ᐄᑉᕈᐃᓄᑦ 9:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᙭ᔅᑑᓯ ᐃᑎᓚᐅᕐᐳᖅ, ᐃᑦᔪᕐᓁᑦᑐᕕᖕᒧᑦ ᐊᒡᒐᓄᑦ ᓴᓇᔭᐅᓯᒪᖏᑦᑐᒧᑦ, ᕿᓚᖕᒦᑦᑐᒧᑦ ᑕᕝᕗᖓ ᐊᑦᔨᐅᑎᑕᐅᓯᒪᔪᒧᑦ, ᓇᖕᒥᓂᕐᓗ ᕿᓚᖕᒧᐊᓚᐅᕐᐳᖅ ᒎᑎᐅᑉ ᓵᖓᓄᑦ ᓴᖅᑭᑦᓱᒪᓪᓗᓂ ᐱᑦᔪᑎᒋᓪᓗᑕ.

ᐄᑉᕈᐃᓄᑦ 9:24 ပူးပေါင်းရင်းမြစ်များ

ᐃᓐᖏᕈᑎᑦ 68:18

ᖁᒻᒧᐊᒃᐳᑎᑦ ᖁᑦᓯᒃᑐᒧᑦ, ᑎᒍᔭᐅᓯᒪᔪᑦ ᓇᒃᓴᕐᓗᒋᑦ, ᑐᓂᕐᕈᑎᓂᒡᓗ ᐃᓄᖕᓂᑦ ᐱᑎᑕᐅᕗᑎᑦ, ᐊᑭᕋᕐᑐᕐᑐᓂᑦ ᐊᒡᓛᑦ, ᐊᑕᓂᖅ ᒎᑎ ᐃᓂᖃᖁᓪᓗᒍ ᑍᑲᓂ.

ᒨᓯᓯ ᐂᑉᐸᖏᑦ 28:12

ᑖᒃᑯᐊᒡᓗ ᐅᔭᑦᓯᐅᑎᖓᖕᓄᑦ ᐃᓕᔭᒃᓴᕆᕙᑎᑦ ᑭᐊᑎᒧᑦ ᐃᐹᑦᓯᒥᒃ ᐊᑎᓕᖕᒧᑦ ᐃᓚᓕᐅᑎᓯᒪᖁᓪᓗᒋᒃ, ᐃᓴᕆᐊᓕᐅᑉ ᑭᖑᕚᖏᓐᓄᑦ ᐃᖅᑲᐅᒪᑦᔪᑎᒃᓴᐅᖁᓪᓗᒋᒃ. ᐂᕉᓂᓗ ᐊᒡᔭᕐᓯᖃᑦᑕᖁᓪᓗᒍ ᑭᖑᕚᕇᖑᔪᑦ ᐊᑎᖏᓐᓂᒃ ᐊᑕᓂᐅᑉ ᓵᖓᓂ ᑖᒃᑯᐊ ᐃᖅᑲᐅᒪᔭᐅᑦᔪᑎᒃᓴᖏᓐᓄᑦ.

ᒨᓯᓯ ᐂᑉᐸᖏᑦ 28:29

“ᐂᕉᓂ ᐃᑦᔪᕐᓁᑦᑐᕕᖕᒧᑦ ᐃᑎᓕᕈᓂ, ᐃᓴᕆᐊᓕᒥᐅᑦ ᑭᖑᕚᕇᖏᑕ ᐊᑎᖏᓐᓂᒃ ᓴᒡᕕᖕᒥᐅᑕᕐᒥ ᐊᑐᕐᑕᖓᓂᒃ ᑎᑎᕋᕐᓯᒪᔪᓂᒃ ᐃᑎᕈᑦᔨᖃᑦᑕᖁᓪᓗᒍ, ᑍᒤᑉᐸᑦ, ᑕᕝᕙ ᐅᕙᖓ ᐊᑕᓂᖅ, ᐃᓄᖁᑎᒃᑲ ᑍᒪᓐᖓᑦ ᐃᖅᑲᐅᒪᖃᑦᑕᕐᓂᐊᕐᐸᒃᑲ.

ᓴᑲᕅᐊᐅᑉ ᐊᒡᓚᖏᑦ 3:1

ᓱᓕ ᑕᑯᑎᑦᔪᑎᐅᑉ ᐊᓯᐊᓂᒃ ᐊᑕᓂᐅᑉ ᑕᑯᑎᒃᑭᕚᖓ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓂᒃ ᔮᓱᐊᒥᒃ ᓇᖏᕐᑐᒥᒃ ᐊᑕᓂᐅᑉ ᐂᖏᓕᖓᑕ ᓵᖓᓂ. ᔮᓱᐊᓪᓗ ᑕᓕᕐᐱᐊᓂ ᓵᑖᓇᓯ ᓇᖏᕆᕗᖅ, ᑖᑦᓱᒥᖓ ᐸᓯᒃᓯᕈᒪᓪᓗᓂ

ᒫᑎᐅᓯᐅᑉ ᐊᒡᓚᖏᑦ 18:10

“ᖃᐅᔨᓕᕆᑦᓯ ᑕᒪᒃᑯᐊᑯᓗᐃᑦ ᓇᕐᕈᒋᔭᕆᐊᖃᖏᓐᓇᑦᓯᐅᒃ; ᓱᓕᓪᓗᖓ ᐅᖃᕐᐳᖓ ᑖᒃᑯᐊ ᐂᖏᓖᖁᑎᖏᑕ ᐊᑖᑕᒪ ᕿᓚᖕᒦᑦᑑᑉ ᑮᓇᖓ ᑕᑯᐃᓐᓇᖃᑦᑕᕐᐹᑦ.

ᒫᑯᓯᐅᑉ ᐊᒡᓚᖏᑦ 14:58

“ᐅᓇ ᐅᖃᕐᑎᓪᓗᒍ ᑐᓴᓚᐅᕐᑕᕗᑦ, ‘ᑐᒃᓯᐊᕐᕕᒡᔪᐊᖅ ᓯᖁᒥᒍᒪᕙᕋ ᐊᒡᒐᓄᑦ ᓴᓇᔭᐅᓯᒪᔪᖅ, ᐅᓪᓗᐃᑦ ᐱᖓᓱᑦ ᓈᒃᐸᑕ ᐊᓯᐊᓂᒃ ᓴᓇᓂᐊᕆᕗᖓ, ᐊᒡᒐᓄᑦ ᓴᓇᔭᐅᓯᒪᖏᑦᑐᒥᒃ.’”

ᒫᑯᓯᐅᑉ ᐊᒡᓚᖏᑦ 16:19

ᑕᕝᕙ ᐊᑕᓂᖅ ᔩᓱᓯ, ᑖᒃᑯᓄᖓ ᐅᖃᓪᓚᒌᕋᒥ, ᕿᓚᓕᐊᕐᑎᑕᐅᕗᖅ, ᒎᑎᐅᑉ ᑕᓕᕐᐱᐊᓄᑦ ᐃᖏᑦᓴᕐᑐᕐᓗᓂ.

ᓘᑲᓯᐅᑉ ᐊᒡᓚᖏᑦ 24:51

ᓮᒻᒪᕐᑎᒌᑐᐊᕋᒥᒋᑦ, ᕿᒪᓕᕐᐰᑦ ᕿᓚᓕᐊᕐᑎᑕᐅᓕᕐᓗᓂᓗ.

ᔪᐊᓇᓯᐅᑉ ᐊᒡᓚᖏᑦ 16:28

ᐊᑖᑕᒥᑦ ᐱᓯᒪᕗᖓ ᓯᓚᕐᔪᐊᕐᒧᐊᕐᓗᖓᓗ; ᒫᓐᓇᓕ ᓯᓚᕐᔪᐊᖅ ᕿᒪᖕᓂᐊᕐᐸᕋ ᐊᑖᑕᒧᑦ ᐂᓗᖓ.”

ᔪᐊᓇᓯᐅᑉ ᐊᒡᓚᖏᑦ 6:62

ᖃᓄᕐᓕ ᐃᓱᒪᕕᓰ ᐃᓅᑉ ᐃᕐᓂᖓ ᑕᑯᒐᔭᕈᑦᓯᐅᒃ ᖁᒻᒧᐊᓕᕐᑎᓪᓗᒍ ᓯᕗᕐᖓᓂ ᐃᓂᒋᓚᐅᕐᑕᒥᓄᑦ?

ᐋᐴᓯᑕᓖᑦ ᐱᓂᐊᕐᓂᖏᑦ 3:21

ᑖᓐᓇ ᕿᓚᖕᒦᑦᑕᕆᐊᖃᓚᐅᕐᐳᖅ ᒎᑎᐅᑉ ᑍᑦᓱᒪᓂᐊᓗᖕᓂᑦ ᐅᖃᐅᓯᕆᓯᒪᔭᖏᑦ ᓇᓚᐅᑦᑍᔪᑎᒍᑦ ᐃᑦᔪᕐᓁᑦᑐᑎᒍᑦ ᓈᒻᒪᒃᓯᑎᑕᐅᓚᐅᖏᓐᓂᖏᓐᓂ.

ᕉᒪᒥᐅᓄᑦ 8:33

ᒎᑎᐅᑉ ᓂᕈᐊᕐᓯᒪᔭᖏᑦ ᑭᐊ ᐊᑭᕋᕐᑐᕈᓐᓇᕐᐰᑦ? ᒎᑎ ᑖᓐᓇ ᐸᓯᔭᒃᓴᐅᔪᓐᓃᕐᑎᑦᓯᑎᓪᓗᒍ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:1

ᖃᐅᔨᒪᒐᑦᑕ ᓄᓇᒥ ᑐᐱᕗᑦ ᓇᔪᕐᑕᕗᑦ ᐊᓯᕈᕐᐸᑦ, ᐃᒡᓗᒃᓴᖃᕋᑦᑕ ᒎᑎᒥᑦ ᐱᔪᒥᒃ, ᐊᒡᒐᓄᑦ ᓴᓇᔭᐅᓯᒪᖏᑦᑐᒥᒃ, ᕿᓚᖕᒥ ᐃᒡᓗᒋᔪᒫᕐᑕᑦᑎᓐᓂᒃ ᐃᓱᖃᖏᑦᑐᒧᑦ.

ᑯᓘᓯᐊᒥᐅᓄᑦ 3:2

ᐹᓃᑦᑐᑦ ᐱᓇᓱᐊᕐᓯᒋᑦ, ᓄᓇᒦᑦᑐᑦ ᐱᓇᒋᑦ.

ᐄᑉᕈᐃᓄᑦ 1:3

ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.

ᐄᑉᕈᐃᓄᑦ 4:14

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕐᔪᐊᖃᕋᑦᑕ ᒎᑎᐅᑉ ᓇᔪᒐᖓᓄᑦ ᐂᓯᒪᔪᒥᒃ ᔩᓱᓯᒥᒃ, ᒎᑎᐅᑉ ᐃᕐᓂᖓᓂᒃ, ᐅᒃᐱᕐᓂᕗᑦ ᑎᒍᒥᐊᑦᓯᐊᕐᓚᕗᑦ.

ᐄᑉᕈᐃᓄᑦ 6:20

ᑕᕝᕙᓂ ᔩᓱᓯ, ᐅᕙᑦᑎᓐᓂᒃ ᐱᑦᔪᑎᖃᕐᓗᓂ ᐃᑎᕐᓯᒪᕗᖅ, ᐅᕙᑦᑎᓐᓂᑦ ᓯᕗᓪᓕᐅᓪᓗᓂ. ᑐᓂᕐᕈᓯᕐᑎᑦᓯᔨᓄᓪᓗ ᐊᖓᔪᖅᑲᐅᓕᕐᓗᓂ ᐃᓱᖃᖏᑦᑐᒧᑦ, ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.

ᐄᑉᕈᐃᓄᑦ 8:2

ᑖᓐᓇᓗ ᐱᔨᑦᓯᕐᑎᐅᕗᖅ ᐃᑦᔪᕐᓁᓐᓂᕐᐸᐅᔪᒥ, ᑐᐱᕐᒥ ᑐᒃᓯᐊᕐᕕᖕᒥ ᐋᖅᑭᑦᓯᐊᕐᓯᒪᔪᒥ ᐊᑕᓂᐅᑉ ᓇᑉᐸᕐᑎᓯᒪᔭᖓᓂ, ᐃᓄᖕᒧᑦ ᓇᑉᐸᕐᑎᑕᐅᓯᒪᓐᖏᑦᑐᖅ.

ᐄᑉᕈᐃᓄᑦ 8:5

ᑖᒃᑯᐊᓕ ᐱᓇᓱᐊᕐᑕᖓᑦ ᐃᑦᔪᕐᓁᑦᑐᕕᖕᒥ ᐊᑦᔨᑐᐃᓐᓇᐅᕗᑦ ᑕᕐᕋᑐᐃᓐᓇᐅᓪᓗᑎᒡᓗ ᕿᓚᖕᒦᑦᑐᒧᑦ. ᑍᒤᒻᒪᑦ ᒨᓯᓯ ᑐᐱᓕᐅᕐᓂᐊᓕᕐᒪᑦ ᐊᖏᖃᑎᒌᒍᑕᐅᓯᒪᔪᕐᑕᓕᖕᒥᒃ, ᐅᖃᐅᑦᔭᐅᓚᐅᕐᐳᖅ: “ᑲᒪᑦᓯᐊᕆᑦ ᑕᒤᓐᓂᒃ ᑕᑯᑎᑕᐅᑦᔪᑎᒋᓚᐅᕐᑕᕐᓂᒃ ᖃᖅᑲᒦᑎᓪᓗᑎᑦ ᓴᓇᖁᓪᓗᑎᑦ ᑍᒫᓪᓗᐊᖅ ᐊᑦᔨᒋᔭᐅᑎᓪᓗᒍ.”

ᐄᑉᕈᐃᓄᑦ 9:1

ᐊᖏᖃᑎᒌᖕᓂᖅ ᓯᕗᓪᓕᖅ ᐱᖁᔭᖃᓚᐅᕐᐳᖅ ᐱᔨᑦᓯᕐᓂᕐᒧᑦ ᓴᓇᔭᐅᓯᒪᔪᒥᒡᓗ ᐃᑦᔪᕐᓁᑦᑐᕕᖕᒥ ᐱᔨᑦᓯᕐᕕᒃᑕᖃᕐᓗᓂ.

ᐄᑉᕈᐃᓄᑦ 9:23

ᑕᒪᒃᑯᐊ ᕿᓚᖕᒦᑦᑐᓄᑦ ᐊᑦᔨᒋᔭᐅᔪᑦ ᓴᓗᒻᒪᕐᑕᐅᔭᕆᐊᖃᓚᐅᕐᐳᑦ ᑕᒪᒃᑯᑎᒎᓇᖅ, ᕿᓚᖕᒦᑦᑐᓪᓕ ᑐᓂᕐᕈᓯᕈᑕᐅᔭᕆᐊᖃᕐᐳᑦ ᐱᐅᓂᕐᓴᒥᒃ ᑕᒪᒃᑯᓇᖓᑦ ᑐᓂᕐᕈᑕᐅᕙᒃᑐᓂᑦ.

ᐄᑉᕈᐃᓄᑦ 9:9

ᑕᒪᓐᓇᓗ ᓇᓗᓁᒃᑯᑕᐅᕗᖅ ᐅᓪᓗᒥᒧᑦ, ᑐᓂᕐᕈᑕᐅᖁᔭᐅᔪᓂᒃ ᑐᓂᕐᕈᓯᕐᓂᕐᓗ ᐆᒪᔪᕕᓂᕐᓂᒃ ᓈᒻᒪᑦᓯᐊᓕᕐᑎᑦᓯᔪᓐᓇᖏᒻᒪᑕ ᐱᔨᑦᓯᕐᑐᑦ ᐃᓱᒪᖏᓐᓂᒃ.

ᐲᑦᑐᕉᓯ ᓯᕗᓪᓖᑦ 3:22

ᑖᓐᓇ ᕿᓚᓕᐊᓚᐅᕐᐳᖅ ᒫᓐᓇᓗ ᒎᑎᐅᑉ ᑕᓕᕐᐱᐊᓃᑉᐳᖅ, ᐂᖏᓖᓂᒃ ᐃᓚᖃᕐᓗᓂ, ᐱᔪᓐᓇᕐᑎᑕᐅᔪᑦ, ᐱᔪᓐᓇᕐᓃᓪᓗ ᑖᑦᓱᒥᖓ ᓈᓚᒐᖃᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:3

ᐂᖏᓕᑦᑕᐅᖅ ᐊᓯᐊ ᑕᒪᐅᓐᖓᕐᐳᖅ ᑐᓂᕐᕈᓯᕐᕕᐅᑉ ᓵᖓᓄᐊᕐᓗᓂ ᒎᓗᒥᒃ ᐳᔫᑦᑎᑦᓯᕕᖕᒥᒃ ᑎᒍᒥᐊᕐᑐᖅ; ᑐᓂᓯᕕᐅᕗᕐᓗ ᐳᔫᕐᑎᑕᒃᓴᖏᓐᓂᒃ ᐊᒥᓱᓂᒃ ᐃᓚᓕᐅᑎᔭᐅᖁᓪᓗᒋᑦ ᐃᑦᔪᕐᓁᑎᑕᐅᓯᒪᔪᓕᒫᑦ ᑐᒃᓯᐊᕐᓂᖏᓐᓄᑦ ᑐᓂᕐᕈᑕᐅᖁᓪᓗᒋᑦ ᒎᓗᒧᑦ ᑐᓂᕐᕈᓯᕐᕕᖕᒧᑦ ᐃᒃᓯᕙᐅᑕᕐᔪᐊᑉ ᓵᖓᓃᑦᑐᒧᑦ.