ᐂᓮᐊᓯᐅᑉ ᐊᒡᓚᖏᑦ 14:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕕᒡᓗᓂ ᐊᖏᕐᓯᒪᖕᒪᑦ: “ᐃᓱᒪᓕᐅᕇᕐᓯᒪᒐᒪ, ᑍᒤᑦᓱᒫᕐᓗᓂᓗ, ᐋᖅᑭᒃᓱᕇᕐᓯᒪᒐᒃᑯ ᓴᖑᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 14:24 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 41:32

ᐰᕉᑉ ᓯᓐᓇᒃᑐᕐᓂᕆᔭᖓᑕ ᒪᕐᕉᓕᖅᑲᖓᓂᖓ ᑐᑭᖃᕐᐳᖅ ᑕᒪᓐᓇ ᒎᑎᐅᑉ ᐋᖅᑭᒃᓯᒪᖕᒪᒍ, ᐊᑯᓂᐅᖏᑦᑐᕐᓗ ᑲᔪᓯᑎᓐᓂᐊᕐᓗᓂᐅᒃ.

ᔫᐱᐅᑉ ᐊᒡᓚᖏᑦ 23:13

ᑖᓐᓇ ᐊᓯᑦᔨᕈᓐᓇᓐᖏᓚᖅ ᑭᐊᓕ ᓴᖑᑎᑦᓱᓐᓇᕐᐸᐅ? ᐱᓇᓱᐊᕈᒪᔭᒥᓂᒃ, ᐱᓇᓱᐊᕐᐸᒃᐳᖅ.

ᐃᓐᖏᕈᑎᑦ 110:4

ᐊᑕᓂᖅ ᐅᖃᒻᒪᕆᓚᐅᕐᐳᖅ, ᓴᖑᓂᐊᕋᓂᓗ, “ᑐᓂᕐᕈᓯᕐᑎᑦᓯᔨᐅᕗᑎᑦ ᐃᓱᖃᖏᑦᑐᒧᑦ ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.”

ᐃᓐᖏᕈᑎᑦ 33:10

ᐊᑕᓂᐅᑉ ᐃᓅᖃᑎᒌᒡᔪᐊᑦ ᐃᓱᒪᓕᐅᖃᑎᒌᖕᓂᖏᑦ ᐊᓯᐅᑎᑉᐰᑦ; ᐃᓄᐃᓪᓗ ᓯᕗᓂᕐᒧᑦ ᐃᓱᒪᓕᐅᕈᑎᒋᔭᖏᑦ ᐊᑐᕈᓐᓃᕐᑎᑉᐰᑦ.

ᐃᓐᖏᕈᑎᑦ 92:5

ᐊᑕᓃᖅ ᐱᓇᓱᐊᕐᓂᑎᑦ ᐃᓛᒃ ᐊᖏᔪᕐᔪᐊᖑᕗᑦ! ᐃᓱᒪᑎᓪᓗ ᐃᑎᔪᕐᔪᐊᖑᓪᓗᑎᒃ!

ᒨᓯᓯ ᐂᑉᐸᖏᑦ 17:16

ᐅᖃᕐᓗᓂ, “ᖁᒻᒧᑦ ᐃᓴᐅᑎᓯᒪᒍᒃ ᐊᑕᓂᐅᑉ ᓇᓗᓁᒃᑯᑕᖓ! ᐊᑕᓂᖅ ᑕᕝᕙ ᐅᓇᑍᓐᓇᕐᓂᐊᕐᐳᖅ ᐊᒪᓕᖕᒥᐅᓂᒃ ᐃᓱᖃᖏᑦᑐᒧᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:21

ᐃᓄᒃ ᐅᓄᕐᑐᓂᒃ ᐃᓱᒪᒥᒍᑦ ᐱᓇᓱᐊᕈᒪᔭᖃᕐᐳᖅ, ᑭᓯᐊᓂᓕ ᐊᑕᓂᐅᑉ ᐱᓇᓱᐊᖁᔭᖓ ᑲᔪᓯᔪᑑᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:30

ᓯᓚᑐᓂᖅ, ᐃᓕᓯᒪᓂᕐᓗ, ᐃᓱᒪᒃᓴᕐᓯᐅᕈᓐᓇᕐᓂᕐᓘᓐᓃᑦ, ᓵᓚᖃᓕᕈᓐᓇᓐᖏᓚᑦ ᐊᑕᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 10:5

ᑲᑉᐱᐊᓐᓇᒦᒃ ᐊᓯᕆᐊ, ᓂᓐᖓᐅᓯᕐᒪ ᐊᓇᐅᓕᕈᑎᒋᔭᖓ, ᐊᔭᐅᑉᐱᐊᓐᓂᒡᓗ ᑎᒍᒥᐊᕐᑎᑕᕋ ᓂᓐᖓᐅᒪᕕᒋᔭᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 19:12

ᓇᐅᒡᓕ ᑍᒪ ᓯᓚᑐᔪᖁᑎᑎᑦ? ᑍᒃᑯᓇᓐᖓᑦ ᐅᖃᐅᑦᔭᐅᓕᕆᑦ ᓇᓗᔪᓐᓁᕐᑎᑕᐅᓗᑎᓪᓗ ᖃᓄᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐄᑦᔨᑉᑎᒥᐅᓂᒃ ᐊᑭᕋᕐᑐᕈᑎᖃᕐᒪᖔᑦ.

ᐂᓮᐊᓯᐅᑉ ᐊᒡᓚᖏᑦ 19:17

ᔫᑕᒥᐅᑦ ᐄᑦᔨᑉᑎᒥᐅᓂᑦ ᑲᑉᐱᐊᒋᔭᐅᓕᕈᒫᕐᐳᑦ; ᓇᓪᓕᐊᓐᓄᑦ ᐅᖃᐅᑎᒋᔭᐅᓕᕈᑎᒃ ᑲᑉᐱᐊᓱᓕᖃᑦᑕᕈᒫᕐᐳᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐱᑦᔪᑎᒋᔭᖓᓄᑦ ᐃᓱᒪᓕᐅᕈᑎᒋᔭᐅᓯᒪᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 55:8

ᐃᓱᒪᒃᑲ ᐃᓱᒪᒋᔭᑦᓯ ᐊᑦᔨᒋᓐᖏᒻᒪᒋᑦ, ᐱᓂᐊᕐᓂᓯᓗ ᐱᓂᐊᕐᓂᕐᒪ ᐊᑦᔨᒋᖏᑦᓯᐊᕐᓗᓂᒋᑦ. ᐊᑕᓂᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 55:9

ᕿᓚᒃ ᖁᑦᓯᖕᓂᕐᓴᐅᖕᒪᑦ ᓄᓇᒥᑦ, ᑍᒫᒃᑕᐅᖅ ᐱᓂᐊᕐᓂᒃᑲ ᖁᑦᓯᖕᓂᕐᓴᐅᒋᕗᑦ ᐱᓂᐊᕐᓂᑦᓯᓐᓂᑦ, ᐃᓱᒪᒋᔭᒃᑲᓗ ᖁᑦᓯᖕᓂᕐᓴᐅᒋᓪᓗᑎᒃ ᐃᓱᒪᒋᔭᑦᓯᓐᓂᑦ.

ᔨᕆᒤᐊᐅᑉ ᐊᒡᓚᖏᑦ 23:20

ᐊᑕᓂᐅᑉ ᓂᓐᖓᐅᒪᓂᖓ ᓴᖑᓂᐊᕈᓐᓃᕐᐳᖅ ᐱᔪᒪᔭᖓ ᐊᑑᑎᓚᐅᖏᓐᓂᖓᓂ, ᐅᓪᓗᐃᑦ ᑭᖑᓪᓕᖏᓐᓂ ᑐᑭᓯᑦᓯᐊᕈᒫᕐᐸᓯ ᑕᒪᓐᓇ.

ᔨᕆᒤᐊᐅᑉ ᐊᒡᓚᖏᑦ 29:11

ᐃᓱᒪᒋᓯᒪᓪᓗᒋᑦ ᐋᖅᑭᒃᓱᐃᑦᔪᑎᒋᓯᒪᔭᒃᑲ ᐃᓕᑦᓯᓐᓄᑦ ᖃᐅᔨᒪᒐᒃᑭᑦ, ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐱᔪᓐᓇᕐᓯᑎᑦᓯᔪᒪᓯᒪᓂᕋ, ᐊᓯᕈᐃᔪᒪᓗᖓᐅᖏᑦᑐᖅ ᐋᖅᑭᒃᓱᐃᓯᒪᒐᒪ ᓂᕆᐅᒋᔭᒃᓴᖃᖁᓪᓗᓯ ᓯᕗᓂᒃᓴᖃᖁᓪᓗᓯᓗ.

ᔨᕆᒤᐊᐅᑉ ᐊᒡᓚᖏᑦ 44:26

ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ ᔫᑎᐅᔪᓯ ᐄᑦᔨᑉᑎᒥ ᓄᓇᖃᓕᕐᑐᓯ: ᑕᑯᒋᑦ, ᐊᑎᕋ ᐊᑐᕐᓗᒍ ᐅᖃᒻᒪᕆᒃᐳᖓ, ᐊᑕᓂᖅ ᐅᖃᕐᐳᖅ, ᔫᑕᒥᐅᑦ ᓇᓪᓕᐊᑐᐃᓐᓇᖅ ᐄᑦᔨᑉᑎᒦᓕᕐᑐᑦ ᑐᒃᓯᐊᕋᓱᐊᕐᐸᖁᔪᓐᓃᕐᐸᒃᑲ ᐅᕙᓐᓄᑦ, ᐊᑎᕋᓘᓐᓃᑦ ᐊᑐᕐᓗᒍ ᐅᖃᕐᐸᖁᔪᓐᓃᕐᐸᒃᑲ, ᐃᒫᒃ, ‘ᐊᑕᓂᖅ ᐊᑕᓂᐅᓂᕐᐹᖑᔪᖅ ᐆᒪᖕᒪᑦ.’

ᔨᕆᒤᐊᐅᑉ ᐊᒡᓚᖏᑦ 49:20

ᑐᓴᕐᓯᐅᒃ ᐊᑕᓂᐅᑉ ᐸᕐᓁᕈᑦᔨᓂᖓ ᐄᑐᒥᒥᐅᓂᒃ, ᐱᓇᓱᐊᕈᒪᓂᕆᔭᖓᓗ ᑏᒪᓐᒥᐅᓄᑦ, ᓄᕐᕋᖁᑎᖏᑦ ᐊᐅᓪᓚᕈᑎᓂᐊᕐᐰᑦ, ᐃᓄᖏᓪᓗ ᑲᑉᐱᐊᓱᕕᒡᔪᐊᕈᒫᕐᐳᑦ ᐱᓂᐊᕐᕕᐅᓂᕐᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 50:45

ᑍᒤᒻᒪᑦ ᑐᓴᓕᕐᓯᒋᒃ ᐊᑕᓂᐅᑉ ᐹᐱᓘᓂᒥᐅᓄᑦ ᐱᓂᐊᕐᓂᕆᔪᒪᔭᖏᑦ, ᐃᓱᒪᒋᓯᒪᔭᖏᓪᓗ ᑲᐅᓪᑎᐊᒥᐅᓄᑦ, ᐱᕈᕋᑖᕐᓂᑯᐃᑦ ᐊᒡᓛᑦ ᓰᐱᖁᑎᖏᑦ ᐅᓂᐊᕐᓗᒋᑦ ᐊᐅᓪᓚᕈᑎᔪᒫᕐᐰᑦ, ᓇᑎᕐᓇᖅ ᐃᕕᒃᓱᒐᓕᒃ ᓂᕆᓇᓱᒡᕕᖓᑦ ᓯᖁᑦᑎᕐᓂᐊᕐᐸᕋ ᐊᑭᓂᐊᕐᕕᒋᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:37

ᐅᖃᐅᓯᕆᔭᑦᑎᓐᓂᒃ ᐊᑑᑎᔪᓐᓇᕋᔭᓐᖏᓚᒍᑦ ᐊᑕᓂᐅᑉ ᑍᒤᑎᖏᑉᐸᒍ.

ᐃᓯᑭᐊᓕᐅᑉ ᐊᒡᓚᖏᑦ 12:25

ᐅᕙᖓᓕ ᐊᑕᓂᖅ ᐅᖃᐅᓯᕐᒥᒃ ᐅᖃᕐᓂᐊᓕᕐᐳᖓ, ᐅᖃᐅᓯᕆᔭᒃᑲᓗ ᐊᑑᑎᓂᐊᓕᕐᓗᑎᒃ. ᑭᖑᕙᕐᓂᐊᕈᓐᓃᕐᐳᖅ, ᐃᓅᑎᓪᓗᓯ ᓱᓕ, ᐊᑭᕋᕐᑐᕐᑎᐅᓪᓗᓯ ᑭᖑᕚᖑᔪᓯ, ᐅᖃᐅᓰᑦ ᐅᖃᐅᓯᕆᔭᒃᑲ ᐊᑑᑎᑎᓐᓂᐊᓕᕐᐸᒃᑲ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 39:4

ᐃᓴᕆᐊᓕᒥᐅᑦ ᖃᖅᑲᖏᓐᓂ ᑐᖁᑕᐅᔪᒫᕐᐳᑎᑦ, ᐅᓇᑕᕐᑎᒐᓴᒡᔪᐊᑎᓪᓗ ᐃᓄᐃᓪᓗ ᐃᓚᒋᔭᑎᑦ; ᑎᖕᒥᐊᓄᑦ ᖃᓄᐃᑦᑐᑐᐃᓐᓇᕐᓄᑦ ᓂᕿᑐᓲᓕᒫᓄᑦ ᐆᒪᔪᓄᓪᓗ ᓄᔪᐊᕐᑐᓄᑦ ᓂᕆᔭᐅᔪᒫᕐᐳᓯ.

ᐂᒨᓯᐅᑉ ᐊᒡᓚᖏᑦ 3:6

“ᐃᒡᓗᒐᓴᖕᓂ ᑎᑦᑐᓚᐅᑦ ᓂᓪᓕᕐᐸᑦ ᐃᓄᖏᑦ ᑲᑉᐱᐊᓱᒐᔭᓐᖏᓛᑦ? “ᐱᓂᕐᓗᖕᓂᐊᓗᖃᕈᓐᓇᕐᐹ ᐃᒡᓗᒐᓴᖕᓂ, ᐊᑕᓂᖅ ᐱᖁᔨᑎᓐᓇᒍ?

ᐂᒨᓯᐅᑉ ᐊᒡᓚᖏᑦ 8:7

ᐊᑕᓂᖅ ᐊᖏᕈᑎᖃᒻᒪᕆᒃᐳᖅ ᔧᑰᑉ ᑭᖑᕚᖏᑕ ᐱᐅᔪᕆᓂᖓᓂᒃ, “ᓱᓕᓪᓚᕆᒃᓗᖓ ᐱᓂᐊᕐᓂᕆᓯᒪᔭᖏᑦ ᐳᐃᒍᕐᓂᐊᓐᖏᓚᒃᑲ.

ᒫᑎᐅᓯᐅᑉ ᐊᒡᓚᖏᑦ 11:25

ᑍᑦᓱᒪᓂᐅᑎᓪᓗᒍ ᔩᓱᓯ ᐅᖃᕐᐳᖅ, “ᐊᑖᑖᒃ, ᖁᔭᒋᕙᒋᑦ, ᐊᑕᓂᐅᔪᑎᑦ ᕿᓚᖕᒥ ᓄᓇᕐᔪᐊᕐᒥᓗ! ᑕᒪᒃᑯᐊ ᐃᔨᕐᓯᒪᒐᕕᒋᑦ ᓯᓚᑐᔪᓄᑦ ᐃᓕᓯᒪᔪᓄᓪᓗ, ᑕᒪᑐᒥᖓᓕ ᓴᖅᑭᑎᑦᓯᓚᐅᕋᕕᑦ ᓄᑕᖅᑲᑎᑐᑦ ᑍᒤᑦᑐᓄᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 4:28

ᑖᒃᑯᐊ ᑍᒤᓕᐅᓚᐅᕐᐳᑦ ᐋᖅᑭᒃᓯᒪᔭᕇᕐᑍᑦ ᐱᔪᓐᓇᕐᓂᕐᓄᑦ ᐱᓇᓱᐊᕈᒪᓯᒪᔧᑦ ᐱᓂᐊᕈᑎᒋᓪᓗᒍ,

ᐃᐱᓯᒥᐅᓄᑦ 1:9

ᖃᐅᔨᑎᓚᐅᕐᐹᑎᒍᑦ ᓇᓗᓇᕐᑐᒥᒃ ᐃᓱᒪᒋᔭᒥᓂᒃ ᑍᒫᒃ ᖁᕕᐊᒋᔭᒥᒍᑦ ᐱᒋᐊᕐᑎᓚᐅᕐᑕᖓ ᙭ᔅᑑᓯᒃᑯᑦ.

ᐄᑉᕈᐃᓄᑦ 4:3

ᐅᕙᒍᓪᓕ ᐅᒃᐱᓚᐅᕐᑐᒍᑦ ᑕᕾᕐᓯᕐᕕᒃᓴᒧᑦ ᑕᕝᕗᖓ ᐃᑎᕐᓯᒪᕗᒍᑦ, ᐅᖃᕐᓯᒪᖕᒪᑦ, “ᓂᓐᖓᒡᓗᖓ ᐅᖃᕕᓚᐅᕐᐳᖓ, ‘ᑖᒃᑯᐊ ᑕᕾᕐᓯᕐᕕᐅᖁᔭᓐᓄᑦ ᐃᑎᕐᑐᖃᑦᔮᓐᖏᓚᑦ,’” ᑍᒫᒃ ᐅᖃᓚᐅᕐᐳᖅ ᐱᓇᓱᐊᕐᓂᖓ ᐱᔭᕇᕐᓯᒪᒐᓗᐊᕐᑎᓪᓗᒍ ᑍᒪᓐᖓᓂᑦ ᓯᓚᕐᔪᐊᑉ ᐱᓐᖑᕐᑎᑕᐅᓕᕐᓂᖓᓂᑦ.

ᔮᓱᐊᑉ ᐊᒡᓚᖏᑦ 11:20

ᐊᑕᓂᐅᑉ ᐅᓇᑕᕈᒪᑎᓚᐅᕐᐰᑦ ᐃᓴᕆᐊᓕᒥᐅᓂᒃ, ᑐᖁᑕᐅᖁᓪᓗᒋᑦ ᐊᓯᕈᕐᑕᐅᖁᓪᓗᒋᓪᓗ ᓄᖑᑕᐅᓗᑎᒃ, ᑕᒪᓐᓇ ᐊᑕᓂᐅᑉ ᑎᓕᓯᑦᔪᑎᒋᓚᐅᕐᒪᒍ ᒨᓯᓯᒧᑦ.