19 ᓮᐅᓂᒥᐅᑕᐅᔪᓯ ᓄᓇᖃᕐᑐᓯᓗ ᔨᕉᓴᓕᒥ; ᕿᐊᓂᐊᕈᓐᓃᕐᐳᓯ. ᑖᑦᓱᒪ ᐊᖏᔪᒥᒃ ᐱᑦᓯᐊᕐᕕᒋᖕᒪᓯ ᕿᓄᓂᑦᓯᓐᓂᒃ ᑐᓴᕈᓂ; ᑐᓴᕈᓂᓯ ᑭᐅᓂᐊᕐᒪᓯ.
ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”
ᑍᒤᒻᒪᑦ ᐊᑕᓂᖅ ᒎᑎ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ: “ᐃᓄᖁᑎᒃᑲ, ᓮᐅᓂᒥ ᓄᓇᖃᕐᑐᓯ, ᓯᕘᕋᓂᐊᕋᓯ ᐊᓯᕆᐊᒥᐅᓂᒃ, ᐊᓇᐅᑕᕐᒧᑦ ᐊᓇᐅᓕᓕᕐᐹᓯ ᐊᔭᐅᑉᐱᐊᒧᓪᓗ ᐅᕐᓕᕐᓵᓕᕐᐹᓯ, ᓲᕐᓗ ᐄᑦᔨᑉᑎᒥᐅᑎᑐᑦ.
ᑐᖁ ᐊᑐᕈᓐᓃᕐᑎᑦᓱᒫᕐᐹ ᐃᓱᖃᖏᑦᑐᒧᑦ! ᐊᑕᓂᐅᓪᓗ ᒎᑎᐅᑉ ᖁᕝᕕᐅᕐᑐᓕᒫᑦ ᐃᔨᖏᑦ ᐊᓪᓚᕐᑎᕈᒫᕐᐰᑦ, ᐃᓄᖁᑎᖏᑕ ᓇᓂᓕᒫᕐᑐᑦ ᑲᓐᖑᓲᑎᒋᓪᓗᒋᑦ ᐊᒃᓱᕈᕈᑎᒋᓚᐅᕐᑕᖏᑦ ᐲᔭᕈᒫᕐᐰᑦ ᓄᓇᒥᑦ; ᐊᑕᓂᖅ ᑍᒫᒃ ᐅᖃᕐᐳᖅ.
ᐊᑕᓃᖅ ᓈᒃᑭᒋᑎᒍᑦ; ᐃᓕᖕᓂᒃ ᓂᕆᐅᒡᕕᖃᕋᑦᑕ, ᐅᓪᓛᑕᒫᑦ ᓴᐳᑎᓯᒪᓚᐅᕐᑎᒍᑦ ᐱᐅᓕᓗᑕᓗ ᖃᓄᐃᓐᓇᕐᑐᓂᑦ.
ᐊᑕᓂᐅᑉ ᐊᑭᓕᕐᓗᒋᑦ ᓂᐅᕕᐊᕆᔭᖏᑦ ᑖᒃᑯᐊ ᐅᑎᕈᒫᕐᐳᑦ, ᑎᑭᑦᓱᒫᕐᐳᑦ ᓮᐅᓂᒧᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ; ᖁᕕᐊᓱᖕᓂᕐᔪᐊᕐᒧᑦ ᐃᓱᖃᖏᑦᑐᒧᑦ ᖁᓚᖏᐊᕐᑕᐅᔪᒫᕐᐳᑦ, ᐊᓕᐊᓁᒍᓱᖕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓯᒪᔪᒫᕐᐳᑦ, ᕿᒃᓵᖕᓂᕐᓗ ᐊᓂᕐᓴᐅᒥᓂᕐᓗ ᕿᒫᔪᒫᕐᒪᑕ.
ᐊᒃᓱᔪᑦ ᐱᖃᖏᑦᑐᓪᓗ ᐃᒥᕈᒃᑲᓗᐊᕐᐳᑦ ᐃᒥᒃᓴᕐᑕᖃᕋᓂᓗ, ᖀᓐᓂᕐᒧᑦ ᐅᖃᖏᑦ ᓴᓗᐊᕐᐳᑦ, ᐅᕙᖓ ᐊᑕᓂᖅ ᑐᓴᕐᓂᐊᕐᐸᒃᑲ; ᐅᕙᖓ ᐃᓴᕆᐊᓕᐅᑉ ᒎᑎᖓ ᖁᔭᓈᕐᓂᐊᓐᖏᓚᒃᑲ.
ᐱᐅᓕᒃᓯᓂᕋ ᖃᒡᓕᑎᑉᐸᕋ, ᐅᖓᓯᒃᑐᐊᓘᔪᓐᓃᕐᐳᖅ, ᐱᐅᓕᒃᓯᓂᒃᓴᕋ ᐊᑯᓂᐅᓂᐊᓐᖏᓚᖅ ᐱᐅᓕᔭᐅᓂᖅ ᓮᐅᓂᒥ ᐃᓂᖃᕐᑎᓐᓂᐊᕋᒃᑯ; ᐃᓴᕆᐊᓕ ᓂᕐᑐᕐᓇᐅᑎᒋᒐᒃᑯ.”
ᑕᕝᕙ ᓂᓪᓕᐊᓕᕈᑦᓯ, ᐊᑕᓂᐅᑉ ᑭᐅᖃᑦᑕᕐᓂᐊᕐᐹᓯ; ᓂᓪᓕᐊᑐᐊᕌᖓᑦᓯᓗ ᐃᑲᔪᕐᑕᐅᔪᒪᓗᓯ ᐅᖃᖃᑦᑕᕐᓗᓂ “ᐅᕝᕙᐅᕗᖓ.” “ᐅᖁᒤᒃᓴᕐᑎᑦᓯᓂᕐᒥᒃ ᐊᓯᑦᓯᓐᓂᒃ ᕿᒤᓂᐊᕈᑦᓯ, ᐃᖅᑲᕐᑐᖃᑦᑕᐅᑎᓂᕐᒥᒃ, ᐱᐅᖏᑦᑐᓂᒡᓗ ᐅᖃᐅᓯᖃᕐᓂᕐᒥᒃ.
ᓯᕿᓂᓯ ᓂᐱᔪᐃᑦᑑᓕᕈᒫᕐᐳᖅ, ᑕᖅᑭᕐᓗ ᑕᕐᕆᑉᐸᒍᓐᓃᕐᓗᓂ; ᐊᑕᓂᐅᑉ ᖃᐅᒪᓂᖓᑕ ᐃᓱᖃᖏᑦᑐᒧᑦ ᖃᐅᒪᑎᑦᓱᒫᕐᐹᓯ, ᐅᓪᓗᐃᑦ ᕿᒃᓵᒡᕕᒋᓚᐅᕐᑕᓯ ᐃᓱᓕᑦᓱᒫᕐᒪᑕ.
ᐊᓕᐊᓁᒍᓱᒡᓗᓯ ᖁᕕᐊᓱᕕᒡᔪᐊᕆᑦᓯ ᐃᓱᖃᖏᑦᑐᒧᑦ ᐱᓐᖑᕐᑎᑦᓱᒫᕐᑕᒃᑲ ᐱᓪᓗᒋᑦ, ᑕᑯᒋᓪᓗ, ᔨᕉᓴᓕᒻ ᐱᓐᖑᕐᑎᑦᓱᒫᕐᐸᕋ ᖁᕕᐊᓱᒡᕕᐅᖁᓪᓗᒍ, ᐃᓄᖏᓪᓗ ᖁᕕᐊᓇᕐᓗᑎᒃ.
ᔨᕉᓴᓕᒻ ᖁᕕᐊᓲᑎᒋᔪᒫᕐᐸᕋ, ᐃᓄᖏᓪᓗ ᖁᕕᐊᒋᓗᒋᑦ; ᕿᐊᕙᓗᒃᑐᑦ ᑐᓴᕐᓴᐅᓚᐅᕐᓯᒪᔪᓐᓃᕈᒫᕐᐳᑦ ᑕᕝᕙᓂ, ᑲᑉᐱᐊᓱᒡᕙᓗᒡᒥᒡᓗ ᓂᓪᓕᕐᑐᖃᓚᐅᕐᓯᒪᔪᓐᓃᕐᓗᓂ.
ᐅᖃᓚᐅᕐᑎᓐᓇᒋᑦ ᓱᓕ ᑭᐅᖃᑦᑕᕈᒫᕐᐸᒃᑲ, ᐅᖃᕇᕐᑎᓐᓇᒋᑦ ᓱᓕ ᑐᓴᖃᑦᑕᕈᒫᕐᐸᒃᑲ.
ᑭᖑᕚᕐᑖᕐᑎᑦᓱᒫᕐᐸᒃᑲ ᔧᑰᑉ ᑭᖑᕚᖏᓐᓂᑦ ᐱᔪᓂᒃ, ᔫᑕᐅᓪᓗ ᑭᖑᕚᖏᑦᑕ ᖃᖅᑲᖁᑎᒃᑲ ᐱᒋᔪᒫᕐᐹᑦ; ᓂᕈᐊᕐᓯᒪᔭᒪ ᐱᒋᓕᕈᒫᕐᐹᑦ, ᐱᔨᒃᑲᓗ ᓄᓇᖃᕈᒫᕐᐳᑦ ᑕᕝᕙᓂ.
ᐃᒫᒃ ᐊᑕᓂᖅ ᐅᖃᕐᐳᖅ, “ᐃᑭᓕᕐᑕᐅᓯᒪᓂᓯ ᒪᒥᑦᑐᓐᓁᓪᓕᖕᒪᑦ, ᐋᓐᓂᕐᓯᒪᓂᓯᓗ ᐋᖅᑭᒐᒃᓴᐅᔪᓐᓃᕐᓗᓂ.
ᕾᔪᒫᕐᐳᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ ᕾᒐᓛᕐᓗᑎᒃ ᖃᖅᑲᒥ ᓮᐅᓂᒥ, ᖁᕕᐊᓲᑎᖃᕈᒫᕐᐳᓪᓗ ᐊᑕᓂᕐᒥᒃ ᐱᓕᐅᓯᐊᒥᖕᓂᒃ ᓂᐊᖂᔭᒃᓴᓂᒃ, ᐸᐅᕐᒊᑦ ᐃᑦᑎᖏᓐᓂᑦ ᐅᕐᓱᒃᓴᓂᓪᓗ, ᐆᒪᔪᖁᑎᒃᓴᖏᓪᓗ ᓰᐱᖁᑎᖏᑦ ᐃᒻᒧᒃᓯᐅᒊᓪᓗ ᐃᓅᔪᒫᕐᐳᑦ ᐱᕈᕐᓰᕕᒃᑎᑐᑦ ᐃᒪᖃᑦᓯᐊᕐᑐᑎᑐᑦ ᑍᒤᑦᓱᒫᕐᐳᑦ ᕿᒃᓵᒍᑎᒃᓴᖃᕈᓐᓃᕐᓗᑎᒡᓗ.
ᐃᒫᒃ ᐊᑕᓂᖅ ᐅᖃᕐᐳᖅ, “ᕿᐊᔪᓐᓃᕆᑦ, ᐃᔩᒃᑭᒡᓗ ᖁᕝᕕᖏᐊᕐᓗᒋᒃ ᐱᓇᓱᐊᕐᓂᑎᑦ ᐊᑭᓕᕐᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᐊᑭᕋᖏᑦᑕ ᓄᓇᖏᓐᓂᑦ ᐅᑎᕈᒫᕐᐳᑦ.
ᐅᓪᓗᖅ ᓇᓪᓕᐅᑎᔪᒫᕐᐳᖅ ᐃᕗᕅᒻ ᖃᖅᑲᖏᓐᓂ ᖃᐅᔨᓴᕐᑏᑦ ᕾᒐᓛᕐᕕᒃᓴᖓᑦ, ‘ᕾᓕᕆᑦᓯ ᓮᐅᓂᒧᐊᓚᐅᕐᑕ, ᐊᑕᓂᐅᑉ ᒎᑎᑦᑕ ᓇᔪᕐᑕᖓᓄᑦ.’”
ᕿᐊᓗᑎᒃ ᕾᔪᒫᕐᐳᑦ, ᑐᒃᓯᐊᕐᓗᑎᒡᓗ ᐱᔪᒫᕐᐳᑦ ᐅᑎᕐᑎᓕᕈᒃᑭᑦ, ᑕᓯᐅᕈᒫᕐᐸᒃᑲ ᑰᖕᒧᑦ ᐃᒥᖃᕐᑐᒧᑦ, ᒪᓂᕋᑦᑐᒃᑯᑦ ᐱᓱᕕᒃᓴᖃᕈᒫᕐᐳᑦ ᐹᓪᓚᒡᕕᒃᓴᖃᖁᓇᒋᑦ ᐃᓴᕆᐊᓕᒥᐅᓄᑦ ᐊᑖᑕᐅᒐᒪ, ᐃᕗᕅᑎᓗ ᐊᖓᔪᒃᓯᕐᐹᖁᑎᒋᕙᕋ.”
ᑐᒃᓯᐊᕐᕕᒋᒍᕕᖓ ᑭᐅᓂᐊᕐᐸᒋᑦ, ᐅᖃᐅᑎᓗᑎᓪᓗ ᖃᐅᔨᒪᓚᐅᓐᖏᑕᕐᓂᒃ ᐅᓄᕐᑐᓂᒃ.
“ᐹᐱᓘᓂᒥᑦ ᕿᒫᓂᑯᐃᑦ ᓮᐅᓂᒥ ᓄᓇᑖᕐᓂᑯᐃᑦ ᐅᖃᐅᓯᖏᑦ ᑐᓵᓯᐅᒃ, ᐊᑕᓂᐅᑉ ᒎᑎᑦᑕ ᐊᑭᓂᐊᕐᕕᒋᕔᑦ, ᑐᒃᓯᐊᕐᕕᒡᔪᐊᖁᑎᓂ ᐱᑦᔪᑎᒋᓪᓗᒍ.
“ᐊᑕᓂᐅᑉ ᓮᒻᒪᐅᑎᓯᒪᖕᒪᑎᒍᑦ, ᕾᒋᑦᓯ, ᐅᖃᐅᓯᕆᓚᕗᑦ ᓮᐅᓂᒥ ᐊᑕᓂᐅᑉ ᒎᑎᑦᑕ ᐱᓂᐊᕐᓂᕆᔭᖏᑦ.
ᖃᖅᑲᖁᑎᓐᓂ ᐃᑦᔪᕐᓁᑦᑐᒥ, ᐃᓴᕆᐊᓕᒥᐅᑦ ᖃᖅᑲᖏᓐᓂ ᐳᕐᑐᓂᕐᐹᒥ, ᐊᑕᓂᖅ ᒎᑎ ᐅᖃᕐᐳᖅ, ᑕᕝᕙᓂ ᐃᓴᕆᐊᓕᐅᑉ ᑭᖑᕚᓕᒫᖏᑕ ᑐᒃᓯᐊᕐᕕᒋᔭᒃᓴᕆᕚᖓ; ᑕᕝᕙᓂ ᐃᓚᓕᐅᕈᒫᕐᐸᒃᑲ, ᑕᕝᕙᓂᓗ ᑐᓂᕐᕈᓯᖁᕙᑦᓯ ᑐᓂᔭᒃᓴᓂᒃ ᐱᐅᓂᕐᐹᓂᒃ ᑐᓂᕐᕈᑎᒃᓴᑦᓯᓐᓂᒃ ᐃᑦᔪᕐᓁᑦᑐᓂᒃ.
“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᑦ ᐃᑲᔪᕐᑕᐅᔪᒪᓗᑎᒃ ᐅᕙᓐᓄᑦ ᐅᖃᕈᓐᓇᕐᑎᑦᓱᒫᕆᕙᒃᑲ: ᐅᓄᕐᓯᕙᓪᓕᐊᑎᓪᓗᒋᓪᓗ ᓰᐲᑎᑐᑦ.
ᓱᖕᒪᑦ ᕿᐊᕖᑦ ᓂᐱᖃᕐᓗᑏᑦ? ᐊᖓᔪᖅᑳᕐᔪᐊᖃᖏᓐᓂᑦᓯᓐᓅᑦ? ᐃᓱᒪᒃᓴᕐᓯᐅᕐᑎᓰ ᐊᓯᐅᓯᒪᖕᒪᑕ? ᐋᓐᓂᐊᓕᕐᐳᓯ ᐊᕐᓇᐅᑉ ᐃᕐᓂᓱᒃᑑᑉ ᐋᓐᓂᐊᓂᖓᑐᑦ.
ᓮᒪᕐᑎᑕᐅᓇᕐᑐᒦᑉᐳᓯ ᒫᓐᓇ ᑳᒃᑐᓯ, ᓈᒻᒪᒃᓯᓗᓯ ᓂᕆᑎᑕᐅᔪᒫᕋᑦᓯ. ᓮᒪᕐᑎᑕᐅᓇᕐᑐᒦᑉᐳᓯ ᒫᓐᓇ ᕿᐊᔪᓯ; ᐃᒡᓚᕈᒫᕋᑦᓯ.
ᑕᕝᕙ ᐃᓴᕆᐊᓕᒥᐅᓕᒫᑦ ᐱᐅᓕᔭᐅᔪᒫᕐᐳᑦ; ᑎᑎᕋᕐᓯᒪᖕᒪᑦ, “ᐱᐅᓕᔨ ᓮᐅᓂᒥᑦ ᑎᑭᑦᓱᒫᕐᐳᖅ, ᒎᑎᖃᖏᓐᓂᕐᓗ ᐲᔭᕈᒫᕐᐹ ᔧᑰᑉ ᑭᖑᕚᖏᓐᓂᑦ.
ᑖᑦᓱᒪᓕ ᐱᔪᓐᓇᕐᓂᕐᒥᒍᑦ ᐅᕙᑦᑎᓐᓂ ᐱᓇᓱᐊᕐᑑᑉ ᐱᓇᓱᐊᕐᕕᒋᔪᓐᓇᕐᐹᑎᒍᑦ ᐱᔪᒪᔪᓐᓇᕐᑕᑦᑕ ᐃᓱᒪᒋᔪᓐᓇᕐᑕᑦᑕᓗ ᐅᖓᑖᓃᑦᑐᓂᒃ,
ᑕᕝᕙ ᖁᕝᕕᐅᓕᕐᐳᖓ ᕿᐊᓕᕐᓗᖓᓗ ᑖᒃᑯᓂᖓ ᐃᓯᕕᑦᓯᔪᓐᓇᕐᑎᑕᐅᔪᖃᖏᒻᒪᑦ ᑕᑯᓇᓱᐊᕈᓐᓇᕐᑐᒥᒃ.
ᓄᕐᕋᐅᔭᐅᑉ ᐃᒃᓯᕙᐅᑕᕐᔪᐊᑉ ᕿᑎᖓᓃᑦᑑᑉ ᐰᕆᓂᐊᕐᒪᒋᑦ, ᑕᓯᐅᕐᓂᐊᕐᐰᓪᓗ ᐃᒥᕐᒧᑦ ᐃᓅᓯᖃᕐᓇᕐᑐᒥᒃ ᑯᕕᔪᒧᑦ; ᒎᑎᐅᓪᓗ ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ.”