ᐂᓮᐊᓯᐅᑉ ᐊᒡᓚᖏᑦ 1:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᑕᓂᐅᑉ ᐊᔪᒐᖃᖏᑦᑑᑉ ᐃᓄᐃᑦ ᐃᓚᖏᓐᓂᒃ ᐊᒥᐊᒃᑯᖃᕐᑎᓚᐅᖏᑉᐸᑎᒍᑦ, ᓄᖑᑕᐅᓇᔭᓚᐅᕐᐳᒍᑦ ᓱᑑᒪᑐᑦ ᒍᒨᕋᒥᐅᑎᑐᓪᓗ.

ᐂᓮᐊᓯᐅᑉ ᐊᒡᓚᖏᑦ 1:9 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 18:26

ᐊᑕᓂᖅ ᐅᖃᕐᐳᖅ, “ᓱᑑᒪᒥ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ 50ᓂᒃ ᓇᓂᓯᒐᔭᕈᒪ, ᑕᕝᕙ ᐃᒡᓗᒐᓮᑦ ᓱᒋᐊᕋᔭᓐᖏᓚᒃᑲ ᑖᒃᑯᐊ ᐱᓪᓗᒋᑦ.”

ᒨᓯᓯ ᓯᕗᓪᓖᑦ 18:32

ᐂᑉᕋᕼᐋᒻ ᐅᖃᕐᐳᖅ, “ᐊᑕᓃᖅ, ᓂᓐᖓᒃᑍᓕᒋᑦ, ᓱᓕ ᐊᑕᐅᓯᐊᕐᓗᖓ ᐅᖃᒃᑲᓐᓂᕈᒪᒐᒪ. ᖁᓕᑐᐃᓐᓇᐅᒃᐸᑕᓕ?” ᑖᑦᓱᒪ ᐅᖃᐅᑎᕚ, “ᓇᓂᓯᒐᔭᕈᒪ ᖁᓕᓂᒃ ᑖᒃᑯᐊ ᐱᓪᓗᒋᑦ ᓄᖑᓐᓂᐊᓐᖏᓚᒃᑲ.”

ᒨᓯᓯ ᓯᕗᓪᓖᑦ 19:24

ᑕᕝᕙᓕ ᐊᑕᓂᖅ ᑲᑕᒐᕐᑎᑦᓯᓕᕐᐳᖅ ᐃᒃᑭᕆᒃᑐᓂᒃ ᐃᑯᒪᒥᒡᓗ ᐃᒡᓗᒐᓴᖕᓄᑦ ᓱᑑᒪᒧᑦ ᒍᒨᕋᒧᓪᓗ ᐊᑕᓂᕐᒥᑦ ᕿᓚᖕᒥᑦ ᐱᔪᓂᒃ.

ᐊᑕᓃᑦ ᓯᕗᓪᓖᑦ 19:18

ᓱᓕ ᐃᓄᖁᑎᖃᕐᐳᖓ ᐃᓴᕆᐊᓕᒥᐅᓂ 7,000ᓂᒃ ᐊᒥᐊᒃᑰᔪᓂᒃ, ᓰᖅᑯᕐᑐᓚᐅᖏᑦᑐᓂᒃ ᐰᓕᒧᑦ, ᑕᖅᑭᑕᒫᕐᓯᐅᑎᒧᓪᓗ ᑯᓂᒃᓯᓚᐅᖏᑦᑐᓂᒃ ᒎᑎᓐᖑᐊᒥᒃ.”

ᐊᑕᓃᑦ ᐂᑉᐸᖏᑦ 19:4

ᐃᒻᒪᖄ ᐊᑕᓂᐅᑉ ᒎᑎᑦᓯ ᑐᓵᓚᐅᕐᐹ ᕌᑉᓴᑭᐅᑉ ᐅᖃᐅᓯᖏᑦ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᖃᐅᓯᐅᖁᓚᐅᕐᑕᖏᑦ ᒎᑎᒥᒃ ᐆᒪᔪᒥᒃ ᒥᑕᐅᑎᖃᕐᑐᓂᒃ, ᐊᑕᓂᐅᑉ ᒎᑎᕕᑦ ᑕᒪᒃᑯᐊ ᐅᖃᐅᓯᐅᔪᑦ ᐅᕙᑦᑎᓐᓄᑦ ᒥᑕᐅᑎᖃᕐᓗᑎᒃ ᓱᒋᐊᕐᓕᒋᑦ ᑍᒤᑦᑐᓂᒃ ᐅᖃᓪᓚᒃᑐᕕᓃᒃ, ᑍᒤᒻᒪᑦ ᐃᓄᖁᑎᑦᑕ ᐊᒥᐊᒃᑯᖏᑦ ᒎᑎᒧᑦ ᑐᒃᓯᐅᑎᒃᑭᑦ.”

ᐂᓮᐊᓯᐅᑉ ᐊᒡᓚᖏᑦ 1:8

ᓮᐅᓂᐅᑉ ᐸᓂᖓ ᑭᓯᒥ ᐊᒥᐊᒃᑯᑑᕗᖅ, ᐃᒡᓗᕋᓛᑎᑐᑦ ᕔᓂᒃᓮᑦ ᐱᕈᕐᕕᖓᓃᑦᑐᑎᑐᑦ, ᐃᒡᓗᕋᓛᑐᓪᓗ ᑍᒤᑉᐳᖅ ᐱᕈᕐᓰᕕᖕᒥ, ᐃᒡᓗᒐᓴᒡᔪᐊᑦ ᐊᕙᓗᔭᐅᓯᒪᓪᓗᑎᒃ ᐊᑭᕋᕐᑐᕐᑎᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 11:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐊᒡᒐᓂ ᐃᓴᒍᒫᕐᐰᑦ ᐃᓄᖁᑎᓂ ᐊᒥᐊᒃᑰᔪᑦ ᐅᑎᕐᑎᑦᓱᒪᓗᒋᑦ, ᐊᓯᕆᐊᒥᑦ ᐄᑦᔨᑉᑎᒥᓪᓗ, ᐹᑐᕉᓯᒥᑦ ᐃᑎᐅᐱᐊᒥᓪᓗ, ᐃᓛᒻᒥᑦ ᓯᓇᕆᒥᓪᓗ, ᕼᐊᒫᑎᒥᑦ ᕿᑭᕐᑕᓂᓪᓗ ᐃᒪᕕᖕᒦᑦᑐᓂᑦ.

ᐂᓮᐊᓯᐅᑉ ᐊᒡᓚᖏᑦ 11:16

ᐊᓯᕆᐊᒥᓪᓗ ᐱᔪᒥᒃ ᐊᖅᑯᑎᕐᔪᐊᕐᑕᖃᓕᕈᒫᕐᐳᖅ ᐃᓄᖁᑎᖏᑕ ᐊᒥᐊᒃᑰᔪᑦ ᐃᖏᕐᕋᕕᒃᓴᖓᓂᒃ ᑕᕝᕙᓐᖓᑦ, ᓲᕐᓗ ᐃᓴᕆᐊᓕᒥᐅᑦ ᐊᐅᓪᓚᓚᐅᕐᓂᖏᑎᑐᑦ ᐄᑦᔨᑉᑎᐅᑉ ᓄᓇᖓᓂᑦ.

ᐂᓮᐊᓯᐅᑉ ᐊᒡᓚᖏᑦ 17:6

ᐅᓄᖏᑦᑐᓂᒃ ᐊᒥᐊᒃᑯᔪᒫᕐᐳᑦ ᐊᔪᕐᓴᕐᑐᓄᑦ ᐱᔭᐅᖏᑦᑐᑎᑐᑦ, ᓇᐹᕐᑐᑦ ᐅᕐᓱᒃᓴᓖᑦ ᐊᓇᐅᓕᕐᑕᐅᓪᓗᑎᒃ ᐸᐅᕐᖓᖏᑦ ᑲᑕᒐᕐᑎᑕᐅᔪᑎᑐᑦ ᐸᐅᕐᖔᖕᓂᒃ ᒪᕐᕉᖕᓂᒃ ᐱᖓᓱᓂᒡᓘᓐᓃᑦ ᐊᒥᐊᒃᑯᔭᐅᔪᑎᑐᑦ, ᓇᐹᕐᑐᑎᑐᓪᓗ ᖁᑦᓯᖕᓂᕐᐹᒥᑦ ᐸᐅᕐᖓᓂᒃ ᑲᑕᒐᕐᑎᑕᐅᔪᑎᑐᑦ, ᓯᑕᒪᓂᒃ ᑕᓪᓕᒪᓂᒡᓘᓐᓃᑦ ᐊᒥᐊᒃᑯᔪᑎᑐᑦ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 24:13

ᓇᓂᑐᐃᓐᓇᖅ ᓄᓇᕐᔪᐊᕐᒥ ᐃᓅᖃᑎᒌᒡᔪᐊᑦ ᑍᒤᑦᑐᒦᓕᕈᒫᕐᐳᑦ, ᑲᑎᕐᓱᐃᕕᐅᑉ ᐃᓱᓕᕋᑖᕐᓂᖓᑐᑦ ᑍᒤᑦᑑᓕᕈᒫᕐᐳᖅ, ᓇᐹᕐᑐᐃᑦ ᐅᕐᓱᒃᓴᕐᑕᓖᑦ ᑲᑕᒐᕐᓯᒪᓕᕐᓗᑎᒃ ᓇᐹᕐᑐᓕᒫᓂᑦ, ᕔᓂᒃᓮᓪᓗ ᑭᖑᓪᓕᕐᐹᖏᑦ ᐅᕐᐱᒐᖏᓐᓂᑦ ᓄᓂᕚᖑᓯᒪᓕᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 24:6

ᑍᒤᒻᒪᑦ ᒎᑎᐅᑉ ᓄᓇᕐᔪᐊᖅ ᓇᕐᕈᓇᕐᓯᑎᓚᐅᕐᐹ, ᐃᓄᖏᑦ ᑍᒤᑕᐅᔪᒃᓴᓐᖑᕋᒥᒃ ᐸᓯᔭᒃᓴᐅᓕᕐᐳᑦ ᐃᓅᔪᑦ ᖃᑦᓰᓐᓇᓐᖑᕐᐸᓪᓕᐊᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 37:4

ᐃᒻᒪᖄ, ᐊᑕᓂᐅᑉ ᒎᑎᕕᑦ ᕌᑉᓴᑭᐅᑉ ᐅᖃᐅᓯᖏᑦ ᑐᓴᕐᐰᑦ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᓕᓚᐅᕐᒪᒍ ᒎᑎᒥᒃ ᐆᒪᔪᒥᒃ ᒥᑕᐅᑎᖃᖁᓪᓗᒍ, ᐃᓂᕐᑎᕆᑐᐃᓐᓇᕆᐊᖃᕐᓗᓂᓗ ᐅᖃᐅᓯᖏᓐᓂᒃ ᐊᑕᓂᐅᑉ ᒎᑎᕕᑦ ᑐᓴᕐᑕᒥᓂᒃ; ᑍᒤᒻᒪᑦ ᑐᒃᓯᐅᑎᓚᐅᒃᑭᑦ ᐃᓄᐃᑦ ᐊᒥᐊᒃᑰᔪᑦ ᐱᓪᓗᒋᑦ.’”

ᐂᓮᐊᓯᐅᑉ ᐊᒡᓚᖏᑦ 46:3

“ᓈᓚᒃᓯᓐᖓ ᔧᑯᒧᑦ ᑭᖑᕚᖑᔪᓯ, ᐃᓘᓐᓇᓯᓗ ᐃᓴᕆᐊᓕᒥᐅᓂ ᐊᒥᐊᒃᑰᔪᓯ, ᐃᓕᑦᓯᓐᓂᒃ ᑲᒪᒋᔭᖃᓚᐅᕐᐳᖓ ᐃᓅᓕᕋᑖᕐᓂᑦᓯᓐᓂᑦ ᐃᒡᓕᐊᕐᒦᑎᓪᓗᓯᓗ;

ᐂᓮᐊᓯᐅᑉ ᐊᒡᓚᖏᑦ 6:13

ᐃᓄᐃᑦ ᖁᓕᐅᑦᔪᑎᖏᑦ ᕿᒪᒃᑕᐅᓯᒪᔪᑦ ᐊᒥᐊᒃᑯᒋᔭᐅᓕᕐᐸᑕ, ᑖᒃᑯᐊᑦᑕᐅᖅ ᐃᑯᐊᓪᓚᒃᑎᑕᐅᔪᒫᕆᕗᑦ, ᓇᐹᕐᑐᑐᓪᓗ ᐆᒃᒥᒃ ᐊᑎᓕᐅᑉ ᑭᐱᓯᒪᔫᑉ ᒪᓐᖑᖓᑦ ᓄᓇᒦᖏᓐᓇᓲᖑᖕᒪᑦ ᓇᑲᑕᐅᓯᒪᓂᖓ. ᑍᒫᒃᑕᐅᖅ ᐃᑦᔪᕐᓁᑦᑐᖅ ᑲᓐᖓᕐᓲᑎᒃᓴᖅ ᓇᐹᕐᑑᑉ ᒪᓐᖑᖓᓃᑦᓱᒫᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 65:8

ᐃᒫᒃ ᐊᑕᓂᖅ ᐅᖃᕐᐳᖅ, “ᕔᓂ ᓴᖅᑭᒻᒪᑦ ᐸᐅᕐᖓᓂ ᑲᑎᓐᖓᔪᑦ ᖃᒐᕐᑕᐅᕕᖕᓂᑦ, ᐃᓄᐃᓪᓗ ᐅᖃᕐᐸᖕᒪᑕ, ‘ᐊᒥᐊᒃᑯᖏᑦ ᖃᕐᑕᐅᑦᑍᓕᓕᑦ, ᓮᒻᒪᕐᑎᑕᐅᓇᕐᑐᖃᕐᒪᑕ.’ ᑍᒫᒃᑕᐅᖅ ᐱᔨᒃᑲ ᐱᓪᓗᒋᑦ ᓄᖑᑦᓱᒫᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 23:14

ᔨᕉᓴᓕᒥᐅᓂᓗ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᓂᒃ ᐱᐅᖏᓐᓂᕐᓴᓂᒃ ᑕᑯᓯᒪᕗᖓ, ᐊᓯᓐᓂᐊᖃᑦᑕᕐᒪᑕ ᐃᓅᓯᖃᓕᕐᓗᑎᒡᓗ ᓱᓕᖏᑦᑐᒥᒃ; ᐱᐅᖏᑦᑐᓕᔪᓂᒃ ᐃᑲᔪᕐᑐᐃᑐᐃᓐᓇᖃᑦᑕᓕᕐᐳᑦ, ᐱᐅᖏᑦᑐᓕᓂᕐᒥᖕᓂᑦ ᓵᒋᐊᕐᑐᖃᕈᓐᓇᕈᓐᓃᕐᐳᖅ; ᓱᑑᒪᒥᐅᓄᑦ ᐊᑦᔨᒋᔭᐅᑎᓕᕐᐸᒃᑲ, ᐃᓄᖏᓪᓗ ᒍᒨᕋᒥᐅᑎᑐᑦ ᑍᒤᓕᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 42:2

ᔨᕆᒤᐊᒧᓪᓗ ᐅᖃᕐᐳᑦ, “ᑐᒃᓯᕋᐅᑎᒋᔪᒪᔭᑦᑎᓐᓂᒃ ᐊᖏᕐᑕᐅᔪᒪᒐᓗᐊᕋᑦᑕ, ᑐᒃᓯᐅᑦᔭᐅᔪᒪᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ, ᐃᓅᔪᑑᓕᕐᑐᒍᑦ ᑐᒃᓯᐅᑦᔭᐅᔪᒪᒐᑦᑕ, ᐃᓄᒋᐊᓚᐅᕋᓗᐊᕐᓗᑕ ᖃᑦᓰᓐᓇᐅᓕᕋᑦᑕ ᑕᑯᓐᓇᕋᕕᑦ.

ᔨᕆᒤᐊᐅᑉ ᐊᒡᓚᖏᑦ 50:20

ᐅᓪᓗᓂ ᑍᒃᑯᓇᓂ, ᐊᑕᓂᖅ ᐅᖃᕐᐳᖅ, ᖃᐅᔨᓇᓱᐊᕐᑐᖃᕈᒫᕐᐳᖅ ᐃᓴᕆᐊᓕᒥᐅᑦ ᐸᓯᔭᒃᓴᐅᓂᖏᓐᓂᒃ, ᑭᓯᐊᓂᓕ ᓇᓂᓯᔪᖃᕈᒫᓐᖏᓚᖅ, ᔫᑕᒥᐅᓪᓗ ᐊᔪᕐᓂᖏᓐᓂᒃ ᖃᐅᔨᓇᓱᐊᕐᑐᖃᕈᒫᕐᐳᖅ ᓇᓂᓯᔪᖃᕈᒫᖏᓐᓂᕗᖅ, ᐊᒥᐊᒃᑰᔪᑦ ᐃᓱᒪᒋᔪᓐᓁᕐᕕᒋᔪᒫᕋᒃᑭᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:22

ᐊᑕᓂᐅᑉ ᓂᒡᓕᒍᓱᖕᓂᖓ ᑲᔪᓯᑦᓮᓐᓇᕐᐳᖅ, ᓂᑲᒍᓱᖕᓂᖓ ᓄᖅᑲᓚᐅᕐᓯᒪᓐᖏᓚᖅ,

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:6

ᐃᓄᖁᑎᒪ ᓱᒋᐊᕐᑕᐅᓂᖓᑦ ᐊᖏᓂᕐᓴᐅᓯᒪᕗᖅ ᓱᑑᒪᒥᐅᑦ ᓱᒋᐊᕐᑕᐅᓂᖓᓂᑦ, ᐊᓯᕈᕐᑕᐅᓇᕐᑐᒧᑦ ᑕᕝᕔᓐᓇᖅ ᑎᑭᑕᐅᓚᐅᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 14:22

ᑕᒪᒃᑯᓇᓐᖓᓪᓕ ᐊᓐᓇᒍᓐᓇᕐᑐᖃᕋᔭᕐᐸᑦ ᕿᑐᕐᖓᓂᓗ ᑕᓯᐅᕐᓗᓂᒋᑦ, ᐃᓕᑦᓯᓐᓄᑦ ᑎᑭᑉᐸᑕ, ᐱᐅᓯᖏᓪᓗ ᐱᓂᐊᕐᓂᖏᓪᓗ ᑕᑯᓕᕈᑦᓯᒋᒃ, ᑕᕝᕙ ᔨᕉᓴᓕᐅᑉ ᓱᒋᐊᕐᑕᐅᓂᖓ ᐱᐅᖏᑦᑐᒧᑦ ᓈᒻᒪᓈᕐᑕᐅᓯᒪᓂᖓᓂᒃ ᖃᐅᔨᒐᔭᕐᐳᓯ ᒪᓂᒍᕐᑕᐅᓗᓯᓗ.

ᐃᓯᑭᐊᓕᐅᑉ ᐊᒡᓚᖏᑦ 6:8

“ᐊᒥᐊᒃᑯᖃᕐᑎᑦᓱᒫᕐᐸᑦᓯᓕ. ᐃᓚᖏᑦ ᓴᕕᒡᔪᐊᒥᑦ ᐊᓐᓇᒃᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᓂ, ᓯᐊᒻᒪᒃᑎᓪᓗᓯᓗ ᓄᓇᓕᒡᔪᐊᓄᑦ.

ᔪᐃᓕᐅᑉ ᐊᒡᓚᖏᑦ 2:32

ᒪᑐᒪ ᑭᖑᕐᖓᒍᑦ ᓇᓪᓕᐊᑦ ᐊᑕᓂᐅᑉ ᐊᑎᖓᓂ ᑐᒃᓯᐊᕐᑐᖅ ᐱᐅᓕᔭᐅᓛᕐᐳᖅ. ᖃᖅᑲᒥ ᓮᐅᓂᒥ ᔨᕉᓴᓕᒥᓗ ᓴᐳᑦᔭᐅᕕᒃᓴᖃᕈᒫᕐᐳᖅ. ᐊᑕᓂᖅ ᐅᖃᓚᐅᕐᒪᑦ, ᑍᒤᑦᓱᒫᕐᐳᖅ ᐃᓄᖁᑎᖏᓐᓂ ᐊᒥᐊᒃᑰᔪᓂ ᐊᑕᓂᐅᑉ ᕾᖁᔭᖏᓐᓂ.”

ᐂᒨᓯᐅᑉ ᐊᒡᓚᖏᑦ 4:11

“ᐃᓚᓯ ᐃᓚᖏᑦ ᐊᓯᕈᓚᐅᕐᐸᒃᑲ, ᒎᑎᐅᑉ ᓱᑑᒪᒥᒃ ᒍᒨᕋᒥᒡᓗ ᐊᓯᕈᐃᓂᕆᓚᐅᕐᑕᖓᑎᑐᑦ, ᕿᔪᒃᑐᑦ ᐃᑯᒪᔪᑎᑐᑦ ᑍᒤᓚᐅᕐᐳᓯ ᐃᑯᒪᒥᑦ ᐊᒧᔭᐅᔪᑎᑐᑦ, ᓱᓕᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᕼᐊᐸᑲᐅᑉ ᐊᒡᓚᖏᑦ 3:2

ᐊᑕᓃᖅ, ᑐᓴᕐᓯᒪᕗᖓ ᐅᓂᒃᑲᐅᓯᐅᓯᒪᓂᕐᓂᒃ, ᐱᓇᓱᐊᕐᓂᕆᓯᒪᔭᑎᓪᓗ ᐊᑕᓃᖅ, ᓯᕘᕋᒋᕙᒃᑲ. ᐱᓂᐊᕐᓂᕆᕙᓚᐅᕐᑕᑎᑦ ᐅᓪᓗᒥ ᓄᑕᐅᓯᓕᕐᓗᒋᑦ; ᐱᓂᐊᕐᓂᕆᕙᓚᐅᕐᑕᑎᓪᓗ ᐅᓪᓗᒥ ᖃᐅᔨᔭᐅᑎᓪᓗᒋᑦ; ᓂᓐᖓᐅᒪᓗᑎᑦ ᐃᖅᑬᓚᐅᕆᑦ ᓂᑲᒍᓱᖕᓂᕐᒥᒃ.

ᔨᐸᓁᐊᐅᑉ ᐊᒡᓚᖏᑦ 2:9

ᑍᒤᒻᒪᑦ ᐃᓅᑎᓪᓗᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, “ᓱᓕᓪᓚᕆᒃᓗᖓ ᒧᐊᐱᒥᐅᑦ ᓱᑑᒪᒥᐅᑎᑑᕈᒫᕐᐳᑦ, ᐊᒧᓁᑎᒥᐅᓪᓗ ᒍᒨᕋᒥᐅᑎᑑᕈᒫᕐᐳᑦ ᐱᕈᕐᕕᐅᔪᒫᕐᐳᑦ ᐅᕐᐱᖕᓄᑦ ᐃᒪᕐᓱᖕᓄᓪᓗ ᑕᕆᐅᒧᑦ, ᓄᓇᖓ ᐊᑑᑎᖃᕈᓐᓁᕈᒫᕐᐳᖅ ᐃᓱᖃᖏᑦᑐᒧᑦ. ᐃᓄᖁᑎᒪ ᓇᒃᕚᕐᑕᕐᕕᒋᔪᒫᕐᐰᑦ, ᐃᓅᖃᑎᒌᒡᔪᐊᖁᑎᒪᓗ ᐊᒥᐊᒃᑯᖏᑕ ᐱᑖᕆᔪᒫᕐᐹ.”

ᒫᑎᐅᓯᐅᑉ ᐊᒡᓚᖏᑦ 7:14

ᐃᑎᕐᕕᒃ ᓂᕈᑭᑦᑑᕗᖅ ᐃᓅᓯᕐᒧᑦ ᓄᖑᓱᐃᑦᑐᒧᑦ ᑐᕌᖓᔪᖅ, ᐊᖅᑯᑎᖓ ᐱᔭᕐᓂᖏᑦᑑᓪᓗᓂ, ᐅᓄᖏᑦᑐᑦ ᑕᒪᓐᓇ ᓇᓂᕚᑦ.”

ᕉᒪᒥᐅᓄᑦ 9:27

ᐂᓮᐊᓯ ᓂᓪᓕᐊᓚᐅᕐᐳᖅ ᐃᓴᕆᐊᓕᒥᐅᓄᑦ: “ᐃᓴᕆᐊᓕᒥᐅᑦ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᒐᓗᐊᕐᐸᑕ, ᐊᒥᐊᒃᑯᑐᐊᖏᑦ ᐅᓄᖏᑦᑐᑦ ᐱᐅᓕᔭᐅᔪᒫᕐᐳᑦ.

ᕉᒪᒥᐅᓄᑦ 9:29

ᐂᓮᐊᓯᓗ ᓇᓚᐅᑦᓯᓚᐅᕐᐳᖅ ᐅᖃᕐᓗᓂ, “ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑭᖑᕚᕇᒃᓴᓕᐊᕆᓚᐅᖏᑉᐸᑎᒍᑦ, ᓱᑑᒪᒥᐅᑎᑐᑦ ᒍᒨᕋᒥᐅᑎᑐᓪᓗ ᑍᒤᑕᐅᒐᔭᓚᐅᕐᐳᒍᑦ.”

ᒨᓯᓯ ᑕᓪᓕᒪᖏᑦ 29:23

ᓄᓇᓕᒫᖅ ᐱᕈᕐᓰᕕᓕᒫᓪᓗ ᓱᓇᒃᓴᐅᔪᓐᓃᕈᒫᕐᐳᑦ, ᐅᔭᕋᖕᓄᑦ ᐃᑯᐊᓪᓚᒃᓴᕅᑦᑐᓄᑦ ᑕᕆᐅᕐᒧᓪᓗ; ᑲᓐᖓᕐᓱᐃᕕᐅᔪᒫᓐᖏᓚᖅ, ᐊᒡᓛᑦ ᐱᕈᕐᓂᕐᓗᒃᑐᓂᒃ ᐱᕈᕐᕕᐅᔪᓐᓃᕈᒫᕐᐳᖅ. ᓄᓇᓯᓗ ᓱᑑᒪᒥᐅᑦ ᒍᒨᕋᒥᐅᓪᓗ ᐃᒡᓗᒐᓴᖏᑎᑐᑦ ᑍᒤᑦᑑᓕᕈᒫᕐᐳᖅ, ᐊᑦᒪᒥᐅᑎᑐᓪᓗ ᔨᐳᐃᒥᐅᑎᑐᓪᓗ, ᐊᑕᓂᐅᑉ ᑖᒃᑯᐊ ᓄᖑᑎᓚᐅᕐᒪᒋᑦ ᓂᓐᖓᕕᒡᔪᐊᕐᕕᒋᓪᓗᒋᑦ.

ᐲᑦᑐᕉᓯ ᐂᑉᐸᖏᑦ 2:6

ᒎᑎᐅᓪᓗ ᐃᒡᓗᒐᓴᒡᔪᐊᑦ ᓱᑑᒪ ᒍᒨᕋᓗ ᐃᑯᒪᒧᑦ ᓱᒋᐊᕐᓗᒋᑦ ᓄᖑᑕᐅᑎᓚᐅᕐᐰᑦ, ᖃᐅᔨᒪᑦᔪᑕᐅᖁᓪᓗᒋᑦ ᒎᑎᖃᖏᑦᑐᑦ ᑍᒤᑕᐅᔪᒫᕐᓂᖏᓐᓂᒃ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:8

ᑎᒥᖏᒡᓗ ᐃᒡᓗᒐᓮᑦ ᐊᖏᔪᕐᔪᐊᑦ ᐊᖅᑯᑎᖏᓐᓂ ᑍᒤᓕᖓᑐᐃᓐᓇᕈᒫᕐᐴᒃ ᐊᑕᓂᖓᒃᑕ ᓴᓐᓂᖓᔪᓕᖕᒧᑦ ᑭᑭᐊᒃᑐᕐᑕᐅᕕᒋᓚᐅᕐᑕᖓᓂ, ᐃᒡᓗᒐᓴᒡᔪᐊᒡᓗ ᒪᕐᕉᒃ ᓇᓗᓁᒃᑯᑕᖃᕐᑎᑕᐅᕘᒃ ᓱᑑᒪᒥᒃ ᐄᑦᔨᑉᑎᒥᒡᓗ ᑍᔭᐅᓪᓗᑎᒃ.