ᐂᓮᐊᓯᐅᑉ ᐊᒡᓚᖏᑦ 14:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐃᒡᓗᒐᓴᖃᕐᕕᕕᓂᖓ ᐃᓂᒋᔭᐅᓕᕐᑎᑦᓱᒫᕐᐸᕋ ᐆᒪᔪᓄᑦ ᕼᐊᑦᔨᕼᐋᓄᑦ, ᐅᒃᐱᒡᔪᐊᓄᓪᓗ, ᐃᒪᕐᓱᓐᖑᕐᑎᑦᓱᒫᕐᓗᒍᓗ, ᓴᓂᐅᑎᒧᑦ ᐊᓯᕈᐃᔪᒧᑦ ᓴᓂᕈᒫᕐᐸᕋ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 14:23 ပူးပေါင်းရင်းမြစ်များ

ᔨᐸᓁᐊᐅᑉ ᐊᒡᓚᖏᑦ 2:14

ᐆᒪᔪᐃᓪᓗ ᐊᖁᐱᔪᒫᕐᐳᑦ ᑍᑲᓂ ᐆᒪᔪᓕᒫᑦ ᐃᓅᖃᑎᒋᒡᔪᐊᓂᑦ ᐱᔪᑦ. ᑎᖕᒥᐊᓪᓗ ᓱᕋᒃᓯᒪᓂᖏᓐᓂ ᐃᓂᑖᕈᒫᕐᐳᑦ. ᓂᓪᓕᐊᓂᖏᓪᓗ ᐊᑭᐅᕈᒫᕐᐳᑦ ᐃᒐᓛᖏᑎᒍᑦ, ᐃᑎᕆᐊᕐᕕᖏᓪᓗ ᑕᑕᑦᓱᒫᕐᐳᑦ ᓱᕈᕐᓂᒃ. ᐃᒡᓘᓪᓗ ᓴᐅᓂᖏᑦ ᕿᔪᐃᑦ ᓯᑎᔪᔧᑦ ᓴᖅᑭᑦᓱᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:8

ᑕᕝᕙ ᐂᖏᓕᐅᑉ ᐂᑉᐸᖓ ᑭᖑᓂᖓᒍᑦ ᓴᖅᑭᒃᑭᕗᖅ, ᐅᖃᕐᓗᓂᓗ, “ᑲᑕᒃᓯᒪᓕᕐᐳᖅ, ᑲᑕᒃᓯᒪᓕᕐᐳᖅ ᐹᐱᓘᓂ ᐊᔪᖏᑦᑐᕐᔪᐊᖅ, ᐃᓅᖃᑎᒌᒡᔪᐊᓕᒫᓂᒃ ᐃᒥᕐᑎᑦᓯᓯᒪᔪᖅ ᐅᐂᓂᒥᒃ ᓴᓐᖏᔪᒥᒃ ᐃᒃᓯᒎᕐᑎᑦᓯᔪᒥᒃ.”

ᐊᑕᓃᑦ ᓯᕗᓪᓖᑦ 14:10

ᑍᒤᒻᒪᑦ ᑕᑯᒋᑦ, ᐱᐅᖏᑦᑐᒥᒃ ᔨᕈᐳᐊᒻ ᑭᖑᕚᖏᑦ ᑎᑭᑕᐅᑎᓐᓂᐊᕐᐸᒃᑲ, ᐊᖑᑎᓕᒫᓪᓗ ᓄᖑᑕᐅᑎᓪᓗᒋᑦ ᑭᖑᕚᕐᓂᑦ, ᑎᒍᔭᐅᓯᒪᔪᓕᒫᑦ ᑎᒍᔭᐅᓯᒪᖏᑦᑐᓕᒫᓪᓗ ᐃᓴᕆᐊᓕᒥ, ᔨᕈᐳᐊᒻᓗ ᐃᓚᓕᒫᖏᑦ ᓄᖑᑎᓐᓂᐊᕐᐸᒃᑲ, ᐊᓇᕐᑎᑐᑦ ᐃᒋᑕᐅᓪᓗᑎᒃ ᐊᓯᐅᑎᑕᐅᔪᑎᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:2

ᓂᐱᖅᑯᕐᑐᓪᓗᓂᓗ ᐅᖃᕐᐳᖅ, “ᑲᑕᒃᓯᒪᓕᕐᐳᖅ, ᑲᑕᒃᓯᒪᓕᕐᐳᖅ ᐹᐱᓘᓂ ᐊᔪᖏᑦᑐᕐᔪᐊᖅ ᐊᓂᕐᓂᕐᓗᖕᓄᑦ ᓵᑖᓇᓯᒥᓐᖔᕐᑐᓄᑦ ᐃᓂᒋᔭᐅᓕᕐᐳᖅ, ᐊᓂᕐᓂᕐᓄᑦ ᐱᐅᖏᑦᑐᓄᑦ ᖃᓄᐃᑦᑐᑐᐃᓐᓇᕐᓄᑦ, ᐊᓂᕐᓂᕐᓄᑦ ᐱᐅᖏᑦᑐᓄᑦ ᐆᒥᓇᕐᑐᓄᓪᓗ ᑎᖕᒥᐊᓄᑦ ᐃᓂᒋᔭᐅᓕᕐᐳᖅ;

ᐊᑕᓃᑦ ᐂᑉᐸᖏᑦ 21:13

ᔨᕉᓴᓕᒥᐅᑦ ᓱᒋᐊᕈᒫᕐᐸᒃᑲ ᓴᒥᐊᕆᐊᒥᐅᓂᒃ ᓱᒋᐊᕐᓯᓚᐅᕐᓂᑦᑐᑦ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓᑦ ᐂᕼᐊᑉ ᑭᖑᕚᖏᓪᓗ ᐊᑕᕆᓇᒋᑦ ᓱᒋᐊᕐᓯᓚᐅᕐᓂᑦᑐᑦ. ᔨᕉᓴᓕᒻ ᐊᓪᓚᕐᑎᕈᒪᕙᕋ, ᓂᕐᕆᑏᑦ ᐊᓪᓚᕐᑎᕐᑕᐅᓪᓗᓂ ᓴᓗᒻᒪᕐᑕᐅᕙᖕᓂᖓᑐᑦ ᓴᓗᒻᒪᕐᑕᐅᔭᕇᕋᒥ ᐳᓯᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 13:6

“ᓂᐱᖅᑯᕐᑐᓗᓯ ᕿᐊᒋᑦᓯ, ᐊᑕᓂᐅᑉ ᐅᓪᓗᖓ ᖃᒡᓕᓕᕐᒪᑦ; ᐊᔪᒐᖃᖏᑦᑐᕐᔪᐊᑉ ᐊᓯᕈᐃᕕᒃᓴᖓ ᑎᑭᓕᕐᒪᑦ!

ᐂᓮᐊᓯᐅᑉ ᐊᒡᓚᖏᑦ 13:20

ᐃᓄᖃᓚᐅᕐᓯᒪᔪᓐᓃᕈᒫᕐᐳᖅ ᓄᓇᒋᔭᐅᕙᒍᓐᓃᕐᓗᓂᓗ ᑭᖑᕚᕇᓕᒫᓄᑦ, ᐋᕋᑉᒥᐅᓄᑦ ᑐᐱᖃᕐᕕᐅᔪᓐᓇᕈᒫᓐᖏᓚᖅ, ᓰᐱᓕᕆᔩᓪᓗ ᓰᐱᖁᑎᑎᒃ ᑕᒫᓃᑎᑦᓱᓐᓇᕈᒫᓐᖏᓔᑦ.

ᐂᓮᐊᓯᐅᑉ ᐊᒡᓚᖏᑦ 21:1

ᐅᖃᐅᓰᑦ ᐃᓄᖃᔪᐃᑦᑐᖅ ᐃᒪᕕᐅᑉ ᓴᓂᐊᓃᑦᑐᖅ ᐱᓪᓗᒍ, ᐊᓄᕆᕐᔪᐊᑎᑐᑦ ᑬᕙᑦᑐᑎᑐᑦ ᓂᒋᑉᒥᓐᖔᕐᑐᑎᑐᑦ ᓯᐅᕋᕐᔪᐊᑉ ᓄᓇᖓᒍᑦ ᐊᓯᕈᕐᑕᐅᓇᕐᑐᖅ ᑎᑭᐅᑎᔪᒫᕐᐳᖅ ᓄᓇᓂᑦ ᑲᑉᐱᐊᓇᕐᑐᓂᑦ,

ᔨᕆᒤᐊᐅᑉ ᐊᒡᓚᖏᑦ 50:3

“ᐅᓐᓄᐊᓪᓗᐊᑉ ᓇᓛᓂᑦ ᑎᑭᑦᑐᓄᑦ ᐃᓅᖃᑎᒌᒡᔪᐊᓄᑦ ᐅᓇᑕᕐᑕᐅᔪᒫᕐᐳᑦ, ᓄᓇᖓᓗ ᓱᓁᕈᑦᔭᐅᓗᓂ ᓄᓇᒋᔭᐅᔪᓐᓃᕐᑎᑕᐅᔪᒫᕐᐳᖅ ᐃᓄᖕᓄᑦ, ᐆᒪᔪᓪᓗ ᐃᓄᖏᓪᓗ ᑕᒪᕐᒥᒃ ᕿᒫᔪᒫᕐᐳᑦ.”

ᔨᕆᒤᐊᐅᑉ ᐊᒡᓚᖏᑦ 50:26

ᐅᖓᓯᒃᑐᓂᑦ ᐅᐸᒡᓗᒍ, ᐸᐅᕐᖓᒃᓴᒃᑯᕕᖏᑦ ᒪᑐᐃᕐᓯᐅᒃ, ᓂᐊᖂᔭᒃᓴᑎᑐᓪᓗ ᐹᐱᓘᓂᒥᐅᑦ ᐱᖑᐊᕐᔪᓕᐅᕐᓯᒪᑎᓯᐅᒃ, ᐊᒥᐊᒃᑯᖃᖏᓪᓗᒋᑦ ᓄᖑᑕᐅᓕᑦ.

ᔨᕆᒤᐊᐅᑉ ᐊᒡᓚᖏᑦ 51:62

ᐅᖃᕐᓗᑎᓪᓗ, ‘ᐊᑕᓃᖅ, ᐅᖃᓚᐅᕋᕕᑦ ᑖᒃᑯᐊ ᓄᓇᓖᑦ ᐊᓯᕈᕈᒫᕐᓂᕋᕐᓗᒋᑦ ᓇᔪᒐᒃᓴᐅᔪᓐᓃᖁᓪᓗᒋᑦ ᐆᒪᔪᓄᑦ ᐃᓄᖕᓄᓪᓗ, ᓱᓇᖃᕈᓐᓁᕈᒫᕐᒪᑦ ᐃᓱᖃᖏᑦᑐᒧᑦ.’