ᐄᑉᕈᐃᓄᑦ 12:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑎᒥᑦᑎᒍᑦ ᐊᑖᑕᒋᔭᕗᑦ ᓱᒋᐊᕐᑎᒋᕙᓚᐅᕋᑦᑎᒋᑦ ᑍᒤᓕᐅᓚᐅᕐᓂᖏᑦ ᐅᐱᒋᕙᕗᑦ. ᑕᕝᕙᓕ ᐊᓂᕐᓂᒃᑯᑦ ᐊᑖᑕᒋᔭᕗᑦ ᓈᓚᒐᒃᓴᕆᓐᖏᓚᕘᑦ ᐃᓅᖁᓪᓗᑕ?

ᐄᑉᕈᐃᓄᑦ 12:9 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 12:10

ᑖᓐᓇ ᐱᓐᖑᕐᑎᓯᒪᔭᓕᒫᒥ ᐃᓅᓯᖏᓐᓂᒃ ᐊᐅᓚᑦᓯᕗᖅ; ᐊᓂᕐᓂᖃᕐᑐᓕᒫᑦ ᐃᓅᓯᖏᑦ ᑖᑦᓱᒪ ᐱᔪᓐᓇᕐᓂᖓᓃᑉᐳᑦ.

ᒨᓯᓯ ᐂᑉᐸᖏᑦ 20:12

“ᐊᑖᑕᖕᓂᒃ ᐊᓈᓇᖕᓂᒡᓗ ᑲᒪᑦᓯᐊᕐᑐᒃᓴᐅᕗᑎᑦ ᐊᑯᓂ ᐃᓅᖁᓪᓗᑎᑦ ᓄᓇᒥ ᐊᑕᓂᐅᑉ ᒎᑎᕕᑦ ᑐᓂᔭᖓᓂᒃ ᐃᓕᖕᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:17

ᐃᔨ ᐊᑖᑕᒥᓂᒃ ᒥᑕᐅᑎᖃᕐᐸᒃᑐᖅ, ᐊᓈᓇᒥᓂᒡᓗ ᓈᓚᒍᒪᓇᓂ ᓱᐊᖓᕙᒃᑐᖅ, ᑐᓗᒐᕐᓄᑦ ᓇᕐᓴᒦᑦᑐᓄᑦ ᐃᔩᕐᑕᐅᔪᒫᕐᐳᖅ, ᑎᖕᒥᐊᓄᓪᓗ ᑎᒥᕕᓂᕐᑐᕐᑎᓄᑦ ᓂᕆᔭᐅᔪᒫᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:7

ᐳᔪᕐᓗᒡᓗ ᓄᓇᒧᑦ ᐅᑎᕐᐸᑦ ᐃᓂᒋᓚᐅᕐᑕᒥᓄᑦ, ᐊᒻᒪᓗ ᐊᓂᕐᓂᖅ ᐅᑎᕐᐸᑦ ᒎᑎᒧᑦ ᑐᓂᓯᓚᐅᕐᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 38:16

ᐊᑕᓃᖅ, ᑍᒤᑦᑐᒃᑰᕋᓗᐊᕐᓗᑎᒃ ᐃᓄᐃᑦ ᐃᓅᕙᒃᒪᑕ; ᑍᒤᑦᑐᓪᓗ ᑕᒪᕐᒥᒃ ᐊᓂᕐᓂᕐᒪ ᐃᓅᕕᒋᓕᕐᐸᒋᑦ, ᐊᑏ ᐋᖅᑭᒡᓗᖓ ᐃᓅᔪᓐᓇᕐᑎᓚᐅᓐᖓ.

ᐂᓮᐊᓯᐅᑉ ᐊᒡᓚᖏᑦ 42:5

ᒎᑎ ᐊᑕᓂᖅ ᐅᖃᕐᐳᖅ, ᐱᓐᖑᕐᑎᑦᓯᓯᒪᔪᖅ ᕿᓚᖕᒥᒃ ᐃᓯᕕᓪᓗᒋᓪᓗ, ᓯᐊᒻᒪᕐᑎᑦᓯᓚᐅᕐᑐᖅ ᓄᓇᕐᔪᐊᕐᒧᑦ ᑕᕝᕙᓐᖓᑦ ᐱᔪᓂᒃ, ᐃᓄᖕᓂᒃ ᐊᓂᕐᓂᖃᕐᑎᑦᓯᔪᖅ ᑕᕝᕙᓂ ᐃᓂᖃᕐᑐᓂᒃ, ᐊᓂᕐᓂᖃᕐᑎᑦᓯᓪᓗᓂᓗ ᐃᓅᔪᓂᒃ:

ᐂᓮᐊᓯᐅᑉ ᐊᒡᓚᖏᑦ 45:10

ᑲᑉᐱᐊᓐᓇᒦᒃ ᐊᑖᑕᒥᓄᑦ ᐅᖃᕐᑐᖅ, ‘ᓱᖕᒪᑦ ᕿᑐᕐᖓᕐᑖᕋᓱᐊᕐᐱᑦ?’ ᐅᕝᕙᓗ ᐊᓈᓇᒥᓂᒃ ᐅᖃᐅᑦᔨᔪᖅ, ‘ᓱᖕᒪᑦ ᐃᕐᓂᐊᕆᓐᓂᕐᐱᖓ?’”

ᐂᓮᐊᓯᐅᑉ ᐊᒡᓚᖏᑦ 57:16

ᐸᓯᒃᓯᓂᐊᓐᖏᓚᖓ ᑕᐅᕗᖓᓕᒫᖅ, ᓂᓐᖓᐅᒤᓐᓇᕐᓂᐊᕐᓇᖓᓗ; ᐃᓅᑉ ᐊᓂᕐᓂᖓ ᓵᓐᓂ ᐊᔪᓕᖁᓇᒍ, ᑕᕐᓂᖏᓪᓗ ᓴᓇᓚᐅᕋᒃᑭᑦ.

ᐃᓯᑭᐊᓕᐅᑉ ᐊᒡᓚᖏᑦ 22:7

ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᐅᐱᒍᓱᒃᑐᖃᓐᖏᓚᑦ ᓄᓇᑦᓯᓐᓂ; ᓄᓇᓕᑐᖃᐅᖏᑦᑐᑦ ᓯᓔᕐᕆᔭᐅᓪᓗᑎᒃ ᑎᒡᓕᒐᕐᕕᐅᕗᑦ ᑮᓇᐅᔭᓂᒃ; ᐃᓕᐊᕐᔪᐃᑦ ᐅᐃᒡᒐᕐᓃᓪᓗ ᐃᓖᔭᕆᔭᐅᖃᑦᑕᕐᐳᑦ ᓄᓇᑦᓯᓐᓂ.

ᒨᓯᓯ ᐱᖓᔪᖏᑦ 19:3

ᑕᒪᑦᓯ ᐊᑐᓂᑦ ᐊᓈᓇᓯ ᐊᑖᑕᓯᓗ ᐅᐱᒋᑦᓯᐊᕆᐊᖃᕐᐸᓯ, ᓴᐸᑎᓗ ᑲᒪᒋᑦᓯᐊᕐᓗᒍ ᑍᒫᒃ ᐱᖁᔨᓯᒪᒐᒪ, ᐅᕙᖓ ᐊᑕᓂᐅᒐᒪ ᒎᑎᓯ.

ᓴᑲᕅᐊᐅᑉ ᐊᒡᓚᖏᑦ 12:1

ᐊᑕᓂᐅᑉ ᐅᖃᐅᓯᖓ ᐃᓴᕆᐊᓕᒥᐅᑦ ᐱᓪᓗᒋᑦ, ᐊᑕᓂᖅ ᕿᓚᓕᒫᒥᒃ ᓈᓯᓯᒪᔪᖅ, ᓄᓇᕐᔪᐊᒥᒡᓗ ᑐᓐᖓᕕᓕᐅᓚᐅᕐᑐᖅ, ᐃᓄᖕᒥᒡᓗ ᐊᓂᕐᓂᕐᑖᕐᑎᑦᓯᓚᐅᕐᑐᖅ, ᐃᒫᒃ ᐅᖃᕐᐳᖅ:

ᒪᓚᑬᑉ ᐊᒡᓚᖏᑦ 1:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᓄᑦ, “ᐃᕐᓂᐅᑉ ᐊᑖᑕᓂ ᐅᐱᒋᕚ, ᐱᔨᐅᓪᓗ ᐊᖓᔪᖅᑳᓂ, ᐊᑖᑕᐅᒍᒪᓕ, ᓇᐅᒡᓕ ᐅᐱᒋᔭᐅᓂᕋ? ᐊᖓᔪᖅᑳᖑᒍᒪᓗ ᓇᐅᒡᓕ ᐃᓕᕋᒋᔭᐅᓂᕋ? ᑐᓂᕐᕈᓯᕐᑎᑦᓯᔩᑦ ᐊᑎᓐᓂᒃ ᓇᕐᕈᔪᓯ. ᐅᖃᕐᐳᓯ, ‘ᖃᓄᖅ ᐊᑎᕐᓂᒃ ᓇᕐᕈᓚᐅᕐᐱᑖ?’

ᒨᓯᓯ ᓯᑕᒪᖏᑦ 16:22

ᑖᒃᑯᐊᒃ ᐹᒻᒪᒃᓗᑎᒃ ᓄᓇᒧᑦ ᑐᓪᓗᑎᒃ ᐅᖃᕐᐳᑦ, “ᒎᑎ, ᒎᑎᐅᔪᑎᑦ ᑎᒥᖃᕐᑐᑦ ᐊᓂᕐᓂᖏᓐᓄᑦ, ᐃᓄᒃ ᐊᑕᐅᓯᖅ ᐱᐅᖏᑦᑐᓕᒃᐸᑦ, ᐃᓄᒋᐊᒃᑐᕐᔪᐊᓕᒫᑦ ᓂᓐᖓᐅᑎᔭᕆᐊᖃᕐᐱᒌᑦ?”

ᒨᓯᓯ ᓯᑕᒪᖏᑦ 27:16

“ᐊᑕᓂᖅ, ᒎᑎ ᐃᓅᔪᓕᒫᑦ ᐊᓂᕐᓂᖃᕐᕕᖏᔭᖓᑦ, ᐃᓄᖕᒥᒃ ᐃᓂᒋᓂᐊᕐᑕᖓᓄᑦ ᐃᓕᓯᓚᐅᕐᓕ ᐃᓄᒋᐊᒃᑐᕐᔪᐊᓄᑦ ᖁᓪᓕᕐᐸᐅᓂᐊᕐᑐᒥᒃ,

ᓘᑲᓯᐅᑉ ᐊᒡᓚᖏᑦ 18:2

ᐅᖃᐅᑎᕔᑦ, “ᓄᓇᓕᖕᓂ ᐃᖅᑲᕐᑐᐃᔨᑕᖃᓚᐅᕐᐳᖅ ᒎᑎᒥᒃ ᓯᕘᕋᖏᑦᑐᒥᒃ, ᐃᓄᖕᓂᒡᓗ ᐃᓕᕋᓱᒐᓂ.

ᓘᑲᓯᐅᑉ ᐊᒡᓚᖏᑦ 18:4

ᐃᖅᑲᕐᑐᐃᔨ ᐊᑯᓂ ᐅᐸᓚᐅᓐᖏᓚᖅ; ᑭᖑᓂᖓᒍᓪᓕ ᐃᓱᒪᓕᕐᐳᖅ, ‘ᒎᑎᒥᒃ ᓯᕘᕋᖏᒃᑲᓗᐊᕐᐳᖓ ᐃᓄᖕᓂᒡᓗ ᐃᓕᕋᓱᖕᓇᖓ.

ᔪᐊᓇᓯᐅᑉ ᐊᒡᓚᖏᑦ 3:6

ᑎᒥᒥᑦ ᐃᕐᓂᐊᖑᔪᖅ ᐃᓄᑐᐃᓐᓇᐅᕗᖅ ᑎᒥᖃᕐᓗᓂ, ᐊᓂᕐᓂᕐᒥᓪᓕ ᐃᕐᓂᐊᖑᔪᖅ ᐊᓂᕐᓂᒃᑯᑦ ᐃᓅᓕᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 2:30

ᑍᕕᑎ ᓇᓚᐅᑦᑍᔪᖁᑎᒋᓚᐅᕐᒪᒍ, ᖃᐅᔨᒪᓚᐅᕐᐳᖅ ᒎᑎᐅᑉ ᐊᖏᒻᒪᕆᒍᑎᒋᔭᒥᓂᒃ ᐅᖃᕕᒃᕕᒋᓚᐅᕐᒪᒍ; ᑭᖑᕚᖓᑕ ᐃᓚᖓᓐᓂᒃ ᐊᖓᔪᖅᑳᕐᔪᐊᓐᖑᕐᑎᑦᓯᓂᐊᕐᓂᕋᕐᓗᓂ ᑍᕕᑎᑐᑦ.

ᕉᒪᒥᐅᓄᑦ 1:3

ᑐᓴᕈᒥᓇᕐᑐᑦ ᐅᖃᐅᓯᖃᕐᒪᑕ ᐃᕐᓂᖓᓂᒃ, ᐃᓄᒃᑐᑦ ᑎᒥᖃᕐᓂᕐᒥᒍᑦ ᑍᕕᑎᐅᑉ ᑭᖑᕚᕆᓚᐅᕐᐹ,

ᕉᒪᒥᐅᓄᑦ 9:3

ᓇᖕᒥᓂᖅ ᐊᒡᓛᑦ ᓇᕐᕈᓇᕐᓯᑎᑕᐅᔪᒪᒐᔭᕐᐳᖓ ᙭ᔅᑑᓯᒥᓪᓘᓐᓃᑦ ᐊᕕᑎᑕᐅᖔᕐᓗᖓ ᐃᓅᖃᑎᒃᑲ ᐱᑦᔪᑎᒋᓪᓗᒋᑦ, ᔫᑎᐅᖃᑎᒃᑲ ᑎᒥᒃᑯᑦ ᐃᓚᒋᔭᒃᑲ.

ᕉᒪᒥᐅᓄᑦ 9:5

ᑭᖑᕚᕆᔭᐅᕗᑦ ᐱᒋᐊᕐᕕᐅᓚᐅᕐᑐᓄᑦ ᓯᕗᓕᕕᓂᑦᑎᓐᓄᑦ, ᔫᑎᐅᓪᓗᑎᒡᓗ, ᙭ᔅᑑᓯᐅᑉ ᑎᒥᑖᕐᓂᖓᓄᑦ ᐃᓅᖃᑎᒋᔭᐅᕗᑦ. ᑖᓐᓇ ᒎᑎᐅᔪᖅ ᑕᒤᓐᓄᑦ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ. ᐋᒥᓐ.

ᒨᓯᓯ ᑕᓪᓕᒪᖏᑦ 27:16

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᐅᐱᓐᓇᕈᓐᓃᕐᑎᑦᓯᔪᖅ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᔧᒥᓯᐅᑉ ᐊᒡᓚᖏᑦ 4:10

ᐊᑕᓂᕐᒧᑦ ᒥᑭᒡᓕᑎᕆᑦᓯ ᑖᑦᓱᒪ ᑕᕝᕙ ᒪᑭᑎᓐᓂᐊᕐᐹᓯ.

ᔧᒥᓯᐅᑉ ᐊᒡᓚᖏᑦ 4:7

ᑍᒤᒻᒪᑦ, ᒎᑎᒧᑦ ᑐᓂᒻᒪᕆᓕᕆᑦᓯ. ᓵᑖᓇᓯ ᐊᑭᕋᕐᑐᕐᓯᐅᒃ ᑖᑦᓱᒪ ᑕᕝᕙ ᕿᒫᓂᐊᕐᐹᓯ.

ᐲᑦᑐᕉᓯ ᓯᕗᓪᓖᑦ 5:6

ᑍᒤᒻᒪᑦ, ᐃᓕᑦᓯᓐᓂᒃ ᒥᑭᒡᓕᑎᕆᑦᓯ ᒎᑎᐅᑉ ᐱᔪᓐᓇᕐᑐᕐᔪᐊᑉ ᐊᒡᒐᖏᓐᓄᑦ, ᑖᑦᓱᒪ ᑕᕝᕙ ᐊᖏᔪᕈᕐᑎᑦᓱᒫᕐᐹᓯ ᐱᕕᒃᓴᕆᔪᒪᔭᒥᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:6

ᐂᖏᓕᐅᓪᓗ ᐅᖃᐅᑎᕚᖓ, “ᐅᖃᐅᓰᑦ ᑕᒪᒃᑯᐊ ᓱᓕᕗᑦ ᐅᒃᐱᕆᔭᒃᓴᐅᓪᓗᑎᒡᓗ. ᐊᑕᓂᕐᓗ, ᒎᑎ ᐊᓂᕐᓂᕐᒥᓂᒃ ᑐᓂᓯᓚᐅᕐᑐᖅ ᓇᓚᐅᑦᑍᔪᖁᑎᒥᓄᑦ, ᐂᖏᓕᖁᑎᒥᓂᒃ ᑎᓕᓯᕗᖅ ᐱᔨᖓᓂᒃ ᖃᐅᔨᑎᑦᓯᖁᓪᓗᒍ ᓇᓪᓕᐅᑎᓂᐊᓕᕐᑐᓂᒃ ᐊᑯᓂᐅᖏᑦᑐᖅ.”