ᐂᓮᐊᓯᐅᑉ ᐊᒡᓚᖏᑦ 24:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓄᓇᕐᔪᐊᖅ ᓯᖁᑦᑎᕐᓯᒪᔪᒫᕐᐳᖅ ᐊᓯᕈᕐᑕᐅᓯᒪᓗᓂᓗ, ᐊᑕᓂᖅ ᐅᖃᕐᓯᒪᖕᒪᑦ ᑍᒫᒃ ᑭᓯᐊᓂᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 24:3 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 36:21

ᑕᕝᕙ ᐊᑕᓂᐅᑉ ᐅᖃᐅᓯᖏᑦ ᓇᓚᐅᑦᓯᓚᐅᕐᐳᑦ ᔨᕆᒤᐊᒃᑯᑦ ᐅᖃᐅᓯᕆᓚᐅᕐᑕᖏᑦ, “ᓄᓇ ᖁᕕᐊᓲᑎᖃᕈᒫᕐᐳᖅ ᓴᐸᑎᒥᒃ. ᓵᓚᐅᓯᒪᓂᓕᒫᒥᖕᓂ ᐅᓪᓗᓂᒃ ᓴᐸᑎᒥᒃ ᐊᑐᕈᒫᕐᐳᑦ, ᐊᕐᕌᒍᐃᑦ 70 ᓈᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 21:17

ᑭᑕᕆᒥᐅᑦ ᐱᑎᒃᓴᕐᑎᖏᑦ ᐃᕐᓯᑐᐃᓐᓂᕐᐹᑦ, ᐅᓄᖏᑦᑐᑯᓗᐃᑦ ᑭᓯᐊᓂ ᐊᒥᐊᒃᑰᔪᒫᕐᐳᑦ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᑍᒫᒃ ᐅᖃᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 22:25

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᓂᕕᓐᖓᕕᒃ ᐊᑦᓱᖏᕐᓯᒪᓚᐅᕐᑐᖅ ᐸᓚᓐᖓᒃᑯᓂ ᑲᑕᒍᒫᕐᐳᖅ, ᑖᑦᓱᒧᖓᓗ ᓂᕕᖓᓚᐅᕐᑐᑦ ᓂᕕᓐᖓᕕᒃᓮᕈᑎᔪᒫᕐᐳᑦ. ᐊᑕᓂᖅ ᐅᖃᕐᐳᖅ.’”

ᐂᓮᐊᓯᐅᑉ ᐊᒡᓚᖏᑦ 24:1

ᐊᑕᓂᐅᑉ ᐊᓯᕈᕐᑕᐅᑎᑦᓱᒫᕐᐹ ᓄᓇᕐᔪᐊᖅ ᑭᓱᐃᕈᑎᓗᓂᓗ, ᓄᓇᐅᑉ ᖄᖓ ᓯᖁᑦᑎᕐᐸᒍ ᐃᓄᖏᑦ ᓇᒧᑐᐃᓐᓇᖅ ᓯᐊᒻᒪᒍᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 24:2

ᐃᓄᓕᒫᓪᓗ ᐊᑦᔨᒌᒃᑐᒥᒃ ᐃᓱᓕᑦᓱᒫᕐᐳᑦ, ᑐᓂᕐᕈᓯᕐᑎᑦᓯᔨᐅᒍᑎᒃ ᐃᓅᑐᐃᓐᓇᐅᒍᑎᒡᓘᓐᓃᑦ, ᓯᐊᓛᖑᒍᑎᒃ, ᐊᖓᔪᖅᑳᖑᒐᓗᐊᕈᑎᒡᓗ, ᓂᐅᕕᕐᑎᐅᒍᑎᒃ, ᓂᐅᕐᕈᓯᕐᑎᐅᒐᓗᐊᕈᑎᒡᓗ, ᐊᑐᕐᑎᑦᓯᔨᐅᒍᑎᒃ ᐊᑐᕐᑐᐊᕐᑎᐅᒐᓗᐊᕈᑎᒡᓘᓐᓃᑦ, ᐊᒃᓱᐃᑦᑑᒍᑎᒃ ᐊᒃᓱᔫᒐᓗᐊᕈᑎᒡᓘᓐᓃᑦ.

ᐂᓮᐊᓯᐅᑉ ᐊᒡᓚᖏᑦ 24:4

ᓄᓇᕐᔪᐊᖅ ᐸᓂᕐᓂᕐᒧᑦ ᑐᖁᓕᔪᒫᕐᐳᖅ, ᓄᓇᕐᔪᐊᕐᒥᐅᓕᒫᑦ ᓄᑮᕈᑎᓕᕈᒫᕐᐳᑦ: ᓄᓇᓗ ᓯᓚᓗ ᑕᒪᕐᒥᒃ ᐱᐅᔪᓐᓃᕐᐸᓪᓕᐊᔪᒫᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 42:22

ᑖᒃᑯᐊᓕ ᑎᒡᓕᒊᔭᐅᓂᑰᕗᑦ ᑎᒎᖅᑬᕕᐅᓂᑰᓪᓗᑎᒡᓗ; ᑕᒪᕐᒥᒡᓗ ᐃᑎᕐᓴᓄᑦ ᓂᒐᕐᑎᑕᐅᓯᒪᕗᑦ, ᑎᒍᔭᐅᓯᒪᕝᕕᖕᓂᓗ ᐃᔨᕐᓯᒪᓪᓗᑎᒃ; ᑎᒍᔭᐅᓯᒪᓕᕐᐳᑦ ᓂᕆᔭᒃᓴᐅᓪᓗᑎᒃ ᓴᐳᑦᔨᔨᒃᓴᖃᕋᑎᒡᓗ; ᑎᒡᓕᒊᔭᐅᕗᑦ ᐅᖃᐅᑦᔭᐅᓇᑎᒡᓗ, ‘ᐅᑎᕐᑎᑦᓯᕕᐅᓕᑦ!’

ᐂᓮᐊᓯᐅᑉ ᐊᒡᓚᖏᑦ 5:6

ᐊᑑᑎᖃᕈᓐᓃᕐᑎᑦᓱᒪᕙᕋ, ᕔᓂᒃᓮᓪᓗ ᐱᕈᕐᕕᖏᑦ ᓇᑲᑎᕐᑕᐅᖃᑦᑕᕐᓂᐊᓐᖏᓪᓚᑦ ᓄᓇᖓᓗ ᐊᕿᓕᓴᕐᑕᐅᕙᖏᓪᓗᓂ, ᐊᕚᓚᕿᐊᓪᓗ ᐅᕐᐱᒊᓪᓗ ᑲᑭᓐᓇᕐᑐᓖᑦ ᐱᕈᕈᒫᕐᐳᑦ; ᓄᕗᔧᓪᓗ ᐱᖁᔪᒫᕐᐸᒃᑲ ᑕᕝᕗᖓ ᓯᓚᓗᖁᓇᒋᑦ.”

ᐂᓮᐊᓯᐅᑉ ᐊᒡᓚᖏᑦ 6:11

ᑕᕝᕙ ᐅᖃᕐᐳᖓ, “ᐊᑕᓃᖅ, ᖃᓄᖅ ᑕᒪᓐᓇ ᐊᑯᓂᐅᑎᒋᔭᕆᐊᖃᕐᐹ?” ᑭᐅᕚᖓᓗ ᐅᖃᕐᓗᓂ: “ᐃᒡᓗᒐᓴᒡᔪᐊᑦ ᓯᖁᒥᑦᓯᐊᕐᐸᑕ ᑭᓯᐊᓂ ᐃᓄᖃᕈᓐᓃᕐᓗᑎᒡᓗ, ᐃᒡᓗᐃᓪᓗ ᐃᓄᖃᕈᓐᓃᕐᐸᑕ, ᓄᓇᖓᓪᓗ ᐃᓄᖃᕈᓐᓃᑦᓯᐊᕐᐸᑦ.

ᔨᕆᒤᐊᐅᑉ ᐊᒡᓚᖏᑦ 13:15

ᑐᓴᕐᓯᓐᖓ ᓈᓚᒃᓯᓐᖓᓗ, ᐱᐅᔪᕆᖏᓪᓗᓯ, ᑍᒫᒃ ᐊᑕᓂᖅ ᐅᖃᕐᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 36:4

ᑍᒤᒻᒪᑦ, ᐃᓴᕆᐊᓕᐅᑉ ᖃᖅᑲᖏᑦ, ᑐᓴᕆᑦᓯ ᐊᑕᓂᐅᑉ ᒎᑎᐅᑉ ᐅᖃᐅᓯᖓᓂᒃ: ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᖃᖅᑲᓄᑦ ᐱᖑᕐᓄᓪᓗ, ᑰᕈᖕᓄᑦ ᓇᕐᓴᓄᓪᓗ, ᓱᓁᕈᑦᔭᐅᓂᑯᓄᑦ ᓱᓇᐅᔪᓐᓃᕐᑐᓄᑦ ᐃᒡᓗᒐᓴᖕᓄᓪᓗ ᕿᒪᒃᑕᐅᓂᑯᓄᑦ, ᐱᖁᑍᕈᑦᔭᐅᓂᑯᓄᑦ ᒥᑕᐅᑎᒋᔭᐅᕙᓕᕐᑐᓄᓪᓗ ᐃᓅᖃᑎᒌᒡᔪᐊᓄᑦ ᖃᓂᒋᔮᓃᑦᑐᓄᑦ.

ᒤᑲᐅᑉ ᐊᒡᓚᖏᑦ 2:4

ᑍᑲᓂ ᐅᓪᓗᒥ ᐃᓄᖕᓂᑦ ᒥᑕᐅᑎᒋᔭᐅᔪᒫᕐᐳᓯ ᐃᓐᖏᕈᓯᓕᐊᕆᔭᐅᓗᓯᓗ ᕿᒃᓵᒍᑎᓂᒃ, ᐅᒡᒍᐊᕐᓇᕐᑑᔪᒫᕐᐳᖅ ᖃᓯᓕᓇᕐᑐᑎᑐᑦ ᕿᒃᓵᖕᓇᕐᓗᓂ, ᐃᒫᒃ ᐅᖃᕈᒫᕐᐳᑦ, ‘ᐊᓯᕈᕐᑕᐅᓯᒪᒻᒪᕆᒃᐳᒍᑦ! ᐊᑕᓂᐅᑉ ᐊᕐᓵᕐᓯᒪᖕᒪᑎᒍᑦ ᑭᖑᕐᖑᑎᔭᒃᓴᑦᑎᓐᓂᒃ, ᑐᓂᓪᓗᒋᓪᓗ ᐅᕙᑦᑎᓐᓂᒃ ᑎᒍᓯᓚᐅᕐᑐᓄᑦ.’”

ᒤᑲᐅᑉ ᐊᒡᓚᖏᑦ 4:4

ᑭᓇᒃᑯᓕᒫᑦ ᐃᓱᒫᓗᒃᑐᖃᖏᓪᓗᑎᒃ ᓇᖕᒥᓂᖅ ᕔᓂᖁᑎᒥ ᓇᐹᕐᑐᐃᓪᓗ ᐱᒋᓖᑦ ᐊᑖᓂ ᐃᒃᓯᕙᔪᒫᕐᐳᑦ ᑲᑉᐱᐊᓵᕐᑕᐅᔪᓐᓃᕐᓗᑎᒡᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒨᓯᓯ ᑕᓪᓕᒪᖏᑦ 29:23

ᓄᓇᓕᒫᖅ ᐱᕈᕐᓰᕕᓕᒫᓪᓗ ᓱᓇᒃᓴᐅᔪᓐᓃᕈᒫᕐᐳᑦ, ᐅᔭᕋᖕᓄᑦ ᐃᑯᐊᓪᓚᒃᓴᕅᑦᑐᓄᑦ ᑕᕆᐅᕐᒧᓪᓗ; ᑲᓐᖓᕐᓱᐃᕕᐅᔪᒫᓐᖏᓚᖅ, ᐊᒡᓛᑦ ᐱᕈᕐᓂᕐᓗᒃᑐᓂᒃ ᐱᕈᕐᕕᐅᔪᓐᓃᕈᒫᕐᐳᖅ. ᓄᓇᓯᓗ ᓱᑑᒪᒥᐅᑦ ᒍᒨᕋᒥᐅᓪᓗ ᐃᒡᓗᒐᓴᖏᑎᑐᑦ ᑍᒤᑦᑑᓕᕈᒫᕐᐳᖅ, ᐊᑦᒪᒥᐅᑎᑐᓪᓗ ᔨᐳᐃᒥᐅᑎᑐᓪᓗ, ᐊᑕᓂᐅᑉ ᑖᒃᑯᐊ ᓄᖑᑎᓚᐅᕐᒪᒋᑦ ᓂᓐᖓᕕᒡᔪᐊᕐᕕᒋᓪᓗᒋᑦ.

ᒨᓯᓯ ᑕᓪᓕᒪᖏᑦ 29:28

ᐊᑕᓂᖅ ᓂᓐᖓᕕᒡᔪᐊᕐᓯᒪᓕᕐᐳᖅ, ᓂᓐᖓᐅᒪᓂᕐᒥᓄᓪᓗ ᐊᖏᔪᒧᑦ ᓄᓇᒋᔭᖏᓐᓂᑦ ᓄᓲᕋᓕᕐᐰᑦ ᐃᒋᓪᓗᓂᒋᓪᓗ ᓄᓇᖅᑲᑎᒋᓐᖏᑕᖏᓐᓄᑦ, ᒫᓐᓇᓗ ᑕᕝᕙᓃᓕᕐᐳᑦ ᐅᓪᓗᒥᒧᑦ.’