ᐂᓮᐊᓯᐅᑉ ᐊᒡᓚᖏᑦ 14:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ “ᖁᕕᐊᓱᒋᐊᖃᓐᖏᓚᓯ, ᐱᓕᔅᑎᐊᒥᐅᑕᐅᔪᓯ ᐃᓕᑦᓯᓐᓂᒃ ᐊᓇᐅᓕᕈᑕᐅᓚᐅᕐᑐᖅ ᓇᐱᓯᒪᖕᒪᑦ, ᖁᒡᓗᒋᐊᕐᔪᐊᖅ ᑐᖁᒐᓗᐊᕐᐸᑦ ᑭᖑᕚᖃᕈᒫᕐᐳᖅ ᖁᒡᓗᒋᐊᒥᒃ ᑐᖁᓐᓇᕐᑐᓕᖕᒥᒃ, ᓴᖅᑭᑎᑦᓯᓗᓂᓗ ᖁᒡᓗᒋᐊᒥᒃ ᖃᖓᑕᔪᓐᓇᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 14:29 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 30:6

ᒎᑎᐅᑉ ᐅᖃᐅᓯᖃᕐᓂᖓ ᐆᒪᔪᓂᒃ ᓯᐅᕌᓗᖕᒥᐅᑕᓂᒃ ᐅᓪᓗᓪᓗᐊᑉ ᓇᓛᓂᒥᐅᓂᒃ ᓂᒋᑉᒥ, ᑎᓕᔭᐅᓯᒪᔪᑦ ᐃᖏᕐᕋᔭᕆᐊᖃᕐᐸᒃᐳᑦ ᓄᓇᑎᒍᑦ ᑲᑉᐱᐊᓇᕐᑐᖃᕐᑐᑎᒍᑦ ᓛᔭᓄᑦ ᐃᓂᒋᔭᐅᕙᒃᑐᑯᑦ, ᖁᒡᓗᒋᐊᓂᒃ ᑐᖁᓐᓇᕐᑐᓕᒃᑯᑦ, ᐆᒪᔪᕐᓗᖃᕐᑐᒃᑯᑦ ᖃᖓᑕᓲᓂᒃ, ᓯᐅᑎᖅᑯᕐᑐᔪᖁᑎᑎᒃ ᓇᖕᒪᒃᑎᑉᐸᒃᐰᑦ ᐊᑭᑐᔪᒃᓴᔭᓂᒃ, ᐱᒃᑯᒥᓇᕐᑐᓂᒡᓗ ᑳᒥᓕᖁᑎᑎᒃ ᓇᖕᒪᒃᑎᖃᑦᑕᕐᐰᑦ ᐃᓅᖃᑎᒋᒡᔪᐊᓄᑦ ᐃᑲᔪᕈᓐᓇᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 11:8

ᓄᑕᕋᓛᕐᓗ ᐱᓐᖑᐊᕈᒫᕐᐳᖅ ᖁᒡᓗᒋᐊᑉ ᑐᖁᓐᓇᕐᑐᓕᐅᑉ ᓯᑎᖓᑕ ᓴᓂᐊᓂ, ᓄᑕᕈᑯᓘᓪᓗ ᐱᓱᒍᓐᓇᓕᕐᑑᑉ ᐊᒡᒐᖕᒥᓄᑦ ᑯᒡᓗᒋᐊᑉ ᓯᑎᖓ ᑲᐅᔪᒫᕐᐹ.

ᑯᕉᓂᑲ ᐂᑉᐸᖏᑦ 26:6

ᑖᓐᓇ ᐅᓇᑕᕆᐊᓚᐅᕐᐳᖅ ᐱᓕᔅᑍᓂᒥᐅᓂᒃ, ᒑᑎᐅᓪᓗ ᐊᕙᓗᕐᔪᐊᖏᑦ ᓱᕋᒃᑎᕐᐰᑦ ᔭᑉᓂᐅᓪᓗ ᐊᕙᓗᕐᔪᐊᖏᑦ ᐋᔅᑖᑦᓗ ᐊᕙᓗᕐᔪᐊᖏᑦ; ᐃᒡᓗᒐᓴᓕᐅᕐᐳᕐᓗ ᐋᔅᑖᑦᒥ ᐱᓕᔅᑍᓂᒥᐅᓂᓗ.

ᔨᐸᓁᐊᐅᑉ ᐊᒡᓚᖏᑦ 3:11

ᑍᑲᓂ ᐅᓪᓗᒥ ᑲᓐᖑᓱᒃᑎᑕᐅᔪᒫᓐᖏᓚᓯ ᑕᒻᒪᕐᓂᕆᓚᐅᕐᑕᓯ ᐅᕙᓐᓄᑦ ᐱᓪᓗᒋᑦ, ᑍᒃᑯᐊ ᐊᑯᓐᓇᑦᓯᓐᓃᑦᑐᑦ ᖁᕕᐊᓲᑎᓖᑦ ᐱᐅᔪᕆᓂᕐᒥᒃ ᓄᖑᑎᑦᓱᒫᕐᐸᒃᑲ. ᐃᒻᒥᓂᒃ ᐊᖏᒡᓕᑎᓚᐅᕐᓯᒪᓂᐊᕈᓐᓁᕐᐳᓯ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ.

ᒤᑲᐅᑉ ᐊᒡᓚᖏᑦ 7:8

ᖁᕕᐊᓲᑎᒋᑦᑍᓕᓐᖓ ᐊᑭᕌᒃ! ᐹᓪᓚᒃᑲᓗᐊᕈᒪ ᒪᑭᑦᓱᒫᕐᐳᖓ, ᑖᕐᑐᒥ ᐃᒃᓯᕙᒐᓗᐊᕈᒪ, ᐊᑕᓂᖅ ᖃᐅᒪᓂᕆᔪᒫᕐᐸᕋ.

ᐅᐸᑍᐊᑉ ᐊᒡᓚᖏᑦ 1:12

ᓄᑬᓪᓗ ᖁᕕᐊᓲᑎᒋᔭᒃᓴᕆᓚᐅᓐᖏᓚᑦ ᐱᓂᕐᓗᒃᑕᐅᕕᐊᓂ; ᔫᑕᐅᑉ ᑭᖑᕚᖏᑦ ᖁᕕᐊᓲᑎᒋᓂᐊᕐᓇᒋᑦ ᑲᑉᐱᐊᓱᖕᓂᖏᑕ ᐅᓪᓗᖏᓐᓂ; ᐱᐅᔪᕆᔪᒃᓴᐅᓚᐅᓐᖏᓚᑎᑦ ᐅᓪᓗᖏᑕ ᑲᑉᐱᐊᓱᒃᑎᑕᐅᕕᖏᓐᓂ.

ᕼᐆᓯᐊᑉ ᐊᒡᓚᖏᑦ 9:1

ᖁᕕᐊᓱᒃᑍᓕᒋᑦ, ᐆ ᐃᓴᕆᐊᓖ, ᐃᓅᖃᑎᑦᓯ ᓇᓪᓕᐅᓐᓂᕐᓯᐅᕐᓂᖏᑎᑐᑦ ᖁᕕᐊᓲᑎᖃᕐᓂᐊᕐᓇᒃ; ᐊᑐᒐᕐᓂᒃ ᐱᓇᓱᐊᖃᑦᑕᕋᑦᓯ, ᒎᑎᑦᓯᓐᓂᒃ ᕿᒤᓪᓗᓯ. ᐊᑐᒐᕐᓂᒃ ᐊᑭᓖᓪᓗᓯ ᐱᓇᓱᐊᕐᓯᒪᒐᑦᓯ ᐃᕖᔧᕖᑦ ᓇᑎᖏᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 35:15

ᖁᕕᐊᓱᓚᐅᕋᑦᓯ ᐃᓴᕆᐊᓕᐅᑉ ᑭᖑᕚᖏᓐᓂᒃ ᑭᖑᕐᖑᑦᔨᓕᕋᑦᓯ, ᓱᓁᕈᑦᔭᐅᑎᓪᓗᒋᑦ, ᑍᒫᒃ ᐱᓂᐊᕐᕕᒋᓂᐊᓕᕐᐸᑦᓯ; ᓱᓁᕈᑦᔭᐅᔪᒫᕐᐳᓯ, ᓰᐊᕆᐅᑉ ᖃᖅᑲᖏᑦ, ᐄᑐᒥᐅᓪᓗ ᓄᓇᓕᒫᖓ ᐊᑕᖏᕐᓗᓂ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 26:2

“ᐃᓅᑉ ᐃᕐᓂᖓ, ᑍᕆᒥᐅᑦ ᐅᖃᐅᓯᖃᓚᐅᕐᒪᑕ ᔨᕉᓴᓕᒥᒃ, ᐅᖃᕐᓗᑎᒃ ‘ᐋᕼᐊ, ᐃᓄᐃᑦ ᐃᑎᕐᑕᕐᕕᖓᑦ ᓯᖁᒥᑕᐅᕗᖅ, ᐅᕙᑦᑎᓐᓄᑦ ᒪᑐᐃᕐᐳᑦ; ᐱᑖᕈᓐᓇᕐᓂᐊᓕᕐᐳᒍᑦ ᑕᕝᕙᓐᖓᑦ, ᒫᓐᓇ ᐊᓯᕈᕐᑕᐅᓯᒪᓕᕐᒪᑕ.’

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:17

ᐊᑭᕋᕐᑐᕐᑏᑦ ᐅᕐᕈᒃᐸᑦ ᖁᕕᐊᓲᑎᒋᓂᐊᕐᓇᒍ, ᐆᒻᒪᑏᓪᓗ ᐊᓕᐊᓁᒍᓱᖕᓂᐊᕋᓂ ᐊᑭᕋᕐᑐᕐᑏᑦ ᐅᒃᐱᑲᕐᐸᑦ;

ᑯᕉᓂᑲ ᐂᑉᐸᖏᑦ 28:18

ᐱᓕᔅᑍᓂᒥᐅᓪᓗ ᑎᑭᑉᐳᑦ ᐃᒡᓗᒐᓴᖕᓄᑦ ᓄᓇᓄᑦ ᐊᑦᑎᖕᓂᕐᓴᓃᑦᑐᓄᑦ ᔫᑕᐅᓪᓗ ᓯᕿᓂᐊᓃᑦᑐᓄᑦ, ᓄᓇᓖᓪᓗ ᐅᑯᐊ ᑎᒍᕔᑦ ᐱᑦ-ᓯᒥᔅ, ᐂᔭᓚᓐ, ᒋᑎᕉᑎ, ᓲᑯ ᓄᓇᓕᖏᓪᓗ, ᑎᒻᓇ ᓄᓇᓕᖏᓪᓗ, ᒋᒻᔪ ᓄᓇᓕᖏᓪᓗ, ᑍᑲᓂᓗ ᓄᓇᑖᕐᓗᑎᒃ.

ᐊᑕᓃᑦ ᐂᑉᐸᖏᑦ 18:8

ᐱᓕᔅᑍᓂᒥᐅᑦ ᓵᓚᒋᓚᐅᕐᐰᑦ ᓄᓇᓕᖁᑎᖏᓪᓗ ᑎᕐᓕᓈᕐᓗᒋᑦ ᐊᓯᕈᕐᐰᑦ ᓄᓇᓕᖁᑎᖏᑕ ᒥᑭᓐᓂᕐᐹᖏᓐᓂᑦ ᐊᖏᓂᕐᐹᖏᑦ ᑎᑭᓪᓗᒋᑦ, ᒑᓴ ᑎᑭᓪᓗᒍ ᓄᓁᓪᓗ ᖃᓂᒋᔮᓃᑦᑐᑦ ᐱᖃᓯᐅᑎᓪᓗᒋᑦ.

ᔮᓱᐊᑉ ᐊᒡᓚᖏᑦ 13:3

ᓮᕼᐅᕆᐅᓪᓗ ᓄᓇᖓ ᓄᓇᒥᑦ ᓯᕼᐅᐊᑉ ᑰᖓᓂᑦ ᐱᒋᐊᕐᓗᒍ ᐄᑦᔨᑉᑎᒥᐅᑦ ᓄᓇᖓᑕ ᑭᒡᓕᖓᓂᑦ, ᑕᕐᕋᒧᑦ ᐃᑯᕋᓂᐅᑉ ᓄᓇᖁᑎᖓᑕ ᑭᒡᓕᖓᓄᑦ ᑬᓇᓂᒥᐅᓄᑦ ᓄᓇᒋᔭᐅᓂᕋᕐᑕᐅᔪᒧᑦ ᑎᑭᓪᓗᒍ; ᐱᓕᔅᑍᓂᒥᐅᑦ ᐊᖓᔪᖅᑳᕐᔪᐊᖏᑦ ᓄᓇᖃᕐᑐᑦ ᐅᑯᓇᓂ ᒑᓴᒥ, ᐋᔅᑖᑦᒥ, ᐊᓯᑭᓗᓂᒥ, ᒑᑎᒥ, ᐃᒃᕌᒥᓗ, ᐋᐅᐃᒥᐅᓕᒫᓪᓗ.

ᒨᓯᓯ ᓯᑕᒪᖏᑦ 21:8

ᑕᕝᕙ ᐊᑕᓂᐅᑉ ᒨᓯᓯ ᐅᖃᐅᑎᕚ, “ᖁᒡᓗᒋᐊᓐᖑᐊᒥᒃ ᓴᓇᓚᐅᕆᑦ, ᓇᐸᔪᒧᓪᓗ ᐃᓕᓗᒍ; ᑍᒃᑯᐊ ᖁᒡᓗᒋᐊᓄᑦ ᑮᔭᐅᔪᑦ, ᑖᑦᓱᒥᖓ ᑕᑯᒍᑎᒃ, ᐃᓅᓂᐊᕐᐳᑦ.”

ᐂᓮᐊᓯᐅᑉ ᐊᒡᓚᖏᑦ 2:6

ᐃᓄᖁᑎᑎᑦ ᐊᓂᑎᓚᐅᕐᐸᑎᑦ, ᔧᑰᑉ ᑭᖑᕚᖏᑦ, ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᓂᒃ ᐊᖓᒃᑰᓂᕐᓂᒃ ᐃᓕᖅᑯᓯᕐᑖᕐᓯᒪᓕᕐᒪᑕ; ᓯᕗᓂᒃᓴᒥᒡᓗ ᓇᓚᐅᑦᑍᖃᑦᑕᕐᑐᓂᒃ ᒪᓕᓕᕐᓗᑎᒃ ᐱᓕᔅᑍᓂᒥᐅᑎᑐᑦ, ᐃᓅᖃᑎᒋᓐᖏᑕᖏᑕᓗ ᐱᐅᓯᖏᓐᓂᒃ ᒪᓕᒃᓴᕐᓯᒪᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 11:14

ᐊᐅᕐᓵᕐᑐᑎᑐᓪᓕ ᐊᒻᒧᐊᒍᒫᕐᐴᒃ ᐱᓕᔅᑍᓂᒥᐅᓄᑦ ᐅᓇᑕᕆᐊᕐᓗᑎᒃ; ᑐᓄᐊᓐᓂᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓄᑦ; ᑲᑐᑦᔨᓗᑎᒃ ᐊᕐᓵᕐᓂᔪᒫᕐᐳᑦ ᓯᕿᓂᐅᑉ ᓄᐃᕕᐊᓂᒥᐅᓂᒃ; ᐱᔪᓐᓇᕐᓂᖃᕐᓗᑎᒃ ᐅᓇᑕᕆᐊᕈᒫᕐᐳᑦ ᐄᑐᒥᒥᐅᓂᒃ ᒧᐊᐱᒥᐅᓂᒡᓗ, ᐊᒧᓁᑎᒥᐅᓪᓗ ᑖᒃᑯᓂᖓ ᓈᓚᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 14:31

ᓂᐱᖃᕐᓗᓯ ᕿᐊᓕᕆᑦᓯ, ᐃᑎᕐᑕᕐᕕᐅᔪᓯ ᐃᒡᓗᒐᓴᒡᔪᐊᓄᑦ, ᕿᐊᒋᑦᓯ ᐃᒡᓗᒐᓴᒡᔪᐊᖑᔪᓯ; ᓯᕘᕋᓕᕆᑦᓯ, ᐱᓕᔅᑎᐊᒥᐅᖑᔪᓯ, ᐳᔪᖅ ᐅᓐᓄᐊᓪᓗᐊᑉ ᓇᓛᓂᑦ ᓴᖅᑭᑦᓱᒫᕐᐳᖅ, ᐅᓇᑕᕐᑐᒃᓴᒐᓴᒡᔪᐊᑦ ᓯᕘᕋᒋᔭᖃᖏᑦᑐᑦ ᐳᔫᕐᑎᑕᖓᑦ.”

ᔨᕆᒤᐊᐅᑉ ᐊᒡᓚᖏᑦ 47:1

ᒪᑯᐊ ᑕᕝᕙ ᐊᑕᓂᐅᑉ ᐅᖃᓚᐅᕐᑕᖏᑦ ᔨᕆᒤᐊᒧᑦ ᐱᓕᔅᑍᓂᒥᐅᑦ ᐱᓪᓗᒋᑦ ᐰᕉ ᐅᓇᑕᕆᐊᓚᐅᕐᑎᓐᓇᒍ ᒑᓴᒥᐅᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:17

ᐊᑕᓂᐅᑉ ᐊᓯᕈᐃᓂᐊᕐᓂᕋᕐᓯᒪᓂᓂ ᐊᑑᑎᑎᓕᑍᓐᓇᕐᐹ, ᐊᓯᕈᕐᑕᐅᑎᒻᒪᒍ ᓂᑲᒍᓱᖕᓂᖃᖏᑦᑐᒥᒃ, ᑍᒤᒍᒪᓂᐊᕐᓂᕋᕐᓯᒪᓂᓂ ᒪᓕᒡᓗᒍ ᐊᑭᕋᕗᑦ ᓵᓚᖃᕐᑎᒻᒪᒋᑦ ᑲᑕᒃᓯᒪᓂᑦᑎᓐᓂᒡᓗ ᖁᕕᐊᓲᑎᖃᕐᑎᑉᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 25:15

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᐱᓕᔅᑍᓂᒥᐅᑦ ᐊᑭᓂᐊᓚᐅᕐᒪᑕ ᐆᒻᒪᑎᒥᒍᑦ ᒥᑕᐅᑎᖃᕐᓗᑎᒃ ᓄᖅᑲᔪᐃᑦᑐᒥᒃ ᐆᒥᓱᖕᓂᕐᒥᖕᓄᑦ;

ᔪᐃᓕᐅᑉ ᐊᒡᓚᖏᑦ 3:4

“ᓱᓇᒦᒃ ᐊᑭᕋᕐᑑᑎᒃᓴᖃᕐᐲᑦ ᐅᕙᓐᓄᑦ? ᑍᕆ, ᓮᑐᓂᓗ ᐱᓕᔅᑎᐊᒥᐅᓪᓗ ᐃᒪᐅᑉ ᓯᓈᓃᑦᑐᑦ ᐅᕙᓐᓄᑦ ᐊᑭᒋᐊᕈᒪᕕᓰ? ᐊᑭᒋᐊᕈᑦᓯ, ᑕᕝᕔᓐᓇᖅ ᑐᐊᕕᕐᓗᖓ ᐊᑭᒋᐊᕐᓂᓯ ᐃᓕᓯᓐᓄᑦ ᐱᑎᓐᓂᐊᕐᐸᕋ.

ᐂᒨᓯᐅᑉ ᐊᒡᓚᖏᑦ 1:6

ᐊᑕᓂᖅ ᐃᒫᒃ ᐅᖃᕐᐳᖅ: “ᒑᓴᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᓪᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐃᓄᖕᓂᒃ ᐊᐅᓪᓚᕈᑦᔨᓚᐅᕐᓂᖏᓐᓂᒃ ᐃᓘᓐᓇᖏᓐᓂᒃ ᑎᒍᔭᐅᑎᑦᓯᓪᓗᑎᒃ ᐂᑎᓪᓗᒋᓪᓗ ᐄᑐᒥᒧᑦ.

ᐂᒨᓯᐅᑉ ᐊᒡᓚᖏᑦ 1:8

ᓄᓇᖃᕐᑐᓪᓗ ᐋᔅᑖᑦᒥ ᓄᖑᑎᓐᓂᐊᕐᐸᒃᑲ, ᐊᖓᔪᖅᑳᕐᔪᐊᓪᓗ ᑎᒃᑯᐊᕐᓯᑦᔪᑎᖓᓂᒃ ᑎᒍᒥᐊᕐᑐᖅ ᐊᓯᑭᓗᓂᒥ; ᐊᒡᒐᒃᑲᓗ ᓵᑎᓐᓂᐊᕐᐸᒃᑲ ᐃᑯᕋᓂᒧᑦ, ᐱᓕᔅᑍᓂᒥᐅᓪᓗ ᐊᒥᐊᒃᑯᖏᑦ ᓄᖑᓐᓂᐊᕐᐳᑦ,” ᐊᑕᓂᖅ ᒎᑎ ᐅᖃᕐᐳᖅ.

ᔨᐸᓁᐊᐅᑉ ᐊᒡᓚᖏᑦ 2:4

ᒑᓴ ᕿᒪᒃᑕᐅᔪᒫᕐᐳᖅ, ᐊᓯᑭᓗᓂᓗ ᓱᓇᖃᕈᓐᓃᕈᒫᕐᐳᖅ; ᐅᓪᓘᓪᓗ ᕿᑎᕋᕐᓂᖓᓂ ᐋᔅᑖᑦᒥᐅᑦ ᐊᐅᓪᓚᕐᑎᑕᐅᔪᒫᕐᐳᖅ, ᐃᑯᕋᓂᓗ ᓄᓱᒃᑕᐅᔪᒫᕐᐳᖅ ᐊᒫᖏᑎᒍᑦ.

ᔨᐸᓁᐊᐅᑉ ᐊᒡᓚᖏᑦ 2:5

ᑲᑉᐱᐊᓐᓇᒦᖑᔪᓯ ᑕᕆᐅᑉ ᓯᓈᓂ ᓄᓇᖃᕐᑐᓯ, ᐃᓅᖃᑎᒌᖑᔪᓯᓗ ᓯᕆᑍᑎᓄᑦ ᐊᑕᓂᐅᑉ ᐅᖃᐅᓯᖓᑕ ᐊᑭᕋᕐᑐᕐᒪᓯ, ᑬᓇᓁᒥᐅᖑᔪᓯ ᐱᓕᔅᑍᓂᒦᑦᑐᓯ; ᐊᓯᕈᕈᒪᕙᑦᓯ ᓄᓇᖃᕐᑐᓕᒫᑦ ᐊᒥᐊᒃᑯᖏᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 9:5

ᐊᓯᑭᓗᓂᒥ ᓄᓇᖃᕐᑐᑦ ᑕᑯᓗᑎᒃ ᑲᑉᐱᐊᓱᒍᒫᕐᐳᑦ; ᒑᓴᒥᐅᑦᑕᐅᖅ ᑕᑯᔪᒫᕆᕗᑦ ᑐᖁᔨᐊᖃᕐᑐᑐᓪᓗ ᕿᒃᓵᒍᒫᕐᐳᑦ, ᐃᑯᕋᓂᒥᓗ ᓄᓇᖃᕐᑐᑦ ᕿᒃᓵᒍᒫᕆᕗᑦ; ᓂᕆᐅᒋᔭᒃᓴᖃᕈᓐᓁᕈᒫᕐᒪᑕ; ᒑᓴᒥᐅᑦ ᐊᖓᔪᖅᑳᕐᔪᐊᖓ ᑐᖁᔪᒫᕐᐳᖅ, ᐋᔅᑭᓛᓂ ᐃᓄᖃᕈᓁᕈᒫᕐᐳᖅ.