ᐄᑉᕈᐃᓄᑦ 11:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᐅᔭᖅᑲᓄᑦ ᒥᓪᓗᕐᑕᐅᓚᐅᕐᐳᑦ, ᑭᓪᓘᑎᓄᓪᓗ ᑭᓪᓗᕐᑕᐅᓚᐅᕐᐳᑦ ᒪᕐᕉᓕᔭᐅᓪᓗᑎᒃ, ᓴᕕᒡᔪᐊᒧᓪᓗ ᑐᖁᑕᐅᓚᐅᕐᐳᑦ; ᓇᒧᑐᐃᓐᓈᕐᑎᑕᐅᓚᐅᕐᐳᑦ ᓰᐲᑦ ᒎᑦᓰᓪᓗ ᐊᒥᖏᓐᓂᒃ ᐊᓐᓄᕌᕐᑎᑕᐅᓪᓗᑎᒃ, ᐊᔪᕐᓴᕐᓗᑎᒃ ᐊᑭᕋᕐᑐᕐᑕᐅᓪᓗᑎᒃ, ᐱᑦᓯᐊᕐᑕᐅᓇᑎᒡᓗ;

ᐄᑉᕈᐃᓄᑦ 11:37 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 24:21

ᑖᑦᓱᒥᖓᓕ ᐊᑭᕋᕐᑐᓕᕐᐳᑦ, ᐊᖓᔪᖅᑲᕐᔪᐊᓪᓗ ᑎᓕᓯᓂᖓ ᒪᓕᒡᓗᒍ ᒥᓪᓗᕐᐹᑦ ᐊᑕᓂᐅᑉ ᐃᒡᓗᖓᑕ ᓯᓚᓪᓕᐅᔭᖓᓂᑦ.

ᔨᕆᒤᐊᐅᑉ ᐊᒡᓚᖏᑦ 26:23

ᔪᕅᐊᓗ ᑎᒍᕚᑦ ᐄᑦᔨᑉᑎᒥᑦ ᐅᑎᐅᑎᓪᓗᒍᓗ ᐊᖓᔪᖅᑳᕐᔪᐊᒧᑦ ᔨᕼᐅᐃᐊᑭᒧᑦ, ᑖᑦᓱᒪᓗ ᑐᖁᑕᐅᑎᑉᐹ, ᑎᒥᖓᓗ ᐃᓗᕕᕐᑕᐅᑎᓪᓗᒍ ᐃᓄᑐᐃᓐᓇᕐᓄᑦ ᐃᓗᕕᕐᓯᕕᖕᒧᑦ.)

ᐊᑕᓃᑦ ᓯᕗᓪᓖᑦ 19:10

ᑭᐅᕚᓗ, “ᐊᒃᓱᕉᑎᕾᓐᓇᕐᐳᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᐃᓴᕆᐊᓕᒥᐅᑦ ᐃᓄᖏᑕ ᐊᖏᖃᑎᒌᒍᑎᒋᓯᒪᔧᑦ ᕿᒪᒃᓯᒪᓕᕐᒪᑦᔪᒃ, ᑐᓂᕐᕈᓯᕐᕕᖁᑎᑎᓪᓗ ᓯᖁᒥᑉᐰᑦ, ᐅᖃᕐᑎᑎᓪᓗ ᑐᖁᕌᕐᐰᑦ ᓴᕕᒡᔪᐊᒧᑦ; ᐅᕙᖓᓗ, ᐅᕙᖓᑐᐊᖅ, ᐊᒥᐊᒃᑯᑑᕗᖓ, ᐅᕙᓐᓂᒡᓗ ᕿᓂᓕᕐᐳᑦ ᑐᖁᑦᓯᔪᒪᓪᓗᑎᒃ.”

ᐊᑕᓃᑦ ᐂᑉᐸᖏᑦ 1:8

ᑖᒃᑯᐊ ᑭᐅᕚᑦ, “ᐊᖑᑦ ᑍᓐᓇ ᐊᓐᓄᕌᕐᓯᒪᔪᖅ ᒥᖅᑯᓕᖕᓂᒃ, ᑕᑦᓯᖃᕐᑐᖅ ᐊᒥᕕᓂᕐᒥᒃ.” ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐃᓔᑦᔭᐅᕗᖅ ᑎᔅᐰᑎᒥᐅᑕᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 7:52

ᓇᓚᐅᑦᑍᔪᑦ ᓇᓪᓕᐊᑦ ᓯᕗᓕᕕᓂᑦᓯᓐᓂᑦ ᐊᑭᕋᕐᑐᕐᑕᐅᓚᐅᓐᖏᓛᖅ? ᑐᖁᑕᐅᓚᐅᕐᐳᑦ ᑍᒃᑯᐊ ᓯᕗᓂᖓᓂ ᐅᖃᐅᓯᒃᓴᖅᑲᕐᑎᑕᐅᓚᐅᕐᑐᑦ ᑎᑭᑦᓱᒫᕐᑐᒥᒃ ᓇᓛᒎᕐᑐᒥᒃ ᒎᑎᐅᑉ ᐱᔨᖓᓂᒃ, ᑖᓐᓇ ᐱᔭᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:3

ᓇᓗᓁᕐᓯᔩᒃᑲᒡᓗ ᒪᕐᕉᒃ ᑎᓕᔪᒫᕐᐹᒃᑲᒃ ᐳᑐᕐᓛᓂᒃ ᐊᓐᓄᕌᕐᓯᒪᔫᒃ; ᐅᖃᐅᓯᐅᖁᔭᐅᔪᓂᒃ ᐅᖃᓪᓚᖁᓪᓗᒋᒃ ᐅᓪᓗᑦ 1,260 ᓈᓗᒋᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:10

ᑍᒤᒻᒪᑦ ᙭ᔅᑑᓯ ᐱᓪᓗᒍ, ᑕᕝᕙ ᓈᒻᒪᒃᓴᕐᐳᖓ ᓴᓐᖐᓐᓂᓐᓂᒃ, ᐅᖃᕐᓂᕐᓘᑎᒋᔭᐅᓂᕐᓂᒃ, ᐅᖁᒤᒃᓴᕐᑎᑕᐅᓂᕐᓂᒃ, ᐊᑭᕋᕐᑐᕐᑕᐅᓂᕐᓂᒃ, ᐊᒃᓱᕈᓐᓇᕐᑐᓂᒡᓗ; ᓴᓐᖐᑦᑑᓕᕌᖓᒪᓕ, ᐱᔪᓐᓇᕐᓂᖃᕐᓂᕐᓴᐅᓕᕐᐸᒃᐳᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 14:19

ᔫᑎᑦ ᐊᓐᑎᐅᑭᐊᒥᑦ ᐱᓯᑎᐊᒦᑦᑐᒥᑦ ᐂᑯᓂᐊᒥᓪᓗ ᑎᑭᑉᐳᑦ; ᐃᓄᐃᑦ ᐃᒻᒥᒃᑎᑐᑦ ᐃᓱᒪᑖᕐᑎᑦᓴᕇᕋᒥᒋᑦ, ᐸᐅᓗᓯ ᒥᓪᓗᕐᐹᑦ ᐅᔭᖅᑲᓄᑦ ᐅᓂᐊᕐᓗᒍ ᓄᓇᓖᑦ ᓯᓚᑖᓄᑦ, ᑐᖁᓇᓱᒋᓪᓗᒍ.

ᓘᑲᓯᐅᑉ ᐊᒡᓚᖏᑦ 13:34

“ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ ᐅᔭᖅᑲᓄᑦ ᒥᓪᓗᕐᑐᑎᑦ ᓇᓚᐅᑦᑍᔪᓂᒃ! ᐅᓄᕐᑐᐃᕐᓱᕐᓗᖓ ᐃᓄᒋᔭᑎᑦ ᐃᕿᑦᓱᒪᑲᑦᑕᓚᐅᕋᓗᐊᕐᐸᒃᑲ ᓲᕐᓗ ᐊᕿᒡᒋᐅᔭᐅᑉ ᕿᑐᕐᖓᓂ ᐃᓴᕈᕐᒥ ᐊᑖᓄᑦ ᑲᑎᑎᑕᖏᑎᑐᑦ, ᑍᒤᑕᐅᔪᒪᓚᐅᓐᖏᓚᓯᓕ!

ᒫᑎᐅᓯᐅᑉ ᐊᒡᓚᖏᑦ 21:35

ᐱᕈᕐᓰᕕᖕᒥᒡᓕ ᑲᒪᔩᑦ ᐱᖁᑎᓕᐅᑉ ᐱᔨᖏᑦ ᑎᒍᕔᑦ, ᐃᓚᖓᑦ ᐋᓐᓂᕐᓯᕐᐹᑦ, ᐃᓚᖓᑦ ᑐᖁᓪᖢᒍ, ᐃᓚᖓᓪᓗ ᐅᔭᖅᑲᓄᑦ ᒥᓪᓗᕐᐹᑦ.

ᒫᑎᐅᓯᐅᑉ ᐊᒡᓚᖏᑦ 8:20

ᔩᓱᓯᐅᑉ ᑭᐅᕚ, “ᑎᕆᒐᓂᐊᑦ ᓯᑎᖃᕐᐳᑦ, ᑎᖕᒥᐊᓪᓗ ᐅᓪᓗᖃᕐᐳᑦ, ᐃᓅᓪᓕ ᐃᕐᓂᖓ ᓇᓪᓚᖓᕕᒃᓴᖃᓐᖏᓚᕐᓘᓐᓃᑦ ᑕᕾᕐᓯᕐᕕᒃᓴᒥᒃ.”

ᒫᑎᐅᓯᐅᑉ ᐊᒡᓚᖏᑦ 3:4

ᔪᐊᓇᓯ ᐊᓐᓄᕌᖃᓚᐅᕐᐳᖅ ᑳᒥᓕᐅᑉ ᒥᖅᑯᖓᓂᒃ; ᑕᑦᓯᕈᑎᖃᕐᓗᓂ ᐊᒥᕕᓂᕐᒥᒃ, ᓂᕿᖃᕐᓗᓂᓗ ᐱᒡᓕᕐᑕᓂᒃ ᐃᒍᑦᑍᓪᓗ ᓰᕐᓇᐅᑎᖏᓐᓂᒃ.

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᔨᕆᒤᐊᐅᑉ ᐊᒡᓚᖏᑦ 2:30

ᓱᒋᐊᕋᓗᐊᕋᑦᓯ, ᓱᒋᐊᕐᑕᐅᑦᔪᑎᓯ ᐋᖅᑭᒋᐊᕈᑎᒋᓐᖏᓚᓯ, ᓴᕕᒡᔪᐊᑦᓯᓐᓄᑦ ᐱᔪᖃᓛᕐᑐᒥᒃ ᐅᖃᕐᑎᖁᑎᓯ ᑐᖁᑉᐸᓯ ᓛᔭᑎᑐᑦ ᐃᕐᓯᓵᕐᑐᑎᑐᑦ.

ᐊᑕᓃᑦ ᓯᕗᓪᓖᑦ 21:10

ᐊᖑᑏᖕᓂᒃ ᒪᕐᕉᖕᓂᒃ ᐊᕙᑖᓄᑦ ᐃᖏᑎᑦᓯᓗᓯ, ᐊᑭᕋᕐᑐᕐᓂᐊᕐᑑᖕᓂᒃ ᑖᑦᓱᒥᖓ ᓱᓕᖏᑦᑐᒥᒃ, ᐅᖃᕐᓂᕐᓘᑎᖃᕐᑐᒃᓵᖕᓂᒃ ᐅᖃᕐᓗᑎᒃ, ‘ᒎᑎᒥᒃ ᐊᖓᔪᖅᑳᕐᔪᐊᒥᒡᓗ ᐅᖃᕐᓂᕐᓘᑎᖃᓚᐅᕐᐳᑎᑦ.’ ᐊᓐᓂᓯᓗᒍ, ᐅᔭᖅᑲᓄᑦ ᒥᓪᓗᕆᐊᕐᑐᕐᓯᐅᒃ ᑐᖁᓪᓗᒍ.”

ᐊᑕᓃᑦ ᓯᕗᓪᓖᑦ 19:14

ᑭᐅᕗᖅ, “ᐊᒃᓱᕉᑎᕾᓐᓇᕐᐳᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᐃᓴᕆᐊᓕᒥᐅᑦ ᐃᓄᖏᑕ ᐊᖏᕈᑎᒋᓯᒪᔧᑦ ᕿᒪᒃᓯᒪᓕᕐᒪᑦᔪᒃ, ᑐᓂᕐᕈᓯᕐᕕᖁᑎᑎᓪᓗ ᓯᖁᒥᑉᐰᑦ, ᐅᖃᕐᑎᑎᓪᓗ ᑐᖁᕌᕐᐰᑦ ᓴᕕᒡᔪᐊᒧᑦ. ᐅᕙᖓᓗ, ᐅᕙᖓᑐᐊᖅ, ᐊᒥᐊᒃᑯᑑᕗᖓ, ᐅᕙᓐᓂᒡᓗ ᕿᓂᓕᕐᐳᑦ ᑐᖁᑦᓯᔪᒪᓪᓗᑎᒃ.”

ᐊᑕᓃᑦ ᓯᕗᓪᓖᑦ 19:1

ᐂᕼᐊᐱᐅᑉ ᔨᔨᐱᐅᓪ ᐅᓂᒃᑲᐅᑎᕚ ᐃᓔᑦᔭᐅᑉ ᐱᓂᐊᕐᓂᕆᓚᐅᕐᑕᓕᒫᖓᓂᒃ, ᖃᓄᕐᓗ ᓴᕕᒡᔪᐊᒧᑦ ᑐᖁᕅᓂᕆᓚᐅᕐᑕᖓᓂᒃ ᐅᖃᕐᑎᓕᒫᖏᓐᓂᒃ.

ᐊᑕᓃᑦ ᓯᕗᓪᓖᑦ 18:13

ᑐᓴᓚᐅᓐᖏᓚᑏᑦ? ᐊᖓᔪᖅᑳᒃ ᖃᓄᐃᓕᐅᓚᐅᕐᒪᖔᕐᒪ ᔨᔨᐱᐅᓪ ᑐᖁᕅᑎᓪᓗᒍ ᐊᑕᓂᐅᑉ ᐅᖃᕐᑎᖏᓐᓂᒃ, ᐃᔨᕐᓯᓚᐅᕋᒪ ᐊᑕᓂᐅᑉ ᐅᖃᕐᑎᖏᓐᓂᒃ 100ᓂᒃ, ᕾᕈᓱᖕᒧᐊᕐᑎᓚᐅᕐᐸᒃᑲ 50ᐅᓈᕐᑎᕐᓗᒋᑦ, ᓂᕆᑎᓪᓗᒋᓪᓗ ᓂᐊᖂᔭᒥᒃ ᐃᒥᕐᑎᓪᓗᒋᓪᓗ.

ᐊᑕᓃᑦ ᓯᕗᓪᓖᑦ 18:4

ᔨᔨᐱᐅᓪ ᑐᖁᕅᑎᓪᓗᒍ ᐊᑕᓂᐅᑉ ᐅᖃᕐᑎᖏᓐᓂᒃ, ᐅᐸᑍᐊ ᑎᒍᓯᓚᐅᕐᐳᖅ ᐅᖃᕐᑎᖏᓐᓂᒃ 100ᓂᒃ ᐃᔨᕐᑎᓪᓗᒋᓪᓗ 50ᐅᓈᕐᑎᕐᓗᒋᑦ ᕾᕈᓱᖕᒧᑦ, ᓂᕆᑎᖃᑦᑕᓚᐅᕐᐰᑦ ᓂᐅᖂᔭᒥ ᐃᒥᕐᑎᖃᑦᑕᕐᓗᒋᓪᓗ.)

ᓴᒧᐃᓕ ᐂᑉᐸᖏᑦ 12:31

ᐃᓄᖏᓪᓗ ᑕᕝᕙᓃᑦᑐᑦ ᓴᓇᑎᓕᓚᐅᕐᐰᑦ ᑭᓪᓘᑎᓄᑦ, ᓴᕕᕋᔭᖕᓄᓪᓗ ᐃᑎᕐᓴᓕᐅᕈᑎᓄᑦ, ᓴᕕᕋᔭᖕᓄᓪᓗ ᐅᓕᒪᐅᑎᓄᑦ, ᐃᖅᑲᓁᔭᓕᕐᑎᓪᓗᒋᑦ ᐅᔭᕋᖕᓂᒃ ᑭᒃᐹᕆᒃᑐᓕᐅᕐᑎᓪᓗᒋᑦ ᐊᕙᓗᕐᔪᐊᒃᓴᒧᑦ; ᑍᒫᑦᓮᓐᓇᖅ ᐱᓂᐊᕐᑎᓚᐅᕐᐰᑦ ᐊᒧᓁᑎᒥᐅᓕᒫᑦ ᓄᓇᓖᑦ ᖃᓂᒋᔭᖓᓃᑦᑐᑦ. ᑭᖑᓂᖓᒍᑦ ᑍᕕᑎ ᐃᓄᖁᑎᓕᒫᓂ ᐃᓚᒋᓪᓗᒋᑦ ᐅᑎᕐᐳᑦ ᔨᕉᓴᓕᒧᑦ.

ᐊᑕᓃᑦ ᓯᕗᓪᓖᑦ 19:13

ᐃᓔᑦᔭᐅᓪᓗ ᑐᓴᕋᒥᐅᒃ, ᑮᓇᓂ ᐃᒻᒧᓯᕐᐹ ᐅᓕᒡᔪᐊᒥᓄ ᐊᓂᓪᓗᓂᓗ ᕾᕈᓲᑉ ᐃᑎᕆᐊᕐᕕᖓᓄᑦ. ᑕᑯᒋᓪᓗ, ᓂᐱᒧᑦ ᑎᑭᑕᐅᕗᖅ, ᐅᖃᕐᑐᒧᑦ, “ᐃᓔᑦᔮ ᑕᒫᓂ ᖃᓄᐃᑉᐱᑦ?”

ᐊᑕᓃᑦ ᓯᕗᓪᓖᑦ 19:19

ᑕᕝᕙ ᑕᕝᕙᓐᖓᑦ ᐊᐅᓪᓚᕐᐳᖅ, ᐃᓔᓴᓗ ᓇᓂᕚ ᓴᕚᑎᐅᑉ ᐃᕐᓂᖓ, ᓄᓇᒥᒃ ᐃᑎᕐᓴᑯᑖᓕᐅᕆᔪᖅ 12ᐅᓕᖅᑲᖓᔪᓄᑦ ᐃᒻᒧᒃᓯᐅᒐᕐᓄᑦ, ᑖᑦᓱᒪ ᓯᕗᓂᖓᓃᑉᐳᑦ 11 ᑖᓐᓇᓗ 12ᖓᓃᑉᐳᖅ. ᐃᓔᑦᔭᐅᑉ ᓴᓂᖅᑯᓕᕋᒥᐅᒃ ᐅᓕᒡᔪᐊᓂ ᐲᕐᓗᓂᐅᒃ ᑖᑦᓱᒧᖓ ᐃᒋᑉᐹ.

ᐊᑕᓃᑦ ᐂᑉᐸᖏᑦ 2:8

ᐃᓔᑦᔭᐅᑉ ᐅᓕᓂ ᐲᕐᐹ, ᐃᒧᓚᐅᕐᓗᒍ, ᐃᒪᖅ ᑖᑦᓱᒧᖓ ᑏᒐᕐᐹ, ᑎᒐᕐᒪᒍᓗ ᐃᒪᖅ ᐊᕙᒻᒧᑦ ᐃᕐᐸᕐᐳᖅ, ᐃᕐᐸᕐᒪᑦ ᑖᒃᑯᐊᒃ ᐃᒤᕐᓯᓐᓂᖓᒍᑦ ᓴᓗᐊᖓᔪᒃᑯᑦ ᑰᑉ ᐊᑭᐊᓄᑦ ᐃᑳᕐᐴᒃ.

ᐊᑕᓃᑦ ᐂᑉᐸᖏᑦ 2:13

ᐃᓔᑦᔭᐅᑉ ᐅᓕᓂ ᑲᑍᓐᓂᕐᒪᒍ ᑎᒍᓪᓗᒍ ᐅᑎᓕᕐᐳᖅ. ᔫᑕᓂ ᑎᑭᓐᓇᒥᐅᒃ ᑰᑉ ᓯᓈᓂ ᓇᖏᓕᕐᐳᖅ.

ᑯᕉᓂᑲ ᓯᕗᓪᓖᑦ 20:3

ᐃᓄᖏᓪᓗ ᑕᕝᕙᓃᑦᑐᑦ ᑎᒍᕔᑦ, ᐱᓇᓱᐊᕐᑎᓕᕐᓗᒋᓪᓗ ᑭᓪᓘᑎᓄᑦ, ᓴᕕᕋᔭᖕᓄᓪᓗ ᓄᓇᓕᕆᑦᔪᑎᓄᑦ, ᐅᓕᒪᐅᑎᓄᓪᓗ; ᑍᕕᑎᐅᑉ ᐃᒡᓗᒐᓴᓕᒫᑦ ᑍᒫᒃ ᐱᓂᐊᕐᕕᒋᕔᑦ ᐊᒧᓁᑎᒥᐅᓪᓗ. ᑕᕝᕙ ᑍᕕᑎᓗ ᐃᓄᖁᑎᓕᒫᖏᓪᓗ ᔨᕉᓴᓕᒧᑦ ᐅᑎᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 13:4

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᓇᓚᐅᑦᑍᔨᓕᒫᑦ ᑲᓐᖑᓲᑎᖃᓕᕈᒫᕐᐳᑦ ᓇᓚᐅᑦᑍᓂᒃᑯᑦ ᑕᑯᓯᒪᔭᒥᖕᓂᒃ. ᓇᓚᐅᑦᑍᔩᓪᓗ ᐊᓐᓄᕌᖏᓐᓂᒃ ᐆᒪᔪᐃᑦ ᒥᖁᖏᓐᓂᒃ ᓂᕈᒥᖏᑦᑐᓂᒃ ᐊᑐᕈᒪᔪᓐᓁᕈᒫᕐᐳᑦ, ᐅᐃᕕᕆᒃᓯᑦᔪᑎᒥᖕᓂᒃ.

ᐄᑉᕈᐃᓄᑦ 11:25

ᒎᑎᐅᓪᓕ ᐃᓄᖁᑎᖏᑦᑕ ᐱᑦᓯᐊᕐᑕᐅᖏᓐᓂᖏᓐᓄᑦ ᐃᓚᐅᖔᕈᒪᓚᐅᕐᐳᖅ, ᐊᓐᓂᕆᓂᕐᓴᕆᓪᓗᒍ ᐊᔪᕐᓂᕐᒥᒃ ᖁᕕᐊᓲᑎᖃᕋᓱᐊᕐᓂᕐᒥᑦ ᐊᓂᒍᕐᓴᕅᑦᑐᒥᑦ.

ᐄᑉᕈᐃᓄᑦ 13:3

ᑎᒍᔭᐅᒪᔪᑦ ᐃᖅᑲᐅᒪᓯᒋᒃ, ᑎᒍᔭᐅᓯᒪᖃᑎᒋᔭᑦᓯᑐᑦ ᐱᓗᒋᑦ; ᐱᑦᓯᐊᕐᑕᐅᖃᑦᑕᖏᑦᑐᓪᓗ, ᐃᖅᑲᐅᒪᓯᒋᒃ ᑎᒥᒥᑦᑕᐅᖅ ᐃᓅᖕᒥᒐᑦᓯ.