ᐄᑉᕈᐃᓄᑦ 8:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᖏᖃᑎᒌᖕᓂᕐᒥᒡᓕ ᐋᖅᑭᒃᓯᔪᒫᕐᐳᖓ ᐃᓴᕆᐊᓕᐅᑉ ᐃᓄᖏᓐᓄᑦ ᐅᓪᓗᓂ ᓇᓪᓕᐅᑎᔪᒫᕐᑐᓂ, ᐊᑕᓂᖅ ᐅᖃᕐᐳᖅ. ᐱᖁᔭᒃᑲ ᐃᓱᒪᖏᓐᓄᑦ ᑐᖅᑯᕈᒫᕐᐸᒃᑲ ᐆᒻᒪᑎᖏᓐᓂᓗ ᑎᑎᕋᕐᓗᒋᑦ. ᑖᒃᑯᓇᖓᑦ ᒎᑎᒋᔭᐅᔪᒫᕐᐳᖓ, ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.

ᐄᑉᕈᐃᓄᑦ 8:10 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 31:33

ᐃᒤᑦᑐᒥᒃ ᐊᖏᖃᑎᒌᒍᑎᓕᐅᕈᒫᕐᐳᖓ ᐃᓴᕆᐊᓕᒥᐅᓄᑦ ᑍᒃᑯᐊ ᐅᓪᓗᐃᑦ ᑭᖑᕐᖓᒍᑦ, ᐊᑕᓂᖅ ᐅᖃᕐᐳᖅ: ᐱᖁᔭᒃᑲ ᑎᑎᕋᕈᒫᕐᐸᒃᑲ ᐃᓱᒪᖏᓐᓄᑦ ᐆᒻᒪᑎᖏᓐᓄᓪᓗ; ᑖᒃᑯᓄᖓ ᒎᑎᒋᔭᐅᔪᒫᕐᐳᖓ ᑖᒃᑯᐊᓗ ᐃᓄᖁᑎᒋᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:3

ᓇᓗᓇᖏᑦᓯᐊᕐᑐᒥᒡᓗ ᙭ᔅᑑᓯᒥ ᑎᑎᖅᑲᐅᕗᓯ ᐱᓇᓱᐊᕐᓂᑦᑎᒍᑦ ᓴᖅᑭᑎᑕᐅᓯᒪᓪᓗᓯ, ᑎᑎᕋᐅᒻᒧᑦ ᑎᑎᕋᕐᓯᒪᓐᖏᓚᓯ; ᒎᑎᐅᓪᓕ ᐆᒪᔫᑉ ᐊᓂᕐᓂᖓᓄᑦ, ᐅᔭᖅᑲᑎᒍᑦ ᑎᑎᕋᕐᓯᒪᖏᑦᑐᑦ ᐃᓅᓪᓕ ᐆᒻᒪᑎᖓᒍᑦ ᑎᑎᕋᕐᓯᒪᔪᑦ.

ᒨᓯᓯ ᑕᓪᓕᒪᖏᑦ 30:6

ᐊᑕᓂᐅᓪᓗ ᒎᑎᑦᓯ ᑐᓂᓯᕕᒋᔪᒫᕐᐹᓯ ᑭᖑᕚᓯᓗ ᐃᓚᒋᓗᒋᑦ ᐆᒻᒪᑎᒥᒃ ᓈᓚᒍᓐᓇᕐᑐᒥᒃ, ᑖᑦᓱᒥᖓ ᐅᖓᒻᒪᕆᓕᖁᓪᓗᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ, ᑕᒫᓂᓗ ᓄᓇᒋᔭᑦᓯᓐᓂ ᓄᓇᑖᒃᑲᓐᓂᓕᖁᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 24:7

ᐆᒻᒪᑎᑖᕐᑎᑦᓱᒫᕐᐸᒃᑲ ᐅᕙᓐᓂᒃ ᖃᐅᔨᖁᓪᓗᒋᑦ ᐊᑕᓂᐅᓂᓐᓂᒃ; ᐃᓄᖁᑎᒋᔪᒫᕐᐸᒃᑲ ᒎᑎᒋᔭᐅᓗᖓᓗ ᑖᒃᑯᓄᖓ, ᐅᕙᓐᓄᑦ ᐅᑎᕈᒫᕐᒪᑕ ᐃᓘᓐᓈᒍᑦ ᐆᒻᒪᑎᒥᒍᑦ ᑐᓂᓯᒪᓕᕐᓗᑎᒃ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᕉᒪᒥᐅᓄᑦ 11:27

ᐃᒫᒡᓗ ᐊᖏᖃᑎᒌᒍᑎᓕᐅᕈᒫᕐᐳᖓ ᑖᒃᑯᓄᖓ, ᐊᔪᕐᓂᖏᑦ ᐲᔭᕈᒃᑭᑦ.”

ᔧᒥᓯᐅᑉ ᐊᒡᓚᖏᑦ 1:21

ᑍᒤᒻᒪᑦ ᐱᓂᐊᕐᓂᕐᓗᖕᓂᓕᒫᑦ ᓈᒻᒪᖏᑦᑐᓂᒃᓗ ᐱᓇᓱᐊᕐᓃᑦ ᐊᑐᕈᓐᓁᕐᓯᒋᒃ ᐱᐅᔪᕆᖏᓪᓗᓯᓗ ᐃᓚᓕᐅᕐᓯᐅᒃ ᐅᖃᐅᓯᖓ ᐃᓗᑦᓯᓐᓄᑦ ᑲᓐᖓᕐᓲᑎᒋᔭᖓ, ᑕᒪᓐᓇ ᐃᓕᑦᓯᓐᓂᒃ ᐱᐅᓕᓯᔪᓐᓇᕐᒪᑦ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐲᑦᑐᕉᓯ ᓯᕗᓪᓖᑦ 1:23

ᓄᑖᒥᒃ ᐃᕐᓂᐊᖑᓯᒪᒐᑦᓯ, ᐊᓯᕈᕐᓂᐊᕐᑐᒥᐅᖏᑦᑐᖅ ᕿᑐᕐᖓᕐᑖᖑᓪᓗᓯ, ᐊᓯᕈᕐᓂᐊᖏᑦᑐᒥᒡᓕ, ᒎᑎᐅᑉ ᐅᖃᐅᓯᖓᒍᑦ ᐆᒪᔪᒃᑯᑦ ᐃᓱᖃᖏᑦᑐᒃᑯᓪᓗ.

ᓴᑲᕅᐊᐅᑉ ᐊᒡᓚᖏᑦ 8:8

ᐅᑎᕐᑎᑦᓱᒫᕐᐸᒃᑲ ᔨᕉᓴᓕᒥ ᐃᓂᖃᓕᖁᓪᓗᒋᑦ ᓯᕿᓂᐅᑉ ᓄᐃᓕᕐᕕᐊᓂᑦ ᓂᐱᕕᐊᓄᑦ; ᐃᓄᖁᑎᒋᔪᒫᕐᐸᒃᑲ, ᐅᕙᖓᓗ ᓱᖁᓯᔪᐃᑑᓗᖓ ᐃᖅᑲᕐᑐᐃᑦᓯᐊᕐᓗᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

ᔧᒥᓯᐅᑉ ᐊᒡᓚᖏᑦ 1:18

ᑖᑦᓱᒪ ᐱᔪᒪᔭᓂ ᒪᓕᒡᓗᒍ ᐱᓐᖑᕐᑎᓚᐅᕐᐹᑎᒍᑦ ᐅᖃᐅᓯᕐᒧᑦ ᓱᓕᔪᒧᑦ ᓯᕗᓪᓕᕐᐸᐅᓗᑕ ᐱᕈᖁᓪᓗᑕ ᐱᓐᖑᕐᑎᑕᖏᓐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 37:27

ᑖᒃᑯᓇᓂ ᐃᓂᖃᕈᒫᕐᐳᖓ; ᑖᒃᑯᓄᖓᓗ ᒎᑎᒋᔭᐅᓗᖓ, ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᔨᕆᒤᐊᐅᑉ ᐊᒡᓚᖏᑦ 32:40

ᐊᖏᖃᑎᒋᔪᒫᕐᐸᒃᑲ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᐱᐅᔪᒥᒡᓗ ᐱᓇᓱᐊᕐᕕᒌᓐᓇᕈᒫᕐᐸᒃᑲ, ᓯᕘᕋᓂᕐᒥᒡᓗ ᐆᒻᒪᑎᖏᓐᓄᑦ ᐃᓕᓯᔪᒫᕐᐳᖓ, ᕿᒤᓚᐅᕐᓯᒪᖁᓇᒋᑦ ᐅᕙᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 32:38

ᐃᓄᖁᑎᒋᔪᒫᕐᐸᒃᑲ, ᑖᒃᑯᐊᓗ ᒎᑎᒋᔪᒫᕐᐹᖓ.

ᒫᑎᐅᓯᐅᑉ ᐊᒡᓚᖏᑦ 22:32

‘ᐅᕙᖓ ᐂᑉᕋᕼᐋᒻ ᒎᑎᖓ, ᐂᓴᑭᐅᓪᓗ ᒎᑎᖓ, ᔧᑰᓪᓗ ᒎᑎᖓ,’ ᑐᖁᖓᔪᓪᓕ ᒎᑎᒋᓐᖏᓛᑦ, ᐃᓅᔪᓪᓕ ᑭᓯᒥ.”

ᐄᑉᕈᐃᓄᑦ 11:16

ᓄᓇᒥᒡᓕ ᐱᐅᓂᕐᓴᒥᒃ ᐅᐸᒍᒪᔭᖃᓚᐅᕋᒥᒃ, ᑕᕝᕙ ᕿᓚᖕᒦᑦᑐᒥᒃ. ᑍᒤᒻᒪᑦ ᒎᑎᐅᑉ ᑲᓐᖑᓲᑎᒋᓚᐅᓐᖏᓛ, ᐋᖅᑭᒃᓱᐃᓯᒪᒐᒥ ᐃᒡᓗᒐᓴᒡᔪᐊᒃᓴᖏᓐᓂᒃ.

ᒨᓯᓯ ᐂᑉᐸᖏᑦ 34:27

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᒪᒃᑯᐊ ᐅᖃᐅᓰᑦ ᑎᑎᕋᕐᑕᒃᓴᕆᕙᑎᑦ, ᑕᒪᒃᑯᐊ ᐅᖃᐅᓰᑦ ᑐᓐᖓᕕᒋᓗᒋᑦ ᐊᖏᖃᑎᒌᖕᓂᕐᒥᒃ ᐋᖅᑭᒃᓯᓂᐊᕋᒪ ᐃᓕᖕᓄᑦ ᐃᓴᕆᐊᓕᐅᒥᐅᓄᓪᓗ.”

ᐃᓯᑭᐊᓕᐅᑉ ᐊᒡᓚᖏᑦ 39:22

ᐃᓴᕆᐊᓕᐅᑉ ᑭᖑᕚᖏᑦ ᖃᐅᔨᔪᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ, ᐅᓪᓗᒥᑦ ᑕᕝᕙᓐᖓᑦ ᐱᒋᐊᕐᓗᓂ ᑭᖑᓂᖓᓂᓗ.

ᓲᓗᒨᓂᐅᑉ ᐃᓐᖏᕈᓯᖏᑦ 2:16

ᓇᒡᓕᒋᔭᕋ ᐱᒋᕙᕋ ᐱᒋᒋᓪᓗᓂᖓᓗ, ᓰᐱᖁᑎᓂ ᓂᕆᑎᑉᐰᑦ ᐱᕈᕐᑐᑦ ᓕᓖᑦ ᐊᑯᕐᖓᓐᓂ.

ᒨᓯᓯ ᐂᑉᐸᖏᑦ 24:4

ᒨᓯᓯᐅᓪᓗ ᑎᑎᕋᕐᐰᑦ ᐊᑕᓂᐅᑉ ᐱᓂᐊᕐᑕᐅᖁᔭᓕᒫᖏᑦ, ᖃᐅᑎᓪᓗᒍᓗ ᐅᓪᓛᕋᕐᔪᒃᑯᑦ ᑐᓂᕐᕈᓯᕐᕕᒃᓴᒥᒃ ᓴᓇᕗᖅ ᖃᖅᑳᓘᑉ ᐊᑖᓂ. ᓴᓇᕕᒋᓪᓗᓂᐅᒃ ᐅᔭᖅᑲᓂᒃ 12ᓂᒃ ᐅᔭᕋᒃ ᐊᑕᐅᓯᖅ ᑐᕌᖓᑎᓪᓗᓂᐅᒃ ᐃᓅᖃᑎᒌᑦ ᐃᓴᕆᐊᓕᒥᐅᑦ 12ᓕᖅᑲᖓᓂᖏᑦ ᒪᓕᒡᓗᒋᑦ.

ᕼᐆᓯᐊᑉ ᐊᒡᓚᖏᑦ 1:10

ᐃᓴᕆᐊᓕᒥᐅᓪᓕ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᒫᕐᐳᑦ, ᐆᒃᑐᕋᕐᑕᐅᔪᓐᓇᖏᓪᓗᑎᒃ ᓈᓴᕐᑕᐅᔪᓐᓇᖏᓪᓗᑎᒡᓗ; ᑕᕝᕙᓂ ᐅᖃᐅᑦᔭᐅᔪᒫᕐᐳᑦ, “ᐃᓄᖁᑎᒋᓐᖏᓚᑦᓯ,” ᐅᖃᕐᕕᐅᓕᕈᒫᕆᕗᑦ, “ᒎᑎᐅᑉ ᐆᒪᔫᑉ ᕿᑐᕐᖓᖏᑦ.”

ᔨᕆᒤᐊᐅᑉ ᐊᒡᓚᖏᑦ 31:1

ᐊᑕᓂᖅ ᐅᖃᕐᐳᖅ, “ᑕᒪᓐᓇ ᓇᓪᓕᐅᑎᒃᐸᑦ ᒎᑎᒋᔭᐅᔪᒫᕐᐳᖓ ᐃᓴᕆᐊᓕᒥᐅᑦ ᐃᓚᒌᒃᑐᖁᑎᓕᒫᖏᓐᓄᑦ ᑖᒃᑯᐊᓗ ᐃᓄᑯᑎᒋᔪᒫᕐᐸᒃᑲ.”

ᕼᐆᓯᐊᑉ ᐊᒡᓚᖏᑦ 2:23

“ᑖᓐᓇᓗ ᑲᓐᖓᕐᓱᐃᕕᒋᔪᒫᕐᐸᕋ ᓇᖕᒥᓂᓐᓂᒃ ᓄᓇᒥ ᐊᔪᕐᓴᕈᓐᓁᕐᑎᓪᓗᒍ. ᓂᑲᒍᓱᖕᓂᕐᒥᒡᓗ ᓴᖅᑭᑎᑦᓯᕕᒋᔪᒫᕐᐸᕋ ᓇᒡᓕᒋᔭᐅᖏᑦᑑᔪᓐᓃᕐᓗᓂ, ᑍᒃᑯᐊᓗ ᐅᖃᐅᑦᔭᖃᑦᑕᓚᐅᕐᑐᑦ ᐃᓄᖁᑎᒋᓐᖏᑕᒃᑲ, ᐅᖃᐅᑎᔪᒫᕐᐸᒃᑲ ‘ᐃᓄᖁᑎᒋᕙᑦᓯ’; ᑖᒃᑯᐊᓗ ᑭᐅᔪᒫᕐᐳᑦ, ‘ᐃᕝᕕᑦ ᒎᑎᒋᕙᑦᑎᒋᑦ.’”

ᒨᓯᓯ ᐂᑉᐸᖏᑦ 24:7

ᐊᖏᖃᑎᒌᖕᓂᐅᓪᓗ ᑎᑎᕋᕐᓯᒪᔪᖁᑎᖏᑦ ᒨᓯᓯᐅᑉ ᐱᕔᑦ, ᑖᒃᑯᓇᓂ ᒎᑎᐅᑉ ᐱᓂᐊᕐᑕᐅᖁᔭᖏᑦ ᑎᑎᕋᕐᓯᒪᖕᒪᑕ. ᓂᐱᖃᕐᓗᓂᓗ ᐃᓄᖕᓄᑦ ᐅᖃᓕᒫᕐᐰᑦ, ᐃᓄᐃᓪᓗ ᐅᖃᕐᐳᑦ, “ᐊᑕᓂᖅ ᓈᓚᖕᓂᐊᕐᐸᕗᑦ ᐱᖁᔭᓕᒫᖏᓪᓗ ᐊᑐᕐᓗᑎᒍ.”

ᒨᓯᓯ ᐂᑉᐸᖏᑦ 34:1

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐅᔭᕌᖕᓂᒃ ᒪᕐᕉᖕᓂᒃ ᐲᕐᓯᓗᑎᑦ ᓴᓇᔪᒃᓴᐅᕗᑎᑦ ᓯᕗᓪᓕᕐᒥ ᓴᓇᓚᐅᕐᑕᕐᑐᑦ, ᑖᒃᑯᑎᒎᓇᕐᓗ ᑎᑎᕋᕐᓂᐊᕐᐳᖓ ᐅᖃᐅᓯᕐᓂᒃ ᓯᕗᓪᓕᕐᒥ ᑎᑎᕋᕐᓯᒪᓚᐅᕐᑐᑎᑐᑦ, ᑖᒃᑯᑎᑐᓇᖅ ᓯᖁᒥᓚᐅᕐᑕᕐᑐᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:16

ᖃᐅᔨᒪᓐᖏᓚᓯ? ᐃᓄᒃ ᐊᖑᓐᓂᐊᕐᑎᒥᒃ ᐊᕐᓇᕐᓂᐊᕐᑎᒥᒡᓘᓐᓃᑦ ᐱᖃᑎᖃᕐᑐᖅ ᑎᒥᒥᒍᑦ ᐊᑕᐅᓯᐅᖃᑎᒋᓕᕐᒪᒍ, ᐊᒡᓚᖕᓂ ᑎᑎᕋᕐᓯᒪᖕᒪᑦ, “ᑖᒃᑯᐊᒃ ᒪᕐᕉᒃ ᑎᒥᒃᑯᑦ ᐊᑕᐅᓯᐅᓕᕐᓂᐊᕐᐳᒃ.”