ᐄᑉᕈᐃᓄᑦ 11:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐅᒃᐱᕐᓂᑯᑦ ᐃᓴᕆᐊᓕᒥᐅᑦ ᐃᑳᕈᓐᓇᓚᐅᕐᐳᑦ ᐃᒪᒃᑯᑦ ᐊᐅᐸᓗᒃᑕᒃᑯᑦ ᓄᓇᑐᑦ ᐸᓂᕐᑐᒃᑯᑦ ᐃᖏᕐᕋᔪᑎᑐᑦ; ᐄᑦᔨᑉᑎᒥᐅᑦᑕᐅᖅ ᐆᒃᑐᕋᓱᐊᓚᐅᕋᓗᐊᕐᐳᑦ, ᐃᒪᕐᔪᐊᕐᒥᓕ ᐃᐱᓚᐅᕐᐳᑦ.

ᐄᑉᕈᐃᓄᑦ 11:29 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 9:11

ᐃᒪᖅ ᐊᕕᒃᑎᓪᓗᒍ ᐃᓄᖁᑎᑎᑦ ᐊᖅᑯᓯᓚᐅᕐᐸᑎᑦ, ᐃᒪᐅᓚᐅᕐᑐᒃᑯᑦ ᑕᓯᐅᓚᐅᕐᐸᑎᑦ ᓄᓇᒃᑯᑦ ᐸᓂᕐᑐᒃᑯᑦ; ᑍᒃᑯᐊᓗ ᐊᑭᕋᕐᑐᕐᑐᑦ ᐃᐱᓚᐅᕐᐳᑦ ᐃᒫᓂ, ᐅᔭᕋᒃᑎᑐᑦ ᑭᕕᓚᐅᕐᐳᑦ ᐃᒪᕐᔪᐊᕐᒥ.

ᐃᓐᖏᕈᑎᑦ 66:6

ᐃᒪᕐᔪᐊᖅ ᓄᓇᓐᖑᕐᑎᓚᐅᕐᐹ ᓴᓗᐊᒪᓕᕐᓗᓂ; ᐃᓄᐃᑦ ᐱᓱᒡᓗᑎᒃ ᑰᖕᒥᒃ ᐃᑳᓚᐅᕐᐳᑦ. ᑍᑲᓂ ᖁᕕᓱᖃᑎᒌᒍᑎᒋᕙᕗᑦ ᐱᓇᓱᐊᕐᓯᒪᓂᖓ ᐱᓪᓗᒍ.

ᐃᓐᖏᕈᑎᑦ 78:13

ᐃᒪᕐᕕᒃ ᐊᕕᓚᐅᕐᐹ, ᑕᒪᐅᓇᓗ ᑕᓯᐅᕐᓗᒋᑦ ᐊᓂᒍᐃᑎᓚᐅᕐᐰᑦ; ᐃᒪᕐᓗ ᕿᑲᕐᑎᓚᐅᕐᐹ ᓇᖏᕐᑐᑐᑦ ᐳᕐᑐᓯᓯᒪᓪᓗᓂ.

ᒨᓯᓯ ᐂᑉᐸᖏᑦ 14:13

ᒨᓯᓯᐅᑉ ᑭᐅᕔᑦ, “ᑲᑉᐱᐊᓱᖏᓪᓗᓯ ᓱᕐᕋᒃᑍᓕᒋᑦᓯ ᑕᑯᓂᐊᕐᐳᓯ ᐊᑕᓂᐅᑉ ᓴᐳᑦᔨᓂᖓᓂᒃ ᐃᓕᑦᓯᓐᓂᒃ ᐅᓪᓗᒥ. ᑖᒃᑯᐊ ᐄᑦᔨᑉᑎᒥᐅᑦ ᑕᑯᒃᑲᓐᓂᕈᓐᓇᕐᓂᐊᓐᖏᓚᓯ.

ᒨᓯᓯ ᐂᑉᐸᖏᑦ 14:22

ᐃᓴᕆᐊᓕᒥᐅᑦ ᐃᒪᐅᖅᑲᐅᔫᒐᓗᐊᒃᑯᑦ ᐃᑳᓕᕐᐳᑦ ᓴᓗᐊᖓᑦᓯᐊᕐᑐᒃᑰᕐᓗᑎᒃ. ᐃᒫᓗᒡᓗ ᐊᑭᓐᓇᓕᐅᑎᓯᒪᕗᖅ ᐊᕙᑖᑦᑎᒍᑦ ᐃᒡᓗᒃᑐᑦ.

ᒨᓯᓯ ᐂᑉᐸᖏᑦ 14:27

ᐊᓱᐃᓛᒃ ᒨᓯᓯᐅᑉ ᑕᓕᓂ ᐃᓵᒃᐹ ᐃᒪᐅᑉ ᖁᓛᓄᑦ, ᖃᐅᒻᒪᓕᕐᑎᓪᓗᒍᓗ ᐃᒪᖅ ᐅᑎᕐᐳᖅ ᐃᓕᖅᑯᓯᕆᕙᒃᑕᒥᑐᑦ. ᐄᑦᔨᑉᑎᒥᐅᓪᓗ ᕿᒫᓇᓱᒃᑲᓗᐊᕐᑎᓪᓗᒋᑦ ᐃᒫᓂᑦ ᐊᑕᓂᐅᑉ ᐃᒫᓄᑦ ᐱᔭᐅᒃᑲᕐᐰᑦ.

ᔮᓱᐊᑉ ᐊᒡᓚᖏᑦ 2:10

ᑐᓴᐅᒪᒐᑦᑕ ᐊᑕᓂᐅᑉ ᐃᒪᖅ ᐊᐅᐸᓗᒃᑕᖅ ᓴᓗᐊᕐᑎᓚᐅᕐᒪᒍ ᐊᐅᓪᓚᕐᑎᓪᓗᓯ ᐄᑦᔨᑉᑎᒥᑦ, ᑐᓴᓚᐅᕆᕗᒍᑦᑕᐅᖅ ᑐᖁᕅᓂᕆᓚᐅᕐᑕᑦᓯᓐᓂᒃ ᓮᕼᐆᓂᒥᐅᓂᒃ ᐋᒡᒥᐅᓂᒡᓗ ᑖᒃᑯᐊᓗ ᐊᖓᔪᖅᑳᕐᔪᐊᒃ ᒪᕐᕉᒃ ᐊᒧᕅᑎᒥᐅᑕᖅ ᐋᒡᒥᐅᑕᕐᓗ ᑐᖁᕋᕐᑕᐅᓚᐅᕐᓂᖏᓐᓂᒃ ᓄᖑᑕᐅᓪᓗᑎᒃ ᔪᐊᕐᑕᓂᐅᑉ ᐅᖓᑖᓂ.