ᕼᐆᓯᐊᑉ ᐊᒡᓚᖏᑦ 12:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᐃᕗᕅᒥ ᐊᓄᕆᒥᑦ ᓂᕆᕗᖅ, ᒪᓕᒃᐳᕐᓗ ᐊᓄᕆᒥᒃ ᐅᓪᓗᓕᒫᖅ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᒃ; ᓴᒡᓗᖃᑦᑕᓕᕐᐸᓪᓕᐊᑐᐃᓐᓇᕐᐳᑦ ᐱᕋᔭᖃᑦᑕᓕᕐᐸᓪᓕᐊᓪᓗᑎᒡᓗ; ᐊᖏᖃᑎᖃᕐᓯᒪᕗᓪᓗ ᐊᓯᕆᐊᒥᐅᓂᒃ, ᐅᕐᓱᐃᓪᓗ ᐂᑦᑑᑕᐅᕗᑦ ᐄᑦᔨᑉᑎᒧᑦ.”

ᕼᐆᓯᐊᑉ ᐊᒡᓚᖏᑦ 12:1 ပူးပေါင်းရင်းမြစ်များ

ᕼᐆᓯᐊᑉ ᐊᒡᓚᖏᑦ 11:12

ᐊᑕᓂᖅ ᐅᖃᕐᐳᖅ, “ᐃᕗᕅᒥᐅᑉ ᓴᒡᓗᓂᕐᒥᒃ ᐱᓂᐊᕐᕕᒋᓯᒪᕚᖓ, ᐃᓴᕆᐊᓕᐅᓪᓗ ᑭᖑᕚᖏᑕ ᓴᒡᓗᕿᓪᓗᓂᖓ; ᔫᑕᓕ ᓱᓕ ᐃᓅᖃᑎᖃᕐᐳᖅ ᒎᑎᒥᒃ, ᓱᖁᓯᓚᐅᖏᑦᑐᑑᕗᕐᓗ ᐃᑦᔪᕐᓁᑦᑐᒧᑦ.

ᕼᐆᓯᐊᑉ ᐊᒡᓚᖏᑦ 8:7

ᐊᓄᕆᒥᒃ ᑲᓐᖓᕐᓱᐃᒍᑎᒃ, ᐅᓚᔪᔭᕐᔪᐊᒥᒃ ᑲᑎᕐᓱᐃᔪᒫᕐᐳᑦ. ᓂᐊᖂᔭᒃᓮᑦ ᓂᐊᖁᖃᓐᖏᓚᑦ, ᓂᕆᔭᒃᓴᒥᒃ ᐱᕈᕐᕕᐅᓂᐊᓐᖏᓚᑦ; ᐱᕈᕐᕕᐅᒐᓗᐊᕐᐸᑕ ᓄᓇᖅᑲᑎᒋᓐᖏᑕᖏᑕ ᓂᕆᔪᒫᕐᐰᑦ.

ᕼᐆᓯᐊᑉ ᐊᒡᓚᖏᑦ 5:13

“ᐃᕗᕅᒥ ᐃᒻᒥᓂᒃ ᑕᑯᒐᒥ ᖃᓄᖅ ᖃᓂᒪᑎᒋᓂᕐᒥᓂᒃ, ᔫᑕᐅᓪᓗ ᐃᑭᖏᑦ ᑕᑯᒐᒥᒋᑦ, ᑕᕝᕙ ᐃᕗᕅᒥ ᐂᓚᐅᕐᐳᖅ ᐊᓯᕆᐊᑉ ᐊᖓᔪᖅᑳᕐᔪᐊᖓᓄᑦ ᐃᑲᔪᕆᐊᕐᑕᐅᔪᒪᓪᓗᓂ, ᐃᑲᔪᕈᓐᓇᓚᐅᓐᖏᓚᕐᓕ ᐅᕝᕙᓗ ᐋᖅᑮᔪᓐᓇᓚᐅᓐᖏᓚᖅ ᐃᑭᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 17:10

ᑕᑯᒋᑦ, ᐱᕈᕐᕕᖓᑕ ᐊᓯᐊᓄᑦ ᐱᕈᕐᓯᐊᕆᔭᐅᓕᕈᓂ, ᐱᕈᕐᐸᓪᓕᐊᖏᓐᓇᕋᔭᕐᐹ? ᓯᕿᓂᐅᑉ ᓄᐃᕕᐊᓂᑦ ᐊᓄᕌᕐᕕᐅᓕᕈᓂ ᑐᖁᓕᒐᔭᓐᖏᓛᖅ? ᐱᕈᕐᕕᒋᔭᖓᑕ ᑐᓐᖓᕕᖏᑎᒍᑦ ᑐᖁᓕᒐᔭᓐᖏᓛᖅ?”

ᔨᕆᒤᐊᐅᑉ ᐊᒡᓚᖏᑦ 22:22

ᐰᕐᓯᔨᖁᑎᓯ ᐊᓄᕆᒧᑦ ᑎᒃᑕᐅᕋᕐᓂᐊᕐᐳᑦ, ᑕᐱᕆᕙᒃᑕᓯᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ, ᖁᕕᐊᓇᖏᑦᑐᒥᒃ ᑲᓐᖑᓇᕐᑐᒥᒡᓗ ᑕᕝᕙ ᐊᑐᕐᓂᐊᕐᐳᑎᑦ, ᐱᐅᖏᑦᑐᓕᓂᓯ ᐱᑦᔪᑎᒋᓪᓗᒋᑦ.

ᔫᐱᐅᑉ ᐊᒡᓚᖏᑦ 15:2

“ᐃᓄᒃ ᓯᓚᑐᔪᖅ ᑭᐅᔪᓐᓇᕐᐹ ᐊᓄᕆᑎᑐᑦ ᖃᐅᔨᒪᓂᖃᕐᓗᓂ, ᐃᒻᒥᓂᒡᓗ ᐃᓗᒻᒥᕐᑎᓪᓗᓂ ᐊᓄᕆᒥᒃ ᓯᕿᓂᐅᑉ ᓄᐃᕕᐊᓂᑦ ᐱᔪᒥᒃ?

ᐊᑕᓃᑦ ᐂᑉᐸᖏᑦ 15:19

ᐴᓪ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐃᓴᕆᐊᓕᒥᐅᑦ ᓄᓇᖁᑎᖓᓄᐊᓚᐅᕐᐳᖅ ᓵᓚᖃᕈᓐᓇᕐᓂᖓᓗ ᓯᕘᕋᒋᔭᐅᓚᐅᕐᐳᑦ; ᐊᖓᔪᖅᑳᕐᔪᐊᑉ ᒥᓇᕼᐃᒻ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐴᓪ 76,000ᐸᐅᓂᒃ ᓯᐅᓪᕕᕆᓂᒃ ᑐᓂᓯᕕᒋᕚ, ᐱᔪᓐᓇᕐᓂᖃᕐᑎᑕᐅᓂᕆᔭᓂ ᓄᓇᖁᑎᒥᓄᑦ ᐃᑲᔪᕐᑐᕐᑕᐅᖁᓪᓗᒍ.

ᒨᓯᓯ ᓯᕗᓪᓖᑦ 41:6

ᑕᑯᒋᓪᓗ, ᑭᖑᓂᖓᒍᑦ ᑕᑯᓕᕆᕗᖅ 7ᓂᒃ ᓂᐊᖂᔭᒃᓮᑦ ᓄᕗᖏᓐᓂᒃ, ᐊᒥᑦᑐᓂᒃ ᑐᖁᓕᖓᔪᓂᒃ ᐊᓄᕆᒧᑦ ᓯᕿᓂᐅᑉ ᓄᕕᐊᑕ ᓇᓛᓂᓐᖔᕐᑐᒧᑦ ᓂᐅᓐᖓᒃᑎᑕᐅᓯᒪᔪᓂᒃ.

ᔨᕆᒤᐊᐅᑉ ᐊᒡᓚᖏᑦ 2:36

ᓱᖕᒪᑦ ᐱᐅᓯᑦᓯᓐᓂᒃ ᐊᓯᑦᔩᓴᕅᑉᐱᓰ? ᐄᑦᔨᑉᑎᒥᐅᓄᑦ ᑲᓐᖑᓱᒃᑎᑕᐅᔪᒫᕐᐳᓯ ᓲᕐᓗᑦᑕᐅᖅ ᐊᓯᕆᐊᒥᐅᓄᑦ ᑍᒤᑎᑕᐅᓚᐅᕋᑦᓯ.

ᔨᕆᒤᐊᐅᑉ ᐊᒡᓚᖏᑦ 7:15

ᐃᒋᓐᓂᐊᕐᐸᑦᓯ ᓵᓐᓂᑦ, ᖃᑕᓐᖑᑎᑦᓯᑐᑦ ᐃᕗᕅᒥᐅᑎᑐᑦ ᑖᒃᑯᐊ ᑭᖑᕚᕇᓕᒫᑦ ᐃᒋᓚᐅᕋᒃᑭᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:6

ᐄᑦᔨᑉᑎᒥᐅᓂᒃ ᐊᓯᕆᐊᒥᐅᓂᒡᓗ ᐊᖏᖃᑎᖃᕐᓯᒪᕗᒍᑦ, ᓂᕿᓂᒃ ᓈᒻᒪᑐᐃᓐᓇᕐᑐᓂᒃ ᐱᔪᓐᓇᕈᒪᓪᓗᑕ.

ᕼᐆᓯᐊᑉ ᐊᒡᓚᖏᑦ 4:19

ᐊᐅᓪᓚᐅᑦᔭᐅᕗᑦ ᐊᓄᕆᒧᑦ ᐅᓕᒃᑕᐅᓪᓗᑎᒃ, ᑲᓐᖑᓲᑎᖃᓕᕈᒫᕐᐳᑦ ᑐᓂᕐᕈᓯᖃᑦᑕᓚᐅᕐᓂᕐᒥᖕᓂᒃ ᒎᑎᓐᖑᐊᓄᑦ.”

ᕼᐆᓯᐊᑉ ᐊᒡᓚᖏᑦ 7:11

ᐃᕗᕅᒥᐅᑦ ᑑᕕᑎᑐᑦ ᓯᓔᑦᑐᑎᑐᑦ ᓇᒧᑐᐃᓐᓈᕐᑐᑎᑐᑦ ᑍᒤᑉᐳᑦ, ᐄᑦᔨᑉᑎᒧᑦ ᐃᑲᔪᕐᑕᐅᔪᒪᕗᑦ, ᑭᖑᓂᐊᒍᑦ ᐊᓯᕆᐊᒧᑦ ᐂᓪᓗᑎᒃ.

ᑯᕉᓂᑲ ᐂᑉᐸᖏᑦ 21:11

ᓱᓕᓗ ᓴᓇᓚᐅᕆᕗᖅ ᒎᑎᓐᖑᐊᒧᑦ ᑐᒃᓯᐊᕐᕕᖕᓂᒃ ᔫᑕᐅᑉ ᖃᖅᑲᖏᓐᓂ, ᔨᕉᓴᓕᒥᓗ ᓄᓇᖃᕐᑐᑦ ᐊᔪᕐᑐᓕᑎᓚᐅᕐᐰᑦ, ᔫᑕᒥᐅᓪᓗ ᑕᒻᒪᕐᑎᓪᓗᒋᑦ.

ᐃᓐᖏᕈᑎᑦ 78:36

ᑭᓯᐊᓂᓕ ᐃᓚᓐᓂᕐᓴᕐᕕᒋᕚᑦ ᖃᓂᕐᒥᖕᓄᑦ, ᐅᖃᕐᒥᖕᓄᓪᓗ ᓴᒡᓗᕝᕕᒋᓪᓗᒍ ᓱᓕᓇᑎᒃ.

ᕼᐆᓯᐊᑉ ᐊᒡᓚᖏᑦ 4:15

“ᐃᓴᕆᐊᓕᒥᐅᖑᔪᓯ ᐊᑐᒐᕐᓄᑦ ᐊᓯᓐᓂᐊᕐᓯᒪᒐᓗᐊᕐᑎᓪᓗᓯ, ᔫᑕᒃᑯᑦ ᐸᓯᔭᒃᓴᐅᓕᕐᑍᓕᓕᑦ ᐃᓕᑦᓯᑐᑦ. ᑐᒃᓯᐊᕐᑍᓕᒋᑦᓯ ᒋᐅᓪᒐᐅᓪᒥ, ᐅᕝᕙᓗ ᐱᑦᐂᕕᓐᒧᐊᕐᑍᓕᒋᑦᓯ, ᐅᖃᕕᒡᓗᓯᓗ ᐊᖏᕐᑍᓕᒋᑦᓯ, ‘ᐊᑕᓂᐅᑉ ᐆᒪᔫᑉ ᐊᑎᖓᓂ.’

ᕼᐆᓯᐊᑉ ᐊᒡᓚᖏᑦ 7:1

“ᐋᖅᑭᒍᒪᒐᓗᐊᕋᒃᑭᑦ ᐃᓴᕆᐊᓕᒥᐅᑦ, ᐱᐅᖏᑦᑐᓂᒃ ᐃᕗᕅᒥᐅᑦ ᐱᓇᓱᐊᕐᓂᖏᑦ ᓴᖅᑭᑉᐳᑦ, ᓴᒥᐊᕆᐊᒥᐅᓪᓗ ᐱᐅᖏᑦᑐᓕᓂᖏᑦ; ᓱᓕᖏᑦᑐᓂᒃ ᐋᖅᑮᖃᑎᖃᖃᑦᑕᕐᐳᑦ, ᑎᒡᓕᒃᑏᑦ ᐃᒡᓗᓄᑦ ᐃᓵᖃᑦᑕᕐᐳᑦ, ᐊᖅᑯᑎᒦᑦᑐᓂᒡᓗ ᑎᒡᓕᒐᕐᕕᖃᖃᑦᑕᕐᓗᑎᒃ.

ᕼᐆᓯᐊᑉ ᐊᒡᓚᖏᑦ 11:9

ᓂᓐᖓᐅᒪᓂᕐᒪ ᓂᑲᒍᓱᖏᓐᓂᖓ ᑲᔪᓯᑎᓐᓂᐊᓐᖏᓚᕋ, ᐃᕗᕅᒥᓗ ᐊᓯᕈᒃᑲᓐᓂᕐᓂᐊᕈᓁᕐᐸᕋ, ᒎᑎᐅᒐᒪ ᐃᓄᑐᐃᓐᓇᐅᓇᖓᓗ, ᐃᑦᔪᕐᓁᑦᑐᑐᐊᖅ ᐊᑯᓐᓇᑦᓯᓐᓂ, ᕾᓂᐊᓐᖏᓚᖓ ᐊᓯᕈᐃᔭᕐᑐᕐᖓ.