ᐄᑉᕈᐃᓄᑦ 11:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᒨᓯᓯᑕᐅᖅ ᐅᒃᐱᕐᓂᑯᑦ, ᐊᖓᔪᖅᑳᖏᓐᓂᑦ ᐃᕐᓂᐊᖑᕋᑖᕐᑎᓪᓗᒍ ᐃᔨᕐᑐᐊᖑᓚᐅᕐᐳᖅ ᑕᖅᑭᓂᒃ ᐱᖓᓱᓂᒃ, ᑕᑯᓪᓗᒍ ᐱᐅᒋᓗᐊᕋᒥᑦᔪᒃ; ᐊᖓᔪᖅᑳᕐᔪᐊᑉ ᐱᖁᔭᖓᓂᒃ ᒪᓕᖏᒃᑲᓗᐊᕈᑎᒃ ᓯᕘᕋᔪᓐᓃᓚᐅᕐᐴᒃ.

ᐄᑉᕈᐃᓄᑦ 11:23 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 1:22

ᐊᓱᐃᓛᒃ ᐊᖓᔪᖅᑳᕐᔪᐊᖅ ᐃᓄᖁᑎᒥᓄᑦ ᐊᑐᕐᑕᐅᖁᔭᒥᓂᒃ ᑐᓴᕐᑎᑦᓯᓕᕐᐳᖅ ᐃᒫᒃ, “ᐄᑉᕉᒥᐅᑦ ᕿᑐᕐᖓᕐᑖᕌᖓᑕ ᓄᑲᑉᐱᐊᓂᒃ ᑰᖕᒧᑦ ᓁᓕᒧᑦ ᐃᒋᖃᑦᑕᕐᓂᐊᕐᐸᓯ, ᐊᕐᓇᐅᓂᖏᓪᓕ ᑕᒪᕐᒥᒃ ᐆᒪᑎᖃᑦᑕᕐᓗᒋᑦ.”

ᒨᓯᓯ ᐂᑉᐸᖏᑦ 1:16

ᐄᑉᕉᒥᐅᑦ ᐊᕐᓇᖏᓐᓂᒃ ᐃᕐᓂᓱᒃᓰᖃᑕᐅᔭᕌᖓᑦᓯᒃ ᕿᑐᕐᖓᕐᑖᖏᑦ ᑐᖁᑉᐸᖕᓂᐊᕐᐸᓯᒃ ᐊᖑᑕᐅᔭᕌᖓᑕ, ᐊᕐᓇᐅᔭᕌᖓᑕᓕ ᐆᒪᑎᑉᐸᒡᓗᒋᑦ.

ᐄᑉᕈᐃᓄᑦ 13:6

ᑍᒤᒻᒪᑦ ᖁᓚᖏᓪᓗᑕ ᐅᖃᕈᓐᓇᕐᐳᒍᑦ, “ᐊᑕᓂᖅ ᐃᑲᔪᕐᑎᒋᒐᒃᑯ, ᐃᕐᓯᓂᐊᓐᖏᓚᖓ; ᐃᓄᖕᓄᑦ ᖃᓄᐃᓕᐅᕐᑕᐅᔪᓐᓇᕐᓂᐊᖏᓚᖓ.”

ᒫᑎᐅᓯᐅᑉ ᐊᒡᓚᖏᑦ 10:28

ᓯᕘᕋᒋᓂᐊᕋᓯᒋᒃ ᑎᒥᒥᒃ ᑐᖁᑦᓯᔪᑦ ᑕᕐᓂᕐᒥᒡᓕ ᑐᖁᑦᓯᔪᓐᓇᖏᑦᑐᑦ; ᓯᕘᕋᒋᓯᐅᒃᓕ, ᑕᒤᓐᓂᒃ ᐊᓯᕈᐃᔪᓐᓇᕐᑐᖅ ᑎᒥᒥᒃ ᑕᕐᓂᕐᒥᒡᓗ ᐃᑯᒪᕐᔪᐊᕐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 7:20

ᑕᒪᓐᓇ ᓇᓪᓕᐅᑎᓯᒪᑎᓪᓗᒍ ᒨᓯᓯ ᐃᓅᓕᓚᐅᕐᐳᖅ, ᐃᓂᖁᓇᕐᑐᒻᒪᕆᐅᓪᓗᓂ ᓄᑕᕋᐅᓚᐅᕐᐳᖅ, ᐊᖏᕐᕋᒥᓂ ᑲᒪᒋᔭᐅᓚᐅᕐᐳᖅ ᑕᖅᑭᓂᒃ ᐱᖓᓱᓂᒃ;

ᐂᓮᐊᓯᐅᑉ ᐊᒡᓚᖏᑦ 41:14

ᑲᑉᐱᐊᓱᒃᑍᓕᒋᑦ ᓱᓇᐅᔪᕆᖏᓐᓂᕐᒧᑦ ᓴᓐᖐᑦᑑᒐᓗᐊᕈᕕᑦ ᔧᑰᑉ ᑭᖑᕚᖓ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ! ᐅᕙᖓ ᐃᑲᔪᕐᓂᐊᕐᐸᑦᓯ, ᐊᑕᓂᖅ ᐅᖃᕐᐳᖅ; ᓴᐳᑦᔨᔨᓯ ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐃᓐᖏᕈᑎᑦ 118:6

ᐊᑕᓂᖅ ᓴᓂᓐᓃᒻᒪᑦ ᐃᕐᓯᓂᐊᓐᖏᓚᖓ; ᖃᓄᖅ ᐃᓄᖕᓄᑦ ᐱᓂᐊᕐᕕᐅᔪᓐᓇᕐᐳᖔ?

ᑖᓂᐊᓕᐅᑉ ᐊᒡᓚᖏᑦ 6:10

ᑖᓂᐊᓕᓕ ᖃᐅᔨᒐᒥ ᐱᖁᔭᖅ ᐋᖅᑭᒃᑕᐅᔭᕇᕐᒪᑦ, ᐊᖏᕐᕋᕐᐳᖅ ᒪᔪᕋᕐᓗᓂᓗ ᐃᒡᓗᕈᓯᕐᒥᓄᑦ, ᐃᒐᓛᕐᒧᑦ ᔨᕉᓴᓕᒧᑦ ᓵᖓᔪᒧᑦ, ᓰᖅᑯᕐᓗᓂᓗ ᑐᒃᓯᐊᕐᐸᒃᐳᖅ ᐅᓪᓗᖅ ᐱᖓᓱᐃᕐᓱᕐᓗᒍ, ᖁᔭᓕᓪᓗᓂᓗ ᒎᑎᒥᓄᑦ ᑍᒫᒃ ᐱᐅᓯᕆᕙᒃᑕᒥᑐᑦ.

ᐂᓮᐊᓯᐅᑉ ᐊᒡᓚᖏᑦ 51:12

ᐅᕙᖓ, ᑖᓐᓇᐅᕗᖓ ᓮᒻᒪᕐᑎᑦᓯᔪᖅ ᐃᓕᑦᓯᓐᓂᒃ; ᓱᖕᒪᑦ ᓯᕘᕋᕕᑦ ᐃᓄᖕᒥᒃ ᑐᖁᕙᒃᑐᒥᒃ, ᐃᓅᑉ ᐃᕐᓂᖓᓂᒃ ᐃᕕᒃᓱᒐᕐᑎᑐᑦ ᑍᒤᑦᑐᒥᒃ,

ᐂᓮᐊᓯᐅᑉ ᐊᒡᓚᖏᑦ 51:7

ᓈᓚᒃᓯᓐᖓ ᓇᓛᒎᕐᓂᕐᒥᒃ ᖃᐅᔨᒪᔪᓯ, ᐱᖁᔭᓐᓂᒡᓗ ᐆᒻᒪᒻᒥᐅᑕᖃᕐᑐᓯ; ᓯᕗᕋᑦᑍᓕᒋᑦᓯ ᐸᓯᒃᓯᕐᑐᓂᒃ, ᕿᒃᓵᒍᑎᖃᕐᓂᐊᕋᓯᓗ ᒥᑕᐅᑎᖃᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐃᓐᖏᕈᑎᑦ 56:4

ᒎᑎᐅᑉ, ᑖᑦᓱᒪ ᐅᖃᐅᓯᖓ ᓂᕐᑐᕐᐸᕋ, ᒎᑎ ᑕᑎᒋᒐᒃᑯ ᑲᑉᐱᐊᓱᖕᓂᐊᓐᖏᓚᖓ. ᐃᓅᑉ ᑎᒥᖃᕐᑑᑉ ᖃᓄᐃᓕᐅᕈᓐᓇᕐᐹᖓ?