ᐂᓮᐊᓯᐅᑉ ᐊᒡᓚᖏᑦ 10:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᒫᒃ ᐅᖃᓚᐅᕐᒪᑦ, “ᓇᖕᒥᓂᖅ ᐱᔪᓐᓇᕐᓂᓐᓄᑦ ᐱᓇᓱᐊᓚᐅᕐᐳᖓ, ᓯᓚᑐᓂᓐᓄᓪᓗ ᑐᑭᓯᑦᓯᐊᕈᓐᓇᕋᒪ; ᐃᓄᐃᓪᓗ ᓄᓇᖏᑕ ᑭᒡᓕᒋᔭᖏᑦ ᐲᔭᓚᐅᕐᐸᒃᑲ, ᐊᑭᑐᔪᖁᑎᖏᓐᓂᒡᓗ ᐊᕐᓵᓚᐅᕐᐸᒃᑲ; ᐃᒻᒧᒃᓯᐅᒐᐅᓪᓗ ᐸᖕᓂᖏᑎᑐᑦ ᐃᒃᓯᕙᐅᑕᕐᔪᐊᕐᒦᑦᑐᑦ ᐅᕐᕈᑎᓚᐅᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 10:13 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 15:29

ᐲᑲ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᓄᑦ, ᑎᒡᓚᑦ-ᐰᓕᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓵᓚᖃᕐᓂᕐᒥᓄᑦ ᓄᓇᓕᖕᓂᒃ ᑎᒍᓯᖃᑦᑕᓚᐅᕐᐳᖅ, ᐂᔮᓐᒥᐅᓂᒃ, ᐊᐱᐅᓪ-ᐱᑦ-ᒫᑲᒥᐅᓂᒃ, ᔭ-ᓄᐊᒥᐅᓂᒃ, ᑭᑎᔅ-ᓯᒥᐅᓂᒃ ᕼᐂᔭᒥᐅᓂᒡᓗ, ᒋᓕᐊᑎᐅᑉ ᓄᓇᓕᖏᑦ, ᒐᓕᓖᓪᓗ, ᓈᑉᑕᓕᒥᐅᓪᓗ ᐃᓄᖏᓐᓂᒃ ᑎᒍᓯᓪᓗᓂ ᐊᓯᕆᐊᒧᑦ ᐊᐅᓪᓚᕈᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 16:8

ᐂᕼᐊᔅ ᑲᑎᑦᓯᓪᓗᓂ ᓯᐅᓪᕕᕆᓂᒃ ᒎᓗᓂᒡᓗ ᐊᑕᓂᐅᑉ ᐃᒡᓗᖓᓂᑦ ᐊᖓᔪᖅᑳᕐᔪᐊᓪᓗ ᐃᒡᓗᒥᐅᑕᖏᓐᓂᒃ ᐃᓚᓐᓂᕐᓴᐅᑎᒋᓪᓗᒋᑦ ᑐᔫᑎᒋᕔᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ.

ᐊᑕᓃᑦ ᐂᑉᐸᖏᑦ 17:24

ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓄᓇᖁᑎᒥᓂᑦ ᐹᐱᓘᓂᒥᐅᑦ, ᑰᓴᕼᐊᒥᐅᑦ, ᐊᕙᒥᐅᑦ, ᕼᐊᒫᑎᒥᐅᑦ, ᓯᑉᕼᐊᕋᕔᓐᒥᐅᓪᓗ ᓄᓇᑖᕐᑎᑉᐰᑦ ᓴᒥᐊᕆᐊᒥ ᐃᓴᕆᐊᓕᒥᐅᑦ ᐊᐅᓪᓚᕈᑎᓚᐅᕐᑕᓂ ᑖᒃᑯᓄᖓ ᐃᓇᖏᕐᑕᐅᑎᓪᓗᓂᒋᑦ ᓄᓇᖁᑎᑖᕐᑐᕐᑎᑉᐰᑦ ᓄᓇᒋᓂᐊᓕᕐᓗᒋᑦ.

ᐊᑕᓃᑦ ᐂᑉᐸᖏᑦ 17:6

ᕼᐆᓯᐊ ᐊᕐᕌᒍᓂᒃ 9ᓂᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᓴᒥᐊᕆᐊᒥᐅᑦ ᓵᓚᒋᒐᒥᒋᑦ ᑎᒍᓚᐅᕐᐰᑦ ᐃᓄᖏᑦ ᐊᐅᓪᓚᕈᑎᓪᓗᓂᒋᑦ ᓄᓇᑖᕐᑎᑉᐰᑦ ᐊᓯᕆᐊᑉ ᓄᓇᓕᖏᑦᑕ ᐃᓚᖏᓐᓂ ᕼᐋᓚᒥᒃ, ᐃᓚᖏᓪᓗ ᕼᐂᐸᒥ ᑰᑉ ᓯᓈᓃᑦᑐᒥ ᒎᔭᓂᐅᑉ ᓄᓇᖓᓂ, ᐃᓚᖏᓪᓗ ᒥᑏᔅᒥᐅᑦ ᐃᒡᓗᒐᓴᖏᓐᓂ.

ᐊᑕᓃᑦ ᐂᑉᐸᖏᑦ 18:11

ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᓴᕆᐊᓕᒥᐅᑦ ᑎᒍᓪᓗᓂᒋᑦ ᐊᐅᓪᓚᕈᑎᕔᑦ ᐊᓯᕆᐊᒧᑦ ᓄᓇᓕᖁᑎᒥᓗ ᐃᓚᖏᓐᓄᑦ ᓄᓇᑖᕐᑐᕐᑎᓪᓗᓂᒋᑦ, ᐃᓚᖏᑦ ᕼᐋᓚᒥᐅᓂ, ᐃᓚᖏᑦ ᑰᑉ ᕼᐂᐸᒥᒃ ᑍᔭᐅᔪᑉ ᖃᓂᒋᔭᖓᓂ ᓄᓇᓕᖕᓂ ᐊᑎᖃᕐᑐᓂ ᒎᔭᓂᒥᒃ, ᐃᓚᖏᓪᓗ ᐃᒡᓗᒐᓴᒡᔪᐊᓂ ᒥᑏᔅᒥᒃ ᑍᔭᐅᔪᓂ.

ᐊᑕᓃᑦ ᐂᑉᐸᖏᑦ 18:15

ᕼᐃᓯᑬᐊᐅᑉ ᐊᐅᓪᓚᕐᑎᑦᓯᕕᒋᕚ ᓯᐅᓪᕕᕆᓕᒫᓂᒃ ᓇᒡᕚᕈᓐᓇᕐᑕᒥᓂᒃ ᑐᒃᓯᐊᕐᕕᒡᔪᐊᒥᑦ, ᒎᓗᓂᒡᓗ ᐊᖓᔪᖅᑳᕐᔪᐊᑉ ᐃᒡᓗᖓᑕ ᐊᑭᑐᔪᒃᓴᔭᓂᒃ ᐱᒃᑯᕕᖓᓃᑦᑐᓕᒫᓂᒃ.

ᐊᑕᓃᑦ ᐂᑉᐸᖏᑦ 18:32

ᐊᖓᔪᖅᑳᕐᔪᐊᑦᑕ ᓄᓇᑖᕐᑎᓐᓂᐊᕐᐹᓯ ᓄᓇᑦᓯᑐᑦ ᑍᒫᒃ ᐊᔪᕐᓴᕐᓇᖏᑦᑐᒥᒃ ᐸᐅᕐᖓᓂᒃ ᐱᕈᕐᓰᕕᒃᓴᕐᑕᖃᑦᓯᐊᕐᑐᒥᒃ, ᓂᐊᖂᔭᒃᓴᓂᒡᓗ ᐱᕈᕐᑐᖃᑦᓯᐊᕐᑐᒥᒃ ᓇᐹᕐᑐᖃᕐᓗᓂᓗ ᐅᕐᓱᒃᓴᓕᖕᓂᒃ ᕼᐊᓂᖃᑦᓯᐊᕐᓗᓂᓗ, ᐊᖓᔪᖅᑳᕐᔪᐊᑦᑕ ᐱᔪᒪᔭᖓ ᒪᓕᒡᓗᒍ ᐊᖏᕐᓂᐊᕈᑦᓯ ᑐᖁᕋᕐᑕᐅᖏᓪᓗᓯ ᐃᓅᑎᑕᐅᓂᐊᕐᐳᓯ. ᕼᐃᓯᑬᐊᒧᑦ ᓯᓔᕐᕆᔭᐅᑦᑍᓕᒋᑦᓯ ᐊᑕᓂᕐᒧᑦ ᓴᐳᑎᔭᐅᓂᐊᕐᓂᕅᓂᖓᓄᑦ.

ᑯᕉᓂᑲ ᓯᕗᓪᓖᑦ 5:26

ᑕᕝᕙ ᐃᓴᕆᐊᓕᐅᑉ ᒎᑎᖓᑕ ᐊᓯᕆᐊᑉ ᐊᖓᔪᖅᑳᕐᔪᐊᖓᑕ ᐴᓕᐅᑉ ᐊᓂᕐᓂᖓ ᐊᐅᓚᑎᓕᕐᐹ, ᑖᓐᓇ ᑍᔭᐅᕙᖕᒥᔪᖅ ᑎᓪᒐᑦ-ᐱᓪᓂᓯᕆᒥᒃ ᐊᓯᕆᐊᑉ ᐊᖓᔪᖅᑳᕐᔪᐊᖓᓂᒃ, ᑖᑦᓱᒪ ᐊᐅᓪᓚᐅᑎᓚᐅᕐᐰᑦ, ᑖᒃᑯᐊ ᕉᐱᓂᒥᐅᑦ, ᒑᑎᒥᐅᑦ, ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ, ᕼᐋᓚᒧᐊᕈᑎᓪᓗᒋᑦ, ᕼᐂᐸᒧᑦ, ᕼᐊᕋᒧᑦ, ᒎᔭᓂᐅᓪᓗ ᑰᖓᓄᑦ, ᑍᑲᓂᒥᐅᖑᓕᕐᐳᓪᓗ ᐅᓪᓗᒥᒧᑦ ᑎᑭᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:11

ᐊᒃᓱᐃᑦᑐᖅ ᓯᓚᑐᕗᖅ ᓇᖕᒥᓂᖅ ᑕᑯᓐᓇᕐᑕᒥᒍᑦ, ᐊᒃᓱᔫᓪᓕ ᑐᑭᓯᐅᒪᓂᖃᕐᑑᑉ ᑖᓐᓇ ᖃᐅᔨᓂᐊᕐᐹ.

ᐂᓮᐊᓯᐅᑉ ᐊᒡᓚᖏᑦ 10:8

ᐃᒫᒃ ᐅᖃᓚᐅᕐᐳᖅ, “ᐊᖓᔪᖅᑳᖁᑎᓕᒫᒃᑲ ᐊᖓᔪᖅᑳᕐᔪᐊᖑᓐᖏᓛᑦ?

ᐂᓮᐊᓯᐅᑉ ᐊᒡᓚᖏᑦ 5:21

ᑲᑉᐱᐊᓐᓇᒦᒃ ᐃᒻᒥᖕᓂᒃ ᑕᐅᑐᒃᑕᒥᒍᑦ ᓯᓚᑐᓇᓱᒋᔪᑦ, ᖃᐅᔨᒪᓂᕐᓴᐅᓇᓱᒋᔪᓪᓗ ᐃᒻᒥᒍᑦ ᑕᐅᑐᒃᑕᒥᒍᑦ!

ᔨᕆᒤᐊᐅᑉ ᐊᒡᓚᖏᑦ 46:8

ᐄᑦᔨᑉᑎᐅᑉ ᓁᓕᐅᑉ ᑰᖓᑐᑦ ᐅᓕᑎᑦᑐᑎᑐᑦ ᑍᒤᑉᐳᑦ, ᑰᒃᑎᑐᑦ ᓱᐱᔪᑎᑐᑦ, ᐅᖃᕐᓗᑎᒡᓗ, ‘ᒪᑭᓪᓗᑕ ᓄᓇᕐᔪᐊᓕᒫᖅ ᓈᔪᒪᓂᐊᕐᐸᕗᑦ, ᐃᒡᓗᒐᓴᒡᔪᐊᕐᓂᒃ ᐃᓄᖏᓐᓂᒡᓗ ᐊᓯᕈᐃᔪᒪᕗᒍᑦ.

ᔨᕆᒤᐊᐅᑉ ᐊᒡᓚᖏᑦ 48:14

ᖃᓄᖅ ᐅᖃᕈᓐᓇᕐᐱᓰ? ᐅᓇᑕᕐᑎᐊᓘᓂᕋᕐᓗᓯ ᐅᓇᑕᕆᐊᒃᓴᕐᓗ ᐊᔪᖏᓐᓂᕋᕐᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 25:3

ᐊᒧᓁᑎᒥᐅᑦ ᐅᖃᐅᑎᒃᑭᑦ, ᓈᓚᒋᑦᓯ ᐊᑕᓂᐅᑉ ᒎᑎᐅᑉ ᐅᖃᕐᑕᖏᓐᓂᒃ: ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᐅᖃᓚᐅᕋᑦᓯ ᐃᒫᒃ, ‘ᐋᕼᐊ!’ ᑐᒃᓯᐊᕐᕕᒡᔪᐊᖁᑎᒐ ᓇᕐᕈᓇᕐᓯᑎᑕᐅᑎᓪᓗᒍ, ᐃᓴᕆᐊᓕᐅᓪᓗ ᓄᓇᖓ ᐃᓄᖃᕈᓐᓃᕐᑎᕐᑕᐅᑎᓪᓗᒍ, ᔫᑕᐅᓪᓗ ᑭᖑᕚᖏᑦ ᐊᐅᓪᓚᕈᑦᔭᐅᑎᓪᓗᒋᑦ;

ᐃᓯᑭᐊᓕᐅᑉ ᐊᒡᓚᖏᑦ 26:2

“ᐃᓅᑉ ᐃᕐᓂᖓ, ᑍᕆᒥᐅᑦ ᐅᖃᐅᓯᖃᓚᐅᕐᒪᑕ ᔨᕉᓴᓕᒥᒃ, ᐅᖃᕐᓗᑎᒃ ‘ᐋᕼᐊ, ᐃᓄᐃᑦ ᐃᑎᕐᑕᕐᕕᖓᑦ ᓯᖁᒥᑕᐅᕗᖅ, ᐅᕙᑦᑎᓐᓄᑦ ᒪᑐᐃᕐᐳᑦ; ᐱᑖᕈᓐᓇᕐᓂᐊᓕᕐᐳᒍᑦ ᑕᕝᕙᓐᖓᑦ, ᒫᓐᓇ ᐊᓯᕈᕐᑕᐅᓯᒪᓕᕐᒪᑕ.’

ᐃᓯᑭᐊᓕᐅᑉ ᐊᒡᓚᖏᑦ 29:3

ᐅᖃᕐᓗᑎᑦ ᐃᒫᒃ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐰᕉ ᐊᑭᕋᕐᑐᕐᐸᒋᑦ, ᐆᒪᔪᕐᓘᔪᑎᑦ ᑐᕌᒍᓂ ᑰᖕᒥᐅᑕᐅᔪᑎᑦ, ᐅᖃᕐᐸᒃᓗᑎᓪᓗ, ᑰᒑᓗᒃ ᓁᓕ ᓇᖕᒥᓂᕆᕙᕋ ᓴᓇᓚᐅᕋᒃᑯ.’

ᐃᓯᑭᐊᓕᐅᑉ ᐊᒡᓚᖏᑦ 35:13

ᑐᓴᕐᓯᒪᕙᑦᓯᓗ ᖃᓂᑦᓯᒍᑦ ᐊᖏᓂᕐᓴᐅᓂᕋᕐᑎᓪᓗᓯ ᐅᕙᓐᓂᑦ, ᐅᓄᕐᑐᐃᕐᓱᕐᓗᓯ ᐅᕙᓐᓂᒃ ᐊᑭᕋᕐᑐᕐᓗᓯ ᐅᖃᓪᓚᒃᑎᓪᓗᓯ; ᑐᓵᓯᒪᕙᑦᓯ.

ᑖᓂᐊᓕᐅᑉ ᐊᒡᓚᖏᑦ 4:27

ᑍᒤᒻᒪᑦ ᐊᖓᔪᖅᑳᕐᔪᐊᖅ, ᐅᖃᐅᓯᕋ ᐃᓚᓕᐅᕈᒃ: ᐊᔪᕐᓂᑎᑦ ᑐᓄᓕᒃᑭᑦ, ᐊᑲᐅᔪᒥᒃ ᐱᓇᓱᐊᕐᓗᑎᑦ, ᐱᐅᖏᑦᑐᓕᓂᑎᓪᓗ ᕿᒪᓕᒃᑭᑦ ᐊᔪᕐᓴᕐᑐᑦ ᓂᑲᒋᓗᒋᑦ; ᐊᔪᕐᓴᖏᓐᓃᑦ ᑲᔪᓰᓐᓇᖁᓪᓗᒍ.”

ᑖᓂᐊᓕᐅᑉ ᐊᒡᓚᖏᑦ 4:30

ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐹᐱᓘᓂ ᐊᖏᔪᐊᓘᓐᖏᓛᖅ? ᐊᖓᔪᖅᑳᕐᔪᐊᒧᑦ ᐃᓂᓕᐊᕆᓚᐅᓐᖏᓚᕌ? ᐱᔪᓐᓇᕐᓂᓐᓄᑦ ᐊᖓᔪᖅᑳᕐᔪᐊᖑᓂᕐᒪᓗ ᐅᐱᒋᔭᐅᑦᔪᑎᒃᓴᖓᓄᑦ?”

ᐂᒨᓯᐅᑉ ᐊᒡᓚᖏᑦ 5:27

ᑍᒤᒻᒪᑦ ᐊᐅᓪᓚᕈᑎᔪᒫᓕᕐᐸᑦᓯ ᑕᒫᓯᑰᓯᐅᑉ ᐅᖓᑖᓄᑦ,” ᐊᑕᓂᖅ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᒎᑎᖓᓐᓂᒃ ᐊᑎᖃᕐᑐᖅ.

ᐂᒨᓯᐅᑉ ᐊᒡᓚᖏᑦ 6:13

ᐃᓕᑦᓯ ᖁᕕᐊᓲᑎᖃᕐᑐᓯ ᓵᓚᒃᓴᕐᓂᕐᒥᒃ ᓘ-ᑎᐹᕐᒥᒃ, ᐅᖃᕐᑐᓯᓗ, “ᑳᕐᓁᒻ ᑎᒍᓚᐅᓐᖏᓚᕘᑦ ᓇᖕᒥᓂᖅ ᓴᓐᖏᓂᑦᑎᓐᓅᑦ?”

ᕼᐊᐸᑲᐅᑉ ᐊᒡᓚᖏᑦ 1:11

ᑕᕝᕙ ᑲᔪᓰᓐᓇᕐᓗᑎᒃ ᐊᖅᑯᓵᕐᐳᑦ ᐊᓄᕆᑎᑐᑦ ᐊᓂᒍᕐᑐᑎᑐᑦ, ᐸᓯᔭᒃᓴᐅᓪᓗᑎᒡᓗ, ᐱᔪᓐᓇᕐᓂᕐᒥᖕᓂᒡᓗ ᒎᑎᖃᕐᓗᑎᒃ.”

ᕼᐊᐸᑲᐅᑉ ᐊᒡᓚᖏᑦ 1:16

ᑍᒤᒻᒪᑦ ᓄᓗᐊᒥᖕᓄᑦ ᑐᓂᕐᕈᓯᖃᑦᑕᕐᐳᑦ, ᐃᒪᒃᑯᑦ ᐅᓂᐊᖃᑦᑕᕐᑕᒥᖕᓄᑦ ᐃᓯᕐᓗᐊᕐᓂᕐᑎᑦᓯᕙᒃᐳᑦ; ᑖᒃᑯᓄᖓ ᐃᓅᑦᔪᑎᒃᓴᒥᖕᓂᒃ ᐊᒥᒐᕐᓯᑎᑕᐅᖏᓐᓇᒥᒃ, ᓂᕿᒃᓴᒥᖕᓂᒡᓗ ᐊᒥᒐᕐᓯᓇᑎᒃ.

ᕼᐊᐸᑲᐅᑉ ᐊᒡᓚᖏᑦ 2:6

ᐅᖃᐅᓯᐅᒐᔪᒃᑐᒥᒃ ᐅᖃᐅᓯᐅᖃᑦᑕᓕᕐᓂᐊᓐᖏᓛᑦ? ᒥᑕᐅᑕᐅᓗᑎᒡᓗ ᐅᖃᐅᓯᐅᖃᑦᑕᕐᓂᐊᓐᖏᓛᑦ? ᐅᖃᕐᓗᑎᒃ, ‘ᑲᑉᐱᐊᓐᓇᒦᒃ! ᐊᔪᕐᓴᕈᓐᓃᕐᑐᑦ ᑲᑎᕐᓱᐃᓂᕐᒧᑦ ᐱᒋᓐᖏᑕᒥᓂᒃ, ᖃᓄᖅ ᐊᑯᓂᐅᑎᒋᔪᖅ ᑍᒤᓕᐅᕐᓂᐊᕐᐹᑦ? ᐱᑖᕐᑐᕐᑐᓪᓗ ᐊᑭᓕᕐᑕᐅᔪᒪᓂᒃᑯᑦ.’”

ᒨᓯᓯ ᑕᓪᓕᒪᖏᑦ 8:17

ᑍᒤᒻᒪᑦ ᐃᓱᒪᔪᒃᓴᐅᓐᖏᓚᑎᑦ ᐃᓕᖕᓂᒃ ᓇᖕᒥᓂᖅ ᐊᔪᕐᓴᕈᓐᓁᕐᑎᓯᒪᓇᓱᒋᓗᑎᑦ ᐱᔪᓐᓇᕐᓂᕐᓄᑦ ᓴᓐᖏᓂᕐᓄᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 7:2

ᐊᑕᓂᐅᓪᓗ ᒋᑎᐅᓂ ᐅᖃᐅᑎᕚ, “ᐃᓄᐃᑦ ᓇᔪᕐᑎᒋᔭᑎᑦ ᐅᓄᓗᐊᕐᒪᑕ ᓵᓚᖃᕐᑎᓐᓂᐊᕈᒃᑭᑦ ᒥᑎᐊᓂᒥᐅᓂᒃ. ᐃᓴᕆᐊᓕᒥᐅᑦ ᐅᕙᓐᓄᑦ ᐃᓱᒪᑐᐃᓐᓇᕆᐊᖃᕐᒪᑕ ᐱᑦᔪᑎᔭᐅᔪᕆᖏᓪᓗᑎᒃ, ᐅᖃᕐᓗᑎᒃ, ‘ᐅᕙᑦᑎᓐᓂᒃ ᓵᓚᖃᓚᐅᕐᐳᒍᑦ.’