ᕼᐆᓯᐊᑉ ᐊᒡᓚᖏᑦ 14:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᓇᓪᓕᐊᑦ ᓯᓚᑐᔪᖅ, ᑕᒪᒃᑯᓂᖓ ᑐᑭᓯᓕᕐᓕ; ᓇᓪᓕᐊᑦ ᖃᐅᔨᔪᓐᓇᕐᑐᖅ ᑖᒃᑯᓂᖓ ᖃᐅᔨᓕᕐᓕ; ᐊᑕᓂᐅᑉ ᐊᖅᑯᑎᖏᑦ ᓈᒻᒪᑦᓯᐊᕐᒪᑕ; ᐃᓱᐊᕐᑐᑦ ᑕᒪᓐᓇ ᐊᑐᕐᐹᑦ, ᐱᐅᖏᑦᑐᓕᔪᓪᓕ ᑕᒪᐅᓇ ᐹᓪᓚᒃᐳᑦ.

ᕼᐆᓯᐊᑉ ᐊᒡᓚᖏᑦ 14:9 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 18:25

ᑍᒤᓕᐅᕈᒪᓂᕐᒥᒃ ᐃᓱᒪᓂᐊᕐᓇᒃ, ᐸᓯᔭᒃᓴᐅᖏᑦᑐᓂᒃ ᑐᖁᑦᓯᖃᓯᐅᑦᔨᓗᑎᑦ ᐊᔪᕐᑐᓕᔪᓄᑦ, ᐃᓱᐊᕐᑐᑦ ᐊᑦᔨᐅᓕᕐᓗᑎᒃ ᐃᓱᐃᑦᑐᓕᔪᓄᑦ! ᑕᒪᓐᓇ ᐃᓱᒪᒋᑦᑍᓕᒍᒃ! ᓄᓇᕐᔪᐊᕐᒥᐅᓄᑦ ᑕᒤᓐᓄᑦ ᐃᖅᑲᕐᑐᐃᔨ ᑍᒤᒍᓂ ᐃᓱᐊᕐᑐᒥᒃ ᐱᓂᐊᓐᖏᓚᖅ.”

ᔫᐱᐅᑉ ᐊᒡᓚᖏᑦ 17:9

ᐃᓱᐊᕐᑐᓕᔪᕐᓕ ᐱᓇᓱᐊᕐᓂᕐᒥᓂᒃ ᑲᔪᓯᑦᓯᐊᕐᐳᖅ, ᓈᒻᒪᖏᑦᑐᒥᒡᓗ ᐱᓇᓱᐊᕐᓯᒪᖏᑦᑐᖅ ᓲᖑᓯᕙᓪᓕᐊᑐᐃᓐᓇᕐᓂᐊᕐᐳᖅ.

ᐃᓐᖏᕈᑎᑦ 107:43

ᓇᓪᓕᐊᑦ ᑕᕝᕙ ᓯᓚᑐᔪᖅ, ᑕᒪᒃᑯᓂᖓ ᐃᓱᒪᒃᓴᕐᓯᐅᕈᑎᖃᕐᓂᐊᕐᐳᖅ, ᖃᐅᔨᓂᐊᕐᓗᑎᒡᓗ ᐊᑕᓂᐅᑉ ᓇᒡᓕᒍᓱᖕᓂᖓᓂᒃ ᓱᖁᓯᔪᐃᑦᑐᒥᒃ.

ᐃᓐᖏᕈᑎᑦ 119:128

ᑍᒤᒻᒪᑦ ᐱᓇᓱᐊᕐᑕᐅᖁᔭᑎᑦ ᓈᓚᒻᒪᕆᒃᐸᒃᑲ; ᐱᓂᐊᕐᓂᓕᒫᓪᓗ ᓱᓕᖏᑦᑐᑦ ᐱᐅᒋᓐᖏᓚᒃᑲ.

ᐃᓐᖏᕈᑎᑦ 119:75

ᐊᑕᓃᖅ, ᖃᐅᔨᒪᕗᖓ ᐋᖅᑭᒃᓱᐃᓃᑦ ᓈᒻᒪᓈᕐᓯᒪᖕᒪᑦ, ᓱᖁᓯᔪᐃᑦᑑᓂᕐᓄᑦ ᐋᓐᓂᐊᑎᑕᐅᓂᒃᑯᑦ ᐋᖅᑭᒋᐊᓚᐅᕋᕕᖓ.

ᐃᓐᖏᕈᑎᑦ 84:5

ᖁᕕᐊᓱᒍᑎᒃᓴᖃᕐᐳᖅ ᐃᓄᒃ ᐃᓕᖕᓂᒃ ᐱᔪᓐᓇᐅᑎᖃᕐᑐᖅ, ᑖᑦᓱᒪ ᐆᒻᒪᑎᖓ ᑲᔪᓯᑦᓯᐊᕐᐳᖅ ᓮᐅᓂᒧᑦ.

ᐃᓐᖏᕈᑎᑦ 84:7

ᐃᖏᕐᕋᕗᑦ ᐱᔪᓐᓇᕐᓂᕐᒥᑦ ᐱᔪᓐᓇᕐᓂᕐᒧᑦ; ᐊᑐᓂᓪᓗ ᑕᒤᓐᓄᑦ ᒎᑎᐅᔪᒧᑦ ᐅᐸᒍᑎᕗᑦ ᓮᐅᓂᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:29

ᐊᑕᓂᖅ ᓴᐳᑦᔭᐅᕕᒃᓴᐅᕗᖅ ᐃᓱᐊᕐᑑᑉ ᐊᖅᑯᓯᓂᖓᓂ, ᐱᐅᖏᑦᑐᓕᔪᓪᓕ ᐊᓯᕈᕐᑕᐅᓇᕐᑐᒧᑦ ᑎᑭᐅᑎᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:21

ᐆᒻᒪᑎᖃᕐᑐᖅ ᓯᓚᑐᔪᒥᒃ ᐅᑦᔨᕐᓱᑦᓯᐊᕐᑐᒥᒃ ᑍᔭᐅᓂᐊᕐᐳᖅ, ᐅᖃᓪᓚᑦᓯᐊᕐᐸᒃᑐᕐᓗ ᒪᓕᒃᓴᕐᑎᑦᓯᑦᓯᐊᕈᓐᓇᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:18

ᓈᒻᒪᓈᑦᓯᐊᕐᑐᒥ ᐃᓅᔪᑦ ᐊᑐᕐᑕᖓᑦ ᓯᕿᓂᕐᒧᑦ ᓄᐃᕕᐅᓕᕐᑐᑎᑐᑦ ᑍᒤᑉᐳᖅ, ᖃᐅᒻᒪᒃᑎᑕᐅᕙᓪᓕᐊᕗᖅ ᐅᓪᓗᓪᓗᐊᕈᕐᐸᓪᓕᐊᔪᒧᑦ ᖃᐅᒻᒪᒌᑦᓯᐊᓕᕐᕕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 1:28

ᐊᑭᕋᕐᑐᕐᑐᓪᓕ ᐊᔪᕐᑐᓕᔪᓪᓗ ᑕᒪᕐᒥᒃ ᐊᑕᐅᑦᓯᒃᑯᑦ ᓄᖑᑎᑕᐅᔪᒫᕐᐳᑦ, ᐊᑕᓂᕐᒥᒡᓗ ᕿᒤᔪᑦ ᓄᖑᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 17:8

ᑐᓂᕐᕈᓯᕐᕕᖕᓂᒃ ᓴᓇᓚᐅᕐᑕᒥᖕᓂᒃ ᑕᑎᖃᕈᓐᓃᕈᒫᕐᐳᑦ, ᐊᒡᒐᒥᖕᓄᑦ ᓴᓇᓚᐅᕐᑕᒥᖕᓂᒃ, ᑕᑎᖃᕈᓐᓃᕐᓗᑎᒡᓗ ᓇᖕᒥᓂᖅ ᓴᓇᓯᒪᔭᒥᖕᓂᒃ ᒎᑎᓐᖑᐊᒥᒃ ᐊᓯᕋᒥᒃ ᑐᓂᕐᕈᓯᕐᕕᖕᓂᒡᓗ ᐃᓯᕐᓗᐊᕐᓂᑎᑦᓯᕕᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 26:7

ᐃᓱᐊᕐᑐᑦ ᐊᖅᑯᑎᖏᑦ ᒪᓂᕋᕈᕐᑎᑉᐸᑎᑦ; ᐃᓱᐊᕐᑐᑦ ᐱᓱᒡᕕᒃᓴᖏᑦ ᕾᕋᑦᑑᑎᑉᐸᑎᑦ.

ᔨᕆᒤᐊᐅᑉ ᐊᒡᓚᖏᑦ 29:12

ᕿᓄᒍᑦᓯ ᐅᕙᓐᓄᓪᓗ ᑐᒃᓯᐊᕈᑦᓯ ᑐᓴᕐᓂᐊᕐᐸᑦᓯ.

ᔨᕆᒤᐊᐅᑉ ᐊᒡᓚᖏᑦ 9:12

ᐃᓄᒃᑕᖃᕐᐹ ᑕᒪᑐᒥᖓ ᑐᑭᓯᔪᓐᓇᕐᑐᒥᒃ ᓯᓚᑐᓂᕐᒥᓄᑦ? ᑭᓇ ᐊᑕᓂᕐᒧᑦ ᐊᔪᕆᕐᑐᕐᑕᐅᓯᒪᓂᕐᒥᓄᑦ ᑕᒪᑐᒥᖓ ᑐᑭᓯᓇᕐᓯᑎᑦᓯᔪᓐᓇᕐᐹ? ᖃᓄᐃᒻᒪᑦ ᓄᓇ ᐊᓯᕈᕐᓯᒪᕚ ᐊᑐᕐᑐᒃᓴᐅᔪᓐᓃᕐᓗᓂᓗ ᓲᕐᓗ ᐃᓄᖃᔪᐃᑦᑐᑎᑐᑦ ᐊᑐᕐᑕᐅᔪᓐᓁᓪᓕᓪᓗᓂ?

ᐃᓯᑭᐊᓕᐅᑉ ᐊᒡᓚᖏᑦ 11:18

ᑕᕝᕗᖓᕈᑎᒃ, ᐃᑦᔪᕐᓇᕐᑐᓂᒃ ᐲᔧᔪᒫᕐᐳᑦ ᒎᑎᒧᓪᓗ ᓇᕐᕈᓇᕐᑐᓕᒫᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 18:25

“ᐅᖃᕐᐳᓯᓕ, ‘ᐊᑕᓂᖅ ᐱᓂᐊᕐᓂᕐᒥᓂᒃ ᓈᒻᒪᓈᕐᓯᒪᓐᖏᓚᖅ.’ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᑐᓴᓕᕆᑦᓯ: ᐱᓂᐊᕐᓂᕆᔭᕋ ᓈᒻᒪᓈᕐᓯᒪᓇᓱᒋᖏᑉᐱᓯᐅᒃ? ᐃᓕᑦᓯᖔᖅ ᐱᓂᐊᕐᓂᕆᔭᓯ ᓈᒻᒪᓈᕐᓯᒪᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 36:25

ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᑖᓂᐊᓕᐅᑉ ᐊᒡᓚᖏᑦ 12:10

ᐅᓄᕐᑐᑦ ᓴᓗᒻᒪᕐᓴᕐᑕᐅᔪᒫᕐᐳᑦ, ᑕᕐᓴᖃᕈᓐᓁᕐᓗᑎᒡᓗ, ᓱᕉᓂᖏᑦ ᐲᔭᕐᑕᐅᓗᑎᒃ; ᐱᐅᖏᑦᑐᓕᔪᓪᓕ ᑍᒪᓐᖓᑦ ᐱᐅᖏᑦᑐᓖᓐᓇᕐᓂᐊᕐᐳᑦ, ᐱᐅᒋᑦᑐᓕᔪᑦ ᑐᑭᓯᔪᓐᓇᕐᓂᐊᓐᖏᓚᑦ, ᓯᓚᑐᔪᓪᓕ ᑐᑭᓯᓂᐊᕐᐳᑦ.

ᔨᐸᓁᐊᐅᑉ ᐊᒡᓚᖏᑦ 3:5

ᐊᑕᓂᕐᓕ ᑖᑦᓱᒪᓃᑦᑐᖅ ᐃᓱᐊᕐᑑᕗᖅ, ᐃᓱᐃᑦᑐᓕᓂᐊᓐᖏᓚᕐᓗ. ᐅᓪᓛᑕᒫᑦ ᐃᓱᐊᕐᑐᓕᓂᓂ ᓴᖅᑭᑎᑉᐹ ᖃᐅᒪᔪᓄᑦ; ᐅᕐᕈᔪᓐᓇᖏᑦᑐᖅ, ᐃᓱᐃᑦᑐᓕᔪᓪᓕ ᖃᐅᔨᒪᓐᖏᓚᑦ ᑲᓐᖑᓱᖕᓂᕐᒥᒃ.

ᓴᑲᕅᐊᐅᑉ ᐊᒡᓚᖏᑦ 10:6

“ᔫᑕᒥ ᓄᓇᖃᕐᑐᑦ ᓴᓐᖏᔪᕈᕐᑎᑦᓱᒫᕐᐸᒃᑲ, ᔫᓯᐱᐅᓪᓗ ᑭᖑᕚᖏᑦ ᓴᐳᑎᔪᒫᕐᐸᒃᑲ, ᐱᐅᓯᕆᓚᐅᕐᑕᖏᓐᓄᑦ ᐅᑎᕐᑎᑦᓱᒫᕐᐸᒃᑲ ᓇᒡᓕᒋᒐᒃᑭᑦ. ᓱᒋᐊᓚᐅᓯᒪᖏᑕᑦᑐᑦ ᑍᒤᓕᕈᒫᕐᐳᑦ: ᐊᑕᓂᐅᒐᒪ ᑖᒃᑯᐊ ᒎᑎᖓᑦ, ᑐᒃᓯᐊᕐᓂᖏᓪᓗ ᑐᓴᕈᒫᕐᐸᒃᑲ.

ᒫᑎᐅᓯᐅᑉ ᐊᒡᓚᖏᑦ 11:19

ᐃᓅᓪᓕ ᐃᕐᓂᖓ ᑎᑭᒻᒪᑦ, ᓂᕆᖃᑦᑕᕐᐳᖅ ᐃᒥᖃᑦᑕᕐᓗᓂᓗ, ᐃᓄᐃᓪᓗ ᐅᖃᕐᐳᑦ, ‘ᐅᓇ ᐊᖑᑦ ᑕᑯᓯᐅᒃ! ᓂᕆᓗᐊᖃᑦᑕᕐᑐᖅ, ᐅᐂᓂᒥᒡᓗ ᐃᒥᕐᑎᐅᓪᓗᓂ, ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖏᑕ ᐊᔪᕐᑐᓕᔪᓪᓗ ᐱᖃᓐᓇᕆᔭᖓᑦ!’ ᒎᑎᐅᓪᓕ ᓯᓚᑐᓂᖓ ᓴᖅᑭᑎᑕᐅᕗᖅ ᐱᓂᐊᕐᓂᖏᑎᒍᑦ.”

ᓘᑲᓯᐅᑉ ᐊᒡᓚᖏᑦ 2:34

ᓯᒥᐅᓂᐅᑉ ᓮᒻᒪᕐᑎᑉᐰᑦ ᐊᓈᓇᖓᓄᑦ ᒥᐊᕆᒧᑦ ᐅᖃᕐᓗᓂ, “ᑕᑯᒋᑦ, ᐅᓇ ᓄᑕᕋᑯᓗᒃ ᐅᓄᕐᑐᓄᑦ ᐃᓴᕆᐊᓕᒥᐅᓄᑦ ᑲᑕᒍᑕᐅᔪᒫᕐᐳᖅ ᒪᑭᑦᔪᑕᐅᔪᒫᕐᓗᓂᓗ, ᓇᓗᓁᒃᑯᑕᐅᔪᒫᕐᐳᖅ ᐊᑭᕋᕐᑐᑕᐅᓗᓂ.

ᓘᑲᓯᐅᑉ ᐊᒡᓚᖏᑦ 7:23

ᓮᒪᕐᑎᑕᐅᓯᒪᔪᒥᒃ ᐃᓅᓯᖃᕐᐳᖅ ᑖᓐᓇ ᐅᕙᓐᓂᒃ ᖁᓚᕈᑎᖃᖏᑦᑐᖅ.”

ᔪᐊᓇᓯᐅᑉ ᐊᒡᓚᖏᑦ 15:24

ᐱᓂᐊᕐᓂᖃᓚᐅᖏᒃᑯᒪ ᐱᓂᐊᕐᓂᕆᔭᐅᓚᐅᕐᓯᒪᖏᑦᑐᒥᒃ ᑖᒃᑯᓄᖓ, ᐊᔪᕐᓂᖃᕋᔭᓐᖏᓚᑦ; ᒫᓐᓇᓕ ᑕᑯᓯᒪᕗᑦ ᐊᑖᑕᒐᓗ ᑕᒪᓐᓄᒃ ᐆᒥᒋᕚᑎᒃᑯᒃ.

ᔪᐊᓇᓯᐅᑉ ᐊᒡᓚᖏᑦ 18:37

ᑕᕝᕙ ᐰᓛᑑᓯᐅᑉ ᐊᐱᕆᕚ, “ᑕᕝᕚ ᐊᖓᔪᖅᑳᕐᔪᐊᖑᕕᑦ?” ᔩᓱᓯᐅᑉ ᑭᐅᕚ, “ᐃᕝᕕᑦ ᐊᖓᔪᖅᑳᕐᔪᐊᖑᓂᕋᕐᐸᕐᒪ. ᑕᒪᓐᓇ ᐱᑦᔪᑎᒋᓪᓗᒍ ᐃᓅᓚᐅᕐᐳᖓ, ᓯᓚᕐᔪᐊᕐᒧᓪᓗ ᑎᑭᓪᓗᖓ, ᓱᓕᔪᒥᒃ ᓇᓗᓁᕐᓯᔭᕐᑐᕐᓗᖓ. ᓱᓕᔪᒦᑦᑐᓕᒫᑦ ᑐᓴᕐᐹᖓ.”

ᔪᐊᓇᓯᐅᑉ ᐊᒡᓚᖏᑦ 8:47

ᒎᑎᒥᑦ ᐱᔫᑉ ᒎᑎᐅᑉ ᐅᖃᐅᓯᖏᑦ ᑐᓴᕐᐰᑦ; ᑍᒤᒻᒪᑦ ᒎᑎᒥᑦ ᐱᖏᓐᓇᑦᓯ, ᑐᓴᕈᓐᓇᓐᖏᓚᓯ.”

ᔪᐊᓇᓯᐅᑉ ᐊᒡᓚᖏᑦ 9:39

ᔩᓱᓯ ᐅᖃᕐᐳᖅ, “ᐃᖅᑲᕐᑐᐃᔭᕐᑐᕐᓗᖓ ᓯᓚᕐᔪᐊᕐᒧᑦ ᑎᑭᑉᐳᖓ, ᑕᐅᑐᖏᑦᑐᑦ ᑕᐅᑐᓕᖁᓪᓗᒋᑦ, ᑕᐅᑐᒃᑐᓪᓗ ᑕᐅᑐᒍᓐᓃᖁᓪᓗᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:10

ᐅᖃᕐᓗᓂ, “ᓵᑖᓇᓯᐅᑉ ᐃᕐᓂᖓ, ᓇᓛᒎᕐᑐᓕᒫᓂᒃ ᐊᑭᕋᕐᑐᕐᑎᐅᔪᑎᑦ, ᓯᓔᕐᕆᒃᓯᓂᐊᓗᖕᓂᒃ ᓴᒡᓗᓂᕐᓂᒡᓗ ᑕᑕᑦᑐᑎᑦ, ᐊᑕᓂᐅᑉ ᐊᖅᑯᑎᖓᑕ ᓱᓕᑦᓯᐊᕐᓂᖓᓂᒃ ᓴᖑᑎᑦᓯᓇᓱᐊᖏᓐᓇᕐᓂᐊᕐᐲᑦ?

ᕉᒪᒥᐅᓄᑦ 7:12

ᑍᒤᒻᒪᑦ ᐱᖁᔭᖅ ᐃᑦᔪᕐᓁᑉᐳᖅ, ᐱᖁᔧᓪᓗ ᖁᓕᑦ ᐃᑦᔪᕐᓁᒃᑭᕗᑦ, ᐃᓗᐊᕐᑑᓪᓗᑎᒡᓗ ᐱᐅᕗᑦ.

ᒨᓯᓯ ᑕᓪᓕᒪᖏᑦ 32:4

ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:3

ᐃᓐᖏᕐᐳᓪᓗ ᒨᓯᓯᐅᑉ ᐃᓐᖏᕈᑎᖓᓂᒃ, ᒎᑎᐅᑉ ᐱᔨᖓᑕ, ᓄᕐᕋᐅᔭᐅᓪᓗ ᐃᓐᖏᕈᑎᖓᓂᒃ, ᐅᖃᕐᓗᑎᒃ: “ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ! ᐱᓂᐊᕐᓂᑎᑦ ᐊᖏᔪᕐᔫᕗᑦ ᐱᐅᔪᐊᓘᓪᓗᑎᒡᓗ, ᐊᖅᑯᑎᑎᑦ ᓈᒻᒪᑦᓯᐊᕐᐳᑦ ᓱᓕᓪᓗᑎᒡᓗ, ᐊᖓᔪᖅᑳᕐᔪᐊᖑᕗᑎᑦ ᐃᓱᖃᖏᑦᑐᒧᑦ!