ᐂᓮᐊᓯᐅᑉ ᐊᒡᓚᖏᑦ 11:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᓯᐅᑉ ᑭᖑᕚᖓ, ᓂᑯᕕᑦᓱᒫᕐᐳᖅ ᐃᓄᖕᓄᑦ ᓇᓗᓁᒃᑯᑕᐅᓗᓂ; ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᑖᑦᓱᒥᖓ ᕿᓂᕈᒫᕐᐳᑦ, ᓇᔪᒐᖓᓗ ᐱᓐᓇᕐᓇᕐᑐᕐᔪᐊᖑᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 11:10 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᑯᕉᓂᑲ ᓯᕗᓪᓖᑦ 2:12

ᐳᐊᓯ ᐃᕐᓂᕐᑖᕐᐳᖅ ᐅᐱᑎᒥᒃ, ᐅᐱᑎ ᐃᕐᓂᕐᑖᑦᐳᖅ ᔨᓯᒥᒃ.

ᐃᓐᖏᕈᑎᑦ 116:7

ᑕᕐᓃᒃ ᑕᕾᕐᓯᕐᕕᖕᓄᑦ ᐅᑎᕆᑦ; ᐊᑕᓂᐅᑉ ᐊᖏᔪᐊᓗᖕᒥᑦ ᐱᑦᓯᐊᕐᕕᒋᓯᒪᖕᒪᑎᑦ.

ᐃᓐᖏᕈᑎᑦ 145:11

ᐊᑕᓂᐅᕕᒃᐱᑦ ᓂᕐᑐᕐᓇᕐᓂᖓ ᐅᖃᐅᓯᕆᔪᒫᕐᐹᑦ, ᐱᔪᓐᓇᕐᓃᓪᓗ ᐅᖃᐅᑎᒋᓗᒍ,

ᐃᓐᖏᕈᑎᑦ 149:5

ᐃᑦᔪᕐᓁᑦᑐᑦ ᓂᕐᑐᕐᓇᕐᓂᖅ ᖁᕕᐊᓲᑎᒋᔭᒃᓴᕆᕚᑦ; ᖁᕕᐊᓱᖕᓂᕐᒧᑦ ᐃᓐᖏᕐᑐᒃᓴᐅᕗᑦ ᓯᓂᒡᕕᖕᒥᖕᓃᓪᓗᑎᒃ.

ᐃᓐᖏᕈᑎᑦ 91:1

ᑖᓐᓇ ᖁᑦᓯᖕᓂᕐᐹᑉ ᐃᓂᖓᓂ ᐃᑦᔪᕐᓁᑦᑐᒦᑦᑐᖅ, ᐊᔪᒐᖃᖏᑦᑑᑉ ᑕᕐᕋᓕᓂᖓᓄᑦ ᐅᓕᒃᑕᐅᓯᒪᓂᐊᕐᐳᖅ,

ᐃᓐᖏᕈᑎᑦ 91:4

ᐃᓴᕈᕐᒥᓄᑦ ᐅᓕᒃᓯᒪᓂᐊᕐᐹᑎᑦ, ᐃᓴᕈᖏᒃᑕ ᐊᑖᓂ ᓴᐳᑦᔭᐅᕕᒃᓴᖃᕐᓂᐊᕐᐳᑎᑦ; ᑖᑦᓱᒪ ᓱᖁᓯᔪᐃᑦᑑᓂᖓ ᓴᐴᓗᑕᒃᓴᐅᖕᒪᑦ ᑭᓕᕐᑕᐅᑦᔧᒃᑯᑎᒃᓴᐅᓪᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 11:1

ᐱᕈᓕᕐᑐᖃᕈᒫᕐᐳᖅ ᔨᓯᐅᑉ ᓇᐹᕐᑐᕕᓂᖓᑕ ᑭᐱᔭᐅᓂᖓᓂᑦ, ᐊᕙᓚᖓᔪᒥᒃ ᐱᕈᕐᑐᖃᕈᒫᕐᐳᖅ ᐊᒫᖓᓂᑦ ᓴᖅᑭᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 11:12

ᐃᓅᖃᑎᒌᒡᔪᐊᓄᓪᓗ ᓇᓗᓁᒃᑯᑕᕐᒥᒃ ᓴᖅᑭᑎᑦᓯᔪᒫᕐᐳᖅ, ᓇᕐᕈᒋᔭᐅᔪᓪᓗ ᐃᓴᕆᐊᓕᒥᐅᓂᑦ ᑲᑎᑎᑦᓱᒫᕐᐰᑦ, ᓇᒧᑐᐃᓐᓇᕐᓗ ᓯᐊᒻᒪᒃᓯᒪᔪᑦ ᔫᑕᐅᑉ ᑭᖑᕚᖏᑦ ᑲᑎᕐᓱᕈᒫᕐᐰᑦ ᓄᓇᕐᔪᐊᑉ ᓯᑕᒪᐅᓕᖅᑲᖓᓂᖓᓂᑦ ᐱᓯᒪᔪᑦ.

ᐂᓮᐊᓯᐅᑉ ᐊᒡᓚᖏᑦ 14:3

ᐊᑕᓂᐅᑉ ᐋᓐᓂᐊᓂᕆᓚᐅᕐᑕᑦᓯᓐᓂᑦ ᐅᖁᒤᑦᑐᒥᒡᓗ ᐃᓅᓯᖃᕐᓂᕆᓚᐅᕐᑕᑦᓯᓐᓂᑦ ᑕᕾᕐᓯᕐᑎᓕᕐᐹᓯ, ᐊᒃᓱᕈᕐᓗᓯᓗ ᐱᔨᑦᓯᕐᑎᑕᐅᑦᔪᑎᒋᓚᐅᕐᑕᑦᓯᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 2:11

ᐊᖑᑎᐅᑉ ᐱᐅᔪᕆᓂᕐᒧᑦ ᑕᑯᔭᐅᑎᓐᓇᓱᐊᕐᓂᖓ ᒥᒃᓕᓕᕐᑎᑕᐅᔪᒫᕐᐳᖅ, ᐃᓄᐃᓪᓗ ᐱᐅᔪᕆᔪᑦ ᒥᑭᒡᓕᑎᑕᐅᓗᑎᒃ, ᐊᑕᓂᖅ ᑖᓐᓇᑐᐊᖅ ᐊᖏᒡᓕᑎᑕᐅᔪᒫᕐᐳᖅ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ.

ᐂᓮᐊᓯᐅᑉ ᐊᒡᓚᖏᑦ 2:2

ᐅᓪᓗᐃᑦ ᑭᖑᓪᓕᖏᓐᓂ ᐱᔪᖃᕈᒫᕐᐳᖅ ᖃᖅᑲᖅ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᑕ ᐃᓂᖓ ᐳᕐᑐᓂᕐᐸᐅᓕᕈᒫᕐᐳᖅ ᖃᖅᑲᓂᑦ, ᐱᖑᓕᒫᓂᓪᓗ ᐃᓅᖃᑎᒌᒡᔪᐊᓪᓗ ᓇᑭᑐᐃᓐᓈᕐᓯᒪᔪᑦ ᑕᕝᕗᖓ ᐂᔪᒫᕐᐳᑦ ᑰᒃᑐᑎᑐᑦ,

ᐂᓮᐊᓯᐅᑉ ᐊᒡᓚᖏᑦ 2:3

ᐃᓄᐃᓪᓗ ᐅᓄᕐᑐᑦ ᑕᕝᕗᓐᖓᕐᓗᑎᒃ ᐅᖃᖃᑦᑕᕈᒫᕐᐳᑦ; “ᕾᒋᑦᓯ ᐊᑕᓂᐅᑉ ᖃᖅᑲᖁᑎᖓᓄᑦ ᒪᔪᕋᕐᑕ, ᔧᑰᑉ ᒎᑎᖓᑦᑕ ᐃᒡᓗᖓᓄᑦ; ᐊᔪᕆᕐᑐᕐᓂᐊᕐᒪᑎᒍᑦ ᐱᓂᐊᕐᑕᐅᖁᔭᒥᓂᒃ ᐊᖅᑯᑎᐅᖁᔭᖏᑎᒍᓪᓗ ᐱᓱᒍᓐᓇᓕᖁᓪᓗᑕ.” ᓮᐅᓂᒥᑦ ᐱᖁᔭᑦ ᐊᓂᔪᒫᕐᒪᑕ, ᐊᑕᓂᐅᓪᓗ ᐅᖃᐅᓯᖓ ᔨᕉᓴᓕᒥᑦ ᐱᓗᓂ.

ᐂᓮᐊᓯᐅᑉ ᐊᒡᓚᖏᑦ 28:12

ᑖᒃᑯᓄᖓ ᐃᒫᒃ ᐅᖃᓚᐅᕐᒪᑦ, “ᒥᕐᖑᐃᕐᓯᕐᕕᒃᓴᖅ ᑕᕝᕙ; ᑕᖃᔪᑦ ᒥᕐᖑᐃᓯᕐᑎᓯᒋᒃ”; ᑖᒃᑯᐊᓕ ᓈᓚᒍᒪᓚᐅᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 42:4

ᑕᒪᐅᖎᓐᓈᕈᒫᓐᖏᓚᖅ ᓴᐱᓕᕋᓂᓗ, ᐊᑦᔨᒌᒃᑎᑦᓯᓂᕐᒥᒃ ᐊᑐᓕᕐᑎᑦᓯᖄᕋᓂ ᓄᓇᕐᔪᐊᕐᒥ; ᐃᒪᐅᓪᓗ ᓯᓈᓂ ᓄᓇᖃᕐᑐᑦ ᐊᔪᕆᕐᑐᐃᑦᔪᑎᖏᓐᓂᒃ ᓂᕆᐅᒍᒫᕐᐳᑦ.”

ᐂᓮᐊᓯᐅᑉ ᐊᒡᓚᖏᑦ 49:22

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᒋᑦ, ᐃᓅᖃᑎᒌᒡᔪᐊᓄᑦ ᑕᓕᕋ ᐃᓵᒍᒫᕐᐸᕋ, ᓇᓗᓁᒃᑯᑕᕋᓗ ᓇᑉᐸᕐᑎᓪᓗᒍ ᐃᓄᖕᓄᑦ; ᑖᒃᑯᐊ ᐃᓕᑦᓯᓐᓄᑦ ᕾᔪᒫᕐᐳᑦ ᐃᕐᓂᓯ ᐊᒡᔭᕐᓗᒋᑦ, ᐸᓂᓯᓗ ᑲᑲᒡᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 59:19

ᓯᕿᓂᐅᑉ ᓂᐱᕕᐊᑕ ᓇᓛᓂᒥᐅᑦ ᐃᓄᖏᑦᑕ ᐊᑕᓂᐅᑉ ᐊᑎᖓ ᓯᕘᕋᒋᔪᒫᕐᐹᑦ, ᓯᕿᓂᐅᓪᓗ ᓄᐃᕕᐊᑕ ᓇᓛᓂᒥᐅᑦ ᐃᓄᖏᑦᑕ ᓂᕐᑐᕐᓇᕐᓂᖓ ᐃᓕᕋᒋᔪᒫᕐᐸᑦ; ᐊᑭᕋᕐᑐᕐᑎᖓ ᑎᑭᑉᐸᑦ ᓱᑲᑦᑐᒥᒃ ᑰᒃᑐᑎᑐᑦ, ᐊᑕᓂᐅᑉ ᐊᓂᕐᓂᖓ ᒪᑭᓪᓗᓂ ᓵᑦᓯᔪᒫᕐᐳᖅ ᑖᑦᓱᒥᖓ.

ᐂᓮᐊᓯᐅᑉ ᐊᒡᓚᖏᑦ 60:3

ᐃᓅᖃᑎᒌᒡᔪᐊᓪᓗ ᖃᐅᒪᓂᑦᓯᓐᓄᑦ ᐂᔪᒫᕐᐳᑦ, ᐊᖓᔪᖅᑳᕐᔪᐊᓪᓗ ᖃᐅᒻᒪᒃᐸᓪᓕᐊᓂᓯ ᖃᐅᒪᓂᖓᓄᑦ ᕾᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 60:5

ᑕᕝᕙ ᖃᐅᔨᓕᕈᒫᕐᐳᓯ ᑕᑯᒥᓇᕐᑐᒥᒃ ᖃᐅᒪᓂᖃᕐᓂᑦᓯᓐᓂᒃ, ᐆᒻᒪᑎᓯᓗ ᑕᑕᑦᓱᒫᕐᐳᑦ ᖁᕕᐊᓱᖕᓂᕐᒥᒃ, ᐃᒪᕐᔪᐊᑦ ᐊᔪᕐᓴᖏᑦᔪᑎᖏᑦ ᐃᓕᑦᓯᓐᓄᑦ ᑐᓂᔭᐅᔪᒫᕐᒪᑕ, ᐃᓅᖃᑎᒌᒡᔪᐊᑦ ᐊᒃᓗᐃᑦᔪᑎᖏᓐᓂᒃ ᕾᑦᓯᕕᐅᔪᒫᕋᑦᓯ.

ᐂᓮᐊᓯᐅᑉ ᐊᒡᓚᖏᑦ 62:10

ᑲᔪᓯᒋᑦᓯ, ᑲᔪᓯᒋᑦᓯ ᐃᑎᕐᑕᕐᕕᒃᑯᑦ, ᐃᓄᐃᑦ ᐊᑐᕐᓂᐊᕐᑕᖓᑦ ᐊᑐᐃᓐᓇᕈᓕᕐᓯᐅᒃ; ᓴᓇᒋᑦᓯ, ᓴᓇᒋᑦᓯ ᐊᖅᑯᑎᕐᔪᐊᖅ ᐋᖅᑭᒃᑎᕐᑕᐅᑦᓯᐊᕐᓕ ᐅᔭᕅᔭᕐᑕᐅᑦᓯᐊᕐᓗᓂ, ᓮᒻᒪᓯᕐᑕᐅᓗᓂᓗ ᐃᓄᒋᐊᒃᑐᓄᑦ ᑕᑯᒃᓴᐅᓂᐊᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 66:19

ᓇᓗᓁᒃᑯᑕᖃᕐᑎᑦᓯᔪᒫᕐᐳᖓᓗ ᑖᒃᑯᓇᓂ. “ᑖᒃᑯᓇᓐᖓᓪᓗ ᐊᒥᐊᒃᑰᔪᓂᒃ ᐊᐅᓪᓚᕈᑦᔭᐅᑎᑦᓯᔪᒫᕐᐳᖓ, ᓄᓇᓕᖕᓄᑦ ᑖᕐᓯᓯᒧᑦ, ᓄᓇᓕᖕᓄᓪᓗ ᐴᓕᒧᑦ, ᓗᑦᒧᓪᓗ, ᐱᑎᒃᓯᒥᖕᓂᒃ ᐅᕐᓕᕐᑐᕐᑐᓄᑦ ᑐᐸᐅᓪᒥᐅᓄᑦ, ᔭᕚᓇᒥᐅᓄᓪᓗ, ᐃᒪᐅᓪᓗ ᓯᓈᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐅᖃᐅᑎᒋᔭᐅᓂᓐᓂᒃ ᑐᓴᓚᐅᕐᓯᒪᖏᑦᑐᓄᑦ ᓂᕐᑐᕐᓇᕐᓂᕐᔪᐊᓐᓂᒡᓗ ᑕᑯᓚᐅᕐᓯᒪᖏᑦᑐᓄᑦ; ᑖᒃᑯᐊᓗ ᓂᕐᑐᕐᓇᕐᓂᕐᔪᐊᕋ ᐅᖃᐅᑎᒋᔪᒫᕐᐹᑦ ᐃᓅᖃᑎᒌᒡᔪᐊᓄᑦ.

ᔨᕆᒤᐊᐅᑉ ᐊᒡᓚᖏᑦ 6:16

ᐃᒫᒃ ᐊᑕᓂᖅ ᐅᖃᕐᐳᖅ, “ᐊᖅᑯᑏᑦ ᑲᑎᓐᓂᖏᓐᓄᑦ ᑕᑯᔭᕐᑐᕆᑦᓯ, ᐊᑐᕐᑕᐅᕙᒃᑐᑐᕾᓪᓗ ᖃᐅᔨᓇᓱᐊᕐᓯᒋᑦ, ᑐᑭᓯᑎᑕᐅᔪᒪᓗᓯ ᐊᖅᑯᒻᒥᒃ ᐊᑲᐅᔪᒥᒃ ᐊᑐᕐᓂᐊᕐᑕᑦᓯᓐᓂᒃ. ᑕᕝᕙ ᑕᕐᓂᑦᓯᓐᓄᑦ ᒥᕐᖑᐃᕐᓯᕐᕕᒃᓴᕐᓯᓂᐊᕐᐳᓯ. “ᑭᓯᐊᓂᓕ ᐅᖃᕐᐳᑦ, ‘ᐊᖅᑯᒻᒥᒃ ᑍᒤᑦᑐᒥᒃ ᐊᑐᕈᒪᓐᖏᓚᒍᑦ.’

ᕼᐊᒊᑉ ᐊᒡᓚᖏᑦ 2:9

‘ᑐᒃᓯᐊᕐᕕᒡᔪᐊᖅ ᑭᖑᓪᓕᖅ ᐱᓐᓇᕐᓇᕐᓂᕐᓴᐅᔪᒫᕐᐳᖅ ᓯᕗᓪᓕᐅᓚᐅᕐᑐᒥᑦ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; ‘ᑖᓐᓇᓗ ᐃᒡᓗ ᐊᔪᕐᓴᕈᓐᓁᕐᑎᑦᓯᑦᔪᑎᒋᔪᕐᐸᕋ ᓮᒻᒪᓇᕐᑎᑦᓯᓗᓂᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.’”

ᓴᑲᕅᐊᐅᑉ ᐊᒡᓚᖏᑦ 6:13

ᑖᓐᓇ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓂᒃ ᓴᓇᔪᒫᕐᐳᖅ, ᐊᖓᔪᖅᑳᕐᔪᐊᕐᓯᐅᑎᓂᒡᓗ ᐅᐱᒋᔭᐅᑦᔪᑎᓂᒃ ᐊᑐᕈᒫᕐᐳᖅ ᐃᒃᓯᕙᐅᑕᕐᔪᐊᕐᒥᓗ ᐃᒃᓯᕚᕐᓗᓂ. ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᒫᕐᐳᖅ ᐃᒃᓯᕙᐅᑕᕐᔪᐊᕐᒥ ᐃᒃᓯᕚᕐᓗᓂ. ᐃᓂᒋᔭᖏᒡᓗ ᑖᒃᑯᐊᒃ ᒪᕐᕉᒃ ᐱᓇᓱᐊᖃᑎᒌᑦᓯᐊᕈᒫᕐᐴᒃ.”’

ᒨᓯᓯ ᓯᑕᒪᖏᑦ 10:33

ᑕᕝᕙ ᐊᑕᓂᐅᑉ ᖃᖅᑲᖁᑎᖓᓂᑦ ᐊᐅᓪᓚᕐᐳᑦ ᐃᖏᕐᕋᓪᓗᑎᒃ ᐅᓪᓗᓂᒃ ᐱᖓᓱᓂᒃ; ᐊᑕᓂᐅᓪᓗ ᐊᖏᖃᑎᒌᒍᑎᖓᑕ ᐃᒃᓯᕐᕕᖁᑎᖓ ᓯᕗᓪᓕᐅᑎᑕᐅᓚᐅᕐᐳᖅ ᐃᖏᕐᕋᓪᓗᑎᒃ ᐅᓪᓗᓂᒃ ᐱᖓᓱᓂᒃ, ᑕᖕᒫᕐᕕᒋᓂᐊᕐᑕᒥᖕᓂᒃ ᕿᓂᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 12:21

ᔫᑎᐅᖏᑦᑐᓕᒫᓪᓗ ᐊᑎᕐᒥᒍᑦ ᓂᕆᐅᒋᔭᒃᓴᖃᓕᕐᑎᑦᓱᒫᕐᐰᑦ.”

ᒫᑎᐅᓯᐅᑉ ᐊᒡᓚᖏᑦ 8:11

ᖁᓚᕐᓇᖏᑦᑐᒥᒃ ᐅᖃᐅᑎᕙᑦᓯ ᐃᓄᐃᑦ ᐊᒥᓱᑦ ᑎᑭᑦᓱᒫᕐᐳᑦ, ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓂᓪᓗ, ᐃᒃᓯᕙᖃᑎᖃᕆᐊᕐᑐᕐᓗᑎᒃ ᐂᑉᕋᕼᐋᒻᒥᒃ, ᐂᓴᑭᒥᒃ, ᔧᑯᒥᒡᓗ, ᒎᑎᐅᑉ ᐊᑕᓂᐅᕕᖓᓂ ᕿᓚᖕᒥ.

ᓘᑲᓯᐅᑉ ᐊᒡᓚᖏᑦ 2:32

ᖃᐅᒪᔪᖅ ᖃᐅᒻᒪᒃᓮᖁᓪᓗᒍ ᔫᑎᐅᖏᑦᑐᓂᒃ, ᐃᓄᖁᑎᕕᓪᓗ ᐃᓴᕆᐊᓕᒥᐅᑦ ᓂᕐᑐᕐᓇᕈᑎᒃᓴᖓᑦ.”

ᔪᐊᓇᓯᐅᑉ ᐊᒡᓚᖏᑦ 12:32

ᐅᕙᖓᓗ, ᖃᖓᑦᑕᕐᑎᑕᐅᓂᐊᕈᒪ ᓄᓇᒥᑦ, ᐃᓄᖃᑎᒌᒃᔪᐊᖑᔪᓕᒫᑦ ᐅᕙᓐᓄᐊᕈᒪᓕᕐᑎᓐᓂᐊᕐᐸᒃᑲ.”

ᐋᐴᓯᑕᓖᑦ ᐱᓂᐊᕐᓂᖏᑦ 11:18

ᑖᒃᑯᐊ ᑕᒪᑐᒥᖓ ᑐᓴᕋᒥᒃ ᓂᐱᖃᕈᓐᓃᕐᐳᑦ, ᒎᑎ ᓂᕐᑐᓕᕐᓗᒍ ᐅᖃᕐᐳᑦ, “ᔫᑎᐅᖏᑦᑐᓄᑦᑕᐅᖅ ᒎᑎ ᑐᓂᓯᕗᖅ ᓵᒋᐊᕐᓂᕐᒥᒃ ᐃᓅᓯᖃᕐᓇᕐᑐᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 28:28

“ᑕᒪᓐᓇ ᐱᓪᓗᒍ ᖃᐅᔨᒪᖁᕙᑦᓯ ᒎᑎᐅᑉ ᐱᐅᓕᒃᓯᓂᖓ ᑐᕌᖓᑎᑕᐅᓕᕐᐳᖅ ᔫᑎᐅᖏᑦᑐᓄᑦ; ᑖᒃᑯᐊ ᓈᓚᒍᓐᓇᕐᒪᑕ.” [

ᐄᑉᕈᐃᓄᑦ 4:1

ᑍᒤᒻᒪᑦ, ᒎᑎᐅᑉ ᐊᖏᕐᕕᒋᓯᒪᕚᑎᒍᑦ ᑕᕾᕐᓯᕐᕕᒃᓴᖃᖁᓪᓗᑕ, ᐊᑏ ᑲᒪᑦᓯᐊᓕᕐᑕ ᐊᖏᕈᑕᐅᓯᒪᔪᒧᑦ ᓇᓪᓕᑦᓯᓐᓂᒃ ᐃᑎᕐᑎᑕᐅᔪᓐᓁᓪᓕᔪᖃᖁᓇᒍ.

ᐲᑦᑐᕉᓯ ᓯᕗᓪᓖᑦ 5:10

ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:16

“ᐅᕙᖓ ᔩᓱᓯ ᐂᖏᓕᖁᑎᓐᓂᒃ ᑎᓕᓯᓚᐅᕐᐳᖓ ᐅᖃᐅᑦᔨᖁᓪᓗᒍ ᐃᓕᖕᓂᒃ ᐅᖃᐅᓯᕆᔭᒃᓴᕐᓂᒃ ᐅᒃᐱᕐᑑᖃᑎᒌᓄᑦ. ᑍᕕᑎᐅᑉ ᐃᓚᒌᖕᓂᖏᑕ ᑭᖑᕚᖏᓐᓂᑦ ᐱᓯᒪᕗᖓ, ᐅᓪᓗᕆᐊᖑᕗᖓ ᖃᐅᒻᒪᕆᒃᑐᖅ ᖃᐅᓕᓵᕐᑐᕐᓯᐅᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:5

ᑕᕝᕙ ᐊᖓᔪᖅᑳᑉ ᐃᓚᖓᑦᑕ ᐅᖃᐅᑎᕚᖓ, “ᕿᐊᖏᓪᓗᑎᑦ; ᑕᑯᒋᑦ, ᓔᔭᓐᑕᖃᕐᐳᖅ ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ, ᑍᕕᑎᐅᑉ ᑭᖑᕚᖓᓂᒃ, ᓵᓚᖃᕐᓯᒪᔪᒥᒃ, ᑖᑦᓱᒪ ᓇᕿᑦᔪᑏᑦ 7 ᐲᕈᓐᓇᕐᐰᑦ ᐊᒡᓔᓪᓗ ᐃᒧᓯᒪᔪᑦ ᐃᓯᕕᓪᓗᒋᑦ.”