ᐂᓮᐊᓯᐅᑉ ᐊᒡᓚᖏᑦ 11:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᓱᐊᕐᑐᓕᓂᒃᑯᑦ ᐊᔪᕐᓴᕐᑐᑦ ᐊᑦᔨᒌᒃᑎᑦᓱᒫᕐᐰᑦ ᐊᑦᔨᒌᒃᑎᑦᓯᓂᕐᒥᒍᓪᓗ ᐱᓇᓱᐊᕐᕕᖃᕈᒫᕐᐳᖅ ᓄᓇᒥ ᒥᑭᒡᓕᑎᕐᓯᒪᔪᓂᒃ; ᓄᓇ ᐊᓇᐅᔪᒫᕐᐹ ᐊᓇᐅᑕᕐᒧᑦ ᖃᓂᕐᒥᓂᑦ ᐱᔪᒧᑦ, ᖃᓂᖓᑕᓗ ᓱᐱᓯᓂᖓᓄᑦ ᐊᔪᕐᑐᓕᔪᑦ ᑐᖁᑦᓱᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 11:4 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 8:15

ᑕᕝᕙ ᑍᕕᑎ ᐊᐅᓚᑦᓯᓕᓚᐅᕐᐳᖅ ᐃᓴᕆᐊᓕᓕᒫᒥᒃ; ᐃᓄᓕᒫᖏᓪᓗ ᑲᒪᒋᔭᐅᑦᓯᐊᕐᑎᓚᐅᕐᐰᑦ ᐱᑦᓯᐊᕐᑕᐅᑎᓪᓗᒋᓪᓗ.

ᔫᐱᐅᑉ ᐊᒡᓚᖏᑦ 15:30

ᑖᕐᑐᕐᔪᐊᒥᑦ ᐊᓂᔪᓐᓇᕐᓂᐊᓐᖏᓚᖅ, ᓇᐹᕐᑐᑎᑐᑦ ᐊᕙᓚᖓᔪᖏᑦ ᐃᑯᐊᓪᓚᒃᓯᒪᔪᑎᑐᑦ ᑍᒤᑉᐳᖅ, ᐱᕈᕐᑐᖏᓪᓗ ᐊᓄᕆᒧᑦ ᑎᒃᑕᐅᔪᒫᕐᐳᑦ.

ᔫᐱᐅᑉ ᐊᒡᓚᖏᑦ 4:9

ᒎᑎᐅᑉ ᐊᓂᕐᓂᖓᓄᑦ ᐊᓯᕈᕐᑕᐅᓯᒪᕗᑦ, ᓂᓐᖓᐅᓯᖓᑕᓗ ᐊᓂᕐᓵᕐᕕᒋᖕᒪᒋᑦ ᓄᖑᑕᐅᕗᑦ.

ᐃᓐᖏᕈᑎᑦ 110:2

ᐊᑕᓂᐅᑉ ᑎᒃᑯᐊᕐᓯᑦᔪᑎᒥᒃ ᑐᓂᓯᕕᒋᓂᐊᕐᐹᑎᑦ ᓮᐅᓂᒥᑦ ᐱᔪᒥᒃ ᐊᐅᓚᑦᓯᔪᓐᓇᐅᑎᒃᓴᕐᓂᒃ. ᐊᐅᓚᑦᓯᖁᓪᓗᑎᑦ ᐆᒥᒋᔨᕕᑦ ᐊᑯᕐᖓᓐᓂ.

ᐃᓐᖏᕈᑎᑦ 18:8

ᐳᔪᖅ ᐊᓂᕗᖅ ᓱᕐᓗᖏᖕᓂᑦ, ᐃᑯᒪᓗ ᓄᖒᑦᓯᔪᖅ ᖃᓂᖓᓂᑦ ᐊᓂᕗᖅ; ᐊᐅᒤᓪᓗ ᐃᑯᒪᔪᑦ ᑕᕝᕙᓐᖓᑦ ᐱᕗᑦ.

ᐃᓐᖏᕈᑎᑦ 2:9

ᑖᒃᑯᐊ ᓯᖁᒥᑦᓱᒫᕐᐸᑎᑦ ᐊᓇᐅᑕᕐᒧᑦ ᓴᕕᕋᔭᖕᒧᑦ, ᓯᖁᑦᑎᕐᓗᒋᓪᓗ ᒪᕐᕋᖁᑎᓕᐅᑉ ᐃᓗᓕᖁᑎᖓᑕ ᓯᖁᒥᑕᐅᓂᖓᑐᑦ.”

ᐃᓐᖏᕈᑎᑦ 76:10

ᐃᓄᐃᑦ ᓂᓐᖓᖕᓂᖏᑦ ᐃᓕᖕᓂᒃ ᓂᕐᑐᕐᓇᕐᓯᑎᑦᓯᔪᒃᓴᐅᕗᑦ; ᓂᓐᖓᐅᒪᓂᕐᓂᑦ ᐊᓐᓇᒃᑐᑦ ᐃᓕᖕᓂᒃ ᑕᑦᓯᕈᓯᕐᓯᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 1:17

ᐊᑲᐅᔪᒥᒃ ᐃᓕᓐᓂᐊᓕᕆᑦᓯ, ᐸᓯᔭᐅᓐᓇᖏᑦᑐᒥᒃ ᕿᓂᕆᑦᓯ, ᓵᓚᓯᐊᖃᕐᓂᖅ ᐋᖅᑭᒋᐊᕐᓗᒍ; ᐃᓕᐊᕐᔪᐃᑦ ᓴᐳᓐᓂᐊᕐᓗᒋᑦ, ᐅᐃᒡᒐᕐᓃᓪᓗ ᐃᑲᔪᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 13:11

“ᓄᓇᕐᔪᐊᖅ ᓱᒋᐊᕈᒫᕐᐸᕋ ᐊᔪᕐᑐᓕᓃᑦ ᐱᓪᓗᒋᑦ, ᐱᐅᖏᑦᑐᓕᔪᓪᓗ ᐱᐅᖏᑦᑐᓕᓂᖏᑦ ᐱᓪᓗᒋᑦ; ᐱᐅᔪᕆᔪᑦ ᑲᑉᐱᐊᒋᔭᐅᔪᒪᓂᖏᑦ ᐃᓱᓕᑎᑦᓱᒫᕐᐸᒃᑲ, ᒥᑭᒡᓕᑎᓪᓗᒋᓪᓗ ᐊᔪᖏᓐᓇᓱᒋᔪᑦ ᓂᑲᒍᓱᖃᖏᓐᓂᖏᑦ.

ᐂᓮᐊᓯᐅᑉ ᐊᒡᓚᖏᑦ 14:30

ᐊᒃᓗᔪᓂᑦ ᐊᔪᕐᓴᕐᓂᕐᐹᑦ ᐃᕐᓂᐊᖑᖅᑳᕐᑐᖁᑎᖏᑦ ᓂᕆᓇᓱᐊᕈᒫᕐᐳᑦ, ᐊᔪᕐᓴᕐᑐᓪᓗ ᓇᓚᔪᒫᕐᐳᑦ ᓯᕘᕋᒋᔭᖃᖏᓪᓗᑎᒃ; ᑐᓐᖓᕕᒃᓯᓕ ᑐᖁᑦᓱᒫᕐᐸᒃᑲ ᑳᖕᓇᕐᑐᕐᔪᐊᒧᑦ, ᐊᒥᐊᒃᑯᖏᓪᓗ ᑐᖁᕋᕈᒫᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 16:5

ᑕᕝᕙ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ ᐊᖓᔪᖅᑳᕐᔪᐊᕐᑖᕈᒪᕐᐳᑦ, ᐃᓄᖁᑎᓂᓗ ᐊᐅᓚᑦᓱᒫᕐᐰᑦ ᓱᕐᕋᔪᐃᑦᑐᒥᒃ ᓇᒡᓕᖕᓂᕐᒧᑦ, ᐃᓱᐊᕐᑐᒥᒃ ᐱᓇᓱᐊᕈᒫᕐᐳᖅ ᑕᒪᕐᒥᒡᓗ ᐊᑦᔨᒌᑦᓯᐊᕐᑐᒥᒃ ᐱᓇᓱᐊᕐᕕᐅᑎᑦᓱᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 2:4

ᐃᓅᖃᑎᒌᒡᔪᐊᓪᓗ ᐊᑭᕋᕐᑐᕐᑎᒌᒃᑐᑦ ᐊᑭᕋᕐᑐᕐᑎᒌᒍᓐᓃᕐᑎᑦᓱᒫᕐᐰᑦ, ᓴᕕᒡᔪᐊᑎᒡᓗ ᑲᐅᒐᕐᓗᒋᑦ ᓄᓇᒥᒃ ᒪᒃᐱᕐᑎᕆᑦᔪᑎᓐᖑᕐᑎᑦᓱᒫᕐᐰᑦ, ᖃᓗᒋᐊᑎᒡᓗ ᓇᐹᕐᑑᑉ ᓄᕗᖏᓐᓂᒃ ᑭᓪᓗᐃᑦᔪᑎᒃᓴᓐᖑᕐᑎᓪᓗᒋᑦ. ᐃᓅᖃᑎᒌᒡᔪᐊᓪᓗ ᐅᓇᑕᖃᑦᑕᕈᓐᓃᕈᒫᕐᐳᑦ ᐅᓇᑕᕆᐊᕐᐸᒍᓐᓃᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 26:6

ᐅᖁᒤᒃᓴᕐᑎᓚᐅᕐᑕᖏᓐᓄᑦ ᑐᓪᓕᕋᕐᑕᐅᑎᑉᐰᑦ, ᐊᒃᓱᔪᑦ ᐃᑎᒐᖏᓐᓄᑦ, ᐊᔪᕐᓴᕐᑐᓄᑦ ᐱᓱᒡᕕᐅᑎᓪᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 29:19

ᒥᑭᒡᓕᑎᕐᓯᒪᔪᖅ ᖁᕕᐊᓇᕐᑐᒥᒃ ᓄᑖᒥᒃ ᐱᑎᑕᐅᔪᒫᕐᐳᖅ ᐊᑕᓂᕐᒥᒃ ᖁᕕᐊᓲᑎᖃᓕᕐᓗᓂ, ᐊᒃᓱᔪᓪᓗ ᐃᓄᐃᑦ ᐊᑯᕐᖓᓐᓂ ᖁᕕᐊᓲᑎᖃᓕᕈᒫᕐᐳᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 3:14

ᐊᑕᓂᖅ ᐃᖅᑲᕐᑐᐃᕕᖕᒥᓄᑦ ᐃᑎᕐᐳᖅ ᐃᓄᖁᑎᖏᑕ ᐊᖓᔪᖅᑳᖏᑦ ᐊᖓᔪᖅᑳᕐᔪᐊᕆᔭᖏᓪᓗ ᐃᓚᒋᓪᓗᒋᑦ: “ᐃᓕᑦᓯ ᐱᕈᕐᓰᕕᒃ ᕔᓂᓕᒃᓴᖅ ᓂᕆᓚᐅᕐᐸᓯ, ᐊᔪᕐᓴᕐᑐᓂᓪᓗ ᐊᕐᓵᕐᓂᒐᕕᓂᓯ ᐃᒡᓗᓯᓐᓃᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 30:28

ᐊᓂᕐᓵᕐᓂᖓ ᑰᒃᑎᑐᑦ ᑰᒃᑐᕐᔪᐊᑎᑐᑦ ᑍᒤᑉᐳᖅ ᖁᖓᓯᕐᒧᑦ ᑎᑭᐅᒪᓕᕐᑐᑎᑐᑦ; ᐃᓅᖃᑎᒌᒡᔪᐊᑦ ᓴᓃᔭᕐᑕᐅᔪᑎᑐᑦ ᐱᓇᓱᐊᕐᕕᒋᔪᒫᕐᐰᑦ; ᖃᓂᖏᓐᓄᓪᓗ ᐃᓕᓯᓗᓂ ᕿᒻᒥᕐᔪᐊᑦ ᖃᓂᖏᓐᓄᑦ ᑕᓯᒍᐊᕐᕕᐅᓲᓂᒃ, ᑍᒫᒃ ᑕᓯᐅᕐᓂᐊᕐᓗᒋᑦ ᑕᒻᒪᕐᓇᕐᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 30:31

ᐊᓯᕆᐊᒥᐅᑦ ᖁᐊᕐᓵᖓᓗᑎᒃ ᑲᑉᐱᐊᓱᖕᓂᖃᕈᒫᕐᐳᑦ ᐊᑕᓂᐅᑉ ᓂᐱᖓᓂᒃ ᑐᓴᓕᕈᑎᒃ, ᐊᔭᐅᑉᐱᐊᒥᓄᑦ ᐊᓇᐅᓯᒃᐸᑦ.

ᐂᓮᐊᓯᐅᑉ ᐊᒡᓚᖏᑦ 30:33

ᑍᑦᓱᒪᓂᐊᓗᖕᓂᑦ ᐊᑐᐃᓐᓇᕈᐃᓯᒪᓚᐅᕐᒪᑦ ᐃᑯᐊᓚᑦᓯᕕᒃᔪᐊᒃᓴᒥᒃ; ᐃᓛᒃ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᒃᑕᐅᕕᒃᓴᖓᓂᒃ, ᐃᓗᑐᔫᓪᓗᓂ ᓴᓂᒧᑐᔫᓪᓗᓂᓗ, ᐃᑯᐊᓪᓚᖅᑯᑎᒃᓴᖏᑦ ᕿᔪᐃᑦ ᐊᒥᒐᕋᑎᒃ; ᐊᑕᓂᐅᑉ ᐊᓂᕐᓵᕐᓂᖓᑕ ᐃᑯᒪᕐᔪᐊᒥᒃ ᑰᒃᑐᑎᑐᑦ ᐃᑯᐊᓪᓚᒃᑎᑦᓱᒫᕐᐹ.

ᐂᓮᐊᓯᐅᑉ ᐊᒡᓚᖏᑦ 32:1

ᑕᑯᒋᑦ, ᐊᖓᔪᖅᑳᕐᔪᐊᕐᑕᖃᓕᕈᒫᕐᐳᖅ ᐊᑦᔨᒌᒃᑎᑦᓯᔪᒥᒃ ᐊᐅᓚᑦᓯᓂᖃᕐᑐᒥᒃ, ᐊᖓᔪᖅᑳᖁᑎᖏᓪᓗ ᓇᓛᒎᕐᑐᒥᒃ ᐊᖓᔪᖅᑳᖑᓂᖃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 32:7

ᐅᐃᕖᑦᑐᑦ ᐱᐅᓯᖃᕐᐳᑦ ᓈᒻᒪᖏᑦᑐᕐᔪᐊᓂᒃ; ᐱᐅᖏᑦᑐᓂᒡᓗ ᐱᓇᓱᐊᒐᒃᓴᕐᓯᐅᑐᐃᓐᓇᕐᓗᑎᒃ, ᐊᔪᕐᓴᕐᑐᓂᒃ ᐅᖃᐅᓯᕐᒥᖕᓄᑦ ᓱᓕᖏᑦᑐᓄᑦ ᐱᐅᔪᓐᓃᕐᑎᑦᓯᒋᐊᓪᓚᓲᖑᕗᑦ, ᐊᔪᕐᓴᕐᑐᑦ ᓇᓛᒎᑦᓯᐊᕐᑐᒥᒃ ᐃᑲᔪᕐᑕᐅᑦᔪᑎᒃᓴᒥᖕᓂᒃ ᐅᖃᐅᓯᖃᕋᓗᐊᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 33:22

ᐊᑕᓂᖅ ᐃᖅᑲᕐᑐᐃᔨᒋᒐᑦᑎᒍ, ᐊᑕᓂᖅ ᐊᐅᓚᑦᓯᔨᒋᒐᑦᑎᒍ, ᐊᑕᓂᖅ ᐊᖓᔪᖅᑳᕐᔪᐊᕆᒐᑦᑎᒍ; ᑖᑦᓱᒪ ᐱᐅᓕᓂᐊᕐᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 40:7

ᐃᕕᒃᓱᒊᑦ ᑐᖁᓕᕙᒃᐳᑦ, ᐱᕈᕐᑐᓪᓗ ᑐᖁᓕᕙᒃᑭᓪᓗᑎᒃ, ᐊᑕᓂᐅᑉ ᐊᓂᕐᓵᕐᕕᒋᕙᖕᒪᒋᑦ; ᐃᓛᒃ ᐃᓄᐃᑦ ᐃᕕᒃᓱᒐᕐᑎᑐᑦ ᑍᒤᓪᓚᕆᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 49:2

ᖃᓂᕋᓗ ᐃᐱᒃᑑᑎᓚᐅᕐᐹ ᓴᕕᒡᔪᐊᑎᑐᑦ, ᐊᒡᒐᖕᒥᓗ ᑕᕐᕋᓕᓂᖓᓄᑦ ᐃᔨᕐᓯᒪᓚᐅᕐᐹᖓ; ᕿᓪᓚᕆᒃᓴᕐᓗᓂᖓᓗ ᖃᕐᔪᑎᑐᑦ, ᖃᕐᔪᖃᐅᑎᒥᓄᓪᓗ ᐴᓚᐅᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 33:15

ᐅᓪᓗᐃᑦ ᑍᒃᑯᐊ ᓇᓪᓕᐅᑎᒃᐸᑕ ᓴᖅᑭᑎᑦᓯᔪᒫᕐᐳᖓ ᐊᑲᐅᔪᒥᒃ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ, ᑖᓐᓇ ᐊᑲᐅᔪᒥᒃ ᓈᒻᒪᑦᓯᐊᕐᑐᒥᒡᓗ ᐱᓇᓱᐊᕈᒫᕐᐳᖅ ᓄᓇᒥ.

ᔨᕆᒤᐊᐅᑉ ᐊᒡᓚᖏᑦ 5:28

ᓂᕆᓂᕐᒧᓪᓗ ᖁᐃᓂᔫᓕᕐᐳᑦ, ᐱᐅᖏᑦᑐᓂᒡᓗ ᐱᓇᓱᐊᕐᓂᖏᑦ ᐃᓱᓕᑦᑐᓐᓇᓐᖏᓚᑦ, ᐊᑖᑕᖃᖏᑦᑐᓄᑦ ᐱᓇᓱᐊᕐᓂᖏᑦ ᓈᒻᒪᓐᖏᓚᑦ, ᐊᔪᕐᓴᕐᑐᓂᒡᓗ ᐃᑲᔪᕐᑐᐃᓐᖏᓚᑦ.

ᕼᐆᓯᐊᑉ ᐊᒡᓚᖏᑦ 6:5

ᑍᒤᒻᒪᑦ ᐱᔪᖃᓛᕐᑐᒥᒃ ᐅᖃᕐᑎᒃᑲ ᑎᓕᓚᐅᕐᐸᒃᑲ, ᐅᖃᕆᐊᕐᑐᖁᓪᓗᒋᑦ ᐅᖃᐅᓯᕐᓄᑦ ᑐᖁᓚᐅᕐᐸᒃᑲ, ᐃᖅᑲᕐᑐᐃᓂᕋᓗ ᐱᒋᐊᓚᐅᕐᐳᖅ ᖃᐅᒻᒪᓕᕐᑐᑎᑐᑦ.

ᔨᐸᓁᐊᐅᑉ ᐊᒡᓚᖏᑦ 2:3

ᐊᑕᓂᕐᒥᒃ ᕿᓂᓕᕆᑦᓯ, ᐃᓘᓐᓇᓯ ᐱᐅᔪᕆᖏᑦᑐᓯ ᓄᓇᒥ, ᐱᖁᔭᖏᓐᓂᒡᓗ ᓈᓚᒃᑐᓯ; ᓇᓛᒎᕐᓂᖅ ᕿᓂᕐᓯᐅᒃ, ᒥᑭᒡᓕᑎᕐᓂᕐᓗ ᕿᓂᕐᒥᓗᒍ; ᓴᐳᑎᔭᐅᖁᓪᓗᓯ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ.

ᒪᓚᑬᑉ ᐊᒡᓚᖏᑦ 4:6

ᐊᑖᑕᐅᔪᓪᓗ ᐆᒻᒪᑎᖏᑦ ᕿᑐᕐᖓᒥᓄᑦ ᓵᑎᑦᓱᒫᕐᐰᑦ, ᕿᑐᕐᖓᐅᔪᓪᓗ ᐆᒻᒪᑎᖏᑦ ᐊᑖᑕᖏᓐᓄᑦ ᓵᑎᓪᓗᒋᑦ, ᑍᒤᓐᓂᐊᖏᑉᐸᑕ ᑎᑭᓪᓗᖓ ᓄᓇᓯ ᓱᒋᐊᕈᒫᕐᐸᕋ.”

ᒫᑎᐅᓯᐅᑉ ᐊᒡᓚᖏᑦ 11:5

ᑕᐅᑐᖏᑦᑐᑦ ᑕᐅᑐᓕᕐᐳᑦ, ᑐᓯᐊᑦᑐᑦ ᐱᓱᑦᓯᐊᓕᕐᐳᑦ, ᐸᕐᑎᕐᑐᓪᓗ ᓯᕗᕋᓇᓂᕋᕐᑕᐅᔪᓂᒃ ᐋᖅᑭᒃᑕᐅᕗᑦ ᐋᖅᑭᑦᓯᐊᕐᓗᑎᒃ, ᑐᓵᖏᑦᑐᑦ ᑐᓵᓕᕐᐳᑦ, ᑐᖁᖓᔪᓪᓗ ᒪᑭᑉᐳᑦ, ᐅᖃᐅᓰᓪᓗ ᑐᓴᕈᒥᓇᕐᑐᑦ ᐅᖃᐅᓯᐅᕗᑦ ᐊᔪᕐᓴᕐᑐᓄᑦ.

ᒫᑎᐅᓯᐅᑉ ᐊᒡᓚᖏᑦ 5:5

ᓮᒪᓇᕐᑐᒦᑉᐳᑦ ᐃᒻᒥᖕᓂᒃ ᐊᖏᔪᕈᕐᑎᖏᑦᑐᑦ; ᒎᑎᐅᑉ ᐊᖏᕈᑎᒋᓯᒪᔭᖏᓐᓂᒃ ᓄᓇᕐᔪᐊᕐᒥ ᑭᖑᕐᖑᑦᔨᔪᒫᕐᒪᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 9:1

ᓴᐅᓗᓯ ᓱᓕ ᑲᑉᐱᐊᓇᕐᑐᒦᑎᑦᓯᓚᐅᕐᐳᖅ ᐊᑭᕋᕐᑐᕐᓂᕐᒥᓂᒃ ᑲᔪᓯᑎᑦᓯᓪᓗᓂ ᑐᖁᕅᔪᒪᓪᓗᓂᓗ ᐊᑕᓂᐅᑉ ᒪᓕᒃᑎᖏᓐᓂᒃ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᓐᓄᐊᐳᖅ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:1

ᐅᕙᖓ ᐸᐅᓗᓯ, ᐃᓇᑉᐸᑦᓯ ᙭ᔅᑑᓯᐅᑉ ᐱᐅᔪᕆᖏᓐᓂᖓᒍᑦ ᐱᖃᓐᓂᕐᓂᖓᓄᓪᓗ ᑕᐅᑦᑐᑦᓯᓐᓂ ᓂᑲᓇᕐᑑᒐᓗᐊᕐᑐᖓ, ᓯᕘᕋᔪᐃᑦᑑᕗᖓᓕ ᑲᑎᒪᒃᓯᓇᖓ ᐃᓕᑦᓯᓐᓂᒃ!

ᒐᓔᑎᐊᒥᐅᓄᑦ 5:23

ᐃᓅᖃᑎᒋᔭᕐᓂᕐᑑᓂᖅ, ᓇᖕᒥᓂᕆᔭᒥᒃ ᐱᓯᒪᑦᓯᐊᕈᓐᓇᕐᓂᖅ; ᑕᒪᒃᑯᓂᖓ ᐊᑐᕐᑍᓕᖁᔨᔪᓂᒃ ᐱᖁᔭᕐᑕᖃᓐᖏᓚᖅ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:8

ᑕᕝᕙ ᐱᑯᔭᖃᖏᑦᑐᕐᔪᐊᖅ ᓴᖅᑭᑎᑕᐅᔪᒫᕐᐳᖅ, ᐊᑕᓂᐅᓪᓕ ᔩᓱᓯᐅᑉ ᑎᑭᒃᑯᓂ ᑐᖁᑦᓱᒫᕐᐹ ᐊᓂᕐᓂᕐᒥᓄᑦ ᖃᓂᖓᓂᑦ ᐊᓂᔪᒧᑦ; ᐊᓯᕈᕐᓗᓂᐅᒡᓗ ᓴᖅᑭᓐᓂᕐᒥᓄᑦ ᐱᓐᓇᕐᓇᕐᑐᕐᔪᐊᒧᑦ.

ᑍᑑᓯᒧᑦ 3:2

ᐃᓅᖃᑎᒥᖕᓂᒃ ᐱᐅᖏᑦᑐᒥᒃ ᐅᖃᐅᓯᖃᖁᓇᒋᑦ, ᐂᕙᑦᑍᓕᓗᑎᒃ, ᐃᓅᖃᓐᓂᑦᓯᐊᕐᓗᑎᒃ, ᑐᓐᖓᓇᕐᓗᑎᒡᓗ ᐃᓄᓕᒫᓄᑦ.

ᔧᒥᓯᐅᑉ ᐊᒡᓚᖏᑦ 3:13

ᑭᓇ ᓇᓪᓕᓯᓂ ᓯᓚᑐᓪᓗᓂᓗ ᑐᑭᓯᐊᕙ? ᑕᕝᕙ ᐱᓇᓱᐊᑦᓯᐊᕐᓂᕐᒥᒍᑦ ᓴᖅᑭᑎᑦᓯᔪᒃᓴᐅᕗᖅ ᐃᓅᓯᐊᕐᓂᕐᒥᒃ ᐱᐅᔪᕆᖏᓐᓂᕐᒥᒃ ᓯᓚᑐᓂᕐᒥᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:16

ᑕᓕᕐᐱᖕᒥᓂᓗ ᐅᓪᓗᕆᐊᓂᒃ 7ᓂᒃ ᑎᒍᒥᐊᕐᐳᖅ, ᖃᓂᖓᓂᓪᓗ ᓄᐃᔪᖃᕐᐳᖅ ᓴᕕᒡᔪᐊᒥᒃ ᐃᒡᓗᒃᑐᑦ ᑮᓇᓕᖕᒥᒃ, ᑮᓇᖓᓗ ᓯᕿᓂᐅᑉ ᖃᐅᒻᒪᕆᖕᓂᕐᐹᖓᑎᑐᑦ ᖃᐅᒪᑎᒋᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:11

ᑕᕝᕙ ᕿᓚᒃ ᐅᒃᑯᐃᕐᑐᖅ ᑕᑯᕙᕋ, ᑕᑯᒋᓪᓗ, ᓴᖅᑭᑦᑐᖃᕐᐳᖅ ᕿᒻᒥᕐᔪᐊᒥᒃ ᖃᑯᕐᑕᒥᒃ! ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᓱᖁᓯᔪᐃᑦᑐᒥᒃ ᓱᓕᔪᒥᒡᓗ, ᓈᒻᒪᑦᓯᐊᕐᑐᒥᒡᓗ ᐃᖅᑲᕐᑐᐃᓂᖃᕐᐳᖅ ᑕᒪᓐᓇᓗ ᐅᓇᑕᐅᑎᒋᕚ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:15

ᖃᓂᖓᓂᓪᓗ ᐊᓂᔪᖃᕐᐳᖅ ᓴᕕᒡᔪᐊᒥᒃ ᐃᐱᒃᑐᒥᒃ ᑖᑦᓱᒧᖓ ᐃᓅᖃᑎᒌᒡᔪᐊᑦ ᓵᓚᒋᔪᒫᕐᐰᑦ, ᐊᐅᓚᓐᓂᐊᕐᐰᓪᓗ ᐊᔭᐅᑉᐱᐊᒧᑦ ᓴᕕᕋᔭᖕᒧᑦ; ᑐᓪᓕᕋᕐᓗᒋᓪᓗ ᐅᐂᓃᑦ ᐃᑦᑏᔭᕐᓂᐊᕐᐰᑦ ᐃᑦᑏᔧᕕᖕᒦᑦᑐᑦ ᑕᒪᑦᔭ ᒎᑎᐅᑉ ᐊᔪᒐᖃᖏᑦᑑᑉ ᓂᓐᖓᐅᓯᕐᔪᐊᖓᑕ ᐃᑦᓯᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:16

ᖃᕿᐊᓕᓕᕆᑦ. ᖃᕿᐊᓕᖏᒃᑯᕕᑦ, ᒫᓐᓇᒃᑯᑦ ᐅᐸᖕᓂᐊᕐᐸᒋᑦ ᐅᓇᑕᕆᐊᕐᑐᕐᓗᒋᑦ ᓴᕕᒡᔪᐊᕐᒧᑦ ᖃᓂᓐᓃᑦᑐᒧᑦ.