ᐄᑉᕈᐃᓄᑦ 9:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᑍᒫᒃᑕᐅᖅ ᙭ᔅᑑᓯ, ᐊᑕᐅᓯᐊᕐᓗᓂ ᑐᓂᕐᕈᑎᒋᔭᐅᓚᐅᕐᐳᖅ ᐊᒥᓱᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ, ᑭᖑᓪᓕᕐᒥᒡᓕ ᓴᖅᑭᑦᓱᒫᕆᕗᖅ, ᐊᔪᕐᓂᕐᒥᒃ ᐱᑦᔪᑎᖃᕈᓐᓁᕐᓗᓂ ᐱᐅᓕᓯᔭᕐᑐᓕᕐᓗᓂᓕ ᐅᑕᖅᑭᔪᓂᒃ ᑖᑦᓱᒥᖓ.

ᐄᑉᕈᐃᓄᑦ 9:28 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 25:9

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐅᖃᕐᑐᖃᕈᒫᕐᐳᖅ, “ᑕᑯᒋᑦ ᑕᕝᕙ ᒎᑎᕗᑦ; ᑖᓐᓇ ᐅᑕᖅᑭᔭᕗᑦ, ᓴᐳᑎᓂᐊᕐᒪᑎᒍᑦ, ᐃᓛᒃ ᑖᓐᓇ ᑕᕝᕙ ᐊᑕᓂᖅ, ᐅᑕᖅᑭᓚᐅᕐᑕᕗᑦ; ᖁᕕᐊᓱᓕᕐᑕ ᓯᕆᓗᑕᓗ ᐱᐅᓕᔨᐅᓂᖓ ᐱᓪᓗᒍ.”

ᒨᓯᓯ ᐱᖓᔪᖏᑦ 10:17

“ᓱᖕᒪᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑎᕕᓂᖅ ᓂᕆᓚᐅᖏᑉᐱᓯᒃᑰᒃ ᐃᑦᔪᕐᓁᑦᑐᕕᐅᑉ ᐃᓚᖓᓂ? ᐃᑦᔪᕐᓁᓐᓂᕐᐹᖑᖕᒪᑦ; ᐃᓕᑦᓯᖕᓄᑦ ᑐᓂᔭᐅᓚᐅᕐᑐᖅ ᐃᓄᐃᑦ ᓄᓇᖅᑲᑎᒌᑦ ᐸᓯᔭᒃᓴᐅᓂᖏᑦ ᐲᕐᑕᐅᖁᓪᓗᒋᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ ᐊᑕᓂᐅᑉ ᓵᖓᓂ.

ᓴᑲᕅᐊᐅᑉ ᐊᒡᓚᖏᑦ 14:5

ᐃᓕᑦᓯᓗ ᕿᒫᔪᒫᕐᐳᓯ ᖃᖅᑲᐅᑉ ᓇᕐᓴᕐᔪᐊᖓᒍᑦ, ᓇᕐᓴᔪᐊᖅ ᑎᑭᓯᒪᔪᒫᕐᒪᑦ ᐊᔨᐅᓪᒧᑦ: ᕿᒫᔪᒫᕐᐳᓯ ᕿᒫᓚᐅᕋᑦᓯᑐᑦ ᓄᓇ ᓴᔪᒃᐱᓗᒃᑎᓪᓗᒍ ᐊᖓᔪᖅᑳᕐᔪᐊᖅ ᐅᓮᐊ ᔫᑕᒥ ᐊᖓᔪᖅᑳᕐᔪᐊᖑᑎᓪᓗᒍ. ᐊᑕᓂᖅ ᑕᕝᕙ ᒎᑎᒐ ᑎᑭᑦᓱᒫᕐᐳᖅ, ᐃᑦᔪᕐᓁᑦᑐᖁᑎᓂ ᐃᓚᒋᓗᒋᑦ.

ᒨᓯᓯ ᓯᑕᒪᖏᑦ 18:1

ᐊᑕᓂᕐᓗ ᐅᖃᕐᐳᖅ ᐂᕉᓂᒧᑦ: “ᐃᕝᕕᑦ ᐃᕐᓂᑎᓪᓗ ᑭᖑᕚᖑᖃᑎᑎᓪᓗ ᐸᓯᔭᒃᓴᐅᕗᓯ ᐃᑦᔪᕐᓁᑦᑐᕕᐅᑉ ᓇᓛᓄᑦ ᐱᐅᖏᑦᑐᓕᑦᔪᑕᐅᔪᓂᒃ, ᐃᕝᕕᓪᓗ ᐃᕐᓂᑎᓪᓗ ᐸᓯᔭᒃᓴᐅᕗᓯ ᑐᓂᕐᕈᓯᕐᑎᑦᓯᔨᐅᓂᑦᓯᓐᓄᑦ ᐱᐅᖏᑦᑐᓕᓂᕐᓂᒃ.

ᒨᓯᓯ ᓯᑕᒪᖏᑦ 18:23

ᓕᕔᑎᓪᓕ ᐱᓇᓱᐊᕈᓐᓇᕐᐳᑦ ᑐᐱᕐᔪᐊᒥ ᑲᑎᒪᕕᖕᒥ, ᐸᓯᔭᒃᓴᐅᓂᐊᕐᓗᑎᒃ ᐊᔪᕐᑐᓕᓂᕐᒥᖕᓄᑦ; ᑕᒪᓐᓇ ᒪᓕᒐᐅᓂᐊᕐᐳᖅ ᐃᓱᖃᖏᑦᑐᒧᑦ, ᑭᖑᕚᕇᓄᑦ ᑍᒪᓐᖓᑦ, ᐃᓴᕆᐊᓕᒥᐅᓪᓗ ᓇᖕᒥᓂᖃᑦᔮᓐᖏᓚᑦ ᓱᓇᒥᒃ.

ᒨᓯᓯ ᓯᑕᒪᖏᑦ 7:33

ᐃᓐᓇᐅᖏᑦᑐᒥᒃᓗ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᒃ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ.

ᒫᑎᐅᓯᐅᑉ ᐊᒡᓚᖏᑦ 20:28

ᐃᓅᑉ ᐃᕐᓂᖓ ᑎᑭᓚᐅᓐᖏᓚᖅ ᐱᔨᑦᓯᕐᑕᐅᔭᕐᑐᕐᓗᓂ ᐱᔨᑦᓯᕆᐊᕐᑐᕐᓗᓂᓕ, ᐃᓅᓯᕐᒥᓂᒡᓗ ᑐᓂᓯᓗᓂ ᐃᓄᐃᑦ ᐊᒥᓱᑦ ᐊᑭᓖᑦᔪᑎᓪᓗᓂᒋᑦ ᐅᑎᕐᑎᑕᐅᑦᔪᑎᒃᓴᖏᓐᓄᑦ.”

ᒫᑎᐅᓯᐅᑉ ᐊᒡᓚᖏᑦ 25:31

“ᐃᓅᑉ ᐃᕐᓂᖓ ᐊᖓᔪᖅᑳᕐᔪᐊᖑᓗᓂ ᑎᑭᒃᑯᓂ, ᐂᖏᓕᓕᒫᑦ ᐃᓚᒋᓗᒋᑦ, ᐃᒃᓯᕙᐅᑕᕐᔪᐊᕐᒥᓄᑦ ᐱᓐᓇᕐᓇᕐᑐᕐᔪᐊᕐᒧᑦ ᐃᖏᑦᓱᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 26:28

ᑕᕝᕙ ᐊᐅᒐ ᐊᖏᕈᑎᐅᑉ ᓇᓗᓁᒃᑯᑕᖓ, ᑯᕕᔭᐅᔪᖅ ᐊᒥᓱᑦ ᐊᔪᕐᓂᖏᑕ ᐃᓱᒪᒋᔭᐅᔪᓐᓁᕐᑕᐅᑦᔪᑎᒃᓴᖏᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 14:3

ᐂᓂᐊᕈᒪᓕ ᐃᓂᒃᓴᓕᐅᕆᐊᕐᑐᕐᓗᓯ, ᐅᑎᕈᒫᕆᕗᖓ ᐂᓗᓯ ᐅᕙᓐᓃᖁᓪᓗᓯ, ᓇᔪᒐᓐᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 1:11

ᐅᖃᕐᓗᑎᒃ, “ᒐᓕᓕᐊᒥᐅᖑᔪᓯ, ᓲᖅ ᕿᓚᖕᒧᑦ ᐋᕐᓗᖓᕕᓰ? ᑖᓐᓇ ᔩᓱᓯ, ᑕᑯᓐᓇᕐᑕᓯ ᕿᓚᖕᒧᐊᕐᑎᓪᓗᒍ, ᐅᑎᓛᕆᕗᖅ ᑍᒫᑦᓮᓐᓇᖅ ᑕᑯᓐᓇᕋᑖᕋᑦᓯᐅᒃ ᖁᒻᒧᐊᒃᑎᓪᓗᒍ ᕿᓚᖕᒧᑦ.”

ᕉᒪᒥᐅᓄᑦ 3:25

ᑖᓐᓇ ᒎᑎᐅᑉ ᑐᓂᕚ ᑐᓂᕐᕈᑎᒋᓪᓗᒍ ᑐᖁᖓᒍᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᑖᑦᓱᒧᖓ ᐅᒃᐱᕐᑐᑦ. ᒎᑎ ᑍᒤᓕᐅᓚᐅᕐᐳᖅ ᓈᒻᒪᓈᑦᓯᐊᕐᓂᓂ ᓴᖅᑭᑎᑦᓱᒪᓪᓗᒍ, ᑍᒪᓐᖓᑦ ᕿᓄᐃᓵᕈᑎᒋᓚᐅᕋᒥᒋᑦ ᓯᕗᕐᖓᒍᑦ ᐊᔪᕐᑐᓕᓂᕆᔭᐅᓚᐅᕐᑐᑦ;

ᕉᒪᒥᐅᓄᑦ 5:15

ᑐᓂᕐᕈᑦ ᐊᑭᖃᖏᑦᑐᖅ ᐊᔪᕐᑐᓕᓂᕐᓗ ᐊᑦᔨᒌᓐᖏᓚᒃ. ᐊᒥᓱᑦ ᑐᖁᓯᒪᖕᒪᑕ ᐃᓅᑉ ᐊᑕᐅᓯᐅᑉ ᐊᔪᕐᑐᓕᓂᖓᓄᑦ. ᐊᖏᓂᕐᓴᒥᒡᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᑐᓂᕐᕈᑎᖓᓗ ᐊᑭᖃᖏᑦᑐᖅ ᐃᓄᒃᑯᑦ ᐊᑕᐅᓯᒃᑯᑦ ᔩᓱᓯ ᙭ᔅᑑᓯᒃᑯᑦ ᐅᓄᕐᑐᓄᑦ ᐱᓯᒪᕗᖅ.

ᕉᒪᒥᐅᓄᑦ 6:10

ᑐᖁᒐᒥ ᐊᔪᕐᓂᕐᒧᑦ ᐊᑕᐅᓯᐊᕐᓗᓂ ᑐᖁᕗᖅ; ᑐᖁᒃᑲᓐᓂᕐᓂᐊᕈᓐᓃᕐᓗᓂ, ᐃᓅᓯᕐᓕ ᐃᓅᓯᕆᔭᖓ ᐃᓅᓯᕆᕚ ᒎᑎᒧᑦ.

ᕉᒪᒥᐅᓄᑦ 8:23

ᑖᒃᑯᐊᑐᐊᖑᖏᑦᑐᖅ, ᐅᕙᒍᓪᓕᑦᑕᐅᖅ, ᐊᓂᕐᓂᐅᑉ ᐱᕈᕐᑎᑕᖏᓐᓂᒃ ᓯᕗᓪᓕᕐᓂᒃ ᐱᓯᒪᔪᒍᑦ, ᐋᓐᓂᐊᔪᑐᑦ ᓂᓪᓕᐊᖃᑦᑕᕆᕗᒍᑦ ᐃᓗᑦᑎᒍᑦ ᐅᑕᖅᑭᓪᓗᑕ ᑎᒍᐊᕐᑖᖑᔪᒫᕐᓂᑦᑎᓐᓂᒃ, ᑎᒥᕗᑦ ᐱᐅᓕᔭᐅᓕᕐᐸᑕ.

ᕉᒪᒥᐅᓄᑦ 8:3

ᒎᑎ ᐱᓂᐊᕐᓯᒪᖕᒪᑦ ᐱᖁᔧᑦ ᐊᔪᕐᑕᖓᓂᒃ, ᑎᒥᐅᑉ ᐃᓕᖅᑯᓯᖓᓄᑦ ᓴᓐᖐᓕᑎᑕᐅᓯᒪᔪᓂᒃ, ᐃᕐᓂᓂ ᓇᖕᒥᓂᓂ ᑎᓕᓚᐅᕐᒪᒍ ᐃᓄᒃ ᐊᔪᕐᓂᓕᒃ ᐊᑦᔨᒋᓕᕐᓗᒍ ᐊᔪᕐᓂᒧᑦ ᑐᓂᕐᕈᑎᒃᓴᐅᖁᓪᓗᒍ, ᑍᒤᒻᒪᑦ ᐃᒋᑕᒃᓴᓐᖑᕐᑎᓚᐅᕐᐹ ᐃᓅᑉ ᐊᔪᕐᓂᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:7

ᑍᒤᒻᒪᑦ ᐅᒃᐱᕐᓂᒃᑯᑦ ᑐᓂᕐᕈᓯᐊᖃᕐᓂᕐᒥᒃ ᖃᓄᓕᒫᖅ ᐊᔪᕐᓴᓐᖏᓚᓯ, ᕿᓚᓈᕐᓗᓯᓗ ᐅᑕᖅᑭᓪᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓴᖅᑭᑦᓱᒫᕐᓂᖓᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:54

ᓱᕈᔭᑦᑐᕐᓕ ᓱᕈᔪᐃᑦᑐᒥᒃ ᐊᑎᓯᑎᑕᐅᒃᐸᑦ, ᑐᖁᔭᑦᑐᕐᓗ ᑐᖁᓱᐃᑦᑐᒥᒃ ᐊᑎᓯᑎᑕᐅᒃᐸᑦ, ᑕᕝᕙ ᑎᑎᕋᕐᓯᒪᔪᑦ ᓇᓪᓕᐅᑎᔪᒫᕐᐳᑦ ᐃᒤᓕᔪᑦ: “ᑐᖁ ᐄᔭᐅᕗᖅ ᓵᓚᖃᕐᓂᕐᒧᑦ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:10

ᐃᕐᓂᖓᓗ ᓂᕆᐅᒋᓪᓗᒍ ᕿᓚᖕᒥᑦ, ᑖᓐᓇ ᑐᖁᖓᔪᓂᑦ ᒪᑭᑎᓚᐅᕐᑕᖓ, ᔩᓱᓯ ᓴᐳᑦᔨᔨᒋᔭᕗᑦ ᒎᑎᐅᑉ ᓂᓐᖓᐅᓯᖓᓂᑦ ᑎᑭᑦᓱᒫᕐᑐᒥᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:1

ᐊᑕᓂᑦᑕᓕ ᔩᓱᓯ ᙭ᔅᑑᓯᐅᑉ ᑎᑭᕝᕕᒃᓴᖓᓂᒃ ᑲᑎᕐᓱᑕᐅᔪᒫᕐᓂᑦᑎᓐᓂᒃ ᓇᔪᕐᓂᐊᓕᕐᓗᒍ, ᖃᑕᓐᖑᑎᒃᑲ ᕿᓄᕕᒋᕙᑦᓯ,

ᑎᒧᑎᒧᑦ ᐂᑉᐸᖏᑦ 4:8

ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᕐᐳᖅ ᓂᐊᖂᑎᒃᓴᖅ ᐃᓗᐊᕐᑐᓕᔪᓄᑦ, ᐊᑕᓂᐅᑉ ᐃᓗᐊᕐᑐᒥᒃ ᐃᖅᑲᕐᑐᐃᔫᑉ ᑐᓂᔪᒫᕐᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.

ᑍᑑᓯᒧᑦ 2:13

ᓂᕆᐅᒋᔭᒃᓴᕗᑦ ᐅᓪᓗᖅ ᐱᕕᐊᕐᓇᕐᑐᕐᔪᐊᖅ ᐅᑕᖅᑭᓗᒍ, ᒎᑎᐅᑉ ᐊᖏᓂᕐᐹᖑᔫᑉ ᐱᐅᓕᔨᑦᑕᓗ ᔩᓱᓯ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓ ᓴᖅᑭᑦᓯᐊᕆᓗᒍ.

ᐄᑉᕈᐃᓄᑦ 1:14

ᐂᖏᓖᓪᓕ ᐊᓂᕐᓂᐅᕗᑦ ᑎᓕᔭᐅᓯᒪᔪᑦ ᐱᔨᑦᓯᖁᓪᓗᒋᑦ, ᐃᑲᔪᕐᑎᐅᖁᓪᓗᒋᑦ ᐱᐅᓕᔭᐅᓂᕐᒥᒃ ᑭᖑᕐᖑᑦᔨᓂᐊᕐᑐᓄᑦ.

ᐄᑉᕈᐃᓄᑦ 10:10

ᑕᕝᕙ ᑖᑦᓱᒪ ᐱᓂᐊᕐᑕᐅᖁᔭᖓᓄᑦ ᓴᓗᒻᒪᕐᑕᐅᕗᒍᑦ ᔩᓱᓯᐅᑉ ᙭ᔅᑑᓯᐅᑉ ᑎᒥᖓᑕ ᑐᓂᕐᕈᑕᐅᓂᖓᓄᑦ ᐊᑕᐅᓯᐊᕐᓗᓂ ᐱᒃᑲᓐᓂᕆᐊᖃᖏᑦᑐᒥᒃ.

ᐄᑉᕈᐃᓄᑦ 12:14

ᐃᓅᖃᑎᓕᒫᑦᓯᓐᓂᒃ ᐃᓅᖃᑎᖃᑦᓯᐊᕋᓱᐊᕆᑦᓯ, ᐃᓅᓯᖃᕐᓗᓯᓗ ᐃᑦᔪᕐᓁᑦᑐᒥᒃ ᑍᒫᒃ ᐃᓅᓯᖃᖏᑦᑐᑦ ᐊᑕᓂᖅ ᑕᑯᓂᐊᖏᒻᒪᑦᔪᒃ.

ᐄᑉᕈᐃᓄᑦ 2:3

ᖃᓄᕐᓕ ᑕᕝᕙ ᐊᓐᓇᒍᓐᓇᕋᔭᕐᐱᑖ? ᐱᐅᓕᔭᐅᕕᒃᓴᖅ ᑍᒫᒃ ᐱᓪᓚᕆᐅᑎᒋᔪᖅ ᑲᒪᒋᖏᒃᑯᑦᑎᒍ? ᑕᒪᓐᓇ ᐊᑕᓂᐅᑉ ᐱᐅᓕᔭᐅᕕᒃᓴᖅ ᐅᖃᐅᓯᕆᖅᑳᓚᐅᕐᒪᒍ, ᑕᒪᑐᒥᖓ ᑐᓴᓚᐅᕐᑐᑦ ᑖᑦᓱᒪᓐᖓᑦ ᐅᕙᑦᑎᓐᓄᑦ ᓇᓗᓁᕐᓯᓚᐅᕐᐳᑦ ᑕᒪᑐᒪ ᓱᓕᓂᖓᓂᒃ.

ᐄᑉᕈᐃᓄᑦ 4:15

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖃᖏᓐᓇᑦᑕ ᐃᓚᑦᓱᒍᓱᒍᓐᓇᖏᑦᑐᒥᒃ ᓴᓐᖐᓐᓂᑦᑎᓐᓂᒃ, ᐃᓘᓐᓈᒍᓪᓕ ᖃᓄᑐᐃᓐᓇᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓯᒪᕗᖅ ᐅᕙᑦᑎᑐᑦ, ᐊᔪᕐᑐᓕᓚᐅᕋᓂᓕ.

ᐄᑉᕈᐃᓄᑦ 5:9

ᓈᒻᒪᒃᓯᑎᑕᐅᑦᓯᐊᕋᒥᓕ ᐱᐅᓕᔭᐅᕕᒃᓴᐅᓕᕐᐳᖅ ᐃᓱᖃᖏᑦᑐᒧᑦ ᓈᓚᒃᑎᒋᔭᓕᒫᒥᓄᑦ,

ᐄᑉᕈᐃᓄᑦ 7:27

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᓯᒪᔪᑎᑐᑦ ᑍᒤᖏᑦᑐᒥᒃ, ᖃᐅᑕᒫᑦ ᑐᓂᕐᕈᓯᖃᑦᑕᕆᐊᖃᖏᑦᑐᒥᒃ, ᓯᕗᓪᓕᕐᒥᒃ ᓇᖕᒥᓂᖅ ᐊᔪᕐᓂᓂ ᐱᑦᔪᑎᒋᓗᒋᑦ ᑐᓂᕐᕈᓯᕐᐸᓚᐅᕐᑐᑎᑐᑦ, ᑭᖑᕐᖓᒍᑦ ᐃᓄᐃᑦ ᐊᔪᕐᓂᖏᑦ ᐱᑦᔪᑎᒋᓕᕐᓗᒋᑦ. ᐊᑕᐅᓯᐊᕐᓗᓂᓕ ᑐᓂᕐᕈᓯᓚᐅᕐᐳᖅ ᐊᔪᕐᓃᑦ ᐱᓪᓗᒋᑦ ᐃᒻᒥᓂᒃ ᑐᓂᕐᕈᑎᒋᓪᓗᓂ.

ᐄᑉᕈᐃᓄᑦ 9:25

ᔫᑎᑦ ᑐᓂᕐᕈᓯᕐᑎᑦᓯᔨᖏᑕ ᐊᖓᔪᖅᑳᖏᑦ ᐃᑎᖃᑦᑕᓚᐅᕐᐳᑦ ᐃᑦᔪᕐᓁᓐᓂᕐᐹᒧᑦ ᐊᕐᕌᒍᑕᒫᑦ ᐆᒪᔫᑉ ᐊᐅᖓᓂᒃ ᓇᒃᓴᕐᓗᑎᒃ, ᙭ᔅᑑᓯᓕ ᐅᓄᕐᑐᐃᓱᕐᓗᓂ ᐃᑎᕐᓯᒪᓐᖏᓚᖅ ᐃᒻᒥᓂᒃ ᑐᓂᕐᕈᑎᒋᔭᕐᑐᕐᓗᓂ;

ᐲᑦᑐᕉᓯ ᓯᕗᓪᓖᑦ 2:24

ᑖᑦᓱᒪ ᓇᖕᒥᓂᖅ ᐊᔪᕐᓂᕗᑦ ᑎᒥᒥᒍᑦ ᓇᒃᓴᓚᐅᕐᐰᑦ ᓴᓐᓂᖓᔪᓕᖕᒧᑦ, ᐊᔪᕐᓂᕐᒧᑦ ᑐᖁᖁᓪᓗᑕ ᒪᑭᖁᓪᓗᑕᓗ ᐃᓗᐊᕐᑐᓕᕐᓂᕐᒧᑦ. ᑖᑦᓱᒪ ᐃᑭᖏᓐᓄᑦ ᐋᖅᑭᒃᑕᐅᓯᒪᕗᓯ.

ᐲᑦᑐᕉᓯ ᓯᕗᓪᓖᑦ 3:18

᙭ᔅᑑᓯᑦᑕᐅᖅ ᐊᑕᐅᓯᐊᕐᓗᓂ ᐋᓐᓂᐊᑎᑕᐅᓚᐅᕐᒪᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ, ᐃᖢᐊᕐᑐᖅ ᐃᓗᐃᑦᑐᓕᔪᑦ ᐱᑦᔪᑎᒋᓪᓗᒋᑦ, ᒎᑎᒧᑦ ᐱᑎᑦᓱᒪᓪᓗᑕ, ᑎᒥᒥᒍᑦ ᑐᖁᑕᐅᓚᐅᕐᐳᖅ ᐊᓂᕐᓂᒃᑯᓪᓕ ᐆᒻᒪᕐᑎᑕᐅᓚᐅᕐᐳᖅ;

ᐲᑦᑐᕉᓯ ᐂᑉᐸᖏᑦ 3:12

ᓂᕆᐅᒃᑎᓪᓗᓯ ᒎᑎᐅᑉ ᐅᓪᓗᖓᓂᒃ ᕿᓚᓈᕐᑐᒃᓴᐅᕗᓯ, ᐅᓪᓗᖅ ᓇᓪᓕᐅᑎᒃᐸᑦ ᕿᓔᑦ ᐃᑯᒪᒧᑦ ᓄᖑᑕᐅᔪᒫᕐᒪᑕ, ᕿᓚᖕᒥᐅᑍᓪᓗ ᐊᐅᒃᑎᑕᐅᔪᒫᕐᐳᑦ ᐃᑯᒪᒧᑦ.

ᔪᐊᓇᓯ ᓯᕗᓪᓖᑦ 3:2

ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ.

ᔪᐊᓇᓯ ᓯᕗᓪᓖᑦ 3:5

ᖃᐅᔨᒪᕗᓯ ᑖᓐᓇ ᓴᖅᑭᑎᑕᐅᓚᐅᕐᒪᑦ ᐊᔪᕐᓂᕗᑦ ᐲᔭᕆᐊᕐᑐᕐᓗᒋᑦ. ᑖᑦᓱᒪᓂᓗ ᐊᔪᕐᓂᕐᑕᖃᓐᖏᓚᖅ.

ᔫᑎᐅᑉ ᐊᒡᓚᖏᑦ 1:21

ᒎᑎᐅᑉ ᓇᒡᓕᖕᓂᖓᓃᑦᓮᓐᓇᕆᑦᓯ; ᐅᑕᖅᑭᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓂᑲᒍᓱᖕᓂᕆᔪᒫᕐᑕᖓᓂᒃ ᐃᓅᓯᕐᒧᑦ ᓄᖑᓱᐃᑦᑐᒧᑦ ᑎᑭᐅᑎᔪᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:7

ᑕᑯᒋᑦ, ᓄᕗᔭᑎᒍᑦ ᕾᓕᕐᐳᖅ, ᑕᒪᕐᒥᒡᓗ ᑕᑯᔪᒫᕐᐹᑦ, ᑖᑦᓱᒥᖓ ᑲᐱᓯᓚᐅᕐᑐᑦᑕᐅᖅ ᑕᑯᔪᒫᕆᕗᑦ; ᐃᓄᐃᓪᓗ ᓄᓇᕐᔪᐊᕐᒥᐅᓕᒫᑦ ᕿᐊᔪᒫᕐᐳᑦ ᑖᓐᓇ ᐱᓪᓗᒍ. ᐊᑏ ᑍᒤᓕᕐᓕ. ᐋᒦᓐ.