ᕼᐆᓯᐊᑉ ᐊᒡᓚᖏᑦ 10:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐂᕙᓐᒥᐅᑦ ᐱᒻᒪᕆᖁᑎᖏᑕ ᐃᓂᖏᑦ, ᐃᓴᕆᐊᓕᐅᓪᓗ ᐊᔪᕐᓂᖏᑦ, ᐊᓯᕈᕐᑕᐅᔪᒫᕐᐳᑦ. ᐅᕐᐲᑦ ᑲᑭᓐᓇᕐᑐᓖᑦ ᐱᕈᕐᓂᕐᓗᒃᑐᓪᓗ ᐱᕈᕈᒫᕐᐳᑦ ᑐᓂᕐᕈᓯᕐᕕᖏᓐᓂ; ᖃᖅᑲᓄᓪᓗ ᐅᖃᕈᒫᕐᐳᑦ, “ᐅᓕᒃᑎᒍᑦ!” ᐱᖑᕐᓄᓪᓗ, “ᑲᑕᒡᕕᒋᑎᒍᑦ!”

ᕼᐆᓯᐊᑉ ᐊᒡᓚᖏᑦ 10:8 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 3:8

ᐊᑕᓂᐅᓪᓗ ᒎᑎᐅᑉ ᕿᑭᕐᕋᖓ ᐱᕈᕐᓰᕕᒃᑯᑦ ᐱᓱᒃᑐᖅ ᑐᓴᕋᒥᒃᑯᒃ ᐅᓪᓗᖅ ᐅᖅᑰᓗᐊᕈᓐᓃᕐᑎᓪᓗᒍ, ᑖᒃᑯᐊᒃ ᓄᓕᐊᕇᒃ ᐃᔨᕐᐴᒃ ᐊᑕᓂᐅᑉ ᒎᑎᐅᑉ ᓇᔪᕐᓂᖓᓂᑦ, ᐱᕈᕐᓰᕕᖕᒥ ᓇᐹᕐᑐᐃᑦ ᐊᑯᕐᖓᓐᓄᑦ.

ᐊᑕᓃᑦ ᓯᕗᓪᓖᑦ 13:2

ᐊᖑᑦ ᑖᓐᓇ ᐅᖃᐅᑦᔨᕗᖅ ᑐᓂᕐᕈᓯᕐᕕᖕᒥᒃ ᐊᑕᓂᐅᑉ ᐅᖃᐅᓯᐅᖁᔭᖓᓂᒃ ᐅᖃᕐᓗᓂ, “ᐆ ᑐᓂᕐᕈᓯᕐᕕᒃ, ᑐᓂᕐᕈᓯᕐᕕᒃ, ᐊᑕᓂᖅ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᕐᓂᖅ ᐃᕐᓂᐊᖑᔪᒫᕐᐳᖅ ᑍᕕᑎᐅᑉ ᑭᖑᕚᖓ, ᔫᓮᐊᒥᒃ ᐊᑎᖃᕈᒫᕐᐳᖅ; ᑖᓐᓇ ᑐᓂᕐᕈᓯᕈᒫᕐᐳᖅ ᑕᕝᕙᓂ ᑐᓂᕐᕈᓯᕐᕕᖕᒥ ᑐᓂᕐᕈᓯᕐᑎᐅᔪᓂᒃ ᑕᕝᕙᓂ ᐃᓯᕐᓗᐊᕐᓂᑎᑦᓯᖃᑦᑕᕐᑐᓂᒃ, ᐃᓄᐃᓪᓗ ᓴᐅᓂᖏᓐᓂᒃ ᐃᑯᐊᓚᑦᓯᔪᒫᕐᐳᖅ ᑕᕝᕙᓂ.”

ᐊᑕᓃᑦ ᓯᕗᓪᓖᑦ 13:34

ᑕᒪᓐᓇᓗ ᔨᕈᐳᐊᒻ ᐃᒡᓗᒥᐅᖃᑎᖏᓐᓄᑦ ᐊᔪᕐᑐᓕᓂᓐᖑᓚᐅᕐᐳᖅ, ᑐᖁᑕᐅᑦᔪᑎᒋᓚᐅᕐᐹᓗ ᐊᓯᕈᕐᑕᐅᑦᔪᑎᒋᓪᓗᒍᓗ ᑕᒫᓂ ᓄᓇᕐᔪᐊᕐᒥ.

ᐊᑕᓃᑦ ᓯᕗᓪᓖᑦ 14:16

ᐊᑕᓂᐅᑉ ᐃᓴᕆᐊᓕᒥᐅᑉ ᕿᒪᒍᒫᕐᐰᑦ ᔨᕈᐳᐊᒻ ᐊᔪᕐᑐᓕᓚᐅᕐᓂᖓᓄᑦ, ᐃᓴᕆᐊᓕᒥᐅᓂᒡᓗ ᐊᔪᕐᑐᓕᑎᑦᓯᓚᐅᕐᓂᖓᓄᑦ.”

ᐊᑕᓃᑦ ᐂᑉᐸᖏᑦ 23:15

ᐱᑎᓕᒥᑦᑕᐅᖅ ᑐᓂᕐᕈᓯᕐᕕᒃ ᔨᕈᐳᐊᒻ ᓂᐹᑎᐅᑉ ᐃᕐᓂᖓᑕ, ᓴᓇᔭᐅᑎᓚᐅᕐᑕᕕᓂᖓ ᐃᓴᕆᐊᓕᒥᐅᓂᒃ ᐊᔪᕐᑐᓕᑎᑦᓯᓚᐅᕐᑐᖅ, ᐱᓪᓚᕆᒋᔭᐅᓪᓗᓂ ᒎᑎᓐᖑᐊᒧᑦ ᑐᒃᓯᐊᕐᕕᒃ ᓯᖁᑦᑎᕐᑕᐅᑎᑉᐹ, ᐃᑯᐊᓪᓚᒃᑎᓚᐅᕐᓗᒋᑦ ᓯᖃᓕᔭᐅᑎᓪᓗᒋᑦ ᓄᖑᑕᐅᑎᑉᐰᑦ; ᓇᐸᔪᖁᑎᖏᓪᓗᑦᑕᐅᖅ ᐊᓯᕅᑦ ᐃᑯᐊᓚᒃᑕᐅᑎᒃᑭᕔᑦ.

ᑯᕉᓂᑲ ᐂᑉᐸᖏᑦ 31:1

ᑕᒪᒃᑯᐊᓕᒫᑦ ᐱᔭᕇᕐᒪᑕ, ᐃᓴᕆᐊᓕᒥᐅᓕᒫᑦ ᑍᑲᓃᓚᐅᕐᑐᑦ ᐂᕗᑦ ᔫᑕᐅᑉ ᐃᒡᓗᒐᓴᖏᓐᓄᑦ ᓇᐸᔪᐃᓪᓗ ᒎᑎᓐᖑᐊᑦ ᓯᖁᑦᑎᕐᐰᑦ ᕿᔪᐃᓪᓗ ᓴᓇᓐᖑᐊᕐᓯᒪᔪᑦ ᒎᑎᓐᖑᐊᑦ ᐊᓯᕅᑦ ᓇᑲᑎᕐᐰᑦ ᐃᒋᓪᓗᒋᓪᓗ ᑐᓂᕐᕈᓯᕐᕕᖁᑎᖏᑦ ᔫᑕᒦᑦᑐᑦ ᐱᓐᔭᒥᓂᒦᑦᑐᓪᓗ, ᐃᕗᕅᑎᒦᑦᑐᓪᓗ ᒫᓇᓯᒦᑦᑐᓪᓗ, ᐊᑕᖏᕐᓗᒋᑦ ᓯᖁᑦᑎᕐᐰᑦ. ᐃᓴᕆᐊᓕᒥᐅᓪᓗ ᐃᒡᓗᒐᓴᖕᒥᓄᑦ ᐅᑎᕐᐳᑦ, ᐊᑐᓂᑦ ᓄᓇᒥᖕᓄᐊᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 2:19

ᐃᓄᐃᓪᓗ ᕾᕐᑑᑉ ᕾᕈᓱᖏᓐᓄᑦ ᐳᓚᔪᒫᕐᐳᑦ ᓄᓇᐅᓪᓗ ᐃᑎᕐᓴᖏᓐᓄᐊᕐᓗᑎᒃ, ᐊᑕᓂᐅᑉ ᓯᕘᕋᓇᕐᑐᕐᔪᐊᖑᓂᖓ ᐱᓪᓗᒍ, ᑖᑦᓱᒪᓗ ᐊᖓᔪᖅᑳᕐᔪᐊᖑᓂᖓᑕ ᓂᕐᑐᕐᓇᕐᑐᕐᔪᐊᖑᓂᖓᓂᑦ, ᒪᑭᓕᕐᐸᑦ ᓄᓇᕐᔪᐊᖅ ᓴᔪᒍᒫᕐᐳᖅ ᐊᖏᔪᕐᔪᐊᒥᒃ.

ᐂᓮᐊᓯᐅᑉ ᐊᒡᓚᖏᑦ 2:21

ᐳᓚᔪᒫᕐᐳᓪᓗ ᕾᕐᑑᑉ ᖁᖕᓈᖏᓐᓄᑦ ᐃᓐᓈᕈᐃᓪᓗ ᕾᕈᓱᖏᓐᓄᑦ, ᐊᑕᓂᐅᑉ ᓯᕘᕋᓇᕐᑐᕐᔪᐊᖑᓂᖓᓂᒃ ᕿᒫᓗᑎᒃ, ᐊᖓᔪᖅᑳᕐᔪᐊᖑᓂᖓᑕᓗ ᓂᕐᑐᕐᓇᕐᓂᕐᔪᐊᖓᓂᑦ, ᒪᑭᓕᕐᐸᑦ ᓄᓇᕐᔪᐊᖅ ᓴᔪᒃᑎᓪᓗᒍ ᐊᖏᔪᕐᔪᐊᒥᒃ.

ᐂᓮᐊᓯᐅᑉ ᐊᒡᓚᖏᑦ 32:13

ᐃᓄᖁᑎᒪ ᓄᓇᖁᑎᖏᓐᓂ ᐱᕈᕐᑐᖃᐅᓕᕈᒫᕐᐳᖅ ᐅᕐᐱᖕᓂᒃ ᑲᑭᓐᓇᕐᑐᓕᖕᓂᒃ ᐊᕚᓚᕿᐊᓂᒡᓗ; ᐃᓛᒃ ᐃᒡᓗᖃᕐᕕᐅᓚᐅᕐᑐᓂᑦ ᖁᕕᐊᓱᒃᑐᓂᒃ ᐃᓄᖃᕐᑐᓂᒃ ᐃᒡᓗᒐᓴᒡᔪᐊᓪᓗ ᖁᕕᐊᓱᒃᕕᐅᕙᒃᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 34:13

ᐅᕐᐱᒊᑦ ᑲᑭᓐᓇᕐᑐᓖᑦ ᐱᕈᕈᒫᕐᐳᑦ ᐊᖓᔪᖅᑳᕐᔪᐊᒃᑯᕕᕕᓂᕐᓂ, ᐃᒡᓗᖃᕐᕕᕕᓂᖏᓐᓂ ᐱᕈᕐᑐᑦ ᐅᖏᓚᖕᓇᕐᑐᑦ ᑲᑭᓪᓚᕐᓇᕐᑐᓪᓗ ᐱᕈᕈᒫᕐᐳᑦ. ᐃᒡᓗᒐᓮᓪᓗ ᐆᒪᔪᓄᑦ ᕿᒻᒥᐅᔮᕐᑐᓄᑦ ᔮᑯᓄᑦ, ᐋᔅᑐᕆᑦᓯᓄᓪᓗ ᑎᖏᔪᓐᓇᖏᑦᑐᓄᑦ ᓇᔪᒐᐅᓕᕈᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 10:2

ᐆᒻᒪᑎᖏᑦ ᑕᒻᒪᕐᑎᑦᓯᕗᑦ; ᒫᓐᓇ ᐸᓯᔭᒃᓴᐅᓂᒃᑯᑦ ᐃᓅᓂᐊᓕᕐᐳᑦ. ᑐᓂᕐᕈᓯᕐᕕᖁᑎᖏᑦ ᐊᑕᓂᐅᑉ ᓯᖁᑦᑎᕐᓂᐊᕐᐰᑦ, ᐅᔭᕅᓪᓗ ᓇᐸᔪᑦ ᒎᑎᓐᖑᐊᑦ ᐊᓯᕈᕐᓗᒋᑦ.

ᕼᐆᓯᐊᑉ ᐊᒡᓚᖏᑦ 10:5

ᓴᒥᐊᕆᐊᕐᒥᐅᑦ ᓴᔪᒍᒫᕐᐳᑦ ᓄᕐᕋᓐᖑᐊᒥᒃ ᐱᑦᐂᕕᓐᒦᑦᑐᒥᒃ ᐅᒡᒍᐊᕐᓗᑎᒃ. ᐃᓄᖏᑦ ᕿᒃᓵᒍᑎᖃᕈᒫᕐᐳᑦ ᑖᑦᓱᒥᖓ, ᒎᑎᓐᖑᐊᒧᓪᓗ ᑐᓂᕐᕈᓯᕐᑎᑦᓯᔩᑦ ᕿᒃᓵᒍᑎᖃᕈᒫᕐᐳᑦ ᑖᑦᓱᒥᖓ, ᐱᓐᓇᕐᓇᕐᑐᖁᑎᖓᑕ ᕿᒪᖕᒪᒋᑦ.

ᕼᐆᓯᐊᑉ ᐊᒡᓚᖏᑦ 10:9

“ᐃᓴᕆᐊᓕ, ᐊᔪᕐᑐᓕᓯᒪᕗᑎᑦ ᒋᐱᐊᑉ ᐅᓪᓗᖏᓐᓂᑦ ᐱᒋᐊᕐᓗᑎᑦ, ᑕᕝᕙᓂᓗ ᑲᔪᓯᕗᑦ ᓱᓕ. ᐅᓇᑕᕐᓂᒃᑯᑦ ᒋᐱᐊᒻ ᓵᓚᐅᓂᐊᓐᖏᓛᑦ?

ᕼᐆᓯᐊᑉ ᐊᒡᓚᖏᑦ 2:6

“ᑍᒤᒻᒪᑦ ᐊᕙᓗᓕᐅᕐᓂᐊᕐᐸᕋ ᐅᕐᐱᖕᓄᑦ ᑲᑭᓐᓇᕐᑐᓕᖕᓄᑦ; ᐊᕙᓗᓕᐅᕐᓗᒍ ᐊᑭᓐᓇᓕᐅᕈᑎᓂᐊᕐᐸᕋ ᓴᐴᓗᑦᓯᕐᓗᒍ, ᐊᓂᕕᒃᓴᒥᓂᒃ ᓇᓂᓯᔪᓐᓁᓪᓕᖁᓪᓗᒍ.

ᕼᐆᓯᐊᑉ ᐊᒡᓚᖏᑦ 4:13

ᑐᓂᕐᕈᓯᖃᑦᑕᕐᐳᑦ ᐃᑯᐊᓚᑦᓯᓪᓗᑎᒃ ᖃᖅᑲᐅᑉ ᖄᖏᓐᓂ, ᐱᖑᐃᓪᓗ ᖄᖏᓐᓂ ᐃᑭᑦᓯᕙᒡᓗᑎᒃ ᑎᐱᑦᓯᐊᕆᒃᑐᓂᒃ, ᓇᐹᕐᑑᑉ ᐆᒃᒥᒃ ᐊᑎᓕᐅᑉ ᓯᑕᒃᑕᐅᑉ ᐊᑖᓂ, ᑖᓪᓕᓂᖏᓐᓂ, ᓴᓂᕋᖏᑦᑕ ᐱᐅᓂᖏᑦ ᐱᑦᔪᑎᒋᓪᓗᒋᑦ. “ᑍᒤᒻᒪᑦ ᐸᓂᓯ ᐊᑐᒐᐅᓕᕐᐳᑦ ᐊᑭᓕᕐᑐᕐᑕᐅᓪᓗᑎᒃ, ᐅᑯᐊᓯᓗ ᐊᓯᓐᓂᐊᕐᐸᓕᕐᓱᑎᒃ.

ᕼᐆᓯᐊᑉ ᐊᒡᓚᖏᑦ 4:15

“ᐃᓴᕆᐊᓕᒥᐅᖑᔪᓯ ᐊᑐᒐᕐᓄᑦ ᐊᓯᓐᓂᐊᕐᓯᒪᒐᓗᐊᕐᑎᓪᓗᓯ, ᔫᑕᒃᑯᑦ ᐸᓯᔭᒃᓴᐅᓕᕐᑍᓕᓕᑦ ᐃᓕᑦᓯᑐᑦ. ᑐᒃᓯᐊᕐᑍᓕᒋᑦᓯ ᒋᐅᓪᒐᐅᓪᒥ, ᐅᕝᕙᓗ ᐱᑦᐂᕕᓐᒧᐊᕐᑍᓕᒋᑦᓯ, ᐅᖃᕕᒡᓗᓯᓗ ᐊᖏᕐᑍᓕᒋᑦᓯ, ‘ᐊᑕᓂᐅᑉ ᐆᒪᔫᑉ ᐊᑎᖓᓂ.’

ᕼᐆᓯᐊᑉ ᐊᒡᓚᖏᑦ 5:8

ᑎᑦᑐᓚᐅᑏᑦ ᓂᓪᓕᕐᑎᓕᕐᓯᐅᒃ ᒋᐱᐊ, ᐅᐸᓗᖎᔭᕐᑐᕐᓯᐅᑦ ᓂᓪᓕᕐᑎᓕᕐᓯᐅᒃ ᕌᒪ. ᐅᓇᑕᕆᐊᕐᓂᕐᒥᒃ ᓂᓪᓕᓕᕆᑦᓯ ᐱᑦᐂᕕᓐ; ᐅᓇᑕᕆᐊᓕᕆᑦᓯ ᐱᓐᔭᒥᓂᐅᑉ ᐃᓄᖏᑦ!

ᕼᐆᓯᐊᑉ ᐊᒡᓚᖏᑦ 8:5

ᓄᕐᕋᐅᔮᕐᑐᓐᖑᐊᖅ ᒎᑎᓐᖑᐊᓯ ᓇᕐᕈᒋᕙᕋ ᓴᒥᐊᕆᐊ. ᓂᓐᖓᐅᒪᓂᕋ ᑖᒃᑯᓄᖓ ᑐᕌᓕᕐᐳᖅ. ᖃᓄᖅ ᐊᑯᓂᐅᑎᒋᔪᖅ ᐃᑦᔪᕐᓁᓐᓂᕐᒧᑦ ᑎᑭᐅᑎᓇᓱᐊᕐᓂᐊᕐᐹᑦ?

ᕼᐆᓯᐊᑉ ᐊᒡᓚᖏᑦ 9:6

ᑕᑯᒋᑦ, ᐊᓯᕈᕐᑕᐅᓂᕐᒥᑦ ᕿᒫᓇᓱᐊᕐᐳᑦ; ᐄᑦᔨᑉᑎᒥᐅᓪᓕ ᑲᑎᕐᓱᕈᒫᕐᐰᑦ, ᒥᒻᐱᓯᒥᐅᓪᓗ ᐃᓗᕕᕈᒫᕐᐰᑦ. ᓯᐅᓪᕕᕆᖁᑎᖏᑕᓗ ᐃᓂᖏᑦ ᐱᕈᕐᓂᕐᓗᒃᑐᓄᑦ ᐱᕈᕐᕕᐅᔪᒫᕐᐳᑦ, ᐅᕐᐱᒊᓪᓗ ᑲᑭᓪᓚᕐᓇᕐᑐᑦ ᑐᐱᖏᓐᓂ ᐱᕈᕈᒫᕐᐳᑦ.

ᐂᒨᓯᐅᑉ ᐊᒡᓚᖏᑦ 1:5

ᑕᒫᓯᑰᓯᐅᓪᓗ ᐃᑎᕐᑕᕐᕕᖓᑕ ᓴᕕᕋᔭᖓ ᓱᕋᒃᑎᕐᓂᐊᕐᐸᕋ, ᓄᓇᖃᕐᑐᓪᓗ ᐂᕙᓐ ᓇᕐᓴᖓᓂ ᓄᖑᑎᓐᓂᐊᕐᐸᒃᑲ, ᑍᓐᓇᓗ ᑎᒍᒥᐊᕐᑐᖅ ᐊᖓᔪᖅᑳᕐᔪᐊᑉ ᑎᒃᑯᐊᕐᓯᑦᔪᑎᖓᓂᒃ ᐱᑦ-ᐄᑕᓂᒥ; ᓯᕆᐊᓪᓗ ᐃᓄᖏᑦ ᑎᒍᔭᐅᓂᐊᕐᐳᑦ ᑭᕆᒧᑦ ᐊᐅᓪᓚᕈᑦᔭᐅᓗᑎᒃ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 3:14

“ᐅᓪᓗᒥ ᑍᑲᓂ ᐃᓴᕆᐊᓕᑎᑦ ᓱᒋᐊᕈᒃᑭᑦ ᐊᔪᕐᓂᖏᑦ ᐱᓪᓗᒋᑦ, ᐱᑎᓕᐅᓪᓗ ᑐᓂᕐᕈᓯᕐᕕᖏᑦ ᓯᑯᒥᖃᓯᐅᑎᓂᐊᕐᐸᒃᑲ; ᑐᓂᕐᕈᓯᕐᕕᖏᑕᓗ ᓇᒡᔪᖏᒃ ᓇᑲᑦᓱᒫᕐᐳᒃ ᒪᓂᖅᑲᒧᓪᓗ ᑲᑕᒡᓗᑎᒃ.

ᐂᒨᓯᐅᑉ ᐊᒡᓚᖏᑦ 7:9

ᐂᓴᑭᐅᑉ ᐳᕐᑐᔪᒦᑦᑐᑦ ᑐᒃᓯᐊᕐᕕᒋᕙᒃᑕᕕᓂᖏᑦ ᐃᓄᖃᕈᓐᓃᕈᒫᕐᐳᑦ, ᐃᓴᕆᐊᓕᐅᓪᓗ ᐃᑦᔪᕐᓁᑦᑐᕕᖁᑎᖏᑦ ᑕᒫᓃᕐᕆᓕᕈᒫᕐᐳᑦ, ᒪᑭᓐᓂᐊᕐᐳᖓᓗ ᓴᕕᒡᔪᐊᓕᔭᕐᓗᖓ ᔨᕈᐳᐊᒻ ᐊᖓᔪᖅᑲᐅᕕᖓ ᐅᓇᑕᕆᐊᕐᓗᒍ.”

ᐂᒨᓯᐅᑉ ᐊᒡᓚᖏᑦ 8:14

ᐊᖏᕈᑎᓕᐅᕐᑐᓪᓗ ᓴᒥᐊᕆᐊᑉ ᒎᑎᓐᖑᐊᖓᒍᑦ ᐊᓯᒪᒃᑯᑦ, ᐃᒫᒃ ᐅᖃᕐᓗᑎᒃ, ‘ᑖᓐ ᑭᖑᕚᖏᑦ ᒎᑎᓯ ᐃᓅᖕᒪᑦ! ᐱᐊᕐᓯᐸᐅᓪᓗ ᒎᑎᖓ ᐃᓅᖕᒪᑦ!’ ᑖᒃᑯᐊ ᐅᕐᕈᔪᒫᕐᐳᑦ ᒪᑭᓐᓂᐊᕈᓐᓁᕐᓗᑎᒡᓗ.”

ᒤᑲᐅᑉ ᐊᒡᓚᖏᑦ 1:13

ᓚᑮᓯᒥᐅᖑᔪᓯ ᐊᒃᓴᓗᐊᓖᑦ ᐅᓇᑕᐅᑏᑦ ᐊᑐᐃᓐᓇᕈᓕᕐᓯᒋᑦ, ᐊᔪᕐᑐᓕᓂᕐᒥᒃ ᐱᒋᐊᕐᑎᑦᓯᓚᐅᕋᑦᓯ ᓮᐅᓂᐅᑉ ᐸᓂᖓᓂᒃ ᐃᓴᕆᐊᓕᒥᐅᓪᓗ ᐱᐅᖏᓐᓂᖏᑦ ᓇᓂᔭᐅᓯᒪᖕᒪᑕ ᐃᓕᑦᓯᓐᓂ.

ᒤᑲᐅᑉ ᐊᒡᓚᖏᑦ 1:5

ᑕᒪᓐᓇ ᑍᒤᓐᓂᐊᕐᐳᖅ ᐃᓴᕆᐊᓕᐅᑉ ᐊᔪᕐᑐᓕᓂᖓ ᐱᓪᓗᒍ, ᔧᑰᑉ ᑭᖑᕚᖏᓐᓄᑦ. ᑭᓈ ᐸᓯᔭᒃᓴᐅᕚ ᐃᓴᕆᐊᓕᐅᑉ ᐊᔪᕐᑐᓕᓂᖏᑦ ᐱᓪᓗᒌᑦ? ᓴᒥᐊᕆᐊᒥᐅᑦ ᐸᓯᔭᒃᓴᐅᕗᑦ! ᓴᒥᐊᕆᐊ ᑭᓈ ᐸᓯᔭᒃᓴᐅᕚ ᔫᑕᐅᑉ ᒎᑎᓐᖑᐊᖃᕐᓂᖏᓐᓅᑦ? ᔨᕉᓴᓕᒻ ᐸᓯᔭᒃᓴᐅᕗᖅ!

ᓇᕼᐅᒥᐅᑉ ᐊᒡᓚᖏᑦ 3:11

ᐃᕝᕕᑦᑕᐅᖅ ᐋᖓᔮᕐᑎᐅᓕᕈᒫᕐᐳᑎᑦ, ᑐᑭᖃᑦᓯᐊᕈᓐᓃᕐᓗᑎᑦ; ᕿᒫᕕᒃᓴᕐᓯᐅᕈᒫᕐᐳᑎᓪᓗ ᐊᑭᕋᕐᓄᑦ.

ᓘᑲᓯᐅᑉ ᐊᒡᓚᖏᑦ 23:30

ᑕᒪᓐᓇ ᓇᓪᓕᐅᑎᒃᐸᑦ ᐃᓄᐃᑦ ᐅᖃᕈᒫᕐᐳᑦ ᖃᖅᑲᓄᑦ, ‘ᑲᑕᒡᕕᒋᑎᒍᑦ’; ᐱᖑᖕᓄᓪᓗ ᐅᖃᕈᒫᕆᕗᑦ, ‘ᑕᓕᑎᑎᒍᑦ.’

ᒨᓯᓯ ᑕᓪᓕᒪᖏᑦ 9:21

ᑭᖑᓂᖓᒍᑦ ᐱᐅᖏᑦᑐᒥᒃ ᐱᓇᓱᐊᓕᓚᐅᕆᕗᖓ, ᑍᓐᓇ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓ ᓴᕕᕋᔭᒃ ᓴᓇᓚᐅᕐᑕᓯ ᐱᑦᔪᑎᒋᓪᓗᒍ, ᐃᑯᒪᒧᑦ ᐃᑯᐊᓪᓚᒃᑎᓚᐅᕐᓗᒍ ᐊᐅᖕᒪᑦ ᓯᖃᓪᓕᑦᑎᐊᓚᐅᕐᐸᕋ, ᓯᖃᓪᓕᑦᑎᐊᕐᓗᓂ ᐊᒡᓛᑦ ᐳᔪᕋᕐᑎᑐᑦ ᑍᒤᓕᕐᑎᓚᐅᕐᐸᕋ, ᑖᓐᓇᓗ ᓯᖃᓪᓕᓂᖓ ᑰᖕᒧᑦ ᓈᕕᓚᐅᕐᐸᕋ ᖃᖅᑲᒥᑦ ᑰᒃᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:16

ᖃᖅᑳᓗᖕᓄᓪᓗ ᐅᔭᕋᓱᒡᔪᖕᓄᓪᓗ ᐅᖃᕐᐳᑦ, “ᓯᑑᒡᕕᒋᓗᑕ ᐃᔨᓚᐅᕐᑎᒍᑦ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔫᑉ ᑮᓇᖓᓂᑦ, ᓄᕐᕋᐅᔭᐅᓪᓗ ᓂᓐᖓᖕᓂᖓᓂᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:6

ᑖᒃᑯᐊᓗ ᐅᓪᓗᐃᑦ ᓇᓪᓕᐅᑎᓯᒪᑎᓪᓗᒋᑦ ᐃᓄᐃᑦ ᑐᖁᑦᔪᑎᒃᓴᒥᖕᓂᒃ ᕿᓂᖃᑦᑕᕈᒫᕐᐳᑦ ᓇᓂᓯᓂᐊᓐᖏᓚᓪᓕ; ᑐᖁᔪᒪᒐᓗᐊᕈᑎᒃ, ᑐᖂᑉ ᕿᒫᔪᒫᕐᒪᒋᑦ.