ᐂᓮᐊᓯᐅᑉ ᐊᒡᓚᖏᑦ 21:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᓱᐃᓛᒃ, ᑕᑯᓕᓚᐅᕐᐸᒃᑲ ᓴᖅᑭᑦᑐᑦ ᕿᒻᒥᕐᔪᐊᒃᑰᕐᑐᑦ ᒪᕐᕉᓈᕐᑎᕐᑐᑦ ᓴᓂᓕᕇᒃᓗᑎᒃ!” ᐊᑕᓂᖅ ᑭᐅᓕᕐᐳᖅ, “ᐹᐱᓘᓂ ᓵᓚᐅᕗᖅ; ᒎᑎᓐᖑᐊᓕᒫᖏᓪᓗ ᐅᕐᕉᕋᕐᑎᑕᐅᓪᓗᑎᒃ ᒪᓂᖅᑲᒧᑦ ᓯᖁᑦᑎᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 21:9 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 13:19

ᐹᐱᓘᓂ ᐊᖓᔪᖅᑲᐅᕕᓕᒫᓂᑦ ᑕᑯᒥᓇᕐᓂᕐᐹᖑᔪᖅ, ᐅᐱᓐᓇᕐᓗᓂᓗ ᐃᓄᖏᓐᓄᑦ ᑲᐅᓪᑎᐊᒥᐅᓄᑦ, ᐊᑦᔨᖃᕈᒫᕐᐳᖅ ᓱᑑᒪᒥᒃ ᒍᒨᕋᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 14:4

ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓂᒃ ᒥᑕᐅᑎᒋᓗᒍ ᐅᖃᕈᒫᕐᐳᓯ: “ᐊᑦᑕᕈᓱᖃᓚᐅᖏᑦᑐᖅ ᐊᔪᓕᕆᕗᖅ! ᐊᒃᓱᕈᕐᑎᑦᓯᕙᖕᓂᖓ ᐃᓱᓕᑉᐳᖅ!

ᐂᓮᐊᓯᐅᑉ ᐊᒡᓚᖏᑦ 2:18

ᒎᑎᓐᖑᐊᓪᓗ ᐊᑕᖏᑦᓯᐊᕐᓗᑎᒃ ᐱᑕᖃᕈᓐᓃᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 21:7

ᑕᑯᓂᕋᕐᐸᑦ ᕿᒥᕐᔪᐊᒃᑰᕐᑐᓂᒃ ᒪᕐᕉᓈᕐᑎᕐᓗᑎᒃ ᓴᓂᓕᕇᒃᑐᓂᒃ ᓯᐅᑎᖅᑯᕐᑐᔪᓂᒡᓗ, ᑳᒥᓕᖕᓂᓗ ᐃᑭᒪᔪᓂᒃ ᑐᓵᓇᓱᐊᑦᓯᐊᕐᓕᒋᑦ ᐅᑦᔨᕐᓱᑦᓯᐊᕐᓗᓂ.”

ᐂᓮᐊᓯᐅᑉ ᐊᒡᓚᖏᑦ 47:5

ᓂᐱᖃᖏᓪᓗᑎᑦ ᐃᒃᓯᕙᓕᕆᑦ, ᑖᕐᑐᒦᓪᓗᑎᓪᓗ, ᑲᐅᓪᑎᐊᒥᐅᑦ ᐸᓂᖓ; ᑍᔭᐅᓂᐊᕈᓐᓃᕋᕕᑦ ᐊᖓᔪᖅᑳᕐᔪᐊᖃᕐᕕᐅᑉ ᐊᕐᓇᖁᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 47:9

ᐅᑯᓄᖓ ᒪᕐᕉᖕᓄᑦ ᑎᑭᑕᐅᔪᒫᕐᐳᑎᑦ ᐅᓪᓗᑦᓮᓐᓇᖅ; ᕿᑐᕐᖓᑎᑦ ᓄᖑᑦᓱᒫᕐᐳᑦ, ᐅᐃᒡᒐᕐᓗᑎᓪᓗ, ᑕᒪᒃᑯᐊ ᐃᓕᖕᓄᑦ ᑎᑭᐅᑎᔪᒫᕐᐳᑦ ᐊᒃᓱᕈᕐᓇᓪᓚᕆᒡᓗᑎᒃ, ᐊᖓᒃᑯᖁᑎᑎᑦ ᐅᓄᕐᑑᒐᓗᐊᕐᑎᓪᓗᒋᑦ, ᐊᖓᒃᑰᓵᕐᓂᖏᑦ ᐱᔪᓐᓇᕐᓂᓕᐊᓘᒐᓗᐊᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 48:14

ᐊᑕᖏᕐᓗᓯ ᑲᑎᓕᕆᑦᓯ, ᓈᓚᒡᓗᓯᓗ! ᓇᓪᓕᐊᑦᑕ ᑕᒪᒃᑯᐊ ᓇᓪᓕᐅᒃᑐᒃᓮᑦ ᐅᖃᐅᓯᕆᓚᐅᕐᐰᑦ? ᑖᓐᓇ ᐊᑕᓂᐅᑉ ᓇᒡᓕᒋᕚ; ᐱᓇᓱᐊᕈᒪᔭᓂᓗ ᐊᑐᕈᒫᕐᐹ ᐹᐱᓘᓂᒧᑦ, ᑕᓕᖓᓗ ᐱᒋᐊᕈᒫᕐᐳᖅ ᑲᐅᓪᑎᐊᒥᐅᓄᑦ.

ᔨᕆᒤᐊᐅᑉ ᐊᒡᓚᖏᑦ 50:29

“ᐱᑎᒃᓵᕐᑏᑦ ᐹᐱᓘᓂᒧᑦ ᐱᑎᒃᓵᕆᐊᕐᑐᖁᔭᐅᓕᑦ, ᐊᕙᑕᖏᕐᑕᐅᓯᒪᓗᑎᒃ ᓯᓂᒃᑕᕆᐊᕐᕕᐅᓕᑦ, ᐊᑕᐅᓯᕐᒥᒡᓘᓐᓃᑦ ᐊᓐᓇᒃᑐᖃᕐᑍᓕᓕ, ᐊᑭᓂᐊᕐᕕᐅᓕᑦ ᐱᓂᐊᕐᓂᕆᖃᑦᑕᓚᐅᕐᑕᖏᑦ ᒪᓕᒡᓗᒋᑦ, ᐊᑕᓂᖅ ᐊᑭᕋᕐᑐᓚᐅᕐᒪᑦᔪᒃ ᐃᓴᕆᐊᓕᒥᐅᑦ ᐃᑦᔪᕐᓁᓐᓂᕐᐹᖁᑎᖓᑦ.

ᔨᕆᒤᐊᐅᑉ ᐊᒡᓚᖏᑦ 50:38

ᐃᒪᖁᑎᓕᒫᖏᑦ ᓴᓗᐊᕈᒫᕐᐳᑦ, ᒎᑎᓐᖑᐊᖃᕐᕕᑐᐃᓐᓇᐅᖕᒪᑦ, ᐃᓄᖏᑦ ᑐᑮᕈᑎᔪᒫᕐᐳᑦ ᑲᑉᐱᐊᓱᖕᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 50:42

ᐅᓇᑕᕆᐊᕐᑐᑦ ᓱᒋᐅᑦᓯᔭᕐᐳᑦ ᐱᑎᒃᓯᓂᒃ ᖃᓗᒋᐊᓂᒡᓗ ᓂᑲᒍᓱᖃᓐᖏᓚᑦ ᓇᒡᓕᖕᓂᖃᕋᑎᒡᓗ, ᕿᒻᒥᕐᔪᐊᖏᑕ ᕿᑭᕐᕋᖏᑦ ᐃᒪᕐᕕᐅᑉ ᒪᓕᖏᑎᑐᑦ ᐃᒃᑑᓕᔮᕐᐳᑦ, ᐅᓇᑕᕆᐊᕐᓯᒪᔪᑦ ᐋᖅᑭᒃᓯᒪᓂᕆᕙᒃᑕᖏᑎᑐᑦ ᐋᖅᑭᒃᓯᒪᓪᓗᑎᒃ ᐅᐸᒍᑎᓕᕐᐳᑦ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 50:9

ᑕᑯᒋᑦ, ᑲᐅᓪᑎᐊᒥᐅᑦ ᐊᑭᕋᕐᑐᕐᑎᒃᓴᖏᓐᓂᒃ ᐸᕐᓁᕐᓂᐊᕋᒪ, ᐅᓐᓄᐊᓪᓗᐊᑉ ᓇᓛᓂᑦ ᐃᓅᖃᑎᒌᒡᔪᐊᓂᒃ ᑕᐱᕇᓕᕐᑎᑦᓯᔪᒫᕋᒪ, ᐸᕐᓇᖕᓂᐊᕐᐳᓪᓗ ᐹᐱᓘᓂᒥᐅᓂᒃ ᐅᓇᑕᕐᕕᖃᕈᒪᓗᑎᒃ, ᐅᓐᓄᐊᓪᓗᐊᒥᓐᖔᕐᑐᓄᑦ ᑎᒍᔭᐅᔪᒫᕐᐳᑦ ᐱᑎᒃᓯᖏᑕ ᖃᕐᔪᖏᑦ ᐅᓇᑕᕆᐅᕐᓴᓯᒪᔪᑎᑐᑦ ᑕᒪᐅᖕᒊᓐᓈᕐᑐᖃᕐᓂᐊᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 51:27

“ᓄᓇᓕᖕᓂ ᓇᓗᓁᒃᑯᑕᕐᒥᒃ ᓴᖅᑭᑦᑎᓕᕆᑦᓯ, ᖁᖁᐊᕈᑦ ᓂᓪᓕᕐᑎᓕᕐᓯᐅᒃ ᐃᓅᖃᑎᒌᒡᔪᐊᓪᓗ ᐊᑐᐃᓐᓇᕈᕐᑎᓕᕐᓯᐅᒃ ᐅᓇᑕᕆᐊᖁᓪᓗᒋᑦ, ᕾᖁᔨᓕᕆᑦᓯ ᐊᖓᔪᖅᑲᐅᕕᖕᓂᒃ ᐅᑯᓂᖓ; ᐊᕋᕌᑦᒥᐅᓂᒃ, ᒥᓐᓂᒥᐅᓂᒃ, ᐊᔅᑭᓇᔅᒥᐅᓂᒡᓗ, ᑖᒃᑯᐊ ᐊᐅᓚᑦᓯᔨᒋᓂᐊᕐᑕᖏᓐᓂᒃ ᓇᓗᓁᕐᓯᓗᓯ ᕿᒻᒥᕐᔪᐊᒦᑦᑐᓂᒃ ᑎᓕᓯᓕᕆᑦᓯ ᐱᒡᓕᕐᑕᐅᔮᕐᑐᑎᑐᑦ ᐅᓄᕐᑎᒋᔪᓂᒃ.

ᔨᕆᒤᐊᐅᑉ ᐊᒡᓚᖏᑦ 51:44

ᐹᐱᓘᓂᒥᐅᑦ ᒎᑎᒋᔭᖓᑦ ᐱᐊᓪ ᓱᒋᐊᕈᒫᕐᐸᕋ, ᒥᕆᐊᕐᑎᓪᓗᒍᓗ ᐄᔭᕕᓂᖏᓐᓂᒃ, ᐃᓅᖃᑎᒌᒡᔪᐊᓄᑦ ᐅᐸᒃᑕᐅᕙᒍᓐᓃᕈᒫᕐᐳᖅ. “ᐹᐱᓘᓂᒥᐅᑦ ᐊᕙᓗᕐᔪᐊᖓ ᐅᕐᕈᔪᒫᕐᒪᑦ.

ᔨᕆᒤᐊᐅᑉ ᐊᒡᓚᖏᑦ 51:47

ᑍᒤᒻᒪᑦ, ᑕᑯᒋᑦ, ᐅᓪᓗᐃᑦ ᓇᓪᓕᐅᑎᔪᒫᕐᐳᑦ ᐹᐱᓘᓂᒥᐅᑦ ᒎᑎᖏᓐᓂᒃ ᓱᒋᐊᕐᓯᔪᒫᕐᓂᕋ, ᓄᓇᓕᒫᖓᑦ ᐱᐅᔪᓐᓃᕐᑎᑦᓱᒫᕐᐸᕋ, ᑐᖁᕋᕐᑕᐅᓂᑯᐃᑦ ᓄᓇᖓᓐᓂ ᓇᓂᑐᐃᓐᓈᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 51:52

ᑍᒤᒻᒪᑦ, ᑕᑯᒋᑦ, ᐅᓪᓗᐃᑦ ᑎᑭᑦᓱᒫᕐᐳᑦ, ᐊᑕᓂᖅ ᐅᖃᕐᐳᖅ, ᒎᑎᒋᔭᖏᑦ ᓱᒋᐊᕈᒫᕋᒃᑭᑦ, ᓄᓇᖏᓐᓂᓗ ᓇᓂᑐᐃᓐᓇᖅ ᓂᐹᔪᖃᕈᒫᕐᐳᖅ ᐃᑭᓕᕐᑕᐅᓂᑯᓂᒃ.

ᔨᕆᒤᐊᐅᑉ ᐊᒡᓚᖏᑦ 51:64

ᐅᖃᕐᓗᑎᓪᓗ, ‘ᐹᐱᓘᓂᑦᑕᐅᖅ ᑍᒫᒃ ᑭᕕᑎᑦᓱᒫᕐᐸᕋ ᒪᑭᒃᑲᓐᓂᕈᓐᓁᕐᓗᓂᓗ ᑲᑉᐱᐊᓇᕐᑐᓄᑦ ᑎᑭᕝᕕᐅᑎᑦᓱᒫᕋᒃᑯ, ᐃᓄᖏᓪᓗ ᑲᑕᒍᒫᕐᐳᑦ.’” ᑕᕝᕗᖓ ᑎᑭᓪᓗᒋᑦ ᔨᕆᒤᐊᐅᑉ ᐅᖃᐅᓯᖏᑦ ᐃᓱᓕᑉᐳᑦ.

ᔨᕆᒤᐊᐅᑉ ᐊᒡᓚᖏᑦ 51:8

ᐹᐱᓘᓂᒥᐅᑦ ᐊᔪᓕᑳᓪᓚᒍᒫᕐᐳᑦ ᐊᓯᕈᕐᑕᐅᓗᑎᒡᓗ, ᕿᐊᑦᔪᑎᒋᓕᕐᓯᐅᒃ! ᐃᑭᖏᓐᓄᑦ ᒥᖑᐊᕈᑎᒃᓴᕐᓯᒋᑦᓯ, ᐋᖅᑭᒐᔭᕐᒪᖔᑦ ᐆᒃᑐᕐᑕᐅᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:8

ᑕᕝᕙ ᐂᖏᓕᐅᑉ ᐂᑉᐸᖓ ᑭᖑᓂᖓᒍᑦ ᓴᖅᑭᒃᑭᕗᖅ, ᐅᖃᕐᓗᓂᓗ, “ᑲᑕᒃᓯᒪᓕᕐᐳᖅ, ᑲᑕᒃᓯᒪᓕᕐᐳᖅ ᐹᐱᓘᓂ ᐊᔪᖏᑦᑐᕐᔪᐊᖅ, ᐃᓅᖃᑎᒌᒡᔪᐊᓕᒫᓂᒃ ᐃᒥᕐᑎᑦᓯᓯᒪᔪᖅ ᐅᐂᓂᒥᒃ ᓴᓐᖏᔪᒥᒃ ᐃᒃᓯᒎᕐᑎᑦᓯᔪᒥᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:2

ᓂᐱᖅᑯᕐᑐᓪᓗᓂᓗ ᐅᖃᕐᐳᖅ, “ᑲᑕᒃᓯᒪᓕᕐᐳᖅ, ᑲᑕᒃᓯᒪᓕᕐᐳᖅ ᐹᐱᓘᓂ ᐊᔪᖏᑦᑐᕐᔪᐊᖅ ᐊᓂᕐᓂᕐᓗᖕᓄᑦ ᓵᑖᓇᓯᒥᓐᖔᕐᑐᓄᑦ ᐃᓂᒋᔭᐅᓕᕐᐳᖅ, ᐊᓂᕐᓂᕐᓄᑦ ᐱᐅᖏᑦᑐᓄᑦ ᖃᓄᐃᑦᑐᑐᐃᓐᓇᕐᓄᑦ, ᐊᓂᕐᓂᕐᓄᑦ ᐱᐅᖏᑦᑐᓄᑦ ᐆᒥᓇᕐᑐᓄᓪᓗ ᑎᖕᒥᐊᓄᑦ ᐃᓂᒋᔭᐅᓕᕐᐳᖅ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:21

ᐂᖏᓕᓗ ᓲᖑᔪᕐᔪᐊᖅ ᐅᔭᕋᒃᔪᐊᕐᒥᒃ ᑭᕕᒃᓯᓪᓗᓂ ᓯᖃᓪᓕᓯᕕᐅᑉ ᐅᔭᕌᓗᒃᑕᖓᑐᑦ ᐊᖏᑎᒋᔪᒥᒃ ᑖᓐᓇ ᐃᒪᕐᔪᐊᕐᒧᑦ ᐃᒋᑉᐹ, ᐅᖃᕐᓗᓂᓗ, “ᑍᒫᒃ ᑕᕝᕙ ᐹᐱᓘᓂᐅᑉ ᐃᒡᓗᒐᓴᒡᔪᐊᖏᑦ ᐊᔪᖏᑦᑐᕐᔪᐊᑦ ᓂᑲᒋᔭᐅᖏᓪᓗᑎᒃ ᐃᒋᑕᐅᔪᒫᕐᐳᑦ ᑕᑯᔭᐅᒃᑲᓐᓂᕐᓂᐊᕈᓐᓃᕐᓗᑎᒡᓗ;