ᐂᓮᐊᓯᐅᑉ ᐊᒡᓚᖏᑦ 30:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᐊᑕᓂᐅᑉ ᐱᒋᐊᕐᓯᖃᑦᑕᕐᓂᖏᑦ ᑖᒃᑯᓂᖓ, ᓂᐱᖃᕈᒫᕐᐳᖅ ᓯᕙᓂᕋᐅᑎᓂᒃ ᕼᐊᕐᐱᓂᒡᓗ ᓂᓪᓕᐊᑎᑦᓯᔪᑎᑐᑦ; ᐅᓇᑕᕐᓗᓂ ᑖᒃᑯᓂᖓ ᑕᓕᕐᒥᓄᑦ ᐱᒋᐊᕐᑕᕐᓗᓂ ᐅᓇᑕᕈᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 30:32 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 31:27

ᓱᖕᒪᑦ ᐊᓐᖏᒍᑦᔨᓪᓗᑎᑦ ᕿᒫᕕᑦ, ᐅᐃᕕᕆᓪᓗᖓᓗ, ᐅᕙᓐᓄᑦ ᐅᖃᓚᐅᕋᑎᑦ, ᐊᐅᓪᓚᕐᑎᒐᔭᓚᐅᕐᐸᒋᑦ ᖁᕕᐊᓱᖃᑎᒌᒡᓗᑕ ᐃᓐᖏᕐᓗᑕᓗ ᓂᑦᔭᐅᓯᔭᕐᓗᑕ ᐊᕕᓗᕋᐅᑎᓄᑦ ᓄᖃᕐᑎᓕᖕᓄᓪᓗ.

ᑯᕉᓂᑲ ᐂᑉᐸᖏᑦ 32:8

ᐱᔪᓐᓇᐅᑎᖃᕐᒪᑦ ᑎᒥᒃᑯᑦ ᐅᓇᑕᕐᑎᓂᒃ; ᐅᕙᒍᓪᓕ ᐱᔪᓐᓇᐅᑎᖃᕐᐳᒍᑦ ᐊᑕᓂᕐᒥᒃ ᒎᑎᑦᑎᓐᓂᒃ, ᐃᑲᔪᕐᓂᐊᕐᑐᖅ ᐅᓇᑕᐅᑦᔨᓗᓂᓗ ᐅᕙᑦᑎᓐᓂᒃ.” ᐃᓄᐃᓪᓗ ᓴᐱᕈᓐᓃᕐᑎᑕᐅᕗᑦ ᕼᐃᓯᑬᐊᐅᑉ ᔫᑕᒥ ᐊᖓᔪᖅᑳᕐᔪᐊᑉ ᐅᖃᐅᓯᖏᓐᓄᑦ.

ᔫᐱᐅᑉ ᐊᒡᓚᖏᑦ 16:12

ᖃᓄᐃᖏᑦᓯᐊᕐᑎᓪᓗᖓ, ᑖᑦᓱᒪ ᓯᖁᑦᑎᓚᐅᕐᐹᖓ; ᑐᖅᑯᔮᒃᑯᑦ ᑎᒍᓪᓗᖓ ᐋᓐᓂᕐᓯᓚᐅᕐᐹᖓ ᓯᖃᓪᓕᓪᓗᖓ; ᓇᑉᐸᐅᑎᓚᐅᕐᐹᖓᓗ ᐱᒋᐊᖃᑦᑕᕋᒃᓴᕆᔪᒪᓪᓗᓂᖓ,

ᐂᓮᐊᓯᐅᑉ ᐊᒡᓚᖏᑦ 10:24

ᑍᒤᒻᒪᑦ ᐊᑕᓂᖅ ᒎᑎ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ: “ᐃᓄᖁᑎᒃᑲ, ᓮᐅᓂᒥ ᓄᓇᖃᕐᑐᓯ, ᓯᕘᕋᓂᐊᕋᓯ ᐊᓯᕆᐊᒥᐅᓂᒃ, ᐊᓇᐅᑕᕐᒧᑦ ᐊᓇᐅᓕᓕᕐᐹᓯ ᐊᔭᐅᑉᐱᐊᒧᓪᓗ ᐅᕐᓕᕐᓵᓕᕐᐹᓯ, ᓲᕐᓗ ᐄᑦᔨᑉᑎᒥᐅᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 10:26

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᓱᒋᐊᕐᓯᑦᔪᑎᓂ ᐊᑐᓕᕈᒫᕐᐹ ᑖᒃᑯᓄᖓ, ᑐᖁᕅᓚᐅᕐᓂᕐᒥᑐᑦ ᒥᑎᐊᓂᒥᐅᓂᒃ ᕾᕐᓱᒥ ᐅᕆᐱᒥ; ᑖᑦᓱᒪᓗ ᐊᓇᐅᑕᓂ ᐃᒪᐅᑉ ᓇᓛᓄᐊᕐᑎᑦᓱᒫᕐᐹ, ᑭᕕᒡᓗᒍᓗ ᓲᕐᓗ ᐄᑦᔨᑉᑎᒥᐅᓄᑦ ᐱᓇᓱᐊᓚᐅᕐᓂᕐᒥᑐᑦ.

ᐂᓮᐊᓯᐅᑉ ᐊᒡᓚᖏᑦ 11:15

ᐊᑕᓂᐅᓪᓗ ᐊᓯᕈᑦᓯᐊᕈᒫᕐᐹ ᐄᑦᔨᑉᑎᐅᑉ ᐃᒪᖓᑕ ᑲᖏᕐᓱᐊ; ᐊᓄᕆᕐᔪᐊᖃᕐᑎᑦᓯᓗᓂ ᐆᓇᕐᑐᒥᒃ ᐃᕗᕅᑎᐅᑉ ᑰᒡᔪᐊᖓ ᓵᓐᖓᔪᒫᕐᐹ, ᐊᓇᐅᔪᒫᕐᐹ 7ᐅᓕᖅᑲᖓᔪᓂᒃ ᑰᖃᓕᕐᑎᓪᓗᒍ, ᐃᓄᐃᓪᓗ ᐃᑳᖃᑦᑕᓕᕈᒫᕐᐳᑦ ᐱᓱᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 19:16

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐄᑦᔨᑉᑎᒥᐅᑦ ᐊᕐᓇᑎᑐᑦ ᑍᒤᓕᕈᒫᕐᐳᑦ, ᓴᔪᒍᒫᕐᐳᑦ ᑲᑉᐱᐊᓱᒡᓗᑎᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐊᒡᒐᖕᒥᓄᑦ ᓴᔪᒃᑎᑦᓱᒫᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 2:19

ᐃᓄᐃᓪᓗ ᕾᕐᑑᑉ ᕾᕈᓱᖏᓐᓄᑦ ᐳᓚᔪᒫᕐᐳᑦ ᓄᓇᐅᓪᓗ ᐃᑎᕐᓴᖏᓐᓄᐊᕐᓗᑎᒃ, ᐊᑕᓂᐅᑉ ᓯᕘᕋᓇᕐᑐᕐᔪᐊᖑᓂᖓ ᐱᓪᓗᒍ, ᑖᑦᓱᒪᓗ ᐊᖓᔪᖅᑳᕐᔪᐊᖑᓂᖓᑕ ᓂᕐᑐᕐᓇᕐᑐᕐᔪᐊᖑᓂᖓᓂᑦ, ᒪᑭᓕᕐᐸᑦ ᓄᓇᕐᔪᐊᖅ ᓴᔪᒍᒫᕐᐳᖅ ᐊᖏᔪᕐᔪᐊᒥᒃ.

ᐂᓮᐊᓯᐅᑉ ᐊᒡᓚᖏᑦ 24:1

ᐊᑕᓂᐅᑉ ᐊᓯᕈᕐᑕᐅᑎᑦᓱᒫᕐᐹ ᓄᓇᕐᔪᐊᖅ ᑭᓱᐃᕈᑎᓗᓂᓗ, ᓄᓇᐅᑉ ᖄᖓ ᓯᖁᑦᑎᕐᐸᒍ ᐃᓄᖏᑦ ᓇᒧᑐᐃᓐᓇᖅ ᓯᐊᒻᒪᒍᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 24:8

ᑐᓴᕐᓂᕐᑐᓂᒃ ᓂᓪᓕᐊᑎᑦᓯᔪᑦ ᑯᑭᑦᑕᐸᐅᑎᓄᑦ ᕿᓚᐅᑎᓄᓪᓗ ᑐᓴᕐᓇᕈᓐᓃᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 30:29

ᐃᓕᑦᓯᓕ ᐃᓐᖏᕈᒫᕐᐳᓯ ᐅᓐᓄᒃᑯᑦ ᐃᑦᔪᕐᓁᑦᑐᒥᒃ ᓇᓪᓕᐅᓐᓂᕐᓯᐅᕐᓂᕐᒧᑦ ᓂᕆᕕᒡᔪᐊᕐᓂᐊᕐᑐᓃᑦᑐᑎᑐᑦ, ᖁᕕᐊᓱᖃᕐᑎᒋᒍᒫᕐᐳᓯ ᓱᐴᒐᕐᑎᓄᑦ ᐅᐸᒍᑎᓕᕐᑐᑎᑐᑦ ᐊᑕᓂᐅᑉ ᖃᖅᑲᖁᑎᖓᓄᑦ, ᐃᓴᕆᐊᓕᒥᐅᑦ ᕾᕐᑐᖓᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 31:4

ᐃᒫᒃ ᐊᑕᓂᐅᑉ ᐅᖃᕐᕕᒋᓚᐅᕐᐹᖓ, “ᓛᔭ ᐃᕐᓯᓵᕐᐸᑦ ᐅᕝᕙᓗ ᓛᔭ ᐃᓅᓱᒃᑐᖅ ᐃᕐᓯᓵᕐᐸᖕᒪᑦ ᐅᒋᐊᕐᑕᒥᓂᒃ ᓴᐳᓐᓂᐊᕐᓗᑎᒃ, ᓰᐱᓕᕆᔩᓪᓗ ᐅᓄᕐᑐᑦ ᕾᒐᓛᕋᓗᐊᕐᐸᑕ ᓂᐱᒥᖕᓄᑦ ᕿᒫᑎᑦᓯᓂᐊᓐᖏᓚᑦ ᑖᑦᓱᒥᖓ, ᑍᒫᒃᑕᐅᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑎᑭᓐᓂᐊᕆᕗᖅ ᓴᐳᓐᓂᐊᕆᐊᕐᑐᕐᓗᓂ ᓮᐅᓂᐅᑉ ᖃᖅᑲᖓᓂᒃ ᐱᖑᖏᓐᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 31:4

ᒪᑭᑎᒃᑲᓐᓂᕈᒫᕐᐸᑦᓯ, ᐱᕈᕐᑎᒃᑲᓐᓂᕐᓗᓯᓗ ᐃᓴᕆᐊᓕᒥᐅᖑᔪᓯ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᑍᒤᑦᑑᔪᓯ ᓯᕙᓂᕋᐅᑎᓯ ᐊᑐᕈᓐᓇᕐᓯᔪᒫᕐᐸᓯ ᑖᓂᓯᕐᓗᓯᓗ ᖁᕕᐊᓱᖕᓂᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 28:13

ᐄᑕᓂᒥ ᓄᓇᖃᓚᐅᕐᐳᑎᑦ, ᒎᑎᐅᑉ ᐱᕈᕐᓰᕕᖁᑎᖓᓂ; ᐅᔭᕋᖕᓂᒃ ᐱᐅᔪᓂᒃ ᐊᑦᔨᒌᖏᑦᑐᓂᒃ ᐱᐅᓴᐅᑎᖃᕐᐸᒡᓗᑎᑦ, ᑲᕐᓃᓕᐊᓂᒃ, ᑑᐹᑦᓯᓂᒃ, ᔭᓯᐸᕆᓂᒡᓗ, ᑯᕅᓱᓕᐊᓂᒃ ᐳᕅᓕᓂᒃ, ᐆᓂᒡᓯᓂᒡᓗ, ᓴᐰᕋᓂᒃ, ᑳᐳᕐᓐᑯᓪᓂᒃ, ᐃᒪᕆᐅᓪᓂᒡᓗ; ᐊᓐᓄᕌᑎᑦ ᒎᓗᓂᒃ ᑕᕐᓴᖃᐅᕐᐸᒡᓗᑎᒃ ᓴᓇᓐᖑᐊᕐᓯᒪᔪᓂᒃ ᐃᑎᕐᓴᓕᐅᕈᑎᓯᒪᔪᓂᒃ. ᑕᒪᒃᑯᐊᓗ ᐊᓐᓄᕌᒃᓴᐅᑕᐅᓚᐅᕐᐳᑦ ᐃᓕᖕᓄᑦ ᐱᓐᖑᕐᑎᑕᐅᕕᖕᓂᑦ ᐱᒋᐊᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 32:10

ᐃᓅᖃᑎᒌᒡᔪᐊᓄᑦ ᑲᒪᓂᐊᕈᑕᐅᔪᒫᕐᐳᑎᑦ, ᐊᖓᔪᖅᑳᕐᔪᐊᖏᑦ ᑲᑉᐱᐊᓱᖕᓂᕐᒧᑦ ᓴᔪᒍᒫᕐᐳᑦ ᐱᑦᔪᑎᒋᓗᑎᑦ, ᓴᕕᒡᔪᐊᕋ ᓴᓂᒧᑦ ᓱᓗᕋᕐᑕᕐᑎᓕᕈᒃᑯ ᑖᒃᑯᐊ ᓯᕗᕌᓐᓂ; ᓴᔪᓕᕈᒫᕐᐳᑦ, ᐊᑐᓂᑦ ᑐᖁᑕᐅᓂᐊᕋᓱᒋᓗᑎᒃ, ᑐᖁᕕᒃᓮᑦ ᐅᓪᓗᖅ ᓇᓪᓕᐅᑎᒃᐸᑦ.

ᐄᑉᕈᐃᓄᑦ 12:26

ᑍᑦᓱᒪᓂ ᓂᐱᖓᑕ ᓄᓇᕐᔪᐊᖅ ᓴᔪᒃᑎᓚᐅᕐᐹ; ᒫᓐᓇᓕ ᐊᖏᕈᑎᖃᕐᓗᓂ ᐅᖃᕐᓯᒪᕗᖅ, “ᓱᓕ ᐊᑕᐅᓯᐊᕐᓗᖓ ᓴᔪᒃᑎᑦᓯᒃᑲᓐᓂᕐᓂᐊᕐᐳᖓ ᓄᓇᕐᔪᐊᕐᒥ ᑭᓯᐊᓂᐅᖏᑦᑐᖅ ᕿᓚᖕᒥᓕᑦᑕᐅᖅ.”

ᓴᒧᐃᓕ ᓯᕗᓪᓖᑦ 10:5

ᑕᒪᑐᒪ ᑭᖑᕐᖓᒍᑦ ᐂᔪᒃᓴᐅᕗᑎᑦ ᒋᐱᐊᑦ-ᐃᓗᕼᐃᒻᒧᑦ, ᒎᑎᐅᑉ ᖃᖅᑲᖓᓄᑦ, ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖃᕐᕕᖓᓄᑦ; ᑕᕝᕙᓂ ᐃᒤᑦᓱᒫᕐᐳᖅ ᑍᑯᖓ ᐃᒡᓗᒐᓴᖕᓄᑦ ᑎᑭᒃᑯᕕᑦ ᑲᑎᓯᔪᒫᕐᐳᑎᑦ ᐅᖃᕐᑎᓂᒃ ᖁᑦᓯᖕᓂᕐᐹᒥᑦ ᐱᔪᓂᒃ ᑯᑭᑦᑕᐸᐅᑎᐅᔭᓄᑦ ᓂᑦᔭᐅᓯᔭᕐᑐᓂᒃ ᓯᕙᓂᐅᑎᓂᒡᓗ, ᓱᐴᒐᐅᔭᓂᒡᓗ ᕼᐊᕐᐱᓂᒡᓗ ᐊᑐᕐᓗᑎᒃ, ᓇᓚᐅᑦᑍᔪᒫᕐᐳᑦ.

ᓴᒧᐃᓕ ᓯᕗᓪᓖᑦ 18:6

ᑍᕕᑎ ᐅᑎᓕᕐᑎᓪᓗᒍ ᑐᖁᑦᓯᓚᐅᕐᓗᓂ ᐱᓕᔅᑍᓂᒥᐅᒥᒃ ᐅᓇᑕᕐᑐᒃᓮᓪᓗ ᐃᓚᒋᓪᓗᒋᑦ, ᐊᕐᓁᑦ ᐃᓴᕆᐊᓕᒥᐅᑦ ᓄᓇᖓᓃᑦᑐᑦ ᐸᕐᕆᐊᕐᐳᑦ ᐊᖓᔪᖅᑳᕐᔪᐊᒥᒃ ᓴᐅᓕᒥ, ᖁᕕᐊᓇᕐᑐᓂᒃ ᐃᓐᖏᕐᓗᑎᒃ, ᑖᓂᓯᕐᓗᑎᒡᓗ, ᓂᓪᓕᐊᑎᑦᓯᓪᓗᑎᒡᓗ ᓯᕙᓂᕈᑎᓂᒃ ᑯᑭᑦᑕᐸᐅᑎᓂᒡᓗ.