ᐂᓮᐊᓯᐅᑉ ᐊᒡᓚᖏᑦ 30:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐃᓕᑦᓯᓕ ᐃᓐᖏᕈᒫᕐᐳᓯ ᐅᓐᓄᒃᑯᑦ ᐃᑦᔪᕐᓁᑦᑐᒥᒃ ᓇᓪᓕᐅᓐᓂᕐᓯᐅᕐᓂᕐᒧᑦ ᓂᕆᕕᒡᔪᐊᕐᓂᐊᕐᑐᓃᑦᑐᑎᑐᑦ, ᖁᕕᐊᓱᖃᕐᑎᒋᒍᒫᕐᐳᓯ ᓱᐴᒐᕐᑎᓄᑦ ᐅᐸᒍᑎᓕᕐᑐᑎᑐᑦ ᐊᑕᓂᐅᑉ ᖃᖅᑲᖁᑎᖓᓄᑦ, ᐃᓴᕆᐊᓕᒥᐅᑦ ᕾᕐᑐᖓᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 30:29 ပူးပေါင်းရင်းမြစ်များ

ᐃᓐᖏᕈᑎᑦ 18:31

ᑭᓇ ᒎᑎᐅᕚ? ᐊᑕᓂᐅᑉ ᐊᓯᐊ. ᑭᓇᓘ ᕾᕐᑑᕙ, ᒎᑎᑦᑕ ᐊᓯᐊ?

ᐃᓐᖏᕈᑎᑦ 32:7

ᐃᕝᕕᑦ ᐃᔨᕆᐊᕐᑐᕐᕕᒃᓴᕆᕙᒋᑦ; ᐃᓱᐊᖏᑦᑐᓂᑦ ᓴᐳᑎᕙᕐᒪ; ᐊᕙᓗᔪᒫᕐᐸᕐᒪᓗ ᐃᓐᖏᕈᓯᕐᓂᒃ ᓴᐳᑦᔭᐅᓂᕐᓂᒃ. ᓰᓚ

ᐃᓐᖏᕈᑎᑦ 42:4

ᐃᖅᑲᐅᒪᓕᕌᖓᒪ ᑕᒪᒃᑯᓂᖓ, ᑕᕐᓂᕋ ᐅᒃᑯᐃᕐᐸᒃᐸᕋ ᐅᕙᓐᓄᑦ. ᐃᓄᒋᐊᒃᑐᕐᔪᐊᑦ ᐃᓚᒋᕙᓚᐅᕋᒃᑭᑦ; ᒎᑎᐅᑉ ᐃᒡᓗᖓᓄᑦ ᐂᖃᑕᐅᓪᓗᖓ, ᓂᓪᓕᐊᓪᓗᑕᓗ ᖁᕕᐊᓱᖕᓂᕐᒧᑦ ᓂᕐᑐᐃᓂᕐᒧᓪᓗ, ᐃᓄᒋᐊᒃᑐᕐᔪᐊᑦ ᐃᓚᒋᓪᓗᒋᑦ ᓇᓪᓕᐅᓐᓂᕐᓯᐅᖃᑎᒌᒃᑐᑦ.

ᐃᓐᖏᕈᑎᑦ 42:5

ᑕᕐᓃᒃ, ᓱᖕᒪᑦ ᖁᕕᐊᓱᓐᖏᓚᑎᑦ? ᓱᖕᒪᓪᓗ ᐃᓗᓐᓂ ᐃᓱᒪᔮᕐᐱᑦ? ᒎᑏ ᓂᕆᐅᒡᕕᒋᒐᒃᑯ, ᓱᓕ ᓂᕐᑐᒃᑲᓐᓂᕈᒪᒐᒃᑯ, ᑮᓇᕐᒥᓄᑦ ᐃᑲᔪᕐᓂᐊᕐᒪᖓ.

ᐂᓮᐊᓯᐅᑉ ᐊᒡᓚᖏᑦ 12:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᓯ: “ᐊᑕᓃᖅ, ᓂᕐᑐᕐᓂᐊᕐᐸᒋᑦ; ᐅᕙᑦᑎᓐᓄᑦ ᓂᓐᖓᐅᒪᓚᐅᕋᓗᐊᕋᕕᑦ, ᑕᕝᕙ ᓂᓐᖓᐅᒪᓃᑦ ᓴᖑᓚᐅᕐᒪᑦ, ᓮᒻᒪᕐᑎᓚᐅᕐᐸᑦᑎᒍᓪᓗ.

ᐂᓮᐊᓯᐅᑉ ᐊᒡᓚᖏᑦ 17:10

ᐳᐃᒍᓚᐅᕋᑦᓯ ᒎᑎᒥᒃ ᐱᐅᓕᔨᑦᓯᓐᓂᒃ, ᐃᖅᑲᐅᒪᓇᓯᓗ ᕾᕐᑐᒥᒃ ᕿᒫᕕᒃᓴᑦᓯᓐᓂᒃ; ᑍᒤᒻᒪᑦ, ᐱᕈᕐᓰᒐᓗᐊᕈᑦᓯ ᐱᕈᕐᑐᓂᒃ ᑕᑯᒥᓇᕐᑐᓂᒃ ᑕᕝᕙᓐᖓᓪᓗ ᐃᓕᐅᖅᑬᓗᓯ ᐊᓯᑦᓯ ᒎᑎᓐᖑᐊᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 2:3

ᐃᓄᐃᓪᓗ ᐅᓄᕐᑐᑦ ᑕᕝᕗᓐᖓᕐᓗᑎᒃ ᐅᖃᖃᑦᑕᕈᒫᕐᐳᑦ; “ᕾᒋᑦᓯ ᐊᑕᓂᐅᑉ ᖃᖅᑲᖁᑎᖓᓄᑦ ᒪᔪᕋᕐᑕ, ᔧᑰᑉ ᒎᑎᖓᑦᑕ ᐃᒡᓗᖓᓄᑦ; ᐊᔪᕆᕐᑐᕐᓂᐊᕐᒪᑎᒍᑦ ᐱᓂᐊᕐᑕᐅᖁᔭᒥᓂᒃ ᐊᖅᑯᑎᐅᖁᔭᖏᑎᒍᓪᓗ ᐱᓱᒍᓐᓇᓕᖁᓪᓗᑕ.” ᓮᐅᓂᒥᑦ ᐱᖁᔭᑦ ᐊᓂᔪᒫᕐᒪᑕ, ᐊᑕᓂᐅᓪᓗ ᐅᖃᐅᓯᖓ ᔨᕉᓴᓕᒥᑦ ᐱᓗᓂ.

ᐂᓮᐊᓯᐅᑉ ᐊᒡᓚᖏᑦ 26:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔫᑕᒥᐅᑦ ᐃᓐᖏᕈᒫᕐᐳᑦ ᐱᓯᕐᒥᒃ ᐆᒥᖓ: “ᐱᔪᓐᓇᑦᓯᐊᕐᑐᒥᒃ ᐃᒡᓗᒐᓴᒡᔪᐊᖃᕐᐳᒍᑦ; ᒎᑎᐅᑉ ᓇᖕᒥᓂᖅ ᐱᐅᓕᔭᐅᕕᒃᓴᐅᑎᒻᒪᒋᑦ ᐊᕙᓗᕐᔪᐊᖏᑦ ᓴᐴᓗᑕᖏᓪᓗ.

ᐂᓮᐊᓯᐅᑉ ᐊᒡᓚᖏᑦ 26:4

ᐊᑕᓂᖅ ᑕᑎᒋᓯᐅᒃ ᐃᓱᖃᖏᑦᑐᒧᑦ, ᑖᓐᓇ ᐊᑕᓂᖅ ᒎᑎᐅᖕᒪᑦ ᔭᕼᐊ! ᐃᓱᖃᖏᑦᑐᒧᑦ ᐱᔪᓐᓇᐅᑎᒃᓴᖅ ᕾᕐᑑᔪᖅ.

ᐂᓮᐊᓯᐅᑉ ᐊᒡᓚᖏᑦ 30:28

ᐊᓂᕐᓵᕐᓂᖓ ᑰᒃᑎᑐᑦ ᑰᒃᑐᕐᔪᐊᑎᑐᑦ ᑍᒤᑉᐳᖅ ᖁᖓᓯᕐᒧᑦ ᑎᑭᐅᒪᓕᕐᑐᑎᑐᑦ; ᐃᓅᖃᑎᒌᒡᔪᐊᑦ ᓴᓃᔭᕐᑕᐅᔪᑎᑐᑦ ᐱᓇᓱᐊᕐᕕᒋᔪᒫᕐᐰᑦ; ᖃᓂᖏᓐᓄᓪᓗ ᐃᓕᓯᓗᓂ ᕿᒻᒥᕐᔪᐊᑦ ᖃᓂᖏᓐᓄᑦ ᑕᓯᒍᐊᕐᕕᐅᓲᓂᒃ, ᑍᒫᒃ ᑕᓯᐅᕐᓂᐊᕐᓗᒋᑦ ᑕᒻᒪᕐᓇᕐᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 30:30

ᐊᑕᓂᐅᑉ ᓂᐱᓂ ᑲᒪᓇᕐᑐᕐᔪᐊᖅ ᑐᓴᕐᓴᐅᑎᑦᓱᒫᕐᐹ, ᑕᓕᖓᑕᓗ ᑎᒡᓗᒃᓯᓂᖓ ᑕᑯᒃᓴᐅᑎᓪᓗᒍ, ᓂᓐᖓᐅᒪᓂᕐᔪᐊᒃᑯᑦ ᐃᑯᒪᒃᑯᓪᓗ ᓄᖒᑦᓯᔪᒃᑯᑦ, ᑕᑯᒃᓴᐅᓂᖃᕐᓗᓂ ᓄᕗᔭᕐᔪᐊᒥᒃ ᓯᓚᕐᓂᕐᓗᒡᔪᐊᒥᒡᓗ ᓇᑕᖅᑯᕐᓇᕐᔪᐊᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 44:8

ᓯᕘᕋᓂᐊᕐᓇᒃ ᐃᕐᓯᓂᐊᕐᓇᒡᓗ ᑍᑦᓱᒪᓂᐊᓗᖕᓂᑦ ᐅᖃᐅᑎᓚᐅᓐᖏᓚᒌᑦ ᓇᓗᓁᕐᓗᒍᓗ? ᖃᐅᔨᓯᒪᔪᖁᑎᒋᒐᑦᓯ. ᐊᓯᓐᓂᒃ ᒎᑎᑕᖃᕐᐹ? ᓱᓕᓪᓚᕆᒃᐳᖓ ᕾᕐᑐᕐᑕᖃᓐᖏᓚᖅ ᐊᓯᓐᓂᒃ; ᐊᓯᓐᓂᒃ ᖃᐅᔨᒪᔭᖃᓐᖏᓚᖓ.’”

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᒨᓯᓯ ᐱᖓᔪᖏᑦ 23:32

ᐅᓪᓗᖅ ᑖᓐᓇ ᓴᐸᑎᐅᖕᒪᑦ ᑕᕾᕐᓯᕕᒃ ᐃᓕᑦᓯ ᐱᓪᓗᓯ. ᑕᕝᕙᓂ ᓂᕆᔭᕆᐊᖃᓐᖏᓚᓯ. ᐅᓪᓗᐃᑦ 9ᖓᓂᑦ ᐅᓐᓄᒃᑐᒥᑦ ᐱᒋᐊᕐᓗᒍ ᑖᓐᓇ ᐅᓪᓗᖅ ᐅᓐᓄᖓᓄᑦ ᐃᓱᖃᕐᓗᒍ, ᓴᐸᑎ ᑖᓐᓇ ᑲᒪᒋᓯᐊᕐᑕᒃᓴᕆᕙᓯ.”

ᒫᑎᐅᓯᐅᑉ ᐊᒡᓚᖏᑦ 26:30

ᐱᓯᕐᒥᒃ ᐃᓐᖏᕇᕋᒥᒃ, ᑕᕝᕙᓐᖓᑦ ᐊᓂᕗᑦ ᖃᖅᑲᒧᑦ ᓇᐹᕐᑐᓕᖕᒧᑦ ᐅᕐᓱᒃᓴᐅᔪᓐᓇᕐᑐᓂᒃ ᐸᐅᕐᖓᖃᓲᒧᑦ.

ᒨᓯᓯ ᑕᓪᓕᒪᖏᑦ 16:14

ᖁᕕᐊᓱᒃᑐᒃᓴᐅᕗᓯ ᓇᓪᓕᐅᓐᓂᕐᓯᐅᓕᕐᑎᓪᓗᓯ ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᖑᑎᑦ ᐊᕐᓁᓪᓗ ᐃᓚᒋᓗᒋᑦ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ.

ᒨᓯᓯ ᑕᓪᓕᒪᖏᑦ 16:6

ᑕᕝᕙᓂ ᑭᓯᐊᓂ ᐊᑎᖓᑕ ᐃᓂᖓᓂ ᖄᖏᕐᑕᐅᕕᒃᓯᐅᑎᒥᒃ ᑐᓂᕐᕈᓯᕐᑐᒃᓴᐅᕗᓯ ᓯᕿᓂᖅ ᓂᐱᓕᕐᑎᓪᓗᒍ, ᑍᑦᓱᒪᓂ ᐄᑦᔨᑉᑎᒥᑦ ᐊᐅᓪᓚᓕᕐᑎᓪᓗᓯ ᑍᒤᓪᓗᐊᓕᕐᑎᓪᓗᒍ ᐊᐅᓪᓚᓚᐅᕋᑦᓯ.

ᒨᓯᓯ ᑕᓪᓕᒪᖏᑦ 32:31

ᕾᕐᑐᖓᑦ ᕾᕐᑐᖁᑎᑦᑎᑐᑦ ᑍᒤᓐᖏᓚᖅ, ᐊᑭᕋᕐᑐᕐᑎᖏᑦ ᑍᒫᒃ ᐃᓱᒪᖃᕐᐳᑦ.

ᒨᓯᓯ ᑕᓪᓕᒪᖏᑦ 32:4

ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:3

ᐃᓐᖏᕐᐳᓪᓗ ᒨᓯᓯᐅᑉ ᐃᓐᖏᕈᑎᖓᓂᒃ, ᒎᑎᐅᑉ ᐱᔨᖓᑕ, ᓄᕐᕋᐅᔭᐅᓪᓗ ᐃᓐᖏᕈᑎᖓᓂᒃ, ᐅᖃᕐᓗᑎᒃ: “ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ! ᐱᓂᐊᕐᓂᑎᑦ ᐊᖏᔪᕐᔫᕗᑦ ᐱᐅᔪᐊᓘᓪᓗᑎᒡᓗ, ᐊᖅᑯᑎᑎᑦ ᓈᒻᒪᑦᓯᐊᕐᐳᑦ ᓱᓕᓪᓗᑎᒡᓗ, ᐊᖓᔪᖅᑳᕐᔪᐊᖑᕗᑎᑦ ᐃᓱᖃᖏᑦᑐᒧᑦ!