ᐄᑉᕈᐃᓄᑦ 9:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.

ᐄᑉᕈᐃᓄᑦ 9:14 ပူးပေါင်းရင်းမြစ်များ

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᐲᑦᑐᕉᓯ ᓯᕗᓪᓖᑦ 1:19

᙭ᔅᑑᓯᐅᑉ ᐊᐅᖓᑕ ᐊᑭᑐᔪᕐᔪᐊᑉ ᑐᓂᕐᕈᑕᐅᓂᖓᒍᑦ, ᓰᐱᐅᑉ ᓄᕐᕋᖓᑐᑦ ᐱᐅᖏᓐᓂᖃᖏᑦᑐᑐᑦ ᓇᕐᕈᓇᕐᓂᖃᖏᑐᑐᓪᓗ.

ᔪᐊᓇᓯ ᓯᕗᓪᓖᑦ 1:7

ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᐄᑉᕈᐃᓄᑦ 9:12

᙭ᔅᑑᓯᓕ ᐃᑦᔪᕐᓁᓐᓂᕐᐹᒧᑦ ᐃᓯᓚᐅᕐᐳᖅ ᐊᑕᐅᓯᐊᕐᓗᓂ ᑕᒤᓐᓄᑦ ᓈᒻᒪᒃᓯᑦᔪᑕᐅᓂᐊᓕᕐᑐᒥᒃ ᐃᓯᐅᑦᔨᓪᓗᓂ; ᒎᑦᓯᓪᓗ ᓄᕐᕋᐅᔮᕐᑑᓪᓘᓐᓃᑦ ᐊᐅᖓᓂᒃ ᓇᒃᓴᓚᐅᓐᖏᓚᖅ ᓇᖕᒥᓂᕐᓕ ᐊᐅᖕᒥᓂᒃ ᓇᒃᓴᓚᐅᕐᐳᖅ, ᐃᓱᖃᖏᑦᑐᒧᑦ ᐱᐅᓕᔭᐅᕕᒃᓴᒥᒃ ᐱᓂᐊᕈᑦᔨᓪᓗᓂ.

ᐲᑦᑐᕉᓯ ᓯᕗᓪᓖᑦ 2:24

ᑖᑦᓱᒪ ᓇᖕᒥᓂᖅ ᐊᔪᕐᓂᕗᑦ ᑎᒥᒥᒍᑦ ᓇᒃᓴᓚᐅᕐᐰᑦ ᓴᓐᓂᖓᔪᓕᖕᒧᑦ, ᐊᔪᕐᓂᕐᒧᑦ ᑐᖁᖁᓪᓗᑕ ᒪᑭᖁᓪᓗᑕᓗ ᐃᓗᐊᕐᑐᓕᕐᓂᕐᒧᑦ. ᑖᑦᓱᒪ ᐃᑭᖏᓐᓄᑦ ᐋᖅᑭᒃᑕᐅᓯᒪᕗᓯ.

ᐲᑦᑐᕉᓯ ᓯᕗᓪᓖᑦ 3:18

᙭ᔅᑑᓯᑦᑕᐅᖅ ᐊᑕᐅᓯᐊᕐᓗᓂ ᐋᓐᓂᐊᑎᑕᐅᓚᐅᕐᒪᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ, ᐃᖢᐊᕐᑐᖅ ᐃᓗᐃᑦᑐᓕᔪᑦ ᐱᑦᔪᑎᒋᓪᓗᒋᑦ, ᒎᑎᒧᑦ ᐱᑎᑦᓱᒪᓪᓗᑕ, ᑎᒥᒥᒍᑦ ᑐᖁᑕᐅᓚᐅᕐᐳᖅ ᐊᓂᕐᓂᒃᑯᓪᓕ ᐆᒻᒪᕐᑎᑕᐅᓚᐅᕐᐳᖅ;

ᐄᑉᕈᐃᓄᑦ 7:27

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᓯᒪᔪᑎᑐᑦ ᑍᒤᖏᑦᑐᒥᒃ, ᖃᐅᑕᒫᑦ ᑐᓂᕐᕈᓯᖃᑦᑕᕆᐊᖃᖏᑦᑐᒥᒃ, ᓯᕗᓪᓕᕐᒥᒃ ᓇᖕᒥᓂᖅ ᐊᔪᕐᓂᓂ ᐱᑦᔪᑎᒋᓗᒋᑦ ᑐᓂᕐᕈᓯᕐᐸᓚᐅᕐᑐᑎᑐᑦ, ᑭᖑᕐᖓᒍᑦ ᐃᓄᐃᑦ ᐊᔪᕐᓂᖏᑦ ᐱᑦᔪᑎᒋᓕᕐᓗᒋᑦ. ᐊᑕᐅᓯᐊᕐᓗᓂᓕ ᑐᓂᕐᕈᓯᓚᐅᕐᐳᖅ ᐊᔪᕐᓃᑦ ᐱᓪᓗᒋᑦ ᐃᒻᒥᓂᒃ ᑐᓂᕐᕈᑎᒋᓪᓗᓂ.

ᐲᑦᑐᕉᓯ ᓯᕗᓪᓖᑦ 4:2

ᒫᓐᓇᒥᑦ ᑕᒫᓂ ᓄᓇᒥ ᐃᓅᓯᓕᒫᓯ ᓈᓗᒍ ᐃᓅᔭᕆᐊᖃᓕᕐᐳᓯ ᒎᑎᐅᑉ ᐱᔪᒪᔭᖓᓄᑦ ᐊᐅᓚᑕᐅᓗᓯ, ᑎᒥᐅᑉ ᐱᔪᒪᔭᖓᓅᖏᑦᑐᖅ.

ᐄᑉᕈᐃᓄᑦ 1:3

ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.

ᐄᑉᕈᐃᓄᑦ 6:1

ᑍᒤᒻᒪᑦ ᓯᕗᒧᐊᓕᕐᑕ ᙭ᔅᑑᓯᒥ ᐱᒋᐊᓕᓵᕐᑐᕐᓯᐅᑎᑦ ᕿᒪᒡᓗᒋᑦ ᓵᒋᐊᕐᓂᐅᑉ ᑐᓐᖓᕕᒃᓴᖏᓐᓂᒃ ᐱᓇᓱᐊᒃᑲᓐᓂᕈᓐᓃᕐᑕ ᐱᓂᐊᕐᓂᕐᓂᒃ ᑐᖁᖓᔪᓂᒃ, ᐱᕈᕇᕐᓯᒪᔪᕐᓯᐅᑎᓂᒃ ᐱᓇᓱᐊᖔᓕᕐᑕ ᖃᓄᖅ ᐅᒃᐱᕐᑐᒃᓴᐅᖕᒪᖔᑦᑕ ᒎᑎᒧᑦ.

ᕉᒪᒥᐅᓄᑦ 6:13

ᐊᕙᑎᓯᓗ ᐊᔪᕐᑐᓕᑦᑍᓕᑦᔪᑎᒋᓕᕐᓯᐅᒃ ᐱᐅᖏᑦᑐᒧᑦ ᐊᖅᑯᑕᐅᖁᓇᒋᑦ, ᐃᓕᑦᓯᓐᓂᒡᓕ ᑐᓂᓕᕆᑦᓯ ᒎᑎᒧᑦ ᑕᓯᐅᕐᑕᐅᓯᒪᔪᑎᑐᑦ ᑐᖁᒥᑦ ᐃᓅᓯᕐᒧᑦ, ᐊᕙᑎᓯᓗ ᑐᓂᓯᒋᒃ ᒎᑎᒧᑦ ᐊᑐᕐᑕᐅᖁᓪᓗᒋᑦ ᐃᓗᐊᕐᑐᓕᓂᕐᒧᑦ.

ᔪᐊᓇᓯ ᓯᕗᓪᓖᑦ 3:5

ᖃᐅᔨᒪᕗᓯ ᑖᓐᓇ ᓴᖅᑭᑎᑕᐅᓚᐅᕐᒪᑦ ᐊᔪᕐᓂᕗᑦ ᐲᔭᕆᐊᕐᑐᕐᓗᒋᑦ. ᑖᑦᓱᒪᓂᓗ ᐊᔪᕐᓂᕐᑕᖃᓐᖏᓚᖅ.

ᕉᒪᒥᐅᓄᑦ 6:22

ᒫᓐᓇᓕ ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᓕᕋᑦᓯ ᒎᑎᒧᓪᓗ ᑭᒡᒐᐅᓕᕐᓗᓯ, ᐊᑭᓕᕐᑕᐅᕗᓯ ᑕᕝᕙ ᐃᑦᔪᕐᓁᑎᑕᐅᓂᕐᒥᒃ ᐃᓱᐊᓂᓗ ᐃᓅᓯᕐᒥᒃ ᓄᖑᓱᐃᑦᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᐄᑉᕈᐃᓄᑦ 10:2

ᓈᒻᒪᒃᓯᑎᑕᐅᔪᓐᓇᕈᑎᒃ ᓴᓪᓗᒻᒪᕐᑕᐅᔪᓐᓇᕈᑎᒡᓗ ᐊᔪᕐᓂᕐᒥᖕᓂᑦ ᐃᓗᒥᒍᑦ ᐃᒃᐱᒋᔪᓐᓃᕋᔭᕐᐳᑦ ᐊᔪᕐᓂᕐᒥᖕᓂᒃ, ᑐᓂᕐᕈᓯᖃᑦᑕᕐᓂᖏᓪᓗ ᓄᖅᑲᕋᔭᓚᐅᕐᐳᑦ.

ᐃᐱᓯᒥᐅᓄᑦ 5:2

ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.

ᐃᐱᓯᒥᐅᓄᑦ 2:5

ᐅᒃᐱᕐᓂᕐᒥ ᑐᖁᖓᑎᓪᓗᑕ ᐱᐅᖏᑦᑐᓕᓂᕐᒧᑦ, ᐆᒻᒪᕐᑎᓚᐅᕐᐹᑎᒍᑦ ᒪᑭᑎᓪᓗᑕᓗ ᙭ᔅᑑᓯ ᐃᓚᒋᓪᓗᒍ, ᑕᕝᕙ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐱᐅᓕᔭᐅᓯᒪᕗᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.

ᕉᒪᒥᐅᓄᑦ 11:12

ᔫᑎᑦ ᐊᔪᕐᑐᓕᓂᖏᑦ ᓯᓚᕐᔪᐊᕐᒥᐅᓂᒃ ᐊᖏᔪᒥᒃ ᓮᒻᒪᕐᑎᑦᓯᑦᔪᑕᐅᒃᐸᑕ, ᐊᓂᕐᓂᒃᑯᓪᓗ ᐱᔭᒃᓴᒥᖕᓂᒃ ᐊᓯᐅᔨᓂᖓᑦ ᔫᑎᐅᖏᑦᑐᓄᑦ ᐊᖏᔪᒥᒃ ᓮᒻᒪᕐᑎᑦᓯᑦᔪᑕᐅᒃᐸᑦ, ᑕᕝᕙᓕ ᐊᑕᖏᕐᑐᒥᒃ ᐱᖃᑕᐅᓕᑐᐊᕈᑎᒃ ᐊᖏᓂᕐᓴᒥᒃ ᓮᒻᒪᕐᑎᑕᐅᔪᒫᕐᐳᑦ!

ᓘᑲᓯᐅᑉ ᐊᒡᓚᖏᑦ 1:74

ᓴᐳᑎᔪᒪᓪᓗᑕ ᐊᑭᕋᕐᑐᕐᑎᑦᑕ ᐊᒡᒐᖏᓐᓂᑦ, ᓯᕘᕋᒋᔭᖃᖏᓪᓗᑕ ᐱᔨᑦᓯᑦᓯᐊᕈᓐᓇᖁᓪᓗᑕ ᒎᑎᒥᒃ,

ᐲᑦᑐᕉᓯ ᓯᕗᓪᓖᑦ 2:22

ᑖᓐᓇ ᐊᔪᕐᑐᓕᓚᐅᓐᖏᓚᖅ; ᓴᒡᓗᑎᓪᓗᒍᓗ ᖃᐅᔨᔭᐅᓚᐅᕐᓯᒪᓇᓂ.

ᑎᒧᑎᒧᑦ ᓯᕗᓪᓖᑦ 1:17

ᐊᖓᔪᖅᑳᕐᔪᐊᖑᔪᖅ ᐃᓱᖃᖏᑦᑐᒧᑦ, ᑐᖁᓱᐃᑦᑐᖅ, ᑕᑯᒃᓴᐅᖏᑦᑐᖅ, ᒎᑎᑑᔪᖅ, ᑖᓐᓇ ᐅᐱᒋᔭᐅᓕ ᓂᕐᑐᕐᓇᕐᓯᑎᑕᐅᓗᓂᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᐋᒥᓐ.

ᒐᓔᑎᐊᒥᐅᓄᑦ 2:19

ᐱᖁᔧᑦ ᒪᓕᒡᓗᒋᑦ ᑐᖁᕗᖓ ᐱᖁᔭᓄᑦ ᑐᖁᑕᐅᓪᓗᖓ, ᒎᑎᒥ ᐃᓅᔪᓐᓇᕐᓯᖁᓪᓗᖓ. ᙭ᔅᑑᓯ ᑭᑭᐊᒃᑐᕐᑕᐅᖃᑎᒋᒐᒃᑯ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:16

ᓱᓇᒥᒡᓗ ᐊᖏᖃᑎᒌᒍᓐᓇᕐᐹᒃ? ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᒎᑎᓐᖑᐊᕐᓗ? ᐅᕙᒍᓪᓕ ᒎᑎᐅᑉ ᐃᓅᖏᓐᓇᕐᑑᑉ ᑐᒃᓯᐊᕐᕕᒡᔪᐊᖁᑎᒋᕚᑎᒍᑦ. ᒎᑎ ᐅᖃᕐᓯᒪᖕᒪᑦ: “ᐃᓂᒋᓂᐊᕐᐸᒃᑲ ᐃᓅᖃᑎᒋᓗᒋᓪᓗ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᑖᒃᑯᐊᓗ ᐃᓄᖁᑎᒋᓂᐊᕐᐸᒃᑲ.”

ᕉᒪᒥᐅᓄᑦ 11:24

ᐃᕝᕕᓪᓕ ᓇᑲᑕᐅᓯᒪᔪᑎᑦ ᓇᐹᕐᑐᒥᑦ ᐅᕐᓱᒃᓴᓕᖕᓂᒃ ᐃᒻᒥᓂᒃ ᐱᕈᕐᑐᓂᑦ, ᐃᓚᒋᔭᐅᓇᒡᓗ ᓇᐹᕐᑐᒧᑦ, ᑕᕝᕙᓐᖓᓪᓗ ᐱᕈᕐᓯᒪᓇᒃ, ᐃᕕᕐᑎᑕᐅᓯᒪᑐᐃᓐᓇᕐᓗᑎᑦ ᓇᐹᕐᑐᒧᑦ ᐅᕐᓱᒃᓴᓕᖕᓂᒃ, ᐱᔭᕆᐊᑭᓐᓂᕐᓴᒻᒪᕆᐅᒐᔭᕐᐳᕐᓕ ᓇᐹᕐᑑᑉ ᑖᑦᓱᒪ ᐊᕙᓚᖓᔪᖏᑦ ᓇᑲᓯᒪᔪᑦ ᐃᓂᒋᓚᐅᕐᑕᒥᖕᓄᑦ ᐃᕕᕐᑎᑦᓴᕆᐊᖏᑦ ᓇᐹᕐᑐᒧᑦ ᑖᑦᓱᒧᖓ.

ᕉᒪᒥᐅᓄᑦ 1:20

ᑍᒪᓐᖓᓂᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ, ᒎᑎᐅᑉ ᑕᑯᒃᓴᐅᓇᓂ ᐱᔪᓐᓇᕐᓂᖏᑦ, ᐊᔪᒐᖃᖏᓐᓂᖓᓗ ᐃᓱᖃᖏᑦᑐᖅ, ᒎᑎᐅᓂᖓᑕᓗ ᐃᓕᖅᑯᓯᖓ, ᓇᓗᓇᖏᑦᓯᐊᕐᓗᑎᒃ ᑕᑯᒃᓴᐅᖕᒪᑕ, ᑐᑭᓯᔭᐅᔪᓐᓇᕐᐳᓪᓗ ᓴᓇᓯᒪᔭᖏᑎᒍᑦ ᓇᓗᓁᕐᑕᐅᖕᒪᑕ. ᑍᒤᒻᒪᑦ ᐸᓯᔭᒃᓴᐅᖏᑦᔪᑎᒃᓴᖃᕈᓐᓃᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 3:34

ᒎᑎᐅᑉ ᑎᓕᓯᒪᔭᖓ ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᐳᖅ, ᒎᑎᐅᑉ ᐊᓂᕐᓂᕐᒥᓂᒃ ᑐᓂᓯᕕᒋᖕᒪᒍ ᐊᒥᒐᖏᑦᑐᒥᒃ;

ᓘᑲᓯᐅᑉ ᐊᒡᓚᖏᑦ 4:18

“ᐊᑕᓂᐅᑉ ᐊᓂᕐᓂᖓᑕ ᓇᔪᕐᐹᖓ, ᓂᕈᐊᓚᐅᕐᐹᖓ ᐊᔪᕆᕐᑐᐃᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᒃᖢᔪᓄᑦ. ᑎᓕᕚᖓᓗ ᐅᖃᐅᑦᔨᖁᓪᓗᖓ ᑎᒍᔭᐅᓯᒪᔪᑦ ᐊᓂᑎᑕᐅᖁᓪᓗᒋᑦ, ᑕᐅᑐᖏᑦᑐᑦ ᑕᐅᑐᓕᕐᑎᑕᐅᖁᓪᓗᒋᑦ, ᓵᓚᒋᔭᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ,

ᒫᑎᐅᓯᐅᑉ ᐊᒡᓚᖏᑦ 20:28

ᐃᓅᑉ ᐃᕐᓂᖓ ᑎᑭᓚᐅᓐᖏᓚᖅ ᐱᔨᑦᓯᕐᑕᐅᔭᕐᑐᕐᓗᓂ ᐱᔨᑦᓯᕆᐊᕐᑐᕐᓗᓂᓕ, ᐃᓅᓯᕐᒥᓂᒡᓗ ᑐᓂᓯᓗᓂ ᐃᓄᐃᑦ ᐊᒥᓱᑦ ᐊᑭᓖᑦᔪᑎᓪᓗᓂᒋᑦ ᐅᑎᕐᑎᑕᐅᑦᔪᑎᒃᓴᖏᓐᓄᑦ.”

ᑖᓂᐊᓕᐅᑉ ᐊᒡᓚᖏᑦ 6:26

ᐱᖁᔭᓕᐅᕐᐳᖓ ᐊᖓᔪᖅᑲᐅᕕᓕᒫᓐᓂ ᐃᓄᐃᑦ ᓴᔪᒃᑐᒃᓴᐅᕗᑦ ᓯᕘᕋᓗᑎᒡᓗ ᑖᓂᐊᓕᐅᑉ ᒎᑎᖓᓂᒃ: ᑖᓐᓇ ᐃᓅᖕᒪᑦ ᓱᖁᓯᕐᓂᐊᕋᓂᓗ ᐃᓱᖃᖏᑦᑐᒧᑦ, ᐊᖓᔪᖅᑲᐅᕕᖓ ᐊᓯᕈᕐᑕᐅᓂᐊᓐᖏᓚᖅ, ᐊᑕᓂᐅᓂᖓᓗ ᐃᓱᓕᓐᓂᐊᓐᖏᓚᖅ.

ᒨᓯᓯ ᐱᖓᔪᖏᑦ 22:20

ᖃᓄᐃᑦᔪᑎᖃᕐᑐᒥᒃ ᑕᕐᓴᓕᖕᒥᒡᓘᓐᓃᑦ ᑐᓂᕐᕈᓯᕆᐊᑐᕐᑐᒃᓴᐅᓐᖏᓚᑎᑦ, ᑍᒤᑦᑐᑦ ᐊᑕᓂᐅᑉ ᐃᓚᓕᐅᕐᓂᐊᖏᒻᒪᒋᑦ.

ᐄᑉᕈᐃᓄᑦ 11:21

ᔧᑯ ᐅᒃᐱᕐᓂᑯᑦ, ᓮᒻᒪᕐᑎᑦᓯᓚᐅᕐᐳᖅ ᔫᓯᐱᐅᑉ ᐃᕐᓂᖏᖕᓂᒃ ᒪᕐᕉᖕᓂᒃ ᑐᖁᑐᐃᓐᓇᕆᐊᖃᓕᕐᓗᓂ, ᐊᔭᐅᑉᐱᐊᓂ ᐊᔭᑉᐸᒡᕕᒋᓪᓗᓂᐅᒃ ᐅᑯᓪᓗᓂ ᑐᒃᓯᐊᓚᐅᕐᐳᖅ.

ᐄᑉᕈᐃᓄᑦ 9:9

ᑕᒪᓐᓇᓗ ᓇᓗᓁᒃᑯᑕᐅᕗᖅ ᐅᓪᓗᒥᒧᑦ, ᑐᓂᕐᕈᑕᐅᖁᔭᐅᔪᓂᒃ ᑐᓂᕐᕈᓯᕐᓂᕐᓗ ᐆᒪᔪᕕᓂᕐᓂᒃ ᓈᒻᒪᑦᓯᐊᓕᕐᑎᑦᓯᔪᓐᓇᖏᒻᒪᑕ ᐱᔨᑦᓯᕐᑐᑦ ᐃᓱᒪᖏᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 14:15

“ᓱᖕᒪᑦ ᑍᒤᓕᐅᕐᐱᓰ? ᐅᕙᒍᒃ ᐃᓄᑐᐃᓐᓇᐅᖕᒥᔪᒍᒃ ᐃᓕᑦᓯᑎᑐᑦ, ᑕᒪᐅᖓ ᐅᖃᕆᐊᕐᑐᕐᐳᒍᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᒪᑯᓇᓐᖓᑦ ᓱᓕᖏᑦᑐᐊᓗᖕᓂᑦ, ᓵᒋᐊᖁᓪᓗᓯ ᒎᑎᒧᑦ ᐆᒪᔪᒧᑦ, ᕿᓚᖕᒥᒃ ᓄᓇᒥᒡᓗ ᐃᒪᕐᕕᖕᒥᒡᓗ ᐃᓗᐊᓃᑦᑐᓂᒡᓗ ᑕᒤᓐᓂᒃ ᓴᓇᓚᐅᕐᑐᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:38

ᔩᓱᓯ ᓈᓴᕇᑎᒥᐅᖅ ᒎᑎᐅᑉ ᑯᕝᕕᕆᓚᐅᕐᑕᖓ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᔪᓐᓇᕐᓂᕐᒥᒡᓗ; ᑖᓐᓇ ᓇᒧᑐᐃᓐᓇᖅ ᐂᖃᑦᑕᓚᐅᕐᐳᖅ ᐱᐅᔪᓂᒃ ᐱᓇᓱᐊᕐᓗᓂ, ᐃᓅᓕᒃᓯᓪᓗᓂᓗ ᓵᑖᓇᓯᒧᑦ ᓵᓚᐅᓯᒪᔪᓂᒃ, ᒎᑎᐅᑉ ᐃᓚᒋᓚᐅᕐᒪᒍ.

ᒨᓯᓯ ᑕᓪᓕᒪᖏᑦ 17:1

“ᐊᑕᓂᕐᒧᑦ ᒎᑎᑦᓯᓐᓄᑦ ᑐᓂᕐᕈᓯᕐᑐᒃᓴᐅᓐᖏᓚᑎᑦ ᐃᒻᒧᒃᓯᐅᒐᕐᒥᒃ ᓰᐱᒥᒡᓘᓐᓃᑦ ᐃᓕᖅᑯᓯᕐᓱᖏᑦᑐᒥᒃ; ᐊᑕᓂᐅᑉ ᒎᑎᑦᓯ ᑍᒤᑦᑐᑦ ᐆᒥᒋᖕᒪᒋᑦ.

ᐄᑉᕈᐃᓄᑦ 9:7

ᑐᓂᕐᕈᓯᕐᑎᑦᓯᔩᓪᓕ ᐊᖓᔪᖅᑳᖓᑦ ᑭᓯᒥ ᑐᐱᐅᑉ ᐃᓗᐊᓃᓐᓂᕐᐹᒧᐊᕐᐸᓚᐅᕐᐳᑦ, ᐊᕐᕌᒍᒥ ᐊᑕᐅᓯᐊᕐᓗᓂ, ᐊᐅᖕᒥᒃ ᓇᒃᓴᕐᓗᓂ, ᒎᑎᒧᑦ ᑐᓂᕐᕈᑎᒋᓪᓗᒋᑦ ᐃᒻᒥᓂᒃ ᐱᑦᔪᑎᒋᓪᓗᓂ ᐃᓄᐃᓪᓗ ᖃᐅᔨᒪᓇᑎᒃ ᐊᔪᕐᑐᓕᓂᖏᑦ ᐱᓪᓗᒋᑦ.

ᑎᒧᑎᒧᑦ ᓯᕗᓪᓖᑦ 3:15

ᑎᑭᓐᓇᓵᕐᓂᕈᒪ, ᑖᒃᑯᐊ ᖃᐅᔨᒪᑦᔪᑎᒋᓂᐊᕋᕕᒋᑦ ᖃᓄᖅ ᐱᐅᓯᖃᕐᑐᒃᓴᐅᖕᒪᑦᑕ ᒎᑎᐅᑉ ᐅᒃᐱᕐᑐᖁᑎᖏᓐᓂ, ᑖᒃᑯᐊ ᒎᑎᐅᑉ ᑐᖁᓱᐃᑦᑑᑉ ᐅᒃᐱᕐᑐᖁᑎᒋᖕᒪᒋᑦ, ᓱᓕᓂᐅᑉ ᓱᑲᕆᖕᒪᒋᑦ ᑐᓐᖓᕕᒋᓪᓗᓂᒋᓪᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:9

ᐃᓄᓕᒫᑦ ᐃᓕᑦᓯᓐᓂᒃ ᐅᓐᓂᕐᓯᐅᑎᖃᕐᒪᑕ ᐅᕙᑦᑎᓐᓂᒃ ᑐᓐᖓᓱᒃᑎᑦᓯᓂᕆᓚᐅᕐᑕᑦᓯᓐᓂᒃ ᑎᑭᑎᓪᓗᑕ, ᖃᓄᕐᓗ ᒎᑎᓐᖑᐊᖃᕐᓂᒥᒃ ᕿᒤᓪᓗᓯ ᒎᑎᒧᑦ ᓵᒋᐊᓚᐅᕐᓂᑦᓯᓐᓂᒃ, ᒎᑎ ᓱᓕᔪᑐᐊᖅ ᐱᔨᑦᓯᓕᕐᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 1:2

ᐅᓪᓗᖅ ᑍᓐᓇ ᕿᓚᓕᐊᕐᓂᖓ ᑎᑭᓪᓗᒍ, ᕿᓚᓕᐊᓚᐅᖏᓐᓂᕐᒥᓂ, ᐊᑐᕐᑕᐅᖁᔭᒥᓂᒃ ᐅᖃᓚᐅᕐᒪᑦ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᐋᐴᓯᑕᓕᖕᓄᑦ ᓂᕈᐊᕐᓯᒪᔭᒥᓄᑦ.

ᓘᑲᓯᐅᑉ ᐊᒡᓚᖏᑦ 12:28

ᒎᑎᐅᑉ ᓄᓇᒥ ᐃᕕᒃᓱᒊᑦ ᐊᓐᓄᕌᕐᑎᑉᐰᑦ ᒫᓐᓇ ᐅᓪᓗᒥ ᐱᕈᕐᑐᑦ, ᖃᐅᒃᐸᓪᓗ ᐲᔭᕐᑕᐅᓗᑎᒃ ᐃᒋᑕᐅᓂᐊᕐᒥᔪᑦ ᐃᒐᒧᑦ, ᑖᑦᓱᒪᓕ ᐊᓐᓄᕌᒃᓴᖃᕐᑎᑦᑐᓇᕆᕚᓯ ᓇᓗᓇᖏᓚᖅ, ᐃᓕᑦᓯ ᐅᒃᐱᕐᓂᑭᑦᑐᓯ!

ᓘᑲᓯᐅᑉ ᐊᒡᓚᖏᑦ 12:24

ᑐᓗᒊᑦ ᑕᑯᓚᐅᕐᓯᐅᒃ; ᐱᕈᕐᓯᐊᒃᓴᓂᒃ ᑲᓐᖓᕐᓱᐃᕙᖏᑦᑐᑦ ᐱᕈᕐᑐᓂᒡᓗ ᑲᑎᕐᓱᐃᕙᒐᑎᒃ, ᓯᕐᓗᐊᖃᖏᑦᑐᑦ ᐃᒡᓗᒥᒡᓘᓐᓃᑦ ᓂᕿᒃᑯᕕᖃᖏᑦᑐᑦ, ᑍᒤᒃᑲᓗᐊᕐᑎᓪᓗᒋᑦ ᒎᑎᐅᑉ ᓂᕆᑎᖃᑦᑕᕐᐰᑦ. ᐃᓕᑦᓯ ᑎᖕᒥᐊᓂᑦ ᐱᓪᓚᕆᐅᓂᕐᓴᒻᒪᕆᐅᕗᓯ.

ᒫᑎᐅᓯᐅᑉ ᐊᒡᓚᖏᑦ 12:28

ᒎᑎᐅᓪᓕ ᐊᓂᕐᓂᖓᒍᑦ, ᐊᓂᕐᓂᕐᓗᐃᑦ ᐊᓂᑎᒍᒃᑭᑦ, ᑕᕝᕙ ᒎᑎᐅᑉ ᐊᑕᓂᐅᕕᖓᓄᑦ ᑎᑭᑕᐅᓯᒪᓕᕐᐳᓯ.

ᒫᑎᐅᓯᐅᑉ ᐊᒡᓚᖏᑦ 7:11

ᐱᐅᖏᑦᑑᒐᓗᐊᕐᑐᓯ, ᐱᐅᔪᓂᒃ ᑐᓂᓯᔭᕆᐊᒃᓴᖅ ᕿᑐᕐᖓᑦᓯᓐᓄᑦ ᖃᐅᔨᒪᒐᑦᓯ; ᐊᑖᑕᓯᓕ ᕿᓚᖕᒦᑦᑐᖅ ᐱᐅᔪᓂᒃ ᑐᓂᓯᔭᕆᐊᒃᓴᖅ ᖃᐅᔨᒪᑦᓯᐊᕐᓂᕐᓴᐅᕗᖅ ᑐᒃᓯᐊᕐᕕᒋᔨᒥᓄᑦ.

ᓴᒧᐃᓕ ᐂᑉᐸᖏᑦ 4:11

ᐱᐅᖏᓐᓂᕐᓴᒻᒪᕆᐅᕗᖅ ᐱᐅᖏᑦᑐᑦ ᑐᖁᑦᓯᑎᓪᓗᒋᑦ ᐸᓯᔭᒃᓴᐅᖏᑦᑐᒥᒃ ᐃᓄᖕᒥᒃ ᓯᓂᒃᑐᒥᒃ ᐊᖏᕐᕋᒥᓂ, ᒫᓐᓇᓗ ᐊᑭᓂᐊᕈᒪᕗᖓ ᐃᓕᑦᓯᖕᓄᑦ ᑖᑦᓱᒥᖓ ᑐᖁᑦᓯᓂᑦᓯᓐᓂᒃ ᓄᓇᕐᔪᐊᒥᓪᓗ ᐃᒋᑕᐅᑎᓐᓂᐊᕐᐸᑦᓯᒃ.”

ᒨᓯᓯ ᑕᓪᓕᒪᖏᑦ 33:27

ᒎᑎ ᐃᓱᖃᖏᑦᑐᖅ ᐃᓂᒋᕙᓯ; ᑖᑦᓱᒪᓗ ᑕᓕᖏᒃ ᐃᓱᖃᖏᑦᑑᒃ ᓇᔪᒻᒪᖅᑯᑎᒋᕙᓯ. ᑖᑦᓱᒪᓗ ᐊᑭᕋᕐᑐᕐᑎᓯ ᐊᓂᑎᑉᐰᑦ ᓯᕗᓂᑦᓯᓐᓂ, ᐅᖃᐅᑎᓪᓗᓂᓯ ᓄᖑᕅᒋᑦᓯ.

ᒨᓯᓯ ᓯᑕᒪᖏᑦ 28:11

“ᑕᖅᑭᐅᑉ ᐱᒋᐊᕐᓂᖓᓂ ᐃᑯᐊᓚᑎᑕᒃᓴᒥᒃ ᐊᑕᓂᕐᒧᑦ ᑐᓂᕐᕈᓯᖃᑦᑕᕐᓂᐊᕐᐳᓯ: ᐊᖑᓴᓪᓘᖕᓂᒃ ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᒥᒃ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒡᓗ ᓰᐱᓂᒃ ᓄᕐᕋᕐᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ, ᓴᓗᒤᓐᓂᖃᖏᓪᓗᑎᒃ;

ᕉᒪᒥᐅᓄᑦ 1:4

ᐃᑦᔪᕐᓁᑦᑐᒥᒃ ᐃᓅᓯᖃᕐᓂᕐᒥᒍᑦ ᒎᑎᒧᑦ ᐃᕐᓂᐅᓂᖓᓂᒃ ᓇᓗᓁᕐᑕᐅᓚᐅᕐᐳᖅ ᐱᔪᓐᓇᕐᓂᕐᔪᐊᒃᑯᑦ ᒪᑭᓚᐅᕐᓂᕐᒥᒍᑦ ᑐᖁᒥᑦ, ᑖᓐᓇᐅᕗᖅ ᔩᓱᓯ ᙭ᔅᑑᓯ ᐊᑕᓂᕗᑦ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᒨᓯᓯ ᑕᓪᓕᒪᖏᑦ 15:21

ᐃᕐᓂᐊᕆᔭᐅᖄᕐᓯᒪᔪᕐᓕ ᑕᕐᓴᖃᕐᐸᑦ, ᐱᓱᒍᓐᓇᑦᓯᐊᖏᑉᐸᓪᓘᓐᓃᑦ ᐅᕝᕙᓗ ᑕᐅᑐᖏᑉᐸᑦ, ᐅᕝᕙᓗ ᐊᓯᐊᒍᑦ ᐃᓕᖅᑯᓯᕐᓱᖏᑉᐸᑦ, ᑕᒪᒃᑯᐊ ᑍᒤᑦᑐᑦ ᑐᓂᕐᕈᑎᒋᔭᒃᓴᕆᓐᖏᓚᓯ ᐊᑕᓂᕐᒧᑦ ᒎᑎᑦᓯᓐᓄᑦ.

ᒨᓯᓯ ᓯᑕᒪᖏᑦ 28:3

“ᐅᖃᐅᑎᓗᒋᓪᓗ, ᑐᓂᕐᕈᑏᑦ ᑍᒤᑦᑐᖅ ᑐᓂᔭᕆᐊᖃᕐᐸᓯ ᐃᑯᐊᓚᑎᓪᓗᒍ ᐊᑕᓂᕐᒧᑦ: ᐃᒫᒃ, ᓰᐱᐅᑉ ᓄᕐᕋᖏᒃ ᒪᕐᕉᒃ ᐊᖑᑎᐅᓗᑎᒃ, ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ ᓴᓗᒤᓐᓂᖃᖏᓪᓗᑎᒃ, ᖃᐅᑕᒫᑦ ᑖᒃᑯᐊᒃ ᑐᓂᕐᕈᑎᒋᖃᑦᑕᕐᓂᐊᕐᐸᓯ, ᑍᒪᓐᖓᓕᒫᖅ ᑐᓂᕐᕈᓯᕐᐸᒃᓗᓯ.

ᐂᓮᐊᓯᐅᑉ ᐊᒡᓚᖏᑦ 53:9

ᐃᓗᕕᕐᑕᐅᖃᑎᖃᓚᐅᕐᐳᖅ ᐱᐅᖏᑦᑐᓕᔪᓂᒃ, ᑐᖁᑎᓪᓗᒍᓕ ᐊᒃᓱᐃᑦᑐᒥᒃ ᐃᓚᖃᓕᓚᐅᕐᐳᖅ, ᑲᑉᐱᐊᓇᕐᑐᓂᒃ ᐱᓂᐊᓚᐅᕐᓯᒪᖏᒃᑲᓗᐊᕐᑎᓪᓗᒍ ᐅᐃᕕᕆᒃᓯᓂᕐᒥᒡᓗ ᐅᖃᐅᓯᖃᓚᐅᕐᓯᒪᓇᓂ.

ᐂᓮᐊᓯᐅᑉ ᐊᒡᓚᖏᑦ 42:1

“ᑕᑯᓯᐅᒃ ᐱᔨᒐ, ᑖᓐᓇ ᓴᐳᑎᓯᒪᔭᕋ, ᓂᕈᐊᕐᓯᒪᔭᕋ ᑕᕐᓂᕐᒪ ᖁᕕᐊᒋᔭᖓ, ᐊᓂᕐᓂᓐᓂᒃ ᐃᓗᒻᒥᕐᑎᓯᒪᔭᕋ; ᑖᑦᓱᒪ ᐃᓅᖃᑎᒌᒡᔪᐊᑦ ᐊᑦᔨᒌᒃᑎᑦᓯᓂᕐᒥᒃ ᑐᓂᓯᕕᒋᔪᒫᕐᐰᑦ.

ᔫᐱᐅᑉ ᐊᒡᓚᖏᑦ 15:16

ᐃᓄᒃ ᐱᐅᖏᑦᑐᓕᓂᕐᒥᒃ ᐃᒥᖃᑦᑕᕐᐳᖅ ᐃᒥᐅᔮᕐᑎᓪᓗᒍ, ᐄᓛᒃ, ᐃᓄᒃ ᓇᕐᕈᓇᕐᑐᐊᓘᕗᖅ; ᓱᓇᐅᖏᑦᓯᐊᕐᓗᓂᓗ.

ᐊᑕᓃᑦ ᐂᑉᐸᖏᑦ 19:16

ᓯᐅᑏᒃᑭᒃ ᒪᓂᓗᒋᒃ, ᐊᑕᓃᖅ ᑐᓴᕆᑦ; ᐅᐃᓪᓗᑎᑦ, ᐊᑕᓃᖅ ᑕᑯᓴᒃᑭᑦ ᓯᓇᑯᕆᑉ ᐅᖃᐅᓯᖏᑦ, ᓈᓚᓛᐅᒃᑭᑦ ᒎᑎᒥᒃ ᐆᒪᔪᒥᒃ ᒥᑕᐅᑎᖃᕐᓗᓂ ᐅᖃᐅᓯᖃᕐᒪᑦ.

ᓴᒧᐃᓕ ᓯᕗᓪᓖᑦ 17:26

ᑍᕕᑎᐅᓪᓗ ᐊᖑᑏᑦ ᓇᖏᖃᑎᓂ ᐅᖃᐅᑎᕔᑦ, “ᖃᓄᐃᑕᐅᔪᒫᕐᐹ ᐊᖑᑦ ᑍᓐᓇ ᑐᖁᑦᓯᔪᖅ ᑖᑦᓱᒥᖓ ᐱᓕᔅᑍᓂᒥᐅᒥᒃ, ᐃᓴᕆᐊᓕᒥᐅᓪᓗ ᑲᓐᖑᓇᕐᑐᒦᑎᐅᓂᖓᓂᒃ ᐲᕐᓯᔪᖅ? ᑖᓐᓇ ᖃᓄᐃᑦᑑᕙ ᑭᐱᔭᐅᓯᒪᖏᑦᑐᖅ ᐱᓕᔅᑏᓂᒥᐅᑖᖅ, ᒥᑕᐅᑎᖃᕐᑐᖅ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ?”

ᒨᓯᓯ ᑕᓪᓕᒪᖏᑦ 5:26

ᐃᓄᖕᒥᒃ ᐆᒪᔪᖃᓚᐅᕐᓯᒪᕚ? ᒎᑎᐅᑉ ᐆᒪᔫᑉ ᓂᐱᖓᓂᒃ ᑐᓵᓯᒪᔪᒥᒃ ᐅᖄᑎᓪᓗᒍ ᐃᑯᒪᒥᑦ? ᐅᕙᑦᑎᑐᑦ, ᑐᓵᓯᒪᒐᑦᑕ ᓂᐱᖓᓂᒃ ᐆᒪᓪᓗᑕ?

ᒨᓯᓯ ᓯᑕᒪᖏᑦ 28:9

“ᓴᐸᑎᐅᑉ ᐅᓪᓗᖓᓂ ᓰᐱᐅᑉ ᓄᕐᕋᖏᖕᓂᒃ ᒪᕐᕉᖕᓂᒃ ᑐᓂᕐᕈᓯᕆᐊᖃᕐᐳᓯ ᐊᑕᐅᓯᕐᒥᒃ ᐊᕐᕌᒍᖃᕐᑑᖕᓂᒃ, ᓴᓗᒤᑦᑑᖏᓪᓗᑎᒃ, ᓂᐊᖂᔭᓴᒥᒃ ᓯᖃᓪᓕᓯᒪᑦᓯᐊᕐᑐᒥᒃ ᐆᒃᑑᑦ 2/10 ᕼᐃᓐᒥᒃ ᐊᖏᓂᓕᖕᒥᒃ ᐅᕐᓱᒥᒃ ᐃᓚᓗᒍ, ᕔᓂᒥᒡᓗ:

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᒨᓯᓯ ᑕᓪᓕᒪᖏᑦ 31:27

ᖃᐅᔨᒪᒐᒪ ᓈᓚᒍᓐᓇᖏᓐᓂᑦᓯᓐᓂᒃ ᑕᑎᑐᔪᐊᓘᓂᑦᓯᓐᓂᒡᓗ; ᑕᑯᒋᑦ, ᐃᓅᖃᑎᒋᓪᓗᓯ ᓈᓚᒍᓐᓇᓚᐅᖏᓐᓇᑦᓯ ᑕᑎᑐᓴᒍᓐᓇᕐᓗᓯᓗ ᐊᑕᓂᕐᒧᑦ, ᐱᒋᐊᓪᓚᒃᑲᓐᓂᓛᕋᑦᓯ ᑐᖁᖓᓕᕈᒪ.

ᒨᓯᓯ ᐂᑉᐸᖏᑦ 12:5

ᓄᕐᕋᐅᔭᖅ ᓂᕆᓂᐊᕐᑕᓯ ᖃᓄᐃᑦᔪᑎᖃᖏᑦᓯᐊᕆᐊᖃᕐᐳᖅ, ᐊᖑᑕᐅᓗᓂ ᐊᕐᕌᒍᖃᕐᓗᓂ ᐊᑕᐅᓯᕐᒥᒃ; ᓇᓪᓕᐊᓐᓂᑐᐃᓐᓇᖅ ᐱᔪᓐᓇᕐᐳᓯ ᓰᐱᒥᒡᓘᓐᓃᑦ ᒎᑦᓯᒥᒡᓘᓐᓃᑦ;

ᐃᓐᖏᕈᑎᑦ 51:2

ᐅᐊᓴᓚᐅᓐᖓ ᓴᓗᒻᒪᕐᑎᓪᓗᖓ ᐊᔪᕐᑐᓕᓂᓐᓂᑦ ᑕᒤᓐᓂᑦ ᐊᔪᕐᓂᓐᓂᓪᓗ ᓴᓗᒻᒪᕐᓴᓚᐅᓐᖓ.

ᐃᓯᑭᐊᓕᐅᑉ ᐊᒡᓚᖏᑦ 45:18

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᖅᑮᑦ ᓯᕗᓪᓕᕐᐸᖓᓐᓂ, ᐅᓪᓗᖏᑕ ᓯᕗᓪᓕᕐᐹᖓᓐᓂ, ᑐᓂᕐᕈᓯᕐᑐᒃᓴᐅᕗᓯ ᐃᒻᒧᒃᓯᐅᒊᑦ ᐊᖑᓴᓪᓗᖓᓂᒃ ᐃᓅᓱᒃᑐᒥᒃ ᖃᓄᐃᑦᔪᑎᖃᖏᑦᑐᒥᒃ, ᐃᑦᔪᕐᓁᑦᑐᕕᒃ ᐃᑦᔪᕐᓁᑎᑕᐅᖁᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 16:16

ᑕᕝᕙ ᓮᒨᓂ ᐲᑦᑐᕉᓯᐅᑉ ᑭᐅᕚ, “ᒥᓮᐊᓯᐅᕗᑎᑦ, ᒎᑎᐅᑉ ᐆᒪᔫᑉ ᐃᕐᓂᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:9

ᐊᑦᔨᒌᖏᑦᑑᑎᓚᐅᓐᖏᓛᑎᒍᑦ ᐅᕙᒍᓪᓗ ᔫᑎᐅᖏᑦᑐᓪᓗ, ᐊᔪᕐᓂᖏᓐᓂᒃ ᐃᓱᒪᒋᔪᓐᓁᕐᕕᒋᓚᐅᕐᐰᑦ ᐅᒃᐱᓕᕐᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:45

ᐃᒫᒃ ᑎᑎᕋᕐᓯᒪᖕᒪᑦ, “ᐋᑕᒥ ᓯᕗᓪᓕᖅ ᐆᒻᒪᕐᑎᑕᐅᓚᐅᕐᐳᖅ ᑎᒥᖃᕐᓗᓂ”; ᐋᑕᒥᓕ ᑭᖑᓪᓕᖅ ᐊᓂᕐᓂᒃᑯᑦ ᐃᓅᓯᕐᑖᕐᑎᑦᓯᕗᖅ.

ᐄᑉᕈᐃᓄᑦ 3:12

ᑲᒪᑦᓯᐊᕆᑦᓯ ᐅᒃᐱᖃᑎᒃᑲ, ᓇᓪᓕᓯ ᐃᓱᒪᖃᕐᑍᓕᓕ ᐱᐅᖏᑦᑐᒥᒃ, ᐅᒃᐱᖏᑦᑐᒥᒡᓗ ᒎᑎ ᑐᖁᓱᐃᑦᑐᖅ ᓈᓚᒍᓐᓃᕐᓗᒍ ᐱᔪᒥᒃ.

ᐄᑉᕈᐃᓄᑦ 7:16

ᑖᓐᓇᓕ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᓯᒪᕗᖅ ᐃᓄᑐᐃᓐᓁᑦ ᑭᖑᕚᕇᒃᐸᓪᓕᐊᔪᑦ ᒪᓕᒋᐊᖃᕐᑕᖏᑕ ᐱᖁᔭᖏᑎᒎᖏᑦᑐᖅ ᐃᓅᓯᐅᓪᓕ ᓄᖑᓐᓂᐊᖏᑦᑑᑉ ᐱᔪᓐᓇᕐᓂᖓᒍᑦ.

ᐄᑉᕈᐃᓄᑦ 9:26

ᑍᒤᒃᑯᓂ ᐋᓐᓂᐊᑎᑕᐅᖃᑦᑕᕋᔭᓚᐅᕐᐳᖅ ᐅᓄᕐᑐᐃᓱᕐᓗᓂ ᑍᒪᓐᖓᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ. ᑭᓯᐊᓂᓕ, ᒫᓐᓇ ᓴᖅᑭᓯᒪᕗᖅ ᐊᑕᐅᓯᐊᑐᐃᓐᓇᕐᓗᓂ, ᓯᓚᕐᔫᑉ ᓇᒡᒐᑖ ᖃᒡᓕᓕᕐᑎᓪᓗᒍ, ᐊᔪᕐᓂᕐᒥᒃ ᐲᕐᓯᖁᓪᓗᒍ ᓇᖕᒥᓂᖅ ᑐᓂᕐᕈᑎᒋᓂᕐᒥᒍᑦ.

ᐄᑉᕈᐃᓄᑦ 10:10

ᑕᕝᕙ ᑖᑦᓱᒪ ᐱᓂᐊᕐᑕᐅᖁᔭᖓᓄᑦ ᓴᓗᒻᒪᕐᑕᐅᕗᒍᑦ ᔩᓱᓯᐅᑉ ᙭ᔅᑑᓯᐅᑉ ᑎᒥᖓᑕ ᑐᓂᕐᕈᑕᐅᓂᖓᓄᑦ ᐊᑕᐅᓯᐊᕐᓗᓂ ᐱᒃᑲᓐᓂᕆᐊᖃᖏᑦᑐᒥᒃ.

ᐄᑉᕈᐃᓄᑦ 10:12

᙭ᔅᑑᓯᓕ ᐊᑕᐅᓯᐊᕐᓗᓂ ᑐᓂᕐᕈᓯᐅᑎᓚᐅᕐᐳᖅ ᑐᖁᑕᐅᖁᓪᓗᒍ ᐊᔪᕐᓃᑦ ᐱᓪᓗᒋᑦ, ᒫᓐᓇᓕ ᐃᒃᓯᕙᓕᕐᐳᖅ ᒎᑎᐅᑉ ᑕᓕᕐᐱᐊᓂ,

ᐄᑉᕈᐃᓄᑦ 13:12

ᑕᕝᕙ ᔩᓱᓯᑦᑕᐅᖅ ᑐᖁᓚᐅᕐᐳᖅ ᐃᒡᓗᒐᓮᑦ ᓯᓚᑖᓂ ᐃᓄᐃᑦ ᐸᓯᔭᒃᓴᐅᔪᓃᕐᑎᑕᐅᖁᓪᓗᒋᑦ ᓇᖕᒥᓂᖅ ᐊᐅᖕᒥᒍᑦ.