ᐄᑉᕈᐃᓄᑦ 6:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᒎᑎᓕ ᖁᓚᕐᓇᖏᑦᓯᐊᕐᑐᒥᒃ ᐊᖏᕈᑎᒋᔭᒥᓂᒃ ᐊᓯᑦᔨᑦᔮᖏᓐᓂᖓᓂᒃ ᖃᐅᔨᑎᑦᓯᔪᒪᒐᒥ ᐊᖏᒻᒪᕆᒍᑕᐅᔪᒥᒃ ᑲᔪᓯᑎᑦᓯᔪᒃᓴᓄᑦ, ᖁᓚᕐᓁᕐᑎᓚᐅᕐᐹ ᐊᖏᒻᒪᕆᖕᓂᕐᒥᒃ ᓇᓗᓁᒃᑯᓯᕐᓗᓂᐅᒃ.

ᐄᑉᕈᐃᓄᑦ 6:17 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 26:28

ᑖᒃᑯᐊ ᑭᐅᕚᑦ, “ᒫᓐᓇ ᓇᓗᓇᖏᑦᑐᒥᒃ ᖃᐅᔨᒐᑦᑕ ᐊᑕᓂᐅᑉ ᐃᓚᒋᖕᒪᑎᑦ; ᐅᖃᓕᕐᐳᒍᑦ, ᐅᖃᕕᖃᑎᒌᒋᐊᖃᕋᑦᑕ ᐃᓕᖕᓄᑦ ᐅᕙᑦᑎᓐᓄᓪᓗ, ᐊᖏᖃᑎᒌᒍᑎᓕᐅᓚᐅᕐᑕ ᐃᓕᖕᓄᑦ.

ᐃᓐᖏᕈᑎᑦ 110:4

ᐊᑕᓂᖅ ᐅᖃᒻᒪᕆᓚᐅᕐᐳᖅ, ᓴᖑᓂᐊᕋᓂᓗ, “ᑐᓂᕐᕈᓯᕐᑎᑦᓯᔨᐅᕗᑎᑦ ᐃᓱᖃᖏᑦᑐᒧᑦ ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.”

ᐃᓐᖏᕈᑎᑦ 33:11

ᐊᑕᓂᐅᓪᓕ ᓯᕗᓂᕐᒧᑦ ᐋᖅᑭᒃᓯᒪᔭᖏᑦ ᐃᓱᖃᖏᑦᑐᒧᑦ ᑲᔪᓯᕗᑦ, ᐆᒻᒪᑎᒥᒍᑦ ᓯᕗᒧᑦ ᐋᖅᑭᒃᓱᕐᓯᒪᔭᖏᑦ ᑭᖑᕚᖑᖃᑎᒌᓄᑦ ᑕᒤᓐᓄᑦ.

ᐃᓐᖏᕈᑎᑦ 36:8

ᐊᖏᓗᐊᕐᑐᒥᒡᓗ ᓈᒻᒪᒃᓯᕗᑦ ᐃᒡᓗᕕᑦ ᓈᒻᒪᑦᓯᐊᕐᓂᖓᓂᒃ, ᐃᒥᕐᑎᑉᐸᑎᓪᓗ ᖁᕕᐊᒋᔭᕕᑦ ᑰᖓᓂᑦ.

ᒨᓯᓯ ᐂᑉᐸᖏᑦ 22:11

ᑕᕝᕙ ᐊᖑᑦ ᐰᕆᒃᓯᓚᐅᕐᑐᖅ ᑐᒃᓯᐊᕐᕕᖕᒧᐊᕐᓗᓂ ᐊᑕᓂᐅᑉ ᓵᖓᓂ ᓱᓕᓪᓚᕆᖕᓂᕐᒥᓂᒃ ᓇᓗᓁᕐᓯᔭᕆᐊᖃᕋᔭᕐᐳᖅ ᑎᒡᓕᓚᐅᖏᓐᓂᕐᒥᓂᒃ; ᑕᒪᓐᓇᓗ ᑖᑦᓱᒪ ᐱᖁᑎᓕᐅᑉ ᐊᖏᕆᐊᖃᕋᔭᕐᐹ, ᑖᓐᓇᓗ ᐊᖑᑦ ᐱᓯᒪᒃᓯᓚᐅᕐᑐᖅ ᐊᑭᓖᔭᕆᐊᖃᕋᔭᓐᖏᓚᖅ ᑖᑦᓱᒧᖓ ᐱᖁᑎᓕᖕᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:21

ᐃᓄᒃ ᐅᓄᕐᑐᓂᒃ ᐃᓱᒪᒥᒍᑦ ᐱᓇᓱᐊᕈᒪᔭᖃᕐᐳᖅ, ᑭᓯᐊᓂᓕ ᐊᑕᓂᐅᑉ ᐱᓇᓱᐊᖁᔭᖓ ᑲᔪᓯᔪᑑᓂᐊᕐᐳᖅ.

ᓲᓗᒨᓂᐅᑉ ᐃᓐᖏᕈᓯᖏᑦ 5:1

ᐱᕈᕐᓰᕕᖁᑎᓐᓄᑦ ᕾᕗᖓ, ᓇᔮᒃ, ᓄᓕᐊᒃᓵᒃ, ᒨᕆᖁᑎᒃᑲ ᓂᕿᓄᓪᓗ ᒪᒪᕐᓴᐅᑎᖁᑎᒃᑲ ᑲᑎᑉᐸᒃᑲ; ᕼᐊᓂᐅᑉ ᐃᓂᖏᑦ ᓂᕆᕙᒃᑲ ᕼᐊᓂ ᓂᕆᖃᓯᐅᑎᓪᓗᒍ, ᕔᓂᖁᑎᓐᓂᒃ ᐃᒥᕐᐳᖓ ᐃᒻᒧᖁᑎᓐᓂᒡᓗ. ᐃᓚᓐᓇᕆᔭᒃᑳ, ᓂᕆᒋᑦᓯ! ᐃᒥᕐᓗᓯᓗ, ᐊᖏᔪᒥᒃ ᐃᒥᕆᑦᓯ, ᓇᒡᓕᒋᔭᐅᔪᓯ.

ᐂᓮᐊᓯᐅᑉ ᐊᒡᓚᖏᑦ 14:24

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕕᒡᓗᓂ ᐊᖏᕐᓯᒪᖕᒪᑦ: “ᐃᓱᒪᓕᐅᕇᕐᓯᒪᒐᒪ, ᑍᒤᑦᓱᒫᕐᓗᓂᓗ, ᐋᖅᑭᒃᓱᕇᕐᓯᒪᒐᒃᑯ ᓴᖑᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 46:10

ᓇᓗᓁᕐᓯᔪᖅ ᐱᒋᐊᕐᓂᖓᓂᑦ ᑍᑦᓱᒪᓂᐊᓗᖕᓂᑦ ᓱᓕ ᐱᓚᐅᖏᑦᑐᓂᒃ, ᐅᖃᕐᓯᒪᒐᒪ, ‘ᐅᖃᐅᓯᕆᓚᐅᕐᑕᒃᑲ ᑍᒤᓕᖓᓂᐊᕐᐳᑦ, ᐱᓇᓱᐊᕈᒪᔭᓕᒫᒃᑲᓗ ᑲᔪᓯᑎᓪᓗᒋᑦ ᐱᔭᕇᕈᒫᕐᐸᒃᑲ.’

ᐂᓮᐊᓯᐅᑉ ᐊᒡᓚᖏᑦ 55:11

ᑍᒫᒃᑕᐅᖅ ᐅᖃᐅᓯᒃᑲ ᖃᓂᓐᓂᑦ ᐊᓂᔪᑦ: ᐅᕙᓐᓄᑦ ᐊᑐᖏᓪᓗᑎᒃ ᐅᑎᑐᐃᓐᓇᕐᓂᐊᓐᖏᓚᑦ, ᐱᔪᒪᔭᓐᓂᒡᓕ ᐱᔭᕇᕐᓯᓂᐊᕐᐳᑦ, ᐊᔪᕈᓐᓃᕐᑎᑦᓯᓪᓗᑎᒡᓗ ᐅᖃᕐᕕᒋᔭᓐᓂᒃ ᑎᓕᓯᕕᒋᔭᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 55:7

ᐱᐅᖏᑦᑐᓕᔫᑉ ᐊᖅᑯᑎᓂ ᕿᒪᓕᕐᓕᐅᒃ, ᓈᒻᒪᖏᑦᑐᓪᓗ ᐃᓱᒪᒋᔭᓂ ᓈᒻᒪᖏᑦᑐᑦ ᑐᓄᓪᓕᒋᑦ; ᓵᒋᐊᕐᓗᓂᓗ ᐊᑕᓂᕐᒧᑦ, ᑕᕝᕙ ᑖᑦᓱᒪ ᓈᒃᑭᒋᓂᐊᕐᐹ, ᒎᑎᑦᑎᓐᓄᓪᓗ ᓵᒋᐊᕐᓕ ᑕᕝᕙ ᑲᔪᓯᑦᓯᐊᕐᑐᒥᒃ ᐃᓱᒪᒋᔪᓐᓁᕐᕕᒋᓂᐊᕐᐹ.

ᒪᓚᑬᑉ ᐊᒡᓚᖏᑦ 3:6

“ᐅᕙᖓ ᐊᑕᓂᖅ ᐊᓯᑦᔨᕐᓂᐊᓐᖏᓚᖓ; ᑍᒤᒻᒪᑦ, ᔧᑰᑉ ᑭᖑᕚᖏᑦ, ᓄᖑᑕᐅᓯᒪᓐᖏᓚᓯ.

ᔪᐊᓇᓯᐅᑉ ᐊᒡᓚᖏᑦ 10:10

ᑎᒡᓕᒃᑎ ᕾᕙᒃᐳᖅ ᑎᒡᓕᒐᕆᐊᕐᑐᕈᒪᓪᓗᓂ ᑐᖁᕅᔪᒪᓪᓗᓂᓗ; ᐅᕙᖓᓕ ᑎᑭᑉᐳᖓ, ᐃᓅᓯᕐᒥᒡᓗ ᐊᔪᕐᓴᕐᓇᖏᑦᑐᒥᒃ ᐱᖃᓕᖁᓪᓗᖏᑦ.

ᕉᒪᒥᐅᓄᑦ 11:29

ᒎᑎᐅᑉ ᑐᓂᕐᕈᑎᓂ ᕾᖁᔨᓂᓂᓗ ᐊᓯᑦᔨᕐᓯᒪᖏᒻᒪᒋᑦ.

ᕉᒪᒥᐅᓄᑦ 8:17

ᕿᑐᕐᖓᕆᔭᐅᒍᑦᑕᓗ, ᑭᖑᕐᖑᑦᔨᔪᒃᓴᐅᓕᕐᐳᒍᑦ, ᒎᑎᐅᑉ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᐅᑎᑕᖏᓐᓂᒃ ᙭ᔅᑑᓯᓗ ᑭᖑᕐᖑᑦᔨᖃᑎᒋᔪᒫᓕᕐᓗᒍᑦ, ᙭ᔅᑑᓯ ᐅᖁᒤᒃᓴᖃᑎᒋᕙᕗᑦ ᓂᕐᑐᕐᓇᕐᓯᑎᑕᐅᓂᖓᓂᒃᑕᐅᖅ ᐱᖃᑕᐅᔪᒫᖁᓪᓗᑕ.

ᒐᓔᑎᐊᒥᐅᓄᑦ 3:29

ᑕᕝᕙ ᙭ᔅᑑᓯᒥᐅᑕᐅᒍᕕᑦ, ᐂᑉᕋᕼᐋᒻᒧᑦ ᑭᖑᕚᕆᔭᐅᓕᕐᐳᑎᑦ, ᐊᖏᕈᑕᐅᓯᒪᔪᒥᒡᓗ ᑭᖑᕐᖑᑦᔨᖃᑕᐅᔪᒫᓕᕐᐳᑎᑦ.

ᐃᐱᓯᒥᐅᓄᑦ 1:11

ᑖᑦᓱᒨᓇ ᐱᑎᑕᐅᕗᒍᑦ ᑭᖑᕐᖑᑎᔭᒃᓴᑦᑎᓐᓂᒃ, ᐃᓱᒪᒋᓯᒪᔭᑐᖃᕆᓪᓗᒍ ᐊᑐᕈᒪᓯᒪᔭᓐᖓ ᒪᓕᒡᓗᒍ, ᑐᓐᖓᕕᖃᕐᑎᓪᓗᒍ ᓱᓇᓕᒫᓂᒃ ᐱᓇᓱᐊᕐᓯᒪᔫᑉ ᐱᔪᒪᔭᖓ ᒪᓕᒃᓗᒍ.

ᐄᑉᕈᐃᓄᑦ 11:7

ᐅᒃᐱᕐᓂᑯᑦ ᓄᐊ, ᒎᑎᒧᑦ ᖃᐅᔨᑎᑕᐅᓕᕋᒥ ᓯᕗᓂᒃᓴᒥᒃ ᓱᓕ ᑕᑯᒃᓴᐅᖏᑦᑐᓂᒃ, ᒎᑎᒥᒃ ᓈᓚᒡᓗᓂ ᐅᒥᐊᕐᔪᐊᕐᒥᒃ ᓴᓇᓚᐅᕐᐳᖅ ᐃᒡᓗᒥᐅᖃᑎᖏᑕ ᐱᐅᓕᔭᐅᕕᒃᓴᖓᓂᒃ; ᑕᒪᑐᒨᓇᓗ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᐰᑦ ᑭᖑᕐᖑᑦᔨᑎᑕᐅᓪᓗᓂᓗ ᐃᓗᐊᕐᓯᑎᑕᐅᓂᕐᒥᒃ ᐅᒃᐱᕐᓂᒥᑦ ᐱᔪᒥᒃ.

ᐄᑉᕈᐃᓄᑦ 11:9

ᐅᒃᐱᕐᓂᑯᑦ ᓄᓇᖃᓚᐅᕐᐳᖅ ᐊᖏᕈᑕᐅᓯᒪᔪᒥ, ᓄᓇᑐᖃᖃᖏᒃᑲᓗᐊᕐᓗᓂ, ᑐᐱᑐᐃᓐᓇᕐᒥ ᐊᖏᕐᕋᖃᕐᓗᓂ ᐂᓴᑭᓗ ᔧᑯᓗ ᑍᒫᒃ ᐱᓚᐅᕆᕘᒃ, ᑖᒃᑯᐊᒃ ᐊᖏᕈᑕᐅᓯᒪᔪᒥᒃ ᑭᖑᕐᖑᑦᔨᖃᑕᐅᔫᒃ.

ᐄᑉᕈᐃᓄᑦ 6:12

ᐃᓕᑦᓯᓐᓂᒃ ᐃᕿᐊᓱᓕᖁᔨᓐᖏᓚᒍᑦ, ᒪᓕᖁᕙᑦᓯᓕ ᐅᒃᐱᕐᓗᑎᒃ ᕿᓄᐃᓵᓚᐅᕐᑐᓄᑦ ᐊᖏᕈᑕᐅᓯᒪᔪᓂᒡᓗ ᐱᑎᑕᐅᓚᐅᕐᑐᓄᑦ.

ᐄᑉᕈᐃᓄᑦ 6:16

ᐃᓄᒃ ᐅᖃᕕᒡᓗᓂ ᐊᖏᒻᒪᕆᒑᖓᒥ ᐊᑎᕐᒥᒃ ᑍᓯᖃᓯᐅᑦᔨᓲᖑᕗᖅ ᐊᖏᖅᑭᔭᒥᓂᒃ, ᐅᖃᕕᒡᓗᑎᒡᓗ ᐊᖏᒻᒪᕆᒍᑎᖃᕌᖓᑕ ᐂᕙᔭᐅᔪᓐᓇᓐᖏᓚᑦ.

ᐄᑉᕈᐃᓄᑦ 6:18

ᒎᑎ ᑍᒤᓕᐅᓚᐅᕐᐳᖅ, ᓴᖅᑭᑎᑦᓯᔪᒪᓪᓗᓂ ᒪᕐᕉᖕᓄᑦ ᓱᖁᓯᔪᐃᑦᑑᖕᓄᑦ ᒎᑎ ᓴᒡᓗᔭᕆᐊᒃᓴᖅ ᐊᔪᕐᓇᒻᒪᕆᖕᓂᖓᓂᒃ, ᐅᕙᒍᑦ ᓴᐳᑦᔭᐅᓂᕐᒥᒃ ᓂᕆᐅᒋᔭᒃᓴᕐᑖᕐᓯᒪᔪᒍᑦ ᑲᔪᖏᕐᓴᕐᑕᐅᒻᒪᕆᖁᓪᓗᑕ.

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᔧᒥᓯᐅᑉ ᐊᒡᓚᖏᑦ 2:5

ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?

ᐲᑦᑐᕉᓯ ᓯᕗᓪᓖᑦ 1:3

ᒎᑎ ᓂᕐᑐᕐᓚᕗᑦ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᓂᑲᒍᓱᖕᓂᖓᑕ ᐊᖏᔪᐊᓘᓂᖓᓄᑦ ᐃᓅᓯᕐᑖᕐᑎᒻᒪᑎᒍᑦ ᓄᑖᒥᒃ ᑕᒪᑐᒨᓇ ᓂᕆᐅᒋᔭᒃᓴᖃᑦᓯᐊᓕᕐᑎᑉᐹᑎᒍᑦ ᑐᖁᖓᔪᓂᑦ ᒪᑭᑎᑦᓯᓂᕐᒥᒍᑦ ᔩᓱᓯ ᙭ᔅᑑᓯᒥᒃ,

ᐲᑦᑐᕉᓯ ᓯᕗᓪᓖᑦ 3:7

ᑍᒫᑦᓮᓐᓇᕐᑕᐅᖅ ᐅᐃᖑᔪᓯ, ᓄᓕᐊᓯ ᐃᓅᖃᑎᒋᑦᓯᐊᒐᒃᓴᕆᕙᓯ, ᐅᐱᒋᑦᓯᐊᕐᓗᒋᓪᓗ ᑎᒥᒥᒃᑎᒍᑦ ᓴᓐᖐᓐᓂᕐᓴᐅᖕᒪᑕ, ᑖᒃᑯᐊᑦᑕᐅᖅ ᐱᑎᑕᐅᖃᑎᒋᔪᒫᕋᑦᓯᐅᒃ ᒎᑎᐅᑉ ᐱᔪᓐᓇᕐᓯᑎᑦᓯᓂᖓᓂᒃ ᐃᓅᓯᕐᒥᒃ, ᑍᒤᓕᐅᕐᑐᒃᓴᐅᕗᓯ ᑐᒃᓯᐊᖃᑦᑕᕐᓂᓯ ᐊᒡᕕᐊᕐᑕᐅᖁᓇᒋᑦ.