ᐂᓮᐊᓯᐅᑉ ᐊᒡᓚᖏᑦ 14:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐆᒻᒪᑎᖕᓂ ᐅᖃᓚᐅᕐᐳᑎᑦ, ‘ᕿᓚᖕᒧᑦ ᖁᒻᒧᐊᖕᓂᐊᕐᐳᖓ ᒎᑎᐅᑉ ᐅᓪᓗᕆᐊᖁᑎᖏᑕ ᐅᖓᑖᓄᑦ; ᐃᒃᓯᕙᐅᑕᕐᔪᐊᕋ ᖁᑦᓯᖕᓂᕐᐹᒧᑦ ᐃᓕᔪᒪᕙᕋ; ᐃᒃᓯᕚᕈᒪᓪᓗᖓᓗ ᑲᑎᒪᔪᕐᔪᐃᑦ ᖃᖅᑲᖏᑕ ᖄᖓᓂ, ᖃᖅᑬᑦ ᓵᕘᓂᐅᑉ ᐳᕐᑐᓂᕐᐹᖓᓂ;

ᐂᓮᐊᓯᐅᑉ ᐊᒡᓚᖏᑦ 14:13 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 28:2

“ᐃᓅᑉ ᐃᕐᓂᖓ, ᑍᕆᒥᐅᑦ ᐊᖓᔪᖅᑳᖓ ᐅᖃᐅᑎᒍᒃ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐆᒻᒪᑎᒃᑯᑦ ᐱᐅᔪᕆᒐᕕᑦ, ᐅᖃᓚᐅᕐᐳᑎᑦ, ‘ᒎᑎᐅᕗᖓ, ᒎᑏᑦ ᐃᒃᓯᕙᐅᑕᖏᓐᓂ ᐃᒃᓯᕚᕐᓗᖓ, ᐃᒪᕕᖕᓂᒃ ᐊᕙᑎᒥᐅᑕᖃᕐᑐᒥᒃ,’ ᐃᓄᑐᐃᓐᓇᐅᕗᑎᓪᓕ, ᒎᑎᐅᓇᑎᑦ, ᐃᓕᖕᓂᒃ ᒎᑎᑐᑦ ᓯᓚᑐᓇᓱᒋᒐᓗᐊᕐᐳᑎᑦ;

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:4

ᑕᒤᓐᓂᒃ ᒎᑎᓂᒃ ᑍᔭᐅᔪᓕᒫᓂᒃ ᐊᑭᕋᕐᑐᕐᑐᕐᔪᐊᖅ ᐱᔨᑦᓯᕐᓂᕐᓂᒡᓗ, ᑕᒤᓐᓂᓪᓗ ᐃᒻᒥᓂᒃ ᐊᖏᓂᕐᐸᐅᑎᑦᑐᖅ, ᐊᒡᓛᑦ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓᓂ ᐃᒃᓯᕚᕆᐊᕐᑐᕈᒫᕐᐳᖅ, ᐃᒻᒥᓂᒃ ᒎᑎᐅᓂᕋᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 29:3

ᐅᖃᕐᓗᑎᑦ ᐃᒫᒃ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐰᕉ ᐊᑭᕋᕐᑐᕐᐸᒋᑦ, ᐆᒪᔪᕐᓘᔪᑎᑦ ᑐᕌᒍᓂ ᑰᖕᒥᐅᑕᐅᔪᑎᑦ, ᐅᖃᕐᐸᒃᓗᑎᓪᓗ, ᑰᒑᓗᒃ ᓁᓕ ᓇᖕᒥᓂᕆᕙᕋ ᓴᓇᓚᐅᕋᒃᑯ.’

ᒫᑎᐅᓯᐅᑉ ᐊᒡᓚᖏᑦ 11:23

ᐃᕝᕕᓪᓗ ᑲᐲᕐᓂᐊᒻ! ᐃᓕᖕᓂᒃ ᖃᖓᑦᑕᕐᑎᑦᓱᒪᕖᑦ? ᕿᓚᖕᒧᑦ, ᐃᒋᑕᐅᔪᒫᕐᐳᑎᓪᓕ ᐃᑯᒪᕐᔪᐊᕐᒧᑦ! ᑲᒪᓇᕐᑐᓕᓃᓪᓕ ᐃᓕᑦᓯᓐᓂ ᐱᓂᐊᕐᑕᐅᓚᐅᕐᑐᑦ ᐱᓂᐊᕐᓂᐅᒐᔭᓚᐅᕐᐸᑕ ᓱᑑᒪᒥ, ᓱᑑᒪᒥᐅᑦ ᓱᓕ ᐅᓪᓗᒥ ᓴᖅᑭᔮᕋᔭᕐᐳᑦ!

ᔨᐸᓁᐊᐅᑉ ᐊᒡᓚᖏᑦ 2:15

ᑖᓐᓇ ᐃᒡᓗᒐᓴᒃ ᖁᕕᐊᓱᒃᐳᖅ ᐃᓄᖏᓪᓗ ᐃᓂᓪᓚᖓᑦᓯᐊᕐᐳᑦ, ᐆᒻᒪᑎᒥᒍᑦ ᐅᖃᕐᑐᒧᑦ, “ᑖᓐᓇᐅᕗᖓ, ᐊᓯᓐᓂᒃ ᐱᑕᖃᓐᖏᓚᖅ.” ᖃᓄᐃᒻᒪᓖ ᕿᒪᒃᑕᐅᓯᒪᕚ? ᐆᒪᔪᓕᒫᓄᑦ ᐊᖁᐱᕕᐅᑐᐃᓐᓇᓕᕐᑐᖅ! ᑕᕝᕘᓇ ᐊᖅᑯᓵᕐᑐᓕᒫᑦ ᐅᖃᕐᓂᕐᓘᑎᖃᕈᒫᕐᐳᑦ ᐃᓵᒡᓗᑎᒡᓗ ᐅᕐᓕᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 27:3

ᐅᖃᕐᕕᒋᒃᑭᑦ ᐅᖃᕐᓗᑎᑦ, ᑍᕆᒥᐅᑦ ᐃᒪᐅᑉ ᓯᓈᓃᑦᑐᑦ, ᓂᐅᕕᕆᐊᕐᕕᐅᕙᒃᑐᑦ ᐃᒪᐅᑉ ᓯᓈᓂᕐᒥᐅᓄᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ‘ᑍᕆᒥᐅᖑᔪᓯ ᐅᖃᕐᓯᒪᒐᑦᓯ, “ᐱᐅᓂᕐᐹᖑᕗᒍᑦ.”

ᐂᓮᐊᓯᐅᑉ ᐊᒡᓚᖏᑦ 2:2

ᐅᓪᓗᐃᑦ ᑭᖑᓪᓕᖏᓐᓂ ᐱᔪᖃᕈᒫᕐᐳᖅ ᖃᖅᑲᖅ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᑕ ᐃᓂᖓ ᐳᕐᑐᓂᕐᐸᐅᓕᕈᒫᕐᐳᖅ ᖃᖅᑲᓂᑦ, ᐱᖑᓕᒫᓂᓪᓗ ᐃᓅᖃᑎᒌᒡᔪᐊᓪᓗ ᓇᑭᑐᐃᓐᓈᕐᓯᒪᔪᑦ ᑕᕝᕗᖓ ᐂᔪᒫᕐᐳᑦ ᑰᒃᑐᑎᑐᑦ,

ᐃᓐᖏᕈᑎᑦ 48:2

ᑲᑦᔮᕐᓇᕐᑑᕗᖅ ᖁᑦᓯᒃᑐᒦᓪᓗᓂ, ᓄᓇᕐᔪᐊᕐᒥᐅᓂᑦ ᖁᕕᐊᒋᔭᐅᔪᖅ, ᖃᖅᑲᖅ ᓮᐅᓂ ᐅᓐᓄᐊᑉ ᓇᓛᓃᑦᑐᖅ ᖃᖅᑲᐅᑉ ᐅᕕᖓᓂᖓᓂ ᐅᐊᖕᓇᒥ, ᐊᔪᖏᑦᑑᑉ ᐊᖓᔪᖅᑳᕐᔪᐊᑉ ᐃᒡᓗᒐᓴᒡᔪᐊᖁᑎᖏᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 28:9

ᑐᖁᑦᓯᔭᕐᑐᕐᑐᑦ ᓵᖏᓐᓂ ᓱᓕ ᒎᑎᐅᓂᕋᕈᒫᕐᐲᑦ? ᐃᓄᑐᐃᓐᓇᐅᒐᕕᑦ, ᒎᑎᐅᓇᒡᓗ, ᑐᖁᑦᓯᔭᕐᑐᕐᑐᑦ ᓵᖏᓐᓃᓕᕈᕕᑦ.

ᓘᑲᓯᐅᑉ ᐊᒡᓚᖏᑦ 10:15

ᐃᕝᕕᓪᓗ ᑲᐲᕐᓂᐊᒻ, ᐃᓕᖕᓂᒃ ᖁᕝᕙᕐᑎᑦᓱᒪᕖᑦ ᕿᓚᖕᒧᑦ ᑎᑭᓪᓗᑎᑦ? ᑲᑕᒃᑎᑕᐅᔪᒫᕐᐳᑎᑦ ᑲᑉᐱᐊᓇᕐᑐᕕᖕᒧᑦ!

ᔫᐱᐅᑉ ᐊᒡᓚᖏᑦ 20:6

ᐊᔪᖏᑦᑐᕐᔪᐊᖑᓂᖓ ᕿᓚᖕᒧᑦ ᑎᑭᐅᑎᓯᒪᓕᕋᓗᐊᕈᓂ, ᓂᐊᖁᖓᓗ ᓄᕗᔭᓄᑦ ᑎᑭᐅᑎᓯᒪᓕᕋᓗᐊᕐᐸᑦ,

ᔨᕆᒤᐊᐅᑉ ᐊᒡᓚᖏᑦ 49:16

ᑲᑉᐱᐊᓱᒃᑎᑦᓯᓂᕆᖃᑦᑕᕐᑕᑦᓯᓐᓄᑦ, ᐱᐅᔪᕆᓂᑦᓯᓐᓄᓪᓗ ᐅᐃᕕᕐᕆᔭᐅᕗᓯ, ᐃᓈᕈᐃᑦ ᕾᕈᓱᖏᓐᓂ ᐊᖏᕐᕋᖃᕐᐳᓯ, ᐳᕐᑐᔪᒦᓐᓇᓱᐊᕐᓗᓯᓗ ᐊᖏᕐᕋᖃᕈᒪᓪᓗᓯ ᐳᕐᑐᓂᕐᐹᓃᑦᑐᓂᒃ ᓇᒃᑐᕋᓕᐅᑉ ᐃᕙᕕᖃᕐᕕᖏᑎᑐᑦ, ᐃᓂᒋᔭᑦᓯᓐᓂᑦ ᑲᑕᒃᑎᑦᓱᒫᕐᐸᑦᓯ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 31:10

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓇᐹᕐᑐᖅ ᑕᑭᔫᓕᕋᒥ ᓄᕗᔭᓄᓪᓗ ᑎᑭᐅᒪᔪᓐᓇᓕᕐᓗᓂ, ᐆᒻᒪᑎᖓ ᐱᐅᔪᕆᓕᕐᐳᖅ ᑕᑭᓂᕐᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 40:2

ᒎᑎᐅᑉ ᑕᑯᑎᑕᐅᓂᒃᑯᑦ ᐃᓴᕆᐊᓕᒥᐅᑦ ᓄᓇᖓᓄᐊᕈᑎᕚᖓ, ᖃᖅᑳᓘᓪᓗ ᐳᕐᑐᔫᑉ ᖃᖓᓄᐊᕐᑎᑉᐹᖓ, ᐃᒡᓗᒐᓴᒡᔪᐊᑎᑐᑦ ᓴᓇᓯᒪᔫᔮᕐᑐᓂᒃ ᐊᑭᓪᓗᐊᓐᓂ ᑕᑯᓕᕐᐳᖓ.

ᑖᓂᐊᓕᐅᑉ ᐊᒡᓚᖏᑦ 5:20

ᐊᔪᖏᓐᓇᓱᒋᓕᕐᒪᓪᓕ ᐱᐅᔪᕆᓂᕐᒧᓪᓗ ᓯᑎᔫᓕᕐᒪᑦ, ᐊᖓᔪᖅᑳᕐᔪᐊᑉ ᐃᒃᓯᕙᐅᑕᖓᓂᑦ ᐲᕐᑕᐅᓚᐅᕐᐳᖅ ᐱᐅᒋᔭᐅᓂᖓᓗ ᓄᖑᓚᐅᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 11:36

“ᐊᖓᔪᖅᑳᕐᔪᐊᖅ ᐱᓂᐊᕐᓂᖃᕈᒫᕐᐳᖅ ᖃᓄᑐᐃᓐᓇ ᐱᔪᒪᔭᒥᓂᒃ, ᐃᒻᒥᓂᒃ ᐊᖏᔪᕈᕐᑎᑦᓱᒫᕐᒪᑦ ᓂᕐᑐᕐᑕᐅᔪᒪᓗᓂᓗ ᒎᑎᓐᖑᐊᓕᒫᓂᑦ ᐊᖏᓂᕐᓴᐅᔪᒪᓗᓂ; ᑐᓴᕐᑕᐅᓚᐅᕐᓯᒪᖏᑦᑐᓂᒃ ᓂᓪᓕᐊᔪᒫᕐᐳᖅ ᒎᑎᒋᔭᐅᔪᓕᒫᓂᑦ ᒎᑎᐅᓂᕐᐹᖑᔪᒧᑦ, ᐱᓇᓱᐊᕈᒪᔭᓕᒫᒥᓂᒃ ᐊᒡᕕᐊᕐᑕᐅᖏᓪᓗᓂ ᐃᓱᒪᕐᓱᕈᒫᕐᐳᖅ ᓇᓪᓕᐅᓐᓂᖅ ᒎᑎᐅᑉ ᓂᓐᖓᐅᒪᓂᖓ ᐃᓱᓕᖅᑳᕐᑎᓐᓇᒍ, ᐋᖅᑭᒃᑕᐅᓯᒪᔪᑦ ᑲᔪᓯᔭᕆᐊᖃᕐᒪᑕ.

ᐅᐸᑍᐊᑉ ᐊᒡᓚᖏᑦ 1:3

ᐆᒻᒪᑎᕕᑦ ᐱᐅᔪᕆᓂᖓᑕ ᐅᐃᕕᕆᕚᑎᑦ, ᐃᕝᕕᑦ ᐃᓂᖃᕐᑐᑎᑦ ᕾᕐᑑᑉ ᖁᖕᓇᔪᖏᓐᓂ; ᐳᕐᑐᔪᒥ ᐃᓂᖃᕐᑐᑎᑦ; ᐆᒻᒪᑎᖕᓂ ᐅᖃᕐᑐᑎᑦ: ‘ᑭᐊ ᓄᓇᒧᑦ ᑲᑕᒃᑎᑦᓱᓐᓇᕐᐹᖔ?’