ᐂᓮᐊᓯᐅᑉ ᐊᒡᓚᖏᑦ 12:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᑎᑦ: “ᐊᑕᓂᖅ ᓂᕐᑐᕐᑕᐅᓕ, ᐊᑎᖓ ᑍᓗᒍ ᑐᒃᓯᐊᕐᕕᒋᓯᐅᒃ; ᐱᓂᐊᕐᓂᖏᑦ ᐅᖃᐅᓯᕆᓗᒋᑦ ᐃᓅᖃᑎᒌᒡᔪᐊᓄᑦ, ᐊᑎᖓ ᐊᖏᔪᕈᕐᑎᓪᓗᒍ ᐅᖃᐅᓯᕆᓯᐅᒃ.

ᐂᓮᐊᓯᐅᑉ ᐊᒡᓚᖏᑦ 12:4 ပူးပေါင်းရင်းမြစ်များ

ᐃᓐᖏᕈᑎᑦ 105:1

ᐊᑕᓂᖅ ᖁᔭᒋᓯᐅᒃ! ᐊᑎᖓ ᑐᒃᓯᐊᕐᕕᒋᓗᒍ; ᐱᓂᐊᕐᓂᕆᓯᒪᔭᖏᑦ ᐅᖃᐅᓯᐅᓕᑦ ᐃᓄᖕᓄᑦ!

ᑯᕉᓂᑲ ᓯᕗᓪᓖᑦ 29:11

ᐊᑕᓃᖅ ᐱᒋᒐᕕᒋᑦ ᐊᖏᔪᕐᔪᐊᖑᓂᖅ, ᐱᔪᓐᓇᕐᓂᕐᓗ, ᓂᕐᑐᕐᓇᕐᓂᖅ, ᓵᓚᖃᕐᓂᕐᓗ, ᐊᖓᔪᖅᑲᐅᓂᕐᓗ; ᕿᓚᖕᒦᑦᑐᓕᒫᑦ ᓄᓇᒦᑦᑐᓕᒫᓪᓗ ᐱᒋᒐᕕᒋᑦ; ᐊᑕᓂᐅᓂᖅ ᐱᒋᒐᕕᐅᒃ, ᐊᑕᓃᖅ, ᐊᖏᒡᓕᑎᑕᐅᕗᑎᑦ ᐊᖓᔪᖅᑳᕐᔪᐊᖑᓪᓗᑎᓪᓗ ᑕᒤᓐᓄᓕᒫᖅ.

ᐂᓮᐊᓯᐅᑉ ᐊᒡᓚᖏᑦ 25:1

ᐊᑕᓃᖅ ᒎᑎᒋᕙᒋᑦ, ᐊᖏᔪᕈᕐᑎᑦᓱᒪᕙᒋᑦ ᐊᑏᓪᓗ ᓂᕐᑐᕈᒪᕙᕋ; ᐱᓇᓱᐊᕐᓯᒪᒐᕕᑦ ᑲᒪᓇᕐᑐᓂᒃ; ᓱᕐᕋᓚᐅᕐᓯᒪᓇᒃ ᐃᓱᒪᒋᓯᒪᔭᑎᑦ ᐊᑯᓂᓂᑦ ᑲᔪᓯᑎᓯᒪᒐᕕᒋᑦ.

ᔪᐊᓇᓯᐅᑉ ᐊᒡᓚᖏᑦ 17:26

ᑖᒃᑯᓄᖓ ᖃᐅᔨᔭᐅᑎᑉᐸᒋᑦ, ᓱᓕ ᖃᐅᔨᑎᑉᐸᓕᐊᔪᒪᕙᒃᑲ, ᓇᒡᓕᖕᓂᖅ ᓇᒡᓕᖕᓂᕆᔧᑦ ᐅᕙᓐᓄᑦ ᐃᓗᖏᓐᓃᖁᓪᓗᒍ, ᐅᕙᖓᓗ ᐃᓗᖏᓐᓃᓪᓗᖓ.”

ᔨᕆᒤᐊᐅᑉ ᐊᒡᓚᖏᑦ 50:2

“ᐃᓅᖃᑎᒌᒡᔪᐊᓂ ᐅᖃᐅᑎᒋᓯᐅᒃ ᑐᓴᕐᑕᐅᑎᓪᓗᒍᓗ, ᓇᓗᓁᒃᑯᑕᖃᕐᓗᓯ ᐅᖃᐅᓯᕆᓯᐅᒃ, ᑐᓴᕐᑕᐅᔭᕆᐊᓖᑦ ᐅᖃᐅᑎᒋᔧᓐᓇᕆᓯᐅᒃ ᐅᖃᕐᓗᓯᓗ, ᐹᐱᓘᓂᒥᐅᑦ ᓵᓚᐅᓗᑎᒃ ᑎᒍᔭᐅᓂᐊᕐᐳᑦ, ᒎᑎᖓᑦ ᐱᐊᓪ ᑲᓐᖑᓱᒃᑎᑕᐅᓂᐊᕐᐳᖅ, ᒎᑎᖓᓪᓗ ᒥᕈᑖᒃ ᑲᑉᐱᐊᓱᒃᑎᑕᐅᓂᐊᕐᐳᖅ, ᐊᑦᔨᖏᓪᓗ ᓴᓇᔭᐅᓯᒪᔪᑦ ᑲᓐᖑᓇᕐᑐᒥᒃ ᐊᑐᕐᓂᐊᕐᐳᑦ, ᒎᑎᒋᔭᓕᒫᖏᑦ ᑲᑉᐱᐊᓇᕐᑐᒦᑎᑕᐅᓂᐊᕐᐳᑦ!

ᐃᓐᖏᕈᑎᑦ 57:5

ᐊᖏᔪᕈᕐᑎᑕᐅᓕᕆᑦ, ᒎᑏ, ᕿᓔᑦ ᖁᓛᓄᑦ; ᓂᕐᑐᕐᓇᕐᓃᑦ ᐅᓕᒃᓯᓕᕐᓕ ᓄᓇᕐᔪᐊᕐᒥᒃ.

ᐃᓐᖏᕈᑎᑦ 18:46

ᐊᑕᓂᖅ ᐃᓅᕗᖅ! ᕾᕐᑐᕋ ᓂᕐᑐᕐᑕᐅᓕ! ᐱᐅᓕᔭᐅᓂᕐᒪ ᒎᑎᖓ ᐊᖏᔪᕈᕐᑎᑕᐅᓕ.

ᓂᕼᐃᒤᐊᐅᑉ ᐊᒡᓚᖏᑦ 9:5

ᐅᑯᐊ ᓕᕔᑎᑦ ᑐᒃᓯᐊᕐᑎᑦᓯᓚᐅᕐᐳᑦ: ᔩᓱᐊ, ᑲᑦᒤ-ᓕ, ᐹᓂ, ᕼᐊᓴᑉᓂᐊ, ᓯᕆᐰᐊ, ᕼᐅᑍᐊ, ᓯᐸᓁᐊ, ᐱᑕᕼᐂᐊᓗ, ᐅᖃᕐᓗᑎᒃ: “ᓂᑯᕕᓪᓗᓯ ᐊᑕᓂᖅ ᓂᕐᑐᕐᓯᐅᒃ ᒎᑎᑦᓯ ᓂᕐᑐᕐᓯᐅᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ! ᐃᓘᓐᓇᓯ ᐊᑎᖓᑕ ᓂᕐᑐᕐᓇᕐᓂᖓ ᓂᕐᑐᕐᓯᐅᒃ, ᑕᒤᓐᓂᑦᓯᐊᖅ ᐊᖏᓂᕐᐸᐅᔪᖅ ᓂᕐᑐᕐᓇᕐᑎᑕᐅᓕ ᓂᕐᑐᕐᑕᐅᓗᓂᓗ!”

ᒨᓯᓯ ᐂᑉᐸᖏᑦ 33:19

ᐊᑕᓂᐅᑉ ᑭᐅᕚ, “ᑕᑯᒥᓇᕐᓂᕐᔪᐊᕋ ᐊᑕᖏᕐᓗᒍ ᐃᓕᖕᓄᑦ ᐊᖅᑯᓵᕐᑎᓐᓂᐊᕐᐸᕋ, ᐊᑎᕐᒪᓗ ᐃᑦᔪᕐᓁᓐᓂᖓ ᐅᖃᐅᓯᕆᓂᐊᕐᐸᕋ ᐃᓕᖕᓄᑦ. ᐊᑕᓂᐅᒐᒪ, ᐱᑦᓯᐊᕐᕕᒋᔪᒪᔭᓐᓄᑦ ᐱᑦᓯᐊᕐᐸᒃᐳᖓ, ᓂᑲᒋᔪᒪᔭᓐᓄᓪᓗ ᓂᖃᒍᓱᒃᐸᒃᓗᖓ.

ᒨᓯᓯ ᐂᑉᐸᖏᑦ 15:2

ᐊᑕᓂᖅ ᐱᔪᓐᓇᐅᑎᒋᕙᕋ ᐃᓐᖏᕈᑎᒋᓪᓗᒍᓗ, ᐱᐅᓕᔨᒋᓕᕐᓗᒍᓗ; ᑖᓐᓇ ᒎᑎᒋᕙᕋ, ᓂᕐᑐᕐᓂᐊᕐᐸᕋᓗ, ᐊᑖᑕᒪ ᒎᑎᖓ, ᑖᓐᓇ ᐊᖏᔪᕈᕐᑎᓐᓂᐊᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 66:19

ᓇᓗᓁᒃᑯᑕᖃᕐᑎᑦᓯᔪᒫᕐᐳᖓᓗ ᑖᒃᑯᓇᓂ. “ᑖᒃᑯᓇᓐᖓᓪᓗ ᐊᒥᐊᒃᑰᔪᓂᒃ ᐊᐅᓪᓚᕈᑦᔭᐅᑎᑦᓯᔪᒫᕐᐳᖓ, ᓄᓇᓕᖕᓄᑦ ᑖᕐᓯᓯᒧᑦ, ᓄᓇᓕᖕᓄᓪᓗ ᐴᓕᒧᑦ, ᓗᑦᒧᓪᓗ, ᐱᑎᒃᓯᒥᖕᓂᒃ ᐅᕐᓕᕐᑐᕐᑐᓄᑦ ᑐᐸᐅᓪᒥᐅᓄᑦ, ᔭᕚᓇᒥᐅᓄᓪᓗ, ᐃᒪᐅᓪᓗ ᓯᓈᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐅᖃᐅᑎᒋᔭᐅᓂᓐᓂᒃ ᑐᓴᓚᐅᕐᓯᒪᖏᑦᑐᓄᑦ ᓂᕐᑐᕐᓇᕐᓂᕐᔪᐊᓐᓂᒡᓗ ᑕᑯᓚᐅᕐᓯᒪᖏᑦᑐᓄᑦ; ᑖᒃᑯᐊᓗ ᓂᕐᑐᕐᓇᕐᓂᕐᔪᐊᕋ ᐅᖃᐅᑎᒋᔪᒫᕐᐹᑦ ᐃᓅᖃᑎᒌᒡᔪᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 33:5

ᐊᑕᓂᖅ ᐊᖏᔪᕈᕐᑎᑕᐅᕗᖅ, ᖁᑦᓯᒃᑐᒥ ᐃᓂᖃᕐᒪᑦ; ᓮᐅᓂ ᑕᑕᑎᑦᓱᒫᕐᐹ ᐊᑦᔨᒌᒃᑎᑦᓯᓂᕐᒥᒃ ᓇᓛᒎᑦᓯᐊᕐᓂᕐᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 24:15

ᑍᒤᒻᒪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᒥᐅᑦ ᐊᑕᓂᕐᒥᒃ ᓂᕐᑐᐃᔪᒫᕐᐳᑦ, ᐃᒪᕐᔪᐃᑦ ᓯᓈᓂ ᓄᓇᖃᕐᑐᑦ ᐊᑕᓂᕐᒥᒃ ᓂᕐᑐᐃᓕᕈᒫᕐᐳᑦ ᐃᓴᕆᐊᓕᒥᐅᑦ ᒎᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 12:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᓯ: “ᐊᑕᓃᖅ, ᓂᕐᑐᕐᓂᐊᕐᐸᒋᑦ; ᐅᕙᑦᑎᓐᓄᑦ ᓂᓐᖓᐅᒪᓚᐅᕋᓗᐊᕋᕕᑦ, ᑕᕝᕙ ᓂᓐᖓᐅᒪᓃᑦ ᓴᖑᓚᐅᕐᒪᑦ, ᓮᒻᒪᕐᑎᓚᐅᕐᐸᑦᑎᒍᓪᓗ.

ᐂᓮᐊᓯᐅᑉ ᐊᒡᓚᖏᑦ 2:17

ᐃᓅᓪᓗ ᐱᐅᔪᕆᓂᖓ ᒥᑭᒡᓕᑎᑦᓱᒫᕐᐹ, ᐃᓄᐃᓪᓗ ᐱᐅᔪᕆᓂᖏᑦ ᒥᑭᔪᕈᕐᑎᓪᓗᒋᑦ; ᐊᑕᓂᖅ ᑖᓐᓇᑐᐊᖅ ᐊᖏᔪᕈᕐᑎᑕᐅᔪᒫᕐᐳᖅ ᐅᓪᓗᒥ ᑖᑦᓱᒪᓂ.

ᐂᓮᐊᓯᐅᑉ ᐊᒡᓚᖏᑦ 2:11

ᐊᖑᑎᐅᑉ ᐱᐅᔪᕆᓂᕐᒧᑦ ᑕᑯᔭᐅᑎᓐᓇᓱᐊᕐᓂᖓ ᒥᒃᓕᓕᕐᑎᑕᐅᔪᒫᕐᐳᖅ, ᐃᓄᐃᓪᓗ ᐱᐅᔪᕆᔪᑦ ᒥᑭᒡᓕᑎᑕᐅᓗᑎᒃ, ᐊᑕᓂᖅ ᑖᓐᓇᑐᐊᖅ ᐊᖏᒡᓕᑎᑕᐅᔪᒫᕐᐳᖅ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ.

ᐃᓐᖏᕈᑎᑦ 113:5

ᑭᓇ ᐊᑦᔨᖃᕐᐸ ᐊᑕᓂᕐᒥᒃ ᒎᑎᑦᑎᓐᓂᒃ? ᖁᑦᓯᒃᑐᒥ ᐃᓂᖃᕐᑐᒥᒃ,

ᐃᓐᖏᕈᑎᑦ 107:22

ᑐᓂᕐᕈᓯᕐᑐᒃᓴᐅᕗᑦ ᖁᔭᓕᑦᔪᑎᒃᓴᒧᑦ ᑐᓂᕐᕈᓯᕐᓂᕐᒥᒃ, ᐱᓂᐊᕐᓂᖏᓪᓗ ᐅᓂᒃᑲᐅᑎᒋᓗᒋᑦ ᐃᓐᖏᕐᓂᐊᕐᐳᑦ ᖁᕕᐊᓱᒡᓗᑎᒃ.

ᐃᓐᖏᕈᑎᑦ 97:9

ᐊᑕᓃᖅ, ᖁᑦᓯᖕᓂᕐᐹᖑᕗᑎᑦ ᓄᓇᕐᔪᐊᓕᒫᒥᑦ; ᐊᖏᓂᕐᐸᐅᓪᓗᑎᓪᓗ ᒎᑎᒋᔭᐅᔪᓕᒫᓂᑦ.

ᐃᓐᖏᕈᑎᑦ 96:3

ᑖᑦᓱᒪ ᓂᕐᑐᕐᓇᕐᓂᖓ ᐃᓅᖃᑎᒌᒡᔪᐊᓄᑦ ᐅᖃᐅᑎᒋᓯᐅᒃ, ᑲᒪᓇᕐᑐᓕᓂᖏᓪᓗ ᐃᓅᖃᑎᒌᒡᔪᐊᓕᒫᓄᑦ!

ᐃᓐᖏᕈᑎᑦ 73:28

ᐅᕙᓐᓄᓪᓕ ᐱᐅᕗᖅ ᒎᑎᒧᑦ ᖃᓂᑦᑑᓗᖓ; ᐊᑕᓂᖅ ᒎᑎ ᕿᒫᕕᒃᓴᓕᐊᕆᓯᒪᒐᒃᑯ, ᐅᖃᐅᓯᖃᕈᓐᓇᖁᓪᓗᖓ ᐱᓇᓱᐊᕐᓂᕆᓯᒪᔭᓕᒫᕐᓂᒃ.

ᐃᓐᖏᕈᑎᑦ 46:10

ᓄᖅᑲᕐᓗᓯ, ᖃᐅᔨᓕᕆᑦᓯ ᒎᑎᐅᒐᒪ; ᐃᓅᖃᑎᒌᒡᔪᐊᓂᑦ ᐊᖏᔪᕈᕐᑎᑕᐅᔪᒫᕋᒪ, ᓄᓇᕐᔪᐊᒥ ᐊᖏᔪᕈᕐᑎᑕᐅᔪᒫᕐᐳᖓ.

ᐃᓐᖏᕈᑎᑦ 40:5

ᐊᑕᓃᖅ, ᒎᑎᒐ, ᐱᓂᐊᕐᓂᑎᑦ ᑲᒪᓇᕐᑐᑦ ᐅᓄᕐᑑᕗᑦ, ᐱᓂᐊᕐᓂᕆᖃᑦᑕᕐᓯᒪᔭᑎᑦ. ᐅᕙᑦᑎᓐᓂᒡᓗ ᐃᓱᒪᓕᐅᕈᑎᖃᕐᓂᑎᑦ ᐃᓕᖕᓄᑦ ᑭᖑᓕᕇᒃᓗᑎᒃ ᐃᖅᑲᐅᒪᔭᐅᔪᓐᓇᓐᖏᓚᑦ; ᓇᓗᓁᕋᓱᐊᕈᒃᑭᑦ ᐅᖃᐅᓯᕆᓗᒋᓪᓗ, ᐅᓄᓗᐊᕐᒪᑕ ᓈᓴᕐᑕᐅᔪᓐᓇᖏᓚᑦ.

ᐃᓐᖏᕈᑎᑦ 34:3

ᐃᓚᒋᓗᖓ ᐊᑕᓂᖅ ᐊᖏᔪᕈᕐᑎᓯᐅᒃ, ᐊᑎᖓ ᐊᑕᐅᑦᓯᒃᑯᑦ ᐊᖏᔪᕈᕐᑎᓪᓚᕗᑦ.

ᐃᓐᖏᕈᑎᑦ 22:31

ᕾᔪᒫᕐᐳᑦ ᐃᓱᐊᕐᓂᖓᓗ ᐅᓂᒃᑲᐅᑎᒋᓗᒍ, ᐃᓅᖃᑎᒌᓄᑦ ᓯᕗᓂᕐᒥ ᐃᓅᔪᒫᕐᑐᓄᑦ, ᑍᒫᒃ ᐱᓂᐊᓚᐅᕐᓂᕋᕐᓗᒍ.

ᐃᓐᖏᕈᑎᑦ 21:13

ᐊᑕᓃᖅ, ᐊᖏᔪᕈᕐᑎᑕᐅᓕᕆᑦ, ᓴᓐᖏᔫᓃᑦ ᐱᓪᓗᒍ! ᐅᕙᒍᑦ ᐃᓐᖏᕐᓂᐊᕐᐳᒍᑦ ᐱᔪᓐᓇᕐᓃᑦ ᓂᕐᑐᕐᓗᒍ.

ᐃᓐᖏᕈᑎᑦ 9:11

ᐊᑕᓂᖅ ᓂᕐᑐᕈᑎᓂᒃ ᐃᓐᖏᕐᕕᒋᓯᐅᒃ, ᓮᐅᓂᒥ ᐃᓂᖃᕐᑐᖅ: ᐱᓂᐊᕐᓂᖏᓪᓗ ᐃᓄᖕᓄᑦ ᐅᖃᐅᑎᒋᓕᕐᓯᐅᒃ.

ᑯᕉᓂᑲ ᓯᕗᓪᓖᑦ 16:8

ᐊᑕᓂᖅ ᖁᔭᒋᓯᐅᒃ, ᐊᑎᖓ ᑐᒃᓯᐊᕐᕕᒋᓗᒍ, ᐱᓂᐊᕐᓂᕆᓯᒪᔭᖏᑦ ᐅᖃᐅᓯᐅᓕᑦ ᐃᓄᖕᓄᑦ!

ᐃᓐᖏᕈᑎᑦ 148:13

ᑖᒃᑯᐊ ᐊᑕᓂᐅᑉ ᐊᑎᖓ ᓂᕐᑐᕐᓕᑦᔪᒃ, ᑖᑦᓱᒪ ᐊᑎᖓ ᑕᒤᓐᓂᑦ ᐊᖏᓂᕐᐸᐅᖕᒪᑦ; ᓂᕐᑐᕐᓇᕐᓂᖓᓗ ᖁᑦᓯᖕᓂᕐᓴᐅᕗᖅ ᓄᓇᕐᔪᐊᕐᒥᑦ ᕿᓚᖕᒥᓪᓗ.

ᐂᓮᐊᓯᐅᑉ ᐊᒡᓚᖏᑦ 26:8

ᓱᓕᔪᒃᑯᑦ ᐃᖅᑲᕐᑐᐃᓂᕐᐱᑦ ᐊᖅᑯᑎᖓᒍᑦ, ᐊᑕᓃᖅ ᐅᑕᖅᑭᕙᑦᑎᒋᑦ; ᐊᑎᕐᓂᒡᓗ ᐃᖅᑲᐅᒪᓂᖅ ᑕᕐᓂᑦᑕ ᐱᔪᒪᔭᑐᐊᕆᕚ.

ᐂᓮᐊᓯᐅᑉ ᐊᒡᓚᖏᑦ 42:12

ᐊᑕᓂᖅ ᓂᕐᑐᕐᓕᑦᔪᒃ, ᓂᕐᑐᕐᓇᕐᓂᖓ ᓇᓗᓁᕐᓕᑦᔪᒃ ᐃᒪᐅᑉ ᓯᓈᓂ ᓄᓇᖃᕐᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 48:20

ᐹᐱᓘᓂᒥᑦ ᐊᐅᓪᓚᓕᕆᑦᓯ! ᑲᐅᓪᑎᐊᒥᐅᓂᒃ ᕿᒫᓕᕆᑦᓯ! ᑕᒪᓐᓇ ᐃᓐᖏᕈᑎᒋᓯᐅᒃ ᓂᐱᖅᑯᕐᑐᓗᓯ ᖁᕕᐊᓱᖕᓂᕐᒧᑦ, ᓇᓗᓁᕐᓯᐅᒃ ᑐᓴᕐᑕᐅᑎᓪᓗᒍ ᓄᓇᕐᔪᐊᑉ ᑭᒡᓕᖏᓐᓄᑦ; ᐅᖃᕐᓗᓯ, “ᐊᑕᓂᐅᑉ ᐱᔨᓂ ᔧᑯ ᐃᒻᒥᓄᑦ ᐅᑎᕐᑎᑉᐹ!”

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᐃᓐᖏᕈᑎᑦ 68:5

ᐊᑖᑕᖃᖏᑦᑐᑦ ᐊᑖᑕᖓᑦ, ᐅᐃᒡᒐᕐᓃᑦ ᓴᐳᑦᔨᔨᖓᑦ, ᒎᑎ ᐃᓂᒋᔭᒥᓃᑉᐳᖅ ᐃᑦᔪᕐᓁᑦᑐᒥ.