ᐂᓮᐊᓯᐅᑉ ᐊᒡᓚᖏᑦ 16:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑍᒤᒻᒪᑦ ᒧᐊᐱᒥᐅᑦ ᓂᐱᖃᕐᓗᑎᒃ ᕿᐊᓕᕐᓕᑦ, ᒧᐊᐱᒥᒃ ᕿᐊᑦᔪᑎᖃᓕᕐᓕᑦ, ᐅᒡᒍᐊᕐᓕᑦ ᐊᒃᑐᕐᑕᐅᓯᒪᓗᑎᒃ, ᓂᐊᖂᔧᓪᓗ ᐸᐅᕐᖓᐅᔭᓖᑦ ᓂᕆᕙᓚᐅᕐᑕᑎᒃ ᐱᓪᓗᒋᑦ ᑭᕆ-ᕼᐃᕆᑎᒥ.

ᐂᓮᐊᓯᐅᑉ ᐊᒡᓚᖏᑦ 16:7 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 3:25

ᓄᓇᓕᓕᒫᖏᑦ ᓱᒃᑯᓪᓗᒋᑦ, ᐅᓇᑕᕐᑐᒃᓴᖁᑎᓕᒫᖏᑦ ᒥᓘᑎᕕᓂᕐᓄᑦ ᐱᕈᕐᓰᕕᖁᑎᖏᑦ ᐅᔭᖅᑭᕐᓱᕐᓯᒪᓚᐅᕐᐳᑦ, ᑰᒐᓚᓕᒫᖏᓪᓗ ᑰᒍᓐᓃᕐᓗᑎᒃ, ᓇᐹᕐᑐᑦᓯᐊᕙᓕᒫᓪᓗ ᓇᑲᑎᕐᑕᐅᓪᓗᑎᒃ. ᑭᕆ-ᕼᐃᕆᑎ ᖃᓄᐃᓕᓯᒪᖏᑦᑐᑑᓚᐅᕋᓗᐊᕐᓗᓂ ᐅᓇᑕᕐᑐᒃᓴᓄᑦ ᑎᑭᑕᐅᖕᒥᒐᒥ ᐃᓪᓘᓕᔭᕐᑐᓄᑦ ᐅᖓᓗᔭᐅᓪᓗᓂ ᐅᓇᑕᕐᕕᐅᓕᕐᒥᒐᒥ ᐱᔭᐅᒋᕗᖅ.

ᑯᕉᓂᑲ ᓯᕗᓪᓖᑦ 12:40

ᓱᓕ ᑖᒃᑯᐊ ᖃᓂᒋᔭᖓᓃᑦᑐᑦ ᐃᓴᑳᕆᒥᑦ, ᓯᐳᓗᓂᒥᓪᓗ ᓈᑉᑕᓕᒥᓪᓗ, ᓂᕿᒃᓴᓂᒃ ᑐᔪᐃᓚᐅᕐᐳᑦ ᓯᐅᑎᖅᑯᕐᑐᔪᒃᑯᑦ ᑳᒥᓕᒃᑎᒍᓪᓗ ᓯᐅᑎᖅᑯᕐᑐᔪᐃᑦ ᕿᒻᒥᕐᔪᐊᓪᓗ ᕿᑐᕐᖓᖏᑎᒍᑦ ᐃᒻᒧᒃᓯᐅᒊᓪᓗ ᐊᖑᓴᓪᓗᖏᑎᒍᑦ, ᓂᕆᔭᒃᓴᓂᒃ ᖃᓄᐃᑦᑐᑐᐃᓐᓇᕐᓂᒃ, ᐸᐅᕐᖓᓂᒃ ᐱᒋᓕᖕᓂᒃ ᐆᓯᒪᔪᓂᒃ, ᐸᐅᕐᖓᐅᔭᓂᒃ, ᕔᓂᒥᒡᓗ ᐅᕐᓱᒥᒡᓗ, ᑐᒃᑐᕙᖕᓂᒃ ᓰᐱᓂᒡᓗ ᐅᓄᕐᑐᕐᔪᐊᓂᒃ, ᖁᕕᐊᓱᖃᑎᒌᓚᐅᕐᐳᓪᓗ ᐃᓴᕆᐊᓕᒥᐅᑦ.

ᑯᕉᓂᑲ ᓯᕗᓪᓖᑦ 16:3

ᐂᑐᕐᑐᐃᓪᓗᓂᓗ ᐃᓴᕆᐊᓕᒥᐅᓕᒫᓄᑦ, ᐊᖑᑎᓄᑦ ᐊᕐᓇᓄᓪᓗ, ᐊᑐᓂᑦ ᓂᐊᖂᔭᒥᒃ, ᓂᖅᑭᒥᒡᓗ, ᐆᓯᒪᔪᓂᒡᓗ ᓂᐊᖂᔭᓂᒃ ᐸᐅᕐᖓᐅᔭᓕᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 16:11

ᑍᒤᒻᒪᑦ ᑕᕐᓂᕋ ᕿᒃᓵᖕᓂᕐᒧᑦ ᓂᓪᓕᐊᓕᕐᐳᖅ ᑭᕆ-ᕼᐃᕆᑐᑦ ᒧᐊᐱ ᐱᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 8:19

ᐅᖃᐅᑦᔭᐅᒍᕕᓪᓗ, “ᐊᐱᕐᓱᓚᐅᕆᑦ ᓯᕗᓂᒃᓴᒥᒃ ᓇᓚᐅᑦᑍᓲᓂᒃ ᑐᖁᖓᔪᓂᒡᓗ ᐅᖄᑎᑦᑎᓲᓂᒃ, ᖁᐸᓄᐊᑎᑐᑦ ᓂᑦᔭᒃᐸᒃᑐᑦ, ᓂᐱᑭᓗᐊᒧᓪᓗ ᑐᑭᓯᔭᒃᓴᐅᕙᖏᑦᑐᑦ, ᐃᓄᐃᑦ ᒎᑎᒥᖕᓂᒃ ᐊᐱᕐᓱᕆᐊᖃᓐᖏᓛᑦ? ᑐᖁᖓᔪᓂᒃ ᐊᐱᕐᓱᕆᐊᖃᕐᐹᑦ ᐃᓅᔪᑦ ᐱᑦᔪᑎᒋᓗᒋᑦ?

ᔨᕆᒤᐊᐅᑉ ᐊᒡᓚᖏᑦ 48:20

ᒧᐊᐱᒥᐅᑦ ᑲᓐᖑᓇᕐᑐᒥᒃ ᐊᑐᕐᐳᑦ ᓄᓇᖓᑦ ᐊᓯᕈᕐᑕᐅᖕᒪᑦ, ᓂᐹᕐᓗᓯ ᕿᐊᓕᕆᑦᓯ ᐋᕐᓄᓂᐅᑉ ᖃᓂᒋᔭᖓᓂ ᒧᐊᐱᒥᐅᑦ ᐊᓯᕈᕐᑕᐅᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 48:31

ᑍᒤᒻᒪᑦ ᒧᐊᐱᒥᐅᑦ ᓂᐹᕈᑎᒋᒃᑭᑦ, ᒧᐊᐱᒥᐅᑦ ᐱᓪᓗᒋᑦ ᐃᓗᖏᕐᑐᕐᓗᖓ ᕿᐊᑦᔪᑎᒋᕙᒃᑲ, ᑭᕆ-ᕼᐃᕆᐅᑉ ᐊᖑᑎᖏᑦ ᕿᒃᓵᒍᑎᒋᕙᒃᑲ.