ᐄᑉᕈᐃᓄᑦ 9:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᒨᓯᓯᐅᑉ ᐱᖁᔭᑦ ᑕᒪᕐᒥᒃ ᐃᓄᖕᓄᑦ ᐊᑐᐊᕇᕋᒥᒋᑦ ᓄᕐᕋᐅᔭᐅᑉ ᒎᑦᓯᐅᓪᓗ ᐊᐅᖏᓐᓂᒃ ᐱᓪᓗᓂ, ᐃᒪᕐᒥᒃ ᐃᓚᓪᓗᒋᑦ ᑖᒃᑯᐊ ᐱᖁᔧᑦ ᑎᑎᕋᕐᓯᒪᔪᑦ ᓯᕐᐸᕐᓴᓚᐅᕐᐰᑦ ᐃᓄᐃᓪᓗ ᑕᒪᕐᒥᒃ, ᕼᐃᓴᑉᓂᒃ ᓰᐱᑦ ᒥᖅᑯᖏᓐᓂᒃ ᐊᐅᖕᒥᒃ ᐃᑦᓴᒃᑎᕐᓯᒪᔪᑦ ᐊᑐᕐᓗᒋᑦ.

ᐄᑉᕈᐃᓄᑦ 9:19 ပူးပေါင်းရင်းမြစ်များ

ᐄᑉᕈᐃᓄᑦ 9:12

᙭ᔅᑑᓯᓕ ᐃᑦᔪᕐᓁᓐᓂᕐᐹᒧᑦ ᐃᓯᓚᐅᕐᐳᖅ ᐊᑕᐅᓯᐊᕐᓗᓂ ᑕᒤᓐᓄᑦ ᓈᒻᒪᒃᓯᑦᔪᑕᐅᓂᐊᓕᕐᑐᒥᒃ ᐃᓯᐅᑦᔨᓪᓗᓂ; ᒎᑦᓯᓪᓗ ᓄᕐᕋᐅᔮᕐᑑᓪᓘᓐᓃᑦ ᐊᐅᖓᓂᒃ ᓇᒃᓴᓚᐅᓐᖏᓚᖅ ᓇᖕᒥᓂᕐᓕ ᐊᐅᖕᒥᓂᒃ ᓇᒃᓴᓚᐅᕐᐳᖅ, ᐃᓱᖃᖏᑦᑐᒧᑦ ᐱᐅᓕᔭᐅᕕᒃᓴᒥᒃ ᐱᓂᐊᕈᑦᔨᓪᓗᓂ.

ᒨᓯᓯ ᓯᑕᒪᖏᑦ 19:18

ᐃᓄᒃ ᓴᓗᒤᓕᓯᒪᖏᑦᑐᖅ ᕼᐊᓯᑉᒥᒃ ᑎᒍᓯᓗᓂ ᐃᒥᕐᒧᑦ ᑕᕝᕗᖓ ᒥᓱᒡᓗᒍ, ᑐᐱᖅ ᓯᕐᐸᕐᓴᕆᐊᖃᕐᐹ, ᐃᓗᓕᖁᑎᓕᒫᖏᓪᓗ, ᐃᓄᐃᓪᓗ ᑐᐱᕐᒦᑦᑐᕕᓂᓕᒫᑦ, ᐅᕝᕙᓘᓐᓃᑦ ᓇᓪᓕᐊᑦ ᓴᐅᓂᕕᓂᕐᒥᒃ ᐊᒃᑐᕐᓯᓚᐅᕐᑐᒧᑦ, ᑐᖁᑕᕕᓂᕐᒥᒡᓘᓐᓃᑦ, ᑐᖁᖓᔪᒥᒡᓘᓐᓃᑦ, ᐃᓗᕕᕐᒥᒡᓘᓐᓃᑦ ᐊᒃᑐᕐᓯᓚᐅᕐᑐᒧᑦ.

ᒨᓯᓯ ᓯᑕᒪᖏᑦ 19:6

ᑐᓂᕐᕈᓯᕐᑎᑦᓯᔨ ᑎᒍᓯᔭᕆᐊᖃᕐᐳᖅ ᕿᔪᕐᒥᒃ ᓰᑕᕆᒥᒃ ᐊᑎᖃᕐᑐᒥᒃ ᕼᐊᓯᑉᒥᒡᓗ, ᓰᐱᐅᓪᓗ ᒥᖅᑯᖓᓂᒃ ᐊᐅᑉᐸᕆᒃᑐᒥᒃ, ᐃᒋᓪᓗᒋᓪᓗ ᐃᑯᐊᓚᔫᑉ ᐊᕐᓇᓪᓘᑉ ᐃᒻᒧᒃᓯᐅᒐᐅᑉ ᐊᑯᓐᓂᖓᓄᑦ.

ᐄᑉᕈᐃᓄᑦ 10:4

ᐃᒻᒧᓕᐅᕐᑏᓪᓕ ᐊᖑᓴᓪᓗᖏᑕ ᒎᑦᓰᓪᓗ ᐊᐅᖏᓐᓄᑦ ᐊᔪᕐᓃᑦ ᐲᔭᕐᑕᐅᔭᕆᐊᖏᑦ ᐊᔪᕐᓇᒻᒪᕆᒃᐳᑦ.

ᐲᑦᑐᕉᓯ ᓯᕗᓪᓖᑦ 1:2

ᓂᕈᐊᕐᑕᐅᓯᒪᕗᓯ ᒎᑎᒧᑦ ᐊᑖᑕᒧᑦ ᐱᓂᐊᕐᑕᐅᖁᔭᖓᓄᑦ ᐃᑦᔪᕐᓁᑎᑕᐅᖁᓪᓗᓯ ᐊᓂᕐᓂᖓᓄᑦ ᒪᓕᑦᓯᐊᖁᓪᓗᓯ ᔩᓱᓯ ᙭ᔅᑑᓯᒥᒃ ᐊᐅᖓᓄᓪᓗ ᓴᓗᒻᒪᕐᑎᑕᐅᓗᓯ: ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓮᒻᒪᕐᑎᑕᐅᓇᕐᑐᖅ ᐱᕙᓪᓕᐊᓕ ᐃᓕᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 36:25

ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᔪᐊᓇᓯᐅᑉ ᐊᒡᓚᖏᑦ 19:5

ᑕᕝᕙ ᔩᓱᓯ ᐊᓂᕗᖅ, ᓂᐊᖂᓯᔭᕐᓗᓂ ᑲᑭᓪᓚᐅᑎᓕᖕᓂᒃ ᐅᓕᒡᔪᐊᖃᕐᓗᓂᓗ ᐊᐅᐸᓪᓚᕆᒃᑐᒥᒃ. ᐰᓛᑑᓯ ᐃᓄᖕᓄᑦ ᐅᖃᕐᐳᖅ, “ᑕᑯᓕᕐᓯᐅᒃ ᐊᖑᑦ ᐅᓇ!”

ᔪᐊᓇᓯᐅᑉ ᐊᒡᓚᖏᑦ 19:2

ᐅᓇᑕᕐᑐᒃᓮᑦ ᓂᐊᖂᑎᒃᓴᓕᐅᕐᐳᑦ ᑲᑭᓪᓚᐅᑎᓕᖕᓂᒃ ᐅᕐᐱᐅᔮᕐᑐᓂᒃ ᐱᕐᕅᓪᓗᑎᒃ, ᔩᓱᓯᐅᓪᓗ ᓂᐊᖁᐊᓄᑦ ᐃᓕᕚᑦ, ᐊᓐᓄᕌᒥᒡᓗ ᐊᐅᐸᓪᓚᕆᒃᑐᒥᒃ ᐊᑎᑎᓪᓗᒍ;

ᒫᑯᓯᐅᑉ ᐊᒡᓚᖏᑦ 15:20

ᒥᑕᐅᑎᒋᔭᕇᕋᒥᑦᔪᒃ, ᐅᓕᒡᔪᐊᖅ ᐊᐅᐸᓪᓚᕆᒃᑐᖅ ᐲᕐᐹᑦ ᐊᓐᓄᕌᖏᓐᓂᒃ ᓇᖕᒥᓂᖏᓐᓂᒃ ᐊᑎᑎᒃᑭᕚᑦ. ᑕᓯᐅᕐᐹᑦ ᑕᕝᕙᓐᖓᑦ ᑭᑭᐊᒃᑐᕆᐊᕐᑐᓕᕐᓗᒍ.

ᒫᑯᓯᐅᑉ ᐊᒡᓚᖏᑦ 15:17

ᔩᓱᓯ ᐅᓕᒡᔪᐊᒥᒃ ᐊᐅᐸᓪᓚᕆᒃᑐᒥᒃ ᐊᑎᑎᑉᐹᑦ; ᓂᐊᖂᑎᒃᓴᖓᓂᒡᓗ ᑲᑭᓪᓚᐅᑎᓕᖕᓂᒃ ᐱᕐᕅᕗᑦ, ᔩᓱᓯᐅᑉ ᓂᐊᖁᐊᓄᑦ ᐃᓕᕚᑦ.

ᒫᑎᐅᓯᐅᑉ ᐊᒡᓚᖏᑦ 27:28

ᔩᓱᓯ ᐊᓐᓄᕅᔭᕐᐹᑦ ᐅᓕᒡᔪᐊᒥᒃ ᐊᐅᐸᓪᓚᕆᒃᑐᒥᒃ ᐊᑎᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 52:15

ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ ᖁᐊᕐᓵᖓᑎᑦᓯᔪᒫᕐᐳᖅ; ᐊᖓᔪᖅᑳᕐᔪᐊᑦ ᓂᓪᓕᕈᓐᓇᕈᒫᓐᖏᓚᑦ ᑕᑕᒥᓐᓂᐊᕈᑎᒋᓗᒍ, ᑖᒃᑯᓄᖓ ᐅᖃᐅᓯᐅᓚᐅᕐᓯᒪᖏᑦᑐᒥᒃ ᑕᑯᔪᒫᕐᒪᑕ, ᑐᓴᓚᐅᕐᓯᒪᓐᖏᑕᒥᖕᓂᒡᓗ ᑐᑭᓯᓗᑎᒃ.

ᒨᓯᓯ ᐱᖓᔪᖏᑦ 3:6

“‘ᐆᒪᔪᒥᒡᓕ ᓰᐱᒥᒃ ᒎᑦᓯᒥᒡᓘᓐᓃᑦ ᑐᓂᕐᕈᓯᕐᑐᖃᕐᐸᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᐊᑕᓂᕐᒧᑦ ᑐᓂᕐᕈᓯᕐᓗᓂ, ᑖᓐᓇ ᑐᓂᕐᕈᓯᕐᑐᒃᓴᐅᕗᖅ ᐊᖑᓴᓪᓗᕐᒥᒃ ᐊᕐᓇᓪᓗᖕᒥᒡᓘᓐᓃᑦ ᖃᓄᐃᓐᓂᖃᖏᑦᓯᐊᕐᑐᒥᒃ.

ᒨᓯᓯ ᐱᖓᔪᖏᑦ 1:10

“‘ᑐᓂᕐᕈᑎᒃᓴᕐᓕ ᒥᑭᓐᓂᕐᓴᐅᒃᐸᑦ, ᓰᐱᓘᓐᓃᑦ ᒎᑦᓯᓘᓐᓃᑦ ᑐᓂᕐᕈᓯᕐᓂᐊᕐᑐᖅ ᑐᓂᕐᕈᓯᕐᑐᒃᓴᐅᕗᖅ ᐊᖑᓴᓪᓗᕐᒥᒃ ᖃᓄᐃᓐᓂᖃᖏᑦᑐᒥᒃ.

ᒨᓯᓯ ᐂᑉᐸᖏᑦ 12:22

ᐃᑦᓴᒍᓐᓇᕐᑐᒥᒃ ᕼᐊᓯᑉᒥᒃ ᐱᓗᓯ ᐆᒪᔫᑉ ᐊᐅᖓᓂᒃ ᐃᑦᓴᒃᑎᕐᓗᒍ ᐴᒍᑕᐅᑉ ᐃᓗᐊᓃᑦᑐᒥᑦ, ᐅᒃᑯᐊᓯᓗ ᐊᕙᓗᖏᑦ ᐃᒡᓗᒃᑐᑦ ᖁᓛᒍᓪᓗ ᑖᑦᓱᒧᖓ ᐊᐅᒥᑎᕐᓂᐊᕐᐸᓯ, ᓇᓕᑦᓯᓐᓂᒃ ᐃᒡᓗᑦᓯᓐᓂ ᐊᓂᔪᖃᕆᐊᖃᑦᔮᓐᖏᓚᖅ ᐅᓪᓛᓐᖑᓚᐅᖅᑳᖏᓐᓂᖓᓂ.

ᐃᓐᖏᕈᑎᑦ 51:7

ᓴᓗᒻᒪᕐᓴᓚᐅᓐᖓ ᕼᐊᓯᑉᒧᑦ, ᑕᕝᕙ ᓴᓗᒻᒪᕐᓂᐊᕐᐳᖓ; ᐅᐊᓴᓚᐅᓐᖓ, ᑕᕝᕙ ᐊᐳᒻᒥᑦ ᖃᑯᕐᓂᕐᓴᐅᓕᕐᓂᐊᕐᐳᖓ.

ᐄᑉᕈᐃᓄᑦ 12:24

ᔩᓱᓯᓗ ᐅᐸᒃᐸᓯ, ᐊᖏᖃᑎᒌᖕᓂᕐᒥᒃ ᓄᑖᒥᒃ ᐱᔨᑦᓯᕐᑐᖅ, ᐊᐅᖕᒧᓪᓗ ᓯᕐᐸᕐᓴᕐᑕᐅᓯᒪᔪᒧᑦ ᐂᐱᓕᐅᑉ ᐊᐅᖓᓂᑦ ᐱᐅᓂᕐᓴᒥᒃ ᐅᖃᐅᓯᖃᕐᑐᒧᑦ.

ᐄᑉᕈᐃᓄᑦ 1:1

ᑍᑦᓱᒪᓂ ᒎᑎᐅᑉ ᓯᕗᓕᕆᓚᐅᕐᑕᕗᑦ ᐅᓄᕐᑐᐃᕐᓱᕐᓗᓂ ᐅᖃᕐᕕᒋᖃᑦᑕᓚᐅᕐᒪᒋᑦ ᓇᓚᐅᑦᑍᔪᑎᒍᑦ ᐊᑦᔨᒌᖏᑦᑐᑎᒍᑦ ᐱᓇᓱᐊᕐᓗᓂ;

ᐄᑉᕈᐃᓄᑦ 9:13

ᒎᑦᓯᐅᑉ ᐃᒻᒧᓯᐅᒊᓪᓗ ᐊᖑᓴᓪᓗᖏᑕ ᐊᐅᖏᓐᓄᑦ ᓄᕋᐅᔮᕐᑑᓪᓗ ᐊᕐᔭᓕᐅᕐᓂᖏᓐᓄᑦ ᐃᓄᐃᑦ ᐅᒃᐱᕐᓂᒃᑯᑦ ᐃᑦᔪᕐᓇᕐᑐᑦ ᑲᓐᖔᑎᕆᕕᐅᕙᓚᐅᕐᐳᑦ ᐃᑦᔪᕐᓁᑎᑕᐅᓪᓗᑎᒃ ᑕᑯᒃᓴᐅᔪᒃᑯᑦ ᓴᓗᒻᒪᕐᓴᕐᑕᐅᓂᕐᒥᒍᑦ.

ᐄᑉᕈᐃᓄᑦ 9:18

ᑍᒤᒻᒪᑦ ᐊᖏᖃᑎᒌᖕᓂᖅ ᓯᕗᓪᓕᖅ ᐊᒡᓛᑦ ᐊᑐᓕᕈᓐᓇᓚᐅᓐᖏᓚᖅ ᐊᐅᖕᒥᒃ ᐊᑐᓐᖏᑐᐊᕈᓂ.

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.