29 ᒎᑎᕗᑦ ᐃᑯᒪᐅᖕᒪᑦ ᓄᖒᑦᓯᔪᕐᔪᐊᖅ.
ᐊᑕᓂᖅ ᒎᑎᓯ ᐃᑯᒪᑎᑐᑦ ᐃᑯᐊᓚᔪᑎᑐᑦ ᑍᒤᒻᒪᑦ; ᐊᓯᒥᓂᒃ ᒎᑎᖃᖁᔨᖏᒻᒪᕆᒃᑐᖅ.
ᒫᓐᓇᓕ ᓇᖕᒥᓂᖅ ᑕᑯᓂᐊᕐᐳᓯ ᐊᑕᓂᐅᑉ ᒎᑎᑦᓯ ᓯᕗᓪᓕᐅᓗᓂ ᐃᑯᒪᑎᑐᑦ ᑬᕙᑦᑐᐊᓗᒃᑎᑐᑦ ᐱᓕᕆᓂᖓᓂᒃ. ᑖᒃᑯᐊᓗ ᓵᓚᒋᓂᐊᕐᐰᑦ ᐃᓕᑦᓯ ᑕᒪᐅᓐᖓᕈᓐᓇᕐᓯᖁᓪᓗᓯ, ᑖᒃᑯᓂᖓ ᐊᓂᑎᑦᓯᔪᓐᓇᕐᓯᖁᓪᓗᓯ ᓄᖒᑦᓯᖁᓪᓗᓯᓗ ᐊᑯᓂᐅᖏᑦᑐᖅ, ᑍᒤᑦᑐᓐᓇᖁᓪᓗᓯ ᑕᒪᑐᒥᖓ ᐊᖏᕐᕕᒋᓯᒪᖕᒪᓯ.
ᓯᕘᕋᓇᕐᑐᕐᔪᐊᒥᒡᓕ ᓯᕗᓂᒃᓴᖃᓕᕐᐳᒍᑦ ᐃᖅᑲᕐᑐᕐᑕᐅᕕᖕᒥᒃ, ᐃᑯᒪᒥᒡᓗ ᑲᑉᐱᐊᓇᕐᑐᕐᔪᐊᒥᒃ ᐊᓯᕈᐃᓂᐊᕐᑐᒥᒃ ᐊᑭᕋᕐᑐᕐᑐᓂᒃ.
ᐃᑯᒪᒧᑦ ᐃᑯᐊᓚᔪᒧᑦ, ᓱᒋᐊᕈᒫᕐᐰᑦ ᒎᑎᒥᒃ ᖃᐅᔨᒪᖏᑦᑐᑦ ᐅᖃᐅᓯᕐᓂᒡᓗ ᑐᓴᕈᒥᓇᕐᑐᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ ᓈᓚᓚᐅᖏᑦᑐᑦ.
“ᑕᑯᒋᑦᓯ, ᐊᑕᓂᖅ ᑎᑭᑦᓱᒫᕐᐳᖅ ᐃᑯᐊᓚᔪᒦᓪᓗᓂ, ᕿᒧᒃᓯᐅᑎᖁᑎᖏᓪᓗ ᐊᒃᓴᓗᐊᓕᖕᓂᒃ ᐅᓂᐊᕐᑐᑦ ᐅᓚᓗᔨᕋᕐᑐᑎᑐᑦ ᑍᒤᑦᓱᒫᕐᐳᑦ, ᐊᑭᓖᔭᕐᑐᕐᓗᓂ ᓂᓐᖓᕕᒡᔪᐊᕐᓯᒪᓂᕐᒧᑦ, ᑖᑦᓱᒪᓗ ᓱᐊᖕᓂᖓ ᐃᑯᒪᐅᓗᓂ ᐃᑯᐊᓚᔪᖅ.
ᐊᑕᓂᐅᓪᓕ ᓂᕐᑐᕐᓇᕐᓂᕐᔪᐊᖓᑕ ᓴᖅᑭᔮᕐᓂᖓ ᐃᑯᐊᓚᔪᑎᑐᑦ ᑍᒤᓚᐅᕐᐳᖅ ᖃᖅᑲᐅᑉ ᖄᖓᓂ ᐃᓄᐃᑦ ᐃᓴᕆᐊᓕᒥᐅᑦ ᑕᑯᓐᓇᕐᑕᖏᑎᒍᑦ.
“ᑕᑯᓐᓈᕐᑎᓪᓗᖓ, ᐃᒃᓯᕙᐅᑕᕐᔪᐃᑦ ᐃᓂᖏᓐᓄᑦ ᐃᓕᔭᐅᕗᑦ, ᑍᒪᖓᑐᖃᕐᓗ ᐃᓅᖏᓐᓇᕐᑐᖅ ᐃᒃᓯᕙᐅᑕᕐᔪᐊᒥᓄᑦ ᐃᖏᑉᐳᖅ, ᐊᓐᓄᕌᖏᑦ ᐊᐳᑎᑐᑦ ᖃᑯᕐᑎᒋᕗᑦ; ᓄᔭᖏᓪᓗ ᓰᐱᐅᑉ ᒥᖅᑯᖏᑎᑐᑦ ᖃᑯᕐᑎᒋᕗᑦ, ᐃᒃᓯᕙᐅᑕᕐᔪᐊᖓ ᐃᑯᐊᓚᕗᖅ, ᐊᒃᓴᓗᐊᖏᑦ ᐃᑯᒪᐅᓪᓗᑎᒃ.
ᑖᑦᓱᒪ ᐃᑯᒪ ᓯᕗᓕᕆᕚ, ᐃᑯᐊᓪᓔᓪᓗᓂᓗ ᐊᑭᕋᕐᑐᕐᑎᖏᓐᓂᒃ ᑕᒫᓃᑦᑐᓂᒃ.
ᒎᑎᕗᑦ ᕾᔪᒫᕐᐳᖅ, ᓂᐰᑦᑑᓂᐊᕋᓂᓗ; ᐃᑯᒪ ᓄᖒᑦᓯᔪᕐᔪᐊᖅ ᓵᖓᓃᑦᓱᒫᕐᐳᖅ, ᐊᕙᑖᓂᓗ ᓯᓚᕐᓂᕐᓗᒡᔪᐊᖃᕈᒫᕐᐳᖅ.
ᐃᑯᒪᓗ ᐊᖅᑲᕐᐳᖅ ᐊᑕᓂᕐᒥᑦ ᓄᖑᓪᓗᒋᓪᓗ 250 ᐊᖑᑎᑦ ᐃᓯᕐᓗᐊᕐᓂᑎᑦᓯᓪᓗᑎᒃ ᑐᓂᕐᕈᓯᕐᑐᑦ.
ᐃᓄᒋᐊᒃᑐᕐᔪᐊᓪᓕ ᐅᖁᒤᒃᓴᕐᓂᕐᒥᒃ ᓈᒻᒪᒃᓴᕋᑎᒃ ᓂᓪᓕᐊᓕᕐᒪᑕ, ᐊᑕᓂᖅ ᖁᕕᐊᓱᓚᐅᓐᖏᓚᖅ; ᐊᑕᓂᐅᑉ ᑐᓵᓚᐅᕐᒪᒋᑦ ᓂᓐᖓᐅᒪᓂᖓᓗ ᐊᐅᓚᑦᔭᒃᑕᐅᓚᐅᕐᐳᖅ. ᑍᒤᒻᒪᑦ ᐊᑕᓂᐅᑉ ᐃᑯᒪᖓ ᐃᑯᐊᓚᓚᐅᕐᐳᖅ ᐊᑯᓐᓂᖓᓐᓂ, ᑕᖕᒫᕐᓯᒪᕕᐅᓪᓗ ᓯᓚᑖᓂ ᐃᑯᐊᓪᓚᓚᐅᕐᐳᖅ.
ᐱᔪᓐᓇᕐᓂᕐᔪᐊᕕᓪᓗ ᐊᔪᖏᓂᖓᓄᑦ ᐊᑭᕋᕐᑐᕐᑎᑎᑦ ᓵᓚᒋᕙᑎᑦ; ᓂᓐᖓᐅᒪᓂᕐᓂᒡᓗ ᓴᖅᑭᑎᑦᓯᕕᒋᒐᕕᒋᑦ, ᐃᕕᒐᕐᑎᑐᑦ ᐃᑯᐊᓪᓚᒃᑕᐅᔪᑎᑐᑦ ᑍᒤᑉᐳᑦ.
ᐳᔪᕐᒥᒃ ᓱᕐᓗᖓᓂᑦ ᓄᐃᔪᖃᓚᐅᕐᐳᖅ, ᐃᑯᒪᒥᒃ ᐃᑯᐊᓪᓚᒃᑎᑦᓯᔪᒥᒃ ᐃᑯᒪᔪᓪᓗ ᐊᐅᒫᓗᐃᑦ ᐊᓂᓚᐅᕐᐳᑦ ᖃᓂᖓᓂᑦ.
ᐊᔪᕐᑐᓕᔪᑦ ᓮᐅᓂᒦᑦᑐᑦ ᑲᑉᐱᐊᓱᓕᕐᐳᑦ; ᒎᑎᖃᖏᑦᑐᓪᓗ ᓴᔪᓕᕐᓗᑎᒃ; ᓇᓕᕐᐳᑦ ᐃᓅᔪᓐᓇᕐᐹ ᐃᑯᐊᓚᔪᒥ ᓄᖒᑦᓯᔪᒥ? ᓇᓕᕐᐳᓪᓗ ᐃᓂᖃᕈᓐᓇᕐᐹ ᐃᓱᖃᖏᑦᑐᒧᑦ ᐃᑯᐊᓚᔪᒥ?
ᓇᑎᕐᓇᔮᓪᓗ ᐃᕕᒃᓱᒑᖃᐅᑦᓯᐊᕐᑐᑦ ᑭᓱᒃᓴᐅᔪᓐᓃᕐᑎᑕᐅᓯᒪᕗᑦ, ᐊᑕᓂᐅᑉ ᓂᓐᖓᕕᒡᔪᐊᕐᓯᒪᓂᕐᒥᓄᑦ ᐱᓇᓱᐊᕐᕕᒋᒪᒋᑦ.
ᓯᖕᓇᓂᕐᒧᑦ ᓂᓐᖓᕕᒡᔪᐊᓛᕐᓂᕋ ᓇᓗᓁᕐᐸᕋ, ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐃᓴᕆᐊᓕᒥᐅᑦ ᓄᓇᖓᓂ ᓴᔪᒃᐱᓗᒡᔪᐊᕐᑐᖃᕈᒫᕐᐳᖅ.
ᑍᒤᒻᒪᑦ ᐊᑕᓂᕐᒥᒃ ᓯᕘᕋᒋᔭᖃᕐᓂᕐᒥᒃ ᖃᐅᔨᒪᒐᑦᑕ, ᐃᓄᐃᑦ ᐃᓇᓐᓇᓱᐊᕐᐸᕗᑦ; ᒎᑎᐅᓪᓕ ᖃᐅᔨᒪᕚᑎᒍᑦ, ᐃᓕᑦᓯᓐᓄᓪᓕᑦᑕᐅᖅ ᖃᐅᔨᔭᐅᓂᐊᕐᑐᒃᓴᐅᒐᓗᐊᕐᐳᒍᑦ.
ᐃᓕᑦᓯᓕ ᐊᒃᓱᕈᕐᓇᕐᑐᑰᕐᑎᑕᐅᓂᓯᓂᒃ ᐊᓂᒍᐃᑎᑕᐅᓂᐊᕐᐳᓯ ᐅᕙᒍᓪᓗᑕᐅᖅ, ᑕᒪᑐᒥᖓ ᐱᓇᓱᐊᕈᒫᕐᐳᖅ ᐊᑕᓂᖅ ᔩᓱᓯᐅᑉ ᓴᖅᑭᑉᕕᖓᓂ ᕿᓚᖕᒥᑦ ᐂᖏᓕᖁᑎᓂ ᐱᔪᓐᓇᕐᑐᕐᔪᐊᑦ ᐃᓚᒋᓗᒋᑦ.
ᑲᑉᐱᐊᓇᕐᑐᐊᓘᕗᖅ ᒎᑎᐅᑉ ᑐᖁᓱᐃᑦᑑᑉ ᐊᒡᒐᖏᓐᓄᑦ ᐅᕐᕈᓗᓂ.
ᐅᖃᐅᓯᕐᒧᑦ ᓱᓕ ᑖᑦᓱᒧᖓᑦᓮᓐᓇᖅ ᕿᓚᒡᓗ ᓄᓇᕐᔪᐊᕐᓗ ᒫᓐᓇ ᓴᖅᑭᔮᕐᑑᒃ ᐃᑯᐊᓪᓚᒃᑐᒃᓴᓕᐊᕆᔭᐅᓯᒪᕘᒃ, ᐅᓪᓗᒧᑦ ᐅᑕᖅᑭᑎᑕᐅᓪᓗᑎᒃ ᐃᖅᑲᕐᑐᕐᑕᐅᕕᖕᒧᑦ ᒎᑎᖃᖏᑦᑐᓪᓗ ᓄᖑᑎᑕᐅᓂᕆᓚᕐᑕᖓᓐᓄᑦ.
