈᓂᐊᕐᐳᑦ, ᐃᑲᔪᕐᑕᐅᓇᓱᐊᕐᑐᓪᓗ ᐅᕐᕈᓂᐊᕆᕗᑦ; ᑕᒪᕐᒥᑦ ᓄᖑᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 32:6

ᓯᓔᑦᑐᑦ ᓱᓕᖏᑦᑐᓂᒃ ᐅᖃᓲᖑᖕᒪᑕ, ᐃᓱᒪᒃᓴᕐᓯᐅᕈᑎᖃᕐᓗᑎᒡᓗ ᐊᔪᕐᑐᓕᓂᕐᒥᒃ; ᐃᓕᖅᑯᓯᖃᕐᓗᑎᒡᓗ ᒎᑎᐅᑉ ᐃᓕᖅᑯᓯᕆᖁᓐᖏᑕᖏᓐᓂᒃ, ᐅᖃᓲᖑᓪᓗᑎᒡᓗ ᐊᑕᓂᖅ ᐅᖃᐅᓯᕆᓪᓗᒍ ᑕᒻᒪᕐᓯᒪᔪᓂᒃ, ᑳᒃᑑᒐᓗᐊᓂᒡᓗ ᓂᕆᔭᒃᓴᕐᑖᕐᑎᑦᓯᕙᒐᑎᒃ, ᐃᒥᕈᒃᑐᓂᒡᓗ ᐃᒥᒃᓮᕈᑦᔨᕙᒃᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 45:7

ᖃᐅᒪᔪᒥᒃ ᐱᒋᐊᕐᑎᑦᓯᓚᐅᕐᐳᖓ ᑖᕐᑐᕐᓗ ᓴᖅᑭᑎᓪᓗᒍ, ᓮᒻᒪᕐᑎᑕᐅᓂᖅ ᐱᒋᐊᕐᑎᓯᒪᕙᕋ ᑲᑉᐱᐊᓇᕐᑐᒦᓐᓂᕐᓗ ᓴᖅᑭᑎᒃᑭᓪᓗᒍ, ᐅᕙᖓᐅᕗᖅ ᐊᑕᓂᖅ, ᑕᒪᒃᑯᓂᖓᓕᒫᖅ ᐱᓇᓱᐊᕐᐸᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 9:17

ᑍᒤᒻᒪᑦ ᐊᑕᓂᐅᑉ ᖁᕕᐊᒋᔪᓐᓃᕐᐰᑦ ᐃᓅᓱᒃᑐᖁᑎᖏᑦ, ᓇᒡᓕᒍᓱᒐᓂᓗ ᐃᓕᐊᕐᔪᖁᑎᖏᓐᓂᒃ ᐅᐃᒡᒐᕐᓂᖁᑎᖏᓐᓂᒡᓗ; ᐃᓘᓐᓇᑎᒃ ᑕᒃᑯᕐᒨᕐᒪᑕ ᐱᐅᖏᑦᑐᓕᓪᓗᑎᒡᓗ, ᐃᓘᓐᓇᑎᒡᓗ ᖃᓂᖏᑦ ᐱᐅᖏᑦᑐᐊᓗᖕᓂᒃ ᐅᖃᓪᓚᖃᑦᑕᕐᐳᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 10:12

ᑖᑦᓱᒪ ᐱᔪᓐᓇᕐᓂᕐᔪᐊᒥᓄᑦ ᓄᓇ ᐱᓐᖑᕐᑎᓚᐅᕐᐹ, ᓯᓚᕐᔪᐊᕐᓗ ᐃᓂᑖᕐᑎᓚᐅᕐᐹ ᓯᓚᑐᓂᕐᒥᒍᑦ, ᕿᓚᒡᓗ ᓂᕈᑐᔫᑎᑉᐹ ᖃᐅᔨᒪᓂᕐᔪᐊᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 10:7

ᑭᓇᓕ ᓯᕘᕋᖏᑦᑑᔪᓐᓇᕐᐹ ᐃᓕᖕᓃᒃ? ᐊᖓᔪᖅᑳᕐᔪᐊᖑᔪᑎᑦ ᐃᓅᖃᑎᒌᒡᔪᐊᓄᑦ ᓂᕐᑐᕐᑕᐅᔪᒃᓴᐅᕗᑎᑦ; ᓯᓚᑐᔪᕐᔪᐊᓕᒫᑦ ᐃᓅᖃᑎᒌᒡᔪᐊᓂ ᐊᖓᔪᖅᑲᐅᕕᓕᒫᓪᓗ ᑲᑎᓪᓗᒋᑦ ᐃᓕᒃᑐᑦ ᑍᒤᑦᑐᕐᑕᖃᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 36:32

ᑕᒪᓐᓇ ᐱᓪᓗᒍ ᔨᕆᒤᐊ ᑎᑎᕋᕐᕕᒃᓴᒥᒃ ᐃᒧᑦᑕᕐᑐᒥᒃ ᐱᓪᓗᓂ ᐸᕉᒃᒧᑦ ᑎᑎᕋᕐᑎᒧᑦ ᓂᕅᐊᐅᑉ ᐃᕐᓂᖓᓄᑦ ᑐᓂᕔᑦ, ᔨᕆᒤᐊ ᐅᖃᕐᐸᓪᓕᐊᑎᓪᓗᒍ ᐸᕉᒃ ᑎᑎᕋᕐᐸᓪᓕᐊᓕᕐᐳᖅ ᓯᕗᓪᓕᕐᒦᓚᐅᕐᑐᑦ ᐅᖃᐅᓯᕐᑕᖏᑕ ᐊᑦᔨᖏᓐᓂᒃ, ᔨᕼᐅᐃᐊᑭᐅᑉ ᔫᑕᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᓚᐅᕐᑕᖏᑦ ᐃᓚᒃᑲᓐᓂᕐᓗᒋᑦ ᑍᒫᑦᓮᓐᓇᑲᓵᒃ ᐅᖃᐅᓯᖃᕐᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 29:6

ᑕᕝᕙ ᐄᑦᔨᑉᑎᒥᐅᓕᒫᑦ ᑐᑭᓯᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ. ᐊᔭᐅᑉᐱᐊᕆᔭᐅᓚᐅᕋᕕᑦ ᓱᓪᓗᓕᒃ ᐃᓴᕆᐊᓕᐅᑉ ᑭᖑᕚᖏᓐᓄᑦ;

ᐂᒨᓯᐅᑉ ᐊᒡᓚᖏᑦ 3:6

“ᐃᒡᓗᒐᓴᖕᓂ ᑎᑦᑐᓚᐅᑦ ᓂᓪᓕᕐᐸᑦ ᐃᓄᖏᑦ ᑲᑉᐱᐊᓱᒐᔭᓐᖏᓛᑦ? “ᐱᓂᕐᓗᖕᓂᐊᓗᖃᕈᓐᓇᕐᐹ ᐃᒡᓗᒐᓴᖕᓂ, ᐊᑕᓂᖅ ᐱᖁᔨᑎᓐᓇᒍ?

ᔨᐸᓁᐊᐅᑉ ᐊᒡᓚᖏᑦ 3:8

“ᑍᒤᒻᒪ ᐅᕙᓐᓂᒃ ᐅᑕᖅᑭᒋᑦᓯ, ᐊᑕᓂᖅ ᐅᖃᕐᐳᖅ, ᐅᓪᓗᕐᒧᑦ ᓇᓗᓁᕐᓯᕕᒋᔪᒫᕐᑕᓐᓄᑦ. ᐃᓅᖃᑎᒌᒡᔪᐊᑦ ᑲᑎᑎᑦᓱᒪᕙᒃᑲ ᐊᑕᓂᐅᕖᓪᓗ ᑲᑎᑎᑦᓱᒪᕙᒃᑲ, ᓂᓐᖓᐅᒪᓂᓐᓂᒃ ᑯᕝᕕᕆᔪᒪᕙᒃᑲ, ᓯᖕᓇᓂᓐᓄᑦ ᓄᓇᕐᔪᐊᓕᒫᖅ ᐊᓯᕈᕐᑕᐅᔪᒫᕐᐳᖅ ᐃᑯᒪᒧᑦ.

ᓴᑲᕅᐊᐅᑉ ᐊᒡᓚᖏᑦ 1:6

ᐱᔨᒋᔭᒃᑯᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᑦ, ᐅᖃᐅᑎᕙᓚᐅᕐᐸᒃᑲ, ᒪᓕᒐᒃᓴᓂᒃ ᐃᓂᕐᑎᕆᑦᔪᑎᓂᒡᓗ, ᑭᓯᐊᓂᓕ ᓈᓚᒍᒪᓚᐅᓐᖏᓚᑦ ᑍᒤᒻᒪᑦ ᐊᒃᓱᕈᕐᓇᕐᑐᒧᑦ ᑎᑭᖃᑦᑕᓚᐅᕐᐳᑦ, ᑭᖑᓂᖓᒍᓪᓕ ᖃᕿᐊᓕᓚᐅᕐᐳᑦ ᐅᖃᓕᕐᓗᑎᒡᓗ ᐃᒫᒃ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓱᒋᐊᓚᐅᕐᐹᑎᒍᑦ ᓱᒋᐊᕐᑕᐅᔭᕆᐊᖃᕐᓂᕗᑦ ᒪᓕᒡᓗᒋᑦ, ᑍᒫᒃ ᐱᓂᐊᕐᓂᕋᕐᓗᓂ ᐅᖃᕐᓯᒪᒐᒥ.”

ᒨᓯᓯ ᓯᑕᒪᖏᑦ 10:35

ᑕᕝᕙ ᑍᒤᓕᓚᐅᕐᐳᖅ, ᐃᒃᓯᕐᕕᒃ ᐊᖏᕈᑎᑕᓕᒃ ᐊᐅᓪᓚᕈᑎᔭᐅᓕᕌᖓᑦ, ᒨᓯᓯ ᐅᖃᕐᐸᓚᐅᕐᐳᖅ: “ᐊᑕᓃᖅ, ᒪᑭᓕᕆᑦ! ᐊᑭᕋᑎᑦ ᐊᕙᒻᒧᑦ ᕿᒫᓕᑦ, ᐃᓕᖕᓂᒡᓗ ᐱᐅᒃᓴᖏᑦᑐᑦ ᓵᖕᓂᑦ ᕿᒪᒃᓯᓕᑦ.”

ᒨᓯᓯ ᓯᑕᒪᖏᑦ 23:19

ᒎᑎ ᐃᓄᒃᑎᑐᑦ ᐱᐅᓯᖃᖏᒻᒪᑦ, ᓴᒡᓗᔪᓐᓇᕋᓂ, ᐃᓄᐃᓪᓘᓐᓃᑦ ᐃᕐᓂᖏᑎᑐᑦ, ᖃᕿᐊᓕᕆᐊᖃᕋᓂ. ᐅᖃᓚᐅᕐᓯᒪᕚ, ᐱᓇᓱᐊᕐᓂᐊᖏᑕᒥᓂᒃ? ᐅᖃᓚᐅᕐᓯᒪᕙᓘᓐᓃ, ᑲᔪᓯᑎᓐᓂᐊᖏᑕᒥᓂᒃ?

ᒫᑎᐅᓯᐅᑉ ᐊᒡᓚᖏᑦ 24:35

ᕿᓚᒡᓗ ᓄᓇᓗ ᓄᖑᔪᒫᕐᐴᒃ; ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᕉᒪᒥᐅᓄᑦ 16:27

ᑖᓐᓇ ᓯᓚᑐᔪᑑᔪᖅ ᒎᑎ, ᓂᕐᑐᕐᑕᐅᓕ ᐃᓱᖃᖏᑦᑐᒧᑦ ᔩᓱᓯ ᙭ᔅᑑᓯᒃᑯᑦ! ᐋᒥᓐ.

ᔮᓱᐊᑉ ᐊᒡᓚᖏᑦ 23:15

ᑍᒤᒻᒪᑦ ᑍᒫᒃ ᐊᖏᕈᑎᒥᓂᒃ ᑲᔪᓯᑎᑦᓯᓚᐅᕐᒪᑦ ᐃᓕᑦᓯᓐᓄᑦ ᐱᐅᔪᓂᒃ ᐱᓂᐊᕐᓂᕋᕐᑕᓕᒫᒥᓂᒃ, ᑍᒤᒻᒪᑦ ᐊᑕᓂᖅ ᑲᔪᓯᑎᑦᓯᒐᔭᕆᕗᖅ ᐃᓕᑦᓯᓐᓄᑦ ᐱᐅᖏᑦᑐᓂᒃ ᐋᓐᓂᕐᓇᕐᑐᓂᒡᓗ, ᓄᖒᑦᓯᓚᐅᖏᓐᓂᓕᒫᒥᓂ ᐃᓕᑦᓯᓐᓂᒃ ᑕᒫᓐᖓᑦ ᓄᓇᑦᓯᐊᕙᖕᒥᑦ ᐊᑕᓂᐅᑉ ᒎᑎᓯ ᑐᓂᓚᐅᕐᑕᖓᓂᒃ ᐃᓕᑦᓯᓐᓄᑦ.

ᔫᑎᐅᑉ ᐊᒡᓚᖏᑦ 1:25

ᒎᑎᑐᐊᒧᑦ, ᐱᐅᓕᔨᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ, ᑖᓐᓇ ᐱᖃᕐᑐᖅ ᓂᕐᑐᕐᑕᐅᓂᕐᒥᒃ, ᐅᐱᒋᔭᐅᓂᕐᒥᒃ, ᐊᖓᔪᖅᑲᐅᓂᕐᒥᒃ, ᐱᔪᓐᓇᕐᓂᕐᒥᒡᓗ, ᓲᕐᓗ ᐱᒋᐊᕐᓂᕐᒥᑦ ᑍᒤᓚᐅᕐᒪᑦ ᑍᒤᒻᒪᓗ ᒫᓐᓇ ᑍᒤᖏᓐᓇᕐᓂᐊᕐᒪᓪᓗ ᐃᓱᖃᖏᑦᑐᒧᑦ. ᐋᒦᓐ.

ᓴᒧᐃᓕ ᓯᕗᓪᓖᑦ 2:3

ᐱᐅᔪᕆᓗᓯ ᐅᖃᓪᓚᒍᓐᓃᕆᑦᓯ, ᐱᐅᔪᕆᓂᕐᒥᒃ ᖃᓂᑦᓯᓐᓂᑦ ᐊᓂᔪᖃᕈᓐᓃᕐᓕᑦ; ᐊᑕᓂᖅ ᒎᑎᐅᖕᒪᑦ ᑖᓐᓇ ᖃᐅᔨᒪᔪᖅ, ᑖᑦᓱᒪᓪᓗ ᐱᓂᐊᕐᓃᑦ ᖃᐅᔨᓴᕐᐸᒃᐰᑦ.