ᐄᑉᕈᐃᓄᑦ 4:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑍᒤᒻᒪᑦ ᐱᓇᓱᐊᒻᒪᕆᓕᕐᑕ ᑕᕾᕐᓯᕐᕕᖕᒧᑦ ᑕᕝᕗᖓ ᐃᑎᕈᓐᓇᖁᓪᓗᑕ, ᓇᓪᓕᐊᓐᓂᒃ ᐃᑎᕈᓐᓁᓕᔪᖃᖁᓇᒍ ᓈᓚᖏᓐᓂᕐᒧᑦ ᑍᒃᑯᑎᑐᓇᖅ.

ᐄᑉᕈᐃᓄᑦ 4:11 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 11:12

ᑍᒪᓐᖓᑦ ᔪᐊᓇᓯᐅᑉ ᐅᖃᓪᓚᖃᑦᑕᓕᕐᓂᖓᓂᑦ ᐱᒋᐊᕐᓗᓂ ᐅᓪᓗᒥᒧᑦ ᑎᑭᓪᓗᒍ ᒎᑎᐅᑉ ᐊᑕᓂᐅᕕᖓ ᐊᒃᓱᕈᕐᓇᕐᑐᒃᑰᕐᑎᑕᐅᓯᒪᕗᖅ, ᐃᓄᐃᓪᓗ ᐱᕋᔭᖕᓂᒃᑯᑦ ᐊᒃᓱᕈᕐᓗᑎᒃ ᐱᓇᓱᐊᕐᓯᒪᓪᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 7:13

“ᐃᑎᕐᕕᑭᑦᑐᒃᑯᑦ ᐃᑎᕆᑦᓯ, ᐃᑎᕐᕕᒃ ᓂᕈᑐᖕᒪᑦ ᑲᑉᐱᐊᓇᕐᑐᕕᖕᒧᑦ ᑐᕌᖓᔪᖅ, ᐊᖅᑯᑎᖓ ᐱᔭᕐᓂᕐᑑᓪᓗᓂ, ᐊᒥᓱᑦ ᑕᒪᓐᓇ ᐊᑐᕐᐹᑦ.

ᓘᑲᓯᐅᑉ ᐊᒡᓚᖏᑦ 13:24

“ᐊᒃᓱᕈᕆᑦᓯ ᐃᑎᕐᕕᑭᑦᑐᒃᑯᑦ ᐃᑎᕋᓱᐊᕐᓗᓯ; ᐊᒥᓱᑦ ᐃᑎᕋᓱᐊᕐᓂᐊᕐᒪᑕ ᐃᑎᕈᓐᓇᕐᓂᐊᕋᑎᒡᓗ.

ᓘᑲᓯᐅᑉ ᐊᒡᓚᖏᑦ 16:16

“ᒨᓯᓯᐅᑉ ᐱᖁᔭᖏᑦ, ᓇᓚᐅᑦᑍᔪᓪᓗ ᐊᒡᓚᖏᑦ ᐊᑐᓚᐅᕐᐳᑦ ᔪᐊᓇᓯ ᐹᑉᑎᑎᕆᔨ ᑎᑭᓪᓗᒍ; ᑭᖑᓂᖓᒍᑦ ᐅᖃᐅᓰᑦ ᑐᓴᕈᒥᓇᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᐅᖃᐅᓯᖃᕐᑐᑦ ᐅᖃᐅᓯᐅᓕᕐᐳᑦ, ᐅᓄᕐᑐᐊᓗᐃᑦ ᐊᔪᐃᓐᓇᕐᓗᑎᒃ ᐃᑎᕋᓱᓕᕐᒪᑕ.

ᔪᐊᓇᓯᐅᑉ ᐊᒡᓚᖏᑦ 6:27

ᓂᕿᒃᓴᒥᒃ ᓄᖑᓴᕅᑦᑐᒥᒃ ᐱᓇᓱᐊᕐᓂᐊᕋᓯ, ᓂᕿᒃᓴᒥᒡᓕ ᐱᓇᓱᐊᓕᕆᑦᓯ ᐃᓅᓯᕐᑖᕐᓇᕐᑐᒥᒃ ᓄᖑᓱᐃᑦᑐᒧᑦ, ᐃᓅᑉ ᐃᕐᓂᖓᑕ ᑐᓂᓂᐊᕐᑕᖓᓂᒃ ᐃᓕᑦᓯᓐᓄᑦ; ᑖᓐᓇ ᒎᑎᐅᑉ ᐊᑖᑕᐅᑉ ᓇᓗᓁᒃᑯᓯᕐᓯᒪᖕᒪᒍ ᓈᒻᒪᒃᓴᕐᓂᕐᒥᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:19

“ᑍᒫᒡᓕ, ᐊᖓᔪᖅᑳᕐᔪᐊᖅ ᐊᒍᕆᐹ, ᑕᑯᑎᑕᐅᓂᕋ ᒪᓕᑦᓯᐊᓚᐅᕐᐸᕋ ᕿᓚᖕᒥᑦ ᐱᔪᖅ.

ᐃᐱᓯᒥᐅᓄᑦ 2:2

ᑍᑦᓱᒪᓂ ᑍᒫᒃ ᐃᓅᓯᖃᕐᑎᓪᓗᓯ ᓯᓚᕐᔪᐊᕐᒥᐅᑦ ᐃᓕᖅᑯᓯᖏᓐᓂᒃ ᒪᓕᓚᐅᕐᐳᓯ, ᓯᓚᕐᔪᐊᓪᓗ ᐊᐅᓚᑦᓯᔨᖓᓂᒃ ᓈᓚᒃᓗᓯ, ᑕᕝᕙ ᐊᓂᕐᓂᕐᒥᒃ ᒫᓐᓇ ᒎᑎᒥᒃ ᓈᓚᓐᖏᑎᑦᓯᔪᒥᒃ ᐃᓄᖕᓂᒃ.

ᐃᐱᓯᒥᐅᓄᑦ 5:6

ᑭᓇᒃᑯᑐᐃᓐᓇᕐᓄᑦ ᓯᓔᕐᕆᔭᐅᓂᐊᕋᓯ ᐅᖃᐅᓯᕐᓄᑦ ᓱᓕᖏᑦᑐᓄᑦ, ᑍᒤᑦᑐᑦ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᓐᓂᐊᕐᒪᑦ ᑖᑦᓱᒥᖓ ᓈᓚᖏᑦᑐᓄᑦ.

ᐱᓕᐱᒥᐅᓄᑦ 2:12

ᑍᒤᒻᒪᑦ ᓇᒡᓕᒋᔭᒃᑲ, ᑍᒪᓐᖓᑦ ᓈᓚᑦᓯᐊᖃᑦᑕᓚᐅᕋᑦᓯᓐᖓ, ᐃᓕᑦᓯᓐᓄᑦ ᓇᔫᑎᑎᓪᓗᖓᑐᐃᓐᓇᐅᖏᑦᑐᖅ, ᐱᓗᐊᕐᑐᒥᒃᓕ ᐃᓕᑦᓯᓐᓃᖏᑎᓪᓗᖓ, ᐱᐅᓕᔭᐅᓂᒃᓴᓯ ᑍᒪᓐᓇ ᐱᓇᓱᐊᕐᓯᐅᒃ ᐃᓕᕋᓱᒡᓗᓯ ᓴᔪᒃᓗᓯᓗ;

ᑯᓘᓯᐊᒥᐅᓄᑦ 3:6

ᑕᒪᒃᑯᐊ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᑦᓱᒫᕐᒪᑦ ᒎᑎᒥᒃ ᓈᓚᖏᑦᑐᓄᑦ.

ᑍᑑᓯᒧᑦ 1:16

ᒎᑎᒥᒃ ᖃᐅᔨᒪᓂᕋᕋᓗᐊᕐᐳᑦ, ᐱᓂᐊᕐᓂᖏᓪᓕ ᓴᖅᑭᑎᑦᓯᕗᑦ ᓱᓕᖏᓐᓂᕐᒥᖕᓂᒃ; ᐆᒥᓱᒃᑎᐅᕗᑦ ᓈᓚᒍᓐᓇᕋᑎᒡᓗ, ᐱᐅᔪᒥᒡᓗ ᐱᓇᓱᐊᕐᕈᓐᓇᓐᖏᓚᑦ.

ᑍᑑᓯᒧᑦ 3:3

ᓇᖕᒥᓂᕐᑕᐅᖅ ᐅᕙᒍᑦ ᓯᓔᑦᑑᕙᓚᐅᕐᒥᒐᑦᑕ ᓈᓚᐃᓐᓇᕐᐸᒐᑕᓗ, ᑕᒻᒪᕐᓯᒪᓪᓗᑕᓗ, ᐃᒃᖠᒎᕐᓂᕐᓄᑦ ᖃᓄᑐᐃᓐᓇᕐᓄᑦ ᐊᐅᓚᑕᐅᓪᓗᑕ ᓱᓇᑐᐃᓐᓇᕐᓂᒡᓗ ᖁᕕᐊᓲᑎᖃᕐᓗᑕ, ᐃᓅᓯᕗᓪᓗ ᐊᑐᓚᐅᕐᐸᕗᑦ ᐅᒋᐊᓐᖑᓂᕐᒧᑦ ᐊᓐᓂᕈᑦᔨᓂᕐᒧᓪᓗ, ᐊᓯᑦᑎᓐᓂᒃ ᐆᒥᓱᒃᐸᒃᓗᑕ ᐆᒥᒋᔭᐅᕙᒃᓗᑕᓗ ᐊᓯᑦᑎᓐᓄᑦ;

ᐄᑉᕈᐃᓄᑦ 3:12

ᑲᒪᑦᓯᐊᕆᑦᓯ ᐅᒃᐱᖃᑎᒃᑲ, ᓇᓪᓕᓯ ᐃᓱᒪᖃᕐᑍᓕᓕ ᐱᐅᖏᑦᑐᒥᒃ, ᐅᒃᐱᖏᑦᑐᒥᒡᓗ ᒎᑎ ᑐᖁᓱᐃᑦᑐᖅ ᓈᓚᒍᓐᓃᕐᓗᒍ ᐱᔪᒥᒃ.

ᐄᑉᕈᐃᓄᑦ 3:18

ᑭᓇᒃᑯᓐᓄᓪᓗ ᐅᖃᕕᓚᐅᕐᐸ ᑕᕾᕐᓯᕐᕕᐅᖁᔭᒥᓄᑦ ᐃᑎᕐᑐᖃᑦᔮᖏᓐᓂᕅᓪᓗᓂ, ᑖᒃᑯᓄᖓᐅᓐᖏᓛᖅ ᓈᓚᓚᐅᖏᑦᑐᓄᑦ?

ᐄᑉᕈᐃᓄᑦ 4:6

ᑖᒃᑯᐊ ᑐᓴᕐᑎᑕᐅᖅᑳᓚᐅᕐᑐᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐃᑎᖁᔭᐅᓚᐅᓐᖏᓚᑦ ᑕᕾᕐᓯᕐᕕᖕᒧᑦ ᓈᓚᓚᐅᖏᒻᒪᑕ, ᐊᓯᖏᓪᓕ ᓱᓕ ᐃᑎᕐᕕᒃᓴᖃᕐᑎᑕᐅᕗᑦ.

ᐄᑉᕈᐃᓄᑦ 6:11

ᐃᓇᑦᓯᓪᓚᕆᒃᐳᒍᑦ ᐃᓕᑦᓯ ᐊᑐᓂᑦ ᑲᑦᓱᖕᒊᕐᓯᒪᓂᕆᔭᓯ ᑲᔪᓯᑦᓯᐊᖁᓪᓗᒍ ᐃᓱᐊᓄᑦ, ᓂᕆᐅᖕᓂᕆᔭᓯ ᑲᔪᓯᑦᓯᐊᕈᓐᓇᖁᓪᓗᒍ.

ᔮᓱᐊᑉ ᐊᒡᓚᖏᑦ 7:3

ᐅᑎᕋᒥᒃ ᔮᓱᐊᒧᑦ ᐅᖃᕐᐳᑦ, “ᐃᓄᓕᒫᑦ ᐂᔭᕆᐊᖃᓐᖏᓚᑦ ᐅᓇᑕᕆᐊᕐᓗᑎᒃ ᐂᒧᑦ, ᑎᓕᓯᓕᕆᑦ ᐃᒻᒪᖄ 2,000ᓂᒃ ᐅᕝᕙᓗ 3,000ᓂᒃ ᐊᖑᑎᓂᒃ ᐅᓇᑕᕆᐊᖁᓪᓗᒋᑦ ᐂᒥᒃ; ᐅᓇᑕᕐᑐᒃᓴᓕᒫᑦ ᑎᓕᔭᕆᐊᖃᓐᖏᑕᑎᑦ, ᐅᓇᑕᕐᑐᒃᓴᖏᑦ ᐅᓄᖏᒻᒪᑕ.”

ᐲᑦᑐᕉᓯ ᐂᑉᐸᖏᑦ 2:6

ᒎᑎᐅᓪᓗ ᐃᒡᓗᒐᓴᒡᔪᐊᑦ ᓱᑑᒪ ᒍᒨᕋᓗ ᐃᑯᒪᒧᑦ ᓱᒋᐊᕐᓗᒋᑦ ᓄᖑᑕᐅᑎᓚᐅᕐᐰᑦ, ᖃᐅᔨᒪᑦᔪᑕᐅᖁᓪᓗᒋᑦ ᒎᑎᖃᖏᑦᑐᑦ ᑍᒤᑕᐅᔪᒫᕐᓂᖏᓐᓂᒃ;