ᐄᑉᕈᐃᓄᑦ 8:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑖᓐᓇᓗ ᐱᔨᑦᓯᕐᑎᐅᕗᖅ ᐃᑦᔪᕐᓁᓐᓂᕐᐸᐅᔪᒥ, ᑐᐱᕐᒥ ᑐᒃᓯᐊᕐᕕᖕᒥ ᐋᖅᑭᑦᓯᐊᕐᓯᒪᔪᒥ ᐊᑕᓂᐅᑉ ᓇᑉᐸᕐᑎᓯᒪᔭᖓᓂ, ᐃᓄᖕᒧᑦ ᓇᑉᐸᕐᑎᑕᐅᓯᒪᓐᖏᑦᑐᖅ.

ᐄᑉᕈᐃᓄᑦ 8:2 ပူးပေါင်းရင်းမြစ်များ

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:1

ᖃᐅᔨᒪᒐᑦᑕ ᓄᓇᒥ ᑐᐱᕗᑦ ᓇᔪᕐᑕᕗᑦ ᐊᓯᕈᕐᐸᑦ, ᐃᒡᓗᒃᓴᖃᕋᑦᑕ ᒎᑎᒥᑦ ᐱᔪᒥᒃ, ᐊᒡᒐᓄᑦ ᓴᓇᔭᐅᓯᒪᖏᑦᑐᒥᒃ, ᕿᓚᖕᒥ ᐃᒡᓗᒋᔪᒫᕐᑕᑦᑎᓐᓂᒃ ᐃᓱᖃᖏᑦᑐᒧᑦ.

ᕉᒪᒥᐅᓄᑦ 15:8

ᐅᖃᐅᑎᕙᑦᓯ ᙭ᔅᑑᓯ ᐱᔨᓐᖑᓚᐅᕐᒪᑦ ᔫᑎᓄᑦ ᑭᐱᓯᒪᔪᓄᑦ ᒎᑎᐅᑉ ᓱᓕᑦᓯᐊᕐᓂᖓ ᓴᖅᑭᑎᑕᐅᖁᓪᓗᒍ, ᓯᕗᓕᕕᓂᖏᓐᓄᑦ ᐊᖏᕈᑎᒋᓯᒪᔭᖓᑕ ᑲᔪᓯᑎᑕᐅᓂᖓᒍᑦ.

ᒨᓯᓯ ᐂᑉᐸᖏᑦ 33:7

ᐃᓴᕆᐊᓕᒥᐅᓪᓕ ᑕᖕᒫᕐᑎᕌᖓᑕ, ᒨᓯᓯᐅᑉ ᑐᐱᖅ ᐃᑦᔪᕐᓁᑦᑐᖅ ᑕᖕᒫᕐᓯᒪᕕᐅᔪᑦ ᓯᓚᑖᓄᑦ ᓇᑉᐸᖃᑦᑕᓚᐅᕐᐹ, ᑕᖕᒫᕐᓯᒪᕕᐅᔪᑦ ᐅᖓᓯᒋᔭᖓᓄᑦ; ᑍᔭᐅᕙᓚᐅᕐᐳᕐᓗ ᐊᑕᓂᐅᑉ ᓇᔪᒐᖓᓂᒃ, ᓇᓪᓕᐊᓪᓗ ᐊᑕᓂᕐᒧᑦ ᖃᐅᔨᓇᓱᐊᕈᒪᔪᖅ ᑕᕝᕗᓐᖓᖃᑦᑕᓚᐅᕐᐳᑦ ᑐᐱᕐᒧᑦ.

ᐄᑉᕈᐃᓄᑦ 11:10

ᐃᒡᓗᒐᓴᖕᓂᒃ ᐅᑕᖅᑭᓚᐅᕐᐳᖅ ᑐᓐᖓᕕᖃᕐᑐᓂᒃ ᐊᐅᓚᑦᔭᒃᑕᐅᔪᓐᓇᖏᑦᑐᓂᒃ ᐃᓪᓗᒃᓴᓕᐊᖑᓯᒪᔪᑦ ᒎᑎᐅᑉ ᐃᓱᒪᒋᔭᖓᓂᒃ ᓴᓇᔭᐅᓯᒪᓪᓗᑎᒃ.

ᐄᑉᕈᐃᓄᑦ 10:21

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕐᔪᐊᖃᕋᑦᑕ ᒎᑎᐅᑉ ᐃᒡᓗᖓᓂ,

ᑯᓘᓯᐊᒥᐅᓄᑦ 2:11

ᑖᑦᓱᒪᓂᑦᑕᐅᖅ ᑭᐱᔭᐅᓯᒪᕗᓯ ᐃᓄᐃᑦ ᐊᒡᒐᖏᓐᓅᖏᑦᑐᖅ, ᙭ᔅᑑᓯᐅᑉ ᑭᐱᓯᒪᕚᓯ ᑎᒥᐅᑉ ᐱᔪᒪᔭᖓᓂᑦ ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓂᑦᓯᓐᓄᑦ.

ᓘᑲᓯᐅᑉ ᐊᒡᓚᖏᑦ 24:44

ᑕᕝᕙ ᐅᖃᐅᑎᕔᑦ, “ᑕᒪᒃᑯᓂᖓ ᑕᕝᕙ ᐅᖃᐅᑎᖃᑦᑕᓚᐅᕐᐸᑦᓯ ᓇᔪᕐᓗᓯ ᓱᓕ, ᑎᑎᕋᐅᓯᖃᕐᓯᒪᔪᓕᒫᑦ ᐅᕙᓐᓂᒃ ᒨᓯᓯᐅᑉ ᐱᖁᔭᖏᓐᓂ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᐃᓐᖏᕈᑎᓂᓗ ᓇᓚᐅᑦᓯᔭᕆᐊᖃᓚᐅᕐᒪᑕ.”

ᒨᓯᓯ ᐂᑉᐸᖏᑦ 28:35

ᐂᕉᓂᐅᓪᓗ ᓄᐃᔭᒐᖅ ᐊᑐᒐᒃᓴᕆᕚ ᐱᓇᓱᐊᕆᐊᓕᖕᒥᓂᒃ ᐱᓇᓱᐊᓕᑐᐊᕈᓂ, ᐊᑕᓂᐅᑉ ᓵᖓᓄᑦ ᐃᑎᓕᕈᓂ ᐃᑦᔪᕐᓁᑦᑐᕕᖕᒧᑦ ᑕᕝᕙᓐᖓᓪᓗ ᐊᓂᓕᑐᐊᕈᓂ ᑐᓴᕐᓴᐅᑎᑦᓯᔪᓐᓇᖁᓪᓗᒍ ᐊᐅᓚᓂᕐᒥᓄᑦ, ᑐᖁᑕᐅᖁᓇᒍ.

ᒨᓯᓯ ᐂᑉᐸᖏᑦ 28:1

“ᐊᖓᔪᐃᑦ ᐂᕉᓂ ᕾᖁᓚᐅᕈᒃ ᐃᕐᓂᖏᓪᓗ, ᓇᑖᑉ, ᐊᐱᕼᐅ, ᐃᓕᓯᕆ, ᐃᑕᒫᕐᓗ, ᑖᒃᑯᐊᓗ ᐃᓴᕆᐊᓕᒥᐅᑦ ᐃᓄᖏᓐᓂᑦ ᓴᓂᕐᕙᒃᑕᐅᔪᒃᓴᐅᕗᑦ, ᐅᕙᓐᓄᑦ ᐱᔨᑦᓯᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ.

ᒨᓯᓯ ᐂᑉᐸᖏᑦ 25:9

ᑐᐱᕐᒥᒃ ᓴᓇᔪᒃᓴᐅᕗᑎᑦ ᐃᓕᖕᓄᑦ ᓇᓗᓁᕐᓂᐊᕐᑕᓐᓂᒃ, ᐃᓗᓕᒃᓴᓕᒫᖏᓪᓗ ᐋᖅᑭᒃᓯᒪᓂᒃᓴᖓᓗ, ᐃᓱᒪᒋᓯᒪᔭᒃᑲ ᒪᓕᒡᓗᒋᑦ.”

ᐄᑉᕈᐃᓄᑦ 9:1

ᐊᖏᖃᑎᒌᖕᓂᖅ ᓯᕗᓪᓕᖅ ᐱᖁᔭᖃᓚᐅᕐᐳᖅ ᐱᔨᑦᓯᕐᓂᕐᒧᑦ ᓴᓇᔭᐅᓯᒪᔪᒥᒡᓗ ᐃᑦᔪᕐᓁᑦᑐᕕᖕᒥ ᐱᔨᑦᓯᕐᕕᒃᑕᖃᕐᓗᓂ.

ᐄᑉᕈᐃᓄᑦ 10:11

ᑕᒪᕐᒥᒡᓗ ᑐᓂᕐᕈᓯᕐᑎᑦᓯᔩᑦ ᖃᐅᑕᒫᑦ ᐱᖁᔭᐅᓚᐅᕐᐳᑦ ᐱᓇᓱᐊᕆᐊᓕᖕᒥᓂᒃ ᐱᓇᓱᐊᖁᓪᓗᒋᑦ, ᑐᓂᕐᕈᓯᕐᑎᑦᓯᓂᕐᒥᒃ ᑍᒫᑦᓮᓐᓇᖅ ᐱᓇᓱᐊᕐᓗᑎᒃ, ᑖᒃᑯᐊᓕ ᐊᔪᕐᓂᕐᓂᒃ ᐲᕐᓯᔪᓐᓇᖏᒻᒪᕆᒃᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:3

ᓂᐱᕐᔪᐊᒥᒡᓗ ᑐᓴᕐᐳᖓ ᐃᒃᓯᕙᐅᑕᕐᔪᐊᕐᒥᑦ ᐅᖃᕐᑐᒥᒃ, “ᑕᑯᒋᑦ, ᒎᑎ ᓄᓇᖃᖃᑦᑕᐅᓂᐊᓕᕐᐳᖅ ᐃᓄᖕᓄᑦ. ᑖᑦᓱᒪ ᐃᒡᓗᒥᐅᖃᑎᒋᓂᐊᕐᐰᑦ, ᑖᑦᓱᒪᓗ ᐃᓄᖁᑎᒋᓂᐊᕐᐰᑦ, ᒎᑎᐅᓪᓗ ᓇᖕᒥᓂᖅ ᓇᔪᕐᓂᐊᕐᐰᑦ ᒎᑎᒋᔭᐅᓗᓂ.