ᐄᑉᕈᐃᓄᑦ 8:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑖᒃᑯᐊᓕ ᐱᓇᓱᐊᕐᑕᖓᑦ ᐃᑦᔪᕐᓁᑦᑐᕕᖕᒥ ᐊᑦᔨᑐᐃᓐᓇᐅᕗᑦ ᑕᕐᕋᑐᐃᓐᓇᐅᓪᓗᑎᒡᓗ ᕿᓚᖕᒦᑦᑐᒧᑦ. ᑍᒤᒻᒪᑦ ᒨᓯᓯ ᑐᐱᓕᐅᕐᓂᐊᓕᕐᒪᑦ ᐊᖏᖃᑎᒌᒍᑕᐅᓯᒪᔪᕐᑕᓕᖕᒥᒃ, ᐅᖃᐅᑦᔭᐅᓚᐅᕐᐳᖅ: “ᑲᒪᑦᓯᐊᕆᑦ ᑕᒤᓐᓂᒃ ᑕᑯᑎᑕᐅᑦᔪᑎᒋᓚᐅᕐᑕᕐᓂᒃ ᖃᖅᑲᒦᑎᓪᓗᑎᑦ ᓴᓇᖁᓪᓗᑎᑦ ᑍᒫᓪᓗᐊᖅ ᐊᑦᔨᒋᔭᐅᑎᓪᓗᒍ.”

ᐄᑉᕈᐃᓄᑦ 8:5 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 28:12

ᐆᒃᑑᑎᒃᓮᓪᓗ ᐃᓱᒪᒋᓯᒪᔭᓕᒫᓂ ᑐᓂᕔᑦ ᐊᑕᓂᐅᑉ ᐃᒡᓗᖓᑕ ᐱᕕᑐᓂᒃᓴᖏᑦ, ᑲᑎᒪᕕᒃᓴᓕᒫᖏᓪᓗ, ᑮᓇᐅᔭᒃᑯᕕᒃᓴᓕᒫᖏᓪᓗ ᒎᑎᐅᑉ ᐃᒡᓗᖓᓂ, ᑐᓂᕐᕈᑎᒃᓮᓪᓗ ᐃᑦᔪᕐᓁᑎᑕᐅᓯᒪᔪᑦ ᐃᓂᒃᓴᖏᑦ;

ᑯᕉᓂᑲ ᓯᕗᓪᓖᑦ 28:19

ᐊᑕᓂᐅᑉ ᖃᐅᔨᑎᓚᐅᕐᐹᖓ ᑎᑎᕋᕐᓯᒪᔪᑎᒍᑦ ᑖᒃᑯᐊᓕᒫᑦ ᐊᒡᒐᖕᒥᓄᑦ ᑎᑎᕋᓚᐅᕐᒪᒋᑦ ᐅᕙᓐᓄᑦ, ᓴᓇᔭᐅᔭᕆᐊᖃᓛᕐᒪᑕ ᐸᕐᓇᒃᑕᐅᓯᒪᓂᖏᑦ ᒪᓕᒡᓗᒋᑦ.

ᒨᓯᓯ ᐂᑉᐸᖏᑦ 25:40

ᑲᒪᑦᓯᐊᕐᓗᑎᑦ ᐃᒫᖎᓚᑦᔪᑎᒋᔭᓐᓂᒃ ᓴᓇᔪᒃᓴᐅᕗᑎᑦ, ᐃᓕᖕᓄᑦ ᑕᑯᑎᑦᔪᑎᒋᓚᐅᕐᑕᓐᓂᒃ ᖃᖅᑲᒥ ᒪᓕᒡᓗᑎᑦ.”

ᒨᓯᓯ ᐂᑉᐸᖏᑦ 25:9

ᑐᐱᕐᒥᒃ ᓴᓇᔪᒃᓴᐅᕗᑎᑦ ᐃᓕᖕᓄᑦ ᓇᓗᓁᕐᓂᐊᕐᑕᓐᓂᒃ, ᐃᓗᓕᒃᓴᓕᒫᖏᓪᓗ ᐋᖅᑭᒃᓯᒪᓂᒃᓴᖓᓗ, ᐃᓱᒪᒋᓯᒪᔭᒃᑲ ᒪᓕᒡᓗᒋᑦ.”

ᒨᓯᓯ ᐂᑉᐸᖏᑦ 26:30

ᑐᐱᕐᓗ ᓇᑉᐸᕐᑎᑕᒃᓴᕆᕙᑦ ᑕᕝᕙᓂ ᖃᖅᑲᒥ ᐃᓕᖕᓄᑦ ᐃᒤᓕᐅᕆᐊᖃᕐᓂᖓᓂᒃ ᖃᐅᔨᑎᑦᓯᑦᔪᑎᒋᓯᒪᔭᕋ ᒪᓕᒡᓗᒍ.

ᒨᓯᓯ ᐂᑉᐸᖏᑦ 27:8

ᑖᓐᓇᓗ ᑐᓂᕐᕈᓯᕐᕕᒃ ᐊᓪᑕᕆ ᓴᓇᓯᒪᔪᒃᓴᐅᕗᖅ ᓵᑦᑐᔮᓂᑦ ᐃᓗᐊ ᐃᓗᓕᖃᖏᓪᓗᒍ, ᐃᓕᖕᓄᑦ ᑕᑯᑎᑦᓯᓯᒪᓂᕋ ᖃᖅᑲᒥ ᒪᓕᒡᓗᒍ ᓴᓇᔭᒃᓴᕆᕙᑦ.”

ᒨᓯᓯ ᓯᑕᒪᖏᑦ 8:4

ᑖᓐᓇᓕ ᓇᓂᕈᐊᖃᕐᕕᒃ ᓴᓇᓯᒪᓚᐅᕐᐳᖅ ᒎᓗᒥᒃ ᑲᓱᐊᕐᓯᒪᔪᒥᒃ: ᓇᐸᔪᖓᓂᑦ ᐊᕙᓚᖓᔪᖏᓐᓄᑦ ᒎᓗ ᑲᓱᐊᕐᓯᒪᔪᖅ ᒪᓕᒡᓗᒍ ᓴᓇᓯᒪᔭᕆᐊᖃᕐᓂᖓ ᐊᑕᓂᐅᑉ ᒨᓯᓯᒧᑦ ᐅᖃᐅᓯᕆᓚᐅᕐᑕᖓ, ᑍᒫᒃ ᓴᓇᔭᐅᑎᓚᐅᕐᐰᑦ.

ᒫᑎᐅᓯᐅᑉ ᐊᒡᓚᖏᑦ 2:12

ᑭᖑᓂᖓᒍᑦ ᓄᓇᒥᖕᓄᑦ ᐅᑎᕐᐳᑦ ᐊᖅᑯᑎᒋᓚᐅᕐᑕᒥ ᐊᓯᐊᒍᑦ, ᒎᑎᐅᑉ ᓯᓐᓇᒃᑑᒪᒃᑯᑦ ᐃᓂᕐᑎᓚᐅᕐᒪᒋᑦ ᐃᕉᑕᓯᒧᑦ ᐅᑎᖁᓇᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:44

“ᓯᕗᓕᕕᓂᕗᑦ ᐊᖏᖃᑎᒌᒍᑎᒥᒃ ᐱᖁᔭᕐᑕᓕᖕᒥᒃ ᑐᐱᕐᒥᒃ ᐱᓯᒪᓚᐅᕐᐳᑦ ᐃᓄᖃᖏᑦᑐᒥ. ᑖᓐᓇ ᓴᓇᔭᐅᓯᒪᓚᐅᕐᐳᖅ ᒎᑎᐅᑉ ᓴᓇᔭᐅᖁᔨᓂᖓᑐᑦ ᒨᓯᓯᒧᑦ, ᒪᓕᒡᓯᒪᓪᓗᓂ ᒨᓯᓯᐅᑉ ᑕᑯᑎᑕᐅᑦᔪᑎᒋᓚᐅᕐᑕᖓᓂᒃ.

ᑯᓘᓯᐊᒥᐅᓄᑦ 2:17

ᑕᒪᒃᑯᐊ ᑕᕐᕋᑐᐃᓐᓇᐅᖕᒪᑕ ᓯᕗᓂᒃᓴᒥ ᐱᔪᒫᕐᑐᒧᑦ; ᑎᒥᑕᓪᓚᕆᖓᓕ ᙭ᔅᑑᓯᒦᑉᐳᖅ.

ᐄᑉᕈᐃᓄᑦ 10:1

ᐱᖁᔭᓪᓕ ᑕᕐᕋᑐᐃᓐᓇᐅᕗᑦ ᐱᖁᑎᓄᑦ ᐱᐅᔪᓄᑦ ᐱᔪᒫᕐᑐᓄᑦ, ᑕᒪᒃᑯᐊᓪᓚᕆᐅᓇᑎᒃ, ᐊᕐᕌᒍᑕᒫᑦ ᑖᒃᑯᐊᑦᓮᓐᓁᑦ ᑐᓂᕐᕈᑕᐅᕙᓚᐅᕐᐳᑦ, ᓈᒻᒪᑦᓯᐊᕐᑐᒥᒡᓕ ᐃᓅᓯᖃᓕᕐᑎᑦᓯᔪᓐᓇᕋᑎᒃ ᒎᑎᒧᑦ ᖃᒡᓕᒋᐊᕐᑐᓂᒃ.

ᐄᑉᕈᐃᓄᑦ 11:7

ᐅᒃᐱᕐᓂᑯᑦ ᓄᐊ, ᒎᑎᒧᑦ ᖃᐅᔨᑎᑕᐅᓕᕋᒥ ᓯᕗᓂᒃᓴᒥᒃ ᓱᓕ ᑕᑯᒃᓴᐅᖏᑦᑐᓂᒃ, ᒎᑎᒥᒃ ᓈᓚᒡᓗᓂ ᐅᒥᐊᕐᔪᐊᕐᒥᒃ ᓴᓇᓚᐅᕐᐳᖅ ᐃᒡᓗᒥᐅᖃᑎᖏᑕ ᐱᐅᓕᔭᐅᕕᒃᓴᖓᓂᒃ; ᑕᒪᑐᒨᓇᓗ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᐰᑦ ᑭᖑᕐᖑᑦᔨᑎᑕᐅᓪᓗᓂᓗ ᐃᓗᐊᕐᓯᑎᑕᐅᓂᕐᒥᒃ ᐅᒃᐱᕐᓂᒥᑦ ᐱᔪᒥᒃ.

ᐄᑉᕈᐃᓄᑦ 12:25

ᐃᒃᐱᒍᓱᑦᓯᐊᕆᑦᓯ ᐅᖃᓪᓚᒃᑐᖅ ᓈᓚᒍᒪᖏᓪᓗᒍ ᐱᖁᓇᓯ. ᑍᒃᑯᐊ ᓄᓇᕐᔪᐊᕐᒦᓪᓗᓂ ᐅᖃᓪᓚᒃᑎᓪᓗᒍ ᓈᓚᒍᒪᓚᐅᖏᑦᑐᑦ ᕿᒫᕕᒃᓮᕈᑎᓚᐅᕐᒪᑕ, ᐅᕙᒍᓪᓕ ᐊᖏᓂᕐᓴᒥᒃ ᕿᒫᔪᓐᓇᕐᓂᐊᓐᖏᓚᒍᑦ ᕿᓚᖕᒦᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᓂᐊᖏᒃᑯᑦᑕ.

ᐄᑉᕈᐃᓄᑦ 13:10

ᑐᓂᕐᕈᓯᕐᑎᑦᓯᔩᑦ ᑐᐱᕐᓂ ᐱᓇᓱᐊᕐᐸᒃᑐᑦ ᓂᕆᔭᕆᐊᖃᓐᖏᓚᑦ ᑐᓂᕐᕈᓯᕐᕕᖁᑎᑦᑎᓐᓂᑦ.

ᐄᑉᕈᐃᓄᑦ 9:9

ᑕᒪᓐᓇᓗ ᓇᓗᓁᒃᑯᑕᐅᕗᖅ ᐅᓪᓗᒥᒧᑦ, ᑐᓂᕐᕈᑕᐅᖁᔭᐅᔪᓂᒃ ᑐᓂᕐᕈᓯᕐᓂᕐᓗ ᐆᒪᔪᕕᓂᕐᓂᒃ ᓈᒻᒪᑦᓯᐊᓕᕐᑎᑦᓯᔪᓐᓇᖏᒻᒪᑕ ᐱᔨᑦᓯᕐᑐᑦ ᐃᓱᒪᖏᓐᓂᒃ.

ᔮᓱᐊᑉ ᐊᒡᓚᖏᑦ 22:28

ᐃᓱᒪᓚᐅᕋᑦᑕ ᑍᒤᑦᑐᖃᕋᔭᕐᐸᑦ ᑕᕝᕙ ᑭᖑᕚᕗᑦ ᐅᖃᕈᓐᓇᖁᓪᓗᒋᑦ, ‘ᑕᑯᒋᑦ! ᓯᕗᓕᕗᑦ ᑐᓂᕐᕈᓯᕐᕕᓕᐅᓚᐅᕐᐳᑦ ᐊᑕᓂᐅᑉ ᑐᓂᕐᕈᓯᕐᕕᖓᑕ ᐊᑦᔨᖓᓂᒃ, ᓴᓇᔭᐅᓚᐅᓐᖏᓚᕐᓕ ᐃᑯᐊᓚᑦᓯᓂᕐᒧᑦ ᑐᓂᕐᕈᓯᕐᕕᐅᖅᑯᓪᓗᒍ ᐅᕝᕙᓘᓐᓃᑦ ᑐᓂᕐᕈᓯᕐᓂᕐᒧᑦ, ᓇᓗᓁᒃᑯᑕᒃᓴᐅᖁᓪᓗᒍᓕ ᐅᕙᑦᑎᓐᓄᑦ ᐃᓕᑦᓯᓐᓄᓪᓗ.’

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:5

ᑕᒪᑐᒪ ᑭᖑᕐᖓᒍᑦ ᑕᑯᒋᕗᖓ ᑐᒃᓯᐊᕐᕕᒡᔪᐊᑉ ᕿᓚᖕᒦᑦᑑᑉ ᐅᒃᑯᐃᕐᑕᐅᓂᖓᓂᒃ, ᐊᖏᖃᑎᒌᖕᓂᐅᑉ ᑐᐱᖓᓂᒃ ᐃᓗᐊᓃᑦᑐᕐᑕᓕᖕᒥᒃ.