ᐂᓮᐊᓯᐅᑉ ᐊᒡᓚᖏᑦ 16:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᓰᐱᐅᑉ ᓄᕐᕋᖏᓐᓂᒃ ᑎᓕᓯᓯᒪᕗᑦ ᓄᓇᒥᒃ ᐊᐅᓚᑦᓯᖁᓪᓗᒋᑦ, ᓄᓇᓕᖕᓂᑦ ᓯᓚᒥᐅᓂᑦ, ᐃᓄᖃᖏᑦᑑᑉ ᑭᒡᓕᖓᓃᑦᑐᓂᑦ, ᓮᐅᓂᐅᑉ ᐸᓂᖓᑕ ᖃᖅᑲᖓ ᑎᑭᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 16:1 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 8:2

ᒧᐊᐱᒥᐅᓪᓗ ᓵᓚᒋᒋᕔᑦ, ᑎᒍᔭᓂᓗ ᒪᓂᖅᑲᒧᑦ ᓇᓪᓚᕐᑎᑉᐰᑦ; ᐊᒃᓱᓈᒧᑦ ᐆᒃᑐᕋᐅᑎᖃᕐᓗᓂ ᐊᒃᓱᓈᑉ ᐃᓗᐊᓃᑦᑐᑦ ᒪᕐᕈᐃᕐᑕᕐᓗᒋᑦ ᑖᒃᑯᐊ ᑐᖁᑕᐅᑎᑉᐰᑦ, ᐆᒃᑐᕋᕐᑕᖏᑕ ᐱᖓᔪᖏᓐᓃᑦᑐᑦ ᑐᖁᑕᐅᕙᒐᑎᒃ. ᑍᒤᒻᒪᑦ ᒧᐊᐱᒥᐅᑦ ᑍᕕᑎᐅᑉ ᐱᔨᑖᕆᓚᐅᕐᐰᑦ ᑮᓇᐅᔧᔭᓕᕐᓗᑎᒡᓗ ᑖᒃᓰᕈᑎᒥᖕᓂᒃ ᑖᑦᓱᒧᖓ.

ᐊᑕᓃᑦ ᐂᑉᐸᖏᑦ 14:7

ᐊᒪᓮᔭ ᑐᖁᑦᑎᓚᐅᕐᐳᖅ 10,000ᓂᒃ ᐄᑐᒥᐅᑍᑦ ᐅᓇᑕᕐᑎᖁᑎᖏᓐᓂᒃ ᐅᓇᑕᖃᑎᒌᒃᓗᑎᒃ ᑕᕆᐅᕐᑕᓕᐅᑉ ᓇᕐᓴᖓᓂᒃ ᐊᑎᖃᕐᑐᒥ. ᐅᓇᑕᕐᓂᒃᑯᑦ ᓵᓚᖃᕐᓗᑎᒃ ᓄᓇᓕᖕᓂᒃ ᓰᓚᒥᒃ ᐊᑎᖃᕐᑐᓂᒃ ᑎᒍᓯᓚᐅᕐᐳᑦ, ᐊᑎᕐᑖᕐᑎᓪᓗᒋᓪᓗ ᔫᒃᓯᐅᓪᒥᒃ. ᐅᓪᓗᒥᒧᑦ ᑎᑭᓪᓗᒍ ᓱᓕ ᑍᒫᒃ ᓄᓇᓖᑦ ᑖᒃᑯᐊ ᑍᔭᐅᕗᑦ.

ᐊᑕᓃᑦ ᐂᑉᐸᖏᑦ 3:4

ᒧᐊᐱᒥᐅᑦ ᐊᖓᔪᖅᑳᕐᔪᐊᖓᑦ ᒦᓴ ᓰᐱᓂᒃ ᕿᑐᕐᖏᐅᕐᑎᑦᓯᔨᐅᒐᒥ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑐᓂᓯᔭᕆᐊᖃᖃᑦᑕᓚᐅᕐᐳᖅ ᓰᐱᐅᑉ ᓄᕐᕋᖏᓐᓂᒃ 100,000ᓂᒃ ᐊᒻᒪᓗ ᓰᐲᑦ ᐊᖑᓴᓪᓗᖏᑕ 100,000ᐃᑦ ᒥᖅᑯᖏᓐᓂᒃ.

ᐄᓱᕋᐅᑉ ᐊᒡᓚᖏᑦ 7:17

ᑍᒤᒻᒪᑦ, ᐃᒃᐱᒍᓱᑦᓯᐊᕐᓗᓯ ᑮᓇᐅᔧᑦ ᓂᐅᕕᐅᑎᒋᔭᒃᓴᕆᕙᓯ ᑲᒪᑦᓯᐊᕐᓗᓯ ᐃᒻᒧᒃᓯᐅᒊᑦ ᐊᖑᓴᓪᓗᖏᓐᓄᑦ, ᓰᐲᓪᓗ ᐊᖑᓴᓪᓗᖏᓐᓄᑦ, ᓰᐲᓪᓗ ᓄᕐᕋᐅᔭᖏᓐᓄᑦ, ᓂᐊᖂᔭᒃᓴᓄᑦ, ᕔᓂᓄᓪᓗ ᑐᓂᕐᕈᑎᒋᔭᐅᔪᒃᓴᐅᕗᑦ ᑐᓂᕐᕈᓯᕐᕕᖕᒧᑦ ᑐᒃᓯᐊᕐᕕᒡᔪᐊᒧᑦ ᔨᕉᓴᓕᒦᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 10:32

ᐅᓪᓗᒥ ᑕᕝᕙᓂ ᓄᓇᒥ ᓅᐱᒥ ᓄᖅᑲᕐᐳᖅ, ᐊᒡᒐᒥᓄᑦ ᑎᒍᒻᒥᔪᓄᑦ ᐅᓗᕆᐊᕐᓵᕐᓗᒋᑦ ᖃᖅᑲᒥᑦ ᓮᐅᓂᐅᑉ ᐸᓂᖏᓐᓂᑦ, ᔨᕉᓴᓕᐅᑉ ᐱᖑᐊᓃᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 42:11

ᓱᓇᖃᔪᐃᑦᑐᖅ ᓄᓇᓕᖏᓪᓗ ᓂᓪᓕᐊᓕᕐᓕᑦ ᓂᐱᖅᑯᕐᑐᓗᑎᒃ, ᓄᓇᓖᑦ ᑭᑕᕆᒥ ᓄᓇᖃᕐᑐᑦ ᐱᖃᑕᐅᓕᑦ; ᓰᓚᒥᐅᑦ ᐃᓄᖏᑦ ᐃᓐᖏᕐᓕᑦ ᖁᕕᐊᓱᖕᓂᕐᒧᑦ, ᓂᐱᖅᑯᕐᑐᓗᑎᒃ ᓂᓪᓕᐊᓕᑦ ᖃᖅᑬᑦ ᖄᖏᓐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 45:16

“ᐃᓄᓕᒫᑦ ᓄᓇᓕᖕᓂ ᑍᒫᒃ ᑐᓂᕐᕈᓯᖃᑦᑕᕐᑐᒃᓴᐅᕗᑦ ᐊᖓᔪᖅᑳᓄᑦ ᐃᓴᕆᐊᓕᒥᐅᓂ ᐊᐅᓚᑦᓯᔨᓄᑦ.

ᒤᑲᐅᑉ ᐊᒡᓚᖏᑦ 4:8

“ᐃᕝᕕᓪᓕ, ᓰᐱᓂᒃ ᖃᐅᔨᓴᕐᕕᖕᒦᑦᑐᑎᑦ, ᓮᐅᓂᐅᑉ ᐸᓂᖓᓄᑦ, ᕿᒫᕕᒃᓴᕆᔭᐅᔪᑎᑦ ᐊᖓᔪᖅᑳᕐᔪᐊᖑᓂᖅ ᐱᓯᒪᓚᐅᕐᑍᑦ ᐃᓕᖕᓄᑦ ᐅᑎᕈᒫᕐᐳᖅ; ᐊᖓᔪᖅᑳᕐᔪᐊᖃᕐᓂᖅ ᑎᑭᑦᓱᒫᕐᐳᖅ ᔨᕉᓴᓕᐅᑉ ᐸᓂᖓᓄᑦ.”