ᐄᑉᕈᐃᓄᑦ 9:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐃᓄᐃᓪᓗ ᐊᑕᐅᓯᐊᕐᓗᑎᒃ ᑐᖁᔭᕆᐊᖃᕐᒪᑕ, ᑭᖑᓂᖓᒍᓪᓕ ᐃᖅᑲᕐᑐᕐᑕᐅᕕᒃᓴᖃᕐᐳᑦ.

ᐄᑉᕈᐃᓄᑦ 9:27 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 3:19

ᐊᐅᒃᑲᕐᓂᖓᕙᖕᓂᐊᓕᕐᐳᑎᑦ ᓂᕿᒃᓴᒥᒃ ᐱᓇᓱᐊᕐᓗᑎᑦ ᐅᑎᓚᐅᖏᓐᓂᕐᓂ ᓄᓇᒧᑦ, ᑕᒫᓐᖓᑦ ᓴᓇᔭᐅᕕᒋᓚᐅᕐᑕᕐᓄᑦ; ᐃᑦᔪᒥᑦ ᐱᓯᒪᒐᕕᑦ ᐃᑦᔪᒧᑦᑕᐅᖅ ᐅᑎᕈᒫᕆᕗᑎᑦ.”

ᓴᒧᐃᓕ ᐂᑉᐸᖏᑦ 14:14

ᑕᒪᑦᑕ ᑐᖁᔪᒃᓴᐅᕗᒍᑦ; ᐃᒥᕐᑐᑦ ᑍᒤᑉᐳᒍᑦ ᓄᓇᒧᑦ ᑯᕕᔭᐅᔪᑎᑐᑦ, ᑲᑎᑕᐅᓗᑎᒃ ᐅᑎᕐᑎᑕᐅᒃᑲᓐᓂᕈᓐᓁᓪᓕᔪᑎᑐᑦ; ᐊᒡᓛᑦ ᒎᑎᐅᑉ ᑐᖁᖓᔪᑦ ᐅᑎᕐᑎᖃᑦᑕᖏᒻᒪᒋᑦ, ᐊᖓᔪᖅᑳᕐᔪᐊᕐᓕ ᐃᓄᖕᒥᒃ ᐅᑎᕐᑎᑦᓯᔪᓐᓇᕐᐳᖅ ᓇᕐᕈᒋᔭᐅᓕᕐᓯᒪᔪᒥᒃ.

ᔫᐱᐅᑉ ᐊᒡᓚᖏᑦ 14:5

ᐃᓅᓯᖓᑕ ᑕᑭᓂᒃᓴᖓ ᓯᕗᓂᖓᒍᑦ ᐋᖅᑭᒃᓱᕐᑕᐅᔭᕇᕐᓯᒪᕗᖅ, ᑕᖅᑮᓪᓗ ᐃᓅᕕᒋᓂᐊᕐᑕᖏᑦ ᐃᓕᖕᓃᑉᐳᑦ, ᑕᒪᓐᓇ ᐋᖅᑭᒃᓱᕇᕐᓯᒪᒐᕕᐅᒃ ᑭᓇᒧᓪᓘᓐᓃᑦ ᐊᓯᑦᔨᕐᑕᐅᔪᓐᓇᓐᖏᓚᖅ.

ᔫᐱᐅᑉ ᐊᒡᓚᖏᑦ 19:25

ᖃᐅᔨᒪᕗᖓ ᓴᐳᑦᔨᔨᒐ ᐃᓅᖕᒪᑦ, ᑭᖑᓪᓕᕐᐹᒥᒡᓗ ᓄᓇᕐᔪᐊᕐᒥ ᓇᖏᓕᕈᒫᕐᒪᑦ ᓴᓂᓐᓂ.

ᔫᐱᐅᑉ ᐊᒡᓚᖏᑦ 30:23

ᖃᐅᔨᒪᔪᖓ ᑐᖁᒧᑦ ᑎᑭᑎᓕᕋᕕᖓ, ᐃᓅᔪᓕᒫᓄᑦ ᑕᒪᓐᓇ ᑐᕌᕐᑕᐅᖕᒪᑦ.

ᐃᓐᖏᕈᑎᑦ 89:48

ᐃᓄᒃ ᖃᓄᐃᒐᔭᕐᐸ ᑐᖁᓂᐊᖏᑦᑑᓗᓂ ᐃᓅᒐᔭᕐᐸᑦ? ᑭᓇ ᑕᕐᓂᕐᒥᓂᒃ ᐱᐅᓕᓯᔪᓐᓇᕐᐹ ᑐᖁᖓᔪᑦ ᐃᓂᖓᓂᑦ? ᓰᓚ

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:9

ᖁᕕᐊᓱᒋᑦ ᐃᓅᓱᒃᑑᔪᑎᑦ, ᐃᓅᓱᖕᓂᕐᓂ, ᐆᒻᒪᑎᕕᓪᓗ ᖁᕕᐊᓱᒃᑎᓪᓕᑎᑦ ᐅᓪᓗᓂ ᐃᓅᓱᒃᑑᓂᕐᓂ. ᐆᒻᒪᑎᕕᑦ ᐊᑐᕈᒪᔭᖏᓐᓂᒃ ᐊᑐᕆᑦ, ᑕᑯᔭᕐᓂᒡᓗ ᑕᒤᓐᓂᒃ, ᖃᐅᔨᒪᓗᑎᓪᓕ ᑕᒪᒃᑯᓄᖓ ᑕᒤᓐᓄᑦ ᒎᑎᐅᑉ ᐃᖅᑲᕐᑐᕈᒫᕐᒪᑎᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:14

ᒎᑎᐅᑉ ᑕᒤᑕ ᐱᓂᐊᕐᓃᑦ ᐃᖅᑲᕐᑐᐃᕕᖕᒧᑦ ᐱᑎᑦᓱᒫᕐᒪᒋᑦ, ᐃᔨᕐᓯᒪᔪᓪᓗ ᐊᒡᓛᑦ, ᐱᐅᔫᒐᓗᐊᕐᐸᑕ ᐱᐅᖏᑦᑑᒐᓗᐊᕐᐸᑕᓘᓐᓃᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:7

ᐳᔪᕐᓗᒡᓗ ᓄᓇᒧᑦ ᐅᑎᕐᐸᑦ ᐃᓂᒋᓚᐅᕐᑕᒥᓄᑦ, ᐊᒻᒪᓗ ᐊᓂᕐᓂᖅ ᐅᑎᕐᐸᑦ ᒎᑎᒧᑦ ᑐᓂᓯᓚᐅᕐᑐᒧᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:2

ᓇᓪᓕᐅᓐᓂᖃᕐᐳᖅ ᐃᕐᓂᐊᖑᕕᒃᓴᒥᒃ, ᓇᓪᓕᐅᓐᓂᖃᕆᕗᖅ ᑐᖁᕕᒃᓴᒥᒃ; ᓇᓪᓕᐅᓐᓂᖅᑲᕐᐳᖅ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᓂᕐᒥᒃ, ᓇᓪᓕᐅᓐᓂᖃᕆᕗᖅ ᐱᕈᕐᓯᐊᓂᒃ ᓄᓲᕅᓂᕐᒥᒃ;

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:20

ᑕᒪᕐᒥᒃ ᐊᑕᐅᓯᕐᒧᑦ ᐂᕗᑦ: ᓴᓂᕐᒥᑦ ᐱᕗᑦ ᓴᓂᕐᒧᓪᓗ ᐅᑎᕈᒫᕆᕗᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:10

ᐊᒡᒐᖕᓄᑦ ᓱᓕᐊᒃᓴᒥᒃ ᐱᓯᒪᒍᕕᑦ ᐱᓇᓱᐊᕈᒃ ᐊᒃᓱᕈᕐᓗᑎᑦ, ᓯᕗᓂᕆᔭᕐᓂ ᐃᓗᕕᕐᒥ ᓱᓕᐊᒃᓴᖃᖏᒻᒪᑦ, ᓱᓕᐊᒃᓴᒧᓪᓗ ᐸᕐᓇᖕᓂᖃᕋᓂ, ᖃᐅᔨᒪᓂᕐᑕᖃᕋᓂᓗ, ᓯᓚᑐᓂᕐᑕᖃᕋᓂᓗ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:5

ᐃᓅᔪᑦ ᖃᐅᔨᒪᖕᒪᑕ ᑐᖁᔪᒫᕐᓂᕐᒥᖕᓂᒃ. ᑐᖁᖓᔪᓪᓕ ᓱᓇᒥᒃ ᖃᐅᔨᒪᓐᖏᓚᑦ. ᐊᑭᓕᕐᑕᐅᑦᔪᑎᒃᓴᒥᖕᓂᒡᓗ ᐱᓂᐊᕈᓐᓃᕐᓗᑎᒃ ᐃᖅᑲᐅᒪᔭᐅᑦᔪᑎᒃᓴᖏᓪᓗ ᐳᐃᒍᕐᑕᐅᕗᑦ.

ᓘᑲᓯᐅᑉ ᐊᒡᓚᖏᑦ 20:32

ᑭᖑᓪᓕᕐᐹᓐᖑᓪᓗᓂᓕ ᐊᕐᓇᖅ ᑐᖁᓚᐅᕆᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 17:31

ᐅᓪᓗᒥᒃ ᐋᖅᑭᒃᓯᓯᒪᖕᒪᑦ ᐃᖅᑲᕐᑐᐃᔪᒪᓪᓗᓂ ᓯᓚᕐᔪᐊᕐᒥᐅᓂᒃ ᓇᓛᒎᑦᓯᐊᕐᓗᓂ, ᐃᓄᒃᑯᑦ ᓂᕈᐊᕐᓯᒪᔭᒥᒍᑦ, ᑕᒪᑐᒥᖓᓗ ᖁᓚᕐᓇᕈᓐᓃᕐᑎᑦᓯᕗᖅ ᑖᓐᓇ ᒪᑭᑎᓚᐅᕋᒥᐅᒃ ᑐᖁᒥᑦ.”

ᕉᒪᒥᐅᓄᑦ 2:5

ᓯᑎᔪᐊᓘᓂᕐᓄᑦ ᐆᒻᒪᑎᒃᑯᓪᓗ ᖃᕿᐊᓕᕈᒪᖏᓐᓂᕐᓄᑦ ᐃᓕᖕᓂᒃ ᖁᒥᐅᑎᒋᓕᕐᐳᑎᑦ ᐅᓪᓗᒧᑦ ᒎᑎᐅᑉ ᓂᓐᖓᒡᕕᒃᓴᖓᓄᑦ ᐃᖅᑲᕐᑐᐃᓂᖓ ᓈᒻᒪᓈᑦᓯᐊᕐᑐᖅ ᓴᖅᑭᑉᐸᑦ.

ᕉᒪᒥᐅᓄᑦ 5:12

ᑍᒤᒻᒪᑦ ᐊᔪᕐᓂᖅ ᓯᓚᕐᔪᐊᕐᒧᑦ ᑎᑭᓯᒪᕗᖅ ᐃᓄᒃᑯᑦ ᐊᑕᐅᓯᒃᑯᑦ, ᑐᖁᓗ ᑎᑭᓯᒪᓪᓗᓂ ᐊᔪᕐᓂᒃᑯᑦ. ᑍᒤᒻᒪᑦ ᑐᖁ ᐃᓄᓕᒫᓄᑦ ᑎᑭᓯᒪᕗᖅ, ᐃᓄᓕᒫᑦ ᐊᔪᕐᑐᓕᓯᒪᖕᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:5

ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:10

ᑕᒪᑦᑕ ᓴᖅᑭᑦᑕᕆᐊᖃᕈᒫᕋᑦᑕ ᙭ᔅᑑᓯᐅᑉ ᐃᖅᑲᕐᑐᐃᕕᖓᑕ ᓵᖓᓂ, ᑕᒪᕐᒥᒃ ᐊᑐᓂᑦ ᐱᓂᐊᕐᕕᐅᖁᓪᓗᒋᑦ ᑎᒥᒦᓪᓗᑎᒃ ᐊᑐᓚᐅᕐᑕᖏᑦ ᒪᓕᒡᓗᒋᑦ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᑎᒧᑎᒧᑦ ᐂᑉᐸᖏᑦ 4:1

ᐱᖁᓪᓚᕆᒃᐸᒋᑦ ᒎᑎᐅᑉ ᓵᖓᓂ ᙭ᔅᑑᓯ ᔩᓱᓯᐅᓪᓗ ᑖᓐᓇ ᐃᖅᑲᕐᑐᐃᔪᒫᕐᒪᑦ ᐃᓅᔪᓂᒃ ᑐᖁᖓᔪᓂᒡᓗ, ᑎᑭᑦᓱᒫᕐᒪᓪᓗ ᐊᐅᓚᑦᓯᔭᕐᑐᕐᓗᓂ.

ᐄᑉᕈᐃᓄᑦ 10:27

ᓯᕘᕋᓇᕐᑐᕐᔪᐊᒥᒡᓕ ᓯᕗᓂᒃᓴᖃᓕᕐᐳᒍᑦ ᐃᖅᑲᕐᑐᕐᑕᐅᕕᖕᒥᒃ, ᐃᑯᒪᒥᒡᓗ ᑲᑉᐱᐊᓇᕐᑐᕐᔪᐊᒥᒃ ᐊᓯᕈᐃᓂᐊᕐᑐᒥᒃ ᐊᑭᕋᕐᑐᕐᑐᓂᒃ.

ᐄᑉᕈᐃᓄᑦ 6:2

ᐃᓕᓮᓗᑕ ᐹᑉᑎᑕᐅᓂᕐᒥᒃ, ᐸᑎᒻᒥᔭᐅᓂᕐᒥᒡᓗ, ᑐᖁᖓᔪᓪᓗ ᒪᑭᕝᕕᒃᓴᖓᓂᒃ, ᐃᖅᑲᕐᑐᕐᑕᐅᓂᕐᒥᒡᓗ ᐃᓱᖃᖏᑦᑐᒧᑦ.

ᔪᐊᓇᓯ ᓯᕗᓪᓖᑦ 4:17

ᑕᒪᑐᒨᓇ ᓇᒡᓕᖕᓂᖅ ᓈᒻᒪᒃᓯᑎᑕᐅᑦᓯᐊᕐᐳᖅ ᐅᕙᑦᑎᓐᓄᑦ, ᖁᓚᖏᑦᔪᑎᒃᓴᖃᖁᓪᓗᑕ ᐃᖅᑲᕐᑐᐃᕕᒃ ᓇᓪᓕᐅᑎᒃᐸᑦ, ᑖᓐᓇ ᑍᒤᑦᑑᖕᒪᑦ ᐅᕙᒍᑦᑕᐅᖅ ᑍᒤᑦᑑᒋᕗᒍᑦ ᒫᓂ ᓯᓚᕐᔪᐊᕐᒥ.

ᔫᑎᐅᑉ ᐊᒡᓚᖏᑦ 1:15

ᑕᒤᓐᓂᒃ ᐃᖅᑲᕐᑐᐃᔭᕐᑐᕐᓗᓂ, ᐅᒃᐱᖏᑦᑐᑦ ᐱᓂᐊᕐᓂᓕᒫᖏᑦ ᓴᖅᑭᑎᓚᐅᕐᑕᖏᓪᓗ ᓱᒋᐊᕆᐊᕐᑐᓕᕐᓗᒋᑦ, ᐅᖃᕐᓂᕐᓗᖃᑦᑕᕐᓯᒪᔪᓪᓗ ᐅᒃᐱᖏᑦᑐᑦ ᐊᔪᕐᑐᓕᔪᓪᓗ ᐊᑭᕋᕐᑐᕐᓗᑎᒃ ᑖᑦᓱᒥᖓ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:11

ᑕᕝᕙ ᑕᑯᓕᕆᕗᖓ ᐃᒃᓯᕙᐅᑕᕐᔪᐊᕐᒥᒃ ᖃᑯᕐᑕᒥᒃ ᑕᕝᕙᓂᓗ ᐃᒃᓯᕚᕐᑐᒥᒃ; ᑖᑦᓱᒪᓕ ᓇᔪᕐᑕᖓᓂᑦ ᓄᓇᕐᔪᐊᖅ ᕿᓚᒡᓗ ᕿᒪᒃᓯᕘᒃ, ᐃᓂᒃᓴᖃᕈᓐᓃᕐᓗᑎᒡᓗ.