ᐂᓮᐊᓯᐅᑉ ᐊᒡᓚᖏᑦ 23:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᕐᕌᒍᐃᑦ 70 ᓈᒃᐸᑕ, ᐊᑕᓂᐅᑉ ᑍᕆᒥᐅᑦ ᐱᓇᓱᐊᕐᓂᕆᕙᓚᐅᕐᑕᖏᓐᓄᑦ ᐅᑎᕐᑎᑦᓱᒫᕆᕔᑦ, ᐊᖓᔪᖅᑳᕐᔪᐊᖃᕐᕕᖕᓄᓪᓗ ᓇᓂᑐᐃᓐᓇᖅ ᓂᐅᕕᕋᕐᑎᑦᓯᔨᒋᓕᕈᒫᕆᕚᑦ.

ᐂᓮᐊᓯᐅᑉ ᐊᒡᓚᖏᑦ 23:17 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 23:15

ᓇᓪᓕᐅᑎᔪᒫᕐᐳᖅ ᑍᕆᒥᐅᑦ ᐳᐃᒍᕐᑕᐅᕕᒃᓴᖓᑦ ᐊᕐᕌᒍᓂᒃ 70ᓂᒃ, ᐊᖓᔪᖅᑳᕐᔪᐊᑉ ᐃᓅᓯᕆᕙᒃᑕᖓᑎᑐᑦ ᓯᕕᑐᑎᒋᔪᒥᒃ, ᑖᒃᑯᐊᓕ ᐊᕐᕌᒍᐃᑦ ᐊᓂᒍᕐᐸᑕ ᑍᕆᒥᐅᑦ ᐊᖑᓐᓂᐊᕐᑎᒧᑦ ᐱᓯᓕᐊᕆᔭᐅᓯᒪᔪᑎᑐᑦ ᐃᓐᖏᐅᓯᕆᔭᐅᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 23:16

ᑯᑭᑦᑕᐸᐅᑎᐅᔭᓯ ᑎᒍᓗᒋᑦ, ᐃᒡᓗᒐᓴᒡᔪᐊᑦ ᐊᖅᑯᑎᖏᓐᓂ ᐱᓱᓕᕆᑦᓯ, ᐊᖑᓐᓂᐊᕐᑎᕕᓂᕐᑎᑐᑦ ᐳᐃᒍᕐᑕᐅᔪᓯ! ᐱᓯᖁᑎᓯ ᐃᓐᖏᓕᕐᓯᐅᒃ ᐅᑎᕐᑕᕐᓗᒍ ᐊᖑᑎᓄᑦ ᐅᑎᕐᕕᐅᔪᓐᓇᖁᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 25:11

ᑕᒪᓐᓇ ᓄᓇᓕᒫᖅ ᓯᖁᑦᑎᕐᓯᒪᓕᕈᒫᕐᐳᖅ ᐊᑐᕐᑐᒃᓴᐅᔪᓐᓃᕐᓗᓂ, ᑖᒃᑯᐊᓗ ᐃᓅᖃᑎᒌᒡᔪᐊᑦ ᐊᐅᓚᑕᐅᓕᕈᒫᕐᐳᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐊᕐᕌᒍᓂᒃ 70ᓂᒃ.

ᔨᕆᒤᐊᐅᑉ ᐊᒡᓚᖏᑦ 29:10

ᐃᒫᒡᓕ ᐊᑕᓂᖅ ᐅᖃᕐᐳᖅ, ‘ᐊᕐᕌᒍᐃᑦ 70 ᐹᐱᓘᓂᒦᓐᓂᓯ ᓈᒻᒪᒃᓯᒃᐸᑕ ᑕᕝᕙ ᐅᐸᒍᒫᕐᐸᑦᓯ ᐊᖏᕐᓂᕆᓚᐅᕐᑕᕋᓗ ᐃᓕᑦᓯᓐᓄᑦ ᐊᑑᑎᑎᑦᓱᒫᕐᐸᕋ ᐅᑎᕐᑎᓪᓗᓯᓗ ᑕᒪᐅᖓ.

ᐃᓯᑭᐊᓕᐅᑉ ᐊᒡᓚᖏᑦ 16:25

ᐊᖅᑯᑎᓪᓚᕆᐅᔪᓕᒫᓂ ᒎᑎᓐᖑᐊᓄᑦ ᑐᒃᓯᐊᕐᕕᒃᓴᓕᐅᕐᓯᒪᕗᑎᑦ ᐃᓂᖁᓇᕐᓂᕐᓄᓪᓗ ᐊᖑᓐᓂᐊᕐᕕᓕᐅᕐᓯᒪᓪᓗᑎᑦ, ᐊᖅᑯᓵᕐᑐᓕᒫᓄᑦ ᒪᓂᓴᕐᐸᒃᓗᑎᑦ, ᐊᖑᓐᓂᐊᕐᓂᒃᑯᓪᓗ ᑮᓇᐅᔭᓕᐅᕐᑐᑐᑦ ᐱᕙᓪᓕᐊᑐᐃᓐᓇᕐᐳᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 16:26

ᐄᑦᔨᑉᑎᒥᐅᓂᒃ ᐊᓯᓐᓂᐊᖃᑎᖃᖃᑦᑕᓚᐅᕆᕗᑎᑦ, ᐃᒃᓯᒍᓗᐊᕐᒥᔪᓂᒃ ᖃᓂᒋᔭᑦᓯᓐᓃᑦᑐᓂᒃ, ᐊᖑᓐᓂᐊᕐᓂᕕᑦ ᓯᐊᒻᒪᒃᐸᓪᓕᐊᓂᖓᓄᑦ ᓂᓐᖓᒃᑎᑉᐸᓪᓕᐊᕙᕐᒪ.

ᐃᓯᑭᐊᓕᐅᑉ ᐊᒡᓚᖏᑦ 16:31

ᐊᖅᑯᑎᓕᒫᓂ ᒎᑎᓐᖑᐊᓄᑦ ᑐᒃᓯᐊᕐᕕᓕᐅᕐᓯᒪᕗᓯ, ᑲᑎᑦᑕᕐᕕᓕᐅᕐᓯᒪᓪᓗᓯᓗ ᐳᕐᑐᔪᓂᒃ ᓄᓕᐊᕐᓂᒃᑯᑦ ᐱᓕᕆᕕᖕᓂᒃ ᐊᖅᑯᑏᑦ ᑲᑎᓐᖓᓂᖏᓐᓂ. ᐊᖑᓐᓂᐊᕐᑎᑎᑐᓪᓕ ᐱᖏᑦᔪᑎᑐᐊᕆᕙᓯ, ᑕᒪᑐᒧᖓ ᑮᓇᐅᔭᓕᐅᕋᓱᖃᑦᑕᖏᓐᓇᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 22:13

“ᑕᑯᒋᑦ, ᑍᒤᒻᒪᑦ ᑎᒡᓕᒐᕐᐸᒃᑐᓯ ᖄᖏᕐᓂᑯᓕᐅᕐᓂᒃᑯᑦ ᐱᒋᐊᕈᒫᕐᐸᑦᓯ ᐱᔪᓐᓇᕐᓂᓐᓄᑦ, ᑐᖁᕅᕙᒃᑐᓯᓗ ᐱᖃᓯᐅᑎᓗᓯ.

ᒤᑲᐅᑉ ᐊᒡᓚᖏᑦ 1:7

ᓴᓇᓐᖑᐊᕐᓯᒪᔪᑦ ᒎᑎᓐᖑᐊᖏᑦ ᓯᖁᒥᑦᓱᒫᕐᐸᒃᑲ, ᐊᑭᓕᐅᑎᒋᓚᐅᕐᑕᖏᓪᓗ ᐊᕐᓇᓄᑦ ᐊᑐᒐᕐᓄᑦ ᐃᑯᐊᓪᓚᒃᑎᓐᓂᐊᕐᐸᒃᑲ. ᒎᑎᓐᖑᐊᓕᒫᖏᑦ ᐊᓯᕈᕈᒫᕐᐸᒃᑲ, ᑲᑎᕐᓱᓚᐅᕐᒪᒋᑦ ᐊᑭᓕᕐᑕᐅᓂᒃᑯᑦ ᐊᕐᓇᓄᑦ ᐊᑐᒐᕐᓄᑦ, ᑖᒃᑯᓄᖓᑦᓮᓐᓇᖅ ᐊᕐᓇᓄᑦ ᐊᑐᒐᕐᓄᑦ ᐊᑐᕐᑕᐅᓂᐊᕐᐳᑦ.”

ᒤᑲᐅᑉ ᐊᒡᓚᖏᑦ 3:11

ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᓇᕼᐅᒥᐅᑉ ᐊᒡᓚᖏᑦ 3:4

ᐊᖑᓐᓂᐊᕐᑏᑦ ᐊᑭᓕᕐᓱᒐᐅᓲᑦ ᐅᓄᕐᑐᐃᕐᓱᕐᓗᑎᒃ ᓄᓕᐊᖃᑦᑕᕐᓂᖏᑦ, ᐱᔪᒥᓇᕐᓵᕐᓂᒃᑯᑦ ᐊᖓᒃᑰᓇᓱᐊᕐᓂᒃᑯᓪᓗ, ᑖᑦᓱᒪ ᐃᓅᖃᑎᒌᒡᔪᐊᑦ ᐅᐃᕕᕐᕆᓚᐅᕐᒪᒋᑦ, ᐱᔪᒥᓇᕐᓵᕐᓂᕐᒥᓄᑦ ᐃᓱᒪᕐᓲᑎᒋᓕᕐᓗᒋᑦ.”

ᔨᐸᓁᐊᐅᑉ ᐊᒡᓚᖏᑦ 2:7

ᑕᒪᓐᓇ ᓯᒡᔭᖅ ᔫᑕᐅᑉ ᑭᖑᕚᖏᑕ ᐊᒥᐊᒃᑯᖏᓐᓄᑦ ᐃᓂᒋᔭᐅᔪᒫᕐᐳᖅ, ᑕᒫᓂᓗ ᐆᒪᔪᖁᑎᑎᒃ ᓂᕆᑎᑦᓱᒫᕐᐰᑦ, ᐅᓐᓄᒃᑯᓪᓗ ᓯᓂᒃᑕᖃᑦᑕᕈᒫᕐᐳᑦ ᐊᓯᑭᓗᓂᒥᐅᑦ ᐃᒡᓗᖏᓐᓂ. ᐊᑕᓂᐅᑉ ᑖᒃᑯᐊ ᒎᑎᖏᑦᑕ ᐳᐃᒍᕈᒫᓐᖏᓔᑦ ᐊᔪᕐᓴᖏᓐᓂᕕᓂᖏᓐᓄᓪᓗ ᐅᑎᕐᑎᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:14

ᓮᒨᓂ ᐅᓂᒃᑳᕋᑖᕐᒪᑦ ᒎᑎᐅᑉ ᐱᓇᓱᐊᓚᐅᕐᓂᖓᓂᒃ ᓯᕗᓪᓕᕐᐹᒥᒃ ᔫᑎᐅᖏᑦᑐᓂ, ᑖᒃᑯᓇᖓᑦ ᑎᒍᓯᒐᒥ ᓇᖕᒥᓂᕆᓂᐊᕐᑕᒥᓂᒃ.

ᒨᓯᓯ ᑕᓪᓕᒪᖏᑦ 23:18

ᑍᒤᑦᑐᒧᓪᓗ ᑮᓇᐅᔧᕈᑕᐅᔪᕕᓃᑦ ᐊᑕᓂᐅᑉ ᒎᑎᑦᓯ ᐃᒡᓗᖓᓄᑦ ᑐᓂᕐᕈᑕᐅᔪᒃᓴᐅᓐᖏᓚᑦ ᐊᖏᒻᒪᕆᒍᑎᐅᓯᒪᔪᒧᑦ ᐊᑭᓕᐅᑎᒋᔭᐅᓇᓱᒡᓗᑎᒃ. ᐊᑕᓂᐅᑉ ᒎᑎᑦᓯ ᑍᒤᑦᑐᑦ ᓇᕐᕈᓇᕐᑐᐊᓘᓂᕋᕐᒪᒋᑦ.

ᑎᒧᑎᒧᑦ ᓯᕗᓪᓖᑦ 3:3

ᐋᖓᔮᕐᑎᐅᖏᓪᓗᓂ, ᑲᑉᐱᐊᒋᔭᐅᓐᖏᓪᓗᓂ ᐃᓕᕋᓇᖏᓪᓗᓂ, ᐂᕙᖃᑦᑕᖏᓪᓗᓂᓗ, ᑮᓇᐅᔭᓂᒃ ᐱᔪᒪᓗᐊᕐᑎᐅᖏᓪᓗᓂ.

ᑎᒧᑎᒧᑦ ᓯᕗᓪᓖᑦ 3:8

ᐅᒃᐱᕐᑑᖃᑎᒌᓂ ᐃᑲᔪᕐᑏᑦ ᐃᓕᖅᑯᓯᑦᓯᐊᕆᒃᑐᒃᓴᐅᕗᑦ, ᐅᖃᐅᓯᖏᑦ ᐅᒃᐱᕆᔭᒃᓴᐅᓗᑎᒃ; ᐅᐂᓂᒧᑦ ᐊᔪᓕᕐᓯᒪᖏᓪᓗᑎᒃ, ᑮᓇᐅᔭᓂᒡᓗ ᐱᔪᒪᓗᐊᕐᑎᐅᖏᓪᓗᑎᒃ;

ᐲᑦᑐᕉᓯ ᓯᕗᓪᓖᑦ 5:2

ᒎᑎᐅᑉ ᓰᐱᖁᑎᖏᓐᓄᑦ ᐰᕐᓯᔨᐅᑦᓯᐊᕆᑦᓯ ᑖᒃᑯᐊ ᐃᓕᑦᓯᓐᓄᑦ ᑐᓂᔭᐅᓯᒪᖕᒪᑕ, ᐱᔪᒪᓂᖃᑦᓯᐊᕐᓗᓯ ᐃᕿᐊᓱᖏᓪᓗᓯᓗ, ᐊᑭᓕᕐᑕᐅᔪᒪᓂᑐᐃᓐᓇᕐᒧᑦ ᐱᓂᐊᕋᓯ ᐱᔨᑦᓯᕈᒪᑦᓯᐊᕐᓗᓯᓕ ᐱᒋᑦᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:2

ᑖᑦᓱᒪ ᐃᖅᑲᕐᑐᐃᓂᖏᑦ ᓱᓕᖕᒪᑕ ᓈᒻᒪᓈᑦᓯᐊᕐᓗᑎᒡᓗ; ᐃᖅᑲᕐᑐᓚᐅᕐᒪᒍ ᐊᖑᓐᓂᐊᕐᑎᕐᔪᐊᖅ ᓄᓇᕐᔪᐊᕐᒥᐅᓂᒃ ᐊᓯᕈᐃᓚᐅᕐᑐᖅ ᐊᖑᓐᓂᐊᕐᓂᕐᒥᓄᑦ, ᑖᑦᓱᒪᓗ ᐊᑭᓂᐊᕐᕕᒋᓚᐅᕐᐹ ᐱᔨᖏᑕ ᐊᐅᖏᑦ ᐱᑦᔪᑎᒋᓪᓗᒋᑦ.”