ᐄᑉᕈᐃᓄᑦ 12:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐅᓇ ᐅᖃᐅᓯᖅ, “ᓱᓕ ᐊᑕᐅᓯᐊᕐᓗᖓ,” ᓇᓗᓇᖏᑦᑐᒥᒃ ᓴᖅᑭᑎᑦᓯᕗᖅ ᐱᓐᖑᕐᑎᑕᐅᓯᒪᔪᑦ ᐊᐅᓚᑎᑕᐅᓂᐊᕐᒪᑕ ᐲᕐᑕᐅᓗᑎᒡᓗ, ᑖᒃᑯᐊ ᐊᐅᓚᑎᑕᐅᔪᓐᓇᖏᑦᑐᑦ ᑍᒤᓕᖕᒊᓐᓇᓕᖁᓪᓗᒋᑦ.

ᐄᑉᕈᐃᓄᑦ 12:27 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 34:4

ᕿᓚᖕᒥ ᑕᑯᒃᓴᐅᔪᓕᒫᑦ ᐊᐅᒍᒫᕐᐳᑦ, ᕿᓚᒡᓗ ᐃᒧᔭᐅᔪᒫᕐᐳᖅ ᐰᑉᐹᖁᑎᑎᑐᑦ ᐃᒧᔫᑎᑐᑦ, ᐅᓪᓗᕆᐊᓕᒫᓪᓗ ᑲᑕᒐᕈᒫᕐᐳᑦ, ᓇᐹᕐᑑᑉ ᕔᓂᒃᓴᓂᒃ ᐸᐅᕐᖓᓕᐅᑉ ᐸᐅᕐᖓᖏᑕ ᑲᑕᒐᕐᓂᖏᑎᑐᑦ, ᓇᐹᕐᑑᓪᓗ ᐱᒋᓕᒃᓴᐅᑉ ᐅᖃᐅᔭᖏᑕ ᑲᑕᒐᕐᓂᖏᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 54:10

ᖃᖅᑳᓗᐃᑦ ᐱᑕᖃᕈᓐᓃᕈᒫᕐᐳᑦ ᐱᖑᐃᓪᓗ ᐲᔭᕐᑕᐅᔪᒫᕐᓗᑎᒃ, ᓇᒡᓕᒍᓱᖕᓂᕋᓕ ᓱᖁᓯᔪᐃᑦᑐᖅ ᐃᓕᑦᓯᓐᓂᒃ ᕿᒤᓂᐊᓐᖏᓚᖅ, ᓮᒻᒪᕐᑎᑦᓯᓂᕋᓗ ᐊᖏᖃᑎᒌᒍᑎᒐ ᐲᕐᑕᐅᓂᐊᖏᓐᓂᕗᖅ, ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᓇᒡᓕᒍᓱᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 65:17

“ᑕᑯᒋᑦ, ᐱᓐᖑᕐᑎᑦᓯᔪᒫᕐᐳᖓ ᕿᓚᖕᒥᒃ ᓄᑖᒥᒃ, ᓄᓇᒥᒡᓗ ᓄᑖᒥᒃ, ᐱᑐᕾᑦ ᐃᖅᑲᐅᒪᔭᐅᔪᒫᓐᖏᓚᑦ ᐃᓱᒪᓇᕈᓐᓃᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 66:22

“ᓲᕐᓗ ᕿᓚᒃ ᓄᑖᖅ ᓄᓇᕐᔪᐊᕐᓗ ᓄᑖᖅ ᓴᓇᔪᒫᕐᑕᒃᑲ ᑍᒤᓕᖎᓐᓇᕈᒫᕐᒪᑕ ᓵᓐᓂ, ᐊᑕᓂᖅ ᐅᖃᕐᐳᖅ; ᑍᒫᒃᑕᐅᖅ ᐊᑎᕐᓯ ᑭᖑᕚᓯᓗ ᑍᒤᓕᖎᓐᓇᕈᒫᕆᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 21:27

ᐊᓯᕈᕐᐳᑦ, ᐊᓯᕈᕐᐳᑦ, ᐊᓯᕈᕐᑕᐅᑎᓐᓂᐊᕐᐸᒃᑲ; ᑕᒪᓐᓇ ᓇᓪᓕᐅᑎᓂᐊᓐᖏᓚᖅ ᑍᒤᓕᐅᕈᓐᓇᕐᑐᖅ ᑎᑭᓚᐅᖏᓐᓂᖓᓂ; ᑖᑦᓱᒧᖓ ᑕᒪᓐᓇ ᑐᓂᔪᒫᕐᐸᕋ.”

ᕼᐊᒊᑉ ᐊᒡᓚᖏᑦ 2:21

“ᔨᕈᐸᐱᐅᓪ ᐅᖃᐅᑎᒍᒃ, ᐊᐅᓚᑦᓯᔨᐅᔪᖅ ᔫᑕᒧᑦ ᐅᖃᕐᓗᑎᑦ, ᕿᓚᒡᓗ ᓄᓇᕐᔪᐊᕐᓗ ᓴᔪᒃᑎᓐᓂᐊᓕᕋᒃᑭᒃ,

ᒫᑎᐅᓯᐅᑉ ᐊᒡᓚᖏᑦ 24:35

ᕿᓚᒡᓗ ᓄᓇᓗ ᓄᖑᔪᒫᕐᐴᒃ; ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᕉᒪᒥᐅᓄᑦ 8:19

ᐱᓐᖑᕐᑎᑕᐅᓯᒪᔪᓪᓕ ᐅᑕᖅᑭᕗᑦ ᕿᓚᓈᕐᓗᑎᒃ ᒎᑎᐅᑉ ᕿᑐᕐᖓᖏᑕ ᓇᓗᓁᕐᑕᐅᓂᒃᓴᖏᓐᓂᒃ;

ᕉᒪᒥᐅᓄᑦ 8:21

ᐱᓐᖑᕐᑎᓯᒪᔪᑦ ᕿᓚᕈᑦᔮᕐᑕᐅᔪᒫᕐᒪᑕ ᐊᔪᓕᕐᕕᒋᓯᒪᔭᒥᖕᓂᑦ ᓄᖑᔪᒫᕐᑐᒥᑦ ᐱᑎᑕᐅᓪᓗᑎᒡᓗ ᓂᕐᑐᕐᓇᕐᑐᕐᔪᐊᒧᑦ ᒎᑎᐅᑉ ᕿᑐᕐᖓᖏᑕ ᕿᓚᕈᑦᔮᕐᑕᐅᓯᒪᓂᖓᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:31

ᓯᓚᕐᔪᐊᕐᒥᐅᓪᓗ ᐱᒋᔭᖏᓐᓂᒃ ᐱᓇᓱᐊᕈᑎᖃᕐᑐᑦ ᑕᒪᒃᑯᓄᖓ ᐱᓇᓱᐊᖏᑦᑐᑎᑐᑦ ᑍᒤᓕᕐᓕᑦ. ᓯᓚᕐᔪᐊᑉ ᒫᓐᓇ ᐱᐅᓯᖓ ᐊᓂᒍᕐᐸᓪᓕᐊᓕᕐᒪᑦ.

ᐄᑉᕈᐃᓄᑦ 1:10

ᓱᓕᓗ ᐅᖃᓚᐅᕆᕗᖅ, “ᐃᕝᕕᑦ, ᐊᑕᓃᖅ, ᐱᒋᐊᕐᓂᖓᓂᑦ ᓄᓇᕐᔪᐊᖅ ᐱᓐᖑᕐᑎᓚᐅᕐᐸᑦ, ᕿᓔᓪᓗ ᐊᒡᒐᖕᓄᑦ ᓴᓇᓚᐅᕐᐸᑎᑦ.

ᐄᑉᕈᐃᓄᑦ 13:14

ᒫᓂ ᐃᒡᓗᒐᓴᖃᖏᓐᓇᑦᑕ ᐱᒌᓐᓇᕐᓂᐊᕐᑕᑦᑎᓐᓂᒃ, ᐃᒡᓗᒐᓴᒡᔪᐊᓂᒡᓕ ᓯᕗᓂᑦᑎᓐᓂ ᓂᕆᐅᒋᔭᖃᕐᐳᒍᑦ.

ᐄᑉᕈᐃᓄᑦ 9:11

᙭ᔅᑑᓯᓕ ᑎᑭᑦᑕᕇᕐᓯᒪᕗᖅ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᓪᓗᓂ ᓈᒻᒪᑦᓯᐊᕐᑐᒥᒃ ᐱᐅᓯᐅᔭᕆᐊᖃᕐᑐᑦ ᑎᑭᐅᑎᓪᓗᓂᒋᑦ ᑐᐱᐅᓕᕐᐳᖅ ᐱᓇᓱᐊᕐᓂᖓ ᓈᒻᒪᖕᓂᕐᓴᐅᓪᓗᓂ ᐋᖅᑭᑦᓯᐊᕐᓯᒪᓂᕐᓴᐅᕗᖅ ᑐᐱᐅᓂᖓ ᑖᓐᓇ ᐃᓄᖕᒧᑦ ᓴᓇᔭᐅᓯᒪᓐᖏᓚᖅ, ᐃᒫᒃ, ᑕᒫᓃᑦᑐᓄᑦ ᐊᑦᔨᒋᔭᐅᓐᖏᓚᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:1

ᑕᕝᕙ ᑕᑯᒋᕗᖓ ᕿᓚᖕᒥᒃ ᓄᑖᒥᒃ ᓄᓇᒥᒡᓗ ᓄᑖᒥᒃ; ᕿᓚᒃ ᓯᕗᓪᓕᖅ ᓄᓇᓗ ᓯᕗᓪᓕᖅ ᑕᒪᕐᒥᒃ ᐱᑕᖃᕈᓐᓃᕐᐳᒃ, ᐃᒪᕐᔪᐊᕐᓗ ᐱᑕᖃᕈᓐᓃᕆᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:4

ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ, ᑐᖁᖃᑦᑕᕐᓂᐊᕈᓐᓃᕐᐳᑦ, ᕿᒃᓵᖃᑦᑕᕈᓐᓃᕐᓗᑎᒃᓗ ᕿᐊᔪᖃᕐᓂᐊᕈᓐᓃᕐᐳᖅ, ᐋᓐᓂᐊᔪᖃᕐᓂᐊᕈᓐᓃᕐᓗᓂᓗ, ᐱᑐᕾᑦ ᓄᖑᒻᒪᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:5

ᐃᒃᓯᕙᐅᑕᕐᔪᐊᕐᒥᓗ ᐃᒃᓯᕙᔪᖅ ᐅᖃᕐᐳᖅ, “ᑕᑯᒋᑦ ᓱᓇᓕᒫᓂᒃ ᓄᑖᓐᖑᕐᑎᑦᓯᕗᖓ.” ᐅᖃᒃᑲᓐᓂᕐᐳᕐᓗ, “ᐅᑯᐊ ᑎᑎᕋᒃᑭᑦ, ᐅᖃᐅᓰᑦ ᑖᒃᑯᐊ ᐅᒃᐱᕆᔭᒃᓴᐅᕗᑦ ᓱᓕᓪᓗᑎᒡᓗ.”